នៅថ្ងៃទី១៦ ខែកញ្ញា អ្នករៀបចំមហោស្រពតន្ត្រី និងសិល្បៈ Coachella ឆ្នាំ ២០២៦ បានប្រកាសបញ្ជីឈ្មោះសិល្បករសម្តែង។ ក្នុងនោះតារាចម្រៀង Justin Bieber , Sabrina Carpenter និង Karol G គឺជាតារាចម្រៀងធំនៅក្នុងកម្មវិធីនេះដែលប្រព្រឹត្តទៅចាប់ពីថ្ងៃទី ១០-១២ខែមេសា និងថ្ងៃទី ១៧-១៩ ខែមេសា នៅ Indio រដ្ឋ California ។ ក្រៅពីសិល្បករសំខាន់ៗទាំង ៣ អ្នកគាំទ្រ Kpop មានការរំភើបចំពោះការបង្ហាញខ្លួនរបស់ក្រុម BIGBANG នៅក្នុងកម្មវិធីនៅថ្ងៃទី ១២ និង ១៩ ខែមេសា។
ក្នុងឆ្នាំ ២០២០ ក្រុម BIGBANG បានបញ្ជាក់ថាពួកគេនឹងចូលរួមកម្មវិធី Coachella ប៉ុន្តែកម្មវិធីនេះត្រូវបានលុបចោលនៅឆ្នាំនោះដោយសារតែ COVID-19។ បន្ទាប់ពីបាត់មុខអស់រយៈពេល ៦ឆ្នាំ BIGBANG នឹងជួបទស្សនិកជនម្តងទៀតនៅលើឆាក Coachella ក្នុងឆ្នាំ ២០២៦។ ទោះជាយ៉ាងណាក៏ដោយ អ្វីដែលធ្វើឱ្យអ្នកគាំទ្រសោកស្តាយនោះគឺថាលើកនេះ ក្រុមរបស់ BIGBANG នឹងបាត់វត្តមាន TOP បន្ទាប់ពីតារារ៉េបប្រុសរូបនេះបានប្រកាសចាកចេញពីក្រុមនៅឆ្នាំ ២០២៣។ បច្ចុប្បន្នក្រុម BIGBANG កំពុងតែសកម្មជាមួយសមាជិក ៣ នាក់គឺ G-Dragon, Daesung និង Taeyang ។
BIGBANG មិនបានត្រឡប់មកវិញជាផ្លូវការទេចាប់តាំងពីការចេញបទ «Still Life» ក្នុងខែមេសា ឆ្នាំ ២០២២។ កាលពីខែវិច្ឆិកា ឆ្នាំ២០២៤ G-Dragon បានសហការជាមួយ Taeyang និង Daesung ដើម្បីសម្តែងបទចម្រៀង «Home Sweet Home» ប៉ុន្តែជាបទចម្រៀងនៅក្នុងអាល់ប៊ុមទោលរបស់ G-Dragon ។ អ្នកគាំទ្រប៉ាន់ស្មានថាការចូលរួមរបស់ BIGBANG នៅក្នុង Coachella គឺជាសញ្ញាមួយដែលក្រុមនេះទំនងជានឹងត្រឡប់មកវិញនៅឆ្នាំ ២០២៦៕
