អន្តរជាតិ៖ ក្រសួងសុខាភិបាលថៃ នៅថ្ងៃទី៩ ខែមករា បានប្រកាសដកបញ្ញត្តិថ្មីបានចេញនៅចុងសប្ដាហ៍មុន ដែលតម្រូវឱ្យភ្ញៀវអន្តរជាតិទាំងអស់បង្ហាញព័ស្តុតាងចាក់វ៉ាក់សាំងបង្ការជំងឺកូវីដ-១៩ យ៉ាងហោចណាស់២ដងមុនចូលដីថៃ។ បម្រាមនេះចេញដើម្បីឆ្លើយតបការបើកព្រំដែនរបស់ចិន តែដោយសារធ្វើឱ្យប៉ះពាល់វិស័យទេសចរ ទើបនាំឱ្យមានការលុបចោលទៅវិញភ្លាមៗ។

និយ័តករអាកាសចរណ៍ថៃ នៅថ្ងៃទី៧ ខែមករា បានប្រកាសបទបញ្ញត្តិថ្មីដោយឱ្យអ្នកដំណើរទាំងអស់ដែលមកថៃត្រូវតែបង្ហាញប័ណ្ណចាក់វ៉ាក់សាំងយ៉ាងហោចណាស់២ដូស។ ២ថ្ងៃក្រោយ បញ្ញត្តិនេះត្រូវលុបចោលវិញ។

រដ្ឋមន្ត្រីសុខាភិបាលថៃ Anutin Charnvirakul នៅថ្ងៃទី៩ ខែមករា បានប្រកាសថា រដ្ឋាភិបាលបានលុបចោលបញ្ញត្តិដែលបានប្រកាសនៅចុងសប្តាហ៍មុននេះហើយ ព្រោះវាប៉ះពាល់ដល់វិស័យទេសចររបស់ថៃ។ លោក ប្រាប់អ្នកសារព័ត៌មានថា ការទាមទារនេះ ជារឿងមិនចាំបាច់ទេ ដោយសារការចាក់វ៉ាក់សាំងបង្ការបានធ្វើឡើងគ្រប់គ្រាន់ទៅហើយនៅទូទាំងពិភពលោក។ រដ្ឋមន្ត្រីរូបនេះបន្តថា អ្នកដែលមិនបានចាក់វ៉ាក់សាំងបង្ការជំងឺកូវីដ-១៩ ក៏អនុញ្ញាតឱ្យចូលមកទឹកដីថៃដោយគ្មានការរឹតត្បិតដែរ។

ភ្លាមៗក្រោយការប្រកាសខាងលើ សមាគម​ទេសចរណ៍​ភូកេត​បាន​ដាក់​លិខិត​ទៅ​រដ្ឋាភិបាល​ថៃដោយ ​ត្អូញត្អែរ​ពីឥទ្ធិពលលើ​ការ​ងើបឡើង​នៃ​វិស័យ​ទេសចរណ៍។ ប្រតិបត្តិករទេសចរណ៍នៅកោះភូកេតរៀបរាប់ថាភ្ញៀវទេសចរជាច្រើនលុបចោលគម្រោងកំសាន្ត។ នេះបើតាមកាសែត The Nation Thailand។

ទោះមិនមានវិធានការរឹតត្បិត ភ្ញៀវទេសចរបរទេសនៅតែត្រូវណែនាំឱ្យពាក់ម៉ាស់នៅតាមទីសាធារណៈ លាងដៃឱ្យបានទៀងទាត់ ធ្វើតេស្តប្រសិនបើមានរោគសញ្ញាផ្លូវដង្ហើម ហើយទៅមន្ទីរពេទ្យប្រសិនបើមានរោគសញ្ញាធ្ងន់ធ្ងរជាដើម។ អាជ្ញាធរទេសចរណ៍ថៃ (TAT) កំពុងស្នើសុំឱ្យសណ្ឋាគារផ្តល់ការធ្វើតេស្តម៉ាស៊ីន RT-PCR សម្រាប់ភ្ញៀវទេសចរបរទេសផងដែរ​ ៕

បរទេស៖ កាលពីថ្ងៃទី ៩ ខែ​ម​ករា ឆ្នាំ២០២៣ មានការបង្ហោះនៅលើប្រព័ន្ធផ្សព្វផ្សាយសង្គមដែលបានបង្ហាញពីបាតុកររាប់រយនាក់មានការប៉ះទង្គិចជាមួយប៉ូលីសនៅកណ្តាលប្រទេសចិន បន្ទាប់ពីពួកគេត្រូវបានបណ្ដេញចេញពីរោងចក្រផលិតឧបករណ៍ធ្វើតេស្តរកមេរោគកូវីដ-១៩។

ការតវ៉ានេះបានចាប់ផ្តើមកាលពីថ្ងៃសៅរ៍កន្លងទៅ បន្ទាប់ពីមានការប្រកាសបញ្ឈប់ការងារ និងមានជម្លោះប្រាក់ខែនៅ CEBIO ដែលជាក្រុមហ៊ុនដែលមានឯកទេសខាងសារធាតុវិភាគ និងឧបករណ៍ in vitro ​ មានទីតាំងនៅទីក្រុង Chongqing ភាគនិរតីនៃប្រទេសចិន។

ក្នុងនោះកម្មកររាប់រយនាក់បានប្រមូលផ្តុំគ្នានៅខាងក្រៅរោងចក្រ អ្នកខ្លះស្រែក “សងប្រាក់យើងវិញ” ហើយរូបភាពនៃប្រអប់ឧបករណ៍ធ្វើតេស្តអង់ទីហ្សែនត្រូវបានរាយប៉ាយពាសពេញកន្លែងតវ៉ា លើសពីនេះបាតុករបានគប់កៅអី រទេះ និង កោណចរាចរណ៍ដាក់ប៉ូលិស រហូតបណ្តាលឱ្យមន្ត្រីប៉ូលិសទាំងនោះដកថយ។

ជាមួយគ្នានោះការបញ្ជាក់មួយបានឱ្យដឹងថា ការតវ៉ាបានចាប់ផ្តើម នៅពេលដែលកម្មករត្រូវបានជូនដំណឹងថាពួកគេត្រូវបានបញ្ចប់ពីការងារដោយមានប្រសិទ្ធិភាពភ្លាមៗ ហើយប្រាក់ខែក៏មិនដូចការ ព្រមព្រៀងជាមួយក្រុមហ៊ុនដែលបានជ្រើសរើសដំបូង។

យ៉ាងណាមិញគោលនយោបាយ “គ្មានទេកូវីដ” របស់ចិនវាបាននាំឲ្យមានការតវ៉ាទូទាំងប្រទេស ហើយរដ្ឋាភិបាលបានប្រកាសដកការរឹតបន្តឹងភាគច្រើន ទើបក្រុមហ៊ុនមានការបញ្ចប់គោលនយោបាយ កាត់បន្ថយតម្រូវការសម្រាប់ការធ្វើតេស្តទូទាំងប្រទេស និងមិនសូវមានការប្រើប្រាស់ឧបករតេស្តកូវីដទៀត៕ ប្រភព៖ Thairath

អង្គការសុខភាពពិភពលោកប្រចាំប្រទេសវៀតណាម បានព្រមានប្រឆាំងនឹង Covid19 ដោយលើកឡើងថា វីរុសអូមីក្រុងប្រភេទថ្មី អូមីក្រុង អិចប៊ីប៊ី (Omicron XBB) ដែលរីករាលដាលកាន់តែងាយស្រួល អាចបង្កហានិភ័យខ្ពស់នៃការឆ្លងក្នុងអំឡុងពេលថ្ងៃឈប់សម្រាក នាឱកាសពិធីបុណ្យចូលថ្មី នៅប្រទេសវៀតណាម នាពេលខាងមុខ។

ជាមួយនឹងវត្តមានអូមីក្រុង អិចប៊ីប៊ី ដែលត្រូវបានគេជឿថា មានសមត្ថភាពគេចពីការឆ្លើយតបនៃប្រព័ន្ធភាពស៊ាំ ហើយបានរកឃើញរួចហើយនៅក្នុងទីក្រុងហូជីមិញ និងខេត្ត តៃ និញ (Tay Ninh) ដែលនៅជិតនោះ លោកស្រី អេនជេឡា ប្រាដ (Angela Pratt) តំណាងអង្គការសុខភាពពិភពលោកប្រចាំប្រទេសវៀតណាមបានព្រមានអំពីការកើនឡើងនៃការឆ្លងក្នុងអំឡុងពេលសម្រាកសប្តាហ៍ ចាប់ពីថ្ងៃទី ២០ ខែមករាដល់ ២៦ សម្រាប់បុណ្យចូលឆ្នាំថ្មី។

លោកស្រី អេនជេឡា ប្រាដ ត្រូវបានដកស្រង់សម្តីដែលបាននិយាយ នៅក្នុងរបាយការណ៍របស់អង្គការសុខភាពពិភពលោកថា “ក្នុងរដូវវិស្សមកាលនេះ ពិតណាស់យើងចង់ឱ្យមនុស្សមានភាពសប្បាយរីករាយ និងរីករាយជាមួយពេលវេលាជាមួយមិត្តភក្តិ និងក្រុមគ្រួសារ ប៉ុន្តែយើងក៏ជំរុញឱ្យប្រជាជនមានការប្រុងប្រយ័ត្នផងដែរ ដើម្បីមានសុខភាពល្អ និងសុវត្ថិភាព” ៕

ប្រភព៖ VN Express

បរទេស៖ អូស្ត្រាលីរកឃើញ “ដង្កូវមួយប្រភេទ ” ដែលអាចស៊ី និងបំបែកប្លាស្ទិក ដែលជាការបើកទ្វារថ្មីសម្រាប់ក្ដីសង្ឃឹមក្នុងដំណោះស្រាយចំពោះកាកសំណល់ប្លាស្ទិកលើពិភពលោក។

មានការស្រាវជ្រាវថ្មីមួយពីសាកលវិទ្យាល័យ Queensland  អូស្ត្រាលី បានចង្អុលបង្ហាញអំពីក្ដីសង្ឃឹម ក្រោយពីខ្លួនបានរកឃើញប្រភេទដង្កូវមួយប្រភេទ ឬហៅថា “Superworm” ឬឈ្មោះវិទ្យាសាស្ត្រ Zophobas morio ដែលគេបានចាប់ទុកថាដង្កូវនេះអាចជាវីរបុរសថ្មីមួយ សម្រាប់ការជួយឱ្យភពផែនដីរបស់យើងកម្ចាត់កាកសំណល់ប្លាស្ទិក។

ក្នុងនោះគេបានឱ្យដឹងថាលក្ខណៈពិសេសដែលបានសិក្សាជាយូរមកហើយគឺថាដង្កូវមួយប្រភេទនេះវា មានអង់ស៊ីមជាច្រើននៅក្នុងពោះវៀនដែលអាចរំលាយ អាចហែក និងស៊ីសារធាតុ Polystyrene បានដោយងាយដែលជាប្រភេទប្លាស្ទិក។

ជាមួយគ្នានោះសម្រាប់សារធាតុ Polystyrene នោះដែលភាគច្រើនវាជាសម្ភារៈដែលត្រូវបានគេប្រើជា ញឹកញាប់ដើម្បីផលិតធុងស្ទីរ៉ូហ្វម មាននៅលើស្រោមពូក ឬក៏វត្ថុផ្លាស្ទិក ដែលទាំងអស់នេះត្រូវចំណាយពេលជាង ៤០០ ឆ្នាំដើម្បីរលួយទាំងស្រុង។

ទោះជាយ៉ាងណាដង្កូវ Superworm គឺជាពពួក Worm beetle ដែលវាត្រូវបានរកឃើញជាទូទៅនៅអាមេរិកកណ្តាល និងនៅតំបន់ខ្លះនៃអាមេរិកខាងត្បូង។

យ៉ាងណាមិញក្រុមអ្នកស្រាវជ្រាវនៅសាកលវិទ្យាល័យ Queensland Fed Foreworms បានយកជាមួយនឹងស្នោ Polystyrene Foam រយៈពេល ៣ សប្តាហ៍ហើយបានរកឃើញថាពពួកដង្កូវនេះ អាចស៊ីស្នោរួចហើយ មានវដ្តជីវិតពេញលេញពួកគេអាចក្លាយជាកូនឆដង្កូវធំធាត់ បានពេញវ័យ នេះមានន័យថាពួកគេអាចស៊ីសារធាតុ Polystyrene ជារបបអាហារធម្មតាដូចជារុក្ខជាតិ។

ប៉ុន្តែទោះជាយ៉ាងណាក៏ដោយ ការផ្លាស់ប្តូររបបអាហារហាក់ដូចជាមានឥទ្ធិពលលើពួកវាខ្លះផងដែរ ដោយដង្កូវដែលបានស៊ីស្នោ ពួកវាមានទម្ងន់តិចជាងដង្កូវនាងដែលស៊ីចំណីធម្មតា និងអតិសុខុមប្រាណដែលមានក្នុងពោះវៀនមានសុខភាពមិនសូវល្អ។

គួរបញ្ជាក់ថាប្រទេស អូស្ត្រាលីកំពុងតែត្រូវលុបចោលប្រភេទស្នោ Polystyrene ដែលជាផ្នែកមួយនៃផែនការជាតិប្លាស្ទិករបស់អូស្ត្រាលី ហើយនឹងលែងអនុញ្ញាតឱ្យមានសារធាតុ Polystyrene ក្នុងកញ្ចប់អាហារ និង ភេសជ្ជៈក្នុងប្រទេស៕ ប្រភព៖ pptvhd36