មិនសូវជាបង្ហោះរូបញឹកញាប់នៅលើទំព័រផ្ទាល់ខ្លួនប៉ុន្តែរាល់ពេលដែល ឡូរីន បង្ហោះពេលណាគឺតែងតែទទួលបានការចាប់អារម្មណ៍ពេលនោះ ជាក់ស្តែងកាលពីពេលថ្មីៗនេះជាដើម។ យ៉ាងណាមិញទន្ទឹមនឹងមានមតិជាច្រើនសរសើរថានាងស្រស់ស្អាតប៉ុន្តែការរិះគន់នៅតែមានចំពោះសង្សារ វណ្ណដា រហូតមានមតិលេចឡើងថាស្លៀកពាក់មិនសមជាសង្សារកំពូលតារា។

នៅរសៀលថ្ងៃទី៧ ខែវិច្ឆិកា ឡូរីន បានបង្ហោះរូបជាច្រើនសន្លឹកនៅលើបណ្តាញសង្គមដោយភ្ជាប់មកជាមួយនឹងចំណងជើងថា « Energy they can’t afford»។ តាមរយៈរូបភាព ឡូរីន បានបញ្ចេញស្ទាយ៍នៅក្នុងរថយន្ត និងពីមុខរថយន្តជាមួយនឹងសំលៀកបំពាក់ពណ៌ខ្មៅនិងសក់ព៌ផ្កាឈូក។ ក្នុងរយៈពេល១៩ម៉ោងរូបភាពរបស់នាងទទួលបានការចុច Like ជាង៣៦០០០នាក់ មានការចែករំលែកជាង២ពាន់នាក់និងការបញ្ចេញមតិលើសពី១០០០នាក់។

អ្នកគាំទ្រ ឡូរីន បានស្ងើចសរសើរពីសម្រស់របស់នាងថាស្រស់ស្អាតនិងហឹរខ្លាំង ប៉ុន្តែអ្នកលេងបណ្តាញសង្គមមួយចំនួនបញ្ចេញមតិរិះគន់ ប៉ុន្តែក៏មានមតិការពារនាងដូចគ្នា។ គណនីបណ្តាញសង្គមមួយបានបញ្ចេញមតិថា «សម្រាប់ វណ្ណដា ខ្ញុំស្រឡាញ់ចូលចិត្តគាត់ណាស់ ប៉ុន្តែសង្សារគាត់ខ្ញុំមើលមិនដែលចូលភ្នែកនឹងការស្លៀកពាក់ ធ្វើខ្លួនអត់សមជាសង្សារកំពូលតារាសោះ»។

គណនីផ្សេងទៀតមានយោបល់ថា «ឱ្យតែជាដៃគូ VD គឺស៊ិចស៊ីទើសគ្នាហ្មងមែន ឃើញមនុស្សមួយចំនួនអ្នកផ្សេងស្លៀកមិនសូវអីទេ សង្សារ វណ្ណដាស្លៀកទើសគ្នារហូត ខ្លះថាគាត់ដូចស្រី Japan ប្រុងឱ្យគេផ្គាប់ចិត្តយើងទាំងចិត្តមិនដូចគ្នា បើកចិត្តឱ្យទូលាយខ្លះទៅការស្លៀកពាក់គាត់តាមពេល ហើយក៏មិនដែលធ្វើរឿងបំពុលសង្គមដែរ»។ អ្នកលេងបណ្តាញសង្គមផ្សេងទៀតលើកឡើងថា «អាណិតគាត់ណាស់ គេទើសរហូត មកពីគាត់ជាសង្សារ VD បើអ្នកខ្លះស្លៀកលេចលើលេចក្រោមជាងនឹងផងគ្មានអ្នកទើសផង អ្នកខ្លះរាំសឹងតែស្រាតតែមកពីមិនល្បីបានគ្មានអ្នកទើស សម្រាប់ខ្ញុំគាត់ស្អាតបើលើសក៏ខ្ញុំថាលើសដែ តែប៉ុណ្ណេះអីគ្មានអ្វីគួរទើសទេ»។

គួរបញ្ជាក់ផងដែរថា ជារឿយៗរាល់ពេលដែល ឡូរីន បង្ហោះរូបស្ថិតក្នុងសំលៀកបំពាក់ស៊ិចស៊ីគឺតែងតែមានការបញ្ចេញមតិវែកញែកជានិច្ច។ ទោះបីជាយ៉ាងណា ឡូរីន ប្រកាន់គោលជំហរធ្វើតាមបេះដូងខ្លួនឯង ហើយក៏មិនបានតបតការរិះគន់ពីអ្នកមួយចំនួនដូចគ្នាទាក់ទងនឹងការស្លៀកពាក់របស់នាង៕

ពេជ្រ វត្តីសារ៉ាវឌ្ឍី និង ល្អហួស បានបង្ហាញការគាំទ្រលើកទឹកចិត្តមកកាន់លោកស្រី មាស ច័ន្ទដាលីន ដែលជាម្ចាស់ប្រ៊េនឡាកាម៉ូ ដែលកំពុងតែមានការឆ្លើយតបគ្នាទៅវិញទៅមកជាមួយនឹង ប៊ី សុធារី។ វត្តី ថាម្ចាស់ប្រ៊េនរូបនេះតែងតែមានទឹកចិត្តល្អខណៈមនុស្សមានសម្ពាធនិងការលំបាកផ្សេងៗគ្នា ចំណែកឯ ល្អហួស ថាលោកស្រី មាស ច័ន្ទដាលីន ជាមនុស្សមានទឹកចិត្តបរិសុទ្ធ។

អ្នកតាមដានបណ្តាញសង្គមអាចជ្រាបមកហើយថា ប៊ី សុធារី និងម្ចាស់ប្រ៊េន ឡាកាម៉ូ បានបង្ហាញចម្ងល់និងបកស្រាយរៀងខ្លួនទាក់ទិនការលក់លាងស្តុកមិនចេះអស់។ ស្របពេលមានការពិភាក្សាអំពីការលក់លាងស្តុកមិនចេះអស់នេះបវរកញ្ញាល្បីឈ្មោះពីររូបគឺ ពេជ្រ វត្តីសារ៉ាវឌ្ឍី លំដាប់រងទី២បវរកញ្ញាចក្រវាលកម្ពុជាឆ្នាំ២០២៥ និង ល្អហួស Miss Preteen Junior Idol World 2024 បានលើកទឹកចិត្តនិងបង្ហាញពីភាពស្មោះត្រង់របស់ម្ចាស់ប្រ៊េនរូបនេះ។

ពេជ្រ វត្តីសារ៉ាវឌ្ឍី បានចែករំលែកនៅលើបណ្តាញសង្គមថា «អ្នកដែលធ្លាប់ប្រើប្រាស់នៅ Brand Lakamo គឺយល់ពីភាពស្មោះត្រង់របស់គាត់ណាស់ គាត់មិនដែលសាងបញ្ហានៅក្នុងសង្គម មានតែទឹកចិត្តល្អហើយក៏មិនដែលប្រោកប្រាស់អ្នកប្រើប្រាស់។ មនុស្សយើងមានសម្ពាធនិងការលំបាកផ្សេងៗគ្នាដូច្នោះក្នុងគ្រានេះការយោគយល់ដល់ភាពលំបាករបស់ជនរួមជាតិតែមួយក៏ជាការរួមចំណែកនៅក្នុងការស្នេហាជាតិដែរ»។

ចំណែក ល្អហួស វិញបានបង្ហោះរូបមួយសម្លឹកជាមួយនឹងលោកស្រី មាស ច័ន្ទដាលីន ដោយភ្ជាប់មកជាមួយនឹងខ្លឹមសារថា «ទោះបីជាមនុស្សមួយចំនួនមើលមកគាត់ថាជាមនុស្សបែបណា សម្រាប់នាងខ្ញុំវិញតែងតែមើលទៅគាត់ជាមនុស្សស្រីម្នាក់ ដែលតែងតែឱ្យតម្លៃទៅលើមនុស្សនៅជុំវិញខ្លួន មនុស្សស្រីមានទឹកចិត្តបរិសុទ្ធ មិនគុំគួនទៅលើនរណាម្នាក់ មានមនោសញ្ចេតនា មានចិត្តមនុស្សធម៌ មានភាពស្មោះត្រង់នៅក្នុងខ្លួន I am always by your side ម៉ាក់មីង Meas Chandalin»៕

ដូចប្រិយមិត្តមួយចំនួនជ្រាបមកហើយថាបវរកញ្ញា ប៊ី សុធារី បានចេញវីដេអូមួយនិយាយអំពីផលិតផលថៃលក់លាងស្តុកមិនចេះអស់ដែលបណ្តាលឱ្យម្ចាស់ប្រ៊េនជាច្រើនរូបឃ្មើសចិត្តនឹងនាង។ ម្ចាស់ប្រ៊េនមួយក្នុងចំណោមនោះគឺប្រ៊េនឡាកាម៉ូរបស់លោកស្រី មាស ច័ន្ទដាលីន បានចេញមកឆ្លើយតបនិងមានបំណងចង់ហៅ ប៊ី សុធារី ឱ្យទៅមើលស្តុកផ្ទាល់។ មិនខ្លាចនឹងការហៅទៅមើលស្តុក ប៊ី សុធារី បានឆ្លើយតបទៅកាន់ម្ចាស់ប្រ៊េន ខណៈបវរកញ្ញាល្បីឈ្មោះរូបនេះថែមទាំងទម្លាយមូលហេតុដែលនាងប្រតិកម្មជាងគេជាងឯងអំពីការផលិតផលិតផលនៅប្រទេសថៃ។

នៅល្ងាចថ្ងៃទី៧ ខែវិច្ឆិកា ប៊ី សុធារី បានចេញវីដេអូមួយដោយភ្ជាប់មកជាមួយនឹងចំណងជើងថា «ប្អូនហ៊ាននិយាយ ប្អូនហ៊ានទទួល ហើយបងហ៊ានហៅ ប្អូនក៏ហ៊ានទៅ»។ នៅក្នុងវីដេអូជាង៣នាទី Runner-up Miss Cosmo Cambodia 2025 បាននិយាយថានាងក៏មិនចង់មានបញ្ហាជាមួយនឹងម្ចាស់ប្រ៊េនឡាកាម៉ូនោះទេប៉ុន្តែបើមានការបើកចិត្តទូលាយហៅនាងទៅមើលផ្ទាល់។ ការចេញវីដេអូរបស់នាងគឺមានការចាប់អារម្មណ៍ច្រើនហើយមនុស្សភាគច្រើនក៏មានចម្ងល់ដូចជានាងដែរចំពោះអីវ៉ាន់ដែលនៅសល់ច្រើន។ ជាមួយគ្នានេះ ប៊ី សុធារី បាននិយាយអំពីសេដ្ឋកិច្ចខ្មែរ-ថៃមុនពេលមានជម្លោះគឺយើងយកលុយឱ្យគេច្រើនទុកទិញអាវុធមកវាយប្រហារយើង។

ប៊ី សុធារី ថានាងនៅតែមានការឈឺចាប់នៅកំឡុងពេលដែលមានសង្គ្រាម៥យប់ដូច្នេះនាងនៅតែប្រកាន់គោលជំហរមិនគាំទ្រផលិតផលដែលផលិតនៅប្រទេសថៃក្រោយពេលដែលមានបញ្ហា។ នាងបន្តទៀតថាបើសិនជាម្ចាស់ប្រ៊េនឡាកាម៉ូស្អាតស្អំបានអញ្ជើញនាងផ្ទាល់ទៅមើលកាលបរិច្ឆេតមែននាងក៏ក្លាហានក្នុងការទៅធ្វើជាសាក្សីមិនមែនសម្រាប់តែខ្លួនឯងតែសម្រាប់ប្រជាជនខ្មែរដែលមានចង្ងល់ដូចជានាង។

ប៊ី សុធារី បានសង្កត់ធ្ងន់ថា កាលបរិច្ឆេតនៅលើប្រអប់អាចមានការផ្លាស់ប្តូរបាន ប៉ុន្តែឯកសារយោងផលិតផលិតផលធ្វើនៅពេលណាគេនឹងចុះនៅពេលនោះ បើសិនម្ចាស់ប្រ៊េនឡាកាម៉ូក្លាហានហ៊ានបញ្ចេញឯកសារយោងនាងក៏ហ៊ានទៅមើលផ្ទាល់ដូចគ្នា។ ប៊ី សុធារី បានបង្ហាញការឈឺចាប់នឹងទង្វើរបស់ប្រទេសថៃមិនចង់ឱ្យប្រជាជនខ្មែររងទុក្ខលំបាកបែបនេះទៀតទេ ហើយនាងក៏បានទម្លាយដែរថា ឪពុកម្តាយបងប្អូននាងគឺសុទ្ធតែជាទាហានអ្នកដែលនៅក្នុងសមរភូមិដូច្នេះហើយទើបនាងឈឺចាប់ខ្លាំង ពេលមានរឿងទើបនាងប្រតិកម្មខ្លាំងជាងគេ៕

តារាចម្រៀងនិងជាពិធីការិនី សុភ័ក្រ កុសុម៉ា បានចូលរួមក្នុងកម្មវិធីមួយដោយបានបកស្រាយចម្រៀងកាលពីនាងនៅក្មេងមានចំណងជើងថា «បេះដូងស្រីខ្មៅ» និងបានលើកឡើងពីអតីតកាលមិនសូវទទួលបានការឱ្យតម្លៃព្រោះតែនាងមានសម្បុរខ្មៅ។ ទោះយ៉ាងណាព្រេងវាសនារបស់ កុសុម៉ា មិនបញ្ឈប់ព្រោះតែមិនមានសម្បុរស្រស់ថ្លាដូចអ្នកដទៃឡើយរហូតមកទល់ពេលនេះនាងបានសាងល្បីល្បាញក្នុងអាជីពសិល្បៈ។

ដូចប្រិយមិត្តមួយចំនួនធំជ្រាបមកហើយថា សុភ័ក្រ កុសុម៉ា បានប្រឡូកអាជីពសិលៈតាំងពីវ័យក្មេងមកម្ល៉េះហើយទម្រាំនឹងមានភាពល្បីល្បាញដូចសព្វថ្ងៃគឺមានការតស៊ូយ៉ាងខ្លាំងជាមួយនឹងម្តាយរបស់ខ្លួន។ នៅក្នុងកិច្ចសម្ភាសន៍ថ្មីៗនេះ កុសុម៉ា ក៏បានទម្លាយពីរឿងឈឺចាប់ខ្លាំងជាងគេនៅក្នុងអាជីពព្រោះតែមានសម្បុរខ្មៅត្រូវបានគេមើលរំលង។

សុភ័ក្រ កុសុម៉ា បានចែករំលែកថា «ជាមនុស្សមានពណ៌សម្បុរសខ្មៅគឺទទួលបានអាទិភាពក្រោយគេកៀនៗ ចំណែកឯអ្នកស្អាតៗនៅកណ្តាល ហើយនាងឈឺចាប់ខ្លាំងជាងគេគឺនៅពេលឡើងប៉ុស្តិ៍កម្មវិធីទូរទស្សន៍មួយតែងខ្លួនហើយមិនដាក់បទឱ្យនាងច្រៀងកាត់បទរបស់ខ្លួនចេញ»។ កុសុម៉ា ថាអ្នកស្បែកខ្មៅមិនទទួលបានការស្រលាញ់ចូលចិត្តសូម្បីតែបទចម្រៀងពេលឡើងប៉ុស្តិ៍អ្នកសទៅមុន អ្នកខ្មៅកាត់ចេញ ជួនកាលតែងខ្លួនហើយមិនបានឡើងច្រៀងទៀត។ ការឈឺចាប់កាលពីក្មេង កុសុម៉ា ថាបានត្រឹមតែតូចចិត្តប៉ុន្តែបានត្រឹមតែតស៊ូឱកាសណាដែលមកល្អ មានព្រេងវាសនាគង់តែជួប។

ពាក្យសម្តីរបស់ សុភ័ក្រ កុសុម៉ា ដែលចែករំលែកមនុស្សស្អាតសម្បុរសតែងមានជម្រើសជាងអ្នកមានសម្បុរខ្មៅ មានមតិភាគច្រើនបានបង្ហាញការគាំទ្រព្រោះរូបសម្រស់ស្រស់ស្អាតគឺមានអាទិភាពមុនស្ទើរតែទាំងស្រុងហើយវាពិបាកនឹងបដិសេធត្រង់ចំណុចនេះ។ យ៉ាងណា ការតស៊ូរបស់ សុភ័ក្រ កុសុម៉ា ទេវតាគឺឃើញនឹងភ្នែកធ្វើឱ្យពិធីការិនីរូបនេះទទួលបានការស្រលាញ់ចូលចិត្តពីមួយថ្ងៃទៅមួយថ្ងៃ៕