ស៊ឹម ច័ន្ទពន្លឺ រម្លឹកខួប២ឆ្នាំនៃការប្រកួត ប៉ុន្តែគ្មានសមាជិក៣នាក់ទៀតរបស់ TOP4
តារាចម្រៀង ស៊ឹម ច័ន្ទពន្លឺ និងជាគូ្រពេទ្យដ៏ស្រស់សង្ហាបានរម្លឹកខួបពីរឆ្នាំនៃការប្រកួតក្នុងកម្មវិធី Cambodian Idol រដូវកាលទី៤ ខណៈលោកជាបេក្ខជនក្នុងTOP4 ។ ទោះយ៉ាងណា ការបង្ហាញអារម្មណ៍របស់ខ្លួនទៅកាន់អ្នកគាំទ្រ ស៊ឹម ច័ន្ទពន្លឺ មិនបានបង្ហាញរូបភាពជាមួយសមាជិក៣រូបផ្សេងទៀតគឺ លីម តិចម៉េង ថុល សុភិទិ និង នាងដាវីន ឡើយ ស្របពេលអ្នកគាំទ្រម្នាក់បានជីកសួរថាឆ្នាំនេះបានផ្លុំទៀនជុំគ្នាឬអត់ លោកបានតបថាលោកនៅខេត្ត។
នៅលើបណ្តាញសង្គមតារាចម្រៀង ស៊ឹម ច័ន្ទពន្លឺ បានបង្ហោះរូបភាពជាច្រើនសន្លឹកតាំងពីការប្រកួតរបស់គេរហូតលោកក្លាយជាតារាចម្រៀងម្នាក់មានការប្រគំតន្រ្តីនិងទទួលបានការស្វាគមន៍យ៉ាងកក់ក្តៅពីហ្វេនៗ។ ក្រៅពីរូបថតម្នាក់ឯង មានរូបមួយសន្លឹកដែល ស៊ឹម ច័ន្ទពន្លឺបានបង្ហោះគឺរួមជាមួយ មាស នីតា និង ណាន វីសារ ក្នុងវគ្គពាក់កណ្តាលផ្តាច់ព្រ័ត្រ ។
តារាចម្រៀងមានដើមកំណើតនៅខេត្តតាកែវ រូបនេះបានរៀបរាប់ថា «ថ្ងៃនេះ ២ ឆ្នាំមុនយើង បានឆ្លងកាត់រឿងរ៉ាវ ជាច្រើនជាមួយគ្នា, សូមទោសសម្រាប់ថ្ងៃនេះ ២ ឆ្នាំមុន ដែលធ្វើឱ្យបងប្អូនអ្នកគាំទ្រទាំងអស់ ស្រក់ទឹកភ្នែក។ ពេលនោះខ្ញុំបាទ បានសន្យា នឹងខ្លួនឯងថា ឈប់ឱ្យបងប្អូនទាំងអស់គ្នាមាន ទឹកភ្នែកម្តងទៀតព្រោះតែ ខ្ញុំទៀតហើយ។ អរគុណសម្រាប់រយៈពេល ២ ឆ្នាំដែលធ្វើឱ្យខ្ញុំបាទក្លាយជាមនុស្សម្នាក់ លែងសូវបានគិតពីខ្លួន ឯង..តែ ប្តូរត្រឡប់មកជាការគិតពី បងប្អូនអ្នកគាំទ្រវិញ។ រាល់ពេលធ្វើការ ប្រគំតន្ត្រីម្តងៗ គិតថា តើថ្ងៃនេះ ខ្ញុំអាចនាំអារម្មណ៍ ឮសប្បាយរីករាយយ៉ាងម៉េចដល់បងប្អូន.. តើថ្ងៃនេះខ្ញុំអាចនាំបងប្អូនសប្បាយនិងរំភើបឬអត់?» ។
ស៊ឹម ច័ន្ទពន្លឺ លើកឡើងទៀតថា «រយៈពេល២ ឆ្នាំគត់ដែលខ្ញុំបាទ បានបន្តដំណើរ រួមជាមួយបងប្អូនរស់ក្នុងក្តីស្រមៃរបស់ខ្លួន.. អរគុណ រយៈពេល ២ ឆ្នាំកន្លងមក.. ដល់ប្អូនអ្នកគាំទ្រ ទាំង ២៥ ខេត្តក្រុងអរគុណ សម្រាប់ការធ្វើឱ្យការសន្យាមួយនេះបានសម្រេច។សូមអរគុណ សម្រាប់ក្តីស្រលាញ់ និង ស្នាមញញឹម ទាំងអស់ដែល បងប្អូនបានផ្តល់មកកាន់រូបខ្ញុំបាទ, រយៈពេល ២ ឆ្នាំដែលយើង បានស្គាល់ មិនខ្លី ហើយក៏ មិនវែងប៉ុន្មាន តែមានអនុស្សាវរីយ៍ ជាច្រើនរាប់មិនអស់។ មិនចង់បានអ្វីដែលលើសពីនេះតែសូមឱ្យក្តីស្រលាញ់មួយនេះនៅស្ថិតស្ថេររហូតតទៅ»។
ម្ចាស់បទ «ស្នេហ៍ពីរមួយរយ» បានសុំការអភ័យទោសចំពោះការច្រៀង សម្តែង របស់ខ្លួនដែលធ្វើឱ្យអ្នកមួយចំនួនមិនពេញចិត្ត ខណៈលោកកំពុងព្យាយាម ហ្វឹកហាត់បន្ថែមទៀត និងអរគុណរាល់មតិសម្រាប់ការស្ថាបនាលោកកន្លងមក។
ក្នុងការបង្ហោះនេះ ស៊ឹម ច័ន្ទពន្លឺ មិនបានបង្ហោះរូបភាព TOP 4 ចំពោះសមាជិក៣រូបផ្សេងទៀតមានដូចជា លីម តិចម៉េង ថុល សុភិទិ និង នាង ដាវីន ឡើយ ស្របពេលអ្នកគាំទ្រម្នាក់បានខម្មិនជីកសួរថាឆ្នាំនេះនឹងមាននំខេកជុំគ្នាជាមួយ TOP4 ឬអត់ដោយលោកតបថា ឆ្នាំនេះលោកនៅស្រុកហើយ៕
ភ្នំពេញ ៖ ក្រុមហ៊ុន WorldBridge Group បានចុះហត្ថលេខាលើកិច្ចព្រមព្រៀងបណ្តាក់ទុនរួមគ្នាជាមួយក្រុមហ៊ុន Bitkub (Bitkub Capital Group Holdings) ដែលជាក្រុមហ៊ុនឈានមុខគេក្នុងឧស្សាហកម្មទ្រព្យសម្បត្តិឌីជីថល ដែលមានមូលដ្ឋាននៅប្រទេសថៃ។
ពិធីចុះហត្ថលេខានេះធ្វើឡើងនៅ សណ្ឋាគារ Novotel រាជធានីភ្នំពេញ នៅថ្ងៃទី 28 ខែសីហា ឆ្នាំ 2024 រវាងអ្នកឧកញ៉ា សៀ ដានីញ៉ែល នាយកប្រតិបត្តិនៃក្រុមហ៊ុន WorldBridge Group និងលោក Sakolkorn Sakavee ប្រធានក្រុមហ៊ុន Bitkub Capital Group Holdings ។
កម្មវិធីនេះក៏មានការអញ្ជើញចូលរួមក្រោមអធីបតីភាពឯកឧត្តម ស៊ូ សុជាតិ អគ្គនាយកនិយ័តករមូលបត្រកម្ពុជា, អ្នកឧកញ៉ា សៀ ឫទ្ធី ប្រធានក្រុមប្រឹក្សាភិបាលក្រុមហ៊ុន WorldBridge Group និងលោក Jirayut Srupsrisopa ស្ថាបនិក និងជានាយកប្រតិបត្តិនៃក្រុមហ៊ុន Bitkub Capital Group Holdingsផងដែរ ។
គួរបញ្ជាក់ថាក្រុមហ៊ុន WorldBridge Group គឺជាក្រុមហ៊ុនឈានមុខគេក្នុងប្រទេសកម្ពុជាដែលបានបង្កើតឡើងក្នុងឆ្នាំ 1992 ។ ជាមួយនឹងចំណាប់អារម្មណ៍ចម្រុះលើផ្នែកភស្តុភារ អចលនទ្រព្យ ហិរញ្ញវត្ថុ បដិសណ្ឋារកិច្ច និងច្រើនទៀត គ្រុបបានដើរតួនាទីយ៉ាងសំខាន់ក្នុងកំណើនសេដ្ឋកិច្ច និងការអភិវឌ្ឍន៍របស់កម្ពុជា។ ក្រុមហ៊ុន WorldBridge Group ប្តេជ្ញាក្នុងការផ្តល់នូវឧត្តមភាព ការច្នៃប្រឌិត និងតម្លៃប្រកបដោយនិរន្តរភាពដល់ភាគីពាក់ព័ន្ធ និងសហគមន៍របស់ខ្លួន។
ដោយឡែក ក្រុមហ៊ុនBitkub Capital Group Holdings Co., Ltd គឺជាក្រុមហ៊ុនបច្ចេកវិទ្យា blockchain និងទ្រព្យសម្បត្តិឌីជីថលឈានមុខគេនៅក្នុងប្រទេសថៃ។ Believe & Beyond” ជំរុញយើងឆ្ពោះទៅរកគោលដៅរបស់យើងក្នុងការកសាងហេដ្ឋារចនាសម្ព័ន្ធសេដ្ឋកិច្ចឌីជីថល និងភ្ជាប់ឱកាសរវាងពិភពលោកចាស់ និងពិភពឌីជីថល ដែលមនុស្សអាចឆ្លងកាត់ដោយសុវត្ថិភាព និងទំនុកចិត្ត។ មិនត្រឹមតែនៅប្រទេសថៃប៉ុណ្ណោះទេ ប៉ុន្តែយើងក៏ផ្ដោតលើកម្រិតពិភពលោកផងដែរ ៕
មជ្ឈមណ្ឌលបទពិសោធន៍អតិថិជន មានទីតាំងស្ថិតនៅក្នុងអាគារប្រវត្តិសាស្រ្ត រ៉ូយ៉ាល់ រេលវេ ដែលមានអាយុកាលយូរយារតាំងពីសម័យអាណានិគមនិយមបារាំងមកម្ល៉េះ។កម្មវិធីនេះក្រោមអធិបតីភាព អ្នកឧកញ៉ា គិត ម៉េង ប្រធានប្រឹក្សាភិបាលក្រុមហ៊ុន រ៉ូយ៉ាល់ គ្រុប ឯកឧត្តម ប៉េង ពោធិ៍នា រដ្ឋមន្ត្រី ក្រសួងសាធារណការ និងដឹកជញ្ជូន រួមជាមួយថ្នាក់ដឹកនាំ បុគ្គលិកក្រុមហ៊ុន សិល្បៈករជាច្រើននាក់ចូលរួមផងដែរ។
អ្នកឧកញ៉ា គិត ម៉េង ប្រធានប្រឹក្សាភិបាលក្រុមហ៊ុន រ៉ូយ៉ាល់ គ្រុប បានមានប្រសាសន៍ថា “នេះមិនត្រឹមតែជាអគារប៉ុណ្ណោះទេ ប៉ុន្តែជានិមិត្តរូបនៃ បច្ចេកវិទ្យាឌីជីថល និងបេតិកភណ្ឌប្រវត្តិសាស្ត្ររបស់យើងផងដែរ។ យើងនឹងធ្វើឱ្យអគារប្រវត្តិសាស្រ្តដែលបន្សល់ទុក ក្នុងសម័យអាណានិគមបារាំងនេះរស់ឡើងវិញ ដោយមានអ្វីៗរីកចម្រើនសម្បូរបែប ចាប់ពីពេលបច្ចុប្បន្ន រហូតដល់អនាគត»។ ហើយនេះក៏ជាការបោះជំហានឆ្ពោះទៅរកបរិវត្តកម្មឌីជីថល និងសបញ្ជាក់ពីជំហរនៅតែនាំមុខគេ របស់ក្រុមហ៊ុន សែលកាត ផ្នែកនវានុវត្តក្នុងឧស្សាហកម្មទូរគមនាគមន៍។ មជ្ឈមណ្ឌលនេះ មានបម្រើសេវាកម្មជាច្រើន រួមទាំងសេវាទូរគមនាគមន៍ សេវាធនាគារ សេវាកម្មធ្វើដំណើរ និងសេវាកម្មផ្សេងៗជាច្រើនទៀត។
តារាចម្រៀង ពេជ្រ សូលីកា ក្លាយជាទូតសុច្ឆន្ទៈថ្មីរបស់ក្រុមហ៊ុន Cellcard ម្ចាស់បទ «ថែការចងចាំ» បានបង្ហាញអារម្មណ៍រំភើបចិត្តយ៉ាងខ្លាំងដែលទទួលបានឱកាសនេះព្រោះនាងជាអតិថិជនប្រើប្រាស់ផ្ទាល់រហូតទទួលបានជាទូតសុឆន្ទៈរបស់ Cellcard ដែលបានតំណាងឱ្យ Brand របស់កូនខ្មែរ 100% ។
ក្រៅពី ពេជ្រ សូលីកា តារាចម្រៀងសំឡេងផ្អែម ម៉ម ពេជ្ជរិទ្ធ ម្ចាស់បទ«មិនអាចឃាត់ទេ» ក៏ជាទូតសុច្ឆន្ទៈថ្មី របស់ក្រុមហ៊ុន Cellcard បានបង្ហើបអោយដឹងថា លោកសប្បាយចិត្តឥតឧបមាព្រោះបានចូលរួមបោះជំហានមួយ ប្រកបដោយមោទនភាពជាមួយក្រុមហ៊ុនខ្មែរមានអាយុកាលជាង ២៧ ឆ្នាំមកហើយ។ មិនត្រឹមតែប៉ុណ្ណោះ ម៉ម ពេជ្ជរិទ្ធ បានត្រៀមរួចរាល់នូវគម្រោង និងស្នាដៃសិល្បៈខ្មែរថ្មីៗជាច្រើនជាមួយ Cellcard នឹងបង្ហាញជូនអ្នកគាំទ្រនាពេលខាងមុខ។
ជាមួយគ្នានេះដែរសិល្បករ សុខ សម្បត្តិ ក៏មានយីអ៊ុនខ្ពស់មិនធម្មតាទើបតែមានគូដណ្តឹងដ៏ស្រស់សោភា ពេលនេះក៏បានក្លាយជាទូតសុច្ឆន្ទៈផងដែរ។ ទទួលបានតំណែងនេះ សុខ សម្បត្តិបានបង្ហាញនូវអារម្មណ៍រំភើបចិត្តព្រោះមិនធ្លាប់បានរំពឹងទុកកាលពីមុនមកឡើយ។ ជាមួយនឹងការតបស្នងលោកបានប្រាប់អ្នកគាំទ្រថានឹងមានអ្វីថ្មីៗជូនទស្សនិកជនកម្សាន្តផងដែរ។
