ក្រោយឆ្លៀតឱកាសជាន់ពន្លិចកម្ពុជាយ៉ាងចាស់ដៃ ករណីនិស្សិតកូរ៉េខាងត្បូងត្រូវបានគេចាប់ជំរិត និងស្លា.ប់នៅកម្ពុជា ពេលនេះឈ្មោះរបស់ថៃខ្លួនឯងផ្ទាល់ រួមទាំងប្រទេសមីយ៉ាផងដែរនោះ កំពុងស្ថិតនៅលើចំណងជើងធំៗរបស់សារព័ត៌មានកូរ៉េ ថាជាមជ្ឈមណ្ឌលជួ.ញដូរមនុស្ស និងឆបោ.កតាមអុីនធើណេតដ៏ធំបំផុតនៅអាសុីអាគ្នេយ៍ បន្ទាប់ពីការស្លា.ប់របស់តារាចម្រៀងបេឡារុស្សម្នាក់ត្រូវបានផ្សព្វផ្សាយ។

យោងតាមព័ត៌មានដែលត្រូវបានចុះផ្សាយដោយទូរទស្សន៍ SBS របស់កូរ៉េកាលពីថ្ងៃសុក្រសប្ដាហិ៍មុនបានឲ្យដឹងថា ករណីឧក្រិដ្ឋកម្មផ្តោតលើជនជាតិកូរ៉េកំពុងកើនឡើង ខណៈមនុស្សប្រហែល 53,000នាក់ ត្រូវបានចាប់ខ្លួន និងបាត់ការទាក់ទងនៅក្នុងប្រទេសថៃ និងមីយ៉ាន់ម៉ា។ តើនេះគឺជាការជួ.ញដូរមនុស្សដ៏ធំមួយមែនទេ?

ចំណែកសារព័ត៌មាន Yonhap បានផ្សាយថា ជនជាតិកូរ៉េមួយចំនួនដែលបាត់ខ្លួន ក្រោយពួកគេត្រូវបានណែនាំឲ្យទៅធ្វើការនៅតំបន់អាសុី។ របាយការណ៍ជាច្រើនបានបង្ហាញថា ពួកគេត្រូវបានគេបង្ខាំងទុក និងបង្ខំឱ្យធ្វើការនៅផ្នែក call center ដើម្បីធ្វើការបោ.កប្រាស់តាមប្រព័ន្ធអ៊ីនធឺណិតនៅមីយ៉ាន់ម៉ា និងថៃ។ ជនរងគ្រោះដែលត្រូវបានគេជួយសង្គ្រោះបាននិយាយថា លិខិតឆ្លងដែន និងទូរស័ព្ទរបស់ពួកគេត្រូវបានរឹបអូស ហើយពួកគេត្រូវបានគេធ្វើទារុ.ណកម្ម។

ករណីដ៏កក្រើកមួយដែលទើបបែ.កធ្លាយនៅក្នុងពេលថ្មីៗនេះ ពាក់ព័ន្ធនឹងតារាស្រីម្នាក់ សញ្ជាតិបេឡារុស្ស វ័យ ២៦ឆ្នាំ ត្រូវបានគេបោ.កបញ្ឆោ.តឲ្យមកធ្វើការដើរម៉ូតនៅមីយ៉ាន់ម៉ាដែលជាកន្លែងនាងបានបា.ត់ខ្លួន និងបន្ទាប់មកត្រូវបានគេរកឃើញសា.កស.ពនៅក្នុងប្រទេសថៃ ជាមួយសភាពដ៏គួរឲ្យតុកស្លុ.តជាទីបំផុត ដោយអវយវៈជាច្រើនក្នុងរាងកាយត្រូវបានបាត់បង់ ក្រោយក្រុមឧក្រិដ្ឋជនបានវះយកចេញដើម្បីយកទៅលក់នៅទីផ្សារងងឹត។

គួរបញ្ជាក់ថា អាជ្ញាធរក្នុងប្រទេសកូរ៉េ ថៃ និងមីយ៉ាន់ម៉ា មិនបានបញ្ចេញស្ថិតិដែលត្រូវគ្នានោះទេ ដោយបង្ហាញថាចំនួនទំនងជាមានប្រភពចេញពីប្រព័ន្ធផ្សព្វផ្សាយសង្គមរៀងៗខ្លួន ជាជាងប្រភពដែលមានការផ្ទៀងផ្ទាត់ត្រឹមត្រូវរួមគ្នា។

យ៉ាងណាក៏ដោយ រដ្ឋាភិបាលកូរ៉េខាងត្បូង និងប្រទេសមួយចំនួនកំពុងជំរុញឱ្យពលរដ្ឋខ្លួនជៀសវាងធ្វើដំណើរមិនថាការកម្សាន្ត ឬធ្វើការទៅកាន់តំបន់ដែលមានហានិភ័យមួយចំនួន ខណៈអាជ្ញាធររវាងប្រទេសនិងប្រទេសដែលជាប់ពាក់ព័ន្ធនឹងករណីទាំងនេះ កំពុងសហការគ្នាធ្វើការយ៉ាងជិតស្និត ដើម្បីកំណត់ទីតាំងដែលជាមជ្ឈមណ្ឌលជួ.ញដូរមនុស្ស បោសសម្អាតឧក្រិដ្ឋជន និងជួយសង្គ្រោះជនរងគ្រោះ៕

ប្រទេសថៃ ៖ ក្រោយពីនាយករដ្ឋមន្ត្រីកូរ៉េខាងត្បូងអះអាងមានអ្នកនយោបាយថៃចំនួន៧រូបជាប់ពាក់ព័ន្ធនឹងបណ្តាញឆបោ.កតាមប្រព័ន្ធបច្ចេកវិទ្យានៅកម្ពុជា អ្នកនាំពាក្យរដ្ឋាភិបាលថៃបានបដិសេធព័ត៌មាននេះ និងថាក្រសួងការបរទេសថៃត្រួតពិនិត្យរួចហើយ គឺគ្មានប្រភពព័ត៌មាននៅកូរ៉េខាងត្បូងទេ ។ តាមការបង្ហោះសាររបស់ស្ថានទូតកូរ៉េប្រចាំប្រទេសថៃ ព័ត៌មានដែលចុះផ្សាយនៅថ្ងៃទី១៩ ខែតុលា ឆ្នាំ២០២៥ ថា នាយករដ្ឋមន្ត្រីកូរ៉េខាងត្បូងនិយាយពីអ្នកនយោបាយថៃ៧រូបពាក់ព័ន្ធបណ្តាញឆបោ.កតាមប្រព័ន្ធបច្ចេកវិទ្យានៅកម្ពុជានោះ ជាព័ត៌មានមិនពិត ។

កាលពីថ្ងៃទី១៩ ខែតុលា ឆ្នាំ២០២៥ លោក ស៊ិរិផុង អាំងសាគុនកៀត អ្នកនាំពាក្យរដ្ឋាភិបាលថៃបាននិយាយពីសារព័ត៌មានមួយចំនួនចុះផ្សាយដោយយោងតាមលោកនាយករដ្ឋមន្ត្រីកូរ៉េខាងត្បូងលើកឡើងពីអ្នកនយោបាយថៃ៧រូបពាក់ព័ន្ធនឹងបណ្តាញឆបោកតាមប្រព័ន្ធបច្ចេកវិទ្យានៅកម្ពុជា ថាក្រសួងការបរទេសថៃ និងស្ថានទូតថៃប្រចាំទីក្រុងសេអ៊ូលបញ្ជាក់ថា ព័ត៌មាននេះមិនពិតឡើយ និងគ្មានប្រភពច្បាស់លាស់បញ្ជាក់ពីនាយករដ្ឋមន្ត្រីកូរ៉េខាងត្បូងនិយាយបែបនេះ ។

តាមអ្នកនាំពាក្យរដ្ឋាភិបាលថៃ គឺស្ថានទូតកូរ៉េខាងត្បូងប្រចាំប្រទេសថៃ ក៏បានប្រកាសច្បាស់លាស់ជាផ្លូវការហើយដែរចំពោះសារព័ត៌មានចុះផ្សាយថ្ងៃទី១៩ ខែតុលា ថា នាយករដ្ឋមន្ត្រីកូរ៉េខាងត្បូងនិយាយពីអ្នកនយោបាយថៃ៧រូបពាក់ព័ន្ធនឹងបណ្តាញឆបោកតាមប្រព័ន្ធបច្ចេកវិទ្យានៅកម្ពុជា ជាព័ត៌មានក្លែងក្លាយ ។ អ្នកនាំពាក្យរដ្ឋាភិបាលថៃបញ្ជាក់ថា រដ្ឋាភិបាលកូរ៉េខាងត្បូងនឹងចាត់វិធានការចំពោះការផ្សាយព័ត៌មាននេះដើម្បីការពារការផ្សាយព័ត៌មានត្រឹមត្រូវ និងការពារកិត្តិយសរបស់បុគ្គលទាំងឡាយដែលរងការចោទប្រកាន់ ។

រដ្ឋាភិបាល និងនាយករដ្ឋមន្ត្រីថៃ លោក អនុថីន ឆាន់វីរៈគូន ផ្តោតសំខាន់លើការបង្ក្រាបការឆបោកតាមប្រព័ន្ធបច្ចេកវិទ្យា និងឧក្រិដ្ឋកម្មឆ្លងដែនគ្រប់ប្រភេទ ដោយលោក អនុថីន បាននិយាយនៅចំពោះមុខរដ្ឋសភាថា វាជាគោលនយោបាយ១ ក្នុងចំណោម៤ ដែលរដ្ឋាភិបាលត្រូវដោះស្រាយជាបន្ទាន់ ព្រមទាំងចាត់វិធានការតាមច្បាប់លើបុគ្គលគ្រប់រូបដែលពាក់ព័ន្ធនឹងបទល្មើស ។

ចំណែកលោក អនុថីន នាយករដ្ឋមន្ត្រីថៃនិយាយថា បានបញ្ជាឱ្យក្រសួងការបរទេសត្រួតពិនិត្យក្រោយការចុះផ្សាយពីអ្នកនយោបាយថៃ៧រូបពាក់ព័ន្ធនឹងការឆបោកតាមប្រព័ន្ធបច្ចេកវិទ្យានៅកម្ពុជា បើមានឈ្មោះអ្នកនយោបាយថៃពាក់ព័ន្ធ ឬមានភស្តុតាង នឹងចាត់វិធានការដាក់ទោសតាមច្បាប់ គ្មានលើកឡើងបុគ្គលណាម្នាក់ ។ ការឆបោកតាមប្រព័ន្ធបច្ចេកវិទ្យា គឺជាបញ្ហាក្នុងតំបន់អាស៊ាន ឬបញ្ហារបស់ពិភពលោក ។ ប្រទេសថៃត្រូវចូលរួមចំណែកដោះស្រាយ និងបង្ក្រាបការឆបោកគ្រប់រូបភាព កន្លងមក ថៃបានកាច់ផ្តាច់ចរន្តអគ្គិសនី និងសេវាអ៊ីនធើរណេតនៅព្រំដែនជាប់កម្ពុជាដើម្បីបង្ក្រាបបទល្មើសឆ្លងដែន ។

គួរបញ្ជាក់ថា ឧក្រិដ្ឋជននៃអំពើឆបោកតាមប្រព័ន្ធបច្ចេកវិទ្យាមានខ្សែបណ្ដាញធ្វើសកម្មភាពទូលំទូលាយចេញពីគ្រប់ទីកន្លែង និងបណ្ដាលឱ្យមានជនរងគ្រោះស្ទើរគ្រប់ប្រទេស ដែលទាមទារជាចាំបាច់នូវកិច្ចសហប្រតិបត្តិការដោះស្រាយទ្វេភាគី ឬជាសកល ។ ការឆបោកអនឡាញ មិនមែនកើតឡើងតែនៅកម្ពុជាមួយទេ វាបានកើតឡើងនៅថៃ មីយ៉ាន់ម៉ា និងប្រទេសនានាក្នុងតំបន់អាស៊ាន ដែលជាបទល្មើសរួមរបស់មនុស្សជាតិ តម្រូវឱ្យប្រទេសនីមួយៗចាំបាច់សហការគ្នាប្រយុទ្ធប្រឆាំងបទល្មើស ។ រាជរដ្ឋាភិបាលកម្ពុជាមានឆន្ទៈបង្ការ ទប់ស្កាត់ និងបង្ក្រាបបទល្មើសឆ្លងដែនគ្រប់ប្រភេទ ដែលជាបទល្មើសរួមរបស់មនុស្សជាតិ ៕

គ្រាន់តែហៅប្រជុំពិភាក្សា និងចុះកិច្ចព្រមព្រៀងដើម្បីសន្តិភាពសោះ នាយករដ្ឋមន្រ្តីថៃបែរជាប្រឹងសម្ដែងធ្វើជាតួឯកដើម្បីទាក់ទាញទំនុកចិត្តរបស់ពលរដ្ឋខ្លួន ដោយធ្វើការអះអាងថា លោកសន្យានឹងការពារទឹកដីថៃឲ្យខាងតែបាន មិនឲ្យប្រទេសជិតខាងណាមួយកេងចំណេញផលប្រយោជន៍ពីថៃសូម្បីបន្តិចណាមួយឡើយ ទាំងដែលគ្មានប្រទេសជិតខាងណាមួយចង់បានអ្វីដែលជារបស់ថៃទាល់តែសោះ។

យោងតាមការចុះផ្សាយរបស់សារព័ត៌មាន The Nation បានឲ្យដឹងនៅថ្ងៃទី19 ខែតុលានេះថា នាយករដ្ឋមន្ត្រីថៃ លោក Anutin Charnvirakul បានប្រកាសថា រដ្ឋាភិបាលរបស់លោកនឹងការពារអធិបតេយ្យភាពរបស់ប្រទេសថៃយ៉ាងរឹងមាំចំពេលមានភាពតានតឹងកើនឡើងជាមួយប្រទេសជិតខាងកម្ពុជា។ លោកបានទទូចថា ប្រទេសថៃនឹងមិនអនុញ្ញាតឱ្យខ្លួនឯងត្រូវបានគេកេងប្រវ័ញ្ចក្នុងជម្លោះព្រំដែនដែលកំពុងបន្តនេះជាដាច់ខាត។

ថ្លែងនៅក្នុងសិក្ខាសាលាដែលរៀបចំឡើងដោយក្រុមប្រឹក្សាវេជ្ជសាស្រ្ដថៃ និងវិទ្យាស្ថាន Mahitala Dhibesra ក្នុងទីក្រុងបាងកក លោក Anutin ដែលកាន់តំណែងរដ្ឋមន្ត្រីក្រសួងមហាផ្ទៃផងដែរនោះ បានអត្ថាធិប្បាយអំពីស្ថានភាពវិវត្តន៍នៅព្រំដែនកម្ពុជា-ថៃ ដោយបញ្ជាក់ថា «រដ្ឋាភិបាលនឹងមិនទុកឲ្យប្រទេសយើងត្រូវបានប្រទេសជិតខាង ឬប្រទេសណាមួយយកចំណេញនោះទេ»។ លោកបានបន្ថែមថា ភារកិច្ចចម្បងមួយរបស់រដ្ឋបាលរបស់លោកគឺការការពារផលប្រយោជន៍ជាតិ។

លោក Anutin បានប្រកាសបន្ថែមទៀតថា អាជ្ញាធរថៃនឹងមិនបើកព្រំដែនជាមួយកម្ពុជាឡើងវិញទេ រហូតទាល់តែការគំរាមកំហែងពីភាគីកម្ពុជាត្រូវបានបញ្ឈប់។ ចំណែកការឆ្លងដែនខុសច្បាប់ចូលមកក្នុងទឹកដីថៃរបស់ពលរដ្ឋកម្ពុជា នាយករដ្ឋមន្រ្តីថៃរូបនេះបានព្រ.មានថា នឹងមានការនិរទេសចេញវិញជាបន្ទាន់ភ្លាមៗ មិនអនុញ្ញាតឲ្យចូលប្រទេសថៃផ្ដេសផ្ដាសតាមអំពើចិត្តឡើយ។

គួរបញ្ជាក់ថា កិច្ចប្រជុំកំពូលអាស៊ាន ដែលគ្រោងនឹងរៀបចំនៅថ្ងៃទី26 ទៅទី28 ខែតុលាខាងមុខ នៅប្រទេសម៉ាឡេសុី ត្រូវបានគេរំពឹងថានឹងក្លាយជាឱកាសដ៏ល្អមួយផងដែរសម្រាប់កម្ពុជា និងថៃ ធ្វើការចុះហត្ថាលេខាលើកិច្ចព្រមព្រៀងសន្តិភាពរួមគ្នា ដោយមានប្រធានាធិបតីអាមេរិក លោក ដូណាល់ត្រាំ នាយករដ្ឋមន្រ្តីម៉ាឡេសុី និងមេដឹកនាំប្រទេសក្នុងតំបន់ជាច្រើនទៀតចូលរួមធ្វើជាសាក្សី។

បើតាមប្រមុខរាជរដ្ឋាភិបាលកម្ពុជា កិច្ចព្រមព្រៀងនេះ គឺផ្ដោតសំខាន់លើការរៀបចំលក្ខណនិងក្រមប្រតិបត្តិនានា សម្រាប់បង្កើតនិងធានានូវបរិយាកាសអំណោយផល ដើម្បីឈានទៅការបញ្ចប់ជម្លោះនិងស្តារឡើងវិញនូវទំនាក់ទំនងរវាងប្រទេសប្រទេសនិងប្រទេស មិនមាននិយាយអំពីបញ្ហាពាក់ព័ន្ធនឹងទឹកដីឬព្រំដែនរវាងប្រទេសទាំងពីរនោះទេ។

សរុបមក កិច្ចព្រមព្រៀងនេះមិនតម្រូវឲ្យភាគីណាមួយកាត់ចេញ ឬបោះបង់សិទ្ធិលើអធិបតេយ្យភាពរបស់ខ្លួន ដូចការប្រកាសរបស់នាយករដ្ឋមន្រ្តីថៃ ដែលសន្យាថានឹងធានាការពារផលប្រយោជន៍របស់ជាតិមិនឲ្យប្រទេសជិតខាងកេងប្រវ័ញ្ច ទាំងដែលកម្ពុជាមិនដែលចង់បានអ្វីដែលជាកម្មសិទ្ធិថៃសម្បីបន្តិចណាឡើយ៕

ប្រទេសថៃ ៖ នាយករដ្ឋមន្ត្រីថៃ លោក អនុថីន ឆាន់វីរៈគូន បានបញ្ជាក់ជាថ្មីទៅកាន់ពលរដ្ឋរបស់ខ្លួននឹងមិនចាញ់ប្រៀបកម្ពុជារឿងព្រំដែនដាច់ខាត ដោយសំណូមពរឱ្យពលរដ្ឋរក្សាភាពស្ងប់ស្ងាត់ចំពោះជម្លោះព្រំដែនកម្ពុជា-ថៃ ហើយលោកមិនបង្ហាញផែនការប្រយុទ្ធរបស់កងទ័ពជាសាធារណៈទេ ។ ការបញ្ជាក់ជាថ្មីរបស់នាយករដ្ឋមន្ត្រីថៃក្រោយពីពលរដ្ឋមើលឃើញរដ្ឋាភិបាលស្ងប់ស្ងាត់ខ្លាំងគ្មានដំណោះស្រាយអ្វី ក្រៅពីប្រគល់អំណាចពេញលេញឱ្យកងទ័ពសម្រេចចិត្តលើកិច្ចការព្រំដែន ពលរដ្ឋថៃចង់ឱ្យរដ្ឋាភិបាលថ្មីដោះស្រាយបញ្ចប់ជម្លោះព្រំដែនឆាប់ៗ ធ្វើយ៉ាងណា ឱ្យថៃមានប្រៀបលើកម្ពុជា ។

ក្នុងអំឡុងចូលរួមសិក្ខាសាលារបស់ក្រុមប្រឹក្សាវេជ្ជសាស្ត្រកាលពីថ្ងៃទី១៩ ខែតុលា ឆ្នាំ២០២៥ លោក អនុថីន ឆាន់វីរៈគូន នាយករដ្ឋមន្ត្រីថៃ និងរដ្ឋមន្ត្រីក្រសួងមហាផ្ទៃ បាននិយាយពីសង្គមថៃរិះគន់រដ្ឋាភិបាលពាក់ព័ន្ធនឹងការដោះស្រាយជម្លោះព្រំដែនជាមួយកម្ពុជាអូសបន្លាយថា រដ្ឋាភិបាលកំពុងតែចាត់វិធានការយ៉ាងអស់ពីសមត្ថភាព និងមិនព្រមចាញ់ប្រៀបប្រទេសជិតខាងដាច់ខាត ។

នាយករដ្ឋមន្ត្រីថៃបានសំណូមពរឱ្យពលរដ្ឋធ្វើចិត្តឱ្យត្រជាក់ចំពោះដំណោះស្រាយរបស់រដ្ឋាភិបាលលើជម្លោះព្រំដែន ដោយលោកថា សង្គមបានរិះគន់ហេតុអ្វីរដ្ឋាភិបាលស្ងប់ស្ងាត់ខ្លាំង ។ ហេតុនេះ សូមសួរទៅវិញថា បើរដ្ឋាភិបាលមានផែនការធ្វើសង្គ្រាមជាមួយប្រទេសណាមួយ តើអាចបង្ហាញផែនការប្រយុទ្ធជាសាធារណៈដែរឬទេ? រដ្ឋាភិបាលគ្មានថ្ងៃឱ្យថៃចាញ់ប្រៀបប្រទេសជិតខាងដែលមានជម្លោះព្រំដែនដាច់ខាត ថៃត្រូវតែរក្សាផលប្រយោជន៍របស់ខ្លួន ។ បច្ចុប្បន្ន នៅតាមតំបន់ព្រំដែនកម្ពុជា-ថៃគ្មានការបាញ់ចូលទឹកដីថៃ គ្មានការល្មើសអធិបតេយ្យ និងគ្មានការញុះញង់ផ្សេងៗ ពីព្រោះបានជូនដំណឹងទៅកម្ពុជារួចហើយ បើល្មើសអធិបតេយ្យ ថៃនឹងឆ្លើយតបវិញគ្មានបង្អង់ ។ រីឯផែនការប្រយុទ្ធរបស់កងទ័ព គឺរដ្ឋាភិបាលពុំអាចបង្ហាញជាសាធារណៈឡើយ ។

នាយករដ្ឋមន្ត្រីថៃបានធ្វើដំណើរទៅតំបន់ព្រំដែនកម្ពុជា-ថៃ និងស្តាប់យោបល់ពលរដ្ឋ គឺពលរដ្ឋថៃ១០០% ពុំគាំទ្រឱ្យបើកព្រំដែនឡើងវិញទេ ការបើកព្រំដែនលុះត្រាតែថៃមើលឃើញគ្មានការគំរាមកំហែងសន្តិសុខនៅប្រទេសថៃ ។ លោកបានឡើងកាន់តំណែងជានាយករដ្ឋមន្ត្រីក្នុងអំឡុងពេលមានស្ថានការណ៍ជម្លោះព្រំដែនធ្ងន់ធ្ងរ ប៉ុន្តែជឿជាក់ថា វានឹងកន្លងផុតទៅ ដោយចាត់វិធានការសន្សឹមៗល្អជាង ដើម្បីពិចារណាឱ្យបានគ្រប់ជ្រុងជ្រោយមុនពេលសម្រេចចិត្ត ។ លោកសន្យាមិនធ្វើឱ្យថៃខូចកេរ្តិ៍ឈ្មោះ ឬកិតិ្តយស និងបាត់បង់អធិបតេយ្យដាច់ខាត សូមពលរដ្ឋមានទំនុកចិត្តលើរដ្ឋាភិបាល ។

ពេលនេះ ពលរដ្ឋសួរថា ហេតុអ្វីរដ្ឋាភិបាលស្ងប់ស្ងាត់ខ្លាំងរឿងជម្លោះព្រំដែនកម្ពុជា-ថៃ គឺលោកចង់បញ្ជាក់ថា ការធ្វើអ្វីមួយ ឬត្រូវប្រាប់ជាសាធារណៈពីគម្រោងចរចារបស់រដ្ឋាភិបាលថៃ គឺនឹងធ្វើឱ្យប្រទេសជិតខាងដឹង ហើយរៀបចំគម្រោងឆ្លើយតប ។ ពលរដ្ឋដឹងតែម្យ៉ាងទៅ គឺរដ្ឋាភិបាលមិនចាញ់ប្រៀបប្រទេសជិតខាងទេ ។ នេះបើតាមការលើកឡើងរបស់លោក អនុថីន ។

គួរបញ្ជាក់ថា ពលរដ្ឋថៃជំរុញឱ្យរដ្ឋាភិបាលខ្លួនដោះស្រាយបញ្ចប់ជម្លោះព្រំដែនឆាប់ៗ និងទាមទាររដ្ឋាភិបាលដាក់សម្ពាធកម្ពុជាបណ្តេញពលរដ្ឋខ្មែរចេញពីភូមិជោគជ័យ និងភូមិព្រៃចាន់ ដែលថៃចោទប្រកាន់ពលរដ្ឋខ្មែររស់នៅរយៈពេលជាង៤០ឆ្នាំ ។ លោក អនុថីន បានកំណត់លក្ខខណ្ឌចំនួន៤សម្រាប់កម្ពុជា រួមមាន ៖ ១-ការដកអាវុធធុនធ្ងន់ចេញពីព្រំដែន ២-ការដោះមីន ៣-ការបង្ក្រាបឧក្រិដ្ឋកម្មឆ្លងដែន និង៤-ការគ្រប់គ្រងតំបន់ព្រំដែន ទើបថៃយល់ព្រមចុះហត្ថលេខាសន្តិភាពនៅម៉ាឡេស៊ី ។

នាយករដ្ឋមន្ត្រីថៃថ្មីមានគោលជំហរមិនខុសពីនាយករដ្ឋមន្ត្រីចាស់ គឺប្រគល់អំណាចពេញលេញនិងបើកដៃឱ្យកងទ័ពសម្រេចចិត្តរឿងព្រំដែន នាយករដ្ឋមន្ត្រីចាំតែគាំទ្រគាំទ្រកងទ័ពគ្រប់រឿង ។ ពេលឡើងកាន់តំណែងថ្មីៗ លោក អនុថីន និយាយថា នឹងដោះស្រាយជម្លោះព្រំដែនឆាប់ៗ មិនបណ្តោយឱ្យថៃមានជម្លោះជាមួយប្រទេសជិតខាងអូសបន្លាយ ក្រោយមក លោកមានគម្រោងបើកព្រំដែនកម្ពុជា-ថៃមួយចំនួនដើម្បីសម្រួលដល់ការដឹកទំនិញឆ្លងដែន ប៉ុន្តែក៏លុបចោលគម្រោងវិញដោយសារពលរដ្ឋប្រឆាំង ៕