តុលាការ បានសម្រេចបញ្ជូនលោក លោក គុយ វ៉ាត អគ្គនាយកក្រុមហ៊ុន VTrust Group ដាក់ពន្ធនាគារ PJ ជាប់ពាក់ព័ន្ធចេញមូលប្បទានប័តគ្មានសាច់ប្រាក់ “សែកស្អុយ”។

លោក គុយ វ៉ាត ត្រូវបានសមត្ថកិច្ចឃាត់ខ្លួន កាលពីថ្ងៃទី២៤ ខែសីហា ឆ្នាំ២០២៤កន្លងទៅ បន្ទាប់ពីជនរងគ្រោះជាច្រើននាក់បានដាក់ពាក្យប្ដឹងពីបទឆបោក និងចេញសែកស្អុយ។

គួរបញ្ជាក់ថា លោក គុយ វ៉ាត ត្រូវបានគេស្គាល់ជាទូទៅថាជា ថៅកែហាងផាកកាហ្វេ និងជាអគ្គនាយកក្រុមហ៊ុន VTrust Group ដែលចាប់ផ្តើមអាជីវកម្មនៅឆ្នាំ២០០៣ ។ លោកបានដំណើរការក្រុមហ៊ុនជាច្រើនរួមមានក្រុមហ៊ុន Atech IT Solutions ក្រុមហ៊ុនអចលនទ្រព្យ VTrust Property Co., Ltd, រោងម៉ាស៊ីនកិនថ្មនៅខេត្តកំពង់ស្ពឺ Kamhwa Stone Crushing និងក្រុមហ៊ុន Vtrust Appraisal Co., Ltd៕

លោកឧត្តមសេនីយ៍ឯក ស៊ុន ហួរ ទីប្រឹក្សាក្រសួងមហាផ្ទៃ ត្រូវតុលាការសម្រេច​ដាក់ពន្ធនាគារ PJ ក្រោយរងការចោទប្រកាន់ពីបទឆបោក និងប្រាស់ឯកសារសាធារណៈក្លែង ពាក់ពន្ធទឹកប្រាក់ប្រមាណជាង៣ លានដុល្លារ។

លោកឧត្តមសេនីយ៍ ឯក ស៊ុន ហួរ រងនូវបណ្តឹងចោទប្រកាន់ថា៖”បានយកប្លង់ដីចំនួន៧ប្លង់ ទៅដាក់យកប្រាក់ពីដើមបណ្តឹងមាន៣ករណី សរុបទឹកប្រាក់ប្រមាណជាង៣លានដុល្លារ”។

ក៏ប៉ុន្តែនៅពេលដែលភាគីដើមបណ្តឹង យកទៅផ្ទៀងផ្ទាត់នៅខាងសូរិយោដី រកឃើញថា ប្លង់ដីទាំងអស់នោះ មិនមែនជាឈ្មោះ ស៊ុន ហួរ ទេ។ ហេតុដូច្នេះ ទើបភាគីដើមបណ្តឹង ប្តឹងសមត្តកិច្ចឱ្យជួយចាត់ការ ពាក់ពន្ធបទល្មើសព្រហ្មទណ្ឌ។

គួរបញ្ជាក់ផងដែរថា លោកឧត្តមសេនីយ៍ឯក ស៊ុន ហួរ ក៏ធ្លាប់ត្រូវបានរងការចោទប្រកាន់ពី អ្នកវិនិយោគជនជាតិចិនម្នាក់ ដោយបានឆបោកប្រាក់ អ្នកវិនិយោគចិនយក ជាង៦០ម៉ឺនដុល្លារ រឿងលក់ដីខ្យល់មួយ កន្លែងនៅ ខេត្តព្រះសីហនុផងដែរ៕

នំក្រឡានគឺជានំប្រពៃណីខ្មែរដ៏ពេញនិយមបំផុតមួយ ដែលត្រូវបានយកអង្ករដំណើបច្រកចូលក្នុងបំពង់ឬស្សីព្រមទាំងបិទច្នុកដោយប្រើសំបកដូងឬស្លឹកចេកហើយយកវាដុតរោលពីខាងក្រៅជុំវិញសំបកឬស្សី។

យោងតាមប្រភពមន្ទីរទេសចរណ៍ខេត្តបាត់ដំបងបានគូសបញ្ជាក់ថា ពាក្យក្រឡានមានប្រភពចេញពីជនជាតិភាគតិច(កូឡា) របស់ប្រទេសភូមា ដែលបានរត់ភឿសខ្លួន និងបានរស់នៅលើទឹកដីខេត្តប៉ៃលិនសព្វថ្ងៃ។ ជនជាតិដើមភាគតិច កូឡា បរិភោគអង្ករដំណើបជាអាហារប្រចាំថ្ងៃខុសពីជនជាតិខ្មែរយើង ដែលបរិភោគអង្ករខ្សាយ (អង្ករធម្មតា) ។

ប្រភពដដែលបានឲ្យដឹងទៀតថា ជនជាតិកូឡាពីសម័យមុន ប្រកបរបរទទួលទានដោយការ រករ៉ែ( ត្បូង មាស ពេជ្រ បរបាញ់សត្វ កាប់ឈើ) ។ល។ នៅពេលដែលពួកគេទៅព្រៃម្តងៗ ពួកគេមិនចាំបាច់យកទៅជាមួយនៅ ឆ្នាំ ក្អម ដែលធ្វើអំពីដីឥដ្ឋឡើយ ពីព្រោះរបស់ទាំងនេះវាធ្ងន់ ផុយ ស្រួយ ងាយបាក់បែក ។ នៅពេលពួកគេចម្អិនអាហារ ពួកដើររកកាប់ដើមឬស្សីណាដែលមានប្រហោងធំៗ យកមកដាំស្ល ដោយដាក់បំពង់ឬស្សីបញ្ឈររួចដុតភ្លើងជាការស្រេច ។

ចំណែកឯជនជាតិខ្មែរយើងដែលបានទៅរករ៉ែ និងកាប់ឈើជាមួយជនជាតិភាគតិចកូឡា នាសម័យនោះ ក៏យល់ឃើញថា បាយដំណើបដែលចម្អិនក្នុងបំពង់ឬស្សីមានរស់ជាតិឆ្ងាយខុសពីបាយដំណើបដែលចម្អិនក្នុងឆ្នាំងធម្មតា ។ នៅពេលដែលពួកគេត្រលប់ពីព្រៃវិញ ពួកគេបានផ្សព្វផ្សាយពីវិធីចង្អិនអង្ករដំណើបក្នុងបំពង់ឬស្សីដល់អ្នកភូមិ ។

ចាប់ពីពេលនោះមក ខ្មែរយើងបានហៅឈ្មោះនំនេះថានំក្រឡាន អោយស្រដៀងនិងឈ្មោះជនជាតិភាគតិច កូឡា ។ ពីជំនាន់មួយទៅជំនាន់មួយ គ្រឿងផ្សំផលិតនៅក្រឡាន មានការវិវត្តន៍ជាបន្តបន្ទាប់រហូតដល់បច្ចុប្បន្ននេះ ដែលគ្រឿងផ្សំរបស់វាមានដូចជា៖ អង្ករដំណើប សណ្តែកខ្មៅ ស្ករ ខ្ទិះដូង និងអំបិលបន្តិចបន្ទួច យកស្លឹកចេក រឺស្រកីដូងធ្វើច្នុក ដុតក្នុងចង្ក្រានធ្វើពីរបាដែក។ រយះពេលដុតអាស្រ័យលើទំហំ បំពង់ឬស្សី ។

បច្ចុប្បន្ន ក្រឡានត្រូវបានគេចាត់ទុកថាជានំប្រពៃណីខ្មែរមួយដែលមានលក់នៅទូទាំងប្រទេស មិនថានៅតាមទីផ្សារ ចំណតឡាន តំបន់រមណីយដ្ឋាន និងទីប្រជុំជននានានោះទេ។ យ៉ាងណាមិញ ក្រឡានដែលគេល្បីថាមានរសជាតិឈ្ងុយឆ្ងាញ់ខ្លាំងនោះគឺ រួមមាន ក្រឡានក្រចេះ បាត់ដំបង សៀមរាបជាដើម៕

ភ្ញៀវទេសចរភាគតិចណាស់ ដែលបានស្គាល់និងបានទៅដល់ប្រាសាទបុរាណខ្មែរមួយកន្លែង ស្ថិតនៅក្នុងតំបន់អង្គរ គឺប្រាសាទ«ព្រះបាលិលេយ្យ» កសាងឡើងនៅចុងសតវត្សទី១២ ដែលជាស្នាដៃរបស់ព្រះបិតាព្រះបាទជ័យវរ្ម័នទី៧ គឺព្រះបាទធរណីន្ទ្រវរ្ម័នទី២ (១១៥០ – ១១៦០) ដើម្បីឧទ្ទិសថ្វាយដល់ព្រះពុទ្ធសាសនា។

ប្រាសាទព្រះប៉ាលីឡៃ រឺព្រះបាលិលេយ្យមានចម្ងាយប្រមាណ ១១ គីឡូម៉ែត្រពីក្រុងសៀមរាប រឺចម្ងាយពីប្រាសាទបាយ័នត្រឹមតែ ១.៥ គីឡូម៉ែត្រប៉ុណ្ណោះ។ ប្រាសាទនេះមានទីតាំងនៅខាងជើងប្រាសាទភិមានអាកាស និងនៅខាងក្រោយប្រាសាទទេព្យប្រណម។ ដើម្បីចូលទៅទស្សនាប្រាសាទនេះ អ្នកត្រូវធ្វើដំណើរតាមផ្លូវដីក្រហមចូលទៅកាន់វត្តទេព្យប្រណម ប្រហែលជា ៥០០ ម៉ែត្រ ពីផ្លូវចាក់កៅស៊ូដែលចេញពីប្រាសាទបាយ័ន ឆ្ពោះទៅក្លោងទ្វារខាងជើងនៃក្រុងអង្គរធំ។ ពេលដែលអ្នកធ្វើដំណើរហួសវត្តទេព្យប្រណមបន្តិច អ្នកនឹងឃើញព្រះពុទ្ធបដិមាមួយអង្គយ៉ាងធំនៅខាងមុខក្លោងទ្វារប្រាសាទនៃប្រាសាទនេះ។

ប្រាសាទបាលិលេយ្យ មានទ្វារបួនទិសដែលប្រាង្គស្ថិតនៅខាងលើគ្រឹះបីជាន់ មានជណ្តើរឡើងគ្រប់ទិស។ នៅតាមហោជាង និង ផ្តែរទ្វារនៃប្រាសាទនេះសុទ្ធសឹងជាចម្លាក់របស់ព្រះពុទ្ធសាសនា។ ចម្លាក់នៅខាងកើតគឺរូបព្រះពុទ្ធចូលនិពា្វន ខាងត្បូងរូបព្រះពុទ្ធតាំងសមាធិ និងខាងជើងគឺរូបព្រះពុទ្ធឈរច្រត់ដៃលើសត្វដំរីមួយ។ ជារឿងគួរឲ្យសោកស្តាយដែលផ្នែកខ្លះនៃប្រាសាទត្រូវបានបាក់បែកដោយសារកត្តាផ្សេងៗ និងដល់អាយុកាលរបស់វាជាដើម។

ប្រាសាទនេះមានព្រះពន្លាកិត្តិយសមួយសាងអំពីថ្មភក់លម្អដោយបង្កាន់នាគក្បាលប្រាំ និងចម្លាក់តោបែរទៅទិសខាងកើត។ នៅចុងនៃព្រះពន្លាមានរូបបដិមាព្រះពុទ្ធសាងអំពីថ្មភក់ដ៏ធំមួយទ្រង់គង់ក្នុងទម្រង់យកព្រះធរណីជាសាក្សី។ ប្រាសាទបាលិលេយ្យមានប្រាង្គធំមួយសង់នៅលើខឿនដែលមានកាំជណ្តើរបែរទៅទិសសំខាន់ទាំងបួន ហើយមានកំពែងព័ទ្ធជុំវិញ ប៉ុន្តែនៅសេសសល់ជារាងកំពែងនៅផ្នែកខាងកើតដែលសង់អំពីថ្មបាយក្រៀមលាយឡំ និងមានការលម្អដោយថ្មភក់នៅខ្លោងទ្វារប៉ុណ្ណោះ៕

នាឡិកាធំ ដែលមានទីតាំងស្ថិតនៅខាងមុខជណ្តើរឡើងព្រះវិហារវត្តភ្នំឈាងខាងត្បូងនៃរមនីយដ្ឋានប្រវត្តិសាស្រ្តវត្តភ្នំ ជាកន្លែងទាក់ទាញភ្ញៀវទេសចរទាំងជាតិនិងអន្តរជាតិមិនដែលដាច់នោះឡើយ។

ជឿជាក់ថាប្រិយមិត្តភាគច្រើនប្រាកដជាស្គាល់យ៉ាងច្បាស់ហើយ រមនីយដ្ឋានវត្តភ្នំ ដែលមានទីតាំងស្ថិតនៅចំកណ្តាលទីក្រុងភ្នំពេញនៃប្រទេសកម្ពុជា ដែលទីនោះត្រូវបានគេចាត់ទុកថាជាជាមជ្ឈមណ្ឌលប្រមូលផ្តុំដោយរឿងរ៉ាវវប្បធម៌ ប្រវត្តិសាស្រ្ត និងជំនឿ សាសនា។ វត្តភ្នំត្រូវបានគេចាត់ទុកជានិមិត្តរូបដ៏ចម្បងក្នុងការកំណត់អត្តសញ្ញាណឈ្មោះទីក្រុងភ្នំពេញយើងសព្វថ្ងៃ តាមរយៈរឿងនិទាន «លោកយាយដូនពេញ» ដែលបង្កើតទីនេះដំបូងអំឡុងឆ្នាំ ១៣៧២។

នៅឯរមនីយដ្ឋាននេះទៀតសោត គឺមានទីកន្លែងគួរជាទីចាប់អារម្មណ៍ជាច្រើន ដូចជា ព្រះវិហារនិងចេតីយបុរាណ ដែលតំណាងឲ្យរាជវង្សខ្មែរគឺព្រះបាទពញាយាតនិងញាតិវង្សរបស់ព្រះអង្គ។ បន្ថែមពីនេះក៏នូវមានទីសក្ការៈបូជាដ៏សាកសិទ្ធ ដែលមនុស្សម្នាតែងទៅគោរពបូជាមិនដែលដាច់នោះឡើយ។ អ្វីដែលទាក់ទាញបំផុតគឺទីនោះមាននាឡិកាដ៏ធំស្រស់ស្អាតមួយ ដែលអ្នកទាំងអស់គ្នាអាចប្រទះឃើញ ស្ថិតនៅទល់នឹងមុខផ្លូវតែម្តង។

យោងតាមប្រភពច្បាស់ការណ៍មួយបានឲ្យដឹងថា នាឡិកាធំវត្តភ្នំ ត្រូវបានសាលារាជធានីភ្នំពេញ ស្ថាបនាឡើងអំឡុងឆ្នាំ ២០០០ ជាជំនួយពីខេត្តអ៊ីណាន ប្រទេសចិន។ យ៉ាងណាមិញ នាពេលកន្លងមកនេះ នាឡិកានេះក៏ត្រូវបានធ្វើការកែលម្អនិងជុសជុលជាបន្តបន្ទាប់ ព្រោះតែវាតែមានសភាពចាស់ទ្រុឌទ្រោមផងដែរ។

គូរបញ្ជាក់ថា បច្ចុប្បន្នរមនីយដ្ឋានប្រវត្តិសាស្ត្រវត្តភ្នំ ជាទីកន្លែងទាក់ទាញភ្ញៀវទេសចរបំផុត ជាពិសេសអំឡុងថ្ងៃពិធីបុណ្យជាតិសំខាន់ៗ តួយ៉ាងដូចជាពិធីបុណ្យចូលឆ្នាំខ្មែរ ដែលជារៀងរាល់ឆ្នាំតែងប្រារព្ធឡើងយ៉ាងគគ្រឹកគគ្រេងបំផុត៕

អគ្គនាយកដ្ឋានគយបង្រ្កាបអំពើរត់ពន្ធតំបន់៥ បានធ្វើការឃាត់រថយន្តមួយគ្រឿង ស្ថិតក្នុងចំណុចភូមិទឹកថ្លា សង្កាត់ទឹកថ្លា ក្រុងសិរីសោភ័ណ ខេត្តបន្ទាយមានជ័យ ដោយរឹបអូសបានចុងស្លាបមាន់បង្កក ចំនួន២០០កេស ។
តាមចម្លើយម្ចាស់ទំនិញឈ្មោះ ឈិន សុខាន់ បានប្រាប់លើកឡើងថា៖” ចុងស្លាបមាន់បង្កក ៤២០០គីឡូនេះ ខ្លួនបានលួចនាំចូលពីប្រទេសថៃ បង្កប់ដឹកតាមរថយន្តស៉ាំយ៉ុង យកមកលក់ឱ្យឈ្មួញ ដើម្បីបន្ត លក់ចែកចាយ ក្នុងផ្សារខេត្តបន្ទាយមានជ័យតែម្តង”។
ស្លាបមាន់បង្កកនេះ គឺគ្មានច្បាប់អនុញ្ញាតពីក្រសួងកសិកម្ម ហើយសូម្បីតែការវេចខ្ចប់ ក៏ពិនិត្យឃើញថា មិនស្ថិតក្នុងអនុលោមតាមខ្លឹមសារច្បាប់ ស្ដីពីសុខភាពសត្វ និងផលិតកម្មសត្វ ដែលធ្វើឱ្យបាត់បង់នូវបរិមាណដើម ឬខូចគុណភាព គឺមិនអនុញ្ញាតឲ្យលក់ដូរនៅលើទីផ្សារបានជាដាច់ខាតឡើយព្រោះអាចឱ្យប្រជាពលរដ្ឋទិញយកទៅបរិភោគខូចសុខភាព។
ចំពោះ ផលិតផលសាច់មាន់ចំរុះរឹបអូសបានចំនួន ២០០កេស ត្រូវបានសមត្ថកិច្ចចម្រុះបានយកទៅដុតកំទេចចោល ខណៈម្ចាស់រថយន្តត្រូវបានផ្តិតមេដាយ ចុះកិច្ចសន្យា ឈប់បន្តទិញផលិតកម្មសត្វបង្កកនាំចូលមកក្នុងស្រុកទៀត៕