តារាចម្រៀងរ៉េប ហ្សេដេស បានបង្ហាញជាសាធារណៈក្រោយពីច្រៀងមិនបានលុយត្រូវតាមទារជាច្រើនដង។ មិនត្រឹមតែ ហ្សេដេស ប៉ុណ្ណោះទេដែលជួបប្រទះបញ្ហានេះតារាចម្រៀង រ៉េដឃីង គឺបានជួបនឹងបញ្ហានេះដូចគ្នា។
នៅយប់ថ្ងៃទី១៨ ខែវិច្ឆិកា ម្ចាស់បទ «ក្រឡុក» បានបង្ហោះសំណេរថា «ច្រៀងតាំងពីថ្ងៃ៣១ ខែ១០ ដល់ថ្ងៃទី១៨ ខែ១១ ហើយ… ឯណាលុយការងារខ្ញុំ ??? Artist ដូចខ្ញុំតូចតាចពេកមែន បានអត់ខ្វល់ពីខ្ញុំសោះ»។ អស់ការអត់ធ្មត់ទើបចេញមកបង្ហោះសារជាសាធារណៈ បែបនេះ ហ្សេដេស បានបង្ហាញថារូបគេហត់នឹងតាមសួរ ព្រោះសួរចង់១០០០ដងហើយ។.png)
មិនត្រឹមតែ ហ្សេដេស ប៉ុណ្ណោះទេដែលធ្វើការឱ្យគេហើយប៉ុន្តែមិនទាន់បានលុយតារាចម្រៀង រ៉េដឃីង ម្ចាស់បទ «កុំអោយខ្ញុំដើរផ្លូវចាស់» ក៏ជួបនឹងបញ្ហានេះដូចគ្នា។ រ៉េដឃីង បានចែករំលែកការបង្ហោះរបស់ ហ្សេដេស ដោយភ្ជាប់ជាមួយនឹងសម្តីថា «រឿងខ្ញុំ ជិត ២០០០$ តាំង២០២៤ ដល់ឥឡូវ»។
មិនត្រឹមតែសិល្បករទាំងពីររូបប៉ុណ្ណោះទេដែលធ្វើការហើយមិនទាន់មានការទូទាត់កម្រៃ ប៉ុន្តែសិល្បករមួយចំនួនក៏បានជួបនឹងបញ្ហានេះដូចគ្នាសូម្បីតែតារារ៉េប GMENGz ក៏ធ្លាប់បង្ហើបរឿងគេមិនឱ្យលុយដូចគ្នា៕
