ប្រិយមិត្តធ្លាប់ឆ្ងល់អត់ ហេតុអ្វីបានជាផលិតផលរបស់ចិននីមួយៗ មិនថាជារថយន្ត ឬស្មាតហ្វូននោះទេភាគច្រើនសុទ្ធតែមានតម្លៃថោ.ក បើធៀបទៅនឹងផលិតផលពីប្រទេសជប៉ុន និងអាមេរិក។ ជាការពិតណាស់រថយន្តអគ្គិសនីរបស់ចិននាពេលបច្ចុប្បន្ននេះគឺកំពុងទទួលបានប្រជាប្រិយភាពយ៉ាងខ្លាំង ដោយសារវាជួយសន្សំសំចៃប្រេង ល្អចំពោះបរិស្ថាន ទំនើបទាន់សម័យ ស្រស់ស្អាត និងមានតម្លៃសមរម្យ។ ដូច្នេះហើយតើមូលហេតុអ្វីបានជារថយន្តអគ្គិសនីរបស់ចិនមានតម្លៃថោ.កជាងគេបែបនេះ?

សម្រាប់មូលហេតុគឺមាន ៥ ទីមួយសេដ្ឋកិច្ចនៃមាត្រដ្ឋាន៖ ប្រទេសចិនអាចត្រូវបានចាត់ទុកថាជារោងចក្រនៃពិភពលោក ដែលមានមូលដ្ឋានផលិតកម្មធំ និងរឹងមាំជាងគេ ហើយក៏មានប្រជាជនច្រើនជាងគេផងដែរ។ ជាលទ្ធផលការចំណាយលើការផលិតគឺមានការថយចុះគួរឱ្យកត់សម្គាល់ជាងប្រទេសដទៃទៀត ដូច្នេះនៅពេលផលិតក្នុងបរិមាណច្រើន តម្លៃក្នុងមួយឯកតានឹងថយចុះទៅតាមនោះ។

ហេតុផលទីពីរមានការគាំទ្រពីរដ្ឋាភិបាល៖ រដ្ឋាភិបាលចិនយកចិត្តទុកដាក់យ៉ាងខ្លាំងចំពោះឧស្សាហកម្មរថយន្តអគ្គិសនី ដោយមានគោលនយោបាយលើកកម្ពស់ពន្ធទាំងពីរ។ ហេតុនេះប្រាក់ឧបត្ថម្ភ និងការកសាងហេដ្ឋារចនាសម្ព័ន្ធ នឹងអនុញ្ញាតឱ្យក្រុមហ៊ុនផលិតរថយន្តអគ្គិសនីនៅក្នុងប្រទេសចិនទទួលបានការគាំទ្រពេញលេញទាំងក្នុងការស្រាវជ្រាវ និងការអភិវឌ្ឍន៍ ដល់ផលិតកម្ម និងទីផ្សារ។

រីឯហេតុផលទីបីគឺបច្ចេកវិទ្យា និងនវានុវត្តន៍៖ ប្រទេសចិនមានការរីកចម្រើនខ្លាំងផ្នែកបច្ចេកវិទ្យាយ៉ាងឆាប់រហ័សបំផុត ជាពិសេសនៅក្នុងវិស័យអាគុយ និងម៉ូទ័រអេឡិចត្រិច ដែលនេះធ្វើឱ្យវាអាចផលិតគ្រឿងបន្លាស់សំខាន់ៗនៃរថយន្តអគ្គិសនីក្នុងតម្លៃថោកជាងគេ ហើយវាក៏ជាគុណសម្បត្តិមួយដែលបង្កការលំបាកដល់គូប្រជែងក្នុងការប្រកួតប្រជែងផងដែរ។

ចំពោះហេតុផលទីបួនវិញគឺខ្សែសង្វាក់ផ្គត់ផ្គង់មានភាពរឹងមាំ៖ ប្រទេសចិនមានខ្សែសង្វាក់ផ្គត់ផ្គង់ពេញលេញ ទាំងវត្ថុធាតុដើមសម្រាប់ផលិតអាគុយ និងម៉ូទ័រអេឡិចត្រិច។ នេះជាលទ្ធផលនៃភូមិសាស្ត្រដ៏ល្អរបស់ប្រទេសចិនផ្ទាល់ ធ្វើឱ្យវាអាចគ្រប់គ្រងថ្លៃដើមផលិតកម្មនៅគ្រប់ជំហានបានយ៉ាងរលូន ពីប្រភពវត្ថុធាតុដើម រហូតដល់ការផ្គុំរថយន្ត។

សម្រាប់ហេតុផលចុងក្រោយគឺទី ៥ ការប្រកួតប្រជែងខ្ពស់៖ ទីផ្សាររថយន្ត នៅក្នុងប្រទេសចិនមានការប្រកួតប្រជែងខ្លាំង មិនថាជារថយន្តសាំង ឬរថយន្តអគ្គិសនីនោះទេ ក្រុមហ៊ុនផលិតកំពុងព្យាយាមកាត់បន្ថយតម្លៃ ដើម្បីប្រកួតប្រជែងដណ្តើមចំណែកទីផ្សារធំជាងគេ។ នេះអនុញ្ញាតឱ្យអ្នកប្រើប្រាស់ទទួលបានអត្ថប្រយោជន៍ពីតម្លៃទាប ដែលនាំឱ្យប៉ះពាល់ដល់ទីផ្សារអន្តរជាតិផងដែរ៕

ប្រទេសអូស្ត្រាលី៖ នៅប្រទេសអូស្រ្តាលីថ្មីៗនេះ អ្នកនេសាទទើបតែចាប់បានត្រីដ៏កម្រមួយក្បាលមានឈ្មោះថា Doomsday fish ឬត្រីនៃថ្ងៃវិនាស ដោយសារត្រីប្រភេទនេះត្រូវបានគេជឿថាជាត្រីចង្រៃ ព្រោះនៅពេលដែលវាបង្ហាញខ្លួនក្នុងប្រទេសណាមួយ មិនយូរប៉ុន្មានគ្រោះធម្មជាតិនឹងកើតមានឡើងក្នុងប្រទេសនោះជាក់ជាមិនខាន។

Doomsday fish មានឈ្មោះពិតថា Oarfish ជាប្រភេទត្រីកម្រម្យ៉ាងតែងលាក់ខ្លួនក្នុងសមុទ្រទឹកជ្រៅរហូតដល់ ១០០០ ម៉ែត្រ ដែលការបង្ហាញវត្តមានរបស់វាគឺតែងតែកើតឡើងមុនគ្រោះមហន្តរាយ ឬការបំផ្លិចបំផ្លាញដ៏ធ្ងន់ធ្ងរណាមួយដូចជារញ្ជួយដី ទឹកជំនន់ និងរលកយក្សស៊ូណាមិ …ជាដើម ទើបគេឱ្យឈ្មោះក្រៅរបស់វាថា “Doomsday fish” ដែលមានន័យថា ត្រីនៃថ្ងៃវិនាសនេះឯង។

យោងតាមសារព័ត៌មានបរទេស Wion News បានឱ្យដឹងថា Doomsday fish គឺជាត្រីដ៏កម្របំផុតមួយក្នុងលោក ដោយសារវាមិនងាយបង្ហាញខ្លួនឱ្យមនុស្សយើងបានឃើញនោះទេ។ ត្រីនេះជាទូទៅមានប្រវែង ៣.៧ ម៉ែត្រ ចូលចិត្តស៊ីត្រីតូចៗ ឬ krill និង crustaceans ជាអាហារ ដោយបច្ចុប្បន្នពួកវាបានកំពុងធ្វើឱ្យប្រជាជនអូស្ត្រាលីមានការភ័យខ្លាចយ៉ាងខ្លាំង ដោយសារគេសង្ស័យថាអាចនឹងមានគ្រោះធម្មជាតិក្នុងពេលឆាប់ៗនេះ។

យោងតាម Live Science ត្រីនេះទើបតែបានបង្ហាញខ្លួនឱ្យឃើញត្រឹមតែ ២០ ដង ប៉ុណ្ណោះនៅទូទាំងពិភពលោកចាប់តាំងពីឆ្នាំ ១៩០១ មក។ កាលពីថ្ងៃទី ១០ ខែសីហា កន្លងទៅ Doomsday fish ធ្លាប់បានបង្ហាញខ្លួនក្នុងប្រទេសសហរដ្ឋអាមេរិក ក្នុងទីក្រុង Los Angeles មិនយូរប៉ុន្មានការរញ្ជួយដីកម្រិត ៤.៤ ក៏បានវាយប្រហារទីក្រុងនេះតែម្តង ដូច្នេះហើយការបង្ហាញខ្លួនរបស់វាត្រូវបានគេជឿជាក់យ៉ាងមុតមាំថាអាចនឹងបង្កឱ្យមានគ្រោះមហន្តរាយនាពេលខាងមុខ៕

្រទេសថៃ ៖ កាលពីពេលថ្មីៗនេះ សារព័ត៌មានថៃរាយការណ៍ថា បណ្តាខេត្តនៅភាគខាងជើងប្រទេសថៃ ដូចជា ៖ ខេត្តឈៀងម៉ៃ និងខេត្តឈៀងរ៉ៃ នៅតែរ.ងគ្រោះដោយសារទឹកជំនន់ ដែលបណ្តាលមកភ្លៀងធ្លាក់ខ្លាំងជាច្រើនថ្ងៃ ។ ទឹកជំនន់បានបំផ្លា.ញ ទ្រព្យសម្បត្តិពលរដ្ឋអស់យ៉ាងច្រើន ហើយសូម្បីតែរថយន្តតូច-ធំ ក៏អណ្តែតតាមទឹកជំនន់បាត់អស់ដែរ ។

ទឹកទន្លេពីងបានកើនឡើងខ្ពស់បណ្តាលឱ្យជន់លិចតំបន់ជាច្រើនរបស់ខេត្តឈៀងម៉ៃ ហើយអ្វីដែលធ្វើឱ្យពលរដ្ឋខេត្តឈៀងម៉ៃកាន់តែបារម្ភខ្លាំងនោះ គឺកម្រិតទឹកទន្លេពីងនឹងកើនឡើងថែមទៀត ដោយសារភ្លៀងធ្លាក់ខ្លាំងជាច្រើនថ្ងៃ ។ លើសពីនេះ ទឹកជំនន់បណ្តាលឱ្យប៉ះពាល់ដល់ការរៀនសូត្ររបស់សិស្សសាលាផងដែរ ដោយសារសាលារៀនបិទទ្វារជាបន្តបន្ទាប់ ។

មុនដំបូង ទឹកជំនន់ចាប់ផ្តើមលិចនៅតំបន់ប៉ាកប្រាវណក ដែលជាតំបន់ទំនាប បន្ទាប់មក ទឹកជំនន់ក៏លិចតំបន់ជាច្រើនទៀតនៅខេត្តឈៀងម៉ៃ ដូចជា ៖ តំបន់ប៉ាឌេត និងតំបន់សាន់តាខុយ ព្រមទាំងលិចផ្លូវចារឺនប្រាថេត ដោយកម្រិតទឹកបានកើនឡើង ចាប់ពី២សង់ទីម៉ែត្រ ទៅ៣សង់ទីម៉ែត្រក្នុង១ម៉ោង ។

សាលារៀន និងទីកន្លែងផ្សេងៗបានបិទទ្វារបណ្តោះអាសន្ន និងរង់ចាំឱ្យស្ថានការណ៍ទឹកជំនន់ធូរស្រាលវិញ ។ រីឯនៅភូមិហួយប៉ាកសាង ឃុំគីឆាង ស្រុកមេទែង ក៏គួរឱ្យបារម្ភដែរ ដោយសារទឹកជំនន់មានកម្ពស់ស្មើជាង៤ម៉ែត្រ គឺជិតដល់កម្រិតប្រកាសអាសន្ន ស្មើនឹង៥ម៉ែត្រ ។

សារព័ត៌មានថៃរាយការណ៍ថា កម្រិតទឹកជំនន់កើនឡើងជាបន្តបន្ទាប់ក្នុងតំបន់នានា ខណៈទឹកទន្លេពីងបានហូរតាមលូរបង្ហូរទឹក និងលិចផ្លូវឆាងក្លាន ដែលជាតំបន់សេដ្ឋកិច្ចដ៏សំខាន់របស់ខេត្តឈៀងម៉ៃ ។ ហាងលក់ដូរផ្សេងៗបានយកការ៉ុងខ្សាច់មកដាក់នៅមុខហាងការពារកុំឱ្យទឹកហូរចូល ប៉ុន្តែដោយសាររថយន្តបើកបរតាមផ្លូវធ្វើឱ្យទឹកហូរចូលផ្នែកខាងក្នុង ។

អាជ្ញាធររាយការណ៍ថា កម្រិតទឹកជំនន់នៅតំបន់ឈៀងដាវបានកើនឡើងជាបន្តបន្ទាប់ ហើយវានឹងហូរមកទីរួមខេត្តឈៀងម៉ៃ ដោយសារតំបន់នេះមានភ្លៀងធ្លាក់ខ្លាំង ។ ហេតុនេះ ទឹកជំនន់នឹងមិនស្រកក្នុងរយៈពេលខ្លីទេ ។

នៅថ្ងៃទី២៤ ខែកញ្ញា ឆ្នាំ២០២៤ ក្រុមការងារសារព័ត៌មានថៃបានរាយការណ៍ពីបរិវេណផ្លូវឆាងក្លានថា រថយន្តតូចៗពុំអាចបើកបរតាមផ្លូវនេះបានទេ ហើយពលរដ្ឋនិយាយថា ទឹកជំនន់ឆ្នាំនេះធ្វើឱ្យពួកគេលំបាកយ៉ាងខ្លាំង ដូចជា ៖ ខូចខាតទ្រព្យសម្បត្តិ និងមានទឹកកខ្វក់ហូរចូលផ្ទះ ។ រីឯនៅផ្លូវចារឺនប្រាថេត ក៏មានទឹកលិចជ្រៅដែរ ខណៈតំបន់ប៉ាកប្រាវណក និងប៉ាកប្រាវណៃ ក្នុងស្រុកមឿងឈៀងម៉ៃ មានទឹកជំនន់លិចខ្លាំងដូចគ្នា ប៉ុន្តែពលរដ្ឋបានដឹកជញ្ជូនសម្ភារៈចេញមុនទឹកលិច ។

ដោយឡែក នៅខេត្តឈៀងរ៉ៃ សារព័ត៌មានថៃរាយការណ៍ថា ទឹកហូរលាយឡំជាមួយមែកឈើ និងភក់មកពីតំបន់ព្រៃភ្នំបណ្តាលឱ្យលិចផ្ទះសម្បែងពលរដ្ឋ និងខូចខាតទ្រព្យសម្បត្តិយ៉ាងច្រើន ដោយសារតែភ្លៀងធ្លាក់ខ្លាំងជាប់ៗគ្នា ។

កាលពីថ្ងៃទី២៤ ខែកញ្ញា ឆ្នាំ២០២៤ មានទឹកជំនន់យ៉ាងខ្លាំងហូរពីតំបន់ព្រៃភ្នំឆ្លងកាត់ភូមិបានហ៊ីនឡាតណៃ ឃុំបានប៉ូង ស្រុកវៀងប៉ាប៉ៅ ខេត្តឈៀងរ៉ៃ ដែលបណ្តាលឱ្យផ្ទះពលរដ្ឋនៅសងខាងផ្លូវ និងរថយន្តតូច-ធំអណ្តែតតាមទឹកអស់ជាច្រើនគ្រឿង ។ រីឯតំបន់នៅឆ្ងាយៗក៏មានទឹកជំនន់ហូរពីតំបន់ព្រៃភ្នំផងដែរ ខណៈពលរដ្ឋដឹកជញ្ជូនសម្ភារៈចេញពីផ្ទះពុំទាន់អស់ ។

អាជ្ញាធរខេត្តឈៀងរ៉ៃបានជូនដំណឹងឱ្យពលរដ្ឋរស់នៅតំបន់ជិតព្រៃភ្នំបង្កើនប្រុងប្រយ័ត្ន និងតាមដានស្ថានការណ៍ទឹកជំនន់ឱ្យបានដិតដល់ ដោយសារមានភ្លៀងធ្លាក់ខ្លាំងមិនឈប់ឈរ ៕

ប្រទេសបារាំង ៖ អ្នកដំណើរមួយចំនួនពុំសូវបរិភោគអាហារលើយន្តហោះទេ ដែលអាចបណ្តាលមកពីរសជាតិ, ពុំចូលចិត្ត និងពុំធ្លាប់បរិភោគ ទើបធ្វើឱ្យក្រុមហ៊ុនអាកាសចរណ៍ជាច្រើន រួមទាំងក្រុមហ៊ុន Air France របស់ប្រទេសបារាំង ប្រកាសឈប់ផ្តល់អាហារជូនអ្នកដំណើរលើយន្តហោះ ។ ប៉ុន្តែពួកគេនឹងផ្តល់អាហារសម្រាប់តែអ្នកដំណើរណាដែលកុម្ម៉ង់ប៉ុណ្ណោះ ។

មូលហេតុធ្វើឱ្យក្រុមហ៊ុនអាកាសចរណ៍ Air France ឈប់ផ្តល់អាហារជូនអ្នកដំណើរលើយន្តហោះ គឺអាចបណ្តាលមកពីកាលពីឆ្នាំ២០២៣ សមាគមដឹកជញ្ជូនផ្លូវអាកាសអន្តរជាតិ (International Air Transport Association) រកឃើញថា អាហារសម្រាប់អ្នកដំណើរលើយន្តហោះបានបង្កើតសំរាម រហូតដល់១លាន១សែន៤ម៉ឺនតោនជារៀងរាល់ឆ្នាំ ។ ប៉ុន្តែមូលហេតុចម្បង គឺមកពីការកាត់បន្ថយចំណាយក្នុងការហោះហើរ និងប្រកួតប្រជែងជាមួយក្រុមហ៊ុនអាកាសចរណ៍លក់សំបុត្រយន្តហោះតម្លៃទាប ។

នៅចុងឆ្នាំ២០២៥ ក្រុមហ៊ុនអាកាសចរណ៍ Air France នឹងសាកល្បងប្រើប្រាស់ប្រព័ន្ធទិញអាហារលើយន្តហោះសម្រាប់ការធ្វើដំណើររយៈពេលខ្លី (គឺតិចជាង៣ម៉ោង) និងរយៈពេលមធ្យម (ចាប់ពី២ម៉ោង ទៅ៦ម៉ោង) ជំនួសឱ្យការចែកសានវិច និងនំប៉័ង ដោយអ្នកដំណើរត្រូវកុម្ម៉ង់អាហារជាមុន ។ ប៉ុន្តែក្រុមហ៊ុនអាកាសចរណ៍នេះនៅតែផ្តល់ទឹកបរិសុទ្ធ, ទឹកតែ, កាហ្វេ និងភេសជ្ជៈផ្សេងៗដល់អ្នកដំណើរ ។

ចំណែកអ្នកដំណើរទិញសំបុត្រយន្តហោះប្រភេទ Business Class នឹងគ្មានការផ្លាស់ប្តូរទេ គឺក្រុមហ៊ុនអាកាសចរណ៍ Air France នឹងផ្តល់អាហារដូចមុន ព្រមទាំងភេសជ្ជៈផ្សេងៗ ។ ក្រុមហ៊ុននឹងសាកល្បងនៅខែមករា ឆ្នាំ២០២៥ ជាមួយយន្តហោះធ្វើដំណើរពីទីក្រុងប៉ារីស ទៅទីក្រុងហេលស៊ិនគិ ប្រទេសហ្វាំងឡង់ ព្រមទាំងពីទីក្រុងប៉ារីស ទៅទីក្រុងលីសប៊ន ប្រទេសព័រទុយហ្គាល់ ។

កន្លងមក ក្រុមហ៊ុនអាកាសចរណ៍នានាដែលផ្តល់ការហោះហើរតម្លៃថោកក៏បានអនុវត្តវិធានការនេះដែរ ប៉ុន្តែវាជាលើកដំបូងសម្រាប់ក្រុមហ៊ុន Air France ប្រកាសឈប់ផ្តល់អាហារជូនអ្នកដំណើរទិញសំបុត្រតម្លៃថោក ។ ហេតុនេះ ទើបមានសំណួរថា ការឈប់ផ្តល់អាហារលើយន្តហោះ តើក្រុមហ៊ុននេះនឹងបញ្ចុះតម្លៃសំបុត្រយន្តហោះដែរឬទេ? ឬគ្រាន់តែជាវិធីសាស្ត្ររកចំណូលមួយទៀត ។

រីឯការលើកឡើងថា ក្រុមហ៊ុន Air France ចង់កាត់បន្ថយកាកសំណល់អាហារលើយន្តហោះនោះ គឺកន្លងមក ក្រុមហ៊ុនធ្លាប់បានផ្លាស់ប្តូរពីស្លាបព្រា, សម និងកែវផ្លាស្ទិក ទៅជាវត្ថុឆាប់រលាយសម្រាប់អ្នកដំណើរប្រើប្រាស់លើយន្តហោះ ៕