ប្រទេសអាល្លឺម៉ង់ ៖ យោងតាមទិន្នន័យស្តីពីប្រាក់ឈ្នួលនៅអាល្លឺម៉ង់របស់ធនាគារកណ្តាល Bundesbank បង្ហាញថា នៅត្រីមាសទី៣ ឆ្នាំ២០២៤ (ចាប់ពីខែមេសា ដល់ខែមិថុនា) ពលរដ្ឋអាល្លឺម៉ង់ទទួលបានប្រាក់ឈ្នួលខ្ពស់បំផុតក្នុងរយៈពេលជាង៣០ឆ្នាំមកនេះ បើទោះជាសេដ្ឋកិច្ចអាល្លឺម៉ង់នៅតែជាប់គាំងក្នុងវិបត្តិក៏ដោយ ។

ក្រោយពីភាគីជាច្រើនពិភាក្សាគ្នា និងធ្វើកិច្ចព្រមព្រៀងផ្សេងៗអំពីការដំឡើងប្រាក់ឈ្នួល វាធ្វើឱ្យប្រាក់ឈ្នួលនៅអាល្លឺម៉ង់ កើនឡើង៨.៨% នៅត្រីមាសទី៣ ឆ្នាំ២០២៤ បើធៀបនឹងរយៈពេលដូចគ្នាកាលពីឆ្នាំ២០២៣ ។ នេះជាកំណើនប្រាក់ឈ្នួលយ៉ាងឆាប់រហ័សបំផុត បើគិតចាប់ពីឆ្នាំ១៩៩៣ មក ប៉ុន្តែរបាយការណ៍ធនាគារ Bundesbank បញ្ជាក់ថា កំណើនប្រាក់ឈ្នួលទំនងជាមិនមានរយៈពេលយូរទេ ហើយវានឹងប្រែប្រួលនាពេលខាងមុខ ។

អ្នកវិភាគលើកឡើងថា មូលហេតុធ្វើឱ្យប្រាក់ឈ្នួលរបស់ពលរដ្ឋអាល្លឺម៉ង់កើនឡើងយ៉ាងឆាប់រហ័សនេះ គឺមួយផ្នែកបណ្តាលមកពីដំណើរការក្នុងរោងចក្រឧស្សាហកម្មនានាល្អប្រសើរ ។ ប៉ុន្តែនាយកក្រុមហ៊ុនមួយចំនួនបានបង្ហាញក្តីបារម្ភពាក់ព័ន្ធនឹងការបង្កើនការផលិតទំនិញក្នុងផ្នែកឧស្សាហកម្ម នាពេលបន្ទាប់ ។

កត្តាជំរុញសេដ្ឋកិច្ចធំបំផុតរបស់អាល្លឺម៉ង់នាពេលបន្ទាប់អាចនឹងធ្លាក់ចុះ ក្រោយពីប្រាក់ឈ្នួលបានកើនឡើងខ្ពស់បំផុត នៅត្រីមាសទី៣ ឆ្នាំ២០២៤ ។ ជាមួយគ្នានេះ អតិផរណាអាចកើនឡើងខ្ពស់យ៉ាងឆាប់រហ័ស ហើយអាល្លឺម៉ង់នឹងមានវិបត្តិសេដ្ឋកិច្ចបន្តទៀត ដែលបណ្តាលមកពីកត្តាផ្សេងៗ ដូចជា ៖ ភាពមិនប្រាកដប្រជា ការចំណាយដើមទុនខ្ពស់ និងការផលិតទាបក្នុងឧស្សាហកម្ម ដែលនឹងប៉ះពាល់ដល់ការវិនិយោគពីក្រៅប្រទេស ។

របាយការណ៍នេះសន្និដ្ឋានថា នាថ្ងៃអនាគត តម្រូវការទំនិញពីបរទេសអាចនឹងងើបឡើងវិញ ហើយអាជីវកម្មក្រុមហ៊ុនឯកជននៅអាល្លឺម៉ង់នឹងល្អប្រសើរឡើង ដោយសារកំណើនប្រាក់ឈ្នួលយ៉ាងឆាប់រហ័ស ៕

ស្ត្រីម្នាក់ដែលចោទប្រកាន់ថានាងត្រូវបានតារារ៉េប Diddy រំលោភផ្លូវភេទកាលពីខែតុលា បានកែប្រែពាក្យបណ្តឹងរបស់ខ្លួនដើម្បីរួមបញ្ចូលការចោទប្រកាន់ថានាងត្រូវបានរំលោភដោយ Jay-Z ស្វាមី Beyoncé នៅក្នុងពិធីជប់លៀងប្រគល់ពានរង្វាន់ Video Music Awards ក្នុងឆ្នាំ២០០០ ដែលពេលនោះនាងស្ថិតនៅក្នុងវ័យ១៣ឆ្នាំ។ Jay-Z គឺជាតារាល្បីដំបូងដែលត្រូវបានចោទប្រកាន់ពីបទរំលោភផ្លូវភេទពាក់ព័ន្ធនឹងសំណុំរឿងខ្មៅងងឹតរបស់ Diddy។

ពាក្យបណ្តឹងដំបូងត្រូវបានប្តឹងប្រឆាំងនឹង Diddy នៅក្នុងខែតុលា ប៉ុន្តែកាលពីថ្ងៃអាទិត្យ ទី៨ធ្នូនេះ ស្ត្រីដែលបានដាក់ពាក្យបណ្តឹងបានបន្ថែមថា Shawn Carter ដែលជាតារារ៉េប និងជាអ្នកជំនួញដែលគេស្គាល់ថាជា Jay-Z ជាចុងចោទក្នុងបណ្តឹងរដ្ឋប្បវេណី។

ស្ត្រីដែលដាក់ពាក្យបណ្តឹងនេះត្រូវបានគេកំណត់ថាជា Jane Doe និយាយថានាងមានអាយុ ១៣ ឆ្នាំនៅពេលនោះនាងត្រូវបានគេចោទប្រកាន់ថាបានរំលោភដោយ Diddy និង Jay-Z នៅឯពិធីជប់លៀងបន្ទាប់ពីកម្មវិធី Video Music Awards ក្នុងឆ្នាំ២០០០។ ស្ត្រីនោះបានចោទប្រកាន់ថានាងចាប់ផ្តើមមានអារម្មណ៍មិនស្រួលបន្ទាប់ពីញ៉ាំនិងផឹកក្នុងពិធីជប់លៀង ហើយដើរចូលទៅក្នុងបន្ទប់គេងក្បែរនោះ។ ស្ត្រីនោះចោទថា Jay-Z បានរំលោភនាងមុនគេ ហើយ Diddy ជាអ្នករំលោភនាងបន្ទាប់ ។ ស្ត្រីរូបនេះនិយាយថានាងបានវាយ Diddy ហើយរត់ចេញពីកន្លែងនោះ។

Jay-Z ត្រូវបានកំណត់អត្តសញ្ញាណនៅក្នុងពាក្យបណ្ដឹងដំបូងថាជាតារាល្បីលំដាប់Aដែល
ព័ត៌មាននៃការប្តឹងនេះត្រូវបានរាយការណ៍ដំបូងដោយ NBC ។ យោងតាមពាក្យបណ្ដឹង មេធាវីរបស់ Jane Doe បានទាក់ទងទៅកាន់ Jay-Z ដើម្បីស្នើសុំ «ការសម្រុះសម្រួលដើម្បីដោះស្រាយបញ្ហានេះ»។

ការចោទប្រកាន់នេះ Jay-Z បានឆ្លើយតបទៅនឹងលិខិតនោះ ដែលត្រូវបានបញ្ជូនទៅមេធាវីដើមបណ្តឹងដោយ លោក បានហៅការស្នើសុំការសម្រុះសម្រួលជា «ការប៉ុនប៉ង blackmail» ។ការចោទប្រកាន់នេះ Jay-Z ថាអំពើឃោរឃៅគួរឱ្យស្អប់ខ្ពើម ភាពលោភលន់របស់មនុស្ស ព្យាយាមចោទប្រកាន់ដោយដាក់សម្ពោធឱ្យលោកបកស្រាយ តែអ្វីដែលធ្វើឱ្យលោកខូចចិត្តគឺវាប៉ះពាល់ទៅដល់កូនៗរបស់លោកដែលត្រូវមកឃើញព័ត៌មានអំពីការចោទប្រកាន់នេះ៕

កាលពីថ្ងៃទី៧ ខែធ្នូ ឆ្នាំ២០២៤ សារព័ត៌មានបរទេសរាយការណ៍ថា ខ្យល់ព្យុះឈ្មោះ Darragh បានបោកបក់មកលើប្រទេសអង់គ្លេស និងអៀរឡង់ ហើយរដ្ឋាភិបាលប្រទេសទាំងពីរបានប្រកាសអាសន្នពីកម្រិតគ្រោះថ្នា.ក់ ពណ៌ក្រហម (Red Warning) ដើម្បីឱ្យពលរដ្ឋរាប់លាននាក់កុំចាកចេញពីលំនៅឋាន និងលុបចោលជើងហោះហើរជាច្រើន ។

ឥទ្ធិពលខ្យល់ព្យុះកាលពីថ្ងៃទី៧ ខែធ្នូ កន្លងមក បានធ្វើឱ្យឆ្នេរសមុទ្រភាគខាងលិចប្រទេសអង់គ្លេសមានអាកាសធាតុមិនល្អ និងខ្យល់បក់លាយខ្សាច់គ្របដណ្តប់លើតំបន់ទេសចរណ៍ ។ លើសពីនេះ អ្នកបើកបររថយន្តដឹកអ្នកដំណើរបានស្លាប់ដោយសារដើមឈើបាក់សង្កត់នៅតាមផ្លូវ ។

កាលពីថ្ងៃទី៦ ខែធ្នូ កន្លងមក អាជ្ញាធរអង់គ្លេសបានជូនដំណឹងឱ្យពលរដ្ឋសម្ងំនៅក្នុងលំនៅឋាន ដោយត្រៀមស្បៀងអាហារ និងសម្ភារៈប្រើប្រាស់ចាំបាច់ ពីព្រោះខ្យល់ព្យុះអាចបណ្តាលឱ្យដើមឈើបាក់រលំ និងទឹករលកខ្លាំងនៅបរិវេណឆ្នេរសមុទ្រ ។ តំបន់មួយចំនួននឹងដាច់ចរន្តអគ្គិសនី ហើយពលរដ្ឋពុំអាចប្រើប្រាស់ទូរស័ព្ទបាន។

តាមរបាយការណ៍បញ្ជាក់ថា លំនៅឋាន និងហាងលក់ទំនិញជាង៤សែនកន្លែង គ្មានអគ្គិសនីប្រើប្រាស់ ខណៈផ្លូវធ្វើដំណើរ និងស្ពាន ត្រូវបិទដំណើរការបណ្តោះអាសន្ន ។ អង់គ្លេសបានលុបចោលជើងហោះហើរមួយចំនួន ដោយសារខ្យល់ព្យុះនេះមានកម្លាំងខ្លាំងរហូតដល់១៥០គីឡូម៉ែត្រក្នុង១ម៉ោង ដែលបណ្តាលឱ្យមានភ្លៀង និងព្រិលធ្លាក់ខ្លាំង ។

ប្រទេសអង់គ្លេសបានរងផលប៉ះពាល់ដោយសារខ្យល់ព្យុះជារៀងរាល់ឆ្នាំ ហើយតែងតែកើតឡើងនៅរដូវស្លឹកឈើជ្រុះ និងរដូវរងា ក្នុងនោះចំនួនខ្យល់ព្យុះអាចខុសគ្នានៅតាមឆ្នាំនីមួយៗអាស្រ័យលើកត្តាផ្សេងៗ ។ ជាក់ស្តែង ខ្យល់ព្យុះ Darragh គឹជាខ្យល់ព្យុះទី៤ ដែលបានបោកបក់មកលើអង់គ្លេស តាំងពីដើមឆ្នាំ២០២៤ ។

ដោយឡែក ឥទ្ធិពលខ្យល់ព្យុះនេះក៏បានប៉ះពាល់ដល់ភាគខាងជើងប្រទេសអៀរឡង់ផងដែរ គឺមានដើមឈើបាក់នៅតាមផ្លូវ និងបាក់របង ដែលបណ្តាលឱ្យដាច់ចរន្តអគ្គិសនីក្នុងតំបន់មួយចំនួន ។ អាជ្ញាធរអៀរឡង់ បានប្រកាសលុបចោលការរៀបចំកម្មវិធីសំខាន់ៗ ខណៈអាកាសយានដ្ឋាននៅភាគខាងជើងអៀរឡង់ បានលុបចោលជើងហោះហើរជាច្រើន។

ខ្យល់ព្យុះនៅអង់គ្លេស និងអៀរឡង់ បានធ្វើឱ្យប្រទេសនានាបារម្ភថា ចាប់ពីពេលនេះតទៅ ពិភពលោក នឹងជួបគ្រោះធម្មជាតិធ្ងន់ធ្ងរ និងញឹកញាប់ ។ គ្រោះធម្មជាតិ គឺជាសញ្ញាប្រាប់ឱ្យពិភពលោក ប្រញាប់ស្វែងរកវិធានការដោះស្រាយបម្រែបម្រួលអាកាសធាតុ (Climate Change) ដែលនឹងកើតឡើង នាថ្ងៃអនាគត ៕