ប្រទេសថៃ៖ កប៉ាល់មួយគ្រឿងដឹកទំនិញកុងតឺន័រចំនួន ៤២ ត្រូវបានលិចក្នុងសមុទ្រ រហូតប្រធានក្រុមនាវិកត្រូវចម្រេចចិត្តបោះបង់ចោលកប៉ាល់ មុនពេលដុតកាំជ្រួចសុំជំនួយ តែជាសំណាងល្អ ទូកនេសាទបានឃើញហេតុការណ៍នេះ និងបានប្រញាប់ទៅសង្គ្រោះជីវិតមនុស្សបាន១០នាក់។

នៅវេលាម៉ោង៨និង៣០នាទីព្រឹក ថ្ងៃទី៣ ខែវិច្ឆិកា ឆ្នាំ ២០២២ លោកវរសេនីយ៍ទោ Sathit Kongniam ស្នងការនគរបាល Pak Nam Chumphon រួមជាមួយលោក Suwannao Saensuk ប្រធានឧទ្យានជាតិ Chumphon ហើយ មន្ត្រីពាក់ព័ន្ធបានប្រញាប់ប្រញាល់ទៅរង់ចាំយកនាវិកនាវិកសមុទ្រដែលមានប្រុស ៩ នាក់ ស្រី ១ នាក់សរុប ១០ នាក់ក្រោយពីកប៉ាល់ដែលផ្ទុកឈើ  ដាក់ក្នុងធុងកុងតឺន័រចំនួន ៤២ បានលិចនៅកណ្តាលសមុទ្រទាំងពាក់កណ្តាលយប់។

ក្នុងហេតុការលិចកប៉ាលដឹកទំនិញដ៏ធំមួយនេះ ត្រូវបានគេដឹងថាបានកើតឡើងនៅវេលាម៉ោង១និង៣០នាទីរំលងអាធ្រាត្រឈានចូលថ្ងៃទី៣ ខែវិច្ឆិកា ឆ្នាំ២០២២ នៅតំបន់ទល់មុខឆ្នេរ Sai Ri Sawi ឃុំ Tha Hin ស្រុក Sawi ខេត្ត Chumphonនៃប្រទេសថៃ ដោយគោលដៅដឹកទំនិញចេញពីខេត្ត Surat Thani ឆ្ពោះទតៅ ខេត្ត Laem Chabang។

ខណៈពេលកប៉ាល់កំពុងតែរៀបនឹងលិច លោក Santhat Samut ៤ មេបញ្ជាការនាវាកុងតឺន័របានរាយការណ៍សុំជំនួយ ដោយបាននិយាយថា កប៉ាល់កំពុងស្ថិតក្នុងស្ថានភាពគ្រោះថា្នក់ ដោយវាកំពុងតែលិចនៅចម្ងាយ ៤.៨៤ ម៉ាយពីឆ្នេរ Sai Ri Sawi ស្រុក Sawi ដែលមានផ្ទុកកុងតឺន័រចំនួន ៤២ ត្រូវបានលិច។

ក្នុងនោះជាសំណាងល្អគេដឹងថាមានទូកនេសាទ ១ បានប្រទះឃើញ ហើយក៏ប្រញាប់មកជួយនាវិកទាំងអស់ ហើយនាំពួកគេទាំងអស់ទៅចតនៅផែ Pak Nam Chumphon ប្រកបដោយសុវត្ថិភាព។

ទោះជាយ៉ាងណាលោក Amporn Wongtham ប្រធានកប៉ាល់កុងតឺន័របាននិយាយថាមូលហេតុដែល កប៉ាល់ក្រឡាប់លិច គឺដោយសារតែការផ្អៀងកប៉ាល់ព្រោះទំនិញនៅលើនោះដាក់មិនស្មើរ និងតុល្យភាពគ្នា រហូតដល់វិនាទីចុងក្រោយ កប៉ាលមិនអាចត្រឡប់មកសភាពដើម ដូច្នេះគាត់ប្រាប់អ្នករាល់គ្នានៅក្នុងកប៉ាល់ថានឹងត្រូវបោះបង់កប៉ាល់ចោល។ បន្ទាប់មកស្ថានភាពនៃកប៉ាល់ក៏ចាប់ផ្ដើមលិចបន្តិចម្តងៗ ទឹកចាប់ផ្តើមហូរចូល និងលិចចូលទៅក្នុងបាតសមុទ្រ ប៉ុន្តែជាសំណាងល្អ មានទូកនេសាទមកជួយទាន់ពេលវាលា៕ ប្រភព៖ ​Thairath

ប្រទេសថៃ៖ កប៉ាល់ Spectrum of the Seas ដែលជាកប៉ាល់ទេសចរណ៍ធំបំផុត និងច្នៃប្រឌិតបំផុតរបស់អាស៊ីបាននឹងកពុងតែចុះចតក្នុងសមុទ្រខេត្តភូកេតនៃប្រទេសថៃ ហើយត្រៀមដឹក ភ្ញៀវទេសចរសម្សាន្ត ទៅកាន់ឋានសួគ៌លំហែកាយក្នុងប្រទេសថៃ ៤ទៅ៧យប់ និងត្រៀមបន្តធ្វើដំណើរទៅកាន់ប្រទេសម៉ាឡេស៊ីបន្តទៀត។

កាលពីថ្ងៃទី១ ខែវិច្ឆិការ ឆ្នាំ២០២២ នេះមានការចុះផ្សាយក្នុងស្រុកបានឱ្យដឹងថា កប៉ាលខ្នាតធំបំផុតរបស់អាស៊ីអាគ្នេយ៍ Spectum ដោយបានដឹកអ្នកដំណើរជាច្រើននាក់សម្រាប់មកសម្រាកសំហែរកាយក្នុងប្រទេសថៃ និងបានចុះចតនៅក្នុងខេត្តភូកេត ដោយមានរយៈពេល ៤ទៅ ៧ថ្ងៃ សម្រាប់ការកម្សាន្តនៅក្នុងតំបន់សំខាន់ៗក្នុងប្រទេស។

ក្នុងនោះការសម្រាកកម្សាន្ត និងចុះចតក្នុងខេត្តមួយនេះ និងត្រៀមបន្តដំណើរទៅកាន់តំបន់Penang និង Port Klang ក្នុងប្រទេសម៉ាឡេស៊ី តាមកាលវិភាគនៃការធ្វើដំណើរជាមួយ ការកក់ការធ្វើដំណើរបន្ទាប់។

ក្រឡេកទៅមើលទិដ្ឋភាពក្នុងកប៉ាល់ Spectum ពិតជាមានផាសុខភាព ដោយកប៉ាល់បានបម្រើភ្ញៀវយ៉ាងយកចិត្តទុកដាក់ ភ្ញៀវអាចទទួលទានអាហារឆ្ងាញ់ៗពីទូទាំងអាស៊ី រួមទាំងភោជនីយដ្ឋាន Teppanyaki, Szechuan Red, Hot Pot និងជាច្រើនទៀត ហើយបន្ទប់ Suite Enclave ដ៏ប្រណិតមានលក្ខណៈពិសេសដាច់ដោយឡែកពីគ្នា បន្ថែមពីនោះរួមមានបន្ទប់ទទួលទានអាហារ និង កន្លែងទទួលភ្ញៀវ ដែលភ្ញៀវតាមទូកអាចចូលរួមក្នុងព្រឹត្តិការណ៍ Royal Caribbean នៅ SeaPlex ឬកន្លែងសកម្មភាពក្នុងផ្ទះដ៏ធំបំផុតនៅសមុទ្រ ព្រមទាំងជិះយន្តហោះនិម្មិត ឬ RipCord ដោយ iFly រីករាយជាមួយ North Star ឬកែវកញ្ចក់ដែលបើក ៣០០ ហ្វីតពីលើនីវ៉ូទឹកសមុទ្រ និង FlowRider ដែលជាសកម្មភាព Surf និម្មិតជាដើម។

ទោះជាយ៉ាងណាការសម្រាកកម្សាន្តរយៈពេលខ្លីក្នុងប្រទេសថៃមួយនេះ នឹងនាំអ្នកទេសចអ្នកទស្សនានៅលើកប៉ាល់ Spectum នឹងស្វែងយល់ពីឆ្នេរដ៏រស់រវើកនៃ ភូកេត និងរីករាយជាមួយសកម្មភាពឆ្នេរផ្តាច់មុខជាច្រើននៅលើកោះ ដូចជាការហាលថ្ងៃ ការមុជទឹក ដើម្បីទទួលបទពិសោធន៍ពិភពក្រោមទឹក និង ជីវិតសត្វ សមុទ្រដ៏កម្រដូចជាអណ្តើកសមុទ្រជាដើម ព្រមទាំងទេសភាព វប្បធម៌ ការហូបចុក និងការដើរទិញឥវ៉ាន់នឹង ក៏ដូចជាការទស្សនាទីផ្សារក្នុងស្រុកនៅភូកេត ដែលល្បីខាង ម្ហូបថៃ និង ការចរចា ដោយភាពទាក់ទាញនៃអាស៊ីអាគ្នេយ៍ជាមួយនឹងដំណើរកម្សាន្តពហុវប្បធម៌ ទស្សនាតំបន់បុរាណ និងទទួលទានអាហារតាមចិញ្ចើមផ្លូវជាដើម៕ ប្រភព៖ Sanook

មហាជនគ្រប់គ្នាច្បាស់ជាបានស្គាល់ជាមួយនឹង អ្នកគ្រប់គ្រង និងជា CEO របស់ Miss Grand International ដ៏លេចធ្លោមួយរូបលោក Nawath ជាជនជាតិថៃ។ តែអ្វីដែលធ្វើឱ្យមហាជនកាន់តែចាប់អារម្មណ៍នោះគឺលោកបានបង្ហោះបទចម្រៀងរបស់តារាចម្រៀងខ្មែរដ៏ល្បីលោកវណ្ណដាក្នុងបណ្ដាញIG ផ្ទាល់ខ្លួន។

នាថ្ងៃទី ៣ ខែវិច្ឆិការ ឆ្នាំ២០២២ នេះលោក Nawat ដែលជាអ្នកគ្រប់គ្រងកម្មវិធីដ៏ល្បី Miss Grand International ត្រូវបានមហាជនមានការចាប់អារម្មណ៍ជាខ្លាំងក្រោយពីរូបលោកក៏ជាអ្នកគាំទ្រតារាចម្រៀងខ្មែរវ័យក្មេងមួយរូបដ៏ល្បីលោក វណ្ណដា ក្រោយពី CEO របស់ Miss Grand ជនជាតិថៃម្នាក់នេះបានធ្វើការបង្ហោះ នៅក្នុង Story IG ផ្ទាល់ខ្លួនទាំងព្រឹក ​ពីបទចម្រៀងរបស់វណ្ណដា មានចំណងជើងថា “នារីជឿនលឿន”។

ការបង្ហោះនេះបានធ្វើឱ្យមហាជទាំងជនជាតិថៃ និងខ្មែរមានការភ្ញាក់ផ្អើល និងចាប់អារម្មណ៍ជាខ្លាំង ព្រោះលោកមិនដែល ស៊ែរ ឬក៏ផុសគាំទ្រជាមួយនឹងតារាចម្រៀងរូបណានោះទេ ដូច្នេះនេះបញ្ជាក់បានថាលោក Nawat គឺជាអ្នកគាំទ្រតារាចម្រៀងខ្មែរមួយរូបផងដែរ។

គួរបញ្ជាក់ផងដែរថាតារាចម្រៀងប្រុសវ័យក្មេងលោក វណ្ណដាបានក្លាយជាទីចំណាប់អារម្មណ៍អារម្មណ៍របស់មហាជនក្នុងស្រុក និងក្រៅស្រុក ជាពិសេសគឺអ្នកគាំទ្រនៅក្នុងប្រទេសថៃ ដែលតែងតែស្រឡាញ់ និងពេញចិត្តជាមួយនឹងទេពកោសល្យ។

ដោយក្នុងនោះ អ្នកគាំទ្រថៃ បានចាប់ទុកគុណតំលៃរបស់វណ្ណដាដែលសាងគឺមានអត្តន័យជ្រាលជ្រៅ វណ្ណដាជានិមិត្តរូបនៃភាពតស៊ូ អំនត់ ឈ្លាស់វៃ ថ្លៃថ្នូរ (ថៃប្រៀបធៀបនឹងតារារ៉ាប់ស្រុកថៃ) ពូកែ មានសមត្ថភាពឆ្នៃប្រឌិតខ្ពស់អាចបង្កើតអត្តសញ្ញាណដោយមានឯក្ខណៈរបស់ខ្លួន មិនមែនជាការចម្លងរបស់គេមកជារបស់ខ្លួន ជាពិសេសគឺការយករបស់ចាស់មកឆ្នៃជារបស់ថ្មីទំនើប និងការគោរពដឹងគុណ លើកតម្កើងគ្រូបាអាចារ្យក្នុងនាមជាតារារ៉ាប់”៕

អន្តរជាតិ៖ បន្ទាប់ពីការប្រកាសលាលែងពីតំណែងជាបន្តបន្ទាប់ពីអ្នកកាន់តំណែងធំៗក្នុងក្រុមហ៊ុនបណ្តាញផ្សព្វផ្សាយសង្គម Twitter ឥឡូវនេះទទួលបានដំណឹងបន្ថែមថា នាយកប្រតិបត្តិថ្មីលោក Elon Musk គ្រោងនឹងបញ្ឈប់បុគ្គលិក Twitter សរុបប្រមាណ ៣៧០០នាក់បន្ថែមទៀត។ នេះបើយោងតាមការចេញផ្សាយរបស់សារព័ត៌មាន Reuters នៅថ្ងៃទី០៣ ខែវិច្ឆិកា ឆ្នាំ២០២២។

ជុំវិញរបាយការណ៍នេះត្រូវបានគេរំពឹងថា គោលដៅរបស់ Musk នឹងចាប់ផ្តើមបញ្ឈប់បុគ្គលិក Twitter ដែលធ្លាប់ត្រូវបានអនុញ្ញាតឱ្យធ្វើការពីចម្ងាយ ក៏ដូចជាបុគ្គលិកដែលប្រចាំការនៅខាងក្រៅដែលជាអ្នកទទួលតួនាទីរាយការណ៍ទៅការិយាល័យ Twitter ទាំងក្នុង និងក្រៅទីក្រុង San Francisco នេះបើយោងតាមការចេញផ្សាយរបស់សារព័ត៌មាន Bloomberg។

ប្រភពពី CNBC ដដែលបានឱ្យដឹងទៀតថា ទាក់ទិននឹងការបញ្ឈប់បុគ្គលិកប្រមាណ ៣៧០០នាក់នេះមិនទាន់ទទួលបានការបញ្ជាក់ច្បាស់លាស់នោះទេ ខណៈម្ចាស់ Twitter ថ្មីលោក Musk គ្រោងនឹងជួបពិភាក្សាជាមួយទីប្រឹក្សារបស់លោកចំពោះការសម្រចចិត្តមួយនេះ។ យ៉ាងណាមិញក្នុងកិច្ចពិភាក្សានោះត្រូវបានគេឱ្យដឹងថា Musk គ្រោងអញ្ជើញមនុស្សជំនិតរួមមាន លោក David Oliver Sacks គឺជាសហគ្រិន និងជាអ្នកវិនិយោគនៅក្នុងក្រុមហ៊ុនបច្ចេកវិទ្យាអ៊ីនធឺណិត ប្រធានក្រុមហ៊ុន The Boring Company លោក Steve Davis រួមជាមួយនឹងលោក Sam Telle និង Antonio Gracias ដែលមកពីក្រុមហ៊ុនវិនិយោគ Valor Equity។

គួរបញ្ជាក់ដែរថា របាយការណ៍ខាងលើនេះទំនងជាត្រូវបានអនុវត្តទៅពិតមែន ដោយមុនពេលទិញយក Twitter បានសម្រេច Musk ធ្លាប់បានប្រកាសរួចទៅហើយថាលោកមានបំណងកាត់បន្ថយបុគ្គលិកនៅ Twitter ជិត ៧៥ភាគរយនៃបុគ្គលិកសរុបចំនួន ៧,៥០០នាក់ឯណោះ​ ៕