ការនិយាយជាសាធារណៈរបស់លោក ណាវ៉ាត់ អំពីក្លិនខ្លួនមិនល្អរបស់ Rachel Gupta បានធ្វើឱ្យទស្សនិកជនហួសចិត្តយ៉ាងខ្លាំងខណៈ Miss Cosmo 2024 ដែលកំពុងកាន់តំណែងរបស់ខ្លួនបាននិយាយការពារបវរកញ្ញាឥណ្ឌាជាសាធារណៈព្រមទាំងថ្កោលទោសនិងបង្ហាញការខឹងសម្បារចំពោះទង្វើរបស់លោក ណាវ៉ាត់។ អ្នកគាំទ្រវិស័យបវរកញ្ញាជាច្រើនលើកឡើងថាកម្មវិធី Miss Grand គួរតែត្រូវដកចេញពីកម្មវិធីបវរកញ្ញាធំៗទាំង៦ (Big 6) ដោយសារតែវាផ្ទុយ ទៅនឹងបេសកកម្ម និងចក្ខុវិស័យនៃស្តង់ដារនៃកម្មវិធីប្រកួតសម្រស់សម័យទំនើប។

កាលពីថ្ងៃទី ៥ ខែមិថុនា នេះ Ketut Permata Miss Cosmo 2024 បានបង្ហោះអត្ថបទ ដ៏វែង មួយនៅលើបណ្តាញសង្គម IG របស់នាងដោយបង្ហាញពីការខឹងសម្បារយ៉ាងខ្លាំង ចំពោះការប្រមាថជាសាធារណៈរបស់លោក Nawat ចំពោះ Rachel Gupta ដែលត្រូវ បានដកហូតមកុដរបស់នាងហើយបាននិយាយជាសាធារណៈនៅចំពោះមុខអ្នកកាសែតថានាងមានក្លិនខ្លួនមិនល្អ។ នៅក្នុងការបង្ហោះរបស់នាង Ketut Permata បានអះអាងថា «អ្នកអាចគាំទ្រនរណាម្នាក់បាន ប៉ុន្តែនៅពេលដែលអ្នកនៅតែទះដៃខណៈពេលដែល អ្នកមាន អំណាចរិះគន់ស្ត្រីជាសាធារណៈ មានបញ្ហាពិតប្រាកដ។ នេះមិនមែនជាគំរូ ដែលយើងកំណត់សម្រាប់ក្មេងស្រីនោះទេ។ យើងសមនឹងទទួលបានប្រសើរជាងនេះ»។

Miss Cosmo 2024 ជាមួយនឹងបេសកកម្ម និងឥទ្ធិពលនៃតំណែងបវរកញ្ញាអន្តរជាតិ នាងមិនអាចនៅស្ងៀមបានទេនៅពេលដែលក្មេងស្រីម្នាក់ទៀតត្រូវអាម៉ាស់មុខជាសាធារណៈតាមប្រព័ន្ធផ្សព្វផ្សាយ។ នាងបាននិយាយថា «ខ្ញុំនៅស្ងៀមព្រោះមិនចង់ហាក់ដូចជា ខ្ញុំលោតចូលក្នុងរឿងដែលគ្មានអ្វីពាក់ព័ន្ធជាមួយខ្ញុំទេ ពីដំបូងរឿងផ្ទាល់ខ្លួនខ្ញុំមិនដឹង សាច់រឿងទាំងអស់ហើយខ្ញុំគិតថាគ្មានសិទ្ធិនិយាយទេ ប៉ុន្តែឥឡូវការពិតនៅចំពោះមុខខ្ញុំ ខ្ញុំបានឃើញ និងឮពាក្យទាំងនោះផ្ទាល់។ ប្រធានកម្មវិធីដែលនិយាយដើម្បីបញ្ចប់អំពើ ហិង្សា គាត់បាននិយាយចំអកឱ្យនាង សើចចំអកឱ្យនាង។ គាត់បានបញ្ចេញយោបល់អាក្រក់អំពីក្លិនខ្លួនរបស់នាង»។

ពាក្យសម្ដីដ៏មានឥទ្ធិពលរបស់ Ketut Permata ទទួលបានការអាណិតអាសូរយ៉ាងឆាប់រហ័សពីអ្នកគាំទ្រសម្រស់ជាច្រើន។នាងមិនត្រឹមតែសម្តែងការខកចិត្តរបស់នាងប៉ុណ្ណោះទេ ថែមទាំងបានថ្កោលទោសយ៉ាងដាច់អហង្ការចំពោះអាកប្បកិរិយាថោកទាបរបស់បុគ្គលដែលមានឥទ្ធិពលខ្លាំងនៅក្នុងឧស្សាហកម្មកែសម្ផស្ស។ Miss Cosmo 2024 ក៏បានបញ្ជាក់ពីភាពធ្ងន់ធ្ងរនៃឧប្បត្តិហេតុនេះផងដែរ ដោយសង្កត់ធ្ងន់ថា បុរសដែលមានអំណាច និងសំឡេងនៅក្នុងដៃរបស់គាត់មិនអាចត្រូវបានគេអនុញ្ញាត ឱ្យបំពានវាជាឧបករណ៍ដើម្បីបញ្ចប់អនាគតរបស់ក្មេងស្រីនោះទេ។ «នេះមិនមែនជាបញ្ហាផ្ទាល់ខ្លួន ឬជាភាគីដែលអ្នកនៅខាងណាទៀតទេ។ នេះគឺជាមនុស្សមានអំណាចដែលមើលងាយរាងកាយរបស់ស្ត្រីជាសាធារណៈ។ នេះគឺជាអ្នកដឹកនាំដែលអះអាងថាប្រឆាំងនឹងអំពើហិង្សា ធ្វើឱ្យមានការប្រមាថ និងប្រមាថមើលងាយរាងកាយរបស់ស្ត្រី»។

Ketut Permata បានសម្តែងការខឹងសម្បារដែលថា«យើងបានតស៊ូដើម្បីបញ្ជាក់ថា វិស័យសម្រស់នេះមិនមែនសម្រាប់តែភាពស្រស់ស្អាតប៉ុណ្ណោះទេ វាគឺអំពីគោលបំណង ប្រើសំឡេងនិងថាមពលរបស់ខ្លួនកែប្រែរឿងជាច្រើនប៉ុន្តែពេលវេលាបែបនេះធ្វើឱ្យខូចទម្រង់នៃកម្មវិធី។ វាមិនសំខាន់ទេថាអ្នកនៅខាងណា វាជារឿងសំខាន់ដែលយើងមិនអាចនៅ ស្ងៀមនៅពេលដែលអំណាចត្រូវបានរំលោភបំពានហើយស្ត្រីត្រូវបានបន្ទាបបន្ថោក»។ Miss Cosmo 2024 បានសង្កត់ធ្ងន់ដោយអំពាវនាវឱ្យ មនុស្សគ្រប់គ្នានិយាយប្រឆាំង នឹងភាពអយុត្តិធម៌៕

ភាពយន្ត «Legend of Zanghai» សម្តែងដោយ Xiao Zhan, Zhang Jingyi បានបើកពិន្ទុ Douban របស់ខ្លួននៅថ្ងៃទី ៥ ខែមិថុនា។ ភាពយន្តនេះទទួលបាន ៧.១ ពិន្ទុ ជាមួយនឹងជាង ៣០០,០០០ពីទស្សនិកជន។ នេះជាពិន្ទុល្អគួរសមសម្រាប់រឿង ភាគប្រវត្តិសាស្ត្រដែលចាក់ផ្សាយក្នុងឆ្នាំ ២០២៥ ប៉ុន្តែទស្សនិកជននៅតែមិនពេញចិត្ត នឹងលទ្ធផលពិន្ទុនេះ។

អ្នកគាំទ្ររបស់ Xiao Zhan បានបន្តនៅលើបណ្តាញសង្គម និងវេទិកាភាពយន្ត ដើម្បីបញ្ចេញមតិជាច្រើនដោយនិយាយថា ពិន្ទុ ៧.១ មិនឆ្លុះបញ្ចាំងពីគុណភាព នៃខ្សែភាពយន្តនោះទេ ខ្សែភាពយន្តគួរតែទទួលបាន ៨ ពិន្ទុ ឬខ្ពស់ជាងនេះ។

ដើម្បីបញ្ជាក់រឿងនេះ អ្នកគាំទ្រជាច្រើនរបស់ Xiao Zhan បាននិយាយថា ភាពយន្ត នេះនៅលើ IMDb(Internet Movie Database) ទទួលបាន ៩.១ ពិន្ទុ ប៉ុន្តែ Douban ទទួលបានត្រឹមតែ ៧.១ ពិន្ទុប៉ុណ្ណោះ។

ទោះជាយ៉ាងណាក៏ដោយមហាជនជាច្រើនអះអាងថាពិន្ទុលើ Douban គឺផ្អែកលើការវាយតម្លៃរបស់ ទស្សនិកជនភាគច្រើន។ លើសពីនេះ ថ្វីដ្បិតតែភាពយន្តរបស់ Xiao Zhan ត្រូវបានគេវាយតម្លៃថាមានគុណភាពខ្ពស់ក៏ដោយ ក៏វាមិនស័ក្តិសមទាំងស្រុង សម្រាប់ទស្សនិកជនភាគច្រើនដែលចូលចិត្តភាពយន្តបែបបញ្ញវន្ត និងអន្ទាក់ដូចជា «Legend of Zanghai» នោះទេ។

គួរបញ្ជាក់ផងដែរថា ក្នុងខ្សែភាពយន្តនេះ Xiao Zhan ដើរតួជា Zang Hai ជាកូនប្រុសរបស់អធិរាជតារាវិទូ។ ទោះជាយ៉ាងណាកាល ពីនៅក្មេង Zang Hai បានឃើញអំពើឃាតកម្មលើគ្រួសារគាត់ទាំងមូលហើយប្តេជ្ញាសងសឹកវិញហើយ ចាប់ផ្តើមហ្វឹកហាត់ ខ្លួនឯងដោយការរៀនផ្នែកស្ថាបត្យកម្មនិងសិល្បៈនៃសង្គ្រាម៕

ក្រោយពន្យារពេលចាក់ផ្សាយរយៈពេល ២ឆ្នាំ «The Prisoner of Beauty» ទទួលបានមតិវិជ្ជមានជាច្រើនពីទស្សនិកជនបន្ទាប់ពីបានចាក់ផ្សាយរួច។ ទោះបីជាយ៉ាងនេះតម្លៃខ្លួនរបស់តួឯកប្រុសស្រីនៅក្នុងខ្សែភាពយន្តនេះត្រូវបានគេដឹងថា Song Zu Er ទទួលបានច្រើនជាង Liu Yuning។

យោងតាមប្រព័ន្ធផ្សព្វផ្សាយ Sohu តារាសម្តែង Song Zu Er បានទទួលប្រាក់ខែចំនួន ២០ លានដុល្លារតៃវ៉ាន់ប្រហែលជាង៦៦ម៉ឺនដុល្លារអាម៉េរិក។ ទន្ទឹមនឹងនេះ Liu Yuning ទទួលបានត្រឹមតែ ១២លានដុល្លារតៃវ៉ាន់ប៉ុណ្ណោះដែលប្រហែលជាង៤០ម៉ឺន ដុល្លារអាម៉េរិក។ ក្រៅពីសម្តែងជាតួឯកប្រុស Liu Yuning ក៏បានបកស្រាយបទចម្រៀង «Blazing Moon» ដែលជាបទចម្រៀងប្រធានបទនៃខ្សែភាពយន្តនេះដូចគ្នា។

អ្នកគាំទ្រមួយចំនួនរបស់តារាសម្ដែងប្រុសរូបនេះបានបង្ហាញការមិនពេញចិត្តពេលដឹងថា Liu Yuning ទទួលបានតួនាទីជាច្រើនប៉ុន្តែប្រាក់ខែដែលលោកទទួលមិនខ្ពស់នោះទេ។ ទន្ទឹមនឹងនោះ អ្នកខ្លះថា Song Zu Er ជាតារាក្មេងៗដែលទស្សនិកជនស្គាល់ ហើយល្បីជាង Liu Yuning ដូច្នេះហើយ វាជារឿងធម្មជាតិដែលនាងទទួល បានប្រាក់ខែខ្ពស់ជាង។
នៅពេលដែលភាគដំបូងនៃ «The Prisoner of Beauty» ចាក់ផ្សាយ Liu Yu Ning បានទទួលមតិអវិជ្ជមានជាច្រើនទាក់ទងនឹងរូបរាងរបស់លោក។ យ៉ាងណាមិញ យូរៗទៅ លោកកាន់តែទទួលបានការអាណិតអាសូរពីទស្សនិកជន ដោយសារតែធម្មជាតិ និងសមត្ថភាពសម្ដែងកាន់តែមានភាពប្រសើរឡើង។

យោងតាមចំណាត់ថ្នាក់តួអង្គដែល ទាក់ទាញអ្នកគាំទ្រនាពេលថ្មីៗនេះ Liu Yuning ជាមួយនឹងតួនាទីជា Wei ទទួលបានអ្នកគាំទ្រ ២០៦,០០០ នាក់ និងជាប់ចំណាត់ថ្នាក់លេខ ១ ជាតួអង្គដែលមានចំនួនអ្នកគាំទ្រកើនឡើងលឿនបំផុត។ បន្ទាប់ពីចាក់ផ្សាយភាពយន្តនេះបានត្រឹមតែ ១៩ថ្ងៃប៉ុណ្ណោះ Weibo របស់ Liu Yuning បានកើនឡើងចំនួនអ្នកតាមដាន ៥៥០,០០០។ គណនី Douyin របស់លោកក៏បានកើនឡើងជិត ៦១២,០០០ ។

អាចនិយាយបានថាជោគជ័យនៃរឿង «The Prisoner of Beauty» មិនត្រឹមតែបានរួម ចំណែកនាំយក Song Zu Er ត្រឡប់មកវិញបន្ទាប់ពីរឿងអាស្រូវគេចពន្ធប៉ុណ្ណោះទេ ប៉ុន្តែថែមទាំងបានជួយឱ្យអាជីពរបស់ Liu Yu Ning ប្រសើរឡើងយ៉ាងច្បាស់ផងដែរ៕

TOP អតីតសមាជិកក្រុម Big Bang កំពុងបង្ហាញសកម្មភាពសិល្បៈមកវិញជាបណ្តើរៗ តាមរយៈការសម្ដែង បន្ទាប់ពីត្រូវបានធ្វើពហិការជាច្រើនឆ្នាំដោយសាររឿងអា.ស្រូវ គ្រឿងញៀ.ន។

យោងតាម Edaily តារាចម្រៀងនិងតារាសម្តែង Choi Seung Hyun ហៅ TOP អតីតសមាជិកក្រុម Big Bang ថ្មីៗនេះបានក្លាយជាមុខមាត់ផ្សព្វផ្សាយសម្រាប់ K-content (មាតិកាកូរ៉េ) នៅលើសេវាផ្សាយជាសកល Netflix ។ ក្រុមហ៊ុន Netflix បានចេញផ្សាយវីដេអូផ្សព្វផ្សាយសម្រាប់ K content ហើយមានវត្តមានតារាសម្តែង ក្នុងរឿង Squid Game គឺជា TOP នេះឯង។ នៅក្នុងវីដេអូអ្នកស្រី Martha Stewart បង្ហាញពីចំណង់ចំណូលចិត្តរបស់ខ្លួនចំពោះកម្មវិធីកម្សាន្ត និងរឿងភាគកូរ៉េ។ អ្នកស្រីមើលមាតិកាជាច្រើនដូចជា «When Life Gives You Tangerines», «Squid Game», «Zombie School» និងរឿងផ្សេងទៀត។ TOP បង្ហាញនៅចុងបញ្ចប់នៃ វីដេអូស្របពេលបទចម្រៀង «Like Jennie» របស់ Jennie បានបន្លឺឡើង។

នេះមិនមែនជាលើកទីមួយទេដែល TOP បានបង្ហាញខ្លួនជាមុខ K-content នៅលើ Netflix ។ ពីមុនលោកត្រូវបានគេអញ្ជើញឱ្យចូលរួមក្នុងព្រឹត្តិការណ៍អ្នកគាំទ្រសកលរបស់ Netflix ដែលធ្វើឡើងនៅទីក្រុង Los Angeles (សហរដ្ឋអាម៉េរិក) កាលពីថ្ងៃទី ៣១ ខែឧសភា។

គួរកត់សម្គាល់ថានៅក្នុងក្រុម «Squid Game» ត្រូវបានអញ្ជើញឱ្យចូលរួមនោះ TOP គឺជាតួសម្តែងតែមួយគត់ដែលមិនបានបង្ហាញខ្លួននៅក្នុងរដូវកាលទី ៣ នាពេលខាងមុខ
។ ប្រព័ន្ធផ្សព្វផ្សាយបានគរាយការណ៍ថា TOPនៅតែត្រូវបានអញ្ជើញឱ្យចូលរួមក្នុង ព្រឹត្តិការណ៍នេះដោយសារតែទីស្នាក់ការកណ្តាលរបស់ Netflix មានការចាប់អារម្មណ៍យ៉ាងខ្លាំង ចំពោះប្រជាប្រិយភាពរបស់តួអង្គរបស់លោកនៅក្នុងរដូវកាលទី២ហើយ វីដេអូផ្សព្វផ្សាយ K-content ដែលមាន TOP ក៏ត្រូវបានយល់ថាជាការបន្ថែមនៃចេតនា នេះផងដែរ។

ជាការពិតនៅពេលដែល «Squid Game 2»ត្រូវបានចេញផ្សាយតួអង្គដែលសម្តែងដោយ TOP ទទួលបានប្រតិកម្មយ៉ាងខ្លាំងពីអ្នកគាំទ្រអន្តរជាតិ។
TOP ត្រូវ បានទស្សនិកជនកូរ៉េ ធ្វើពហិការ អស់រយៈពេលជាច្រើនឆ្នាំ បន្ទាប់ពីលោកត្រូវបានកាត់ទោសឱ្យជាប់ពន្ធនាគាររយៈពេល ១០ ខែពីបទរឿងអាស្រូវប្រើប្រាស់កញ្ឆាខុសច្បាប់ក្នុងឆ្នាំ ២០១៧ ។
បន្ទាប់ពីនោះមក លោកបានបន្តក្លាយជាចំណុចកណ្តាលនៃភាពចម្រូងចម្រាស នៅពេលដែលលោកបានបញ្ចេញឈ្មោះរបស់ Big Bang នៅលើបណ្តាញសង្គម ហើយបានប្រកាសថាលោកនឹងចាកចេញពីក្រុមនៅឆ្នាំ ២០២៣។

បន្ទាប់ពីលាក់ខ្លួនអស់រយៈពេលជាយូរ មិនសកម្មក្នុងតន្ត្រី ឬការសម្តែង TOP បានត្រលប់មកវិញជាផ្លូវការក្នុងខែធ្នូ ឆ្នាំ ២០២៤ ជាមួយនឹងតួនាទីថ្មីនៅក្នុង «Squid Game 2»។ ទោះបីជាទស្សនិកជនកូរ៉េនៅតែមានការរើសអើង និងទស្សនៈអវិជ្ជមាន ចំពោះ TOP ក៏ដោយ ក៏អ្នកគាំទ្រទូទាំងពិភពលោកបានស្វាគមន៍ដោយបើកចំហ និងអបអរសាទរចំពោះការវិលត្រឡប់មកវិញរបស់លោក៕