ផ្ទុះល្បីអំពីសកម្មភាពខុសច្បាប់ និងការឆបោ.កលើជនជាតិចិននៅក្នុងប្រទេសថៃច្រើនករណីពេក ឥឡូវនេះស្ថានទូតចិនប្រចាំនៅនៅទីក្រុងបាងកក បានចេញសេចក្ដីណែនាំដាស់តឿនសារជាថ្មី ដោយព្រ.មានពលរដ្ឋខ្លួនដែលធ្វើដំណើរមកប្រទេសថៃឱ្យទទួលស្គាល់អំពីហានិភ័យ ត្រៀមវិធានការសុវត្ថិភាព និងជៀសវាងការចូលរួមក្នុងសកម្មភាពខុសច្បាប់ទាំងនោះ។

យោងតាមសេចក្ដីថ្លែងការណ៍ដែលចេញផ្សាយដោយកាសែត The China Daily កាលពីថ្ងៃទី២៤ ខែមេសា បានឲ្យដឹងថា ស្ថានទូតចិនបានអំពាវនាវឱ្យពលរដ្ឋមានការប្រុងប្រយ័ត្នខ្ពស់បំផុត កុំទុកចិត្តលើការផ្សាយពាណិជ្ជកម្មនៅលើបណ្ដាញសង្គម ឬកម្មវិធីផ្ញើសារតាមទូរស័ព្ទដែលផ្សព្វផ្សាយថា “មានការផ្តល់ជូនការងារដែលមានប្រាក់ខែខ្ពស់” នៅក្រៅប្រទេស ជាពិសេសក្បែរព្រំដែនមីយ៉ាន់ម៉ា-ថៃ។ ស្ថានទូតចិនបានបញ្ជាក់យ៉ាងច្បាស់ថា ប្រសិនបើធ្លាក់ក្នុងអន្ទាក់នៃក្រុមឆបោកទាំងនោះ ជនរងគ្រោះអាចប្រឈមនឹងការបង្ខាំងទុកដោយខុសច្បាប់ អំពើហិង្សា ឬអាចឈានដល់ការបាត់បង់អាយុជីវិតទៀតផង។

ស្ថានទូតក៏បានព្រមានផងដែរថា ពលរដ្ឋទាំងអស់ត្រូវបានហាមប្រាមដាច់ខាត ការគុបគិត ឬចូលរួមក្នុងសកម្មភាពខុសច្បាប់ទាំងនោះ ព្រោះការឆបោកតាមអ៊ីនធឺណិត និងឧក្រិដ្ឋកម្មពាក់ព័ន្ធ មានស្ថានទម្ងន់ទោសធ្ងន់ធ្ងរណាស់នៅក្រោមច្បាប់ចិន និងច្បាប់នៃប្រទេសពាក់ព័ន្ធ។

ក្រៅពីការព្រមា.នអំពីហានិភ័យនៃការឆបោ.កក្នុងន័យមកធ្វើការងារ ការធ្វើដំណើរកម្សាបែបទេសចរណ៍ន្តធម្មតាមកកាន់ប្រទេសថៃរបស់ពលរដ្ឋចិន ក៏ត្រូវបានរដ្ឋាភិបាលណែនាំឲ្យមានការប្រុងប្រយ័ត្នខ្ពស់ផងដែរ។ ការប្រកាសនេះកើតមានក្រោយពេលភ្ញៀវទេសចរណ៍ចិនជាស្រ្តីម្នាក់ត្រូវបានគេដាក់ថ្នាំសម្រើបរហូតបាត់បង់ស្មារតី បន្ទាប់ពីទៅលេងបាញ់ទឹកក្នុងថ្ងៃចូលឆ្នាំថ្មីនៅប្រទេសថៃ។

នេះគឺជាករណីមួយក្នុងចំណោមរាប់សិបករណីទៀតដែលបានកើតឡើងពាក់ព័ន្ធនឹងការបៀតបៀន ដោយបើតាមការស្ទង់មតិ និងទិន្នន័យបឋមពីមូលនិធិស្ត្រី និងបុរស (WMAF) របស់ថៃ បានបង្ហាញថា ក្នុងចំណោមស្ត្រីដែលបានចូលលេងទឹក ប៉ាតម្សៅ ក្នុងអំឡុងពេលចូលឆ្នាំនៅប្រទេសថៃ មានស្ត្រីប្រមាណ ៣០% ទៅ ៤០% ហើយបានបញ្ជាក់ថាពួកគេធ្លាប់ជួបប្រទះការបៀតបៀនក្នុងរូបភាពជាច្រើនខុសៗគ្នា។

ដោយសារតែមានសេចក្ដីរាយការណ៍អំពីភាពអសន្តិសុខ និងគ្មានសុវត្ថិភាពដូចបានរៀបរាប់ខាងលើនេះហើយ ទើបបានជារដ្ឋាភិបាលចិនដាស់តឿនពលរដ្ឋខ្លួនម្ដងហើយម្ដងទៀត កុំឲ្យជឿតាមការលួងលោមទៅធ្វើការនៅក្នុងឬតំបន់ជុំវិញក្បែរព្រំដែនមីយ៉ាន់ម៉ា-ថៃ និងបានណែនាំដល់ពលរដ្ឋស្ត្រីៗដែលទៅលេងកម្សាន្តនៅប្រទេសថៃកុំដើរទៅណាមកណាតែម្នាក់ឯង ដើម្បីបញ្ចៀសហានិភ័យផ្សេងៗ៕

លេខមួយខាងយកមុខ! រដ្ឋមន្រ្តីការបរទេសថៃ លោក ស៊ីហាសាក់ ភួងកេតកែវ បានរៀបរាប់ប្រាប់ប្រមុខការទូតចិន លោក វ៉ាង យី យ៉ាងដូច្នេះថា៖ ភាគីថៃត្រៀមខ្លួនរួចជាស្រេចក្នុងការចរចាជាមួយកម្ពុជា ប៉ុន្តែលុះត្រាតែកម្ពុជាបង្ហាញភាពស្មោះត្រង់, កសាងទំនុកចិត្តល្អ និងសន្យាថានឹងដោះស្រាយបញ្ហាព្រំដែនតែរវាងទ្វេភាគីជាមួយថៃជាមុនសិន នោះទើបការចរចាអាចប្រព្រឹត្តទៅបាន។

ថ្លែងនៅក្នុងឱកាសជួបសំណេះសំណាល និងពិភាក្សាការងារជាមួយប្រមុខការទូត តំណាងបក្សកុម្មុយនិស្តចិន កាលពីយប់ថ្ងៃទី២៤ ខែមេសានេះ លោក ស៊ីហាសាក់ ភួងកេតកែវ បានលើកឡើងថា៖ គោលនយោបាយរបស់ប្រទេសថៃ គឺរួមរស់ជាមួយប្រទេសជិតខាងក្នុងសន្តិភាព និងសន្តិសុខ ហើយនឹងមិនច្រានចោលឡើយនូវការចរចាដើម្បីបញ្ចប់បញ្ហាជាមួយកម្ពុជា។ ទោះជា លោក ស៊ីហាសាក់ បានគូសបញ្ជាក់ថា នៅក្នុងការចរចាទាំងនេះ ភាពស្មោះត្រង់ និងការកសាងទំនុកចិត្ត គឺជារឿងសំខាន់បំផុត។

តាមសម្ដីរបស់លោក ស៊ីហាសាក់ បញ្ហាទ្វេភាគីត្រូវតែដោះស្រាយតាមរយៈការចរចាទ្វេភាគី។ ដូច្នេះ ប្រសិនបើកម្ពុជាពិតជាស្មោះត្រង់ចំពោះវិធីសាស្រ្តនេះ នោះការចរចាបែបនេះគួរតែត្រូវបានបន្ត។ មិនគួរដាក់សម្ពាធលើប្រទេសថៃទេ ហើយខ្ញុំជឿថា ការចរចានឹងរីកចម្រើនបន្តិចម្តងៗ។ បន្ថែមលើនោះ រដ្ឋមន្រ្តីការបរទេសថៃរូបនេះថែមអះអាងទៀតថា ភាគីចិនក៏មិនយល់ស្របនឹងការនាំយកបញ្ហាទ្វេភាគីមកដោះស្រាយលើឆាកអន្តរជាតិដែរ។

គួរជម្រាបថា ការលើកឡើងរបស់រដ្ឋមន្រ្តីក្រសួងការបរទេសថៃដូចខាងលើនេះ ប្រៀបបាននឹងការនិយាយជាន់ពន្លិចអ្នកដទៃដើម្បីយកល្អខ្លួនឯង ទាំងដែលជាក់ស្ដែង ភាគីថៃខ្លួនឯងសម្រេចចិត្តលុបចោល MOU ២០០១ ជាឯកតោភាគី ដោយមិនសួរយោបល់ពីកម្ពុជា ឬភាគីណាមួយឡើយ បើទោះជាអនុស្សារណៈនេះត្រូវបានចុះហត្ថលេខានៅក្រោមច្បាប់អន្តរជាតិក៏ដោយ។

សកម្មភាពហែកចោលកិច្ចព្រមព្រៀងរួមតែម្នាក់ឯងរបស់ថៃដូចខាងលើនេះ អាចចាត់ទុកបានថាជាការរំលោភលើច្បាប់អន្តរជាតិ បំផ្លា.ញទំនុកចិត្តរវាងប្រទេសទាំងពីរ និងបង្កជាឧបសគ្គដ៏ធំដល់ការអភិវឌ្ឍសេដ្ឋកិច្ចរួមគ្នា ជាពិសេសក្នុងវិស័យប្រេង និងឧស្ម័ន ដែលមានតម្លៃរាប់ពាន់លានដុល្លារ។

ឆ្លើយតបនឹងបញ្ហានេះ ក្រសួងការបរទេស និងសហប្រតិបត្តិការអន្តរជាតិកម្ពុជា បានបញ្ជាក់ថា វាជារឿងដែល “គួរឱ្យសោកស្តាយបំផុត” ប្រសិនបើភាគីថៃសម្រេចដកខ្លួនជាឯកតោភាគី។ សម្រាប់កម្ពុជា MOU 2001 នៅតែមានសុពលភាពផ្លូវច្បាប់ពេញលេញ រហូតទាល់តែគោលបំណងនៃកិច្ចព្រមព្រៀងនេះត្រូវបានសម្រេចជាស្ថាពរ។

សម្រាប់កម្ពុជា គឺនៅតែប្តេជ្ញាចិត្តយ៉ាងមុតមាំ និងឥតងាករេចំពោះខ្លឹមសារ និងស្មារតីនៃអនុស្សរណៈនេះ ព្រមទាំងចំពោះសុច្ឆន្ទៈ និងភាពស្មោះត្រង់ ដែលបាននាំឱ្យអនុស្សរណៈនៃការយោគយល់គ្នានេះ សម្រេចបានកាលពីឆ្នាំ២០០១៕

ធ្លាប់តែផ្សព្វផ្សាយលាបពណ៌ទម្លាក់កំហុសមកលើកម្ពុជាជាប្រទេសឆបោ.កអនឡាញ ប៉ុន្តែភ្លេចមើលពីប្រទេសថៃខ្លួនឯង គឺជាទីតាំងឆបោកអនឡាញដ៏ធំបំផុតក្នុងតំបន់ និងក្នុងពិភពលោក! ក្នុងដំណើរទស្សនកិច្ចមកកាន់ប្រទេសថៃកាលពីថ្ងៃទី២៤ ខែមេសា ឆ្នាំ២០២៦ រដ្ឋមន្ត្រីក្រសួងការបរទេសចិន លោក Wang Yi បានប្រាប់ឱ្យរដ្ឋាភិបាលថៃបង្ក្រា.បការឆបោ.កអនឡាញដែលកំពុងតែកើនឡើងខ្លាំងនៅប្រទេសថៃ ហើយលោកនាយករដ្ឋមន្ត្រី Anutin Charnvirakil សន្យាបង្ក្រា.បបទល្មើសអនឡាញឱ្យបានតាមសំណើរបស់ចិន ។

ប្រទេសថៃ គឺជាទីតាំងឆបោកអនឡាញដ៏ធំបំផុតក្នុងពិភពលោក និងមានបទល្មើសអនឡាញកើតឡើងមិនឈប់ឈរ ដូចជា ៖ ការជួញដូរមនុស្ស និងបោកបញ្ឆេតជនបរទេសមកធ្វើការឆបោកនៅប្រទេសថៃ ហើយជនជាតិចិនក៏ចាញ់បោក​ និងត្រូវគេជួញដូរមកប្រទេសថៃដែរ ដូចករណីតារាសម្តែងចិន ។ ទោះជារដ្ឋាភិបាលថៃអាណត្តិមុនៗបានបង្ក្រាបបទល្មើសជាបន្តបន្ទាប់ ប៉ុន្តែនៅតែបង្ក្រាបមិនអស់ រហូតដល់ជនល្មើសលួចឆ្លងដែនមកកាន់ប្រទេសជិតខាង ក្នុងនោះកម្ពុជា គឺជាប្រទេសរងគ្រោះដោយសារលំហូរជនល្មើសឆបោកអនឡាញឆ្លងដែនពីប្រទេសថៃ ។

សារព័ត៌មាននានារបស់ថៃព្យាយាមលាបពណ៌ដោយចោទប្រកាន់កម្ពុជាមានទីតាំងការឆបោកអនឡាញ ដើម្បីលាក់បាំងកំហុសកងទ័ពថៃកំពុងតែកាន់កាប់ទឹកដីកម្ពុជាដោយខុសច្បាប់ និងដើម្បីឱ្យពិភពលោក យល់ខុសមកលើកម្ពុជា ។ ការពិត ថៃទៅវិញទេជាសម្បុក និងសម្បូរឆបោកអនឡាញខ្លាំងជាងប្រទេសជិតខាងទៅទៀត ប៉ុន្តែសារព័ត៌មានថៃបែរជាមិនហ៊ានដាក់ឈ្មោះប្រទេសខ្លួនថា «Scam Thailand» ។

កាលពីថ្ងៃទី២៤ ខែមេសា នាយករដ្ឋមន្ត្រីថៃ លោក Anutin បានទទួលស្វាគមន៍ដំណើរទស្សនកិច្ចរបស់រដ្ឋមន្ត្រីក្រសួងការបរទេសចិន លោក Wang Yi មកកាន់ប្រទេសថៃ បន្ទាប់ពីបញ្ចប់ទស្សនកិច្ចនៅកម្ពុជា ។ ក្នុងឱកាសនេះ លោក Anutin លើកឡើងពីគោលជំហររបស់ថៃចង់បង្កើនចំណងមិត្តភាពជាមួយចិនយូរអង្វែង និងសុំឱ្យចិនចាត់ទុកថៃដូចជាប្រទេសបងប្អូន ខណៈលោក Wang Yi ប្រាប់ឱ្យរដ្ឋាភិបាលថៃបង្ក្រាបការឆបោកអនឡាញ (OnlineScam) ដែលកំពុងតែកើនឡើងខ្លាំង ។

ភាគីថៃរំពឹងថា ដំណើរទស្សនកិច្ចរបស់រដ្ឋមន្ត្រីក្រសួងការបរទេសចិន នឹងជួយពង្រឹងទំនាក់ទំនងរវាងប្រទេសទាំងពីរឱ្យកាន់តែជិតស្និទ្ធ និងមានទំនុកចិត្ត ។ ក្រៅពីនេះ នាយករដ្ឋមន្ត្រីថៃបានអញ្ជើញនាយករដ្ឋមន្ត្រីចិន លោក Li Qiang មកបំពេញទស្សនកិច្ចនៅថៃនាពេលខាងមុខ ព្រមទាំងប្រាប់ទៅលោក Wang Yi អំពីស្ថានការណ៍ជម្លោះកម្ពុជា-ថៃ ថា ភាគីទាំងពីរសង្ឃឹមងាកមកកាន់ទំនាក់ទំនង និងសហការជាមួយគ្នាល្អប្រសើរក្នុងពេលដ៏ឆាប់ ។

គួរបញ្ជាក់ថា ថៃបានប្រឈមនឹងការកើនឡើងនៃបទល្មើសឆបោកអនឡាញក្នុងប្រទេសរបស់ខ្លួនជាច្រើនឆ្នាំមកហើយ សមត្ថកិច្ចថៃបានចាប់ខ្លួនជនបរទេសជាបន្តបន្ទាប់ដែលសម្ងំលាក់ខ្លួននៅប្រទេសថៃក្រោមរូបភាពវិនិយោគ ។ សារព័ត៌មានបរទេសជាច្រើនបានចុះផ្សាយពីបទល្មើសឆបោកអនឡាញនៅប្រទេសថៃកើនឡើងតាំងពីឆ្នាំ២០២៥ ដែលបណ្តាលឱ្យសេដ្ឋកិច្ចថៃខាតបង់ប្រាក់អស់រាប់ពាន់លានបាត សូម្បីតែអតីតនាយរដ្ឋមន្ត្រីថៃ លោកស្រី Paetongtarn Shinawatra ក៏ធ្លាប់បង្ហើបដែរថា លោកស្រីផ្ទាល់ប៊ិះនឹងចាញ់បោកពួកឆបោកតាមអនឡាញដែលប្រើ AI បន្លំសំឡេងធ្វើជាមេដឹកនាំអាស៊ានម្នាក់ ព្យាយាមបញ្ចុះបញ្ចូលឱ្យលោកស្រី បញ្ចេញមូលនិធិជាអំណោយក្នុងនាមប្រទេសថៃ ៕