តារាសម្តែង ឃុន ត្រូវជាប់ក្នុងរឿងអាស្រូវចចាមអារ៉ាមស្នេហាជាមួយនឹងបវរកញ្ញាល្បីឈ្មោះ ពេជ្រ វត្តីសារ៉ាវឌ្ឍី ហើយត្រូវបានអ្នកគាំទ្ររបស់នាងមួយផ្នែកធំមិនគាំទ្រចំពោះទំនាក់ទំនងនេះឡើយ។ មិនត្រូវតែប៉ុណ្ណោះផេកគាំទ្ររបស់ ពេជ្រ វត្តីសារ៉ាវឌ្ឍី និងបណ្តាអ្នកគាំទ្រជាច្រើនទៀតបានអះអាងថា ឃុន មានអត្តចរិតមិនល្អ តោងទម្លាក់នាង បើជាមនុស្សល្អពួកគេគាំទ្រឱ្យស្រលាញ់គ្នាហើយ។ លើសពីនេះអ្នកគាំទ្រថែមទាំងបង្ហាញថាបើគ្មានការគាំទ្ររបស់ពួកគេក៏គ្មាន ពេជ្រ វត្តី ដូចថ្ងៃនេះដែរ។

ថ្មីៗនេះអ្នកគាំទ្រមួយចំនួនរបស់ ពេជ្រ វត្តីសារ៉ាវឌ្ឍី បានបង្ហាញការអាក់អន់ចិត្តខណៈមានគណនីបណ្តាញសង្គមខ្លះបង្ហាញត្រង់ៗតែម្តងមិនពេញចិត្តចំពោះទំនាក់ទំនងរវាងនាងនិងតារាសម្តែង ឃុន។ ក្រោយពីរឿងនេះកាន់តែរីករាលដាលមានអ្នកគាំទ្រជាច្រើនគឺបានលើកឡើងថាគ្មានអ្នកណាចង់ទៅបំបិទសិទ្ធិនោះទេប្រសិនជាប៉ះចំមនុស្សល្អ។ មិនត្រឹមតែប៉ុណ្ណោះ តួឯកប្រុស ឃុន ត្រូវជាប់ក្នុងរឿងអាស្រូវស្នេហាថែមទាំងមានការចោទប្រកាន់ថាលោកមានអត្តចរិតមិនសូវល្អ មកតោងប្រជាប្រិយភាពរបស់ ពេជ្រ វត្តីសារ៉ាវឌ្ឍី ប៉ុណ្ណោះ។

មិនត្រឹមតែបណ្តាអ្នកគាំទ្រទូទៅប៉ុណ្ណោះទេ សូម្បីតែផេកហ្វេនរបស់តារាស្រី ពេជ្រ វត្តីសារ៉ាវឌ្ឍី ក៏បានលូកមាត់លើរឿងនេះព្រមទាំងមិនពេញចិត្តទំនាក់ទំនងរបស់នាងនិងឃុនដូចគ្នា។ ផេក TeamPichvotey បានលើកឡើងថា «គ្មានហ្វេនណាទៅបំបិទសិទ្ធិគេទេត្រូវចាំថាជីវិតមនុស្សរៀងៗខ្លួនជ្រើសរើសតាមការគិតរៀងខ្លួន តែហ្វេនៗគេតាមមក៣ឆ្នាំហើយគេដឹងចរិតថាមនុស្សណាវាចូលមកដើម្បីតែភាពល្បីល្បាញតោងទាមធ្វើឱ្យបាត់បង់កិត្តិយសមនុស្សដែលគេស្រលាញ់បានគេមិនពេញចិត្តវាហ្នឹងហរ។ មិនត្រឹមតែចរិតមិនសូវបានហើយមាត់ស្រីទៀត គិតទៅថាថីបានគេមិនសូវចំណូលគ្រាន់តែឃើញមុខយីអ៊ុនដាក់តាមវាហរររ ។ ផេកដដែល បានសរសេរបន្ថែមក្នុងខម្មិនទៀតថា ពីហ្វេនក្លឹបធំរបស់តី : ត្រូវចាំថាបើគ្មានវត្តមានការគាំទ្រពីពួកខ្ញុំរយៈពេល៣ឆ្នាំនេះ ក៏គ្មានតីដែលល្បីល្បាញអាចឱ្យម្នាក់ហ្នឹងស្គាល់និងតោងនៅថ្ងៃនេះដែរ »។

អ្នកគាំទ្រផ្សេងទៀតបានលើកឡើងថា «ជាហ្វេនអ្នកណាមិនសប្បាយចិត្តពេលអាយដលមានក្តីសុខ តែនេះជាក្តីសុខដែលប្តូរជាមួយការបាត់ប្រជាប្រិយភាពដែលខ្លួនខំសាងមកយ៉ាងលំបាក បើចង់ស្រឡាញ់ក៏គួររើសមើលឱ្យបានល្អជាងនេះដែរ មិនមែនពួកស្ទាវជក់វេបកាន់ជាប់ដៃរបៀបនេះទេ គិតគូរឱ្យបានល្អិតល្អន់ផង»។

គណនីផ្សេងទៀតបានខម្មិនថា «ខ្ញុំឱ្យដើររកចុះតារាស្រុកខ្មែរមានប៉ុន្មានអ្នកដែលមានហ្វេនចាំ support ប្រហែលតី ចង់ញុំាអីស្រែកប្រាប់ហ្វេន ហ្វេននាំគ្នាស្វះស្វែងរកឱ្យទាល់បាន ចង់បានរបស់របរអីហ្វេនទិញឱ្យរបស់ខ្លះចូលខ្ទង់រាប់ពាន់$ទៀត និយាយនេះមិនមែនខ្ញុំស្ដាយលុយទេពួកខ្ញុំធ្វើឱ្យដោយចិត្តស្រឡាញ់ គាត់និយាយដោយផ្ទាល់មាត់ជារឿយៗ «អូនតីសំណាងណាស់ដែលមានអ្នកទាំងអស់គ្នា អ្នកទាំងអស់គ្នាជាគ្រួសាររបស់អូនតី បើគ្មានអ្នកទាំងអស់គ្នាអូនតីក៏គ្មានថ្ងៃនេះដែរ បើអូនតីធ្វើអីខុសទាស់ត្រង់ណាជួយប្រាប់ ជួយណែនាំផងណា” បើសូម្បីតែពាក្យសម្ដីខ្លួនឯងនិយាយក៏មិនគោរពផង តើមានខ្មាសខ្លួនឯងរឺអត់ ពេលមានរឿងកើតឡើងអ្នកអាចហ្នឹងពិបាកចិត្តតែចូរអ្នកចាំថាអ្នកបានធ្វើឱ្យមនុស្សរាប់រយនាក់ដែលស្រឡាញ់អ្នកស្រក់ទឹកភ្នែកមិនដឹងប៉ុន្មានដងហើយទម្រាំឈានមកដល់ចំណុចនេះ…»។

យ៉ាងណាមិញ ជុំវិញរឿងស្រូវស្នេហាដែលមានការមិនពេញចិត្តពីហ្វេនៗនេះទាំង ពេជ្រ វត្តីសារ៉ាវឌ្ឍី និង ឃុន មិនបានលើកឡើងអំពីបញ្ហានេះឡើយដោយអ្នកទាំងពីរបានបង្ហាញសកម្មភាពផ្សេងវិញ៕

បន្ទាប់ពីក្លាយជាម្ចាស់ពានក្នុងកម្មវិធីប្រលងចម្រៀងរ៉េបរយៈពេលជាង២ខែមកនេះ អូជី ហ្គូលឌិន ត្រូវជួបនូវរឿងអាស្រូវគួរឱ្យកត់សម្គាល់ក្នុងរយៈពេលដ៏ខ្លីនេះ។ ជាក់ស្តែងថ្មីៗនេះក៏ផ្ទុះនូវរឿងចម្រូងចម្រាសបញ្ហានៅថ្ងៃសមឆាកពិនិត្យសំឡេងមុនការសម្តែងមកដល់រហូតតារារ៉េបវ័យក្មេងរូបនេះចេញមកបញ្ជាក់និងកុំឱ្យជេរតែស្ករតាមគ្នាទាំងមិនដឹងរឿង។

នៅយប់ថ្ងៃទី២០ មេសា អូជី បានបង្ហោះនៅលើបណ្តាញសង្គមថា «ទ្រាំថាទប់មិនចង់មាត់ជាមួយ Video ថ្មីៗគេជេរខ្ញុំម្នាក់នេះពេញទឹកពេញដី.!! រឿង Sound Check ថ្ងៃបាត់ដំបង ថ្ងៃនឹងជាថ្ងៃខ្ញុំត្រូវ Sound Check បន្ទាប់មក Producer បានឱ្យខ្ញុំចុះទៅខាងក្រោមដើម្បីពិនិត្យសម្លេងបាស់នឹង Microphone ថាតើវាមានបញ្ហាកុងគ្នាទេ ព្រោះខ្លាចពេលដែលខ្ញុំចុះទៅលេងជាមួយ Fan វាមានបញ្ហា»។

ម្ចាស់ពាន RAPPER FIGHTER បានបន្ថែមទៀតថា «បងៗខ្លះចេះដឹងច្រើនពេក គាត់ទៅបង្ហោះ Video ខ្ញុំរួចមានបងៗអ្នកចេះៗជាច្រើនទៀតចូលមកដៀលក្បាលខ្ញុំ ខ្លះទៀតលេងជេរដល់ម៉ែ ហេតុអ្វីបានជាមនុស្សយើងរាល់ថ្ងៃចូលចិត្តម៉្លេសខាង តែស្ករហ្នឹង???? គេខ្មៅ ខ្មៅដែរ.!! គេស សដែរ Tf……ចុកហា Ex»។

ការចេញមកបង្ហោះសំណេរបែបនេះបន្ទាប់ពីមានមតិរិះគន់ អ្នកលេងបណ្តាញសង្គមជាអ្នកគាំទ្រ អូជី បានចូលទៅបញ្ចេញមតិយោបល់កុំឱ្យ អូជី ខ្វល់ខ្វាយពីពាក្យសម្តីទាំងនោះ។ យ៉ាងណាជាមួយនឹងការលើកឡើងរបស់ អូជី ក៏មានគណនីមួយបានណែនាំ អូជី កុំបង្ហាញសកម្មភាពតបតនៅលើបណ្តាញសង្គមធ្វើខ្លួនជាអ្នកអាជីព ដោយប្តូរសកម្មភាពចេញបទចម្រៀងផ្ទុះៗវិញ។ គណនីមួយបានសរសេរថា «ធ្វើខ្លួនជាអាជីពអូនកុំលេងច្រើននៅក្នុងសង្គម ស្ងៀមស្ងាត់ល្អជាង មិនបាច់តបតទេ ចេញមួយបទមួយបទឱ្យផ្ទុះល្អ ជឿបង» ខណៈ អូជី បានបង្ហាញការយល់ព្រមនឹងការលើកឡើងនេះ។

គួរឱ្យដឹងថា អូជី បានផ្ទុះរឿងអាស្រូវដូចជាការនិយាយអំពីតម្លៃជួលផ្ទះ១៨០ដុល្លារកាលនៅធ្វើជាអ្នកដឹកជញ្ជូន មានរឿងរសើបជាមួយ ម៉ៃ សុគន្ធ និងការច្រៀងរបស់លោកអំពីព្រះពុទ្ធសាសនា រួមទាំងរឿងចុងក្រោយនេះនៃសកម្មភាពសមឆាក៕

ការសហការគ្នាជាលើកទី២រវាងតារារ៉េប យូហៃ និង GMENGz តាមរយៈបទ «ស្ទាវជ័រ» ផ្ទុះការគាំទ្រមិនធម្មតារហូតវាយលុកយកចំណាត់ថ្នាក់កំពូលតារាងនៅលើយូធូបដែលមកទល់ពេលនេះមានការទស្សនាជាង៤លានដងឯណោះ។

មុននឹងចេញផ្សាយជាផ្លូវការបទ «ស្ទាវជ័រ» ពីសំណាកតារារ៉េប GMENGz គឺបានធ្វើឱ្យអ្នកលេងបណ្តាញសង្គមទិកតុកលេងបទនេះជាច្រើនម៉ឺននាក់សូម្បីតែម្តាយរបស់តារាចម្រៀងរូបនេះក៏បានលេងនិងបង្ហាញការគាំទ្រកូនប្រុសមិនធម្មតា។ អ្វីដែលកាន់តែពិសេសបទចម្រៀងនេះមិនត្រឹមតែមាន GMENGz ប៉ុណ្ណោះទេប៉ុន្តែគឺមានការសហការជាមួយនឹង យូហៃ ផងដែរ។

បទ «ស្ទាវជ័រ» បានទម្លាក់ជាផ្លូវការជាមួយនឹង MV កាលពីថ្ងៃទី៥ មេសា ឆ្នាំ២០២៥ ដោយចំណាយពេល៥ថ្ងៃទទួលបានការទស្សនា១លានដង។ មិនត្រឹមតែប៉ុណ្ណោះបទនេះក៏បានវាយលុកយកចំណាត់ថ្នាក់កំពូលតារាងមានការស្តាប់ច្រើននៅលើបណ្តាញសង្គមយូធូប។ មកទល់នឹងថ្ងៃទី២១ មេសា មួយនេះនៅតែជាទីពេញនិយមជាប់លេខ១ Trending Music ដដែលខណៈបទរបស់ វណ្ណដា នរិទ្ធ និង វណ្ណថាន មានចំណងជើងថា ចែចង់ ធ្លាក់មកនៅចំណាត់ថ្នាក់លេខ២។

នេះជាលើកទី២ហើយសម្រាប់ យូហៃ ម្ចាស់ពាន The Rapper Cambodia និង GMENGz អតីតបេក្ខជនដែលមិនជោគជ័យការប្រកួតតែកំពុងរីកចម្រើនលើអាជីពនេះ បន្ទាប់ពីបទ «ម្ដងហើយម្ដងទៀត» ដែលបានទម្លាក់កាលពីខែធ្នូ ឆ្នាំ២០២៤ ហើយមកទល់នឹងពេលនេះមានការទស្សនាជាង១០លានដងនៅលើឆាណែលយូធូបរបស់ យូហៃ បើទោះបីជាចេញផ្សាយដំបូងមានភាបចម្រូងចម្រាសបន្តិចក្តីប៉ុន្តែបានកែប្រែសម្រួលឡើងវិញ។

គួរកត់សម្គាល់ថា GMENGz ជាអតីតកូនក្រុមរបស់ នរិទ្ធ ដែលបានសាងប្រជាប្រិយគួរឱ្យកត់សម្គាល់តាមរយៈបទចម្រៀងល្បីៗជាច្រើនដូចជាបទ «កុំច្រឡំ» «អាតួ » «ATTENTION» «អាចទេ» «Old money »។ លើសពីនេះ GMENGz ក៏បានសម្តែងនៅក្នុង MV របស់ វណ្ណដា ព្រមទាំងមានការលើកឡើងថាអ្នកទាំងពីរមានការសហការគ្នាផងដែរ៕