តើលោកអ្នកគិតថា វាជាសំឡេងអ្វីឱ្យប្រាកដ នៅពេលអ្នកវិទ្យាសាស្ត្របានឮសំឡេងអាថ៌កំបាំងចេញពីបាតមហាសមុទ្រដ៏ជ្រៅបំផុតលើពិភពលោក ។ កាលពីឆ្នាំ២០១៤ អ្នកវិទ្យាសាស្ត្រមួយក្រុមបានឮសូរសំឡេងយ៉ាងចម្លែកចេញពីបាតសមុទ្រ Mariana ដែលជាចំណុចនៃមហាសមុទ្រជ្រៅបំផុតលើពិភពលោក និងស្ថិតនៅភាគខាងកើតកោះកួម (Guam) ។

ជាទូទៅ ម៉ាស៊ីនថតសំឡេងនឹងត្រូវបញ្ជូនទៅកាន់ចំណុចផ្សេងៗរបស់បាតសមុទ្រដែលមានជម្រៅរហូតដល់១ពាន់ម៉ែត្រ ដើម្បីថតសំឡេងត្រីបាឡែន ហើយវាតែងតែថតបានសំឡេងប្លែកៗជានិច្ច ។ ពេលមួយ ម៉ាស៊ីនថតសំឡេងបានថតជាប់សំឡេងអាថ៌កំបាំងមួយនៅបាតសមុទ្រជ្រៅបំផុតលើពិភពលោក ដែលសំឡេងនេះមានរយៈពេល៣.៥វិនាទី ហើយអ្នកវិទ្យាសាស្ត្រដាក់ឈ្មោះសំឡេងអាថ៌កំបាំងនេះថា «Western Pacific Biotwang» ។

ចំណែកពាក្យថា Biotwang គឺបានមកពីការបញ្ចូលគ្នារបស់ពាក្យ Bio+Twang ។ ពាក្យ «Bio» មានន័យថា ៖ សត្វមានជីវិត ខណៈពាក្យ «Twang» មានន័យថា ៖ សំឡេងខ្លាំងចេញពីតន្ត្រី ។ ពេលនោះ ក្រុមអ្នកវិទ្យាសាស្ត្រពុំដឹងថា តើវាជាសំឡេងអ្វីឱ្យប្រាកដ? ពីព្រោះពេលស្តាប់សំឡេងនេះហើយ គឺដូចគ្នានឹងសំឡេងរបស់មនុស្សយន្ត, សំឡេងម៉ាស៊ីន ឬសំឡេងអេលៀនមនុស្សក្រៅភព ។

ក្រុមអ្នកវិទ្យាសាស្ត្រមកពីសាកលវិទ្យាល័យរដ្ឋ Oregon សហរដ្ឋអាមេរិក បានផ្សព្វផ្សាយលទ្ធផលស្រាវជ្រាវក្នុងទស្សនាវដ្តី Acoustical Society of America ថា សំឡេងដែលស្រដៀងនឹងមនុស្សយន្ត ឬមនុស្សក្រៅភព គឺអាចជាសំឡេងរបស់ត្រីបាឡែនឈ្មោះ «មីន» ដែលជាពូជរបស់ត្រីបាឡែនបាលីន (Baleen) ។ សំឡេងប្រេងកង់ទាប គឺជាសំឡេងធម្មតារបស់ត្រីបាឡែនបាលីន ដោយសារវាមានសំឡេងខុសប្លែកពីត្រីបាឡែនផ្សេងទៀត ដែលអ្នកវិទ្យាសាស្ត្រដាក់ឈ្មោះថា «ស្តាវ៉ល» ។

Sharon Niekerk ជាអ្នកស្រាវជ្រាវផ្នែកសមុទ្រនិយាយថា ៖ «យើងបានផ្សព្វផ្សាយទិន្នន័យទាំងនេះ ហើយសង្ឃឹមថា នឹងមានអ្នកវិទ្យាសាស្ត្រផ្សេងទៀតអាចបញ្ជាក់ថា វាជាសំឡេងអ្វី ។ ហេតុនេះ យើងនឹងអាចសន្និដ្ឋានថា តើសំឡេងនេះចេញពីប្រភពណា» ។

បើទោះជាសំឡេងរបស់ត្រីបាឡែនបាលីន មិនដូចសំឡេងអាថ៌កំបាំងនៅបាតសមុទ្រដែលអ្នកវិទ្យាសាស្ត្របានឮក្តី ប៉ុន្តែពួកគេសន្និដ្ឋានថា សំឡេងទាំងពីរនេះប្រហាក់ប្រហែលគ្នាបំផុត ។ ចំណុចគួរឱ្យចាប់អារម្មណ៍នោះ គឺសំឡេងអាថ៌កំបាំងខាងលើមានសំឡេងប្រេកង់ខ្ពស់-ទាបខុសគ្នាយ៉ាងខ្លាំង ហើយធ្វើឱ្យពិបាកក្នុងការបញ្ជាក់ថា តើវាជាសំឡេងរបស់ត្រីបាឡែនបាលីនមែនឬក៏អត់?

ចុះលោកអ្នកវិញយល់ឃើញយ៉ាងណាដែរ? តើសំឡេងប្លែកៗនៅបាតសមុទ្រនេះ គឺជាសំឡេងអ្វីឱ្យប្រាកដ? ឬលោកអ្នកគិតថា មានអ្វីរស់នៅបាតសមុទ្រដ៏ជ្រៅបំផុត?

លី តាវហួរ ឬ Andy Lau គឺជាតារាហុងកុងជើងចាស់ដ៏មានប្រជាប្រិយភាពម្នាក់ បើទោះជាមានវ័យ ៦២ ឆ្នាំក៏ដោយ ក៏លោកនៅតែសង្ហាដូចទើបតែមានអាយុ ៤០ ឆ្នាំអ៊ីចឹង ហើយសម្រាប់សកម្មភាពក្នុងអាជីពសិល្បៈរបស់លោកវិញ នៅតែមមារញឹក និងនៅតែបង្ហាញខ្លួននក្នុងខ្សែភាពយន្តជាហូរហែរ។ ទោះជាយ៉ាងណាមានថ្មីៗនេះអ្នកគាំទ្រជាច្រើនបានចាប់អារម្មណ៍ទៅលើរូបរាងដ៏សង្ហាររបស់លោក ដោយសារតារារូបនេះមើលទៅដូចមិនចាស់ទាល់តែសោះ។

លី តាវហួរ ឬ Andy Lau ក៏បានចែករំលែកគន្លឹះធ្វើឱ្យសម្រស់នៅតែសង្ហា និងក្មេងជាងវ័យនៅលើបណ្តាញសង្គមរបស់លោក ជាមួយមុខម្ហូប ៣ មុខក្នុងមួយថ្ងៃ ធ្វើឱ្យអ្នកលេងអ៊ីនធឺណិតជាច្រើនភ្ញាក់ផ្អើល។ Andy Lau បាននិយាយថា ជារៀងរាល់ព្រឹកលោកតែងបរិភោគទឹកដោះគោជូរ គ្រាប់ធញ្ញជាតិ និងផ្លែឈើ ហើយសម្រាប់អាហារថ្ងៃត្រង់វិញគឺ គ្រាប់ធញ្ញជាតិ ឈីស សាច់មាន់ឆ្អិន និងបន្លែ ចំពោះអាហារពេលល្ងាចជាទូទៅលោកបរិភោគអង្ករសំរូបជាមួយបន្លែ និងប្រូតេអ៊ីន។

ក្រៅពីបរិភោគអាហារសុខភាពបីមុខនេះជាប្រចាំ លោកលី តាវហួរ ក៏ផ្តោតជាចម្បងលើការហាត់ប្រាណជារៀងរាល់ថ្ងៃផងដែរ។ ដោយលោកហាត់ប្រាណយ៉ាងហោចណាស់កន្លះម៉ោងក្នុងមួយថ្ងៃ រួមទាំងការរត់ ការលើកទម្ងន់ និងការធ្វើលំហាត់ប្រាណបែប Aerobic… នេះមិនត្រឹមតែធ្វើឱ្យប្រសើរឡើងនូវមុខងារ cardiopulmonary ប៉ុណ្ណោះទេ ប៉ុន្តែថែមទាំងពង្រឹងសាច់ដុំ និងភាពបត់បែនរបស់រាងកាយទៀតផង ជាហេតុធ្វើឱ្យលោកមានសុខភាពល្អរាងកាយមាំមួន សម្រស់ក្មេងជាងវ័យ។

ទន្ទឹមនឹងនោះ គន្លឹះនៃការថែសម្រស់របស់តារាប្រុសវ័យ ៦២ ឆ្នាំរូបនេះមិនត្រឹមតែបង្ហាញនៅក្នុងរបបអាហារ និងការធ្វើលំហាត់ប្រាណរបស់លោកប៉ុណ្ណោះទេ ប៉ុន្តែសូម្បីតែនៅពេលប្រឈមមុខនឹងការអត្ថាធិប្បាយអវិជ្ជមានលើអ៊ីនធឺណិត ក៏លោកជ្រើសរើសការមិនឆ្លើយតប ដែលគន្លឹះអាថ៌កំបាំងនេះហើយ ធ្វើឱ្យលោករក្សានូវស្មារតីវិជ្ជមាន និងសុទិដ្ឋិនិយម ជាកត្តាសំខាន់ដែលជួយឱ្យតារាប្រុសរូបនេះរក្សារូបរាងនៅតែសង្ហា៕

ថ្មីៗនេះ ក្រុមហ៊ុន សាមសុង បានធ្វើការបញ្ចេញផលិតផលអេឡិកត្រូនិករបស់ខ្លួនជាច្រើន ក្នុងនោះសុទ្ធសឹងតែជាផលិតផលដែលបំពាក់ដោយកំពូលមុខងារ AI ដ៏ទំនើបឆ្លាតវៃ។

ហើយស្របពេលសន្ទុះនៃការគាំទ្រពីអតិថិជនមានការកើនឡើងខ្លាំង ក្រុមហ៊ុន សាមសុង ក៏សម្រេចចិត្តបើកទីតាំង Showroom ជាថ្មី ដែលត្រូវបានដាក់សម្ពោធជាផ្លូវការនៅថ្ងៃទី 08 សីហា ឆ្នាំ 2024 ដែលមានទីតាំងនៅតាមបណ្ដោយមហាវិថីព្រះមុនីវង្ស ជាប់នឹងគល់ស្ពានអាកាសបឹងត្របែក ដោយមានការចូលរួមយ៉ាងច្រើនកុះករពីសំណាក់ភ្ញៀវកិត្តិយស ព្រមទាំងអ្នកជំនាញ Review ផលិតផលអេឡិកត្រូនិកជាច្រើនរូបទៀតផង។

មិនតែប៉ុណ្ណោះ អតិថិជនយ៉ាងច្រើនកុះករបានចូលរួមទស្សនា ក៏ដូចជាធ្វើការតេស្តផ្ទាល់នូវបច្ចេកវិទ្យា AI ជំនាន់ថ្មីចុងក្រោយដែលបំពាក់លើផលិតផលអេឡិកត្រូនិករបស់ សាមសុង។

ទីតាំង Showroom ថ្មីនេះ មានការដាក់តាំងគ្រប់ផលិតផលអេឡិកត្រូនិកទាំងអស់របស់ សាមសុង ដែលមានដូចជា ទូរទស្សន៍ ទូទឹកកក ម៉ាស៊ីនបោកសម្លៀកបំពាក់ស៊េរីថ្មី ម៉ាស៊ីនត្រជាក់ ម៉ូនីទ័រ ជាពិសេស ក៏មានជាប្រភេទគ្រឿងបរិក្ខារទំនើបៗជាច្រើន សម្រាប់បំពាក់ក្នុងអគារពាណិជ្ជកម្ម ដូចជា ម៉ាស៊ីនត្រជាក់គ្រប់ប្រភេទ (Aircon System Solution), ទូរទស្សន៍សម្រាប់បំពាក់ក្នុងសណ្ឋាគារ (Hotel TV Solution), ស្លាកសញ្ញាឌីជីថល (Digital Signage Solution) ។ល។

គួរបញ្ជាក់ផងដែរថា ទីតាំង ហាងទំនើបសាមសុង (Samsung Multi Store) ក៏មានវត្តមាននៅលើទឹកដី ខេត្តសៀមរាប ផងដែរ ដូច្នេះអតិថិជនក៏អាចទៅធ្វើការតេស្តសាកល្បងផលិតផលគ្រប់ប្រភេទរបស់ សាមសុង បានផងដែរ។

បើយោងតាមលោក Hyung Geun Lee អគ្គនាយកគ្រប់គ្រង សាខាក្រុមហ៊ុន ថៃសាមសុងអេឡិកត្រូនិក ប្រចាំប្រទេសកម្ពុជា បានមានប្រសាសន៍បន្ថែមដែរថា “ការគាំទ្ររបស់អតិថិជនជាទីស្រលាញ់ទាំងអស់បានធ្វើឱ្យក្រុមហ៊ុនសាមសុង រីកចម្រើនខ្លាំងឈានមកដល់ចំណុចនេះ ហើយតំណាងឱ្យក្រុមហ៊ុន សាមសុង សូមថ្លែងអំណរគុណយ៉ាងជ្រាលជ្រៅបំផុត ជាពិសេស ដល់ដៃគូសហការ តំណាងចែកចាយតូចធំ នៅទូទាំងប្រទេសកម្ពុជា ដែលតែងតែជឿជាក់ និងគាំទ្រឥតងាករេ។ ហើយគោលបំណងនៃការបើកសម្ពោធទីតាំង Showroom ថ្មី នេះ គឺដើម្បីផ្ដល់ភាពងាយស្រួលដល់អតិថិជនក្នុងការស្វែងរកផលិតផលរបស់ សាមសុង ក៏ដូចជាមកទស្សនា និងធ្វើការតេស្តផ្ទាល់បានគ្រប់ផលិតផលអេឡិកត្រូនិកសាមសុង AI ដ៏ឆ្លាតវៃផងដែរ។”

ក្រុមហ៊ុន សាមសុង ធ្វើឱ្យការរស់នៅរបស់លោកអ្នកឱ្យកាន់តែប្រសើរឡើង និងរីករាយជាមួយផលិតផលរបស់ សាមសុង ដែលបំពាក់មកជាមួយនូវកំពូលបច្ចេកវិទ្យា AI ដ៏ទំនើប ទាន់សម័យបំផុត។

សម្រាប់ព័ត៌មានលម្អិតបន្ថែម សូមអញ្ជើញមកទស្សនាផលិតផលដោយផ្ទាល់ ឬ តេស្តដោយផ្ទាល់ដៃនៅតាមហាងទំនើបសាមសុងដែលមានទីតាំងដូចខាងក្រោម:

– អគារលេខ 839C មហាវិថីព្រះមុនីវង្ស (ផ្លូវ93) សង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ
– ផ្ទះលេខ503 ផ្លូវស៊ីវុត្ថា សង្កាត់ស្វាយដង្គំ ក្រុងសៀមរាប ខេត្តសៀមរាប

ឬ ក៏អាចចូលទៅកាន់ Facebook: SamsungCambodia, IG: samsungcambodia, TikTok: samsungcambodia ឬ ក៏អាចធ្វើការទំនាក់ទំនងទៅកាន់ផ្នែកសេវាបម្រើអតិថិជន 24/7 ឥតគិតថ្លៃតាមរយៈទូរស័ព្ទលេខ៖ 1800-20 32 32!

សហរដ្ឋអាមេរិក ៖ កំណាត់ឈើនេះបានអណ្តែតឈរក្នុងបឹងអស់រយៈពេលជាង១២០ឆ្នាំ បានក្លាយជាកំណាត់ឈើដ៏អាថ៌កំបាំងមួយដែលអ្នកវិទ្យាសាស្ត្រពុំអាចបកស្រាយបាន ។ ប៉ុន្តែអ្នកស្រុកមានជំនឿថា កំណាត់ឈើមានថាមពលពិសេសអាចគ្រប់គ្រងផ្ទៃដី, ផ្ទៃមេឃ និងអាកាស ។ នៅលើពិភពលោកនេះ មិនថាដុំដី, ថ្ម, ដើមស្មៅ ឬសូម្បីតែកំណាត់ឈើ ក៏បានក្លាយជាវត្ថុអាថ៌កំបាំងដែលគ្មានការបកស្រាយ ។

សារព័ត៌មាន KBN នឹងបង្ហាញលោកអ្នកឱ្យស្គាល់កំណាត់ឈើមួយឈ្មោះថា កំណាត់ឈើអាថ៌កំបាំង ដែលមានប្រវត្តិគួរឱ្យចាប់អារម្មណ៍នៅលើពិភពលោក ។ កំណាត់ឈើនេះឈ្មោះ «Old Man of The Lake» ឬ «បុរសជរាក្នុងបឹង» ដែលមានសភាពពុកផុយអណ្តែតក្នុងបឹង Crater នៅរដ្ឋ Oregon សហរដ្ឋអាមេរិក អស់រយៈពេលជាង១២០ឆ្នាំ ។ ប៉ុន្តែអ្វីគួរឱ្យចាប់អារម្មណ៍មិនចាញ់អាយុរបស់វានោះ គឺវាបានអណ្តែតឈរក្នុងទឹក ។

ចំណែកប្រវត្តិរបស់កំណាត់ឈើនេះ គឺកាលពីឆ្នាំ១៨៩៦ លោក Joseph S. Diller ជាអ្នកស្រាវជ្រាវផ្នែកភូមិសាស្ត្របាននិយាយពីកំណាត់ឈើធំ ពណ៌ស ដែលបានអណ្តែតក្នុងបឹង Crater ក្រោយពីលោកឃើញវាដោយចៃដន្យ ។ ៥ឆ្នាំក្រោយមក លោក Joseph ឃើញកំណាត់ឈើនេះប្តូរទីតាំងក្នុងចម្ងាយ៤០០ម៉ែត្រ ហើយធ្វើឱ្យលោកចង់ស្រាវជ្រាវពីវាឱ្យបានច្បាស់លាស់ ។ លោកឃើញថា វាអាចអណ្តែតទឹកឆ្ងាយរហូតដល់ជាង៤០០ម៉ែត្រឯណោះ ក្នុងរយៈពេលត្រឹមតែ១ថ្ងៃ ។

មនុស្សភាគច្រើនអាចគិតវា គ្មានអ្វីចម្លែកទេ ដែលកំណាត់ឈើបានអណ្តែតតាមខ្សែទឹកហូរ ប៉ុន្តែលោក Joseph និយាយថា ទឹកក្នុងបឹងនេះនៅស្ងៀម មិនហូរទៅណាទេ ហើយកំណាត់ឈើពុំគួរអណ្តែតឆ្ងាយឡើយ ។ ក្រោយមក លោកក៏បានស្រាវជ្រាវពីជាតិកាបូនរបស់កំណាត់ឈើ ហើយរកឃើញថា កំណាត់ឈើមានអាយុយ៉ាងហោចណាស់ ៤៥០ឆ្នាំ ហើយវាចំណាយពេលអណ្តែតក្នុងបឹងជ្រៅបំផុតនៅអាមេរិក ប្រមាណ១២០ឆ្នាំ ។

អ្នកជំនាញជឿថា កំណាត់ឈើអាថ៌កំបាំងនេះអណ្តែតក្នុងទឹកដោយសារការបាក់ដី ហើយមូលហេតុដែលវាអណ្តែតឈរបែបនេះ គឺគ្មានអ្នកណាម្នាក់អាចបកស្រាយបានច្បាស់លាស់ឡើយ ។ កំណាត់ឈើភាគច្រើនបានអណ្តែតផ្តេក ប៉ុន្តែសម្រាប់កំណាត់ឈើមានប្រវែង៩ម៉ែត្រ និងមានទទឹង៦១សង់ទីម៉ែត្រនេះ បែរជាអណ្តែតទឹកឈរអស់ជាច្រើនឆ្នាំ ។ បើទោះជានៅផ្នែកខាងចុងរបស់វាពុកផុយអាចលិចទឹកក្តី ប៉ុន្តែវានៅតែអណ្តែតឈរអាចឱ្យមនុស្សឈរលើវាពុំគួរឱ្យជឿ ។

អ្នកវិទ្យាសាស្ត្រខ្លះជឿថា វាមានសមតុល្យរវាងកំណាត់ឈើផ្នែកខាងលើទឹក និងក្រោមទឹក ។ ការលើកឡើងមួយគួរឱ្យជឿជាក់បំផុត គឺកំណាត់ឈើនេះអណ្តែតចុះឡើងអស់ជាច្រើនសតវត្សរ៍ ដោយសារឫសរបស់វាអាចជាប់គ្នាជាមួយដុំថ្មនៅក្រោមទឹក ទើបធ្វើឱ្យផ្នែកម្ខាងរបស់កំណាត់ឈើលិចក្នុងទឹក ។ ប៉ុន្តែក្រោយមក ដុំថ្មនេះរបូតពីឫសឈើ រីឯផ្នែកដែលលិចទឹកក៏ចាប់ផ្តើមមានទម្ងន់ធ្ងន់ដោយសារការស្រូបទឹក ។ ហេតុនេះ ផ្នែកកំណាត់ឈើដែលលិចទឹក នឹងមានទម្ងន់ធ្ងន់ជាងផ្នែកខាងលើ ។

ទោះយ៉ាងណា គ្មានអ្នកណាដឹងមូលហេតុពិតប្រាកដពីមូលហេតុដែលកំណាត់ឈើអណ្តែតទឹកឈរទេ ពីព្រោះបច្ចុប្បន្ន គ្មានដុំថ្ម ឬស្លាកស្នាមណាមួយដែលអាចបញ្ជាក់ថា មានដុំថ្មធ្លាប់ពាក់ព័ន្ធជាមួយឫសកំណាត់ឈើពីមុនឡើយ ។ ហេតុនេះ អ្នកភូមិមានជំនឿថា កំណាត់ឈើនេះមានថាមពលពិសេសអាចគ្រប់គ្រងអាកាសធាតុនៅបរិវេណនេះ ។

កាលពីឆ្នាំ១៩៨០ មានអ្នកវិទ្យាសាស្ត្រមួយក្រុមបានមកស្រាវជ្រាវបឹង Crater និងបានចងកំណាត់ឈើនេះឱ្យនៅស្ងៀមមួយកន្លែង ដើម្បីចៀសវាងគ្រោះថ្នាក់ពេលពួកគេជិះទូកស្រាវជ្រាវ ។ ប៉ុន្តែក្រោយពីកំណាត់ឈើនេះត្រូវបានចងមួយកន្លែង ស្រាប់តែអាកាសធាតុនៅបរិវេណនេះផ្លាស់ប្តូរភ្លាមៗ គឺពីមេឃស្រឡះល្អក្លាយជាខ្យល់ព្យុះ និងមានព្រិលធ្លាក់នាពេលបន្ទាប់ ខណៈវាជាខែសីហា មិនមែនជាខែធ្លាក់ព្រិល ។ បន្ទាប់មក ក្រុមអ្នកវិទ្យាសាស្ត្រក៏បានស្រាយចំណងកំណាត់ឈើវិញ ហើយអាកាសធាតុក៏ស្ងប់ស្ងាត់ដូចមុន ។

បច្ចុប្បន្ន កំណាត់ឈើ «Old Man of The Lake» នៅតែជាអាថ៌កំបាំងនៅឡើយ ដែលធ្វើឱ្យបឹង Crater ក្លាយជាតំបន់ទេសចរណ៍គួរឱ្យចាប់អារម្មណ៍មួយក្នុងរដ្ឋ Oregon សហរដ្ឋអាមេរិក ។ ចុះលោកអ្នកវិញយល់ឃើញយ៉ាងណាដែរ ពាក់ព័ន្ធនឹងកំណាត់ឈើនេះ?

នៅលើពិភពលោកយើងនេះគឺមានទ្វីបទាំងអស់ចំនួន ៧ រួមមាន៖ ទ្វីបអាស៊ី, អឺរ៉ុប, អាហ្វ្រិក, អាមេរិកខាងជើង, អាមេរិកខាងត្បូង, អង់តាក់ទិក និងអូស្ត្រាលី។ ប៉ុន្តែតើអ្នកដឹងទេថា ក្នុងចំណោមទ្វីបទាំងអស់នេះ ទ្វីបណាដែលសម្បូរទៅដោយសារធាតុរ៉ែសំខាន់ៗច្រើនជាងគេ? សារធាតុរ៉ែសំខាន់ៗដូចជាទង់ដែង លីចូម នីកែល cobalt មាស ពេជ្រ ផ្លាទីន និងអ៊ុយរ៉ាញ៉ូម គឺស្ថិតនៅទ្វីបអាហ្វ្រិកទាំងអស់ ដែលទ្វីបនេះកាន់កាប់ ៦៥ ភាគរយនៃដីបង្កបង្កើនផលរបស់ពិភពលោក និង ១០ ភាគរយនៃប្រភពទឹកសាបដែលអាចកកើតឡើងវិញបានខាងក្នុងរបស់ភពផែនដី។ ដូច្នេះអាហ្វ្រិកគឺជាទ្វីបដែលសម្បូរទៅដោយសារធាតុរ៉ែសំខាន់ៗច្រើនជាងគេបំផុតនៅលើពិភពលោក។

សព្វថ្ងៃតម្រូវការសកលសម្រាប់សារធាតុរ៉ែសំខាន់ៗ ជាពិសេសលីចូម កំពុងតែកើនឡើងជាលំដាប់ ដើម្បីសម្រេចបាននូវគោលដៅថាមពលស្អាត និងការបញ្ចេញកាបូន។ លើសពីនេះសារធាតុរ៉ែដូចជាទង់ដែង នីកែល cobalt គឺជាធាតុផ្សំដ៏សំខាន់នៅក្នុងបច្ចេកវិទ្យាថាមពលស្អាតដែលកំពុងរីកចម្រើននាពេលបច្ចុប្បន្ននេះ ចាប់ពីទួរប៊ីនខ្យល់ និងបន្ទះស្រូបពន្លឺព្រះអាទិត្យ រហូតដល់រថយន្តអគ្គិសនី និងឧបករណ៍ឆ្លាតវៃផ្សេងៗជាដើម។ នៅទូទាំងពិភពលោក អាហ្រ្វិកបានលេចចេញជាទ្វីបដែលមានធនធានរ៉ែសំខាន់ៗច្រើនជាងគេ ដោយទ្វីបនេះកំពុងត្រូវបានដាក់ជាតួអង្គសំខាន់មួយនៅក្នុងខ្សែសង្វាក់ផ្គត់ផ្គង់នៃធនធានរ៉ែទាំងនេះ មានន័យថា ប្រសិនបើទ្វីបផ្សេងមានតម្រូវការ នោះទ្វីបអាហ្វ្រិកនឹងមានការផ្គត់ផ្គង់។

យោងតាមការវាយតម្លៃទីផ្សារសារធាតុរ៉ែសំខាន់ៗឆ្នាំ ២០២៣ របស់ទីភ្នាក់ងារថាមពលអន្តរជាតិ (IEA) តម្រូវការលោហធាតុទាំងនេះត្រូវបានគេរំពឹងថានឹងកើនឡើងយ៉ាងខ្លាំង ដោយរំពឹងថានឹងកើនឡើងទ្វេដងនៅឆ្នាំ ២០៣០ និងបួនដងនៅឆ្នាំ ២០៥០។ ដោយប្រាក់ចំណូលប្រចាំឆ្នាំត្រូវបានគេរំពឹងថានឹងឈានដល់ ៤០០ ពាន់លានដុល្លារអាមេរិក – លើសពីតម្លៃ នៃការជីកយករ៉ែធ្យូងថ្មនៅទូទាំងពិភពលោកក្នុងឆ្នាំ ២០២០ ទៅទៀត។

សម្រាប់លីចូម IEA បាននិយាយថា តម្រូវការសកលសម្រាប់លីចូមក៏បានកើនឡើងបីដងពីឆ្នាំ ២០១៧ ដល់ឆ្នាំ ២០២២ ផងដែរ ដោយទទួលបានប្រាក់ចំណូលរហូតដល់ ៣២០ ពាន់លានដុល្លារអាមេរិក។ ហេតុនេះសម្រាប់លោកអ្នកដែលគិតថាអាហ្វ្រិកគឺជាទ្វីបក្រីក្រសូមគិតឡើងវិញម្តងទៀត ព្រោះបច្ចុប្បន្នប្រទេសជាច្រើននៅលើទ្វីបនេះគឺមានការអភិវឌ្ឍជឿនលឿនខ្លាំងគួរឱ្យកត់សម្គាល់៕