ទស្សនិកជនមានការភ្ញាក់ផ្អើលយ៉ាងខ្លាំងបន្ទាប់ពី Top4 Rapper Fighter រដូវកាលទី១រួមមាន អូជី ហ្គូនឌិន, Ranngo, តូរ៉ូ និង អ៊ីមី បានបង្ហោះសារក្តៅគគុកពាក់ព័ន្ធនឹងការកេងប្រវ័ញ្ចញើសឈាមរបស់ពួកគេមានការស៊ីទាំងលើស៊ីទាំងក្រោម។ អូជី ដែលជាម្ចាស់ពានថែមទាំងគម្រាមទៀតថាប្រសិនជាមិនដោះស្រាយឱ្យពួកគេទេ ពួកគេនឹងបង្ហាញទៅកាន់មហាជន។

នៅថ្ងៃទី២៣ ខែមេសា ឆ្នាំ២០២៦ អូជី បានបង្ហោះសំណេរមួយនិង Tag ទៅកាន់សមាជិក៣រូបផ្សេងទៀតដែលពួកគេគឺជាក្រុម TOP4 នៅក្នុងកម្មវិធីប្រលងចម្រៀងរ៉េបជាមួយគ្នា។ អូជី បានសរសេរថា «Top4 Need Peace, វិស័យនេះពួកខ្ញុំត្រូវបានគេបំផ្លាញញើសឈាមរលាយស្ទើរតែដួល ស៊ីប៉ុន្មានក៏វាស៊ីចុះអត់កំណាញ់ទេតែវាឆ្លៀតខ្ចប់លួចយកចែកគ្នាទៀត»។ ម្ចាស់ពាន Rapper Fighter រដូវកាលទី១ បញ្ជាក់យ៉ាងច្បាស់លាស់ថា «បើសិនអត់ដោះស្រាយបញ្ហានេះទេ.!! ខ្ញុំនឹងបញ្ចេញឈ្មោះប្រាប់មហាជនឱ្យគេដឹងហើយ»។

ងាកមកកាន់ តូរ៉ូ វិញតារាចម្រៀងរូបនេះក៏បានបង្ហោះសំណេរមួយក្នុងន័យផ្លែផ្កាដែរថា «ស៊ីក៏ស៊ីទៅចុះ មិនកំណាញ់នឹងចែកគ្នារស់ទេ តែនេះ( ខ្ចប់ផ្ញើអ្នកផ្ទះទៀត) លើសម៉េស»។ ចំណែកឯ អ៊ីមី វិញ ក៏បានបញ្ចេញសំណេររបស់ខ្លួនដែរថា «ញើសឈាមពួកខ្ញុំអស់លោកដូចសោយសុខនឹងអាវិស័យស៊ីលើស៊ីក្រោមនឹងដល់ហើយ វិស័យនេះ បើយើងមិនធ្វើគេ គេធ្វើយើងហើយ»។

ការបង្ហោះសារផ្ទួនៗគ្នាពីតារាចម្រៀងរ៉េបខាងលើនេះបានបង្កឱ្យទស្សនិកជនមានការភ្ញាក់ផ្អើលយ៉ាងខ្លាំងនិងចាប់ផ្តើមមានការពិភាក្សាក្នុងចំណោមអ្នកលេងអ៊ីនធឺណិតចំពោះបញ្ហាប្រឈមដែល Top4 Rapper Fighter រដូវកាលទី១។ អ្វីដែលសំខាន់ទស្សនិកជនក៏មានការចង់ដឹងដូចគ្នាថាតើនរណាដែលស៊ីកម្លាំងញើសឈាមរបស់ពួកគេនៅក្នុងវិស័យសិល្បៈបែបនេះ។

កន្លងមក អូជី ធ្លាប់បានបង្ហាញពីបញ្ហាប្រឈមមួយចំនួនដែលនៅក្នុងវិស័យរបស់ខ្លួនពោរពេញដោយការរើសអើងរហូតចង់សម្រាកពីអាជីពទៀតផង។ ក្រៅពី អូជី Ranngo ក៏ធ្លាប់បង្ហោះដ្រាម៉ាលេងសើចចង់ចាកចេញពីវិស័យសិល្បៈដោយចង់ទៅរស់នៅក្នុងជីវភាពសាមញ្ញវិញដូចគ្នា៕

សូមស៊ែបន្ត ដើម្បីបង្ហាញថា ប្រជាជនខ្មែរ មិនភ្លេចវីរៈកងទ័ពយើងឡើយ! លើកនេះមេឃក្ដៅកាន់តែខ្លាំង ប៊ូសស្រ្តងកាន់តែជួយខ្លាំង ដោយផ្ដល់ស៊ីទែនទឹកស្អាត សរុបដល់ទៅ 50ម៉ឺនលីត្រជូនវីរៈកងទ័ពជួរមុខ។
ប៊ូសស្រ្តងជួយមិនឈប់ទេ តែងតែនៅក្បែរវីរៈកងទ័ពគ្រប់កាលៈទេសៈជានិច្ច។ ជាក់ស្ដែង បន្ទាប់ពីចប់ចូលឆ្នាំខ្មែរ អាកាសធាតុក្ដៅខ្លាំងពេក ស្របពេលដែលលោកគ្រីស តំណាងក្រុមហ៊ុនប៊ូសស្រ្តង បានឃើញការបង្ហោះមួយ អំពីសកម្មភាពវីរៈកងទ័ពមានតម្រូវការទឹកប្រើប្រាស់បន្ថែម ក៏សម្រេចចិត្តប្រកាសឧបត្ថម្ភទឹកស្អាត 50ម៉ឺនលីត្រ ដោយត្រៀមដឹកជញ្ជូនស៉ីទែនទឹកស្អាតជូនដល់វីរៈកងទ័ពផ្ទាល់ដៃ។ នេះមិនមែនគ្រាន់តែជាការផ្ដល់ទឹកពិសារប៉ុណ្ណោះទេ តែជាការផ្ដល់កម្លាំងចិត្ត ក្ដីគោរព និងការដឹងគុណ ជំនួសមុខឱ្យប្រជាជនខ្មែរទាំងអស់ ទៅកាន់វីរៈកងទ័ព ដែលបានឈរជើងការពារជាតិមាតុភូមិឱ្យមានសុខសន្តិភាព។
បន្ថែមពីនេះ! ប៊ូសស្រ្តងក៏ភ្ជាប់ជាមួយនឹងភេសជ្ជៈប៉ូវកម្លាំងកំប៉ុងថ្មី Super Boostrong, Super ជាតិ ផងដែរ ដើម្បីជួយបន្ថែមកម្លាំងថាមពល និងជំរុញទឹកចិត្តវីរៈកងទ័ពរបស់យើង មិនឱ្យមានអារម្មណ៍ឯកោឡើយ។
ញុំា Super ប៊ូសស្រ្តងមួយកំប៉ុង ដូចបានជួយវីរៈកងទ័ពមួយចំណែក!

បន្ទាប់ពីអត្រាកំណើតធ្លាក់ចុះខ្លាំង ខេត្ត Kochi ប្រទេសជប៉ុន បានកំណត់វិធានការថ្មីលើកទឹកចិត្តឱ្យយុវជននៅលីវ (Single) ណាត់ជួបគ្នាដើម្បីបង្កើតទំនាក់ទំនងស្នេហាតាមរយៈកម្មវិធីស្វែងរកគូក្នុងបណ្តាញសង្គម ដោយវិធានការថ្មីនេះ គឺផ្តល់ប្រាក់ឱ្យយុវជនក្នុងម្នាក់ចំនួន១២៥ដុល្លារ សម្រាប់យកទៅចុះឈ្មោះជាមួយកម្មវិធីស្វែងរកគូ ។ មន្ត្រីខេត្តរំពឹងថា យុវជនដែលណាត់ជួបគ្នានឹងបង្កើតទំនាក់ទំនងស្នេហាឈានទៅរៀបការ និងមានកូននាថ្ងៃអនាគត ។

តាមការចុះផ្សាយរបស់សារព័ត៌មានអង់គ្លេស The Independent កាលពីថ្ងៃទី២២ ខែមេសា ឆ្នាំ២០២៦ គឺយុវជនជប៉ុនមានអាយុចាប់ពី២០ឆ្នាំ ដល់៣៩ឆ្នាំ នឹងទទួលបានប្រាក់ចំនួន១២៥ដុល្លារ សម្រាប់ការចុះឈ្មោះជាសមាជិករបស់កម្មវិធីស្វែងរកគូដ៏ពេញនិយមក្នុងបណ្តាញសង្គម ដូចជា ៖ Tapple ។ គោលដៅនៃការបង្កើតវិធានការថ្មី ដើម្បីឱ្យយុវជនស្វែងរកគូដែលខ្លួនពេញចិត្តរៀបការ និងមានកូន ហើយលក្ខខណ្ឌយុវជននឹងទទួលបានប្រាក់ គឺត្រូវតែរស់នៅខេត្ត Kochi ។

Tapple គឺជាកម្មវិធីស្វែងរកគូដ៏ពេញនិយមនាពេលបច្ចុប្បន្ន ប្រសិនបើយុវជនចង់ប្រើប្រាស់កម្មវិធីនេះ គឺត្រូវចុះឈ្មោះដោយបង់ថ្លៃសេវាក្នុងម្នាក់ចំនួន១២៥ដុល្លារសម្រាប់១ឆ្នាំ ។ មន្ត្រីខេត្ត Kochi ម្នាក់និយាយថា ការផ្តល់ប្រាក់ គឺសម្រាប់បង់ថ្លៃសេវាប្រចាំឆ្នាំទៅឱ្យកម្មវិធីស្វែងរកគូ ហើយខេត្តនឹងធ្វើការស្ទង់មតិអ្នកប្រើប្រាស់កម្មវិធីនាពេលក្រោយដើម្បីចង់ដឹងថា តើវិធានការនេះទទួលបានជោគជ័យឬក៏អត់ ។

Kochi គឺជាខេត្តមួយដែលមានចំនួនពលរដ្ឋរស់នៅតិចតួចបំផុត ថែមទាំងមានបញ្ហាអត្រាកំណើតធ្លាក់ចុះជារៀងរាល់ឆ្នាំ ទើបធ្វើឱ្យចំនួនពលរដ្ឋធ្លាក់ចុះយ៉ាងឆាប់រហ័ស ។ ការផ្តល់ប្រាក់នេះ គឺជាការយកចិត្តទុកដាក់ចំពោះពលរដ្ឋក្នុងសង្គមជប៉ុនដែលសម្បូរមនុស្សចាស់ និងមានរបាយការណ៍ពីចំនួនពលរដ្ឋនៅលីវកាន់តែច្រើន ។

ចំណែកខេត្តផ្សេងៗនៅប្រទេសជប៉ុន ក៏ចង់យកគំរូតាមខេត្ត Kochi ដែរ ប៉ុន្តែនឹងផ្តល់ប្រាក់ក្នុងចំនួនតិចជាងនេះ ។ ស្របពេលវិធានការថ្មីទទួលបានការស្វាគមន៍ ជាមួយគ្នានេះ ក៏មានមតិមួយចំនួនក្នុងបណ្តាញសង្គមលើកឡើងថា ដោយសារការខ្វះខាតថវិកា ធ្វើការយូរម៉ោង និងត្រូវចំណាយច្រើនលើការចិញ្ចឹមកូន ទើបធ្វើឱ្យពួកគេពិបាកបង្កើតទំនាក់ទំនងស្នេហា និងរៀបការ ។

តាមការស្ទង់មតិរបស់រដ្ឋាភិបាលជប៉ុនកាលពីឆ្នាំ២០២៤ បង្ហាញថា ពលរដ្ឋជប៉ុនម្នាក់ក្នុងចំណោម៤នាក់ដែលបានរៀបការរួចហើយ ដែលមានអាយុក្រោម៣៩ឆ្នាំ បានជួបប្តី-ប្រពន្ធតាមអ៊ីនធរណេត ច្រើនជាងការជួបគ្នានៅកន្លែងផ្សេងៗ ។ ចំនួនពលរដ្ឋជប៉ុនរស់នៅតំបន់ជនបទកាន់តែតិចទៅៗក្នុងរយៈពេលប៉ុន្មានឆ្នាំចុងក្រោយ ជាពិសេស ខេត្ត Kochi មានពលរដ្ឋជាច្រើនផ្លាស់ប្តូរទីលំនៅ ៕