លោក អ៊ូ ប៉ុណ្ណារ៉ាត់ ហៅ នាយក្រឹម កំពុងធ្វើឱ្យសាធារណជនបញ្ចេញមតិប្រតិកម្មសាជាថ្មីនៅពេលលោកនៅតែមិនទាន់ឈប់មានគំនិតរើសអើងទៅកាន់អ្នកស្រលាញ់ភេទដូចគ្នា។ មហាជនលើកឡើងថាពេលវេលាជាយូរមកហើយបន្ទាប់ពីសម្របសម្រួលជាមួយ ណុប ដាណេ កាលពីឆ្នាំ២០២៣ប៉ុន្តែតារាកំប្លែងជើងចាស់រូបនេះនៅតែមានគំនិតដដែល។

វាបានក្លាយជាប្រធានបទជជែកវែកញែកនិងប្រតិកម្មយ៉ាងខ្លាំងនៅថ្ងៃទី៧ សីហា នេះបន្ទាប់ពីតារាកំប្លែង នាយក្រឹម បានឆ្លើយតបទៅកាន់គណនីមួយដែលជីករឿងចាស់របស់លោក។ កាលពីថ្ងៃទី៥ នាយក្រឹម បានបង្ហោះរូបមួយសន្លឹកនិងអមដោយអត្ថន័យថាខ្លួនលោករស់នៅលើទឹកដីខ្មែរ មានពូជពង្សជាតិសាសន៍ខ្មែរឆ្លងកាត់សង្គ្រាមបីជំនាន់។ លោកក៏បានបញ្ជាក់ថា ខ្មែរមិនដែលចង់ឈ្លានពានទឹកដីប្រទេសដទៃ មិនមែនល្មោភសង្គ្រាមឡើយ រួមទាំងអំពាវនាវដល់អន្តរជាតិជួយរកយុត្តិធម៌ដល់ប្រទេសកម្ពុជា សុំឱ្យដោះលែងដល់ទាហានខ្មែរ១៨នាក់ដែលថៃចាប់យកទៅត្រឡប់មកមាតុភូមិវិញ។

យ៉ាងណាមិញ នាយក្រឹម បានធ្វើឱ្យមានរឿងចម្រូងចម្រាសកើតឡើងម្តងទៀតអំពីការរើសអើងម្តងទៀតអំពីអ្នកស្រលាញ់ភេទដូចគ្នាឬហៅថាភេទទី៣។ មានគណនីហ្វេកប៊ុកមួយបានបញ្ចេញមតិលើការបង្ហោះរបស់តារាកំប្លែងជើងចាស់រូបនេះថា «said:ភេទទី៣ធ្វើឱ្យបាត់ធនធានមនុស្ស។ ការខម្មិននេះ នាយក្រឹម បានឆ្លើយតបវិញថា «ថៃមានខ្ទើយច្រើនវាបាត់ធនធានយោធាដោយសារវាអ៊ីចឹងហើយបានជាចាញ់ខ្មែរព្រោះទាហានថៃភាគច្រើនខ្ទើយបានជាចាញ់ទ័ពកម្ពុជាយល់»។

ពាក្យសម្តីឆ្លើយតបរបស់នាយក្រឹមអំពីភេទទី៣ នេះហើយបានបង្កឱ្យសាធារណជនបញ្ចេញមតិរិះគន់លោកយ៉ាងចាស់ដៃ។ អ្នកលេងបណ្តាញសង្គមក៏បានលើកទាហានពីររូបរបស់ប្រទេសកម្ពុជាដែលស្រលាញ់ភេទដូចគ្នាប្រយុទ្ធជាមួយសត្រូវ ខណៈទាមទារឱ្យតារាកំប្លែងរូបនេះចេញមុខសូមទោស។ មិនត្រឹមតែប៉ុណ្ណោះអ្នកមួយចំនួនបានបញ្ចេញមតិថាគំនិតរបស់ នាយក្រឹម ដែលរើសអើងភេទទី៣នៅតែដដែលមិនបានធ្វើការផ្លាស់ប្តូរឡើយ។

គួរបញ្ជាក់ផងដែរថាកាលពីឆ្នាំ២០២៣ មហាជនបានរិះគន់យ៉ាងខ្លាំងទៅកាន់តារាកំប្លែងនាយក្រឹម ដែលនិយាយទៅកាន់ ណុប ដាណេ អំពីការបាត់បង់ធនធានមនុស្សមិនចង់ឱ្យមានភេទទី៣ច្រើន។ ក្រោយមក នាយក្រឹម និង ណុប ដាណេ បានជួបពិភាក្សាគ្នាជាមួយប្រធានគណៈកម្មាធិការសិទ្ធិមនុស្ស រួមទាំងប្រធានសមាគមសិល្បករកម្ពុជា។ បន្ទាប់ពីដោះស្រាយគ្នារួចប្រកបដោយភាពវិជ្ជមានតារាកំប្លែង នាយក្រឹម បាននិយាយថាខ្លួនមិនមានចេតនារើសអើងភេទទី៣នោះទេ បើរើសអើងមែនមិនមែនសម្តែងត្រាប់តាមភេទទី៣ឡើយ៕

តារាចម្រៀង ទេព បូព្រឹក្ស បាននិយាយថានាងនិងគ្រួសាររបស់ខ្លួនសួពូជជាមួយនឹងផ្ទះលេខ២រហូតមិនទោរទន់នោះទេព្រោះអ្វីដែលផ្ទះលេខ២ធ្វើដាក់ខ្មែរមិនមែនតែលើកនេះប៉ុន្តែតាំងពីដូនតាមកម្ល៉េះ។ នៅក្នុងកំឡុងពេលនេះ ទេព បូព្រឹក្ស ថាអ្នកណាក៏ឈឺចាប់ដែរ ហើយគ្មានចាំបាច់អ្វីមានសុជីវធម៌ជាមួយនោះទេ។

កាលពីពេលថ្មីៗនេះតារាចម្រៀង ទេព បូព្រឹក្ស បាន Live នៅលើបណ្តាញសង្គមរបស់ខ្លួនណែនាំផលិតផលថ្មីដែលជាស្នាដៃរបស់កូនខ្មែរនិងបញ្ជាក់ថាកូនខ្មែរមិនដែលទាល់ច្រកនោះទេ។ ជាមួយនឹងការ Live នេះ ទេព បូព្រឹក្ស បានបង្ហាញការឈឺចាប់ជាមួយជាតិសាសន៍ផ្ទះលេខ២ និងបាននិយាយម៉ាត់ៗដោយមិនខ្លាចរអាឡើយ។ តារាចម្រៀងរូបនេះបានរម្លឹកពីបទ «Top Of The Lady » ដែលអង្គុយលើជាន់ក្បាលសត្រូវឈ្លានពាន ហើយមិនមែនទើបតែឥឡូវនោះទេដែលផ្ទះលេខ២ឈ្លានពានគឺតាំងពីជំនាន់ដូនតាមកម្ល៉េះ។ ទេព បូព្រឹក្ស ថាគ្មានរឿងអ្វីដែលត្រូវខ្វល់នោះទេ នាងគឺ ទេព បូព្រឹក្ស មានប្តីឈ្មោះ ជី ដេវីត គ្រួសាររបស់នាងទាំងមូលផ្តាំតកូនតចៅ សួពូជជាមួយផ្ទះលេខ២។

ទេព បូព្រឹក្ស ថាបើសិនជាមានជាតិក្រោយ កើតជាតិណាៗសុំកើតមកជាខ្មែរទៀត ចងពារជាមួយនឹងផ្ទះលេខ២ហើយនឹងមិនទន់ទោរជាមួយនោះទេ។ តារាចម្រៀងរូបនេះថាជាតិសាសន៍នេះមិនដឹងជាសន្តានអ្វីនោះទេ។ ជាមួយគ្នានេះដែរ ទេព បូព្រឹក្ស ថានាងមានបទចម្រៀងថ្មីហើយជេរជាតិសាសន៍នេះទៀតប៉ុន្តែមិនទាន់ចេញនោះទេ ហើយនាងក៏មិនខ្វល់អ្វីដែរ បើទោះបីជាពេលនេះផេករបស់នាងជាប់ការព្រមានពីក្រុមហ៊ុនហ្វេកប៊ុកក៏ដោយ។

គួរបញ្ជាក់ផងដែរ ទេព បូព្រឹក្ស និង ជី ដេវីត ត្រូវបានមហាជនសម្លឹងឃើញថាជាចលករដ៏រឹងមាំមួយបញ្ចេញសំឡេងរបស់ខ្លួនយ៉ាងខ្លាំងចំពោះអំពើឈ្លានពានរបស់ប្រទេសថៃមកកាន់ខាងកម្ពុជា។ មិនមែនតែខ្វាយខ្វល់លើបណ្តាញសង្គមប៉ុណ្ណោះទេប៉ុន្តែអ្នកទាំងពីរបានបង្កើតមូលនិធិជួយដល់កងទ័ពនិងជនភៀសសឹកផងដែរដែលជាទង្វើដ៏គួរឱ្យសរសើរ៕

តារាកំប្លែង ពាក់មី បានបង្ហាញថារយៈពេលប៉ុន្មានថ្ងៃចុងក្រោយនេះ៨០%គឺលោកនៅលើឡានចេញពីផ្ទះម៉ោង៧ព្រឹកដល់ផ្ទះវិញម៉ោង៣-៤ទៀបភ្លឺ ហើយប្រពន្ធរបស់លោកក៏មកលំបាកជាមួយទៀត។ ទោះជាយ៉ាងណា តារាកំប្លែងល្បីឈ្មោះរូបនេះបានបញ្ជាក់ថាដ្បិតតែមានការលំបាកបែបនេះក្តីប៉ុន្តែមិនបានមួយចំណិតវីរកងទ័ពដែលការពារទឹកដីនោះទេ។លោកក៏សង្ឃឹមថាប្រទេសកម្ពុជានឹងមានសន្តិភាពឡើងវិញឆាប់នេះៗ។

នៅយប់ថ្ងៃទី៦ សីហា លោក ចែម ចាន់រ៉ា ហៅ នាយពាក់មី បានបង្ហោះរូបមួយសន្លឹកនៅលើបណ្តាញសង្គមអមដោយខ្លឹមសារថា «នៅផ្ទះ ដេកស៊ីស្រួល មិនចង់ទេ មកវេទនាតាមប្តី ។ ប៉ុន្មានថ្ងៃនេះ ជីវិតខ្ញុំ80% រស់នៅលើឡានរហូត – ប្រាសាទតាមាន់ ២ដង
– អន្លង់វែង ១ដង – សំរោង ចុងកាល់ ២ដង – ជាំក្សាន្ត ១ដង – ក្រឡាញ់១ ដង
ចេញម៉ោង៧ព្រឹក ដល់ផ្ទះវិញម៉ោង៣ភ្លឺ៤ភ្លឺ »។

ទោះជាបែបនេះក្តីតារាកំប្លែងពាក់មី ថាការលំបាកនេះមិនស្មើនឹងកងទ័ពជួរមុខដែលឈរការពារទឹកដីហូបតែអាហារក្រៀមនោះទេ។ លោកបានរៀបរាប់ថា «ការលំបាកនេះ មិនបានមួយចំណិតនៃការលំបាករបស់វីរកងទ័ពយើងទេ នៅកណ្តាលព្រៃ គេងក្នុងត្រង់សេ ភ្លៀងមកទទឹករងា បែកផុក ហូបបានតែអាហាក្រៀមក្រោះ ព្រោះនៅភ្នំ ក្នុងលេណដ្ឋាន មិនអាចដាំស្លអីបានទេ ពឹងលើកងទ័ពខាងក្រោយ ស្ពាយឡើងភ្នំយកទៅ តស៊ូដើម្បីការពារទឹកដី មានតែពាក្យថាអរគុណនិងដឹងគុណវីរកងទ័ពយើងទាំងអស់ សូមឱ្យប្រទេសយើងឆាប់បានសន្តិភាពត្រឡប់មកវិញ»។

គួរបញ្ជាក់ផងដែរថាមុននឹងសង្គ្រាមឈ្លានពានរបស់ថៃមកលើកម្ពុជា តារាកំប្លែងពាក់មី និងគ្រួសារគឺបានទៅលេងប្រាសាទតាក្របី និងបាននាំលោកតាលោកយាយ អ៊ំពូមីង បងប្អូន អ្នកខេត្តស្វាយវៀង វេចនំអន្សម១០០០នំ ជូនដល់វីរកងទ័ពជួរមុខ ដែលកំពុងឈរជើងយ៉ាងអង់អាចក្លាហានការពារបូរណភាពទឹកដីនៅតាមបន្ទាត់ព្រំដែន កម្ពុជា-ថៃ ។ នៅពេលប្រទេសជួបទុក្ខលំបាកមានទាំងកងទ័ពពលី រងរបួស ប្រជាពលរដ្ឋស្លូតត្រង់ភៀសសឹកតារាកំប្លែង ពាក់មី ក៏បានស្វះស្វែងក្នុងសកម្មភាពមនុស្សធម៌ផងដែរ៕

តារាចម្រៀង ជី ដេវីត នៅតែមានក្តីកង្វក់ចំពោះទាហាន១៨នាក់ដែលពុំទាន់វិលមកមាតុប្រទេសនៅឡើយ។ ទោះយ៉ាងណា សុបិនអាក្រក់រយៈពេល៥ថ្ងៃជាប់គ្នាលោកនៅតែមានក្តីសង្ឃឹមទៅកាន់ថ្នាក់ដឹកនាំយ៉ាងមុតមាំនឹងមានសន្តិភាពពេញលេញវិញ។ លោកក៏បានអំពាវនាវឱ្យខ្មែររួបរួមពួតដៃគ្នាតទៅទៀត។

នៅយប់ថ្ងៃទី៦ សីហា តារាចម្រៀង ជី ដេវីត បានបង្ហោះសំណេរនៅលើគណនីផ្ទាល់ខ្លួនថា «ក្នុងពេលនេះពួកយើងកំពុងតែឆ្ពោះទៅការសម្របខ្លួននឹងស្ថានការណ៍ប្រៀបដូចជាការក្រោកពីសុបិនអាក្រក់រយៈពេលប្រាំថ្ងៃជាប់គ្នាយ៉ាងដូច្នោះដែរ។ ប៉ុន្តែបងប្អូនវីរជនកងទ័ពយើងទាំង ១៨នាក់ នៅនឹងដៃចោរដំណឹងយ៉ាងណាគឺពុំទាន់សេចក្ដីផ្លូវការនៅឡើយទេ។ ក្នុងនាមខ្ញុំបាទជាម្នាក់ក្នុងចំណោមគ្រប់គ្នា ខ្ញុំមានក្តីសង្ឃឹមជាមួយប្រមុខថ្នាក់ដឹកនាំយ៉ាងមុតមាំថាជាក់នឹងបានមកនូវសន្តិភាពពេញលេញ»។ ជី ដេវីត បន្តរម្លឹកទៀតថា «រឿងខ្លះមិនទាន់បញ្ចប់ទេ សូមបន្តការរួបរួមពួកដៃគ្នាតទៅទៀត។ដោយក្តីគោរព »។

ស្របពេលដែល ជី ដេវីត នៅតែមានក្តីកង្វក់ចំពោះវីរកងទ័ព១៨នាក់ស្ថិតក្នុងកណ្តប់ដៃហើយបានបង្ហោះលេខរាប់ថតក្រោយពី៥មក០ គឺ ជី ដេវីត រង់ចាំកិច្ចប្រជុំនៅថ្ងៃទី៧ សីហា នេះ អំពីកិច្ចប្រជុំវិសាមញ្ញគណៈកម្មាធិការព្រំដែនទូទៅកម្ពុជា-ថៃ (GBC) នៅប្រទេសម៉ាឡេស៊ី ហើយលទ្ធផលប្រកបដោយភាពវិជ្ជមាន។

ជាមួយនឹងការចែករំលែកអំពីកិច្ចប្រជុំវិសាមញ្ញគណៈកម្មាធិការព្រំដែនទូទៅកម្ពុជា-ថៃ (GBC)ពីផេកផ្លូវការរបស់ក្រសួងការពារជាតិ ជី ដេវីត បានបន្ថែមនៅក្នុងខម្មិនថា ក្នុងកាលៈទេសៈនេះមានអ្វីពិសេសជាងនេះទៀត បងប្អូនភៀសខ្លួនឆាប់បានទៅផ្ទះវិញ ទាហានឈប់ច្បាំងស្លាប់ និង ឆ្ពោះទៅដំណោះស្រាយជាច្រើនទៀត៕

ដូចប្រិយមិត្តជ្រាបមកហើយថាតារារ៉េបថៃ Younggu ដែលស្ទើរតែអស់ភាពល្បីទៅហើយនោះបានចេញចម្រៀង Diss Track វណ្ណដា និងបានបង្ហោះរករឿងជាច្រើនទៀតប៉ុន្តែ វណ្ណដា បាននិយាយតបតែម្តងគត់នោះគឺ «អញឪហ្អែង»។ រករឿង វណ្ណដា ច្រើនតែ វណ្ណដា មិនខ្ចីខ្វល់ស្រាប់តែ Younggu ងាកទៅរករឿង ឡូរីន ដែលជាគូស្នេហ៍ វណ្ណដា វិញម្តង ខណៈនាង តបមួយប្រយោគអាចឱ្យតារារ៉េបថៃរូបនេះឆ្អែតបាយបីថ្ងៃ។

បន្ទាប់ពី វណ្ណដា បានប្រើសំឡេងរបស់ខ្លួនបង្ហាញទៅកាន់ពិភពលោកអំពីរឿងរ៉ាវពិតជម្លោះព្រំដែនកម្ពុជា-ថៃ ចូលរួមសកម្មភាពមនុស្សធម៌ ចេញបទចម្រៀង ១សីហា គឺបានធ្វើឱ្យប្រជាជនថៃជាច្រើនបានរករឿង វណ្ណដា គ្រប់សព្វបែបយ៉ាង មិនត្រឹមតែប៉ុណ្ណោះតារារ៉េបថៃទាំងហ្វូងមករក វណ្ណដា តែម្នាក់។

កន្លងមកនេះ តារារ៉េបថៃ Younggu គឺបានចេញចម្រៀង Diss Track វណ្ណដា និងចោទសួរថា វណ្ណដា ជានរណា រហូតដល់ វណ្ណដា មកពីសហរដ្ឋអាម៉េរិកវិញបានឆ្លើយតបទៅកាន់ Younggu វិញថា«អញឪហ្អែង»។ មិនទាន់អស់ចិត្តព្រោះតែប្រជាប្រិយភាពនៅចាញ់ វណ្ណដា ហើយមិនឃើញ វណ្ណដា មានការឆ្លើយតបផ្សេងៗទាំងខំចេញចម្រៀងផង ខំបង្ហោះសារផង Younggu បែរជាងាកទៅរករឿង ឡូរីន ដែលជាគូស្នេហ៍របស់ វណ្ណដា ទៅវិញ។

Younggu បានបង្ហោះសារជាបន្តបន្ទាប់និងបានថេកទៅកាន់គណនី ឡូរីន ប៉ុន្តែមិនមែនជាគណនីពិតនោះទេ ប៉ុន្តែជាផេកហ្វេនរបស់នាង។ ហេតុតែចង់បានចំណាប់អារម្មណ៍ខ្លាំងពេក និងការរករឿងនាងមិនឈប់ឈរ ឡូរីន បានយកគណនីពិតប្រាកដរបស់នាងចែករំលែកបន្តពី Younggu ជាមួយនឹងសម្តីថា «វាថីហែង អាបែកក្បាល? អត់ចប់»។

គួរបញ្ជាក់ផងដែរ ឡូរីន បានចេញវីដេអូនិយាយអំពីសង្គ្រាមរវាងខ្មែរ-ថៃ ដែលភាគីថៃជាអ្នកចាប់ផ្តើមសង្គ្រាម និងបានបង្ហោះនៅលើគណនី IG ឡូរីន ត្រូវបានប្រជាជនថៃជាច្រើនចូលមកខម្មិនលើការបង្ហោះរបស់នាង។ មិនខុសពី ឡូរីន នោះទេ វណ្ណដា ក៏ត្រូវជនជាតិថៃសម្រុកចូលមកជេរជាច្រើនទាំងនៅលើបណ្តាញសង្គមហើយ IG របស់លោកមានការធ្លាក់ចំនួនអ្នកតាមដាន៕