ណូលី ថាខ្លួនសំណាងដែលមានថ្នាក់ដឹកនាំរួមសុខទុក្ខជាមួយប្រជាពលរដ្ឋខុសពីថ្នាក់ដឹកនាំថៃ

អ្នកលេងបណ្តាញសង្គមប្រាកដជាជ្រាបមកហើយថា អានុទីន នាយករដ្ឋមន្រ្តីថៃចាំផ្ទះបានច្រៀងរាំសប្បាយស្របពេលឈ្លានពានកម្ពុជាចំណែនឯទាហានខ្លួនឯងចោលឆ្អឹងលើទឹកដីខ្មែរច្រើននាក់មិនសូវខ្វាយខ្វល់។ ក្រោយឃើញទង្វើរបស់ អានុទីន តារាចម្រៀង ណូលី ថាខ្លួនលោកសំណាងណាស់ដែលមានថ្នាក់ដឹកនាំរួមសុខទុក្ខជាមួយប្រជាពលរដ្ឋ។

កាលពីរសៀលថ្ងៃទី១៤ ខែធ្នូ អ្នកលេងបណ្តាញសង្គមសម្តែងការហួសចិត្តយ៉ាងខ្លាំងបន្ទាប់ពី អានុទីន នាយករដ្ឋមន្រ្តីចាំផ្ទះរបស់ថៃបានចុះទៅជួបជនភៀសសឹកប៉ុន្តែបាន ច្រៀងរាំសប្បាយធ្វើដូចគ្មានរឿងអ្វីកើតឡើង។ នេះកាន់តែបញ្ជាក់ឱ្យពិភពលោកបានកាន់តែច្បាស់ថាតើប្រទេសណាដែលរងការឈ្លានពានពិតប្រាកដ។

ឃើញថ្នាក់ដឹកនាំថៃដូចជាអានុទីនឱ្យប្រទេសជាតិធ្លាក់ក្នុងភ្លើងសង្គ្រាមទាំងសេដ្ឋកិច្ចកំពុងជួបវិបត្តិ បែកបាក់ផ្ទៃក្នុងដណ្តើមអំណាច យកលេសមកធ្វើសង្គ្រាមហើយបែរជាច្រៀងរាំសប្បាយនេះធ្វើឱ្យតារាចម្រៀង ណូលី បានបង្ហាញថាមានមោទនភាពដែលកើតជាកូនខ្មែរ។

ម្ចាស់បទ «មិនបង្ហាញតែមិនលាក់បាំង» បានបង្ហោះនៅលើបណ្តាញសង្គមហ្វេកប៊ុកថា «ខ្ញុំមានសំណាងដែលមានថ្នាក់ដឹកនាំដែលរួមសុខរួមទុក្ខជាមួយប្រជាពលរដ្ឋ ជាជាងថ្នាក់ដឹកនាំដែលច្រៀងរាំសប្បាយស្របពេលដែលប្រជាពលរដ្ឋកំពុងតែជួបទុក្ខទាំងគ្រោះធម្មជាតិ និងសង្រ្គាមជាមួយប្រទេសជុំវិញខ្លួនបាត់បង់អស់ជីវិតជាច្រើន។ Proud to be khmer»។

គួរបញ្ជាក់ផងដែរថា ទង្វើរបស់ អានុទីន ត្រូវបានសារព័ត៌មានអន្តរជាតិមួយចំនួនចុះផ្សាយថាដើម្បីតែសន្លឹកឆ្នោត ប្រជាប្រិយភាពរបស់ខ្លួនខ្វះសមត្ថភាពគ្រប់គ្រងទឹកជំនន់ មានទំនាក់ទំនងជាមួយមេធំ Scammer ទើបធ្វើឱ្យមានសង្គ្រាមនេះកើតឡើងម្តងទៀត៕