Influencer ថៃឈ្មោះ កាន់ ចមផ្លាំង ដែលល្បីល្បាញរឿងយករថយន្តដឹកលា.មក មកបា.ញ់ស្រោចលើពលរដ្ឋខ្មែរហ៊ានតវ៉ាជាមួយកងទ័ពឈ្លា.នពានថៃនៅតំបន់ព្រំដែនខេត្តស្រះកែវ និងចេញមុខចា.ប់ពលរដ្ឋខ្មែរធ្វើការខុសច្បាប់នៅទីក្រុងបាងកក ពេលនេះ បានប្រកាសក្នុងហ្វេសប៊ុកថា នឹងយកទូរកុងទឺន័រចំនួន៦០គ្រឿង មកតម្រៀបជារបងនៅព្រំដែនភូមិណងចាន់ ខេត្តស្រះកែវ នៅថ្ងៃទី១០ ខែតុលា ។

បុគ្គល កាន់ ចមផ្លាំង បានចេញមុខឈ្លានពានទឹកដីកម្ពុជារហូតមក តាមរយៈការធ្វើសកម្មភាពផ្សេងៗ ដូចជា ៖ រៃអង្គាសប្រាក់ឧបត្ថម្ភកងទ័ពឈ្លានពានថៃ, ជីករណ្តៅ និងតម្រៀបកង់ឡានក្បែរប្រាសាទនៅព្រំដែន និងបញ្ជូនលាមក មកស្រោចលើពលរដ្ឋខ្មែរឱ្យចេញពីទឹកដីកម្ពុជា ប៉ុន្តែរងការរិះគន់ពីមតិនានាថា ការប្រើប្រាស់លាមកនឹងធ្វើឱ្យថៃបាត់បង់កេរ្តិ៍ឈ្មោះ ហើយពិភពលោកអាចថ្កោលទោសថៃដែលប្រើប្រាស់ទង្វើដ៏ស្មោគគ្រោកបំផុត ។

Influence រូបនេះ ក៏បានប្រកាសតាមហ្វេសប៊ុកឱ្យពលរដ្ឋថៃជួយផ្តល់ទូរកុងទឺន័រមកឱ្យខ្លួនបន្ថែមទៀតដើម្បីយកមកតម្រៀបជារបងនៅតំបន់ព្រំដែនខេត្តស្រះកែវឱ្យទាន់ថ្ងៃកំណត់ ហើយខ្លួនបានធ្វើដំណើរទៅពិនិត្យមើលទូរកុងទឺន័រទាំងអស់មុននឹងបញ្ជូនមកកាន់តំបន់ព្រំដែន ។ ក្រៅពីនេះ បានប្រកាសឱ្យពលរដ្ឋថៃ ឬអ្នកគាំទ្ររួមគ្នាសរសេរអក្សរលើទូរកុងទឺន័រនៅថ្ងៃទី១១ ខែតុលា ដើម្បីផ្តល់កម្លាំងចិត្តដល់កងទ័ពថៃឈ្លានពានទឹកដីកម្ពុជា ។

កាន់ ចមផ្លាំង និយាយថា ទូរកុងទឺន័រដែលខ្លួនត្រៀមបញ្ជូនមកកាន់តំបន់ព្រំដែនខេត្តស្រះកែវនៅថ្ងៃទី១០ ខែតុលា ដើម្បីតម្រៀបជារបងនោះមានភាពរឹងមាំជាងរបងថ្មទៅទៀត ។ ការបញ្ជូនទូរកុងទឺន័រមកព្រំដែនកម្ពុជា-ថៃ គឺខ្លួនធ្វើដើម្បីការពារសន្តិសុខប្រទេសថៃ និងផ្តល់កម្លាំងចិត្តឱ្យកងទ័ពថៃប្រចាំការនៅព្រំដែន ។

គួរបញ្ជាក់ថា កន្លងមក បុគ្គល កាន់ ចមផ្លាំង បានបញ្ជូនរថយន្តដឹកលាមក ចំនួន១៤គ្រឿង មកកាន់តំបន់ព្រំដែនភូមិណងចាន់ ខេត្តស្រះកែវ ទល់មុខភូមិសាស្ត្រច្រកអូរបីជាន់ ខេត្តបន្ទាយមានជ័យ ដើម្បីបាញ់លាមកស្រោចលើពលរដ្ឋខ្មែរ ។ បុគ្គលនេះបានតាំងខ្លួនឯងជាអ្នកស្នេហាជាតិ ការពារទឹកដី តាមរយៈការប្រើប្រាស់លាមក ប៉ុន្តែបែរជាធ្វើឱ្យថៃស្អុយអាសោចកេរ្តិ៍ឈ្មោះនៅលើពិភពលោក ដែលប្រព្រឹត្តទង្វើបាតផ្សារមកលើពលរដ្ឋប្រទេសជិតខាង ។

ពេលនោះ នាយករដ្ឋមន្ត្រីស្តីទីថៃ លោក ភូមិថាំ វីឆាយ៉ាឆៃ ពុំគាំទ្របុគ្គលនេះទេ និងប្រាប់កុំឱ្យធ្វើបែបនេះដើម្បីកុំឱ្យពិភពលោកថ្កោលទោសថៃ និងបារម្ភខ្លាចកម្ពុជាប្តឹងថៃទៅកាន់តុលាការយុត្តិធម៌អន្តរជាតិ (ICJ) នាំឱ្យថៃមានបញ្ហាកាន់តែខ្លាំង ៕

ការស្រាវជ្រាវថ្មីមួយពីសាកលវិទ្យាល័យ University of New Mexico (UNM) បានបង្ហាញពីការព្រួយបារម្ភថ្មីអំពី មីក្រូផ្លាស្ទិក (microplastics) ដែលត្រូវបានរកឃើញក្នុងកែវក្រដាសភេសជ្ជៈក្តៅ ឬកែវដែលប្រើតែម្ដងៗរួចបោះចោល។ កែវក្រដាសទាំងនោះមិនមែនផលិតឡើងតែពីក្រដាសឡើយ គេមានរួមផ្សំវាជាមួយផ្លាស្ទីកផងដែរ ដើម្បីការពារជម្រាបទឹក។

តាមការធ្វើតេស្តលើ កែវដែលប្រើតែងម្ដងៗ ចំនួន ៩០ ប្រភេទ អ្នកស្រាវជ្រាវបានរកឃើញថា កែវទាំងនោះមានស្រទាប់ផ្លាស្ទិកនៅខាងក្នុង (polyethylene coating) នៅពេលដាក់ទឹកក្ដៅចូលទៅ វាអាចបញ្ចេញមីក្រូផ្លាស្ទិកចន្លោះពី ៦៧៥ ដល់ទៅ ៥,៩៨៤ ផ្នែក ក្នុងមួយលីត្រ ទៅក្នុងភេសជ្ជៈ ដូចជា កាហ្វេ ឬតែក្ដៅ ដែលបានដាក់នោះ។ នេះនឹងបង្កហានិភ័យយ៉ាងខ្លាំងចំពោះអ្នកដែលតែងតែប្រើប្រាស់វាជាញឹកញាប់។

ការសិក្សាផ្សេងទៀតពីវិទ្យាស្ថានបច្ចេកវិទ្យាឥណ្ឌា (IIT Kharagpur) ក៏ប៉ាន់ប្រមាណថា មនុស្សម្នាក់អាចនឹងទទួលទានមីក្រូផ្លាស្ទិកប្រហែល ០.០៣ មីល្លីក្រាមក្នុងមួយគីឡូក្រាមនៃទំងន់រាងកាយរបស់ពួកគេក្នុងមួយថ្ងៃ ពីការប្រើកែវដែលប្រើតែម្ដងៗរួចបោះចោល។ ប្រសិនបើគណនាតាមអាយុមនុស្ស វាអាចស្មើនឹង ៥៤ ក្រាមនៃផ្លាស្ទិកតូចៗ ដែលចូលក្នុងរាងកាយរបស់ពួកគេ។

ជាមួយគ្នានេះ អ្នកស្រាវជ្រាវនៅ UNM ក៏បានបញ្ជាក់ថា ពួកគេបានរកឃើញ មីក្រូផ្លាស្ទិកក្នុងខួរក្បាលមនុស្ស នៅបរិមាណខ្ពស់ជាងសរីរាង្គដទៃទៀត ដូចជា ថ្លើម និងតម្រងនោមជាដើម។ ជាពិសេស ក្នុងខួរក្បាលអ្នកជំងឺ Alzheimer និងជំងឺ Binswanger’s បានរកឃើញផ្លាស្ទិកច្រើនជាងមនុស្សធម្មតា ប៉ុន្តែអ្នកស្រាវជ្រាវនៅតែមិនទាន់អាចបញ្ជាក់បានថា មីក្រូផ្លាស្ទិកជាមូលហេតុនៃជំងឺដែរឬទេ។ ក្រៅពីនេះ ការសិក្សាក៏បានបង្ហាញដែរថា សារធាតុគីមីផ្សេងៗក្នុងផ្លាស្ទិក ដូចជា BPA និង benzophenone អាចបញ្ចេញចូលទៅក្នុងភេសជ្ជៈក្តៅ ធ្វើដែលឲ្យមានហានិភ័យបន្ថែមដល់សុខភាព ប្រសិនបើប្រើកែវ ឬម៉ាស៊ីនឆុងដែលមានផ្លាស្ទិក។

យ៉ាងណាមិញ ដើម្បីកាត់បន្ថយហានិភ័យធ្ងន់ធ្ងរ អ្នកស្រាវជ្រាវបានណែនាំឲ្យប្រើកែវដែលប្រើបានច្រើនដង (reusable cups) ដូចជា កែវថ្ម ដែកអ៊ីណុក (stainless steel) សេរ៉ាមិច ឬផ្លាស្ទិចរឹងជាដើម ជំនួសឲ្យការប្រើកែវដែលប្រើតែម្ដងៗ ហើយហាងកាហ្វេជាច្រើនអាចផ្តល់បញ្ចុះតម្លៃសម្រាប់អតិថិជនដែលយកកែវផ្ទាល់ខ្លួនមកប្រើផងដែរ។

បន្ថែមពីនេះ ក្រុមអ្នកវិទ្យាសាស្ត្រក៏បានលើកឡើងថា ត្រូវមានការអភិវឌ្ឍផលិតផលជំនួស ដូចជា កែវ ឬកញ្ចប់ផលិតផលដែលផលិតពីសារធាតុដើមធម្មជាតិ ឬជាតិរុក្ខជាតិ ដែលអាចរលួយបានដោយមិនបង្កើតមីក្រូផ្លាស្ទិក៕

អ្នកលេងបណ្តាញសង្គមនៅប្រទេសថៃបានបង្ហាញការខឹងសម្បារឯកអគ្គរដ្ឋទូតចិនប្រចាំកម្ពុជា ក្រោយពីឯកអគ្គរដ្ឋទូតចិនសរសេរក្នុងហ្វេសប៊ុកកាលពីថ្ងៃទី៨ ខែតុលា ឆ្នាំ២០២៥ ថា គាំទ្រកម្ពុជាយ៉ាងមុតមាំក្នុងការការពារអធិបតេយ្យជាតិ និងសន្តិសុខ ។ ថ្មីៗនេះ សារព័ត៌មានថៃគ្រប់ស្ថាប័ន ក៏ដូចជាពលរដ្ឋថៃ បានចោទប្រកាន់ចិនបញ្ជូនអាវុ.ធឱ្យកម្ពុជាធ្វើសង្គ្រា.មជាមួយថៃ ហើយត្រូវបានចិនបដិសេធ ។

កាលពីថ្ងៃទី៨ ខែតុលា ឆ្នាំ២០២៥ ឯកអគ្គរដ្ឋទូតចិនប្រចាំកម្ពុជា លោក Wang Wenbin បានសរសេរក្នុងហ្វេសប៊ុកដែលមានឈ្មោះ «Wang Wenbin Chinese Ambassador to the Kingdom of Cambodia 汪文斌» ថា ៖ «ចិនគាំទ្រកម្ពុជាយ៉ាងមុតមាំក្នុងការការពារអធិបតេយ្យជាតិ សន្តិសុខ និងផលប្រយោជន៍ការអភិវឌ្ឍ ហើយចិននឹងជាដៃគូអាចជឿទុកចិត្តបានក្នុងការអភិវឌ្ឍរបស់កម្ពុជា ជារៀងរហូត» ។

រដ្ឋាភិបាល កងទ័ព និងពលរដ្ឋថៃ ពុំត្រូវការឱ្យប្រទេសណាមួយគាំទ្រកម្ពុជាក្នុងជម្លោះព្រំដែនជាមួយថៃទេ ដោយថៃព្យាយាមផ្សព្វផ្សាយព័ត៌មានបំភ្លៃការពិត លាបពណ៌ទៅកាន់ពិភពលោកឱ្យយល់ថា ខ្លួនជាជនរងគ្រោះរងការបំពានពីកម្ពុជា ។ រីឯចិន គឺថៃចាត់ទុកជាសម្ព័ន្ធមិត្តដ៏សំខាន់របស់ខ្លួន ហើយថៃរឹតតែមិនគាំទ្រចិនដែលមានចំណងមិត្តភាពល្អជាមួយកម្ពុជា ។ ការបង្ហោះក្នុងហ្វេសប៊ុករបស់ឯកអគ្គរដ្ឋទូតចិនប្រចាំកម្ពុជាដែលគាំទ្រកម្ពុជាការពារអធិបតេយ្យជាតិ គឺធ្វើឱ្យសារព័ត៌មានថៃ និងអ្នកលេងបណ្តាញសង្គមថៃខឹងសម្បារម្តងទៀត ក្រោយពីពួកគេទើបតែចោទប្រកាន់ចិនផ្តល់អាវុធឱ្យកម្ពុជា ។

អ្នកលេងបណ្តាញសង្គមថៃរិះគន់ថា ចិនគាំទ្រកម្ពុជាតាំងពីដំបូង នេះហើយជាមូលហេតុដែលកងទ័ពថៃពុំអាចធ្វើអ្វីបានច្រើន ចិនពុំដឹងពីប្រវត្តិសាស្ត្រកម្ពុជា-ថៃទេ ដូច្នេះ ចិនកុំនិយាយរឿងនេះ ។ ពួកគេថែមទាំងបណ្តេញស្ថានទូតចិនចេញពីប្រទេសថៃទៀតផង ពីព្រោះចិនបង្ហាញគោលជំហរច្បាស់ហើយ គឺគាំទ្រកម្ពុជា ។

គួរបញ្ជាក់ថា ថ្មីៗនេះ អ្នកនយោបាយ ពលរដ្ឋ និងសារព័ត៌មានថៃ បានចោទប្រកាន់ចិនបញ្ជូនអាវុ.ធឱ្យកម្ពុជាធ្វើសង្គ្រា.មជាមួយថៃ ក្រោយពីសារព័ត៌មាន New York Times ចុះផ្សាយកាលពីខែកញ្ញា ឆ្នាំ២០២៥ ថា ចិនផ្គត់ផ្គង់អាវុ.ធដល់កម្ពុជាស្របពេលមានជម្លោះព្រំដែនជាមួយថៃ ។ ព័ត៌មាននេះធ្វើឱ្យអ្នកនយោបាយថៃស្នើទៅស្ថានទូតចិនស្រាយបំភ្លឺឱ្យបានច្បាស់លាស់ តើចិនពិតជាបញ្ជូនអាវុ.ធឱ្យកម្ពុជាដែរឬទេ ។

បន្ទាប់មក ហ្វេសប៊ុកផេកស្ថានទូតចិនប្រចាំប្រទេសថៃបានច្រានចោលព័ត៌មាននេះថា ចិនពុំបានបញ្ជូនអាវុធកងទ័ពទៅឱ្យកម្ពុជាធ្វើសង្គ្រាមជាមួយថៃឡើយ ។ តាំងពីមានជម្លោះព្រំដែនរវាងកម្ពុជា-ថៃ ក្នុងឋានៈចិនជាមិត្តរបស់ប្រទេសទាំងពីរ ចិនព្យាយាមធ្វើឱ្យស្ថានការណ៍ធូរស្រាលវិញ ចិនពុំបានបញ្ជូនអាវុធណាមួយឱ្យកម្ពុជាធ្វើសង្គ្រាមជាមួយថៃទេ ។ រីឯអាវុធរបស់ចិននៅកម្ពុជាបច្ចុប្បន្ន គឺបានពីគម្រោងសហប្រតិបត្តិការរវាងកម្ពុជា-ចិន កន្លងមក ។

ចិនពុំទទួលបានផលប្រយោជន៍ផ្ទាល់ខ្លួនពីជម្លោះព្រំដែនកម្ពុជា-ថៃ ប៉ុន្តែចិនគាំទ្រឱ្យសមាជិកអាស៊ានជំរុញការដោះស្រាយជម្លោះតាមវិធីរបស់អាស៊ាន ។ ចិនរីករាយក្នុងការរក្សាទំនាក់ទំនងយ៉ាងជិតស្និទ្ធជាមួយកម្ពុជា ថៃ ម៉ាឡេស៊ី និងប្រទេសផ្សេងៗក្នុងតំបន់ ចិនដើរតួនាទីជំរុញបទឈប់បាញ់ប្រកបដោយនិរន្តរភាព និងស្តារសន្តិភាពនៅតំបន់ព្រំដែន ៕

ប្រទេសថៃ ៖ ក្រោយពីស្តេច និងរដ្ឋាភិបាលថៃប្រគល់អំណាចពេញលេញឱ្យកងទ័ពធ្វើសកម្មភាពឈ្លានពានតាមអំពើចិត្តនៅតំបន់ព្រំដែនកម្ពុជា-ថៃ ក្រោមហេតុផលកម្ពុជាល្មើសអធិបតេយ្យ កងទ័ពថៃក៏បិទព្រំដែនជាមួយកម្ពុជាកាលពីចុងខែមិថុនា ឆ្នាំ២០២៥ ជាឯកតោភាគី ។ ក្រុមជ្រុលនិយមថៃដែលតែងតែញុះញង់តាមបណ្តាញសង្គម ព្យាយាមផ្សាយព័ត៌មានបំភ្លៃការពិតបានជំរុញឱ្យកងទ័ពបិទព្រំដែនជារៀងរហូត ដើម្បីឱ្យពលរដ្ឋកម្ពុជាអត់ឃ្លានដោយសារគ្មានការនាំចូលចំណីអាហារ និងទំនិញថៃ ប៉ុន្តែបែរជាធ្វើឱ្យពលរដ្ឋថៃអត់ឃ្លាន ដាច់ពោះស្លា.ប់ទៅវិញក្រោយពីគ្មានចំណូលសោះ ។

សង្គ្រាម៥ថ្ងៃរវាងកម្ពុជា-ថៃ គឺកើតឡើងដោយសារកងទ័ពថៃបាញ់រំលោភចូលទឹកដីកម្ពុជា ខណៈកម្ពុជាប្រើប្រាស់សិទ្ធិការពារខ្លួន ។ កងទ័ពឈ្លានពានថៃបានប្រើប្រាស់យន្តហោះចម្បាំង Gripen, F-16 ទម្លាក់គ្រាប់បែកលើមូលដ្ឋានកងទ័ពកម្ពុជា និងពលរដ្ឋស្លូតត្រង់ ថែមទាំងប្រើប្រាស់ផ្សែងពុល គ្រាប់បែកចង្កោម និងអាវុធគ្រប់ប្រភេទ ប៉ុន្តែផ្សាយព័ត៌មានបំភ្លៃប្រាប់ពិភពលោក ថាខ្លួនរងគ្រោះ និងត្រូវការសន្តិភាព ដើម្បីឱ្យពិភពលោកទទួលស្គាល់កម្ពុជាឈ្លានពាន ។ ការកុហករបស់ថៃគ្មានប្រយោជន៍ឡើយ ព្រោះពិភពលោកមិនជឿថា ប្រទេសតូចទៅឈ្លានពានប្រទេសធំដែលមានអាវុធទំនើបៗ និងពលរដ្ឋច្រើនជាងនោះទេ ។

រហូតមកដល់ខែតុលា រដ្ឋាភិបាល និងកងទ័ពថៃសម្រេចបិទព្រំដែនបន្តទៀតដើម្បីដាក់សម្ពាធសេដ្ឋកិច្ចកម្ពុជា ដោយសារយល់ថា កម្ពុជាពឹងផ្អែកលើថៃទាំងស្រុងតាមរយៈការនាំចូលចំណីអាហារ និងទំនិញ ។ ដូចគ្នានេះ ពលរដ្ឋថៃជ្រុលនិយមគាំទ្រឱ្យបិទព្រំដែនកាន់តែយូរ ថែមទាំងធ្វើរបងការពារការឆ្លងដែនខុសច្បាប់ ប៉ុន្តែតាំងពីបិទព្រំដែនមក គឺពលរដ្ឋថៃខ្លួនឯងរងផលប៉ះពាល់ខ្លាំងទៅវិញ ជាពិសេស អ្នកនៅព្រំដែនដែលពឹងផ្អែកលើចំណូលពីការលក់ដូរអាហារឱ្យភ្ញៀវទេសចរខ្មែរ ។

តាមការចុះផ្សាយរបស់សារព័ត៌មាន Khaosod កាលពីថ្ងៃទី៨ ខែតុលា ឆ្នាំ២០២៥ គឺអាជីវករថៃនៅព្រំដែនអង្វរឱ្យកងទ័ពចាត់ការរឿងព្រំដែនឱ្យចប់ឆាប់ៗ ព្រោះមិនចង់ដាច់ពោះស្លាប់ដោយសារគ្មានភ្ញៀវទេសចរខ្មែរទិញទំនិញ ។ ការបិទព្រំដែនធ្វើឱ្យខ្លួន និងអាជីវករផ្សេងទៀតបាត់ចំណូលរហូតដល់៩០% ត្រូវគេរឹបអូសរថយន្តដោយសារគ្មានលុយបង់រំលស់ ដោយអាជីវកររូបនេះចោទប្រកាន់កម្ពុជាល្មើសអធិបតេយ្យ និងទាមទារឱ្យធ្វើរបងព្រំដែនកុំឱ្យជម្លោះអូសបន្លាយពេលយូរ ។

ទីតាំងលក់សាច់ជ្រូក និងសាច់គោស្រស់-ក្រៀមនៅឃុំខូកតាខៀន ស្រុកកាបឈើ ខេត្តសុរិន្ទ មានសភាពស្ងប់ស្ងាត់យ៉ាងខ្លាំងក្រោយពីកងទ័ពថៃបិទព្រំដែនជាឯកតោភាគីរយៈពេលជាង៣ខែ ។ មុនពេលជម្លោះព្រំដែនកម្ពុជា-ថៃ អតិថិជនដែលមកទិញសាច់ជ្រូក និងសាច់គោភាគច្រើន គឺជាអតិថិជនខ្មែរដែលទៅលេងប្រទេសថៃ ដែលធ្វើឱ្យអាជីវករថៃទទួលបានចំណូលខ្ពស់ពីការលក់ដូរយកប្រាក់បង់រំលោះរថយន្ត ប៉ុន្តែជម្លោះព្រំដែនធ្វើឱ្យបាត់បង់អតិថិជនខ្មែរ និងត្រូវរឹបអូសរថយន្ត ។

អាជីវករថៃលក់សាច់ស្រស់ និងស្រាច់ក្រៀម អ្នកស្រី សុផាន់សា និយាយថា ការលក់ធ្លាក់ចុះរហូតដល់៩០% ដោយសារអតិថិជនភាគច្រើនមកពីកម្ពុជាដែលមកលេង និងព្យាបាលជំងឺនៅខេត្តសុរិន្ទ ។ អតិថិជនកម្ពុជាម្នាក់ៗទិញសាច់ជាច្រើនគីឡូ ហើយក្នុង១ថ្ងៃ ខ្លួនរកចំណូលបានជាង២ម៉ឺនបាត (ឬជាង៦០០ដុល្លារ) ប៉ុន្តែបច្ចុប្បន្ន ចំណូលធ្លាក់មកត្រឹម១ពាន់បាតប៉ុណ្ណោះបានពីការលក់ឱ្យជនជាតិថៃដូចគ្នា ។

អាជីវកររូបនេះពុំទុកចិត្តស្ថានការណ៍ព្រំដែន និងបារម្ភអាចមានការប៉ះទង្គិចនៅថ្ងៃទី១០ ខែតុលា បើជម្លោះនៅតែអូសបន្លាយបែបនេះ អាជីវករលំបាកណាស់ ព្រោះត្រូវចំណាយផ្សេងៗ និងសងបំណុលរាល់ខែ ។ ដូច្នេះ ចង់ឱ្យកងទ័ពចាត់ការរឿងព្រំដែនឱ្យចប់ឆាប់ៗដើម្បីឱ្យអតិថិជនខ្មែរមកទិញសាច់ដូចមុន ។ ក្រៅពីនេះ គាំទ្រឱ្យកងទ័ពធ្វើរបងព្រំដែនកុំឱ្យសង្គ្រាមអូសបន្លាយដល់ក្មេងជំនាន់ក្រោយ ៕