អុញនោះៗ រដ្ឋាភិបាលថៃប្តឹងទៅប្រធានអាស៊ាន ចិន និងអាមេរិក ដោយចោទប្រកាន់កម្ពុជាជាអ្នកបំពានកិច្ចព្រមព្រៀងបទឈប់បា.ញ់ ម្តេចទៅជាចឹងវិញទៅ ដូចគេនិយាយមែន បើមិនកុ.ហ.ក គឺមិនមែនថៃឡើយ!

នៅថ្ងៃទី២៩ ខែកក្កដា ឆ្នាំ២០២៥ សារព័ត៌មានថៃ Matichon រាយការណ៍ថា រដ្ឋាភិបាលថៃបានប្តឹងទៅប្រធានអាស៊ាន ចិន និងអាមេរិក ដែលបានធ្វើជាសាក្សីក្នុងការចរចាបញ្ចប់ការបា.ញ់ជាបន្ទាន់រវាងកម្ពុជា-ថៃ ដើម្បីឱ្យពិភពលោកដឹងថា កម្ពុជាពុំស្មោះត្រង់ និងបំពានកិច្ចព្រមព្រៀងលើបទឈប់បា.ញ់ ។ ពេលនេះ រដ្ឋាភិបាលថៃបានបញ្ជាឱ្យពង្រឹងកម្លាំងកងទ័ពដើម្បីរក្សាអធិបតេយ្យ និងពុំយល់ព្រមឱ្យប្រទេសជិតខាងរុករានចូលទឹកដីថៃដាច់ខាត ។

នាវេលាម៉ោង១និង២០នាទី ថ្ងៃទី២៩ ខែកក្កដា នៅវិមានរដ្ឋាភិបាល លោក ភូមិថាំ វីឆាយ៉ាឆៃ នាយករដ្ឋមន្ត្រីស្តីទីថៃ ព្រមទាំងលោក មារីស សាងៀមផុង រដ្ឋមន្ត្រីក្រសួងការបរទេស និងលោក ណាតថាផុន ណាតផានីត អនុរដ្ឋមន្ត្រីក្រសួងការពារជាតិ បានចេញសេចក្តីថ្លែងការណ៍ក្រោយកិច្ចប្រជុំគណៈរដ្ឋមន្ត្រី ស្តីពីចំណាត់ការរបស់រដ្ឋាភិបាលថៃពាក់ព័ន្ធនឹងស្ថានការណ៍ព្រំដែនកម្ពុជា-ថៃ ។

លោក ភូមិថាំ និយាយថា រដ្ឋាភិបាលថៃព្យាយាមបញ្ចប់សង្គ្រាមនៅព្រំដនឱ្យបានឆាប់រហ័សបំផុត រហូតដល់ភាគីទាំងពីរបានចរចាឈប់បាញ់គ្នាដោយប្រកាន់យកផលប្រយោជន៍របស់ពលរដ្ឋ និងរក្សាអធិបតេយ្យជាតិ ក៏ដូចជាអាយុជីវិតពលរដ្ឋ កងទ័ព និងទ្រព្យសម្បត្តិពលរដ្ឋ ។ ចំណុចទាំងនេះជាក្តីសង្ឃឹមរបស់ពិភពលោកដែលចង់ឱ្យពលរដ្ឋកម្ពុជា-ថៃមានសន្តិភាព ហើយរដ្ឋាភិបាលថៃគោរពតាមលទ្ធផលការចរចានៅម៉ាឡេស៊ី និងអនុវត្តយ៉ាងម៉ឺងម៉ាត់ដើម្បីបញ្ចប់ការបាញ់ដែលភាគីទាំងពីរថ្លែងរួមគ្នា ។

ប៉ុន្តែកងទ័ពកម្ពុជាបំពានកិច្ចព្រមព្រៀងបទឈប់បាញ់ ដោយបានប្រើប្រាស់អាវុធបាញ់កងទ័ពថៃនៅតំបន់ជាច្រើននាថ្ងៃទី២៩ ខែកក្កដា ដែលធ្វើឱ្យកងទ័ពថៃបាញ់តទល់វិញដើម្បីការពារអធិបតេយ្យ និងពលរដ្ឋ ។ ហេតុនេះ រដ្ឋាភិបាលថៃបានប្តឹងទៅប្រធានអាស៊ាន ចិន និងអាមេរិក ដែលបានធ្វើជាសាក្សីក្នុងការចរចារវាងកម្ពុជា-ថៃដើម្បីឱ្យពិភពលោកជ្រាបថា កម្ពុជាពុំស្មោះត្រង់ ល្មើសកិច្ចព្រមព្រៀងបទឈប់បាញ់ ។ នេះបើតាមការលើកឡើងរបស់នាយករដ្ឋមន្ត្រីស្តីទីថៃ ។

ស្ថានការណ៍បច្ចុប្បន្ន គឺរដ្ឋាភិបាលថៃបានបញ្ជាឱ្យពង្រឹងកម្លាំងកងទ័ពដើម្បីរក្សាអធិបតេយ្យ និងសុវត្ថិភាពពលរដ្ឋ ដោយពុំព្រមឱ្យប្រទេសជិតខាងឈ្លានពានទឹកដី ។ នៅថ្ងៃទី២៩ កក្កដា មានជំនួបរវាងថ្នាក់មេបញ្ជាការយោធភូមិភាគកម្ពុជា-ថៃ ហើយភាគីទាំងពីរនឹងចរចាកម្រិតខ្ពស់ជាងនេះតាមការព្រមព្រៀងគ្នាបញ្ឈប់ហិង្សា និងកុំឱ្យបាត់បង់ជីវិតពលរដ្ឋ និងកងទ័ពទាំងសងខាង ។

ចុងក្រោយ លោកបានចោទប្រកាន់មានព័ត៌មានក្លែងក្លាយមួយចំនួននៅកម្ពុជា និងប្រាប់កុំឱ្យពលរដ្ឋជឿព័ត៌មានក្លែងក្លាយនាំឱ្យបែកបាក់សាមគ្គីផ្ទៃក្នុង ។ រដ្ឋាភិបាលនឹងបំពេញតួនាទីឱ្យអស់ពីសមត្ថភាពដើម្បីរក្សាផលប្រយោជន៍ជាតិ និងពលរដ្ឋ ៕

តើគួរជឿខាងណាឲ្យប្រាកដ? សារព័ត៌មានរ៉យទ័របានចុះផ្សាយនាព្រឹកថ្ងៃអង្គារ ទាក់ទងនឹងស្ថានភាពព្រំដែនរវាងកម្ពុជា-ថៃ ដោយលោក Phumtham Wechayachai នាយករដ្ឋមន្រ្តីស្តីទីបាននិយាយថា ឥឡូវនេះវាមានភាពស្ងប់ស្ងាត់ល្អ។ ខណៈខាងកងទ័ពថៃឯណោះវិញ បានប្រកាសក្ដែងៗថា កម្ពុជាបានរំលោ.ភលើបទឈប់បា.ញ់ ហើយនៅតែបន្តសកម្មភាពបំផ្លោ.ងគ្រាប់ចូលមកកាន់ទឹកដីថៃ។

បាងកក៖ នាយករដ្ឋមន្រ្តីស្តីទីថៃ លោក Phumtham Wechayachai បាននិយាយថា៖ ការប្រយុ.ទ្ធគ្នាដែលបានផ្ទុះឡើងកាលពីសប្តាហ៍មុន គឺជាជម្លោះដ៏សាហាវបំផុតក្នុងរយៈពេលជាងមួយទសវត្សរ៍ បន្ទាប់ពីមានការប្រយុទ្ធគ្នាយ៉ាងខ្លាំងក្លារយៈពេល 5ថ្ងៃ ដែលបានសម្លា.ប់មនុស្សយ៉ាងហោចណាស់ 38 នាក់ ភាគច្រើនជាជនស៊ីវិល និងជាង 300,000 នាក់ត្រូវបានគេជម្លៀសជាបណ្ដោះអាសន្ន។

លោក Phumtham បានបន្ថែមថា៖ យ៉ាងណាមិញ ពេលនេះវាបានត្រឡប់មកស្ងប់ស្ងាត់វិញនាថ្ងៃអង្គារ ទិ29 ខែកក្កដាហើយ បន្ទាប់ពីមានកិច្ចព្រមព្រៀងបទឈប់បា.ញ់ ហើយមេបញ្ជាការយោធានៃភាគីទាំងពីរ គ្រោងនឹងជួបពិភាក្សាគ្នានៅថ្ងៃនេះផងដែរ។

ដោយឡែក បើតាមកងទ័ពថៃបាននិយាយនៅក្នុងសេចក្តីថ្លែងការណ៍មួយផ្សេងទៀតថា ការវា.យប្រ.ហារគឺនៅតែមានដោយកងទ័ពកម្ពុជាយ៉ាងហោចណាស់លើប្រាំទីតាំង ចាប់តាំងពីព្រឹកព្រលឹមថ្ងៃអង្គារ ដោយរំលោ.ភលើបទឈប់បា.ញ់ដែលបានចូលជាធរមានតាំងពីពាក់កណ្តាលអធ្រាត្រ ហើយយោធាថៃបានសងសឹកវិញទៅតាមការសមស្រប។

នៅពេលអ្នកសារព័ត៌មានសួរនាំបញ្ជាក់ទាក់ទងនឹងការលើកឡើងបែបនេះរបស់ខាងកងទ័ព លោក Phumtham ព្យាយាមសម្របសម្រួលស្ថានការណ៍នេះ ដោយនិយាយថាលោកបាននិយាយជាមួយរដ្ឋមន្ត្រីក្រសួងការពារជាតិកម្ពុជាមុនការចរចានេះ ហើយ“មិនមានការប៉ះទង្គិចបានកើនឡើងនោះទេ” “ពេលនេះអ្វីៗបានស្ងប់ស្ងាត់ហើយ”។

ជាមួយគ្នានេះ លោកស្រី ម៉ាលី សុជាតា អ្នកនាំពាក្យក្រសួងការពារជាតិកម្ពុជា ក៏ទើបបានបញ្ជាក់ដែរថា មិនមានការប្រយុទ្ធថ្មីបានកើតមាននៅតាមព្រំដែនទេ នៅថ្ងៃអង្គារនេះ។ កងកម្លាំងប្រដាប់អាវុធកម្ពុជាបានអនុវត្តបានយ៉ាងម៉ឺងម៉ាត់ នូវបទបញ្ជា និងកិច្ចព្រមព្រៀងនៃបទឈប់បាញ់ចាប់តាំងពីម៉ោង ១២ យប់ថ្ងៃទី២៨ ខែកក្កដា ឆ្នាំ២០២៥ ។ ដូច្នេះជាចម្ងល់របស់កម្ពុជា ក៏ដូចជាសមាគមន៍អន្តរជាតិចោ.ទសួរថារវាងកងទ័ពថៃ និង នាយករដ្ឋមន្រ្តីស្ដីទី តើខាងណាមួយដែលនិយាយការពិត?

ថៃ៖ កាសែតបាងកកប៉ុស្តិ៍បាននិយាយកាលពីថ្ងៃចន្ទ ទី២៨ ខែកក្កដា ថា ការបិទមិនឲ្យអ្នកតាមដាននៅកម្ពុជាអាចចូលមើលផេក ឬគេហទំព័ររបស់ខ្លួនបានគឺជាវិធានការទប់ស្កាត់ការវា.យប្រហា.រដោយក្រុមអ្នកជំនាញអាយធី (IT) នៅកម្ពុជា ខណៈមានការរាយការណ៍ថាក្រុមនេះបានវា.យលុកលើសារព័ត៌មានជាច្រើននៅក្នុងប្រទេសថៃរហូតដល់ទៅ ២៥០លានដង នៅក្នុងរយៈពេលប៉ុន្មានថ្ងៃចុងក្រោយនេះ។

សេចក្ដីជូនដំណឹងពាក់ព័ន្ធនឹងការបិទការចូលមើលពីអ្នកតាមដាននៅកម្ពុជានេះបានឲ្យដឹងថា កាសែតបាងកកប៉ុស្តិ៍បានអនុវត្តការរឹតបន្តឹងការចូលមើលនៅក្នុងប្រទេសជាបណ្តោះអាសន្ននៅលើទំព័រ Facebook របស់ខ្លួន ដើម្បីឆ្លើយតបទៅនឹងការវា.យប្រហារតាមប្រព័ន្ធអ៊ីនធឺណែតដែលត្រូវបានគេជឿថាមានប្រភពមកពីប្រទេសកម្ពុជា។

ប្រភពខាងលើនេះបានបកស្រាយបន្ថែមទៀតថា ទំព័រ Facebook របស់បាងកកប៉ុស្តិ៍ បានក្លាយជាគោលដៅកំណត់នៃការវា.យប្រហា.រទាំងប្រព័ន្ធប្រតិបត្តិការខាងក្នុង និងការបញ្ចេញមតិលើការបង្ហោះនីមួយៗជាមួយនឹងរូបភាព និងសារមិនសមរម្យជាច្រើននៅផ្នែកមតិយោបល់។

ពួកគេបានអះអាងថា ក្នុងរយៈពេលពីរថ្ងៃ គេហទំព័ររបស់បាងកកប៉ុស្តិ៍ និងវេទិកាហ្វេសប៊ុកនៃបណ្ដាញសារព័ត៌មានថៃផ្សេងៗទៀត ត្រូវបានអុកឡុកដោយការវា.យប្រ.ហារតាមប្រព័ន្ធជាបន្តបន្ទាប់ លើសពី 250 លានសំណើ ដែលបណ្តាលឱ្យមានការរំខានជាលំដាប់ និងធ្វើឱ្យទំព័រមួយចំនួនត្រូវបានគេបំបិទ ឬមិនអាចចូលទៅដំណើរការបាន។ ជាការឆ្លើយតប បាងកកប៉ុស្តិ៍ និងសារព័ត៌មានដទៃៗទៀតបានអនុវត្តការកំណត់ប្រទេសនៅលើ Facebook ដើម្បីកំណត់ការចូលប្រើពីអាសយដ្ឋាន IP កម្ពុជា។

ដោយឡែក បើតាមអ្នកនាំពាក្យក្រសួងការពារជាតិ ឧត្តមសេនីយ៍ឯក ម៉ាលី សុជាតា បានថ្លែងថា ការបិទប្រព័ន្ធមិនឱ្យប្រជាជនកម្ពុជាចូលមើលពីសំណាក់សារព័ត៌មានថៃ គឺដោយសារតែសារព័ត៌មានទាំងនេះរអៀសខ្លួនដែលផ្សាយព័ត៌មានមិនពិត ទើបបិទអ្នកតាមដាននៅកម្ពុជា ដើម្បីកុំឲ្យដឹងថា ភាគីថៃបានផ្សាយព័ត៌មានមួលបង្កាច់ បំពុល និងបង្ខូចកម្ពុជាដូចម្ដេចខ្លះប៉ុណ្ណោះ៕

រាជធានីភ្នំពេញ៖ ក្រោយបានឯកភាពគ្នាទទួលយកបទឈប់បា.ញ់ នៅក្នុងកិច្ចប្រជុំពិសេសនៅទីក្រុងកូឡាឡាំពួ ប្រទេសម៉ាឡេស៊ី សម្ដេចធិបតី ហ៊ុន ម៉ាណែត សង្ឃឹមថាទំនាក់ទំនងរវាងកម្ពុជា និង ថៃ អាចនឹងត្រឡប់ទៅរកប្រក្រតីភាពឡើងវិញ តាមរយៈបទឈប់បា.ញ់នេះ។

នៅថ្ងៃអង្គារ ទី28 ខែកក្កដា ឆ្នាំ2025 បន្ទាប់ពីបានចូលរួមកិច្ចប្រជុំពិសេសនៅម៉ាឡេស៊ី ដែលឯកឧត្តមនាយករដ្ឋមន្ត្រី Anwar Ibrahim ជាអ្នកផ្តួចផ្តើមគំនិតសម្របសម្រួល សហរដ្ឋអាមេរិកជាសហអ្នករៀបចំ និងមានការចូលរួមដោយតំណាងចិន កម្ពុជា និង ថៃ បានឈានដល់ការសម្រេចបាននូវកិច្ចព្រមព្រៀមឈប់បា.ញ់ជាបន្ទាន់ និងគ្មានលក្ខខណ្ឌ ដោយបានចូលជាធរមានចាប់ពីម៉ោង 24:00 នាទីយប់ថ្ងៃទី 28 កក្កដាតទៅ។

ជាមួយនឹងលទ្ធផលនេះ សម្ដេចធិបតី ហ៊ុន ម៉ាណែត បានបង្ហោះសារនៅលើទំព័រហ្វេសប៊ុករបស់លោកនៅយប់ថ្ងៃដដែល ដើម្បីសម្ដែងនូវការអរគុណចំពោះលោក Anwar Ibrahim និង លោក Donald Trump ក្នុងការជួយជ្រោមជ្រែងឲ្យមានកិច្ចប្រជុំខាងលើ និងបង្ហាញពីអារម្មណ៍រីករាយ ក្នុងការទទួលយកបទឈប់បា.ញ់នេះថា «ខ្ញុំជឿជាក់ថា កិច្ចព្រមព្រៀងឈប់បា.ញ់គ្នា រវាងកងទ័ពកម្ពុជានិងកងទ័ពថៃនេះ គឺជាមូលដ្ឋានសំខាន់សម្រាប់ការកសាងទំនុកចិត្តរវាងគ្នា និងការកែលំអរស្ថានការអោយប្រសើរឡើង ឈានទៅរកប្រក្រតីភាពនៅពេលអនាគត។»

គួរឲ្យដឹងថា កន្លងមកប្រមុខថ្នាក់ដឹកនាំកម្ពុជាតែងអំពាវនាវឲ្យប្រជាជនប្រកាន់យកនូវគោលការណ៍មនុស្សធម៌ ដើម្បីរក្សាទំនាក់ទំនងជាអ្នកជីតខាងល្អ និង យូរអង្វែង កុំយកបញ្ហារវាងប្រទេសមកធ្វើជាមូលហេតុក្នុងការប្រកាន់រើសអើង ឬប្រមា.ថធ្វើបាបទៅលើជាតិសាសន៍ដទៃដាច់ខាត។

ប៉ុន្តែទោះជាយ៉ាងណាក៏ដោយ ចាប់តាំងពីកើតមានបញ្ហាប្រយុទ្ធគ្នារវាងកងកម្លាំងកម្ពុជានិងថៃ នៅតាមបណ្ដោយព្រំដែនរហូតមកដល់មានកិច្ចព្រមព្រៀងឈប់បា.ញ់នេះ ក្រៅពីស្ងប់ស្ងាត់ការផ្ទុះអាវុ.ធ គេនៅមិនទាន់ឃើញមានស្ថានភាពធូរស្រាលអាចវិលទៅរកសភាពប្រក្រតីនៅឡើយទេ ខណៈការចោ.ទប្រកាន់ ទម្លាក់កំហុសនៅតែកើតមានចំពោះកម្ពុជា ពីសំណាក់ភាគីថៃ ពាក់ព័ន្ធនឹងការបំពានកិច្ចព្រមព្រៀងលើបទឈប់បា.ញ់៕

សហរដ្ឋអាមេរិក ៖ នៅថ្ងៃទី២៩ ខែកក្កដា ឆ្នាំ២០២៥ សារព័ត៌មាន BBC រាយការណ៍ថា ប្រធានាធិបតីអាមេរិក លោក Donald Trump បានកំណត់រយៈពេលខ្លីជាងមុនឱ្យរុស្ស៊ីយល់ព្រមបញ្ចប់សង្គ្រាមជាមួយអ៊ុយក្រែន ក្នុងរយៈពេល១០ថ្ងៃ ឬ១២ថ្ងៃ គិតចាប់ពីថ្ងៃទី២៨ ខែកក្កដា ពីព្រោះវាគ្មានមូលហេតុអ្វីដែលរុស្ស៊ីត្រូវរង់ចាំទៀតទេ ។ រុស្ស៊ី និងអ៊ុយក្រែន នៅតែពុំអាចបញ្ចប់សង្គ្រាម ខណៈប្រធានាធិបតីអ៊ុយក្រែន លោក Volodymyr Zelensky ចាត់ទុកការអន្តរាគមន៍របស់អាមេរិកមានសារៈសំខាន់យ៉ាងខ្លាំង ។

កាលពីពាក់កណ្តាលខែកក្កដា ឆ្នាំ២០២៥ លោក Trump ថ្លែងថា ប្រធានាធិបតីរុស្ស៊ី លោក Vladimir Putin មានរយៈពេល៥០ថ្ងៃក្នុងការបញ្ចប់សង្គ្រាម បើពុំដូច្នោះទេ រុស្ស៊ីនឹងប្រឈមជាមួយវិធានការពន្ធធ្ងន់ធ្ងរ ។ នៅប្រទេសស្កុតឡេន លោក Trump បានបញ្ជាក់ពីការកំណត់ពេលវេលាជាថ្មី ប៉ុន្តែលោកថ្លែងពីការដាក់ទណ្ឌកម្ម និងកំណត់ពន្ធជាមួយរុស្ស៊ី ។

លោក Trump នឹងដំឡើងពន្ធទំនិញខ្ពស់រហូតដល់១០០% សម្រាប់ប្រទេសណាធ្វើពាណិជ្ជកម្មជាមួយរុស្ស៊ី ។ ការដំឡើងពន្ធនឹងធ្វើឱ្យទំនិញឡើងថ្លៃរហូតដល់អាជីវកម្មនៅអាមេរិកងាកមកទិញទំនិញប្រទេសផ្សេងៗដែលមានតម្លៃថោកជាង ហើយធ្វើឱ្យរុស្ស៊ី និងដៃគូពាណិជ្ជកម្មបាត់បង់ចំណូល ។

ចំណែកប្រធានាធិបតីអ៊ុយក្រែន លោក Volodymyr Zelensky បានអរគុណលោក Trump ចំពោះការដាក់សម្ពាធលើរុស្ស៊ី ដោយលោកសរសេរក្នុងបណ្តាញសង្គម X ថា «ដល់ពេលល្មម» ។ លោកក៏បានសរសើរពីគោលជំហរច្បាស់លាស់ និងការតាំងចិត្តរបស់ប្រធានាធិបតីអាមេរិកក្នុងការជួយជីវិតមនុស្ស និងបញ្ចប់សង្គ្រាមដ៏អាក្រក់នេះ ។

ក្រោយកិច្ចប្រជុំជាមួយនាយករដ្ឋមន្ត្រីអង់គ្លេស លោក Keir Starmer នៅប្រទេសស្កុតឡេន លោក Trump បានបង្ហាញការមិនពេញចិត្តម្តងទៀតចំពោះទង្វើរបស់លោក Putin នៅអ៊ុយក្រែន ។ លោកនិយាយពីភាពខុសគ្នារបស់ប្រធានាធិបតីរុស្ស៊ីពេលសន្ទនាផ្ទាល់ និងការបាញ់មីស៊ីលរបស់រុស្ស៊ីទៅកាន់ទីក្រុងនានារបស់អ៊ុយក្រែនស្ទើររាល់យប់ ។

លោក Trump ពុំចាប់អារម្មណ៍ការចរចាទៀតទេ ដោយសាររុស្ស៊ីពុំឆ្លើយតបនឹងពេលវេលាបញ្ចប់សង្គ្រាម ។ កន្លងមក អាមេរិកបានកំណត់រយៈពេល៥០ថ្ងៃដើម្បីឱ្យរុស្ស៊ីបញ្ចប់សង្គ្រាម ប៉ុន្តែអ្នកនាំពាក្យរដ្ឋាភិបាលរុស្ស៊ីថា រុស្ស៊ីត្រូវការពេលវេលាពិចារណា ។ បើតាមសមាជិកសភារុស្ស៊ី គឺលោក Trump កំណត់ពេលឱ្យរុស្ស៊ីបញ្ចប់សង្គ្រាមគ្មានប្រសិទ្ធភាពទេ ខណៈរុស្ស៊ីមានអាវុធ និងគោលការណ៍របស់ខ្លួន ៕

សហរដ្ឋអាមេរិក ៖ មុនពេលជួបពិភាក្សាជាមួយនាយករដ្ឋមន្ត្រីអង់គ្លេស លោក Keir Starmer នៅទីក្រុង Turnberry ប្រទេសស្កុតឡេន ប្រធានាធិបតីអាមេរិក លោក Donald Trump បានថ្លែងពីកម្ពុជា-ថៃសម្រេចកិច្ចព្រមព្រៀងឈប់បា.ញ់បន្ទាន់ដោយឥតលក្ខខណ្ឌនៅម៉ាឡេស៊ីក្នុងឋានៈជាប្រធានអាស៊ានថា អាមេរិកបានបង្កើតសន្តិភាពជំរុញឱ្យមានកិច្ចព្រមព្រៀងឈប់បា.ញ់រវាងកម្ពុជា-ថៃ វាជាសន្តិភាព ពីព្រោះរឿងនេះអាចជាសង្គ្រាមយ៉ាងធ្ងន់ធ្ងរ ។ នេះបើតាមការផ្សព្វផ្សាយរបស់សារព័ត៌មានបរទេសកាលពីថ្ងៃទី២៨ ខែកក្កដា ឆ្នាំ២០២៥ ។

ប្រធានាធិបតីអាមេរិក លោក Trump ថ្លែងបន្តថា ៖ «សង្គ្រាមលើកនេះអាចអូសបន្លាយរយៈពេលជាច្រើនឆ្នាំ និងអាចមានមនុស្សស្លាប់បាត់បង់ជីវិតរាប់លាននាក់ ប៉ុន្តែយើងបានបញ្ឈប់សង្គ្រាម ហើយយើងរីករាយខ្លាំងណាស់ដែលប្រទេសទាំងពីរមានសន្តិភាព» ។

លោក Trump បានជជែកតាមទូរស័ព្ទជាមួយសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា និងលោក ភូមិថាំ វីឆាយ៉ាឆៃ នាយករដ្ឋមន្ត្រីស្តីទីថៃ កាលពីថ្ងៃទី២៦ ខែកក្កដា ថា អាមេរិកពុំអាចរចាពាណិជ្ជកម្មជាមួយកម្ពុជា-ថៃបានទេ ប្រសិនបើប្រទេសទាំងពីរនៅតែធ្វើសង្គ្រាមជាមួយគ្នាបែបនេះ ។

កាលពីថ្ងៃទី២៨ ខែកក្កដា លោក Trump បានហៅខ្លួនលោកជាប្រធានាធិបតីសន្តិភាព (President of Peace) ហើយលោកសរសេរក្នុងបណ្តាញសង្គមថា លោកជំរុញឱ្យកម្ពុជា-ថៃសម្រេចកិច្ចព្រមព្រៀងឈប់បាញ់បន្ទាន់ដោយឥតលក្ខខណ្ឌ ហើយរយៈពេល៦ខែនេះ លោកបានបញ្ឈប់សង្គ្រាមជាច្រើនលើក ។

លោក Trump សរសេរក្នុងបណ្តាញសង្គម TruthSocial ថា ៖ «ខ្ញុំទើបតែបានជជែកជាមួយនាយករដ្ឋមន្ត្រីកម្ពុជា និងនាយករដ្ឋមន្ត្រីស្តីទីថៃ ហើយខ្ញុំមានអារម្មណ៍រីករាយដែលមានការប្រកាសថា ក្រោមគំនិតផ្តួចផ្តើមរបស់ខ្ញុំធ្វើឱ្យប្រទេសទាំងពីរបសម្រេចកិច្ចព្រមព្រៀងឈប់បាញ់បន្ទាន់ និងទទួលបានសន្តិភាព ។ ខ្ញុំសូមបង្ហាញក្តីរីករាយទៅកាន់ប្រទេសទាំងពីរផង» ។

ការបញ្ឈប់សង្គ្រាមលើកនេះបានជួយជីវិតមនុស្សរាប់ពាន់នាក់ ហើយខ្ញុំបានបញ្ជាឱ្យក្រុមការងារចរចាពាណិជ្ជកម្មរបស់ខ្ញុំចាប់ផ្តើមការចរចាម្តងទៀត ។ រយៈពេលត្រឹមតែ៦ខែ ខ្ញុំបានបញ្ឈប់សង្គ្រាមជាច្រើនលើក ខ្ញុំមានមោទនភាពដែលបានធ្វើជានាយករដ្ឋមន្ត្រីសន្តិភាព ៕

ប្រទេសបារាំង ៖ កាលពីថ្ងៃទី២៨ ខែកក្កដា ឆ្នាំ២០២៥ រដ្ឋមន្ត្រីក្រសួងការបរទេសអាមេរិក លោក Marco Rubio បានសរសើរ និងរីករាយចំពោះកម្ពុជា-ថៃសម្រេចកិច្ចព្រមព្រៀងឈប់បា.ញ់បន្ទាន់ដោយឥតលក្ខខណ្ឌ ហើយអាមេរិកក៏សូមអរគុណដល់ប្រទេសម៉ាឡេស៊ីផងដែរ ដែលបានធ្វើជាម្ចាស់ផ្ទះក្នុងជំនួបចរចារបស់នាយករដ្ឋមន្ត្រីកម្ពុជា-ថៃ ។ អាមេរិកសង្ឃឹមថា ប្រទេសទាំងពីរនឹងអនុវត្តតាមកិច្ចព្រមព្រៀងឈប់បា.ញ់បន្ទាន់ដោយឥតលក្ខខណ្ឌនេះ ។

រដ្ឋមន្ត្រីក្រសួងការបរទេសអាមេរិក លោក Marco Rubio និយាយថា អាមេរិកសូមសរសើរចំពោះការប្រកាសឈប់បាញ់រវាងប្រទេសកម្ពុជា និងថៃ នៅថ្ងៃទី២៨ ខែកក្កដា នៅទីក្រុងកូឡាឡាំពួរ ប្រទេសម៉ាឡេស៊ី ។ ប្រធានាធិបតីអាមេរិក លោក Donald Trump និងខ្លួនលោកបានប្តេជ្ញាបញ្ចប់អំពើហិង្សាភ្លាមៗ ហើយសង្ឃឹមថា រដ្ឋាភិបាលកម្ពុជា-ថៃ នឹងអនុវត្តតាមកិច្ចព្រមព្រៀងឈប់បាញ់បន្ទាន់ដោយឥតលក្ខខណ្ឌរបស់ខ្លួនដើម្បីបញ្ចប់ជម្លោះ ។

សហរដ្ឋអាមេរិកសូមអរគុណនាយករដ្ឋមន្ត្រីម៉ាឡេស៊ី លោក អាន់វ៉ា អ៊ីប្រាហ៊ីម ក្នុងនាមជាប្រធានអាស៊ាន ដែលបានធ្វើជាម្ចាស់ផ្ទះក្នុងជំនួបចរចាបញ្ចប់ការឈប់បាញ់គ្នា ។ យើងសូមអំពាវនាវឱ្យគ្រប់ភាគីអនុវត្តតាមកិច្ចព្រមព្រៀងរបស់ខ្លួន ហើយអាមេរិកនៅតែប្តេជ្ញាចិត្តបញ្ចប់ជម្លោះនេះ ។

ដោយឡែក នៅថ្ងៃទី២៩ ខែកក្កដា សារព័ត៌មានបរទេសរាយការណ៍ថា ប្រធានាធិបតីបារាំង លោក Emmanuel Macron បានសរសេរក្នុង Instagram ឈ្មោះ «@emmanuelmacron» ដែលមានអ្នកតាមដានប្រមាណ៥លាន២សែននាក់ ជាភាសាខ្មែរ និងភាសាថៃ ក្រោយពីប្រទេសទាំងពីរសម្រេចកិច្ចព្រមព្រៀងឈប់បា.ញ់បន្ទាន់ដោយឥតលក្ខខណ្ឌនៅទីក្រុងកូឡាឡាំពួរ ប្រទេសម៉ាឡេស៊ី ថា «ពេលវេលាមកដល់ហើយដែលត្រូវផ្អាកអាវុធនៅតំបន់ព្រំដែនរវាងកម្ពុជា និងថៃ» ។

ប្រធានាធិបតីបារាំង លោក Emmanuel Macron បានសរសេរក្នុង Instagram ទៀតថា ៖ «នាយករដ្ឋមន្ត្រីទាំងពីរបានបង្ហាញភាពរឹងមាំដោយជួបជាមួយគ្នានៅថ្ងៃនេះ ដើម្បីឱ្យមានការពិភាក្សាសន្តិភាព ។ ខ្ញុំសូមលើកស្ទួយយ៉ាងពេញទំហឹងចំពោះការចរចាកំពុងបន្តនៅម៉ាឡេស៊ី ដែលមានគោលបំណងបញ្ចប់ជាមួយនឹងកិច្ចព្រមព្រៀងឈប់បាញ់យ៉ាងចាំបាច់ដើម្បីដោះស្រាយវិវាទនេះដោយសន្តិវិធី» ៕