រដ្ឋាភិបាល​ចិន​នឹង​ផ្តល់​ឱ្យ​កងទ័ព​ជើង​ទឹក​កម្ពុជា​នូវ​នាវា​ចម្បាំង​ពីរគ្រឿង​ ប្រភេទ 056 Corvettes ​មាន​លេខតួ 630 Aba និង 631 Tienmen ដែលចត​នៅ​កំពង់ផែ​រាម។

ជំនួយ​នាវា​ចម្បាំង​ចិន​ពីរ​គ្រឿង​នេះ​ជា​សំណើ​របស់​កម្ពុជា ​ក្នុងគោលបំណងពង្រឹងសមត្ថភាព និងលទ្ធភាពរបស់កងទ័ពជើងទឹកកម្ពុជាដើម្បីការពារសន្តិភាព ស្ថិរភាព សន្តិសុខ ការគាំទ្រដល់ប្រតិបត្តិការស្វែងរក និងសង្គ្រោះ រួមទាំងសកម្មភាពមនុស្សធម៌ផ្សេងទៀតនៅលើលម្ហសមុទ្រ។

នាវា​ចម្បាំង​ទាំងពីរគ្រឿងនេះ ត្រូវបានប្រើប្រាស់ក្នុងសមយុទ្ធជើងទឹក នាគមាស ឆ្នាំ២០២៤ ដែលជាលំហាត់កងទ័ពប្រចាំឆ្នាំរវាងប្រទេសទាំង ២។

ក្រៅពីឱ្យនាវា​ចម្បាំង​ពីរគ្រឿនេះ ចិនក៏បាននិងកំពុងជួយកម្ពុជាធ្វើទំនើបកម្មមូលដ្ឋានកងទ័ពជើងទឹកសមុទ្ររាមក្នុងខេត្តព្រះសីហនុថែមទៀតផងដែរ។

គួរបញ្ជាក់ដែរថា ការធ្វើទំនើបកម្មមូលដ្ឋានកងទ័ពជើងទឹកសមុទ្ររាមនេះ មិនមែនជាការដាក់មូលដ្ឋានកងទ័ពចិនដូចដែលសារព័ត៌មានបរទេសមួយចំនួនចេញផ្សាយនោះទេ៕

ធនាគារអភិវឌ្ឍន៍អាស៊ី (ADB) បានអនុម័តប្រាក់កម្ចី និងជំនួយឥតសំណងចំនួន ៩៣,៦ លានដុល្លារ ដើម្បីកែលម្អ និងពង្រីកការផ្គត់ផ្គង់ទឹកមានសុវត្ថិភាព និង អនាម័យមូលដ្ឋាន (WASH) ដែលធន់នឹងអាកាសធាតុ និងប្រកបដោយបរិយាបន្ន នៅទីជនបទសម្រាប់ ៨៨.០០០ គ្រួសារ ក្នុងភូមិចំនួន ៤០០ នៃឃុំចំនួន ៥០ ក្នុងប្រាំបួនខេត្តនៃប្រទេសកម្ពុជា។

ការផ្តត់ផ្គង់ទឹកមានសុវត្ថិភាព និងអនាម័យមូលដ្ឋាន នៅតំបន់ជនបទនេះ នឹងគាំទ្រដល់កិច្ចខិតខំប្រឹងប្រែងរបស់រាជរដ្ឋាភិបាល ក្នុងការផ្តល់លទ្ធភាពទទួលបានជាសកលនូវការផ្គត់ផ្គង់ទឹកនិងសម្ភារៈអនាម័យ ដែលមានការគ្រប់គ្រងប្រកបដោយសុវត្ថិភាព នៅតំបន់ជនបទ និងធ្វើឱ្យប្រសើរឡើងនូវលទ្ធភាពទទួលបាន គ្រឿងបរិក្ខាររក្សាអនាម័យ ដែលគ្រប់គ្រងប្រកបដោយសុវត្ថិភាព រួមជាមួយតម្លៃសមរម្យសម្រាប់សេវាទាំងនោះ។

កម្មវិធីនេះរួមបញ្ចូលជំនួយឥតសំណងចំនួន ៣លានដុល្លារ ពីមូលនិធិជប៉ុនសម្រាប់វិបុលភាពនិង ភាពធន់នៅអាស៊ី និងប៉ាស៊ីហ្វិក (JFPR)។

គួរបញ្ជាក់ផងដែរថា កម្មវិធីកែលម្អ និងពង្រីកការផ្គត់ផ្គង់ទឹកមានសុវត្ថិភាព និង អនាម័យមូលដ្ឋាន នេះនឹងផ្តោតសំខាន់លើការជួយដល់ ខេត្តបន្ទាយមានជ័យ បាត់ដំបង កំពង់ស្ពឺ កំពត ក្រចេះ ឧត្តរមានជ័យ ប៉ៃលិន ព្រះវិហារ និងស្ទឹងត្រែង៕

កាលពីមួយរយៈមុនទំនាក់ទំនងរវាងអ្នកជំនួញអនឡាញល្បីឈ្មោះ ឡុង ម៉ានីន ឡុង ម៉ានិច្ច ជាប្អូនស្រី ម៉ាដាម ឆដា ហៅ Ah Pop និង ម៉ាដាម ដា ត្រូវបានគេសង្ស័យថាមានបញ្ហាល្អក់កករ។ ថ្មីៗនេះតាមរយៈការបង្ហោះសារនិងឆាតឆ្លើយឆ្លងរវាង ម៉ានីន និង Ah Pop កាន់តែបង្ហាញឱ្យដឹងថាទំនាក់ទំនងមិត្តជិតស្និទ្ធក្នុងវិស័យអនឡាញរបស់ពួកគេពិតជាមានបញ្ហាពិតមែន។

កាលពីយប់ថ្ងៃទី៣ ខែកញ្ញា ឡុង ម៉ានីន បានបង្ហោះសារចាក់ដោតមួយថា «ទិញឡានឱ្យគេចឹងល្មមគិតគូរខ្ញុំខ្លះហើយ រកស៊ីជាមួយជាងមួយឆ្នាំហើយអត់ទាន់បានមួយសេនទេ កុហកគ្រប់រឿង»។ មួយប្រយោគនេះបានធ្វើឱ្យមានការចាប់អារម្មណ៍ពីសំណាកអ្នកលេងបណ្តាញសង្គមនិងមានការវែកញែកព្រោងព្រាត។

ការបង្ហោះរបស់ ឡុង ម៉ានីន បានទាញចិត្តឱ្យ ម៉ាដាម ឆដា ហៅ Ah Pop បានចែករំលែកនិងអមដោយចំណងជើងថា «ខ្ញុំសួរហើយនីនថាផុសចោលឱ្យអ្នកដែលរកស៊ីជាមួយផ្សេងៗទៀតទេហើយខ្ញុំក៏សង្ឃឹមដូចគ្នាថាមិនមានបំណងអ្វីអ៊ីចឹងទៅចុះ ព្រោះមនុស្សគេយកសំដីអ្នកណាក៏ចេះស្រលាញ់កិត្តិយស បើមានការយល់ច្រឡំធ្វើឱ្យខូចកិត្តិយសយើងក៏ត្រូវនិយាយការពារដូចគ្នា គេមិនហៅរើសដាក់ខ្លួនទេ មនុស្សធំគេធ្វើការចឹងច្បាស់ៗ»។

ទោះបីជាមានការបញ្ជាក់ខាងលើនេះក្តីនៅព្រឹកថ្ងៃទី៤ ស្រាប់តែអ្នកជំនួយអនឡាញ Ah Pop បានបង្ហោះសារបង្ហាញអារម្មណ៍ខកចិត្តនៅលើផេករបស់ខ្លួនមានឈ្មោះថា ម៉ាដាម ឆដា ព្រោះគណនីអាខោនត្រូវបាន ឡុង ម៉ានីន ប្លុកបាត់ទៅហើយ។

Madam Chorda បានបង្ហោះរូបភាពឆាតឆ្លើយឆ្លងគ្នាជាមួយ ម៉ានីន ភ្ជាប់មកជាមួយសំណេរថា «ចែប្លុកខ្ញុំធ្វើអី ខ្ញុំសួរត្រង់ៗ ហើយប្រកែកថាផុសចោល ធ្វើតែអត់ទទួល ឬសម្តែង? ចែធ្លាប់និយាយថាខ្ញុំល្អមិនដែលអាក្រក់អីដាក់ចែទេចាំបានអត់? ខ្ញុំទុកកិត្តិយសឱ្យអ្នកយូរហើយ ទោះបងប្អូនអ្នកអាក្រក់ដាក់ខ្ញុំក៏ដោយ ខ្ញុំស្ងាត់មករហូតព្រោះខ្លាចប៉ះពាល់អ្នក ព្រោះខ្ញុំស្រលាញ់អ្នក សុំតែម្យ៉ាងទុកកិត្តិយសឱ្យបងប្អូនខ្ញុំវិញផង មិចធ្វើចឹងដាក់ខ្ញុំទៅរួច»។

Ah Pop បន្ថែមទៀតថា «ខ្ញុំខកចិត្តនឹងអ្នកណាស់ ទីផ្សារអីវ៉ាន់ថ្មីស្ងាត់មែនទេ? ចែល្បីណាស់មិនបាច់ធ្វើដល់ថ្នាក់នឹងក៏បានដែរ ចេះស្កប់ស្កល់ កុំក្រឡាលើមនុស្សអន់ដូចពួកខ្ញុំអី ខ្វះខាតអ្វីឱ្យនិយាយគ្នាចង់ស្តាប់ចង់និយាយឱ្យដឹងរឿងដែរ។ មិននិយាយមិនទទួល តែផុសឱ្យគេស្អុយ សប្បាយចិត្តណាស់មែនទេពេលឃើញគេស្អុយថ្នាក់ហ្នឹង មនោសញ្ចេតនាមានខ្លះអត់ យ៉ាងហោចក៏គាត់ធ្លាប់ជាបងដែរដើរយួរ បុ.កល្ហុងឱ្យប្អូនស៊ីដែរគិតតែរឿងតិចតួចប៉ុណ្ណឹងក៏បានអរគុណដែលសុខៗប្លុក=នឹងផ្តាច់មិត្តភាពមែនអត់ សំណាងល្អយាយ អញបារម្ភខ្វល់ពីហែងដូចដើម»។

នៅក្នុងឆាតឆ្លើយឆ្លងរវាងអ្នកជំនួយអនឡាញរូបនេះនិង ឡុង ម៉ានីន រួមទាំងការខម្មិននៅលើសំណេររបស់ ម៉ានីន Ah pop ចោទសួរថា ការបង្ហោះនោះថា «ថាអ្នកណាដែរយាយអញចង់ដឹងដែរ មើលទៅហ្វេនអាចគិតខុសច្រើនបើបងដាមែននិយាយឱ្យចំចង់ដឹងរឿងដូចគ្នា ភាពថោកទាប ថ្លៃថ្នូរ មានរៀងខ្លួនតើ មនុស្សធ្លាប់ស៊ីបាយចាន តែ១តើ ផុសចោលចឹងគេថាបងអញងាប់ហើយ»។ នៅក្នុងឆាត Ah Pop ក៏បានជីកសួរអ្វីដែល ម៉ានីន ផុសដូចគ្នាថា ចង់សំដៅទៅកាន់ម៉ាដាមដាឬយ៉ាងណាហើយត្រូវបាន ម៉ានីន ថាផុសចោលឱ្យអ្នករកស៊ីបំពាន៕

ស្ពានសណ្តោតថ្មី ត្រូវបានសាងសង់ឡើងជំនួសស្ពានសណ្តាតចាស់ ដែលមានកម្ពស់ទាប និងងាយរងគ្រោះពីទឹកជំនន់នៅក្នុងរដូវវស្សា។

ស្ពានប្រវែង១០ម៉ែត្រនេះ ជាផ្នែកដ៏សំខាន់មួយសម្រាប់ភ្ជាប់ស្រុកក្រូចឆ្មារ ឆ្ពោះទៅកាន់ទីរួមស្រុកតំបែរ នៃខេត្តត្បូងឃ្មុំ។

តំបន់ស្រុកក្រូចឆ្មារ និងស្រុកតំបែរ គឺជាតំបន់ពោរពេញទៅដោយដំណាំកសិឧស្សាហកម្ម ដែលស្ពាននេះបានក្លាយជាមធ្យោបាយដ៏មានសារៈប្រយោជន៍ក្នុងការដឹកជញ្ជូនកសិផលសម្រាប់ធ្វើការលក់ទៅកាន់ទីផ្សារ ដោយធ្វើដំណើរឆ្ពោះចេញទៅផ្លូវជាតិលេខ៧១C តទៅស្ពានស្ទឹងត្រង់-ក្រូចឆ្មារ និងឆ្ពោះទៅភូមិភាគកណ្តាលនៃព្រះរាជាណាចក្រកម្ពុជា៕