ក្រុមចម្រៀង Kiss Of Life ទើបតែបានបញ្ចេញរូបថតរបស់ខ្លួនក្នុងការត្រៀមខ្លួនសម្រាប់ការវិលវិញនាពេលខាងមុខរបស់ពួកគេ។ ទោះជាយ៉ាងណាក៏ដោយជំនួសឱ្យការ បង្កើតនូវឥទ្ធិពលវិជ្ជមាន សមាជិក Haneul បានជួបប្រទះនឹងរលកនៃភាពចម្រូងចម្រាស យ៉ាងខ្លាំង ដោយសារតែវាត្រូវបានចោទប្រកាន់ពីបទ «ចម្លង» ស្ទីលរបស់ Jisoo សមាជិក Blackpink។

ភ្លាមៗបន្ទាប់ពីការបង្ហោះ អ្នកនិយមលេងអ៊ីនធឺណិតបានដឹងភ្លាមៗថា រូបរាងរបស់ Haneul តាំងពីសម្លៀកបំពាក់ ម៉ូតសក់ រហូតដល់អាកប្បកិរិយារបស់នាង មានភាពស្រដៀងគ្នាគួរឱ្យសង្ស័យជាច្រើនជាមួយនឹងរូបរាងរបស់ Jisoo នៅក្នុងវីដេអូ ចម្រៀង «Earthquake»។ មតិជាច្រើនបាននិយាយថា នេះមិនមែនជាលើកទីមួយទេ ដែលស្ទីលរបស់ Jisoo ត្រូវបានចម្លង។

យ៉ាងណាមិញ អ្នកគាំទ្រជាច្រើនក៏បានចេញមុខការពារ Kiss Of Life ដោយនិយាយថា នេះគ្រាន់តែជាការចៃដន្យ ឬឥទ្ធិពលម៉ូតទាន់សម័យប៉ុណ្ណោះ។ ពួកគេបាននិយាយថា «តាមពិត Jisoo គឺជារូបតំណាងស្ទីល វាមិនចម្លែកទេដែលអ្នកដទៃត្រូវបានបំផុសគំនិត ដោយនាង»។

កាលពីមុនតាំងពីការបង្ហាញខ្លួនលើកដំបូងក្រុម Kiss Of Life ក៏ត្រូវបានចោទប្រកាន់ពី បទចម្លង និងធ្វើត្រាប់តាម Blackpink ផងដែរ។ សមាជិក Kiss Of Life ត្រូវបានគេចាប់ បានម្តងហើយម្តងទៀតក្នុងការ cover បទចម្រៀងរបស់ Blackpink និងបទចម្រៀង ទោលរបស់សមាជិក ទាំងបួនដែលមានដូចជាបទ «Whistle», “Shut Down”, «Solo» ,«Gone» និង «Money» ជាដើម។ កាលពីដើមខែមេសាសមាជិក Kiss Of Life ក៏ប្រឈមនឹងភាពចម្រូងចម្រាស ទាក់ទងនឹងការអនុលោមតាមវប្បធម៌ផងដែរ៕

យោងតាមសារព័ត៌មាន Hollywood Reporter បានឱ្យដឹងថានៅក្នុងសន្និសីទសារព័ត៌មាន Oval Office ជាមួយ Elon Musk កាលពីថ្ងៃទី ៣០ ខែឧសភា លោកប្រធានាធិបតី Trumpបាននិយាយថារហូតមកដល់ពេលនេះលោកមិនទាន់ទទួលបានសំណើសុំលើកលែងទោសដល់លោក Diddy នៅឡើយទេ។

លោក Trump បាននិយាយថា «ខ្ញុំមិនបានឃើញ ឬនិយាយជាមួយគាត់ក្នុងរយៈពេលជា ច្រើនឆ្នាំមកនេះ»។ «គាត់ធ្លាប់ចូលចិត្តខ្ញុំខ្លាំងណាស់ ប៉ុន្តែចាប់តាំងពីខ្ញុំចាប់ផ្តើម ដំណើរ ការនយោបាយទំនាក់ទំនងនោះបានធ្លាក់ចុះ។ គាត់មិនបានប្រាប់ខ្ញុំអំពីវាទេប៉ុន្តែខ្ញុំ បានអានព័ត៌មានមិនល្អមួយចំនួននៅក្នុងប្រព័ន្ធផ្សព្វផ្សាយ»។ លោក Trump ក្រោយមកបាននិយាយថាលោកនឹងពិចារណាលើការលើកលែងទោស Diddy បន្ទាប់ពីពិនិត្យមើលករណីនេះ ហើយបានទទូចថាការសម្រេចចិត្តរបស់លោកមិនមាន ឥទ្ធិពលលើអារម្មណ៍ផ្ទាល់ខ្លួនទេ។

លោកបានបន្ថែមថា « ប្រសិនបើខ្ញុំមានអារម្មណ៍ថានរណាម្នាក់ត្រូវបានគេប្រព្រឹត្តដោយ អយុត្តិធម៌ទោះបីជាពួកគេចូលចិត្តខ្ញុំ ឬអត់ក៏ដោយនោះវាមិនប៉ះពាល់ដល់ការសម្រេច ចិត្តរបស់ខ្ញុំទេ»។ សេចក្តីថ្លែងការណ៍របស់ប្រធានាធិបតី Donald Trump បានក្លាយជាប្រធានបទក្តៅនៅក្នុងកាសែតធំៗជាច្រើនរបស់សហរដ្ឋអាម៉េរិក។

ជាមួយគ្នានេះ ទស្សនិកជនក៏មានមតិចម្រុះជាច្រើន ស្ទើរតែប្រឆាំងការលើកលែងទោស ដល់តារាចម្រៀងរ៉េប Diddy ។ ប្រព័ន្ធផ្សព្វផ្សាយ និងសាធារណជន បានចោទសួរថា តើ Diddy នឹងក្លាយជាតារាបន្ទាប់ដើម្បីទទួលបានការលើកលែងទោសពី ប្រធានាធិបតី ដែរឬទេ?

លោក Trump និង Diddy ធ្លាប់មានទំនាក់ទំនងជាមួយគ្នា។ អ្នកទាំងពីរបានចូលរួមកម្មវិធី Art for Life Gala ឆ្នាំ ២០០៥ ជាមួយគ្នានៅក្លឹបឯកជនមួយរបស់លោក Trump នៅ Palm Beach រដ្ឋ Florida ។ Diddy ក៏ត្រូវបានគេថតរូបជាមួយប្រធានាធិបតី Trump និងភរិយារបស់លោក Melania ក្នុងព្រឹត្តិការណ៍អង្គការសហប្រជាជាតិមួយក្នុងឆ្នាំ ២០០៨។ ទោះបីជាយ៉ាងណាក៏ដោយ ពួកគេមិនបានជួបគ្នាច្រើនឆ្នាំមកហើយ។

កាលពីប៉ុន្មានថ្ងៃមុន លោកប្រធានាធិបតី Trump បានចេញលិខិតលើកលែងទោសដល់ Todd និង Julie Chrisley ដែលជាគូស្នេហ៍ដ៏ល្បីល្បាញពីកម្មវិធីមួយខណៈ Julie Chrisleys ត្រូវបានកាត់ទោសពីបទគេចពន្ធ។ អ្នកទាំងពីរបានចាប់ផ្តើមអនុវត្តទោស របស់ពួកគេនៅដើមឆ្នាំ ២០២៣ ជាមួយនឹងលក្ខខណ្ឌរហូតដល់ឆ្នាំ ២០៣២ និងឆ្នាំ២០២៨។ ទោះបីជាយ៉ាងណាក៏ដោយ ពួកគេត្រូវបានដោះលែងនៅថ្ងៃទី ២៨ ខែឧសភា តាមបញ្ជារបស់ប្រធានាធិបតីសហរដ្ឋអាម៉េរិក៕

Lee Dong Wook ជាតារាសម្ដែងដ៏ល្បីមួយរូប នៅលើកញ្ចក់ទូរទស្សន៍កូរ៉េជាមួយនឹង អាជីពសម្ដែងជិត៣០ឆ្នាំ។ ទោះជាយ៉ាងណាក៏ដោយតារាសម្តែងវ័យជាង ៤០ ឆ្នាំរូបនេះ កម្រមានពាក្យចចាមអារ៉ាមទាក់ទងស្នេហាពេញមួយអាជីពរបស់លោកណាស់។

តាមពិតទៅ Lee Dong Wook មានទំនាក់ទំនងសាធារណៈតែមួយប៉ុណ្ណោះ រហូតមកដល់ពេលនេះ។ កាលពីខែមីនា ឆ្នាំ២០១៨លោកបានបញ្ជាក់ថាលោកកំពុង មានទំនាក់ទំនងស្នេហាជាមួយនឹងតារាចម្រៀង និងសម្ដែង Suzy។

យ៉ាងណាមិញ ទំនាក់ទំនងអ្នកទាំងពីរ បង្កភាពចម្រូងចម្រាសក្នុងសង្គមអនឡាញនា ពេលនោះហើយទំនាក់ទំនងអ្នកទាំងពីរមានត្រឹមតែរយៈពេលត្រឹមតែ ៤ ខែប៉ុណ្ណោះដោយពួកគេបានបែកគ្នានៅខែកក្កដា ឆ្នាំដដែលដោយលើកឡើងពី ការមមាញឹកនឹងការងាររៀងខ្លួន។

ចាប់តាំងពីពេលនោះមក Lee Dong Wook បានផ្តោតទាំងស្រុងលើអាជីពសម្ដែងរបស់ លោក ហើយស្ទើរតែគ្មានពាក្យចចាមអារ៉ាមស្នេហាផ្សេងទៀត ក្រៅពីពាក្យចចាមអារ៉ាម មិនសំខាន់មួយចំនួន ជាមួយតួឯកស្រីរបស់លោកក្នុងខ្សែភាពយន្ត។ ជាការពិត គ្មានភ្នាក់ងារសារព័ត៌មាន សារព័ត៌មាន ឬអ្នកគាំទ្រណាម្នាក់ធ្លាប់បានថតរូប Lee Dong Wook បង្ហាញខ្លួននៅខាងក្រៅ ឬស្និទ្ធស្នាលជាមួយនារីផ្សេងនោះទេ។
ថ្មីៗនេះ តារាសម្តែង Kim Bum ដែលជាមិត្តរួមការងារជិតស្និទ្ធដែលបានសម្តែងជាមួយ Lee Dong Wook បានចែករំលែកពីមូលហេតុពិតដែល Lee Dong Wook ក្លាយជាបុរស នៅលីវ អស់រយៈពេល ៧ ឆ្នាំមកហើយ។ នៅក្នុងបទសម្ភាសន៍ជាមួយទស្សនាវដ្តីមួយ

លោកបង្ហើបថាវាពិតជាលំបាកក្នុងការណាត់ជួប Lee Dong Wook ក្នុងជីវិតពិត ព្រោះតារាប្រុសរូបនេះមានកាលវិភាគច្រើនណាស់ ដែលលោកមិនអាច សូម្បីតែរៀបចំពេលវេលា ដើម្បីជួបមនុស្សគ្រប់គ្នាសូម្បីតែខ្លួនលោកផ្ទាល់។

ការពិតគឺថាក្នុងរយៈពេលជាង ២០ ឆ្នាំរបស់លោកនៅក្នុងឧស្សាហកម្មកម្សាន្ត Lee Dong Wook បានរក្សាកាលវិភាគជាប់លាប់ក្នុងការសម្ដែងក្នុងរឿងភាគយ៉ាងហោចណាស់ មួយរៀងរាល់ឆ្នាំ។ នោះមិនរាប់បញ្ចូលទាំងការងារផ្សេងទៀតដូចជាការបង្ហោះកម្មវិធី ការចូលរួមក្នុង កម្មវិធីកម្សាន្ត ការធ្វើកាលវិភាគព្រឹត្តិការណ៍និងកិច្ចសន្យាផ្សាយ ពាណិជ្ជកម្មដែលលោកមាននៅក្នុងដៃ។

ទោះជាយ៉ាងណាក៏ដោយ Lee Dong Wook មិនបានធ្វេសប្រហែសទាំងស្រុងចំពោះ ការស្វែងរកដៃគូជីវិតនោះទេ ។ នៅក្នុងកម្មវិធីកម្សាន្តមួយ Lee Dong Wook ធ្លាប់បានបង្ហាញពីប្រភេទមិត្តស្រីដ៏ល្អរបស់គាត់។ តារាសម្ដែងរូបនេះបាននិយាយថា៖ «ខ្ញុំពិតជាមិនសូវមានទម្រង់មុខសមស្របទេ ប៉ុន្តែខ្ញុំគិតថាបើមនុស្សស្រីមានសក់ខ្លី នាងនឹងមើលទៅស្អាតខ្លាំង ហើយទាក់ចិត្តខ្ញុំទៀត»។

Lee Dong Wook បន្ថែមថា លោកចង់ជួបនារីក្នុងជីវិតរបស់ខ្លួនតាមរបៀបធម្មជាតិបំផុត ។ លោកសង្ឃឹមថានឹងចៃដន្យអង្គុយក្បែរនារីម្នាក់ដែលស័ក្តិសមនឹងលោកក្នុងដំណើរទៅធ្វើជំនួញនៅបរទេសប៉ុន្តែវាមិនដែលកើតឡើងនោះទេ។ នៅពេលត្រូវបានគេសួរអំពីអាយុ សមស្រប ដើម្បីរៀបការ Lee Dong Wook បាននិយាយថាលោកសង្ឃឹមថានឹងបង្កើត គ្រួសារមុនអាយុ ៥០ ឆ្នាំ។ យ៉ាងណាមិញតារាវ័យ៤៣ឆ្នាំរូបនេះទទួលស្គាល់ថា ខ្លួនជាមនុស្សស្ងួត កម្របង្ហាញអារម្មណ៍ដាក់អ្នកដទៃ និងមិនចេះនិយាយពាក្យផ្អែមល្ហែម។ ដូច្នេះ លោកមានការលំបាកក្នុងការយកឈ្នះនារីម្នាក់ ហើយរក្សានាងនៅក្បែរខ្លួន៕

ថ្មីៗនេះគេហទំព័រ Sohu បានប្រកាសចំណាត់ថ្នាក់តារាស្រីដែលកើតក្នុងទសវត្សរ៍៩០ ដែលភាពយន្តរបស់ពួកគេទទួលបានចំណាត់ថ្នាក់ខ្ពស់បំផុត(អត្រាអ្នកទស្សនា)។ តារាសម្តែង Bai Lu បានជាប់ចំណាត់ថ្នាក់លេខ១ដោយមិនបានរំពឹងទុកជាមួយនឹងរឿង «Northward » ដែលបានចាក់ផ្សាយកាលពីដើមឆ្នាំនេះ។

ការវាយតម្លៃជាមធ្យមនៃអ្នកមើលរឿងបានឈានដល់ ៣.៦% ជាមួយនឹងកម្រិតខ្ពស់ បំផុតឈានដល់ ៤,០១៩% ។ នេះគឺជាសមិទ្ធិផលដ៏ធំដែលតារាស្រីប៉ុន្មាននាក់ក្រោយ ទសវត្សរ៍ទី ៩០សម្រេចបាន។ «Northward » គឺជារឿងភាគទូរទស្សន៍ដ៏កម្រនៅ ក្នុងអាជីពរបស់ Bai Lu ដែលបានចាក់ផ្សាយតាមទូរទស្សន៍ CCTV1។ កន្លងមកតារាស្រី រូបនេះបានធ្វើឱ្យទស្សនិកជនចាប់អារម្មណ៍ជាមួយនឹងរឿងភាគប្រវត្តិសាស្ត្រមួយចំនួន។

ក្នុងខ្សែភាពយន្តនេះតារាសម្តែង Bai Lu ដើរតួជាក្មេងស្រីម្នាក់ឈ្មោះ Xia Feng Hua ដែលមើលទៅដូចក្មេងប្រុស។នាងនិងក្រុមមិត្តជិតស្និទ្ធរបស់នាងរស់នៅសង្កាត់មួយតាមប្រឡាយ ដូច្នេះជីវិតរបស់ពួកគេមានទំនាក់ទំនងយ៉ាងជិតស្និទ្ធនឹងទន្លេ ។ Bai Lu បង្ហាញខ្លួនជាមួយនឹងធូលី រូបរាងខ្មៅ និងសក់ខ្លីមិនស្អាត។ អាចនិយាយបានថា Bai Lu បានលះបង់សម្រស់របស់នាងដើម្បីអាចសម្ដែងជាតួមួយនេះ។ ដ្បិតតែទទួលបានការចាប់អារម្មណ៍និងមានការវាយតម្លៃខ្ពស់ការសម្តែងរបស់ Bai Lu ក្នុងរឿងនេះក៏រងនូវភាពចម្រូងចម្រាសមួយចំនួនផងដែរ៕

ថ្មីៗនេះពានរង្វាន់ Magnolia Awards បានប្រកាសជាផ្លូវការនូវការតែងតាំងសម្រាប់ ប្រភេទតារាស្រីឆ្នើម។ គួរកត់សម្គាល់ថា Yang Zi គឺជាតារាស្រីដ៏កម្រម្នាក់កើត ក្នុងទសវត្សរ៍ទី៩០ ដែលមានឈ្មោះក្នុងបញ្ជីបេក្ខភាព។

Yang Zi ទទួលបានការកោតសរសើរយ៉ាងខ្លាំងចំពោះរឿង «Flourished Peony» ដែលបានចាក់ផ្សាយកាលពីដើមឆ្នាំនេះ។ សម្តែងជាតួ Mudan ដែលជាកូនស្រីរបស់គ្រួសារអ្នក ជំនួញនាងបានបង្ហាញពីតួអង្គដែលមានភាពវៃឆ្លាត រឹងមាំ ប៉ុន្តែនៅតែទន់ភ្លន់និងមានចិត្ត មេត្តា។ តួនាទីនៃភាពស្រស់ស្អាតរបស់តារាស្រីរូបនេះត្រូវបានចាត់ទុកថាបានផ្លាស់ប្តូរ និងប្រសើរឡើងគួរឱ្យកត់សម្គាល់បើប្រៀបធៀបទៅនឹងស្នាដៃមុនៗ។

ទោះជាយ៉ាងនេះក្តី មតិជាច្រើនបាននិយាយថា Yang Zi នៅតែមានគំលាតធំជាមួយសិល្បករដែលត្រូវបានតែងតាំងដូចជា ទាក់ទងនឹងអាយុ បទពិសោធន៍ការងារ និងសមត្ថភាពសម្តែង។ ដូច្នេះហើយការបង្ហាញខ្លួនរបស់ Yang Zi ក្នុងបញ្ជីបេក្ខភាពតារាសម្តែងឆ្នើមបានធ្វើឱ្យមហាជនមានចម្ងល់យ៉ាងច្រើន។
លើសពីនេះ ប្រធានបទនៃខ្សែភាពយន្ត «Flourished Peony» មិនថ្មីពេក ឬប្លែកនោះទេ។ ការងារប្រវត្តិសាស្ត្រគឺជាការកម្សាន្តច្រើនជាងមិនមែនជារឿងល្ខោនដែលមានអត្ថន័យមនុស្សនិយមជ្រៅនោះទេ។ ខ្សែភាពយន្តនេះមានពិន្ទុត្រឹមតែ ៧.៨ ប៉ុណ្ណោះ ដែលតិចជាងខ្សែភាពយន្តផ្សេងទៀតដូចជា « She and Her Girls » មានពិន្ទុ ៩.៦ និង «To the Wonder មានពិន្ទុ៨.៩ជាដើម។

កន្លងមក Yang Zi ត្រូវបានតែងតាំងជាតារាសម្តែងឆ្នើមក្នុងកម្មវិធីប្រគល់ពានរង្វាន់ Magnolia Awards ឆ្នាំ២០២៤ សម្រាប់តួនាទីរបស់នាងក្នុងប្រភេទរឿងមនោសញ្ចេតនា បែបប្រវត្តិសាស្ត្រម្តងរួចមកហើយ។ការដែល Yang Zi ត្រូវបានតែងតាំងសម្រាប់ពានរង្វាន់ Magnolia Award ពីរឆ្នាំជាប់ៗគ្នា ដោយសាររឿងភាគប្រវត្តិសាស្ត្រ របស់តារាស្រីរូបនេះ បានធ្វើឱ្យទស្សនិកជនមានការខឹងសម្បារ ថែមទាំងចោទជាសំណួរអំពីភាពត្រឹមត្រូវ និងតម្លាភាពនៃពានរង្វាន់ដ៏យូរអង្វែងនេះ។

ពានរង្វាន់ Magnolia Awards គឺជាពានរង្វាន់ភាពយន្ត និងទូរទស្សន៍ដ៏ចំណាស់ជាងគេ និងមានកិត្យានុភាពបំផុតនៅក្នុងប្រទេសចិន ដែលធ្វើឡើងជាលើកដំបូងក្នុងឆ្នាំ ១៩៦២។ ពានរង្វាន់នេះត្រូវបានបង្ហាញដោយទូរទស្សន៍កណ្តាលចិន (CCTV) ដើម្បីផ្តល់កិត្តិយសដល់តារាសម្តែងឆ្នើម និងស្នាដៃប្រចាំឆ្នាំ៕

អស់រយៈពេលជិត៣ខែបន្ទាប់ពីភាពចម្រូងចម្រាសជុំវិញ Kim Soo Hyun និង Kim Sae Ron បានផ្ទុះឡើងមតិសាធារណជនបានផ្លាស់ប្តូរយ៉ាងខ្លាំងចំពោះការពេញចិត្តរបស់ Kim Soo Hyun ។

ការចោទប្រកាន់ដំបូងថា Kim Soo Hyun បានណាត់ជួបជាមួយតារាសម្តែង Kim Sae Ron តាំងពីនាងនៅមិនទាន់គ្រប់អាយុបង្កមានភាពភ្ញាក់ផ្អើលក៏ដោយក៏កង្វះព័ស្តុតាង ជាក់ស្តែង និងការសង្ស័យកាន់តែខ្លាំងឡើងអំពីភាពជឿជាក់របស់ជនជាប់ចោទ បានផ្លាស់ប្តូរមតិសាធារណៈបន្តិចម្តងៗ។

នៅលើប្រព័ន្ធផ្សព្វផ្សាយសង្គម និងនៅក្នុងផ្នែក comment របស់កាសែត មនុស្សជាច្រើនបានសង្ស័យថា Kim Soo Hyun ត្រូវបានចោទប្រកាន់ក្លែងក្លាយ។ ការបញ្ចេញមតិរបស់សាធារណជនដែលបង្ហាញពីការចាប់អារម្មណ៍កាន់តែខ្លាំងឡើងចំពោះការត្រឡប់មកវិញរបស់តារាសម្តែង។

ភាពចម្រូងចម្រាសបានចាប់ផ្តើមនៅពេលដែលគ្រួសាររបស់ Kim Sae Ron និង YouTube Channel Garosero បានអះអាងថា Kim Soo Hyun បានណាត់ជួប Kim Sae Ron តាំងពីឆ្នាំ ២០១៦ នៅពេលដែលនាងមានអាយុ ១៥ ឆ្នាំ ហើយទំនាក់ទំនងនេះមានរយៈពេល ៦ ឆ្នាំ។ ទោះបីជាយ៉ាងណាក៏ដោយ បើយោងតាមការស៊ើបអង្កេតនាពេលថ្មីៗនេះ ដោយប្រព័ន្ធផ្សព្វផ្សាយកូរ៉េ Kim Soo Hyun មានទំនាក់ទំនងរយៈពេល ៣ ឆ្នាំជាមួយតារាស្រីម្នាក់ទៀតចាប់ពីឆ្នាំ២០១៦ដល់២០១៩ ។ តារាស្រីនោះគឺនៅក្រុមហ៊ុនគ្រប់គ្រងដូចគ្នា ហើយត្រូវបានគេរាយការណ៍ថា Kim Soo Hyun តែងតែសរសេរសំបុត្រទៅកាន់តារាស្រីនោះអំឡុងពេលលោកបម្រើយោធា។

របាយការណ៍ផ្សេងទៀតបាននិយាយថា Kim Sae Ron បានណាត់ជួបមនុស្សច្រើន កាលនាងនៅក្មេងរួមទាំងពាក្យចចាមអារ៉ាមពាក់ព័ន្ធនឹងតារាចម្រៀង WOODZ និងអតីតអត្តពលិកជម្រើសជាតិផងដែរ។ គួរកត់សម្គាល់ថា រូបថតដែលបង្ហាញជាព័ស្តុតាងនៃទំនាក់ទំនងមិនទាន់គ្រប់អាយុរបស់ Kim Sae Ron ជាមួយ Kim Soo Hyun ត្រូវបានបង្ហាញថាថតជាមួយ iPhone 11 ដែលជាម៉ូដែលទូរសព្ទដែលចេញបន្ទាប់ពី Sae Ron មានអាយុ ១៩ ឆ្នាំ។

លើសពីនេះ ការអះអាងរបស់ Garosero ដែលថាអ្នកដឹងរឿង Kim Sae Ron ត្រូវបានចាក់ចំនួន៩ដងនៅកនៅ New Jersey (សហរដ្ឋអាម៉េរិក) ត្រូវបានបដិសេធ។
ក្រោយមក បុរសនោះបានផ្លាស់ប្តូររឿងរបស់ខ្លួនមកនិយាយថា រូបគេមានរបួសដៃស្តាំ ខណៈដែលរបាយការណ៍វេជ្ជសាស្រ្តបានរៀបរាប់តែរបួសត្រង់ស្មាស្តាំនិងដៃឆ្វេង របស់បុរសនោះតែប៉ុណ្ណោះ។ ស្ថានកុងស៊ុលកូរ៉េនៅទីក្រុងញូវយ៉ក ក៏បានបញ្ជាក់ដែរថា នាពេលថ្មីៗនេះ មិនមានករណីពលរដ្ឋកូរ៉េត្រូវបានចាប់ខ្លួនពីបទឧក្រិដ្ឋកម្ម ដូចជាការប៉ុនប៉ងមនុស្សឃាតលើជនរួមជាតិដែលរស់នៅក្រៅប្រទេសនោះទេ។

ការវិវឌ្ឍន៍ទាំងនេះបានធ្វើឱ្យមតិសាធារណៈផ្លាស់ប្តូរយ៉ាងខ្លាំងចំពោះការគាំទ្រ Kim Soo Hyun ដោយមានមតិដូចជា«អ្នកមិនអាចបំផ្លាញនរណាម្នាក់ដោយផ្អែកលើការចោទ ប្រកាន់ដោយគ្មានព័ស្តុតាង» “តើវាសុទ្ធតែជាការចោទប្រកាន់មិនពិតឬ?។ឥឡូវនេះ មនុស្សជាច្រើនជឿថា Kim Soo Hyun ត្រូវបានចោទប្រកាន់ដោយអយុត្តិធម៌។

ទោះបីជាមានមតិសាធារណៈក៏ដោយ ក៏រឿងភាគ Disney+ របស់ Kim Soo Hyun គឺ « Knock-Off » ដែលចំណាយថវិកា៤៤លានដុល្លារត្រូវបានពន្យារពេល។ លោក Choi Yeon Woo នាយកមាតិកាក្នុងស្រុក នៅ Disney Korea បាននិយាយថា «ចាប់តាំងពីការសម្រេចចិត្តពន្យារពេលការចេញ ផ្សាយមកយើងមិនមានព័ត៌មានថ្មីណាមួយទេ។ យើងនៅតែពិនិត្យមើលបញ្ហានេះនៅ ខាងក្នុង»។ នេះបង្ហាញថា Disney+ ប្រហែលជាកំពុងរង់ចាំភាពច្បាស់លាស់ផ្នែកច្បាប់ មុនពេលធ្វើការសម្រេចចិត្តក្នុងការចេញផ្សាយខ្សែភាពយន្តនេះ។

ទន្ទឹមនឹងនេះ រឿង «My Love from the Star» ដែលជារឿងដ៏ល្បីបំផុតមួយរបស់ Kim Soo Hyun បានចាប់ផ្តើមចាក់ផ្សាយនៅលើកញ្ចក់ទូរទស្សន៍ SBT របស់ប្រទេសប្រេស៊ីល ហើយគ្រោងនឹងចាក់ផ្សាយឡើងវិញនៅតៃវ៉ាន់ដែលបង្ហាញថាកេរ្តិ៍ឈ្មោះអន្តរជាតិរបស់ Kim Soo Hyun នៅតែរឹងមាំ។

Kim Soo Hyun បច្ចុប្បន្នកំពុងប្តឹងប្រតិបត្តិករបណ្តាញ YouTube ឈ្មោះ GaroSero និងគ្រួសារ Kim Sae Ron ពីបទបរិហារកេរ្តិ៍ ដោយទាមទារសំណងចំនួន ១២ ពាន់លានវ៉ុន។ ខណៈពេលដែលការគាំទ្រជាសាធារណៈចំពោះ Kim Soo Hyun កំពុងតែកើនឡើង លទ្ធផលចុងក្រោយនឹងអាស្រ័យលើដំណើរការផ្លូវច្បាប់។ អ្នកក្នុងឧស្សាហកម្មជឿជាក់ថា ការចាក់ផ្សាយឬសម្រេចចិត្តមិនចាក់ផ្សាយ «Knock-Off» នឹងត្រូវធ្វើឡើងបន្ទាប់ពីសាលក្រមរបស់តុលាការ៕