ស្តេចថៃ រហ័សនាមស្តេចមហាជួបស៊យ! បើយាងទៅដល់ទីណា គឺស៊យត្រង់ហ្នឹង លើកនេះ ឡាវជួបព្យុះទឹកកកដ៏អាក្រក់មិនធ្លាប់មាន កាលពីមុន ចិនឆេះព្រះវិហារបុរាណដែលមានអាយុកាល១៥០០ឆ្នាំ ក្រោយដំណើរទស្សនកិច្ចរបស់ស្តេចថៃ តើស្តេច​ស៊យនេះនឹងទៅនាំស៊យដល់ប្រទេសណាទៀតហ្ន៎?

តើស្តេចថៃនាំមកនូវគ្រោះច.ង្រៃដល់ប្រទេសឡាវឬក៏យ៉ាងណា ពីព្រោះពេលស្តេចថៃ និងព្រះមហាក្សត្រីយាងបំពេញទស្សនកិច្ចនៅឡាវ និងត្រឡប់មកថៃវិញមិនបានប៉ុន្មានថ្ងៃផង ស្រាប់តែកើតគ្រោះធម្មជាតិធ្លាក់ទឹកកកធំៗនៅតំបន់ជាច្រើនក្នុងទីក្រុងវៀងចន្ទន៍កាលពីល្ងាចថ្ងៃទី២២ ខែមីនា ឆ្នាំ២០២៦ បង្កការខូចខាតផ្ទះសម្បែងពលរដ្ឋ វត្តអារ៉ាម អគារពាណិជ្ជកម្ម អគាររដ្ឋ សរុបជិត១០០ខ្នង រួមទាំងខូចខាតរថយន្ត និងម៉ូតូជាច្រើនគ្រឿង ។

ទីក្រុងវៀងចន្ទន៍មិនធ្លាប់កើតគ្រោះធម្មជាតិធ្ងន់ធ្ងរបែបនេះពីមុនទេ ដោយតំបន់ជាច្រើនរបស់ទីក្រុងមានទឹកកកធំៗធ្លាក់បំផ្លាញដំបូលវត្តអារ៉ាម និងដំបូលផ្ទះសម្បែង អគារផ្សេងអស់ជាច្រើនខ្នង ថែមទាំងបណ្តាលឱ្យបែកកញ្ចក់ខាងមុខរបស់រថយន្តជាច្រើនគ្រឿង ។ គ្រោះធម្មជាតិនេះបំផ្លាញទ្រព្យសម្បត្តិអស់ជាច្រើន ដែលធ្វើឱ្យពលរដ្ឋឡាវជាច្រើនស្រែកទ្រហ៊ោយំសោកស្តាយទ្រព្យរបស់ខ្លួន ។

តាមរូបភាព និងវីដេអូផ្សព្វផ្សាយដោយសារព័ត៌មានឡាវ គឺតាំងពីល្ងាចថ្ងៃទី២២ ខែមីនា ខ្យល់ព្យុះលាយឡំជាមួយទឹកភ្លៀងចាប់ផ្តើមបោកបក់មកទីក្រុងវៀងចន្ទន៍ បន្ទាប់មក ក៏មានទឹកកកធំៗ​ធ្លាក់យ៉ាងខ្លាំងបន្ថែមទៀត ដោយទឹកកកមានទំហំធំៗប៉ុនផ្លែក្រូចឆ្មារ និងខ្លះធំជាងនេះ ធ្លាក់លើដំបូលផ្ទះបណ្តាលឱ្យខូចខាតយ៉ាងដំណំ ។ រីឯរថយន្តស្ទើរតែទាំងអស់ដែលកំពុងតែបើកបរនៅតាមផ្លូវប្រញាប់ចូលចត ពីព្រោះកញ្ចក់ផ្នែកខាងមុខបែកខ្ទេចខ្ទី ។

ក្រៅពីទីក្រុងវៀងចន្ទន៍ នៅមានទីក្រុងផ្សេងទៀតក៏រងការខូចខាតដោយសារព្យុះទឹកកកដែរ ដូចជា ៖ ទីក្រុងស៊ីខូតតាបង និងណាសាយថង ។ រហូតមកដល់ព្រឹកថ្ងៃទី២៣ ខែមីនា មន្ត្រីថ្នាក់កណ្តាល និងអាជ្ញាធរមូលដ្ឋានបានចុះមកត្រួតពិនិត្យវាយតម្លៃការខូចខាតទ្រព្យសម្បត្តិដោយសារព្យុះទឹកកកនៅទីក្រុងទាំងនេះ ប៉ុន្តែមិនទាន់មានសេចក្តីរាយការណ៍ពីទំហំការខូចខាតស្មើទឹកប្រាក់ប៉ុន្មាននៅឡើយទេ ។

ទោះជាហេតុការណ៍នេះពុំបណ្តាលឱ្យមនុស្សស្លាប់ ឬរងរបួស ប៉ុន្តែធ្វើឱ្យពលរដ្ឋឡាវសោកស្តាយផ្ទះសម្បែង និងទ្រព្យសម្បត្តិយ៉ាងខ្លាំង ពួកគេប្រាប់ថា តាំងពីកើតមកពុំធ្លាប់ឃើញគ្រោះធម្មជាតិដ៏អាក្រក់បែបនេះទេ ។ ក្នុងបណ្តាញសង្គមឡាវបានចែកចាយរូបភាព និងវីដេអូធ្លាក់ទឹកកកយ៉ាងច្រើនបង្កការភ្ញាក់ផ្អើលពេញប្រទេស អ្វីគួរឱ្យកត់សម្គាល់ជាងនេះ គឺគ្រោះធម្មជាតិកើតឡើងភ្លាមៗ បន្ទាប់ពីដំណើរទស្សនកិច្ចរបស់ស្តេចថៃ និងព្រះមហាក្សត្រីមកប្រទេសឡាវ ។

វាធ្វើឱ្យពលរដ្ឋឡាវមានចម្ងល់ថា ហេតុអ្វីក្រោយស្តេចថៃយាងដល់ទឹកដីឡាវភ្លាម បែរជាមានគ្រោះធម្មជាតិដ៏អាក្រក់ធ្លាក់ទឹកកកធំៗទៅវិញ ពីព្រោះប្រទេសឡាវមិនធ្លាប់ជួបប្រទះបាតុភូតចម្លែកកន្លងមកឡើយ ។ កាលពីមុន ប្រទេសចិនក៏រងគ្រោះធម្មជាតិធ្ងន់ធ្ងរបែបនេះដែរ បន្ទាប់ពីដំណើរទស្សនកិច្ចរបស់ស្តេចថៃ ។

គួរបញ្ជាក់ថា ដំណើរទស្សនកិច្ចរបស់ស្តេចថៃ Maha Vajiralongkorn និងព្រះមហាក្សត្រីកាលពីពេលថ្មីៗនេះ គឺជាព្រឹត្តិការណ៍ប្រវត្តិសាស្ត្រដ៏សំខាន់ ដោយសារជាទស្សនកិច្ចលើកដំបូងរបស់ស្តេចថៃទៅកាន់ប្រទេសឡាវក្នុងរយៈពេល៣២ឆ្នាំ បន្ទាប់ពីទស្សនកិច្ចចុងក្រោយរបស់ព្រះបិតាកាលពីឆ្នាំ១៩៩៤ ក្នុងគោលបំណងរឹតចំណងមិត្តភាព កិច្ចសហប្រតិបត្តិការ និងទំនាក់ទំនងរវាងពលរដ្ឋ និងពលរដ្ឋឱ្យកាន់តែជិតស្និទ្ធបន្ថែមទៀត ៕

នាពេលបច្ចុប្បន្ននេះទីផ្សារច្រៀងតាមផាប់កំពុងពេញនិយមសូម្បីតែតារាល្បីៗកំពូលក៏មកសម្តែងដូចគ្នា។ ទោះយ៉ាងណា តារាចម្រៀង ទីងតុង ស្រាប់តែបានលើកឡើងថាកំពូលតារាចម្រៀងមួយចំនួននៅច្រៀងបទចម្លងសៀមដោយមិនដឹងខ្លួនច្រៀងទាំងមិនខ្មាសអៀនភ្លេចអស់នូវការឈឺចាប់។ ជាមួយនឹងការបញ្ចេញសំណេរនេះអ្នកមួយចំនួនបានស្នើឱ្យតារាចម្រៀងរូបនេះបញ្ចេញឱ្យចំៗឈ្មោះតែម្តងទៅដើម្បីជាការស្ថាបនា។

នៅថ្ងៃទី២៣ ខែមីនា តារាចម្រៀង ទីងតុង ដែលជាសិល្បករមានទេពកោសល្យច្រើនជំនាញនិងជាអតីតបេក្ខជន The Voice Cambodia រដូវកាលទី៣ បានបង្ហោះសំណេរនៅលើបណ្តាញសង្គមថា «កំពូលតារាស្រុកខ្មែរខ្លះ នៅច្រៀងបទចម្លងសៀមទាំងដឹងទាំងឮ ច្រៀងមិនអៀនខ្លួន! ពួកយើងអ្នកភ្លេង អ្នកច្រៀងកណ្តុរកន្លាតនៅពហិការ កំពុងសើចយំពួកបងបងច្រៀងបទចោរធម្មតាក៏មិនអៀនខ្លួនដូចគ្នា! ស្រលាញ់លុយពេក ឬពិតជា ក្រៅពីខ្ចីបទពួកឈាមតិរច្ឆាន គ្មានសមត្ថភាពបង្កើតទស្សនីយភាពទាក់ចិត្តប្រិយមិត្តទេ? »។

នៅពេលឃើញសិល្បករកំពូលបន្តប្រឹងស្រែកច្រៀងបទចម្លងសៀមតារាចម្រៀង ទីងតុង បង្ហាញការឈឺចាប់យ៉ាងខ្លាំង។ លោកបានសរសេរថា «ខ្ញុំយំណាស់! ខូចចិត្តណាស់! ខ្ញុំមិនស្មានថា អ្នកជាអ្នកជេរ ផុសពហិការ ហើយបំពានដោយខ្លួនឯងដដែលអ៊ីចឹងសោះ!

បងៗ អានហើយស្អប់ប្អូនទាបតូចម្នាក់នេះចុះ! យ៉ាងហោចណាស់ ខ្ញុំគប្បីនឹងដូនតា វីរភាពនៃពលិកម្មដើម្បីទឹកដី ជាតិ ប្រាសាទខ្មែរដែលខ្ទេចហ្មត់ជាផង់ល្អិត ដោយសារសៀមឈ្លានពាន។ ខ្ញុំឆ្អែត ហើយមិនចង់ស៊ែរ វីដេអូដ៏គួរឱ្យខ្មាសរបស់បងៗជាខ្មែរសុទ្ធ សម្តែងលើវេទិការមានភ្លើងពណ៌ LED ធំៗ សំលៀកបំពាក់ស្អាតរបស់បងៗទេ។ ខ្ញុំជឿថា បើទស្សនិកជនអ្នកច្រៀងហ៊ោឮៗជាមួយបងតាមផាប់ទាំងនោះ គាត់ជ្រាបថា អ្នកនាំគាត់បំភ្លេចការឈឺចាប់ទាំងគាត់មិនដឹងខ្លួននោះ មិនដឹងជាគាត់ស្អប់ និងហួសចិត្តនឹងអ្នកប៉ុណ្ណាទេ»។

គួរបញ្ជាក់ផងដែរថា ក្រោយមានបញ្ហាជម្លោះព្រំដែនដែលប្រទេសថៃឈ្លានពានខ្មែរ តារាចម្រៀងមួយចំនួនដែលមានបទចម្រៀងទំនុកច្រៀងពីថៃបានប្រកាសថាពួកគេនឹងមិនច្រៀងទៀតនោះទេ ប៉ុន្តែយ៉ាងណាសម្រាប់តារាចម្រៀងដែល ទីងតុង ចង់សម្តៅដល់គេពុំដឹងថាជាកំពូលតារាចម្រៀងរូបណាឡើយ៕

នៅថ្ងៃទី២៣ ខែមីនា ហ្វីយ៉ាតា បានបង្ហោះវីដេអូមួយបង្កឱ្យមានការភ្ញាក់ផ្អើលពេញបណ្តាញសង្គមដោយសារតែក្នុងវីដេអូនោះបានថតជាប់ចៃដន្យពីតារាចម្រៀង ពេជ្រ សូលីកា ដែលមនុស្សជាច្រើនដឹងថាអ្នកទាំងពីរមានបញ្ហានឹងគ្នា។ ទោះយ៉ាងណា រឿងនេះកាន់តែរីកសាយភាយបន្ទាប់ពី ពេជ្រ សូលីកា ចេញមកបង្ហោះសំណេរយ៉ាងក្តៅគគុក។

តារាចម្រៀង ពេជ្រ សូលីកា បានបង្ហោះសំណេរនៅយប់ថ្ងៃទី២៣ ខែមីនា ថា «រឿងខ្លះ អាចអត់ឱនបាន រឿងខ្លះ វាពិតជាមិនអាចបំភ្លេចស្ទើរតែមួយជីវិត ខ្ញុំអត់ចូលចិត្ត attention ទេ»។ តារាចម្រៀងរូបនេះក៏បានបន្ថែមនៅក្នុងខម្មិនដែរថា «ខ្ញុំមិនចូលចិត្តលេងសើចច្រើននឹងរឿងដដែល ចរិតខ្ញុំ មួយៗ ពីរៗ។ ចូលចិត្តលែងសើចច្រើនឱ្យមនុស្សជុំខ្លួនសប្បាយប៉ុន្តែមិនតាប៉ែសាំញ៉ាំច្រើន ការងារគឺច្បាស់ៗ មិនចូលចិត្ត drama ក្នុងសង្គម ជីវិតឯកជនក្រៅកាន់តែសាមញ្ញ កន្លែងណាក៏ទៅបាន សូមមេត្តាកុំចេះលើកដាក់ថ្លឹងថ្លែងជំនួសនាងខ្ញុំ។ នេះចរិតត្រួសៗរបស់ខ្ញុំ ក្រែងល មិនដឹង ទើបមកប្រាប់»។

ការចេញមកបង្ហោះសំណេរយ៉ាងភ្ញាក់ផ្អើលទាំងយប់នេះគេជឿថាដោយសារតែវីដេអូមួយរបស់ ហ្វីយ៉ាតា បានបង្ហោះនៅលើបណ្តាញសង្គមនៅរសៀលថ្ងៃទី២២ តែចៃដន្យអ្វីវីដេអូនោះបានជាប់រូបភាព ពេជ្រ សូលីកា នៅខាងក្រៅបណ្តាលឱ្យអ្នកលេងបណ្តាញសង្គមបញ្ចេញមតិវែកញែកយ៉ាងច្រើន។

មិនត្រឹមតែបង្ហោះសារខាងលើនោះទេតារាចម្រៀង ពេជ្រ សូលីកា ក៏បានបញ្ចេញសំណេរមួយទៀតថា «បើជ្រុលតែអាត្មានិយមហើយ កុំស្ដាយស្រណោះនូវអ្វីដែលធ្លាប់កើតឡើង សំណាងហើយកាលនោះដែលខ្ញុំនិងកូនមិនកើតអី។ ជីវិតខ្ញុំដូចរស់សាជាថ្មីម្ដងទៀតចឹង សន្សំបុណ្យឱ្យច្រើនៗ ទុកសម្រាប់កូនៗ វ័យនេះគឺវ័យសន្សំលុយ រកលុយ កាត់បន្ថាយបញ្ហា រឿងធំទៅជាតូច រឿងតូចទៅជាគ្មានរឿង ស្ដាប់ដោយពិចារណាទៅ កុំសម្ដែង កុំDrama អីទៀត ខ្ញុំហត់និងរកលុយណាស់ គ្មានពេលគិតរឿងមិនបានការទេ ។ចិត្តខ្ញុំជ្រះថ្លាខ្លាំងណាស់ លែងមានគំនុំគំគួនអីមកយូរហើយ ខ្ញុំលែងគិត លែងខ្វល់ លែងមានអារម្មណ៍អ្វីទាំងអស់ ខ្ញុំមិនស្អប់ មិនខឹងទៀតទេ គ្រាន់តែខ្ញុំមិនចង់ពាក់ព័ន្ធបន្ត ស្គាល់ត្រឹមប៉ុណ្ណឹងបានហើយ អ្នកស្គាល់ខ្ញុំក៏ដោយ កុំបាច់ចិត្តល្អចង់ surprised ខ្ញុំរឿងហ្នឹងអី ព្រោះខ្ញុំមិនបានរំភើប ។ អ្នកមិនបាននៅក្នុងហេតុការណ៍ដែលខ្ញុំនិងកូនដែលកំពុងនៅក្នុងពោះខ្ញុំ កំពុងជួបអ្វីខ្លះនោះទេ អ្នកស្ទើរតែលែងឃើញមុខខ្ញុំនិងកូនលើលោកនេះទៅហើយ ខ្ញុំត្រូវការសន្តិភាព»។

ម្ចាស់បទ «ជនទី៣» បន្តទៀតថា «ជីវិតខ្ញុំពេលនេះរស់នៅបានល្អខ្លាំងណាស់ មិនខ្វះមុខខ្វះក្រោយ កូនបានរៀនសូត្រសាលាល្អ ខ្ញុំមិនមែនជាអ្នកមាន ប៉ុន្តែរបស់របរប្រើប្រាស់
បើចង់ហើយ ត្រូវតែមាន ចរិតខ្ញុំលែងសើចច្រើនព្រោះចង់អោយគេសប្បាយ ប៉ុន្តែការងារខ្ញុំមួយៗ ច្បាស់ៗ បើខ្ញុំមិនច្បាស់មិនមែនមានថ្ងៃនេះទេ»៕

តារាចម្រៀង ទេព បូព្រឹក្ស បានចេញវីដេអូផ្ញើពាក្យជូនពរនិងផ្តាំផ្ញើទៅកាន់ប្អូនប្រុសនិងប្អូនថ្លៃដែលបានរៀបការជាមួយឱ្យចេះតែរក្សានិងមើលថែគ្នាទៅវិញទៅមក។ តារាចម្រៀងរូបនេះបានសង្កត់ធ្ងន់ទៅកាន់ប្អូនប្រុសរបស់ខ្លួនត្រូវតែឱ្យប្រពន្ធជាអ្នកទុកដាក់លុយកាក់។

នៅថ្ងៃទី២២ ខែមីនា គឺជាគឺថ្ងៃរៀបការរបស់លោក ទេព និមិត្ត ហៅប្រុសពេជ្រ និង ទេព្ពី ដែលជាអ្នករាំមួយរូប ខណៈកម្មវិធីនេះប្រមូលផ្តុំដោយសិល្បករសិល្បការិនីជាច្រើនរូបចូលរួមក្នុងនោះក៏មានវត្តមានរបស់ ព្រះនាង ចេណ្ណា និងលោកជំទាវ យឹម ឆៃលីន។ ជាមួយនឹងសកម្មភាពដែលប្រព្រឹត្តទៅតាមប្រពៃណីទំនៀមទម្លាប់ខ្មែរក៏ដូចជាពិធីជប់លៀងអមមកជាមួយនឹងការរាំយ៉ាងសប្បាយរីករាយក្នុងពិធីមង្គលការនេះដែរ ទេព បូព្រឹក្ស បានធ្វើវីដេអូមួយជូនទៅកាន់ប្អូនប្រុសនិងប្អូនថ្លៃជាទីស្រលាញ់។

តារាចម្រៀង ទេព បូព្រឹក្ស បាននិយាយថាក្នុងថ្ងៃដ៏ពិសេសនេះក្នុងនាមជាបងស្រីគ្មានអ្វីក្រៅពីជូនពរ និងសប្បាយចិត្តខ្លាំងដែលឃើញប្អូនដើរមកដល់ចំណុចនេះ។ តារាចម្រៀងរូបនេះបានជូនពរ ទេព និមិត្ត ហៅប្រុសពេជ្រ និង ទេព្ពី ឱ្យស្រលាញ់គ្នាដល់ចាស់កោងខ្នង ចេះថែរក្សាគ្នា។ ក្នុងជីវិតជាប្តីប្រពន្ធ ទេព បូព្រឹក្ស បានផ្តាំផ្ញើថាតែងតែមានការអាក់អន់ស្រពន់ចិត្ត ឈ្លោះប្រកែកគ្នាប៉ុន្តែត្រូវតែចេះអន់ឱនឱ្យគ្នា។ តារាចម្រៀងរូបនេះបានសង្កត់ធ្ងន់ទៅកាន់ប្អូនប្រុសរបស់ខ្លួនក្នុងនាមជាស្វាមីត្រូវតែចិត្តឱ្យធ្ងន់ កុំឈ្លោះប្រកែកជាមួយប្រពន្ធ។

ជាមួយគ្នានេះដែរ ទេព បូព្រឹក្ស បានផ្តាំផ្ញើជាដាច់ខាតលុយកាក់ដែលប្អូនប្រុសរកបានត្រូវឱ្យប្រពន្ធជាអ្នកទុកដាក់ ហើយក្នុងនាមជាបងស្រីនាងនៅតែចាំមើលថែ គាំទ្រ ក្រុមគ្រួសារប្អូនរហូតដល់ថ្ងៃអស់ជីវិត។ មិនកាន់ជើងប្អូនប្រុសខ្លួនឯងក្តីប៉ុន្តែ ទេព បូព្រឹក្ស បានបញ្ជាក់ថាប្អូនប្រុសរបស់ខ្លួនគឺជាមនុស្សស្លូតបូតណាស់ដោយកុំឱ្យ ទេព្ពី ធ្វើបាបរូបគេ៕