ទឹកក្រូចស្រស់ គឺជាប្រភពដ៏ប្រសើរនៃវីតាមីន និងសារធាតុរ៉ែ ប៉ុន្តែប្រសិនបើអ្នកផឹកទឹកក្រូចស្រស់ខុសរបៀបអាចធ្វើឱ្យអ្នកខូចសុខភាពដោយមិនដឹងខ្លួន ព្រោះទឹកក្រូចស្រស់ មិនមែនជាភេសជ្ជៈសុខភាព ឬភេសជ្ជៈសម្រាប់សម្រកទម្ងន់នោះទេ។

១.ផឹកទឹកក្រូចស្រស់ជាមួយអាហារ៖ បើអ្នកមានទម្លាប់ផឹកទឹកក្រូចស្រស់បណ្តើរញ៉ាំអាហារបណ្ដើរ ភ្លាមៗនោះនឹងធ្វើឱ្យអ្នកតឹងទ្រូង ក៏ដូចជាពិបាកដកដង្ហើម។ ជាតិសរសៃ និងអាហារភាគច្រើនត្រូវការពេលវេលាដើម្បីរំលាយ ដូច្នេះបើចង់ផឹកទឹកក្រូចត្រូវរង់ចាំយ៉ាងហោចណាស់ ២ ម៉ោងបន្ទាប់ពីទទួលទានអាហាររួច។

២.ផឹកទឹកក្រូចស្រស់មុនចូលគេង៖ ទឹកក្រូចស្រស់គឺមានជាតិអាស៊ីតដែលវានឹងបង្កើនកម្រិតអាស៊ីតក្នុងក្រពះ ធ្វើឱ្យក្រហាយទ្រូង រំខានដល់វដ្តនៃការគេង។ លើសពីនេះ ការផឹកទឹកក្រូចស្រស់ភ្លាមៗមុនពេលចូលគេងក៏អាចបញ្ចេញជាតិស្ករច្រើន ដែលបណ្តាលឱ្យមានថាមពលកើនឡើង ខណៈពេលដែលរាងកាយត្រូវការបន្ថយល្បឿន និងសម្រាកនៅពេលនេះ។

៣.ផឹកទឹកក្រូចស្រស់ភ្លាមដុសធ្មេញភ្លែត៖ ការផឹកទឹកក្រូចស្រស់ភ្លាមដុសធ្មេញភ្លែត ធ្វើឱ្យបរិមាណអាស៊ីតនៅក្នុងផ្លែក្រូចបំផ្លាញស្រទាប់ធ្មេញ។ ដូច្នេះបណ្ឌិតសភាកុមារអាមេរិកបានផ្តល់អនុសាសន៍ឱ្យរង់ចាំប្រហែល ៦០ នាទីបន្ទាប់ពីផឹកទឹកក្រូចស្រស់រួច ចាំដុសធ្មេញរបស់អ្នកតាមក្រោយ។

៤.ផឹកទឹកក្រូចស្រស់លើសពី ១ កែវក្នុងមួយថ្ងៃ៖ លោកវេជ្ជបណ្ឌិត Scott Kahan នាយកមជ្ឈមណ្ឌលជាតិសម្រាប់ទម្ងន់ និងសុខភាពសហរដ្ឋអាមេរិក បាននិយាយថា ទឹកក្រូចស្រស់មានជាតិស្ករ និងកាឡូរីច្រើនដូចជាភេសជ្ជៈប៉ូវកម្លាំងដែរ។ ភេសជ្ជៈ ១ ពែង ២៤០ មីលីលីត្រ មានជាតិស្ករ ២៦ ក្រាម ធៀបនឹង ២២ ក្រាមក្នុងទឹកក្រូចស្រស់ ១ កែវ ដែលនេះអាចបង្កើនជាតិស្ករក្នុងឈាម យូរៗទៅការឡើងជាតិស្ករក្នុងឈាមអាចនាំឱ្យមានជំងឺគ្រោះថ្នាក់ដូចជាជំងឺបេះដូង និងជំងឺតម្រងនោមជាដើម៕

ផ្លែឈើមិនត្រឹមតែល្អចំពោះសុខភាពរាងកាយប៉ុណ្ណោះទេ ប៉ុន្តែវាក៏ល្អខ្លាំងដែរចំពោះសម្រស់របស់យើង។ ហេតុនេះដើម្បីបានស្បែកសរលោង ម៉ត់ខៃ និងមានសំណើម ស្រស់ស្អាតពីខាងក្នុង ការញ៉ាំផ្លែឈើទាំងបួននេះឱ្យទៀងទាត់ នោះលោកអ្នកទទួលបានសុខភាពល្អ និងស្បែកសភ្លឺថ្លាដូចតារា K-pop។

១.ប៉េងប៉ោះ៖ ផ្លែប៉េងប៉ោះសម្បូរទៅដោយវីតាមីន C ដែលជួយឱ្យស្បែកភ្លឺថ្លា ជំរុញការផលិតកូឡាជែន កាត់បន្ថយសញ្ញានៃភាពចាស់ ចូលរួមក្នុងដំណើរការប្រឆាំងអុកស៊ីតកម្ម ការពារការបង្កើតរ៉ាឌីកាល់សេរី ដែលបំផ្លាញស្បែក។ ទាំងនេះបានជួយឱ្យស្បែកអាចទប់ទល់នឹងភ្នាក់ងារបង្កគ្រោះថ្នាក់ពីបរិយាកាសខាងក្រៅ ដូចជាពន្លឺព្រះអាទិត្យ និងធូលី ធ្វើឱ្យស្បែកមុខភ្លឺថ្លា និងមានសុខភាពល្អ។

២.Cherry៖ ផ្លែឆឺរីសម្បូរទៅដោយវីតាមីន C ដែលជំរុញការផលិតកូឡាជែន និងធ្វើឱ្យស្បែកមានសំណើមសភ្លឺថ្លា។ Cherries ក៏មានផ្ទុកសារធាតុ anthocyanins ដែលជាសារធាតុប្រឆាំងអុកស៊ីតកម្មដ៏មានឥទ្ធិពលមួយ ជួយប្រឆាំងនឹងឥទ្ធិពលនៃកាំរស្មី UV កាត់បន្ថយការរលាក និងហើម។ លើសពីនេះ Cherry ក៏រក្សាសំណើមផងដែរព្រោះវាសម្បូរប៉ូតាស្យូម ដែលមាតិកាវីតាមីន A នៅក្នុងផ្លែឆឺរីនេះក៏ជួយការពារភាពចាស់នៃស្បែកបានយ៉ាងល្អផងដែរ។

៣.ផ្លែផាសិន៖ ផ្លែ passion មានរសជាតិជូរផ្អែម ហើយវាពិតជាល្អខ្លាំងណាស់សម្រាប់ស្បែក។ ផ្លែផាសិនមានផ្ទុកនូវវីតាមីន C ច្រើន ដែលមានឥទ្ធិពលប្រឆាំងអុកស៊ីតកម្មដ៏ខ្លាំងក្លា ជួយកាត់បន្ថយការបង្កើតសារធាតុ melanin ក៏ដូចជាជួយឱ្យស្បែកកាន់តែរលោង និងមានពណ៌ស្បែកស៊ីជម្ពូ។

៤.ផ្លែតាសក់៖ តាសក់សម្បូរទៅដោយជាតិទឹកអាចផ្តល់សំណើម និងមានឥទ្ធិពលប្រឆាំងអុកស៊ីតកម្ម ដែលអាចជួយកាត់បន្ថយការរលាក និងហើម។ វាក៏អាចជួយកាត់បន្ថយស្នាមមុន ស្នាមអុចខ្មៅ និងផ្តល់សំណើមដល់ស្បែកមុខ ក៏ដូចជាជួយកែលម្អភាពយឺតនៃស្បែក និងការបង្កើតឡើងវិញនៅកោសិកាថ្មីផងដែរ៕

មិនមែនជាការលេងសើចទេ ជំងឺឆ្កួ.តជ្រូកគឺពិតជាកាចសាហាវខ្លាំងណាស់ ត្រូវបានមនុស្សជាច្រើនតែងមើលរំលងពីអាការៈ និងរោគសញ្ញារបស់វា។ យោងតាមសារព័ត៌មានថៃ បច្ចុប្បន្នប្រជាជនថៃប្រមាណ ៦៥០,០០០ នាក់កំពុងទទួលរងនូវជំងឺឆ្កួ.តជ្រូក ហើយត្រូវបានគេចាត់ទុកថាជាជំងឺគ្រោះ.ថ្នាក់បែបស្ងប់ស្ងាត់ដែលអាចកើតមានចំពោះមនុស្សគ្រប់ភេទ និងគ្រប់វ័យតែម្តង។

ជំងឺឆ្កួ.តជ្រូក គឺជាជំងឺប្រព័ន្ធប្រសាទនៃខួរក្បាលដែលបណ្តាលឱ្យមានការប្រកាច់ជាញឹកញាប់។ យោងតាមអង្គការសុខភាពពិភពលោក (WHO) ជំងឺឆ្កួ.តជ្រូកប៉ះពាល់ដល់មនុស្ស ៥០ លាននាក់ជុំវិញពិភពលោក និងយោងទៅតាមមជ្ឈមណ្ឌលគ្រប់គ្រង និងការពារជំងឺ (CDC) បានឱ្យដឹងទៀតថា បច្ចុប្បន្នមនុស្សជិត ៣.៥ លាននាក់នៅក្នុងប្រទេសសហរដ្ឋអាមេរិកសុទ្ធតែទទួលរងនូវជំងឺឆ្កួ.តជ្រូកទាំងនេះ។

មូលហេតុដែលបណ្តាលឱ្យមានជំងឺឆ្កួ.តជ្រូកគឺដោយសារ ការសេពគ្រឿងស្រវឹងលើសកម្រិត ក៏ដូចជាការឆ្លងមេរោគខួរក្បាល ខួរក្បាលខ្វះអុកស៊ីហ្សែន ឬជួបគ្រោះថ្នាក់ណាមួយដែលបណ្តាលឱ្យមានស្លាកស្នាមក្នុងខួរក្បាល ឬអាចទាក់ទងទៅនឹងហ្សែន និងលក្ខខណ្ឌឆ្លងដូចជាមេរោគអេដស៍ ជំងឺអេដស៍ និងជំងឺរលាកស្រោមខួរជាដើម។ ជំងឺឆ្កួតជ្រូកអាចវិវឌ្ឍនៅគ្រប់វ័យ ប៉ុន្តែការធ្វើរោគវិនិច្ឆ័យជាធម្មតាកើតឡើងក្នុងវ័យកុមារភាព ឬក្រោយអាយុ ៦០ ឆ្នាំ។

ដូច្នេះរោគសញ្ញានៃជំងឺឆ្កួតជ្រូកត្រូវបានចែកចេញជា ២ ប្រភេទគឺ៖ ទីមួយ ឧស្សាហ៍ប្រកាច់ ប្រកាច់ពេញរាងកាយទាំងមូលតែម្តងក្នុងរយៈពេលយូរ ហើយទីពីរគឺព្រិលភ្នែកញឹកញាប់ វង្វេងស្មារតី ភ្លេចភ្លាំង និងការមិនយល់ដឹងអ្វីទាំងអស់។ ហេតុនេះប្រសិនបើអ្នកមានរោគសញ្ញាដូចខាងលើទាំងស្រុង សូមកុំប្រងើយកន្តើយឱ្យសោះ ចូរអ្នកទៅរកគ្រូពេទ្យឱ្យបានឆាប់បំផុត បើមិនព្យាបាលទាន់ពេលនោះ វានឹងអាចបណ្តាលឱ្យលោកអ្នកមានជំងឺវិកលចរិត៕

ផលិតផលទាំងនេះគឺពិតជាមានសារៈសំខាន់ខ្លាំងណាស់សម្រាប់ស្ត្រីគ្រប់រូបព្រោះវាជួយប្រឆាំងភាពចាស់ ការពារស្បែកពីផលប៉ះពាល់ផ្សេងៗ និងផ្តល់សំណើមដល់ស្បែកគ្រប់ពេលវេលា។ នេះបើយោងតាមគេហទំព័រ The Sun គ្រូពេទ្យជំនាញខាងសើស្បែក Amber Olson Rourke ដែលជាស្ថាបនិកម៉ាកផលិតផលថែរក្សាស្បែក និងដងខ្លួននៅសហរដ្ឋអាមេរិក បានចែករំលែកថា ប្រសិនបើស្ត្រីចង់បានសម្រស់ស្រស់ស្អាតបែបធម្មជាតិ និងក្មេងជាងវ័យ ផលិតផលទាំងបីមុខនេះគឺចាំបាច់បំផុតសម្រាប់អ្នក។

១.ហ្វូមលាងមុខ៖ ការដុសហ្វូមលាងមុខគឺជារឿងចាំបាច់បំផុតដែលអ្នកត្រូវសម្អាតជារៀងរាល់ថ្ងៃ ព្រោះវានឹងជួយការពារភាពចាស់មុនអាយុដែលបណ្តាលមកពីការបំពុល និងរ៉ាឌីកាល់សេរី។ អ្នកជំនាញពន្យល់ថា នៅពេលដែលអ្នកកាន់តែចាស់ សមត្ថភាពនៃស្បែករបស់អ្នកក្នុងការជម្រុះកោសិកានឹងថយចុះ ដូច្នេះការលាងសម្អាតមុខឱ្យបានត្រឹមត្រូវជាប្រចាំនឹងជំរុញការបង្កើតឡើងវិញនូវកោសិកា ក៏ដូចជានាំមកនូវស្បែកស្រស់ថ្លាជានិច្ច។

២.សេរ៉ូមវីតាមីន C៖ អ្នកជំនាញខាងស្បែក Rourke បាននិយាយថា វីតាមីន C គឺជាធាតុផ្សំដ៏មានប្រយោជន៍បំផុតនៅក្នុងផលិតផលថែរក្សាស្បែក ព្រោះវានឹងជួយ “ជួសជុលការខូចខាត” ដែលបានកើតឡើងរួចហើយ។ ហេតុនេះសេរ៉ូមវីតាមីន C នឹងជួយកាត់បន្ថយស្នាមជ្រួញ ចំណុចខ្មៅ និងស្បែករលុង យារធ្លាក់យ៉ាងមានប្រសិទ្ធភាពបំផុត។

៣.ឡេការពារកម្តៅថ្ងៃ៖ យោងតាមការស្រាវជ្រាវរបស់ Scripps Health “អ្នកដែលមិនប្រើឡេការពារកម្តៅថ្ងៃអាចមានហានិភ័យខ្ពស់នៃភាពចាស់មុនអាយុ ខណៈអ្នកដែលប្រើប្រាស់ឡេការពារកម្តៅថ្ងៃជាប្រចាំទំនងជាមានសម្រស់ក្មេងជាងវ័យ”។ ដូច្នេះហើយអ្នកគួរតែជ្រើសរើសឡេការពារកម្តៅថ្ងៃដែលមានវិសាលគមទូលំទូលាយសម្រាប់ប្រើប្រាស់ប្រចាំថ្ងៃ ព្រោះវាមានប្រសិទ្ធភាពការពារស្បែកពីផលប៉ះពាល់នៃកាំរស្មី UV។

លើសពីនេះអ្នកជំនាញ ក៏បានសង្កត់ធ្ងន់លើសារៈសំខាន់នៃការផឹកទឹកឱ្យបានច្រើន និងការគេងឱ្យបានគ្រប់គ្រាន់ផងដែរ៖ “ការផឹកទឹកអាចរក្សាកោសិកាស្បែកឱ្យស ជួយកាត់បន្ថយភាពជ្រីវជ្រួញ និងសញ្ញានៃភាពចាស់។ ការផឹកទឹកឱ្យបានគ្រប់គ្រាន់ក៏ការពារស្បែកពីផលប៉ះពាល់ដ៏គ្រោះថ្នាក់នៃរ៉ាឌីកាល់សេរីដែលបណ្តាលឱ្យមានភាពចាស់មុនអាយុផងដែរ” ។ ហើយការគេងគ្រប់គ្រាន់ ក៏អាចធ្វើឱ្យរាងកាយ ខួរក្បាល និងស្បែក បង្កើតឡើងវិញ និងមានភាពស្រស់ថ្លាជាងមុន។ បន្ថែមពីនេះការគេងក៏ជួយលំហូរឈាមកើនឡើង ដើម្បីផលិតខូឡាជែន និងអរម៉ូនលូតលាស់កាន់តែច្រើនទៀតផង៕