នៅក្នុងការវា.យប្រហារដោយយោធារវាងកម្ពុជា និង ថៃ នៅថ្ងៃទី២៤ ខែកក្កដា ឆ្នាំ ២០២៥ នេះ ភាគីថៃបានប្រើប្រាស់យន្តហោះចម្បាំង F-16 របស់ខ្លួនចំនួន ៦ គ្រឿងមកឈ្លានពានលើដីកម្ពុជា ប៉ុន្តែត្រូវបានសំណាញ់មេឃកម្ពុជាបា.ញ់ទម្លាក់អស់ខ្លះទៅហើយ។ ទោះជាយ៉ាងណា សារព័ត៌មានថៃបានបដិសេធថា ការអះអាងទាំងនេះគឺជាព័ត៌មានក្លែងក្លាយប៉ុណ្ណោះ។

មានរូបភាព និង វីដែអូជាច្រើនដែលត្រូវបានគេចែករំលែកតៗគ្នាពេញបណ្ដាញសង្គម បង្ហាញពីធ្លា.ក់នៃយន្តហោះ F-16 របស់ថៃដែលកំពុងប្រតិបត្តិការនៅលើអាកាស ស្រាប់តែត្រូវបានគ្រាប់ផ្លោងហោះទៅបុ.កបំផ្ទុះឲ្យឆេះធ្លា.ក់យ៉ាងកម្រោល ចំណែកខ្លះទៀតដែលមិនត្រូវបានគ្រា.ប់បា.ញ់នោះ បានហោះបកត្រឡប់ចូលទឹកដីថៃវិញបាត់ស្រមោល។

ប៉ុន្តែទោះជាយ៉ាងណា សារព័ត៌មានថៃនៅតែអះអាងដដែលជាដដែលថា ពុំមានយន្តហោះF-16 របស់ខ្លួនណាមួយត្រូវបានឆេះធ្លាក់ ឬត្រូវបានបំផ្លា.ញឡើយ ហើយការណ៍ដែលឃើញយន្តហោះទាំងនោះហោះចូលទឹកដីថៃវិញ គឺគ្រាន់តែជាការត្រឡប់ទៅយកគ្រាប់ដើម្បីមកប្រុ.យុទ្ធជាមួយកម្ពុជាបន្តតែប៉ុណ្ណោះ។

គួរបញ្ជាក់ថា យន្តហោះចម្បាំង F-16 គឺជាយន្តហោះចម្បាំងស៊េរីទំនើបដែលថៃបានទិញពីសហរដ្ឋអាមេរិក ក្នុងតម្លៃមួយគ្រឿងចាប់ពីជាង១០លានដុល្លារ រហូតដល់ជាង៧០លានដុល្លារឯណោះ។ ដូច្នេះប្រសិនបើកម្ពុជាពិតជាបានបា.ញ់កម្ទិចយន្តហោះទាំងនេះមែន មិនថាប៉ុន្មានគ្រឿងនោះទេក៏ជារឿងគួរឲ្យសោ.កស្ដាយសម្រាប់ប្រទេសថៃ និងជាភាពអាម៉ាសសម្រាប់អាមេរិកដូចគ្នា។

យ៉ាងណាមិញ មកទល់នឹងពេលនេះ ស្ថានការណ៍នៃវា.យប្រហារមិនបានធូរស្រាលនោះទេ ខណៈដែលកម្ពុជាបន្តគ្រប់គ្រងទាំងស្រុងនៅប្រាសាទតាមាន់ និងតាក្របី បន្ទាប់ពីវាយបណ្តេញកងទ័ពថៃឱ្យដកថយ នេះបើតាមសេចក្តីរាយការណ៍ពីកងទ័ពជួរមុខកម្ពុជា៕

ថៃកំពុងតែប្រព្រឹត្តិល្មើសច្បាប់ធម្មនុញ្ញនៃអង្គការសហប្រជាជាតិ បំពានធម្មនុញ្ញអាស៊ាន និងគោលការណ៍ជាមូលដ្ឋាននៃច្បាប់អន្តរជាតិ តាមរយៈការប្រើប្រាស់សព្វាវុធធន់ធ្ងន់និង ការដាក់ពង្រាយទាហានដ៏ច្រើនលើសលុប ដើម្បីទន្ទ្រានយកទឹកដីកម្ពុជា។

យោងតាមការពញ្ជាក់របស់ក្រសួងការពារជាតិកម្ពុជាបានឲ្យដឹងថា ការប្រើប្រាស់សព្វាវុធធន់ធ្ងន់គ្រប់ប្រភេទរបស់ប្រទេសថៃ និង ការដាក់ពង្រាយទាហានដ៏ច្រើនលើសលុប ដើម្បីទន្ទ្រានយកទឹកដីកម្ពុជា គឺជាការរំលោភយ៉ាងច្បាស់ក្រឡែត ចំពោះធម្មនុញ្ញអង្គការសហប្រជាជាតិ ធម្មនុញ្ញអាស៊ាន និងគោលការណ៍ជាមូលដ្ឋាននៃច្បាប់អន្តរជាតិ។

បើតាមក្រសួង សកម្មភាពដែលគ្មានការទទួលខុសត្រូវ និងខុសច្បាប់បែបនេះ បង្កគ្រោះថ្នាក់យ៉ាងធ្ងន់ធ្ងរបំផុតមិនត្រឹមតែសម្រាប់សន្តិភាព និងស្ថិរភាពក្នុងតំបន់ប៉ុណ្ណោះទេ ប៉ុន្តែថែមទាំងមូលដ្ឋានគ្រឹះនៃសណ្តាប់ធ្នាប់អន្តរជាតិផងដែរ។

ជាមួយគ្នានេះ កម្ពុជាអំពាវនាវឱ្យសមាជិកសហគមន៍អន្តរជាតិ ថ្កោលទោសដោយមិនស្ទាក់ស្ទើរ និង យ៉ាងម៉ឺងម៉ាត់ ចំពោះសកម្មភាពខុសច្បាប់របស់ថៃ ហើយត្រូវឱ្យភាគីថៃទទួលខុសត្រូវទាំងស្រុងចំពោះការរំលោភបំពានដ៏កម្រោលរបស់ខ្លួន។ កម្ពុជាអំពាវនាវឱ្យថៃបញ្ឈប់រាល់អរិភាពជាបន្ទាន់ ដកកម្លាំងទៅខាងព្រំដែនរបស់ខ្លួន និងជៀសវាងសកម្មភាពឈ្លានពានដែលអាចធ្វើឱ្យស្ថានការណ៍កាន់តែតានតឹង៕

ថៃ៖ មេបញ្ជាការកងទ័ពជើងទឹកថៃ បានប្រកាសនារសៀលថ្ងៃព្រហស្បត្តិ៍ ទី២៤ ខែកក្កដា ឆ្នាំ២០២៥ ថានឹងគ្រប់គ្រងសមរភូមិមុខកងទ័ពជើងទឹក ដោយចាប់ផ្ដើមប្រមូលផ្ដុំកម្លាំងនៅរសៀលថ្ងៃនេះ ខណៈប៉ុស្តិ៍ត្រួតពិនិត្យចំនួន ៣ និងតំបន់ទេសចរណ៍ចំនួន ៣ នៅព្រំដែនភាគខាងកើតនឹងត្រូវបិទ ១០០ ភាគរយ។

យោងតាមការចុះផ្សាយរបស់សារព័ត៌មាន Khaosod បានឲ្យដឹងថា បន្ទាប់ពីអគ្គមេបញ្ជាការនៃកងយោធពលភូមិន្ទថៃ បានបញ្ជាឱ្យប្រើប្រាស់ផែនការ “ចក្រាផុង ភូវ៉ាណាត” នោះ សេចក្តីរាយការណ៍ព័ត៌មានពីអង្គភាពសន្តិសុខ កម្លាំងការពារព្រំដែនខេត្តចាន់ថាបុរី និងត្រាត ដែលជាកងកម្លាំងការពារព្រំដែនមួយរូប បាននិងកំពុងត្រៀមកម្លាំងដើម្បីរង់ចាំបញ្ជាជាបន្ទាន់ ទាំងផ្លូវគោក និងផ្លូវទឹកតាមដែនសមុទ្រ។
https://blogger.googleusercontent.com/img/b/R29vZ2xl/AVvXsEh4MST6vtvGgVhZZQN4qwSiP-l28xqO6Pk9jXPv_qvNc-TgxhdRBdws1cI2PwZEv3lxxwbNhp6v6jeePaMvxUzyyT_3huoqg2pkPwEY7n6-81S_Utp0Ewz3RUZub3tqDOz_JYIsg5zYSsTsujjpoQ08Np7K0ij1IoIKeW0YwMIJBsmdaS5YvcG4bZanT36X/s900/photo_2025-07-24_15-13-08.jpg
ថ្ងៃនេះនៅម៉ោង 2:30 រសៀល ឧត្តមនាវីឯក Chiraphol Wongwit មេបញ្ជាការកងទ័ពជើងទឹកថៃ បានប្រកាសថាខ្លួននឹងធ្វើដំណើរទៅទីតាំងសមរភូមិ ដើម្បីបញ្ជាកងទ័ពដផយផ្ទាល់នៅក្នុងបេសកកម្មនេះ។ បច្ចុប្បន្ននេះ ច្រកព្រំដែនទាំង៣ រួមមាន បានឡែម ប៉ាក់កាត និង ហាកឡឹក ព្រមទាំងច្រកឈប់សម្រាកចំនួន ៣ រួមមាន Ban SapTari, Ban Suan Som និង Ban Bueng Chanang,ត្រូវបានបិទបញ្ជាឲ្យបិទទាំងស្រុង។

គួរបញ្ជាក់ថា រហូតដល់រសៀលថ្ងៃទី២៤ ខែកក្កដា ឆ្នាំ២០២៥នេះ ការប្រយុទ្ធគ្នារវាងកងទ័ពកម្ពុជា និងកងទ័ពថៃ នៅតែបន្តនៅឡើយទេ នៅតាមបណ្តោយព្រំដែនប្រទេសទាំងពីរ ខណៈដែលកម្ពុជាបន្តគ្រប់គ្រងទាំងស្រុងនៅប្រាសាទតាមាន់ និងតាក្របី បន្ទាប់ពីវាយបណ្តេញកងទ័ពថៃឱ្យដកថយ នេះបើតាមសេចក្តីរាយការណ៍ពីកងទ័ពជួរមុខកម្ពុជា៕

នៅព្រឹកថ្ងៃទី២៤ ខែកក្កដានេះ មានការផ្ទុះអាវុ.ធវាយប្រហារគ្នារវាងកងទ័ពកម្ពុជា និងកងទ័ពថៃនៅតាមបណ្តោយព្រំដែនកម្ពុជា-ថៃក្នុងភូមិសាស្ត្រខេត្តឧត្តរមានជ័យ ។ កងទ័ពថៃបានបើកការបា.ញ់ប្រ.ហារមកលើកងទ័ពកម្ពុជាមុន ហើយកងទ័ពកម្ពុជាបានប្រើប្រាស់សិទ្ធិការពារខ្លួនក្នុងអធិបតេយ្យ និងបូរណភាពទឹកដីរបស់ខ្លួនប្រឆាំងនឹងការឈ្លានពានរបស់កងទ័ពថៃដែលបានបំពានលើបូរណភាពទឹកដីកម្ពុជា ។ នេះបើតាមការលើកឡើងលោកជំទាវ ម៉ាលី សុជាតា អ្នកនាំពាក្យក្រសួងការពារជាតិកម្ពុជា ។

កងទ័ពថៃបើកឆាកបាញ់ប្រហារមកលើកងទ័ពកម្ពុជាមុន គឺក្រោយពីកងទ័ពថៃ៥នាក់បានដើរល្បាតជាន់មីនបណ្តាលឱ្យដាច់ជើង និងរងរបួសនៅបរិវេណច្រកអានម៉ា ខេត្តឧប៊ុនរ៉ាជថានី (នៅភូមិអានសេះ ឃុំជាំក្សាន្ត ស្រុកជាំក្សាន្ត ខេត្តព្រះវិហារ) ហើយមេបញ្ជាការយោធភូមិភាគ២ លោក ប៊ុនស៊ីន ផាកក្លាង ក៏បញ្ជាឱ្យបិទប្រាសាទខ្មែរចំនួន៣ គឺប្រាសាទតាមាន់ធំ ប្រាសាទតាមាន់តូច និងប្រាសាទតាក្របី ។ ជាមួយគ្នានេះ កាលពីថ្ងៃទី២៣ ខែកក្កដា នាយករដ្ឋមន្ត្រីថៃស្តីទី លោក ភូមិថា វីឆាយ៉ាឆៃ បានបណ្តេញឯកអគ្គរាជទូតកម្ពុជានៅទីក្រុងបាងកកមកកម្ពុជា និងកោះហៅឯកអគ្គរាជទូតថៃនៅរាជធានីភ្នំពេញត្រឡប់ទៅថៃវិញ ។

ចំណែកសារព័ត៌មាននានារបស់ថៃចុះផ្សាយថា កងទ័ពថៃពុំបានបាញ់ប្រហារមកលើកងទ័ពកម្ពុជាមុនទេ គឺកងទ័ពកម្ពុជាបើកឆាកបាញ់ប្រហារកងទ័ពថៃមុន ។ អ្នកនាំពាក្យរងកងទ័ពជើងគោកថៃ លោក វីឆា សុខស៊ុវ៉ាណុន និយាយថា នាវេលាម៉ោង៧និង៣៥នាទី នៅថ្ងៃទី២៤ ខែកក្កដា ភ្នាក់ងារថែទាំប្រាសាទតាមាន់ធំ បានឮសំឡេងដ្រូន UAV របស់កម្ពុជាហោះនៅមុខបរិវេណមុខប្រាសាទតាមាន់ធំ ប៉ុន្តែថៃពុំអាចត្រួតពិនិត្យដោយភ្នែកទទេច្បាស់លាស់ ។

បន្ទាប់មក ថៃបានឃើញកងទ័ពកម្ពុជាចំនួន៦នាក់ ព្រមទាំងអាវុធ RPG ដើរចូលមកក្បែរបរិវេណខាងមុខមូលដ្ឋានប្រតិបត្តិការរបស់កងទ័ពថៃ ហើយកងទ័ពថៃក៏បានស្រែកសុំចរចាដើម្បីចៀសវាងជម្លោះ ។ ពេលនេះ កងទ័ពថៃបានត្រៀមកម្លាំងរួចរាល់នៅតាមព្រំដែនកម្ពុជា-ថៃ ដើម្បីទប់ទល់ជាមួយការប៉ះទង្គិច ។

កងទ័ពថៃចោទប្រកាន់ថា នាវេលាម៉ោង៨និង២០នាទី កងទ័ពកម្ពុជាបានបើកឆាកបាញ់មកកាន់បរិវេណទល់មុខមូលដ្ឋានប្រតិបត្តិការកងទ័ពថៃ «ជ្រូកព្រៃ» ស្ថិតនៅភាគខាងកើតប្រាសាទតាមាន់ធំ ចម្ងាយប្រមាណ២០០ម៉ែត្រ ។ ថ្ងៃនេះ (ថ្ងៃទី២៤ ខែកក្កដា) កងទ័ពថៃកំពុងតាមដានស្ថានការណ៍ការប៉ះទង្គិចនេះជាបន្តបន្ទាប់ ។

តាមការផ្សព្វផ្សាយរបស់សារព័ត៌មាន Khaosod រាយការណ៍ថា នាវេលាម៉ោង៨និង៤៥នាទី ថ្ងៃទី២៤ ខែកក្កដា មានការប៉ះទង្គិចគ្នារវាងកងទ័ពកម្ពុជា-ថៃនៅភាគខាងត្បូងប្រាសាទតាមាន់ធំ ។ រហូតមកដល់ម៉ោង៩និង៥នាទី បានឮសំឡេងកាំភ្លើងធំនៅភូមិបានអំពិល ឃុំបាក់ដៃ ស្រុកភ្នំដងរ៉ាក់ ជាហេតុធ្វើឱ្យពលរដ្ឋថៃជម្លៀសពីលំនៅឋានជាបន្ទាន់ ៕

ប្រទេសថៃ ៖ សារព័ត៌មានថៃ The Reporters រាយការណ៍ថា ការប៉ះទង្គិចរវាងកងទ័ពកម្ពុជា និងថៃ នៅក្បែរប្រាសាទតាមាន់ធំ នាថ្ងៃទី២៤ ខែកក្កដា ឆ្នាំ២០២៥ បណ្តាលឱ្យកងទ័ពថៃរងរបួស២នាក់ ។ លើសពីនេះ កងទ័ពកម្ពុជា-ថៃក៏បានប៉ះទង្គិចគ្នានៅតំបន់ជាច្រើនទៀតតាមបរិវេណព្រំដែន ដូចជា ៖ តំបន់ផាម៉អ៊ីឌែង និងប្រាសាទព្រះវិហារ ទើបលោក ប៊ុនស៊ីន ផាកក្លាង មេបញ្ជាការយោធភូមិភាគ២ បញ្ជាឱ្យកងទ័ពថៃបា.ញ់កាំភ្លើងធំទប់ទល់ជាមួយកងទ័ពកម្ពុជា ។

កងទ័ពថៃចោទប្រកាន់ថា នាវេលាម៉ោង៨និង២០នាទី ថ្ងៃទី២៤ ខែកក្កដា នេះ កងទ័ពកម្ពុជាបានចាប់ផ្តើមបាញ់មកកាន់បរិវេណមូលដ្ឋានប្រតិបត្តិការភាគខាងកើតប្រាសាទតាមាន់ធំ ចម្ងាយប្រមាណ២០០ម៉ែត្រ ក្នុងស្រុកភ្នំដងរ៉ាក់ ខេត្តសុរិន្ទ ។ បន្ទាប់មក កងទ័ពថៃរាយការណ៍បន្ថែមថា នាវេលាម៉ោង៩និង២០នាទី កងទ័ពថៃបានរងរបួស២នាក់ ដោយសារគ្រាប់កាំភ្លើងនៅបរិវេណប្រាសាទតាមាន់ធំ ។

ដោយឡែក ហ្វេសប៊ុកផេកកងទ័ពភូមិភាគ២របស់ថៃ ប្រកាសបន្ថែមថា នាវេលាម៉ោង៩និង៤០នាទី (ថ្ងៃដដែល) កងទ័ពកម្ពុជាចាត់វិធានការខ្លាំងដោយពុំគិតពីអាយុជីវិតពលរដ្ឋថៃ ដោយកងទ័ពកម្ពុជាបាញ់គ្រាប់រ៉ុក្កែត BM-21 ធ្លាក់មកលើប្រាសាទដូនទួន នៅខេត្តស៊ីសាកេត ។

ក្រោយមក នាវេលាម៉ោង៩និង៤៧នាទី គឺមានការប៉ះទង្គិចគ្នាគ្រប់តំបន់នៅខេត្តសុរិន្ទ ខេត្តឧប៊ុនរ៉ាជថានី និងខេត្តស៊ីសាកេត ។ ហេតុនេះ នាវេលាម៉ោង៩និង៥៥នាទី អាជ្ញាធរថៃបានជម្លៀសពលរដ្ឋចេញពីលំនៅឋានជាបន្ទាន់ទៅកាន់កន្លែងសុវត្ថិភាព ហើយចោទប្រកាន់ថា កងទ័ពកម្ពុជាបាញ់សំដៅមកកាន់ទីប្រជុំជននៅតំបន់អភិវឌ្ឍន៍តំបន់ព្រំដែន ស្រុកកាបឈើង ខេត្តសុរិន្ទ ។

នាវេលាម៉ោង១០និង៣នាទី កងទ័ពថៃចោទប្រកាន់ថា កងទ័ពកម្ពុជាព្យាយាមរំលោភចូលក្នុងទឹកដីរបស់ខ្លួននៅបរិវេណប្រាសាទតាក្របី ទើបលោក ប៊ុនស៊ីន ផាកក្លាង បញ្ជាឱ្យកងទ័ពថៃបាញ់កាំភ្លើងធំមកលើកងទ័ពកម្ពុជា ។ នេះបើតាមការផ្សព្វផ្សាយរបស់សារព័ត៌មានថៃ The Reporters ៕

ប្រទេសថៃ ៖ នាវេលាម៉ោង១១និង៣៣នាទី ថ្ងៃទី២៤ ខែកក្កដា ឆ្នាំ២០២៤ សារព័ត៌មានថៃ Khaosod រាយការណ៍ថា កងទ័ពខ្មែរបានបា.ញ់គ្រាប់រ៉ុក្កែត BM-21 ធ្លាក់មកលើស្ថានីយប្រេង PTT នៅស្រុកកាន់ថាឡាក់ ខេត្តស៊ីសាកេត បណ្តាលឱ្យពលរដ្ឋថៃស្លា.ប់ ចំនួន២នាក់ ។ ក្រោយពលរដ្ឋថៃស្លា.ប់ អាជ្ញាធរក៏បានជម្លៀសពលរដ្ឋក្នុងតំបន់ទាំងអស់ទៅលាក់ខ្លួនក្នុងរណ្តៅដី ដោយសារឮស្នូរគ្រាប់កាំភ្លើ.ងជាបន្តបន្ទាប់ ។

បើតាមការផ្សព្វផ្សាយរបស់សារព័ត៌មានថៃ គឺនៅថ្ងៃទី២៤ ខែកក្កដា នេះ មានការប៉ះទង្គិចគ្នារវាងកងទ័ពកម្ពុជា និងកងទ័ពថៃនៅបរិវេណព្រំដែនប្រាសាទព្រះវិហារ ស្រុកកាន់ថាឡាក់ ខេត្តស៊ីសាកេត ហើយការប៉ះទង្គិចគ្នានេះពុំដឹងថា តើភាគីណាជាអ្នកចាប់ផ្តើមមុន ។ ប៉ុន្តែបើតាមសេចក្តីរាយការណ៍ គឺកងទ័ពថៃជាអ្នកបើកឆាកបាញ់ប្រហារមកលើកងទ័ពកម្ពុជាមុន ។

នៅតំបន់ជាច្រើនតាមព្រំដែនកម្ពុជា-ថៃ មានស្នូរគ្រាប់កាំភ្លើងជាច្រើនប្រភេទលាន់កងរំពង និងបាញ់បន្តគ្នារហូតដល់ជាង២ម៉ោង ។ រីឯរថយន្តបើកបរនៅតាមផ្លូវស្ទះចរាចរណ៍ជាច្រើនគីឡូម៉ែត្រ ដោយសារការជម្លៀសពលរដ្ឋថៃចាកចេញពីលំនៅឋាន ។

ចំណែកពលរដ្ឋថៃមួយចំនួនដែលរស់នៅភូមិសៅធុងឆ័យ ឃុំសៅធុងឆ័យ ពុំព្រមជម្លៀសចេញពីលំនៅឋានទេ ដោយពួកគេនាំគ្នាលាក់ខ្លួនក្នុងរណ្តៅដី ដែលមានស្បៀងអាហារជាច្រើនត្រៀមបម្រុងទុក ។ ពលរដ្ឋទាំងនេះធ្លាប់មានបទពិសោធន៍គេចពីសង្គ្រាមកាលពីឆ្នាំ២០១១ ។

ដោយឡែក នៅភូមិបានស៊ីផានាក់ឆ័យ មានគ្រាប់កាំភ្លើងពីកម្ពុជាធ្លាក់ត្រូវលំនៅឋានពលរដ្ឋថៃ ប៉ុន្តែគ្មានអ្នករងរបួស ដោយសារពលរដ្ឋបានជម្លៀសចេញពីលំនៅឋានជាមុន ។

តាមសេចក្តីរាយការណ៍ចុងក្រោយឱ្យដឹងថា គ្រាប់រ៉ុក្កែត BM-21 ពីកម្ពុជា ដែលធ្លាក់ត្រូវស្ថានីយប្រេង PTT នៅស្រុកកាន់ថាឡាក់ ខេត្តស៊ីសាកេត មិនត្រឹមតែបណ្តាលឱ្យពលរដ្ឋថៃស្លាប់២នាក់ និងខូចខាតទ្រព្យសម្បត្តិប៉ុណ្ណោះទេ គឺមានកូនសិស្ស និងពលរដ្ឋថៃរងរបួសជាច្រើននាក់ ៕