ប្រទេសជាច្រើននៅអឺរ៉ុបកណ្តាល និងខាងកើតដូចជា អូទ្រីស ស្លូវ៉ាគី សាធារណរដ្ឋឆេក ប៉ូឡូញ និងរូម៉ានី បានរងគ្រោះដោយសារឥទ្ធិពលព្យុះ Boris ដ៏កាចសាហាវបំផុតមិនធ្លាប់មាន ដែលនាំមកនូវភ្លៀងធ្លាក់យ៉ាងខ្លាំងជាបន្តបន្ទាប់ បណ្តាលឱ្យលំនៅដ្ឋានរបស់ប្រជាពលរដ្ឋលិចលង់ដោយទឹកជំនន់។
យោងតាម BBC ខ្យល់ព្យុះ Boris បានបោកបក់វាយប្រហារនៅអឺរ៉ុបកណ្តាល និងខាងកើតកាលពីថ្ងៃទី ១៤ ខែកញ្ញា ឆ្នាំ២០២៤ ដោយបានធ្វើឱ្យមានភ្លៀងធ្លាក់ខ្លាំងជាបន្តបន្ទាប់មកលើតំបន់ជាច្រើនក្នុងប្រទេស អូទ្រីស ស្លូវ៉ាគី សាធារណរដ្ឋឆេក ប៉ូឡូញ និងរូម៉ានី។

នៅប្រទេសអូទ្រីសទីក្រុងវីយែនត្រូវបានប្រកាសថាជាតំបន់គ្រោះមហន្តរាយដ៏ធ្ងន់ធ្ងរបំផុតមិនធ្លាប់មានពីមុនមក ខណៈមនុស្សម្នាក់បានស្លាប់ភ្លាមៗ ពេលកំពុងជួយសង្គ្រោះប្រជាជនក្នុងរដ្ឋអូទ្រីសក្រោម។ រីឯប្រទេសស្លូវ៉ាគីវិញក្នុងទីក្រុង Bratislava ក៏មិនខុសគ្នាពីប្រទេសអូទ្រីសទីក្រុងវីយែនដែរ ដោយប្រទេសទាំងពីរនេះសុទ្ធតែបានប្រកាសភាពអាសន្ននៅក្នុងទីក្រុងដូចគ្នាថាជាតំបន់គ្រោះមហន្តរាយដ៏ធ្ងន់ធ្ងរបំផុតមិនធ្លាប់មាន។ ស្ថានភាពនៅអឺរ៉ុបគឺកាន់តែអាក្រក់ទៅៗហើយ ដោយសារកម្ពស់ទឹកបានឡើងដល់ទ្រូងមនុស្សពេញវ័យក្នុងទីក្រុង Opava នៃសាធារណរដ្ឋឆេក។

ធ្វើឱ្យមនុស្សប្រហែល ១០,០០០ នាក់ក្នុងចំណោមប្រជាជនសរុបរបស់ទីក្រុងដែលមានចំនួន ៥៦,០០០ ត្រូវបានស្នើសុំឱ្យជម្លៀសទៅកាន់ទីទួលខ្ពស់ ខណៈមនុស្ស ៤ នាក់ផ្សេងទៀតបានបាត់ខ្លួនក្នុងគ្រោះទឹកជំនន់ ហើយផ្ទះជាច្រើនរងការខូចខាតយ៉ាងខ្លាំងដោយទឹកជំនន់នៅក្នុងទីក្រុង Jesenik ភាគឦសានសាធារណរដ្ឋឆេក។ ចំណែកឯប្រទេសប៉ូឡូញក្នុងទីក្រុង Klodzko វិញក៏មិនធម្មតាដែរ ត្រូវបានគេចាត់ទុកថា ជាតំបន់រងគ្រោះខ្លាំងបំផុត ដោយបង្ខំឱ្យប្រជាជនប្រហែល ១,៦០០ នាក់ជម្លៀសចេញ ដោយសារភ្លៀងខ្លាំងបណ្តាលឱ្យបាក់ទំនប់ទឹក។

នៅប្រទេសរ៉ូម៉ានីកាលពីថ្ងៃទី១៥ ខែកញ្ញា ក៏កំពុងប្រឈមមុខនឹងឥទ្ធិពលនៃការប្រែប្រួលអាកាសធាតុធ្ងន់ធ្ងរផងដែរ ដែលឥទ្ធិពលខ្យល់ព្យុះនេះបានលេចឡើងកាន់តែច្រើនឡើងនៅក្នុងទ្វីបអឺរ៉ុប ជាពិសេសគឺអឺរ៉ុបកណ្តាល និងខាងកើត។ កម្ពស់ទឹកកាន់តែខ្ពស់ទៅៗធ្វើឱ្យអឺរ៉ុបជួបការលំបាកក្នុងការដោះស្រាយបញ្ហា ទោះជាយ៉ាងណាពួកគេបានត្រៀមខ្លួនរួចជាស្រេចក្នុងការឆ្លើយតបនឹងគ្រោះទឹកជំនន់។

នៅក្នុងរដ្ឋធានី Budapest ប្រទេសហុងគ្រី ក្រុមមន្ត្រីបានលើកឡើងពីការព្យាករណ៍ថា កម្ពស់ទឹកទន្លេ Danube នៅចុងសប្តាហ៍នេះអាចកើនឡើងដល់ជាង ៨.៥ ម៉ែត្រ ដែលជិតនឹងកំណត់ត្រា ៨.៩១ ម៉ែត្រក្នុងឆ្នាំ ២០១៣។ ហើយកម្ពស់ទឹកនៃទន្លេ Elbe ក្នុងទីក្រុង Schona ប្រទេសអាល្លឺម៉ង់ នៅជិតព្រំដែនជាមួយសាធារណរដ្ឋឆេក ត្រូវបានគេរំពឹងថានឹងឡើងដល់កំពូលក្នុងកម្រិត ៧.៥ ម៉ែត្រ នៅរសៀលថ្ងៃទី ១៧ ខែកញ្ញានេះ ដែលនឹងធ្វើឱ្យតំបន់ជាច្រើនចេញការព្រមានកម្រិតខ្ពស់បំផុត៕

កាលពីថ្ងៃទី៧ ដល់ថ្ងៃទី១៤ ខែកញ្ញា ឥទ្ធិពលព្យុះយ៉ាហ្គីបានវាយប្រហារប្រទេសជាច្រើននៅទ្វីបអាស៊ី ហើយនៅថ្ងៃ១៤ ដល់ ១៦ វិញឥទ្ធិពលព្យុះ Boris ក៏បានវាយប្រហារប្រទេសជាច្រើននៅទ្វីបអឺរ៉ុបម្តង។ ប៉ុន្តែឥឡូវនេះចាប់ពីថ្ងៃទី ១៦ រហូតមកដល់ពេលនេះ ខ្យល់ព្យុះដ៏កាចសាហាវមួយស្រាប់តែបានបោកបក់មកលើតំបន់ជាច្រើននៅទ្វីបអាមេរិក បណ្តាលឱ្យផ្ទះរាប់រយខ្នងជន់លិច បង្កឱ្យមានការបាក់ដីយ៉ាងធ្ងន់ធ្ងរ និងរថយន្តជាច្រើនគ្រឿងត្រូវរសាត់ទៅតាមទឹក។

យោងតាម CNN ទីក្រុងឆ្នេរសមុទ្រ Carolina Beach ក្នុងរដ្ឋ North Carolina ប្រទេសសហរដ្ឋអាមេរិកត្រូវបានដាក់ក្នុងភាពអាសន្នកាលពីថ្ងៃទី ១៦ ខែកញ្ញា ឆ្នាំ២០២៤ បន្ទាប់ពីមានភ្លៀងធ្លាក់ខ្លាំងជាប្រវត្តិសាស្ត្របានធ្លាក់ទឹកភ្លៀងរហូតដល់ ៤៥៧ មីលីម៉ែត្រក្នុងរយៈពេល ១២ ម៉ោងប៉ុណ្ណោះ បណ្តាលឱ្យទឹកជំនន់បានជន់លិចតំបន់លំនៅដ្ឋាន និងបង្កការកកស្ទះចរាចរណ៍យ៉ាងខ្លាំង។ ព្យុះភ្លៀងដ៏កាចសាហាវនេះត្រូវបានគេចាត់ទុកថាគឺជាបាតុភូត «ម្ដងក្នុងមួយពាន់ឆ្នាំ»។

លោក Bruce Oakley មន្ត្រីនៅទីក្រុងទេសចរណ៍ Carolina Beach បាននិយាយថា “នេះប្រហែលជាទឹកជំនន់ដ៏អាក្រក់បំផុតដែលអ្នកស្រុកមិនធ្លាប់បានឃើញពីមុនមកទេ”។ លោក Bruce Oakley បានបន្តទៀតថា ខ្យល់និងភ្លៀងភ្លាមៗបានចាប់ផ្តើមតាំងពីព្រឹកព្រលឹម ហើយបន្តភ្លៀងជាបន្តបន្ទាប់ៗ ដោយមនុស្សមិនបានត្រៀមខ្លួនទេព្រោះតំបន់នេះមិនធ្លាប់មានទឹកជំនន់ពីមុនមកឡើយ។

ទន្ទឹមនឹងនឹងនេះកន្លែងផ្សេងទៀតនៅក្នុងតំបន់ក៏បានកត់ត្រាភ្លៀងច្រើនជាង ៣០០ មីលីម៉ែត្រក្នុងរយៈពេល ១២ ម៉ោង ដែលជាចំនួនច្រើនបំផុតក្នុងរយៈពេល ២០០ ឆ្នាំ។ បច្ចុប្បន្នអាជ្ញាធរកំពុងជួយមនុស្សជាច្រើនដែលជាប់ក្នុងរថយន្ត និងផ្ទះឱ្យមានសុវត្ថិភាពហើយ។ ទោះជាយ៉ាងណា ទឹកជំនន់នៅឆ្នេរ Carolina បានចាប់ផ្តើមស្រកបន្តិចម្តងៗ នៅពេលដែលសម្ពាធទាបបានផ្លាស់ទីទៅភាគខាងលិចនៃតំបន់នោះ ដោយគេរំពឹងថានឹងចុះខ្សោយនៅព្រឹកថ្ងៃទី ១៨ ខែកញ្ញានេះ៕

ព្យុះយ៉ាហ្គីគឺបានបោកបក់មកលើប្រទេសជាច្រើនក្នុងតំបន់អាស៊ីអាគ្នេយ៍ដូចជា វៀតណាម ថៃ ឡាវ និងមីយ៉ាន់ម៉ា ទោះជាយ៉ាងណាវៀតណាមគឺជាប្រទេសដែលរងគ្រោះដោយសារឥទ្ធិពលព្យុះយ៉ាហ្គីខ្លាំងជាងគេ នេះក៏ដោយសារមូលហេតុធំៗដូចខាងក្រោម៖
យោងតាម Vnexpress មូលហេតុដែលព្យុះយ៉ាហ្គីបានបំផ្លិចបំផ្លាញប្រទេសវៀតណាមខ្លាំងជាងគេគឺដោយសារកត្តាដី ជម្រាល ភូគព្ភសាស្ត្រ និងផលប៉ះពាល់នៃការប្រែប្រួលអាកាសធាតុ ការកាប់បំផ្លាញព្រៃឈើ ជាមួយនឹងភ្លៀងធ្លាក់ខ្លាំងបន្ទាប់ពីព្យុះ គឺជាមូលហេតុនៃទឹកជំនន់ភ្លាមៗ និងការបាក់ដីនៅតំបន់ជាច្រើនក្នុងប្រទេសវៀតណាម។

យោងតាមប្រភពនេះជាងមួយសប្តាហ៍កន្លងទៅ តំបន់ភាគខាងជើងជាច្រើនបានរងការខូចខាតយ៉ាងធ្ងន់ធ្ងរ ដែលក្នុងនោះមនុស្ស ២៩២ នាក់បានស្លាប់ ៣៨ នាក់បានបាត់ខ្លួន និង ១,៩០៨ នាក់បានរងរបួស។ ហើយ Lao Cai គឺជាខេត្តដែលរងការបំផ្លិចបំផ្លាញខ្លាំងជាងគេបំផុតដោយមនុស្ស ១១៨ នាក់បានស្លាប់ និង ៥០ នាក់ទៀតបានបាត់ខ្លួន។ លើសពីនេះការបាក់ដី និងទឹកជំនន់ភ្លាមៗនៅខេត្ត Lang Nu ស្រុក Bao Yen កាលពីថ្ងៃទី១០ ខែកញ្ញា ក៏បានបំផ្លាញដំបូលផ្ទះចំនួន ៣៣ ខ្នងសម្លាប់មនុស្ស ៥២ នាក់ និងបាត់ខ្លួនចំនួន ១៤ នាក់ផងដែរ។

សរុបមកប្រទេសវៀតណាមគឺបានខូចខាតហេដ្ឋារចនាសម្ព័ន្ធជាច្រើនក្នុងរយៈពេលមួយសប្តាហ៍កន្លងមកនេះ ដោយបានខាតបង់ប្រាក់រហូតដល់ ១.៦ ពាន់លានដុល្លារអាមេរិកឯណោះ។ សាស្ត្រាចារ្យ Tran Le Luu អ្នកសម្របសម្រួលកម្មវិធីអនុបណ្ឌិតផ្នែកបច្ចេកវិទ្យានៅសាកលវិទ្យាល័យ Viet Duc បាននិយាយថា មូលហេតុចម្បងគឺភូគព្ភសាស្ត្រខ្សោយ ដោយសារភាគខាងជើងប្រទេសវៀតណាម មិនសូវមានដើមឈើធំៗ ក៏ដូចជាកង្វះខាតបន្លែ ដីចោត ផ្ទះកកកុញខ្លាំងពេក ជាហេតុបង្កឱ្យមានទឹកជំនន់ភ្លាមៗ និងការរអិលបាក់ដី។

ទន្ទឹមនឹងនេះឥទ្ធិពលនៃការប្រែប្រួលអាកាសធាតុ ក៏បណ្តាលឱ្យមានភ្លៀងធ្លាក់ខ្លាំង និងទឹកជំនន់ធ្ងន់ធ្ងរ អូសបន្លាយយូរផងដែរ។ គួរបញ្ជាក់ដែរថា គ្រោះទឹកជំនន់បានជន់លិចផ្ទៃដីស្រែចំនួន ១៩០,០០០ ហិកតា ដំណាំដូចជាពោត និងដំឡូងមីក៏បានជន់លិចចំនួន ៤៨,០០០ ហិកតា និងខូចខាតផ្ទះជិត ២៣២,០០០ នៅភាគខាងជើងប្រទេសវៀតណាម។ ហើយទីក្រុង Haiphong ដែលជាកន្លែងសម្រាប់សួនឧស្សាហកម្មជាច្រើនក៏បានកត់ត្រាការខាតបង់ និងការខូចខាតប្រហែល ១១ ពាន់ពាន់លានដុង (ប្រមាណ ៤៤៨.៤៣ លានដុល្លារអាមេរិក) ពីព្យុះទីហ្វុងផងដែរ៕

យោងតាម Rolling Stone នៅថ្ងៃទី១៧ ខែកញ្ញា ក្រុមហ៊ុន Tempo Music Investment បានដាក់ពាក្យបណ្តឹងនៅតុលាការសហព័ន្ធ Los Angeles ដើម្បីប្តឹង Miley Cyrus ពីបទ «កេងប្រវ័ញ្ចដោយខុសច្បាប់» ធាតុមួយចំនួននៅក្នុងបទ «When I Was Your Man» របស់ Bruno Mars ប្រូ ក្នុងបទចម្រៀង «Flowers» របស់នាង។

អ្នកតំណាងក្រុមហ៊ុនបាននិយាយថា ពួកគេជាម្ចាស់ផ្នែកនៃតន្ត្រីបន្ទាប់ពីទិញសិទ្ធិអ្នកនិពន្ធពី Philip Lawrence ដែលបានសរសេរវាជាមួយ Bruno Mars, Ari Leviene និង Andrew Wyatt ។ គ្រឹះស្ថានបោះពុម្ពផ្សាយតន្ត្រី រួមមាន Sony Music Publishing, Apple, Target, និង Walmart ក៏ស្ថិតក្នុងបញ្ជីនៃចុងចោទសម្រាប់ការចែកចាយបទ «Flowers»។ ទីភ្នាក់ងារព័ត៌មានបាននិយាយថា Bruno Mars មិនមែនជាដើមបណ្តឹងក្នុងបណ្តឹងនោះទេ។

Temple Music បាននិយាយថាបើគ្មានបទចម្រៀងរបស់ Bruno Mars ទេបទ «Flowers» មិនអាចឈ្នះកំណត់ត្រាប្រចាំឆ្នាំនៅ Grammys ឆ្នាំ២០២៤ ក្រុមហ៊ុនបានប្រកែកថាការងាររបស់នាងបានចម្លងបទភ្លេង ភាពចុះសម្រុង និងទំនុកច្រៀងជាច្រើន រួម ទាំងទំនុកច្រៀង លំដាប់លំដោយនិងធាតុផ្សេងទៀតនៅក្នុងបទចម្រៀងដើម។ «ផ្អែកលើការរួមបញ្ចូលគ្នា និងចំនួននៃភាពស្រដៀងគ្នារវាងកំណត់ត្រាទាំងពីរ វាមិនអាចប្រកែកបានថាបទ Flowers នឹងមិនមានទេបើគ្មាន When I Was Your Man ។ នេះបើយោងទៅតាមពាក្យបណ្តឹង។
ក្រុមហ៊ុនក៏បានចុះបញ្ជីក្រុមអ្នកនិពន្ធបទភ្លេងដែលមាន Miley Cyrus – Gregory Hein និង Michael Pollack ជាជនជាប់ចោទដោយអះអាងថាអ្នកទាំងបីបាន«បង្កើតស្នាដៃចម្លងនៃ When I Was Your Man ដោយគ្មានការអនុញ្ញាត»។ តារាចម្រៀងរូបនេះមិនទាន់ឆ្លើយបំភ្លឺជុំវិញការចោទប្រកាន់នេះនៅឡើយទេ។

បទ Flowers ត្រូវបានចេញផ្សាយនៅខែមករា ឆ្នាំ២០២៣ និងឈរនៅលើកំពូលតារាង Billboard សម្រាប់រយៈពេល៦សប្តាហ៍។ អ្នកគាំទ្រគិតថា នេះជាសាររបស់ Miley Cyrus ទៅកាន់អតីតស្វាមី តារាសម្តែង Liam Hemsworth ព្រោះថាអត្ថបទចម្រៀង វិលជុំវិញរឿងមនុស្សស្រីកាន់តែរឹងមាំ ក្រោយបែកគ្នា។ ការច្រៀងបន្ទរក្នុងបទចម្រៀងនេះត្រូវបានគេនិយាយថាជាការឆ្លើយតបទៅនឹងខ្លឹមសារនៃ When I Was Your Man ដោយសារតែ Hemsworth តែងតែផ្ញើបទចម្រៀងនេះឱ្យនាងស្តាប់។

បន្ទាប់ពី Flowers ត្រូវបានចេញផ្សាយ ការតែងនិពន្ធចាស់របស់ Bruno Mars បានទាក់ទាញការចាប់អារម្មណ៍ ដោយសារតែភាពស្រដៀងគ្នានៃអត្ថបទចម្រៀងទាំងពីរ។ When I Was Your Man គឺជាបទភ្លេងដែលចេញក្នុងឆ្នាំ ២០១២ ដែលបានចូលក្នុងតារាង Billboard Hot 100 ក្នុងឆ្នាំ ២០១៣។ នេះជាបទល្បីមួយរបស់ Bruno Mars ដែលបានសរសេរអំពីការសោកស្ដាយដែលបោះបង់នារីដែលខ្លួនស្រលាញ់ទៅ ដោយសង្ឃឹមថានាងសប្បាយចិត្ត ស្នេហាថ្មីរបស់នាង៕