ប្រទេសថៃ ៖ តាមការផ្សព្វផ្សាយរបស់សារព័ត៌មានថៃ នៅថ្ងៃទី២៦ ខែកក្កដា ឆ្នាំ២០២៥ ឱ្យដឹងថា កងទ័ពថៃបានចល័តរថពាសដែកជាច្រើនគ្រឿងនៅក្បែរផ្សាររុងក្លឿ ក្បែរព្រំដែនបានឃ្លងលឹក ស្រុកអារញ្ញប្រាថេត ខេត្តស្រះកែវ និងចម្ងាយប្រមាណ៣០០ម៉ែត្រពីច្រកទ្វារព្រំដែនអន្តរជាតិប៉ោយប៉ែត ខេត្តបន្ទាយមានជ័យ ប្រទេសកម្ពុជា ដើម្បីការពារអធិបតេយ្យថៃ ។

នៅថ្ងៃទី២៦ ខែកក្កដា កងទ័ពអាកាសថៃបានរាយការណ៍ព័ត៌មានបន្ទាន់ថា បានបញ្ជូនយន្តហោះចម្បាំង F-16 ចំនួន២គ្រឿង និងយន្តហោះ Gripen ២គ្រឿង ចេញប្រតិបត្តិការវាយប្រហារលើគោលដៅកងទ័ពកម្ពុជានៅបរិវេណភ្នំទ្រព្យ ក្រោយពីកងទ័ពកម្ពុជាត្រៀមប្រើប្រាស់អាវុធតទល់ជាមួយកងទ័ពថៃនៅភ្នំទ្រព្យ ។ កងទ័ពថៃអះអាងថា បានប្រើប្រាស់យន្តហោះវាយប្រហារមកលើគោលដៅ២កន្លែងរបស់កងទ័ពកម្ពុជានៅក្បែរប្រាសាទតាមាន់ធំ រួចហើយក៏បានបើកយន្តហោះត្រឡប់មកទីតាំងវិញ ។

នៅថ្ងៃទី២៦ ខែកក្កដា កងកម្លាំងបូរ៉ាផាបានចល័តរថពាសដែកមកក្បែរផ្សាររុងក្លឿ ក្បែរព្រំដែនបានឃ្លងលឹក ស្រុកអារញ្ញប្រាថេត ខេត្តស្រះកែវ និងចម្ងាយប្រមាណ៣០០ម៉ែត្រពីច្រកទ្វារព្រំដែនអន្តរជាតិប៉ោយប៉ែត ខេត្តបន្ទាយមានជ័យ ប្រទេសកម្ពុជា ដើម្បីការពារអធិបតេយ្យថៃ ។

គួរបញ្ជាក់ថា កាលពីថ្ងៃទី២៤ ខែកក្កដា កងទ័ពថៃបានបើកឆាកសង្គ្រាមមុនមកលើកងទ័ពកម្ពុជាដែលកំពុងការពារទឹកដីនៅតំបន់ព្រំដែន ហើយរហូតមកដល់ថ្ងៃទី២៦ ខែកក្កដា កងទ័ពថៃពុំទាន់ឈប់បាញ់មកលើកម្ពុជាទេ ។ កងទ័ពថៃបាញ់ប្រហារមកលើកម្ពុជាមុន គឺក្រោយពីមេបញ្ជាការយោធភូមិភាគ២ លោក ប៊ុនស៊ីន ផាកក្លាង អះអាងកាលពីថ្ងៃទី២៣ ខែកក្កដា ថា កងទ័ពថៃជាន់មីនដាច់ជើងម្នាក់ និងរងរបួស៤នាក់ ពេលកំពុងល្បាតនៅព្រំដែនច្រកអានសេះ ខេត្តឧប៊ុនរ៉ាជថានី ។

ហេតុនេះ លោកក៏ប្រកាសបិទប្រាសាទខ្មែរចំនួន៣ គឺប្រាសាទតាមាន់ធំ ប្រាសាទតាមាន់តូច និងប្រាសាទតាក្របី ព្រមទាំងបិទព្រំដែន៤កន្លែង រួមមាន ៖ ១-ព្រំដែនអានម៉ា ខេត្តឧប៊ុនរ៉ាជថានី, ២-ព្រំដែនឆងសាងាំ ខេត្តស៊ីសាកេត, ៣-ព្រំដែនឆងចម ខេត្តសុរិន្ទ និង៤-ព្រំដែនសាយតាគូ ខេត្តបុរីរាំ ។

នៅថ្ងៃទី២៣ ខែកក្កដា នេះ លោក ភូមិថាំ វីឆាយ៉ាឆៃ នាយករដ្ឋមន្ត្រីថៃស្តីទី ក៏បានប្រកាសកាត់បន្ថយទំនាក់ទំនងការទូតជាមួយកម្ពុជា ដោយបណ្តេញឯកអគ្គរាជទូតកម្ពុជានៅទីក្រុងបាងកកត្រឡប់មកកម្ពុជា និងកោះហៅឯកអគ្គរាជទូតថៃនៅរាជធានីភ្នំពេញទៅថៃវិញ ។ លោកថែមទាំងបញ្ជាឱ្យក្រសួងការបរទេសថៃចេញលិខិតតវ៉ាផងដែរ ដោយចោទប្រកាន់កម្ពុជាបង្កប់មីនថ្មី ៕

ប្រទេសថៃ ៖ សារព័ត៌មានថៃបានរាយការណ៍កាលពីថ្ងៃទី២៥ ខែកក្កដា ឆ្នាំ២០២៥ ថា កងទ័ពអាកាសថៃបានច្រានចាលព័ត៌មានផ្សាយថា មេបញ្ជាការកងទ័ពអាកាសថៃបញ្ជាឱ្យវាយយករាជធានីភ្នំពេញត្រឹមតែរយៈពេល៥នាទី និងប្រាប់ឱ្យពលរដ្ឋឈប់ចែកចាយព័ត៌មានក្លែងក្លាយនេះ ។ ការប្រើប្រាស់យន្តហោះចម្បាំង F-16 ទម្លាក់គ្រា.ប់បែករបស់កងទ័ពអាកាសថៃគ្មានបំណងឈ្លានពានកម្ពុជាទេ គ្រាន់តែការពារអធិបតេយ្យ និងពលរដ្ឋថៃប៉ុណ្ណោះ ។

កាលពីថ្ងៃទី២៥ ខែកក្កដា ហ្វេសប៊ុកផេកកងទ័ពអាកាសថៃបានដាស់តឿនពីការផ្សព្វផ្សាយព័ត៌មានក្លែងក្លាយ (Fake News) ថា មានការចែកចាយព័ត៌មានក្នុងបណ្តាញសង្គមជាច្រើន ដោយអះអាងថា វាជាពាក្យសម្តីរបស់មេបញ្ជាការកងទ័ពអាកាស ។ នេះពុំមែនជាព័ត៌មានពិតប្រាកដទេ ពីព្រោះប្រតិបត្តិការផ្នែកអាកាសរបស់ថៃគ្មានបំណងឈ្លានពានកម្ពុជា ប៉ុន្តែជាការការពារអធិបតេយ្យជាតិ និងពលរដ្ឋ ។

ស្របពេលកងទ័ពថៃចាប់ផ្តើមបាញ់ប្រហារមុនមកលើកងទ័ពកម្ពុជាកាលពីថ្ងៃទី២៤ ខែកក្កដា កន្លងមក នៅប្រទេសថៃមានការផ្សាយព័ត៌មានក្លែងក្លាយជាច្រើនពាក់ព័ន្ធនឹងស្ថានការណ៍ព្រំដែនកម្ពុជា-ថៃ ។ ព័ត៌មានក្លែងក្លាយមួយផ្សាយថា «មេបញ្ជាការកងទ័ពអាកាសថៃនឹងវាយយកប្រទេសកម្ពុជាទាំងមូល បើកងទ័ពកម្ពុជាពុំដកថយ ដោយថៃចំណាយពេលវាយរាជធានីភ្នំពេញត្រឹមតែ៥នាទី គឺរាជធានីភ្នំពេញនឹងនៅសល់តែគំនរបាក់បែក» ដែលព័ត៌មាននេះត្រូវបានពលរដ្ឋថៃចែកចាយពេញបណ្តាញសង្គម ។

កាលពីថ្ងៃទី២៥ ខែកក្កដា ពលរដ្ឋថៃបានចែកចាយសារសំឡេងមួយដែលគ្មានប្រភពច្បាស់លាស់នៅក្នុង TikTok ដែលសំឡេងនេះនិយាយថា កងទ័ពថៃនឹងយកទង់ជាតិថៃមកដាក់នៅកណ្តាលរាជធានីភ្នំពេញឱ្យបានមុនម៉ោង១២ថ្ងៃត្រង់ថ្ងៃទី២៦ ខែកក្កដា ។ ប៉ុន្តែមតិខ្លះថា បច្ចុប្បន្ន មានព័ត៌មានក្លែងក្លាយច្រើន ហើយសារសំឡេងនេះអាចជាសារសំឡេងចាស់យកមកចែកចាយឡើងវិញ ។

ដោយឡែក អ្នកនាំពាក្យកងទ័ពថៃ លោកឧត្តមសេនីយ៍ វីនឆ័យ សុវ៉ារី បានច្រានចោលព័ត៌មានថៃប្រើប្រាស់យន្តហោះចម្បាំង F-16 ទម្លាក់គ្រាប់បែកលើមូលដ្ឋានកងទ័ព និងផ្ទះសម្បែងពលរដ្ឋខ្មែរ ។ លោកថា នេះជាព័ត៌មានមិនពិត កងទ័ពថៃគ្រាន់តែការពារខ្លួន ការពារពលរដ្ឋ និងទឹកដី ។

គួរបញ្ជាក់ថា កងទ័ពថៃបានឈ្លានពានអធិបតេយ្យ និងបូរណភាពទឹកដីកម្ពុជា ដោយប្រើប្រាស់អាវុធគ្រប់ប្រភេទ រហូតឈានដល់យន្តហោះចម្បាំង F-16 ហើយកងទ័ពថៃតែងតែបដិសេធការប្រើប្រាស់អាវុធទាំងអស់របស់ខ្លួន ។ លើសពីនេះ ថៃបដិសេធនឹងប្រទេសនានាដែលស្នើសុំសម្របសម្រួលកាត់បន្ថយស្ថានការណ៍ជម្លោះនៅតំបន់ព្រំដែន ហើយថៃអំពាវនាវឱ្យកម្ពុជាចរចាទ្វេភាគី ។

ថៃដឹងខ្លួនច្បាស់ណាស់ បើប្រទេសនានាមកជួយសម្របសម្រួល ឬឱ្យថៃឡើងតុលាការយុត្តិធម៌អន្តរជាតិ (ICJ) គឺថៃនឹងចាញ់កម្ពុជាមិនខាន ។ ថៃប្រាប់ពិភពលោកថា ប្រទេសខ្លួនរងគ្រោះដោយសារកងទ័ពកម្ពុជាបាញ់ ចុះបើរងគ្រោះពិតមែន ហេតុអ្វីថៃពុំព្រមចរចាដោយសន្តិវិធី ហេតុអ្វីនៅតែបន្តបាញ់គ្រាប់ផ្លោងយ៉ាងគំហុកមកលើកម្ពុជា? នៅថ្ងៃទី២៦ ខែកក្កដា នេះ កងទ័ពថៃបានចល័តរថពាសដែក ចម្ងាយ៣០០ម៉ែត្រពីច្រក ព្រំដែនអន្តរជាតិប៉ោយប៉ែតទៀតផង ៕

ថៃ៖ ក្រោយកម្ពុជាបង្ហាញសព្វាវុ.ធសម្រាប់ចម្ងាយឆ្ងាយប្រភេទ PHL-03 ដែលអាចបា.ញ់បានរហូតដល់ទៅ ១៣០ គីឡូម៉ែត្រ មេទ័ពភូមិភាគ២ថៃចាប់ផ្ដើមមានការព្រួយបារម្ភ ដោយខ្លាចកម្ពុជាផ្លោ.ងចូលទឹកដីរបស់ខ្លួន។

យោងតាមសារព័ត៌មាន The Nation នារសៀលថ្ងៃទី២៦ ខែកក្កដា បានឲ្យដឹងថា៖ បញ្ជាការដ្ឋានតំបន់កងទ័ពភូមិភាគទី២ បានចេញសេចក្តីជូនដំណឹងដល់សាធារណជន ទាក់ទងនឹងការគំរាមកំហែងរបស់កម្ពុជា ថាអាចនឹងមានសក្តានុពលក្នុងការបា.ញ់កាំជ្រួចគ្រាប់រ៉ុក្កែតប្រភេទ PHL-03 ដែលអាចបា.ញ់បានចម្ងាយរហូតដល់ទៅ ១៣០ គីឡូម៉ែត្រ។ គោលដៅដែលទំនងជាគោលដៅ គឺតំបន់យោធាយុទ្ធសាស្ត្រ និងទីតាំងដំឡើងសព្វាវុ.ធ។

ដោយឡែក បើយោងតាមការបង្ហោះជាផ្លូវការ ចេញពីទំព័រប្រព័ន្ធផ្សព្វផ្សាយសង្គមរបស់កងទ័ពភូមិភាគទី២ បានបញ្ជាក់ប្រាប់ពលរដ្ឋថា PHL-03 គឺជាប្រព័ន្ធរ៉ុក្កែតបា.ញ់បង្ហោះសម្រាប់រយៈចម្ងាយឆ្ងាយ (MLRS) ដែលមានសមត្ថភាពបា.ញ់គ្រាប់ក្នុងពេលដំណាលគ្នានៅគោលដៅយុទ្ធសាស្ត្រពីចម្ងាយឆ្ងាយ។

យោធាថៃបានដំណើរការវិធានការការពាររួចហើយនៅក្រោមផែនការការពារតំបន់ខាងក្រោយរបស់ខ្លួន ហើយមានសមត្ថភាពទប់ទល់នឹងការគំរាមកំហែងដែលជ្រៀតចូលមក រួមទាំងប្រភេទមីស៊ីលនេះពីកម្ពុជាផងដែរ។

ទោះបីជាយ៉ាងណាក៏ដោយ ដើម្បីជាការប្រុងប្រយ័ត្ន ការពារអាយុជីវិត និងទ្រព្យសម្បត្តិរបស់ជនស៊ីវិល យោធាថៃកំពុងជំរុញឱ្យសាធារណជនរក្សាការប្រុងប្រយ័ត្ន ជៀសវាងការភ័យស្លន់ស្លោ និងបន្តធ្វើបច្ចុប្បន្នភាពតាមរយៈបណ្តាញផ្លូវការរបស់រដ្ឋាភិបាល។

គួរកត់សម្គាល់ថាកងទ័ពថៃបានបើកការបាញ់ប្រហារមកលើកងទ័ពកម្ពុជាមុនកាលពីព្រឹកថ្ងៃព្រហស្បតិ៍ទី ២៤ ខែ កក្កដា ឆ្នាំ ២០២៥ ហើយនៅថ្ងៃទី ២៥ ថៃបានបើកការវាយប្រហារមកលើកងទ័ពកម្ពុជាម្តងទៀត ស្ថិតនៅតាមព្រំដែនកម្ពុជា-ថៃ ចំនួន ៧ទីតាំង ដោយក្រុមយោធាថៃបានប្រើប្រាស់គ្រាប់បែកចង្កោមចំនួន ២លើក ដែលជាប្រភេទគ្រាប់បែកត្រូវបានហាមឃាត់ក្នុងការប្រើប្រាស់។

ដូច្នេះជាការឆ្លើយតប កងទ័ពកម្ពុជាបានប្រើប្រាស់សិទ្ធិការពារខ្លួនក្នុងអធិបតេយ្យនិងបូរណភាពទឹកដីរបស់ខ្លួនប្រឆាំងនឹងការឈ្លានពានរបស់កងទ័ពថៃដែលបានបំពានលើបូរណភាពទឹកដីកម្ពុជា៕

ប្រទេសថៃ ៖ នៅថ្ងៃទី២៦ ខែកក្កដា ឆ្នាំ២០២៥ អ្នកនាំពាក្យរដ្ឋាភិបាលថៃ លោក អនុគូល ព្រឹក្សានុសាក់ បាននិយាយពីស្ថានការណ៍អសន្តិសុខនៅប្រទេសថៃ ដោយសារក្រុមស្ទាវដើរបង្កបញ្ហាវាយធ្វើបាបពលរដ្ឋខ្មែរ រួចហើយថតវីដេអូបង្ហោះក្នុងបណ្តាញសង្គម ។ រដ្ឋាភិបាលថៃប្រកាសឱ្យក្រុមស្ទាវត្រូវបញ្ឈប់ការបង្កើតមាតិកាធ្វើបាបរាងកាយពលរដ្ឋខ្មែរដែលស្នាក់នៅប្រទេសថៃ និងឱ្យតាំងស្មារតី ពីព្រោះពលរដ្ឋខ្មែរពុំបានធ្វើបាបពលរដ្ឋថៃរស់នៅកម្ពុជាទេ ។

អ្នកនាំពាក្យរដ្ឋាភិបាលថៃ លោក អនុគូល ព្រឹក្សានុសាក់ និយាយថា ពលរដ្ឋខ្មែររស់នៅប្រទេសថៃពុំពាក់ព័ន្ធនឹងការបាញ់ប្រហារនៅតំបន់ព្រំដែនកម្ពុជា-ថៃទេ ហើយលោកសំណូមពរឱ្យក្រុមស្ទាវថៃគិតពីមនុស្សធម៌ ។ រដ្ឋាភិបាលបានឱ្យសមត្ថកិច្ចចុះពិនិត្យមើលក្នុងតំបន់ដើម្បីកុំឱ្យស្ទាវថៃធ្វើបាបពលរដ្ឋខ្មែរ ជាពិសេស កន្លែងស្នាក់នៅរបស់ពលករខ្មែរ ។ ប្រសិនបើសមត្ថកិច្ចបានឃើញក្រុមស្ទាវធ្វើបាបរាងកាយពលរដ្ឋខ្មែរ គឺនឹងចាប់ពួកគេដាក់ទោសតាមច្បាប់ ។

រដ្ឋាភិបាល និងកងទ័ពថៃពុំគាំទ្រឱ្យពលរដ្ឋខ្លួនប្រព្រឹត្តអំពើហិង្សាធ្វើបាបជនស្លូតត្រង់ដោយសារចង់សងសឹករឿងជម្លោះព្រំដែន ជាពិសេស ធ្វើបាបពលរដ្ឋខ្មែរស្នាក់នៅថៃដែលពុំពាក់ព័ន្ធ ។ ប៉ុន្តែរដ្ឋាភិបាលសំណូមពរឱ្យពលរដ្ឋទាំងអស់រួមគ្នាប្រឆាំង និងទម្លាក់កំហុសមកលើកម្ពុជា ព្រមទាំងតាមដានស្ថានការណ៍នៅព្រំដែនកម្ពុជា-ថៃ ។ នេះបើតាមការលើកឡើងរបស់លោក អនុគូល ព្រឹក្សានុសាក់ ។

តាំងពីកងទ័ពថៃបើកឆាកធ្វើសង្គ្រាមមុនជាមួយកម្ពុជានៅតាមបណ្តោយព្រំដែនឃើញថា ក្រុមស្ទាវថៃចាប់ផ្តើមដើរវាយធ្វើបាបពលរដ្ឋខ្មែរជាច្រើនកន្លែង មិនថាពលរដ្ឋខ្មែរស្នាក់នៅអគារខ្ពស់ប៉ុនណា ក៏ពួកគេស្រែកសួររកពលរដ្ឋខ្មែរដែរ ដើម្បីវាយធ្វើបាប ដូចជា ៖ ទាត់ធាត់ និងទះកំផ្លៀងថតបង្ហោះក្នុងបណ្តាញសង្គម ។ ទង្វើព្រៃផ្សៃនេះបានកើតឡើងជាបន្តបន្ទាប់ ដោយសារក្រុមស្ទាវថៃ និងពលរដ្ឋថៃមួយចំនួនខ្វះការពិចារណា ហើយពុំត្រូវបានអាជ្ញាធរចាប់ខ្លួនឡើយ ។

ការធ្វើបាបពលរដ្ឋខ្មែរស្នាក់នៅថៃត្រូវបានពលរដ្ឋថៃខ្លះគាំទ្រ ដោយសារបច្ចុប្បន្ន កម្ពុជា-ថៃកំពុងប៉ះទង្គិចគ្នានៅតំបន់ព្រំដែន ប៉ុន្តែពលរដ្ឋថៃខ្លះទៀតពុំគាំទ្រ និងសំណូមពរឱ្យក្រុមស្ទាវបញ្ឈប់ទង្វើថោកទាបជាបន្ទាន់ ពីព្រោះពលរដ្ឋថៃរស់នៅប្រទេសកម្ពុជា ពុំត្រូវបានពលរដ្ឋខ្មែរធ្វើបាប ឬរើសអើងទេ ៕

ថៃ៖ ប្រទេសថៃបានដាក់លិខិតជាផ្លូវការទៅកាន់ក្រុមប្រឹក្សាសន្តិសុខអង្គការសហប្រជាជាតិ (UNSC) ដោយបង្ហាញភស្តុតាងដែលថាកម្ពុជាបានផ្តួចផ្តើមជម្លោះប្រដាប់អាវុ.ធមុន នៅក្នុងជម្លោះរវា.យប្រហារទៅវិញទៅមករវាងប្រទេសថៃ និងកម្ពុជា។

យោងតាមសារព័ត៌មានបាងកកប៉ុស្តិ៍ នាថ្ងៃសៅរិ៍ ទី២៦ ខែកក្កដានេះបានឲ្យដឹងថា លោកស្រី Maratee Nalita Andamo អ្នកនាំពាក្យរងក្រសួងការបរទេសថៃ បាននិយាយកាលពីថ្ងៃសុក្រថា កម្ពុជាបានដាក់លិខិតមួយទៅកាន់ UNSC ដោយស្នើសុំឱ្យមានកិច្ចប្រជុំបន្ទាន់មួយ និងចោ.ទប្រកាន់ថៃពីបទរំលោភលើអធិបតេយ្យភាពរបស់កម្ពុជា គឺជាការអះអាងដែល«ផ្ទុយពីការពិតទាំងស្រុង»។

ជាមួយគ្នានេះ លោកស្រី Maratee បានបញ្ជាក់ថា៖ ពេលនេះក្រសួងការបរទេសបានដាក់លិខិតផ្លូវការមួយទៅកាន់ UNSC រួចហើយ ដើម្បីបញ្ជាក់អំពីស្ថានភាព រួមទាំងភស្តុតាងដែលថាកងកម្លាំងកម្ពុជាបានផ្តួចផ្តើមឲ្យមានអំពើហិង្សា។ សកម្មភាពរបស់ពួកគេនាំឱ្យថៃស្លា.ប់ និងរបួសជាច្រើននាក់ ហើយច្បាស់ណាស់ថាជាទង្វើឈ្លានពានប្រឆាំងនឹងអធិបតេយ្យភាពរបស់ប្រទេសថៃ។

លោកស្រីបានបន្ថែមថា “ប្រទេសកម្ពុជាជាអ្នកផ្តួចផ្តើមការវា.យប្រហារយ៉ាងខ្លាំងក្លាជាបន្តបន្ទាប់ប្រឆាំងនឹងប្រទេសថៃ ដោយផ្តោតលើគោលដៅយោធាមិនត្រឹមតែប៉ុណ្ណោះទេ ប៉ុន្តែថែមទាំងបង្កគ្រោះថ្នាក់ដល់ជនស៊ីវិលថៃផងដែរ ជាពិសេសនៅក្នុងសហគមន៍លំនៅដ្ឋាន និងកន្លែងសាធារណៈសំខាន់ៗ ដូចជាមន្ទីរពេទ្យជាដើម”។

គួររម្លឹកថា ជម្លោះប្រដាប់អាវុ.ធរវាងកម្ពុជា និង ថៃ បានកើតឡើងកាលពីព្រឹកព្រលឹមថ្ងៃទី២៤ ខែកក្កដា ឆ្នាំ២០២៥ ដែលផ្ដើមចេញពីការបា.ញ់ចំនួន៦គ្រាប់ពីសំណាក់ភាគីថៃ មកលើយោធាកម្ពុជា។ បន្ទាប់ពីនោះមក ហិ.ង្សាដោយអាវុ.ធក៏កាន់តែកើនឡើងកម្ដៅ ដោយថៃបានប្រើប្រាស់នូវអាវុ.ធធនធ្ងន់ជាច្រើនរួមមាន យន្តហោះចម្បាំង F-16 កាំភ្លើងធំ និងគ្រាប់បែ.កចង្កោម ដែលទង្វើនេះបានបង្ហាញយ៉ាងច្បាស់ពីទង្វើឈ្លានពានយ៉ាងឃោ.ឃៅ និងគ្មានមនុស្សធម៌របស់ថៃ។

ទោះជាយ៉ាងណា ថៃមិនដែលទទួលស្គាល់ទេថា ខ្លួនជាអ្នកបង្កររឿងហេតុគ្រប់បែបយ៉ាង រាប់តាំងពីការបិទព្រំដែន បិទប្រាសាទដោយឯកតោភាគី រហូតឈានដល់ការប្រើប្រាស់អាវុ.ធមកលើកម្ពុជា។ ហើយឥឡូវនេះ ថៃបែរជាដាក់លិខិតទៅកាន់អង្គការសហប្រជាជាតិ ថ្កោលទោ.ស និងចោ.ទប្រកាន់កម្ពុជាថាជាអ្នកចាប់ផ្ដើមសង្រ្គា.មទៅវិញ៕