ប្រទេសថៃ ៖ តាមការផ្សព្វផ្សាយរបស់សារព័ត៌មាន Thai New Post កាលពីថ្ងៃទី២២ ខែកក្កដា ឆ្នាំ២០២៥ ឱ្យដឹងថា ពលរដ្ឋថៃបារម្ភពីយុវជនស្ទាវកម្ពុជាជាច្រើននាក់ប្រមូលផ្តុំគ្នានៅប្រាសាទតាមាន់ធំ ហើយពលរដ្ឋថៃចោទប្រកាន់ថា ក្រុមយុវជនស្ទាវទាំងនេះបានបង្ករឿងឈ្លោះប្រកែក និងនិយាយចំអកឱ្យកងទ័ពថៃ ។ ពលរដ្ឋថៃបារម្ភពីអសន្តិសុខ សណ្តាប់ធ្នាប់សង្គម និងធ្វើឱ្យប្រទេសទាំងពីរមានជម្លោះជាមួយគ្នា ។

ពលរដ្ឋថៃចោទប្រកាន់ទៀតថា ទង្វើរបស់ក្រុមយុវជនស្ទាវកម្ពុជានៅប្រាសាទតាមាន់ធំ មិនត្រឹមតែពុំសមរម្យប៉ុណ្ណោះទេ គឺពួកគេថែមទាំងពុំគោរព និងពុំផ្តល់តម្លៃឱ្យពលរដ្ឋថៃទៀតផង ។ ការធ្វើដំណើរមកប្រាសាទតាមាន់ធំដើម្បីបង្កបញ្ហារបស់យុវជនស្ទាវទាំងនេះអាចធ្វើឱ្យប្រទេសកម្ពុជា និងថៃ មានជម្លោះជាមួយគ្នា ។

ដូច្នេះ ពលរដ្ឋថៃបានសំណូមពរដល់រដ្ឋាភិបាលប្រទេសទាំងពីរ ក៏ដូចជាពលរដ្ឋកម្ពុជា និងថៃ ពុំគួរបណ្តោយឱ្យក្រុមយុវជនស្ទាវធ្វើសកម្មភាពនៅប្រាសាទតាមាន់ធំតាមចិត្ត ពីព្រោះយុវជនជាក្មេងឈាមរាវ ងាយនឹងបង្កចលាចលបណ្តាលឱ្យប៉ះពាល់ដល់សន្តិសុខ សណ្តាប់ធ្នាប់សង្គម ។

រដ្ឋាភិបាលកម្ពុជា និងថៃ ពុំគួរមើលរំលងទង្វើរបស់ក្រុមយុវជនស្ទាវនៅប្រាសាទតាមាន់ធំទេ ពីព្រោះពួកគេបានមកប្រាសាទតាមាន់ធំយ៉ាងសេរី ។ ប្រសិនបើពួកគេបង្កបញ្ហាបែបនេះបន្តទៀត មិនយូរទេនឹងកើតបញ្ហាកាន់តែធំ ហើយប៉ះពាល់ដល់ទំនាក់ទំនងដ៏ល្អរវាងប្រទេសទាំងពីរ ។ នេះបើតាមការលើកឡើងរបស់ពលរដ្ឋថៃក្នុងបណ្តាញសង្គម ។

គួរបញ្ជាក់ថា មេបញ្ជាការយោធភូមិភាគ២ លោក ប៊ុនស៊ីន ផាកក្លាង បាននិយាយកាលពីថ្ងៃទី២២ ខែកក្កដា ថា ភ្ញៀវទេសចរគ្រប់ជាតិសាសន៍អាចមកលេងប្រាសាទតាមាន់ធំ ប៉ុន្តែត្រូវតែគោរពច្បាប់ថៃ ។ ប្រសិនបើភ្ញៀវទេសចរបង្កបញ្ហា ឬមានជម្លោះវាយតប់គ្នា (គឺក្រុមយុវជនស្ទាវ) លោកនឹងបញ្ជាឱ្យបិទប្រាសាទចំនួន៧ថ្ងៃ ដើម្បីរៀបចំគោលការណ៍ថ្មី ៕

បាក់មុខតិចអី? ថៃខំអញ្ជើញជំនួយការអនុព័ន្ធយោធាមកពី ៤៧ប្រទេស មកស្ដាប់ការបកស្រាយរបស់ខ្លួនជុំវិញហេតុការណ៍ទាហានថៃដើរជាន់គ្រាប់មីន និងអំពាវនាវឲ្យប្រទេសទាំងនោះគាំទ្រខ្លួនក្នុងការដាក់ពាក្យបណ្ដឹ.ងទៅអង្គការសហប្រជាជាតិ។ ប៉ុន្តែជាលទ្ធផល សមាជិកដែលចូលរួមទាំងនោះ គ្មានប្រតិកម្មតបតនឹងការរៀបរាប់របស់ថៃឡើយ ពោលគឺគ្រាន់តែចូលរួមស្ដាប់ប៉ុណ្ណោះ។

ថៃ៖ យោងតាមការចុះផ្សាយរបស់សារព័ត៌មាន Khoasod កាលពីថ្ងៃទី ២២ ខែកក្កដា បញ្ជាការដ្ឋានកងទ័ពជើងគោកថៃបានអញ្ជើញជំនួយការអនុព័ន្ធយោធាមកពីប្រទេសចំនួន ៤៧ ដែលឈរជើងក្នុងប្រទេសថៃ ដើម្បីចូលរួមសន្និសីទសង្ខេបស្តីពីស្ថានភាពព្រំដែនកម្ពុជា-ថៃ ទាក់ទងនឹងការពិតដែលកម្ពុជាបានរំលោ.ភលើអធិបតេយ្យភាពរបស់ប្រទេសថៃ និងការដាក់គ្រាប់មីនប្រឆាំងមនុស្ស។

សន្និសីទនេះមានការចូលរួមពីលោកវរសេនីយ៍ឯក ហម គីម ជំនួយការអនុព័ន្ធយោធាកម្ពុជា រួមជាមួយនឹងតំណាងមកពីប្រទេសជាច្រើនរួមមាន ចិន សហរដ្ឋអាមេរិក ចក្រភពអង់គ្លេស អាល្លឺម៉ង់ កាណាដា រុស្ស៊ី អូស្ត្រាលី វៀតណាម មីយ៉ាន់ម៉ា ឥណ្ឌា ជប៉ុន ហ្វីលីពីន ប្រ៊ុយណេ ឥណ្ឌូនេស៊ី និងអ៊ីស្រាអែល។

អ្វីដែលគួរឲ្យចាប់អារម្មណ៍បំផុតនៅក្នុងអង្គប្រជុំនេះ គឺសមាជិកអនុព័ន្ធយោធារបស់ប្រទេសនីមួយៗដែលបានចូលរួមទាំងអស់បាននៅស្ញៀមស្ងាត់ មិនមានប្រតិកម្មភ្ញាក់ផ្អើល ឬសួរសំណួរអ្វីត្រឡប់ទៅកាន់ភាគីថៃដែលខំរៀបរាប់ពីស្ថានការណ៍នានាឡើយ។ កាយវិការនេះហាក់បង្ហាញពីភាពមិនសូវចាប់អារម្មណ៍របស់អន្តរជាតិជុំវិញការអះអាងរបស់ថៃ តាមរយៈការគ្រាន់តែចូលមកស្ដាប់មិនតបតអ្វីច្រើន ដែលគួរឲ្យអាម៉ាសជាខ្លាំងសម្រាប់ថៃ។

ដើម្បីញ៉ាំងស្ថានការណ៍កុំឲ្យបាក់មុខខ្លាំងពេក លោក Winthai Suwaree អ្នកនាំពាក្យកងទ័ពជើងគោកថៃ បាននិយាយថា «បរិយាកាសប្រជុំមានភាពវិជ្ជមានជាធម្មតា ដោយអ្នកចូលរួមទាំងអស់បានស្តាប់ច្រើនជាងនិយាយ ព្រោះពួកគេភាគច្រើនបានទទួលព័ត៌មានមួយចំនួនរួចហើយ តាមរយៈបណ្តាញផ្សេងៗ។

គួរឲ្យដឹងផងដែរថា គោលបំណងធំនៃកិច្ចប្រជុំនេះគឺដើម្បី ពន្យល់ពីស្ថានការណ៍ និង បង្ហាញព័ស្តុតាងដែលថៃអះអាងថាបានរកឃើញទៅកាន់សហគមន៍អន្តរជាតិតាមរយៈអនុព័ន្ធយោធា។ ពួកគេយល់ថា ខ្លួនបានសម្រេចគោលបំណង ដោយបង្ហាញមីន PMN-2 និងអះអាងអំពីមីនថ្មីៗដោយចោទថា កម្ពុជាជាអ្នកដាក់ រំលោ.ភអនុសញ្ញាទីក្រុងអូតាវ៉ា។

ទោះជាយ៉ាងណា គោលបំណងនេះហាក់ទទួលបានលទ្ធផលផ្ទុយមកវិញ ដោយសារតែសមាជិកដែលបានចូលរួមទាំងអស់មិនបានយកចិត្តទុកដាក់ក្នុងការលើកឡើងរបស់ពួកគេឡើយ។ នេះមិនត្រឹមតែជាភាពអាម៉ាសសម្រាប់ថៃប៉ុណ្ណោះទេ ប៉ុន្តែអាចនឹងធ្វើឲ្យថៃកាន់តែភ័យខ្លួនមួយកម្រិតទៀតព្រោះ បើអន្តរជាតិមិនចាប់អារម្មណ៍នឹងសំណុំរឿងរបស់ពួកគេនេះទេ កម្ពុជាអាចនឹងមានឱកាសវា.យបកទៅកាន់ថៃវិញ ដូចអ្វីដែលលោក Nattapol Nakphanit អនុរដ្ឋមន្ត្រីក្រសួងការពារជាតិថៃ ទើបបាននិយាយកាលពីថ្មីៗនេះ៕

ក្រោយសារព័ត៌មានថៃផ្សព្វផ្សាយពីអ្នកស្រី ម៉ូនីកា ប៉ះពាក្យសម្តីជាមួយកងទ័ពថៃនៅប្រាសាទតាមាន់ធំកាលពីថ្ងៃទី១៥ ខែកក្កដា ដោយសារកងទ័ពថៃពុំឱ្យអ្នកស្រីឡើងលើប្រាសាទ ធ្វើឱ្យពលរដ្ឋថៃខឹងសម្បារយ៉ាងខ្លាំងថា អ្នកស្រី ម៉ូនីកា ចង្អុលមុខជេរកងទ័ពថៃដែលកំពុងបំពេញតួនាទី ។ ពួកគេថែមទាំងចោទប្រកាន់ថា អ្នកស្រីបង្កបញ្ហានៅប្រាសាទតាមាន់ធំ និងជាមូលហេតុធ្វើឱ្យកងទ័ពកម្ពុជា-ថៃស្ទើរតែប៉ះទង្គិចគ្នា ។

ស្ត្រីថៃម្នាក់ឈ្មោះ យុតយ៉ា ក៏បានបង្ហាញការមិនពេញចិត្តដែរ ហើយនៅថ្ងៃទី២០ ខែកក្កដា ឆ្នាំ២០២៥ ស្ត្រីរូបនេះបានធ្វើដំណើរពីខេត្តអយុធ្យាមកប្រាសាទតាមាន់ធំ ដើម្បីរង់ចាំបង្កបញ្ហាជាមួយអ្នកស្រី ម៉ូនីកា (ជាស្ត្រីខ្មែរប៉ះពាក្យសម្តីជាមួយកងទ័ពថៃ) ពីព្រោះស្ត្រីរូបនេះឮពាក្យចចាមអារ៉ាមថា អ្នកស្រី ម៉ូនីកា នឹងមកប្រាសាទតាមាន់ធំម្តងទៀតជាមួយពលរដ្ឋខ្មែរជាច្រើន ។ ស្ត្រីថៃនេះបានឡើងទៅឈររង់ចាំលើប្រាសាទតាមាន់ធំ និងស្រែកខ្លាំងៗថា «តើ មូនីកា មកដល់នៅ ខ្លួនកំពុងតែរង់ចាំ» ប៉ុន្តែនៅថ្ងៃនោះ អ្នកស្រី ម៉ូនីកា ពុំបានមកប្រាសាទតាមាន់ធំទៀតទេ ។

តាមការផ្សាយរបស់សារព័ត៌មានថៃ គឺកាលពីថ្ងៃទី២០ ខែកក្កដា ស្ត្រីថៃឈ្មោះ យុតយ៉ា បានស្រែកឡូឡាខ្លាំងៗចង់បង្កបញ្ហានៅប្រាសាទតាមាន់ធំ ថា «តើ ម៉ូនីកា នៅឯណា កំពុងរង់ចាំ?» ពីព្រោះខ្លួនពុំអាចទទួលយកបាននូវទង្វើរបស់អ្នកស្រី ម៉ូនីកា ដែលប៉ះពាក្យសម្តីជាមួយកងទ័ពថៃនៅប្រាសាទតាមាន់ធំ គ្រាន់តែកងទ័ពថៃហាមឃាត់មិនឱ្យឡើងប្រាសាទរបស់ខ្មែរ ។ ស្ត្រីជ.នជាតិថៃបានអំពាវនាវឱ្យរដ្ឋាភិបាលរបស់ខ្លួនបង្ហាញគោលជំហរច្បាស់លាស់ ហើយពេលស្ត្រីនេះអុកឡុក គឺគ្មានវត្តមានកងទ័ពថៃហាមឃាត់ឡើយ ។

ស្ត្រីថៃស្រែកឡូឡានៅប្រាសាទតាមាន់ធំ ឈ្មោះ យុតយ៉ា (ឬកល្យានី) មកពីខេត្តអយុធ្យា បានល្បីល្បាញពេញបណ្តាញសង្គមប្រទេសថៃ ហើយត្រូវបានពលរដ្ឋថៃសរសើរពុំដាច់ពីមាត់ ដែលហ៊ានអុកឡុកក្នុងបរិវេណប្រាសាទតាមាន់ធំ នៅភូមិតាមាន់សែនជ័យ ឃុំគោកមន ស្រុកបន្ទាយអម្ពិល ខេត្តឧត្តរមានជ័យ ដោយស្រែកហៅឈ្មោះអ្នកស្រី ម៉ូនីកា ជាស្ត្រីខ្មែរដែលកងទ័ពថៃពុំឱ្យឡើងប្រាសាទ ។ ពលរដ្ឋថៃចោទប្រកាន់ថា អ្នកស្រី ម៉ូនីកា មានអាកប្បកិរិយាពុំសមរម្យដាក់កងទ័ពថៃ ហើយពលរដ្ឋថៃបានចែកចាយវីដេអូប៉ះពាក្យសម្តីរបស់អ្នកស្រីជាមួយកងទ័ពថៃយ៉ាងច្រើនក្នុងបណ្តាញសង្គម ។

ស្ត្រីថៃឈ្មោះ យុតយ៉ា និយាយថា ខ្លួនពុំពេញចិត្តទេ និងពុំអាចទទួលយកបានដែលកម្ពុជាព្យាយាមអះអាងភាពជាម្ចាស់កម្មសិទ្ធិលើអ្វីៗទាំងអស់ជារបស់ថៃ ដូចជា ៖ វប្បធម៌ ភាសា ការស្លៀកពាក់ និងទឹកដី ។ ពេលខ្លួនដឹងរឿងរ៉ាវកាន់តែច្រើន ខ្លួនកាន់តែខឹងនឹងអាកប្បកិរិយារបស់ពលរដ្ឋខ្មែរខ្លាំងឡើង ។ ការស្រែកហៅឈ្មោះអ្នកស្រី ម៉ូនីកា ដោយសារខ្លួនទទួលព័ត៌មានថា អ្នកស្រី ម៉ូនីកា នឹងធ្វើដំណើរមកប្រាសាទតាមាន់ធំម្តងទៀត ។ ខ្លួនពុំអាចទទួលយកនូវទង្វើរបស់ស្ត្រីខ្មែររូបនេះទេ ប្រសិនបើស្ត្រីខ្មែរនេះនាំពលរដ្ឋខ្មែរមកប្រាសាទតាមាន់ធំបង្ហាញអំណាច ទើបខ្លួនតាំងចិត្តមករង់ចាំ និងស្រែកហៅនៅកណ្តាលប្រាសាទ ថា «តើ ម៉ូនីកា មកដល់នៅ កំពុងរង់ចាំ?» ។

ស្ត្រីថៃរូបនេះនិយាយថា ៖ «ខ្ញុំបានឃើញព័ត៌មានផ្សាយយូរហើយ គឺខ្មែរព្យាយាមបញ្ជាក់ថា ទឹកដីប្រាសាទតាមាន់ធំជារបស់ខ្លួន ប៉ុន្តែការពិត វាជាទឹកដីថៃសោះ ។ ខ្មែរគួរទៅលេងប្រាសាទព្រះវិហារដែលយកពីថៃ តែនេះបែរជាដង្ហែរគ្នាមកលេងប្រាសាទតាមាន់ធំយ៉ាងច្រើនទៅវិញ» ។

ពលរដ្ឋខ្មែរសម្រុកមកលេងប្រាសាទតាមាន់ធំដែលជាប្រាសាទនៅលើទឹកដីថៃ គឺអាចមានការរៀបចំ ឬឃោសនាអ្វីម្យ៉ាងដើម្បីទាមទារសិទ្ធិដោយស្របច្បាប់ ប៉ុន្តែប្រាសាទព្រះវិហារនៅកម្ពុជាត្រូវទុកចោលគ្មានការថែទាំ ។ ខ្លួនបានឈររង់ចាំបង្ករឿងលើប្រាសាទតាមាន់ធំស្រែកហៅរកអ្នកស្រី ម៉ូនីកា ប៉ុន្តែពុំឃើញអ្នកស្រី ម៉ូនីកា មកប្រាសាទតាមពាក្យចចាមអារ៉ាមទេ គឺមានតែពលរដ្ឋខ្មែរផ្សេងទៀតដែលមកលេងប្រាសាទឆ្លើយតបមកវិញ ។

ស្ត្រីរូបនេះថែមទាំងចោទប្រកាន់ថា ពលរដ្ឋខ្មែរមកលេងប្រាសាទតាមាន់ធំបានប្រាប់ខ្លួនឱ្យដើរចូលមកកាន់ទឹកដីខ្មែរ ប៉ុន្តែខ្លួនបដិសេធព្រោះមានស្មារតីគ្រប់គ្រាន់ ពុំចាញ់ល្បិច ។ ចុងក្រោយ ស្ត្រីថៃបានអំពាវនាវឱ្យរដ្ឋាភិបាលរបស់ខ្លួនបង្ហាញគោលជំហរច្បាស់លាស់ និងស្នើឱ្យបិទប្រាសាទតាមាន់ធំ និងបិទប្រាសាទតាមាន់តូច ដើម្បីកុំឱ្យពលរដ្ឋខ្មែរមកលេង និងអះអាងជាម្ចាស់កម្មសិទ្ធិ ពីព្រោះនេះជាទឹកដីថៃ ពុំអនុញ្ញាតឱ្យអ្នកណាមកទាមទារបន្តទៀត ។

គួរបញ្ជាក់ថា ពេលស្ត្រីថៃរូបនេះមកអុកឡុកស្រែកឡូឡានៅប្រាសាទតាមាន់ធំរបស់កម្ពុជា គឺគ្មានវត្តមានកងទ័ពថៃណាម្នាក់មកហាមឃាត់ពលរដ្ឋខ្លួនកុំឱ្យបង្កចលាចលឡើយ ។ កងទ័ពថៃហាមពលរដ្ឋខ្មែរបង្កចលាចលនៅប្រាសាទតាមាន់ធំ ប៉ុន្តែបណ្តោយឱ្យពលរដ្ឋខ្លួនអុកឡុកស្រែកឡូឡានៅកណ្តាលប្រាសាទតាមអំពើចិត្ត ៕

ស៊ីប ឬសាយប្រឹស គឺជាប្រទេសដែនកោះមួយនៅសមុទ្រមេឌីទែរ៉ានេ ដែលត្រូវបានប្រទេសចំនួន២ កំពុងបែងចែកទឹកដីជា៤តំបន់។

ប្រទេសនេះ ទទួលបានឯករាជ្យពីចក្រភពអង់គ្លេសនៅឆ្នាំ១៩៦០ តែអង់គ្លេសនៅតែកាន់កាប់តំបន់មួយចំនួន និងបានដាក់មូលដ្ឋានទ័ពមកទល់បច្ចុប្បន្ន។

សព្វថ្ងៃ រដ្ឋាភិបាលប្រទេសសាយប្រឹស គ្រប់គ្រងមួយផ្នែកធំនៅភាគខាងត្បូង ដែលត្រូវបានទទួលស្គាល់ពីសមាជិកអង្គការសហប្រជាជាតិ ជាសធារណរដ្ឋសាយប្រឹស។

ដោយឡែកភាគខាងជើង ត្រូវបានតួកគីគ្រប់គ្រង ដោយបានដាក់ទ័ពលុកលុយកាលពីឆ្នាំ១៩៧៤ ដែលតួកគីដាក់ឈ្មោះថា “សាធារណរដ្ឋតួកគី នៃសាយប្រឹសខាងជើង”។

មួយតំបន់ទៀត ត្រូវបានអង្គការសហប្រជាជាតិ ដាក់ទ័ពកាន់កាប់ចន្លោះកណ្តាលនៃតំប់ភាគខាងជើង និងខាងត្បូង ដែលតែងមានជម្លោះព្រំដែន៕

វៀតណាម៖ អាកាសយានដ្ឋានធំៗចំនួន២ របស់វៀតណាមត្រូវបានប្រកាសថានឹងត្រូវបិទជាបណ្ដោះអាសន្នភ្លាមៗ បន្ទាប់ពីមានការវា.យប្រ.ហារខ្លាំងក្លាដោយព្យុះទីហ្វុង Wipha នៅភាគខាងជើងប្រទេសក្នុងកំឡុងពេលប៉ុន្មានថ្ងៃចុងក្រោយនេះ។

យោងតាមសារព័ត៌មាន VN Express នាថ្ងៃពុធ ទី២២ កក្កដា បានឲ្យដឹងថា ដើម្បីឆ្លើយតបនឹងព្យុះទីហ្វុង Wipha ដែលបានបោកបក់មកសមុទ្រខាងកើតជាលើកទី៣ក្នុងឆ្នាំនេះ អាជ្ញាធរអាកាសចរណ៍ស៊ីវិលវៀតណាម (CAAV) បានសម្រេចផ្អាកការទទួល និងប្រតិបត្តិការយន្តហោះជាបណ្ដោះអាសន្ននៅអាកាសយានដ្ឋានចំនួន២ ដែលស្ថិតនៅក្នុងតំបន់រងគ្រោះនៅថ្ងៃទី ២១ និង ២២ ខែកក្កដា។

តាមប្រភពដដែលបានឲ្យដឹងទៀតថា អាកាសយានដ្ឋានទាំងពីរដែលនឹងត្រូវបិទជាបណ្ដោះអាសន្ននោះរួមមាន អាកាសយានដ្ឋានអន្តរជាតិ Van Don នៅខេត្ត Quang Ninh ភាគខាងជើង និងអាកាសយានដ្ឋានអន្តរជាតិ Cat Bi ក្នុងទីក្រុង Hai Phong ដែលនឹងបិទចាប់ពីម៉ោង ១១ យប់ ថ្ងៃទី 21 ខែកក្កដាដល់ថ្ងៃត្រង់ថ្ងៃទី 22 ខែកក្កដា។

ទន្ទឹមនឹងនេះ អាជ្ញាធរអាកាសចរណ៍ស៊ីវិលវៀតណាម បានស្នើសុំអាកាសយានដ្ឋានអន្តរជាតិ Noi Bai នៅទីក្រុងហាណូយ និងអាកាសយានដ្ឋាន Tho Xuan ក្នុងខេត្ត Thanh Hoa បន្តតាមដានព្រឹត្តិបត្រឧតុនិយម និងស្នើការកែសម្រួលសមស្របទៅនឹងកាលវិភាគប្រតិបត្តិការរបស់ពួកគេប្រសិនបើចាំបាច់។

ក្រៅពីនេះ ក្រុមហ៊ុនអាកាសចរណ៍ទាំងអស់ ត្រូវជូនដំណឹងយ៉ាងសកម្មដល់អ្នកដំណើរអំពីការផ្លាស់ប្តូរនៃកាលវិភាគហោះហើរ ដូច្នេះអ្នកដំណើរអាចរៀបចំការធ្វើដំណើររបស់ពួកគេឲ្យបានសមស្រប។

អាជ្ញាធរអាកាសចរណ៍ស៊ីវិលវៀតណាម ក៏បានព្រមានដែរថា ភ្លៀងធ្លាក់ខ្លាំងដែលត្រូវបាននាំមកដោយព្យុះនេះ អាចនឹងបង្កឱ្យមានទឹកជំនន់នៅព្រលានយន្តហោះមួយចំនួនដែលស្ថិតនៅតំបន់រងផលប៉ះពាល់ដោយផ្ទាល់ផងដែរ។

ស្របពេលជាមួយគ្នានោះ អាជ្ញាធរបានកត់សម្គាល់ថា បន្ទាប់ពីព្យុះនេះរលាយបាត់ អង្គភាពពាក់ព័ន្ធទាំងអស់ត្រូវផ្តោតការយកចិត្តទុកដាក់លើធនធានរបស់ពួកគេ ដើម្បីស្តារប្រតិបត្តិការហោះហើរធម្មតាឡើងវិញភ្លាមៗ៕

ប្រទេសថៃ ៖ នៅថ្ងៃទី២២ ខែកក្កដា ឆ្នាំ២០២៥ សារព័ត៌មានថៃ Khaosod រាយការណ៍ថា កងទ័ព និងពលរដ្ឋថៃបានប្តឹងសមត្ថកិច្ចឱ្យចា.ប់ខ្លួនស្ត្រីខ្មែរឈ្មោះ ម៉ូនីកា ដែលប៉ះពាក្យសម្តីជាមួយកងទ័ពថៃនៅប្រាសាទតាមាន់ធំ ដោយចោទប្រកាន់ថា អ្នកស្រីចង្អុលមុខជេរប្រមា.ថ និងមើលងា.យកងទ័ពថៃពេលកំពុងបំពេញភារកិច្ច ។ ក្រសួងការបរទេសថៃនឹងកោះហៅអ្នកស្រីឱ្យធ្វើដំណើរមកប្រទេសថៃ ដើម្បីឱ្យសមត្ថកិច្ចខេត្តសុរិន្ទសាកសួរដោយផ្ទាល់មាត់ ។

តាមការចុះផ្សាយរបស់សារព័ត៌មាន Khaosod គឺថៃបានចោទប្រកាន់អ្នកស្រី ម៉ូនីកា បង្កបញ្ហានៅប្រាសាទតាមាន់ធំ នៅភូមិតាមាន់សែនជ័យ ឃុំគោកមន ស្រុកបន្ទាយអម្ពិល ខេត្តឧត្តរមានជ័យ (ជាប់ខេត្តសុរិន្ទ) ហើយថា អ្នកស្រីចង្អុលមុខកងទ័ពថៃពេលកំពុងបំពេញភារកិច្ច កាលពីថ្ងៃទី១៥ ខែកក្កដា កន្លងមក ។ ក្រោយការផ្សព្វផ្សាយព័ត៌មានក្នុងបណ្តាញសង្គមធ្វើឱ្យពលរដ្ឋថៃពុំពេញចិត្តអ្នកស្រីយ៉ាងខ្លាំង ហើយកងទ័ព និងពលរដ្ឋថៃក៏បានប្តឹងអ្នកស្រីមកកាន់សមត្ថកិច្ចខេត្តសុរិន្ទ ពីបទបង្កការរំខាន និងមើលងាយកងទ័ពថៃពេលបំពេញភារកិច្ច រួមទាំងចោទប្រកាន់ពីបទញុះញង់ក្នុងប្រព័ន្ធកុំព្យូទ័រ ។

ការប៉ះពាក្យសម្តីរបស់អ្នកស្រី ម៉ូនីកា ជាមួយកងទ័ពថៃ គឺដោយសារកងទ័ពថៃពុំអនុញ្ញាតឱ្យអ្នកស្រីឡើងលើប្រាសាទតាមាន់ធំដែលជាប្រាសាទរបស់ខ្មែរ ត្រូវបានពលរដ្ឋថៃចាប់អារម្មណ៍យ៉ាងខ្លាំង និងជជែកពេញបណ្តាញសង្គម ។ ក្រោយពីទទួលពាក្យបណ្តឹង សមត្ថកិច្ចខេត្តសុរិន្ទក៏រាយការណ៍ទៅមេបញ្ជាការខេត្តសុរិន្ទ ដើម្បីបង្កើតក្រុមការងារស៊ើបអង្កេតករណីនេះ ។

ជំហ៊ានដំបូង មេបញ្ជាការខេត្តសុរិន្ទ បានចុះហត្ថលេខាបង្កើតក្រុមការងារស៊ើបអង្កេតចាត់វិធានការករណីនេះ ដើម្បីប្រមូលភស្តុតាង សាក្សី និងប្រមូលវីដេអូក្នុងបណ្តាញសង្គមពាក់ព័ន្ធនឹងហេតុការណ៍កើតឡើងនៅប្រាសាទតាមាន់ធំ ។ បន្ទាប់មក នឹងចេញលិខិតកោះហៅអ្នកស្រី ម៉ូនីកា ឱ្យធ្វើដំណើរមកខេត្តសុរិន្ទ ដើម្បីឆ្លើយតបជាមួយសមត្ថកិច្ចស៊ើបអង្កេតតាមរយៈក្រសួងការបរទេស ។

គួរបញ្ជាក់ថា កាលពីថ្ងៃទី១៥ ខែកក្កដា អ្នកស្រី ម៉ូនីកា ត្រូវបានកងទ័ពថៃចោទប្រកាន់ថា អ្នកស្រីចង្អុលមុខ និងជេរកងទ័ពថៃរឿងល្មើសចូលក្នុងទឹកដីកម្ពុជា រួចហើយក៏មានការឈ្លោះប្រកែកគ្នាខ្លាំងៗជាមួយកងទ័ពថៃ រហូតដល់កងទ័ពខ្មែរប្រឈមមុខជាមួយកងទ័ពថៃនៅប្រាសាទតាមាន់ធំ ។

ដោយឡែក នាយករដ្ឋមន្ត្រីថៃស្តីទី លោក ភូមិថាំ វីឆាយ៉ាឆៃ ចោទថា ហេតុការណ៍ចលាចលកើតឡើងនៅប្រាសាទតាមាន់ធំកាលពីថ្ងៃទី១៥ ខែកក្កដា គឺជាការញុះញង់របស់កម្ពុជាចង់ឱ្យមានការប៉ះទង្គិច ហើយប្រាប់ឱ្យកងទ័ព និងពលរដ្ឋខ្លួនអត់ធ្មត់ ។ ការពិត ហេតុការណ៍នេះកើតឡើងដោយសារកងទ័ពថៃហាមឃាត់អ្នកស្រី ម៉ូនីកា មិនឱ្យឡើងប្រាសាទតាមាន់ធំដែលជាសម្បត្តិរបស់ខ្មែរ ប៉ុន្តែអ្នកស្រីតវ៉ាថា នេះជាប្រាសាទរបស់ខ្មែរ ទើបកងទ័ពថៃខឹងសម្បារ និងប្រមូលផ្តុំគ្នាឡើងប្រាសាទបណ្តេញអ្នកស្រី ៕