ប្រទេសចិន ៖ អតីតប្រធានមជ្ឈមណ្ឌលគ្រប់គ្រង និងបង្ការជំងឺរបស់ចិនឱ្យដឹងថា ការរាតត្បាតនៃជំងឺកូវីដ-១៩ក្នុងប្រទេសចិន នឹងរាលដាលខ្លាំងរយៈពេល២-៣ខែទៀត ជាពិសេស នៅតាមតំបន់ជនបទ ។

ក្នុងសិក្ខាសាលាកាលពីពេលថ្មីៗនេះ លោក Zheng Guang អ្នកជំនាញរោគរាតត្បាតឈានមុខ និងជាអតីតប្រធានមជ្ឈមណ្ឌលគ្រប់គ្រង និងបង្ការជំងឺ បញ្ជាក់ថា តំបន់ជាច្រើនបានឆ្លងរាលដាលជំងឺកូវីដដល់កំពូល ហើយពលរដ្ឋក្នុងទីក្រុងសំខាន់ៗបានត្រឡប់មកភាពប្រក្រតីវិញ ខណៈរដ្ឋាភិបាលចិនប្រកាសថា ទីក្រុងជាច្រើនបានឆ្លងផុតការឆ្លងខ្លាំងហើយ ។

លោក Zheng បានដាស់តឿនថា នៅពេលចូលឆ្នាំចិនចុងខែមករានេះ អាចជួបចំនួនអ្នកឆ្លងជំងឺកូវីដថ្មីកើនឡើងនៅជនបទ ដោយសារពលរដ្ឋធ្វើការក្នុងទីក្រុងជាច្រើនលាននាក់ធ្វើដំណើរទៅស្រុកកំណើតជាលើកដំបូង បន្ទាប់ពីខកខានអស់៣ឆ្នាំដោយសារជំងឺកូវីដ ហើយវាក៏ជាលើកដំបូងផងដែរ ដែលមិនចាំបាច់ពាក់ម៉ាស់ ។ តាមតួលេខផ្លូវការថា មានពលរដ្ឋចិនជាច្រើនលាននាក់បានចាប់ផ្តើមធ្វើដំណើរជាបណ្តើរៗហើយ ។ លោកបន្តថា រដ្ឋាភិបាលបានដាក់ផែនការគ្រប់គ្រង និងទប់ស្កាត់ជំងឺកូវីដនៅតំបន់ជនបទរួចហើយ តែបញ្ហា គឺត្រូវអនុវត្តផែនការដែលកំណត់ទុកនោះតាមរបៀបណា ។

គួរបញ្ជាក់ថា កាលពីដើមខែមករា មន្ត្រីសុខាភិបាលខេត្តហឺណានដែលស្ថិតនៅភាគកណ្តាលប្រទេសចិន ទើបបានប្រកាសពីតួលេខការឆ្លងជំងឺកូវីដស្មើ៩០% នៃចំនួនពលរដ្ឋទាំងអស់ក្នុងខេត្តនេះ ៕

ប្រភព ៖ TNN World

បរទេស៖ កាលពីថ្ងៃទី ១២ ខែមករា ឆ្នាំ២០២៣ នេះគេហទំព័រហ្វេសប៊ុកផ្លូវការរបស់ Miss Universe Thailand បានបង្ហោះរូបថតរបស់ Anna ស្លៀកឈុតរាត្រីដ៏ភ្លឺចែងចាំង ជាមួយនឹងសារផ្ទាល់ខ្លួនរបស់នាងនៅក្នុងកម្មវិធីប្រកួតជម្រុះ Miss Universe ២០២២ នៃកម្មវិធីប្រកួតបវរកញ្ញាចក្រវាលលើកទី៧១ ឬបវរកញ្ញាចក្រវាល Miss Universe 2022 នៅទីក្រុង New Orleans រដ្ឋ Louisiana សហរដ្ឋអាមេរិក។

Anna Suea Ngam Iam ឬក៏អ្នកគាំទ្រហៅថារាជនីសម្រស់ដែលតំណាងមកពីប្រទេសថៃ នាងមានដើមកំណើតអាល្លឺម៉ង់ មានទីលំនៅក្នុងទីក្រុងបាងកក មានអាយុ ២៥ ឆ្នាំដែលនាងពោរពេញដោយទំនុកចិត្ត នៅលើឆាកប្រកួតសម្រស់មកពីជុំវិញពិភពលោក។

ក្នុងនោះអ្វីដែលធ្វើឱ្យមហាជនគ្រប់គ្នាមានការចាប់អារម្មណ៍ខ្លាំងនោះគឺជាការបង្ហាញខ្លួនក្នុងវគ្គស្លៀកឈុតរាត្រីនៅពេលល្ងាច ដែលឈុតនោះពិតជាមានការទាក់ទាញ និងមានអត្ថន័យបំផុតសម្រាប់រូបនាង ដោយឈុតរាត្រីនោះមានឈ្មោះថា “Hidden Precious Diamond Dress ” ឬ “Hidden Precious Diamond Dress” ម៉ាក MANIRAT រចនាដោយ ‘Arif Chewang’ រ៉ូបនេះផ្តោតលើរូបរាងរាងកាយ និងច្នៃពីសារធាតុអាលុយមីញ៉ូម និងក្រវិលកំប៉ុង ព្រមទាំងគ្រឿងអលង្ការតុបតែងដោយត្បូងពេជ្រ Swarovski ផងដែរ។

អ្វីដែលកាន់តែពិសេសរ៉ូបនេះត្រូវបានបំផុសគំនិតដោយជីវិតពិតរបស់ Anna ដែលនាងបានចាប់ទុកខ្លួនឯងថា ម្ចាស់ក្សត្រីពីគំនរសំរាម ដោយសារតែពីកុមារភាពរហូតដល់ធំ ឪពុក និង ម្ដាយរបស់នាងជា បុគ្គលិកសម្អាតនៅទីក្រុងបាងកក។

ខណៈពេល Anna នាងបានបង្ហាញខ្លួនជាមួយនឹងម៉ូដសម្លៀកបំពាក់នេះ ភ្លាមស្រាប់តែមានសំឡេង ហ៊ោកញ្ជ្រៀវ ពីសំណាក់អ្នកគាំទ្រជាច្រើន។ ប៉ុន្តែនៅពេលដែលពួកគេបានដឹងពីគំនិត និង ព័ត៌មានលម្អិតនៃរ៉ូបនោះ អ្នកគាំទ្រទាំងអស់គ្នាស្ទើរតែស្រក់ទឹកភ្នែក ហើយមិននឹកស្មានថា គម្របកំប៉ុងអាលុយមីញ៉ូម ដែលមនុស្សមានទំនោរក្នុងការកែច្នៃជាវត្ថុផ្សេងៗ នឹងត្រូវបានបង្កើតជារ៉ូបរាត្រីដ៏ស្រស់ស្អាត បែបនេះនោះឡើយ។

យ៉ាងណាមិញបន្ទាប់ពីបានបង្ហាញខ្លួនជាមួយឈុតរាត្រីដ៏ភ្លឺចែងចាំងលើឆាកអន្តរជាតិ Anna ក៏បានបង្ហោះសារផ្ទាល់ខ្លួនរបស់នាងថា “អ្នកមិនត្រូវជាប់គាំងនៅក្នុងភាពស្រពិចស្រពិលជុំវិញដែលអ្នកកើតមកនោះទេ ប៉ុន្តែជឿថាអ្នកមានថាមពលក្នុងការផ្លាស់ប្តូរជីវិតរបស់អ្នកឱ្យកាន់តែប្រសើរឡើង”៕ ប្រភព៖ workpointtoday

បរទេស៖ ស្ថិតិបានបង្ហាញថាវៀតណាមបានវាយឡុកទីផ្សារកាហ្វេយ៉ាងខ្លាំងក្នុងឆ្នាំ២០២២កន្លងទៅ ដែលបាននាំចេញកាហ្វេរបស់ខ្លួនរហូតទៅដល់ ១.៧៧ លានតោនទៅកាន់អឺរ៉ុប ដែលបង្កើតប្រាក់ចំណូលជាង ៤ ពាន់លានដុល្លារអាមេរិក ស្មើរនឹងការកើនឡើងទ្វេដងពីឆ្នាំ ២០២១ ជាង១៣.៨ភាគរយ។

នាថ្ងៃទី ១៤ ខែមករា ឆ្នាំ២០២៣ ទីភ្នាក់ងារសារព័ត៌មាន Xinhua News បានរាយការណ៍ពីទីក្រុងហាណូយ ប្រទេសវៀតណាម ថារបាយការណ៍របស់កាសែត Vietnam News បានបង្ហាញថា ប្រទេសវៀតណាមបាននាំចេញកាហ្វេចំនួន ១.៧៧ លានតោនក្នុងឆ្នាំ២០២២  និងបង្កើតចំណូលសរុបជាង ៤ ពាន់លានដុល្លារអាមេរិក ដែលមានការកើនឡើង ១៣.៨ភាគរយ នៅក្នុងបរិមាណចំណូល ៣២ភាគរយ បើធៀប នឹងស្ថិតិឆ្នាំ ២០២១។

ដោយការកើនឡើងយ៉ាងខ្លាំងនេះត្រូវបានគេសន្មតថាមានការកើនឡើងតម្លៃ ២២ភាគរយ ជាមធ្យម ២,២៨០ ដុល្លារក្នុងមួយតោន។

ក្នុងនោះបើយោងតាមទិន្នន័យពីការិយាល័យគយវៀតណាមបានបង្ហាញថា សហភាពអឺរ៉ុប (EU) នៅតែជាទីផ្សារអ្នកប្រើប្រាស់កាហ្វេធំបំផុតរបស់វៀតណាម ដែលមានចំនួនប្រហែល ៣៩ភាគរយ នៃបរិមាណនាំចេញសរុបចំនួន៤៩០,៧០០ តោនដែលមានតម្លៃ ១.១ ពាន់លានដុល្លារអាមេរិក កើនឡើង ២៧ភាគរយ និង ៥៤ភាគរយពីមួយឆ្នាំទៅមួយឆ្នាំ។

ទន្ទឹមនឹងនោះការនាំចេញកាហ្វេទៅកាន់ប្រទេសរុស្ស៊ីក៏បានកើនឡើង ១៧.៣ភាគរយ  ចក្រភពអង់គ្លេស៥៧.៩ភាគរយ និងឥណ្ឌា ១១៦ភាគរយ ខណៈដែរកាហ្វេដែលបានដឹកជញ្ជូនទៅកាន់ប្រទេសម៉ិកស៊ិកបានកើនឡើងចំនួន ៥២ ដងធៀបនឹងឆ្នាំ ២០២១។

ដោយគេដឹងថាចក្រភពអង់គ្លេសបានក្លាយជាប្រទេសនាំចូលកាហ្វេវៀតណាមធំបំផុតទីប្រាំនៅអឺរ៉ុប បន្ទាប់ពី អាល្លឺម៉ង់ អ៊ីតាលី បារាំង និង អេស្ប៉ាញ។

ខណៈដែលវៀតណាមមានក្ដីសង្ឃឹមមួយទៀត បន្ទាប់ពីការបើកច្រកព្រំដែនចិនចាប់តាំងពីថ្ងៃទី ៨ ខែ មករាកន្លងទៅនេះ ដែលវានឹងក្លាយជាឱកាសជួយដល់ការនាំចេញកាហ្វេរបស់វៀតណាមទៅកាន់ប្រទេសចិនមួយទៀតផងដែរ។

យ៉ាងណាមិញក្រសួងកសិកម្ម និងអភិវឌ្ឍន៍ជនបទវៀតណាមបានបន្ថែម ថាការនាំចេញដ៏ច្រើន និងមានចំណូលខ្ពស់ក្នុងឆ្នាំ២០២២នេះ ទំនងជានឹងធ្វើឱ្យមានកំណើនឡើងវិញនៅក្នុងទីផ្សារអត្តរជាតិបន្ត នាពេលខាងមុខ៕ ប្រភព៖ Dailynews

សហរដ្ឋអាមេរិក ៖ តាមសេចក្តីរាយការណ៍ព័ត៌មានពីកាសែត The Times-Picayune និង The New Orleans Advocate បញ្ជាក់ថា បុរសជនជាតិអាមេរិកម្នាក់ឈ្មោះ Randall Reid អាយុ២៨ឆ្នាំ ត្រូវបានជាប់គុកកាលពីចុងខែវិច្ឆិកា ឆ្នាំ២០២១ កន្លងមក នៅរដ្ឋ Georgia ពីបទលួចកាបូបប្រណីតនៅក្រុង Jefferson Parish រដ្ឋ Louisiana របស់អាមេរិក ។

លោក Tommy Calogero ជាមេធាវីរបស់បុរសខាងលើ ថ្លែងថា ដោយសារការភ្នាត់ស្នៀតរបស់បច្ចេកវិទ្យាចាំផ្ទៃមុខ ធ្វើឱ្យលោក Randall ត្រូវគេចាប់ខ្លួនកាលពីថ្ងៃទី២៥ ខែវិច្ឆិកា ហើយបានដោះលែងវិញនៅថ្ងៃទី១ ខែធ្នូ ឆ្នាំ២០២១ ។ Randall ជាបុរសស្បែកខ្មៅ ហើយមនុស្សម្នាជាច្រើនចាប់អារម្មណ៍ពីបច្ចេកវិទ្យាចាំផ្ទៃមុខ ដែលធ្វើឱ្យអ្នកស្បែកខ្មៅប្រឈមនឹងការចាប់ខ្លួនជាងស្បែកស ។

ប៉ូលិសនៅក្រុង Jefferson មិនបានឆ្លើយតបសំណួររបស់សារព័ត៌មាន The Times-Picayune និង The New Orleans Advocate អំពីការចាប់ឃុំខ្លួនបុរសខាងលើ និងការដោះលែងឡើយ ។ បច្ចេកវិទ្យាចាំផ្ទៃមុខនេះបានប្រឈមនឹងការរិះគន់ជាច្រើន ដែលធ្វើឱ្យមានការបារម្ភក្នុងរឿងផ្ទាល់ខ្លួន ហើយតាមការសិក្សាមួយចំនួនថា វាមាននិន្នាការកំណត់អត្តសញ្ញាណមនុស្សស្បែកខ្មៅច្រើនជាងស្បែកស ដែលធ្វើឱ្យចាប់មនុស្សខុស ។

បើតាមប៉ូលីសនៅទីក្រុង New Orleans និយាយថា បច្ចេកវិទ្យានេះអាចយកទៅប្រើប្រាស់ក្នុងការស្វែងរកតម្រុយតែប៉ុណ្ណោះ ។ ទោះយ៉ាងណា ច្បាប់កំណត់ប្រើប្រាស់បច្ចេកវិទ្យាចាំផ្ទៃមុខ ត្រូវបានគេបញ្ជាឱ្យផ្អាកការប្រើប្រាស់ក្នុងកិច្ចប្រជុំសភានៅឆ្នាំ២០២១ ៕ ប្រភព ៖ sanook

ប្រទេសថៃ ៖ កាលពីថ្ងៃទី១៣ ខែមករា តំណាងការិយាល័យទេសចរណ៍ប៉ាតាយ៉ាបានចង្អុលបង្ហាញពីស្ថានភាពទេសចរណ៍ និងការរីកលូតលាស់របស់ទីផ្សារទេសចរណ៍ បន្ទាប់ពីប្រទេសនានាបានបន្ធូរបន្ថយវិធានការកូវីដ ហើយបើកឱ្យពលរដ្ឋធ្វើដំណើរកម្សាន្តទាំងក្នុងស្រុក និងក្រៅប្រទេសតាមធម្មតា ។

តាមរបាយការណ៍ស្ទង់មតិផ្នែកទេសចរណ៍ឆ្នាំ២០២២ថា ខេត្តឈុនបុរីបានទទួលរងផលប៉ះពាល់ដោយសារការឆ្លងរាលដាលជំងឺកូវីដ និងទទួលប្រាក់ចំណូលចម្បងពីភ្ញៀវទេសចរអន្តរជាតិ ។ ភ្នាក់ងារពាក់ព័ន្ធជាច្រើនបានព្យាយាមគាំទ្រការដើរកម្សាន្តក្នុងប្រទេស រហូតធ្វើឱ្យខេត្តឈុនបុរីទទួលបានភ្ញៀវទេសចរថៃជាច្រើនកាលពីឆ្នាំមុន ជាពិសេស ពេលឈប់សម្រាកយូរថ្ងៃ និងថ្ងៃបុណ្យជាតិនានា ។

ជាក់ស្តែង ក្នុងរយៈពេល១១ខែដំបូងឆ្នាំ២០២២ឃើញថា មានភ្ញៀវទេសចរអន្តរជាតិត្រឹម១,៣លាននាក់ប៉ុណ្ណោះ រីឯភ្ញៀវទេសចរជាតិស្មើរហូតដល់១២,៥លាននាក់ ខណៈខេត្តឈុនបុរីជាតំបន់មានភ្ញៀវទេសចរជាតិមកកម្សាន្តច្រើនបំផុតស្ថិតក្នុងលំដាប់ទី១ បន្ទាប់មកគឺភូកេត ។

ទោះយ៉ាងណា ក្នុងឆ្នាំ២០២៣នេះ គេជឿថា វិធានការបន្ធូរបន្ថយកូវីតរបស់ប្រទេសនានា នឹងធ្វើឱ្យវិស័យទេសចរណ៍ខេត្តឈុនបុរីល្អប្រសើរឡើងវិញ ខណៈបច្ចុប្បន្ន មានភ្ញៀវទេសចររុស្ស៊ី និងឥណ្ឌាធ្វើដំណើរមកកម្សាន្តច្រើនឡើង ។ នៅក្នុងត្រីមាសដំបូងឆ្នាំ២០២៣ គេសង្ឃឹមថា ភ្ញៀវទេសចរចិននឹងត្រឡប់មកកម្សាន្តខេត្តឈុនបុរីវិញ ដូចគ្នាជាមួយភ្ញៀវទេសចរពីម៉ាឡេស៊ី ឡាវ វៀតណាម សិង្ហបុរី និងប៉ែកអឺរ៉ុប ។

តំណាងការិយាល័យទេសចរណ៍ប៉ាតាយ៉ាបង្ហាញទៀតថា ទោះជាការត្រឡប់មករបស់ភ្ញៀវទេសចរអន្តរជាតិល្អប្រសើរក្តី តែស្ថាប័នពាក់ព័ន្ធ រួមទាំងអាជ្ញាធរទេសចរណ៍ថៃ នៅតែផ្តល់ភាពសំខាន់ចំពោះភ្ញៀវជាតិ ។ យុទ្ធនាការផ្សព្វផ្សាយទេសចរណ៍ត្រូវបានធ្វើឡើងជាបន្តបន្ទាប់ដូចជា ការរៀបចំព្រឹត្តិការណ៍នានាប្រចាំឆ្នាំរបស់ក្រុងប៉ាតាយ៉ា ការលើកកម្ពស់ទេសចរណ៍លក្ខណៈគ្រួសារ និងលើកកម្ពស់ទេសចរណ៍ផ្តោតលើវប្បធម៌ ជាពិសេស រៀបចំការប្រជុំនិងសិក្ខាសាលាដើម្បីបំពេញផ្នែកខ្វះខាត ៕

ប្រភព ៖ mgronline

សហរដ្ឋអាមេរិក ៖ ប្រធានាធិបតីអាមេរិក លោក បៃដេន បានបញ្ជាក់ជាមួយនាយករដ្ឋមន្ត្រីជប៉ុន លោក ហ្វូមីអូ គីស៊ីដា ថា អាមេរិកនៅតែរក្សាសម្ព័ន្ធភាពជិតស្និទ្ធជាមួយជប៉ុន គាំទ្រផែនការផ្នែកការពារជាតិ និងសរសើរការបន្ថែមថវិកាការពារជាតិរបស់ជប៉ុន ខណៈអាមេរិក និងជប៉ុនរួមដៃគ្នាផ្នែកអវកាសផងដែរ ។

លោក បៃដេន បានទទួលស្វាគមន៍នាយករដ្ឋមន្ត្រីជប៉ុន លោក គីស៊ីដា នៅសេតវិមានប្រធានាធិបតីអាមេរិកកាលពីថ្ងៃទី១៣ ខែមករា ក្នុងឱកាសដែលមេដឹកនាំជប៉ុនបានធ្វើដំណើរមកកាន់ទឹកដីអាមេរិក ។

លោក បៃដេន បានបញ្ជាក់ទៅកាន់លោក គីស៊ីដា យ៉ាងជាក់លាក់ថា អាមេរិកនៅតែគាំទ្រយ៉ាងរឹងមាំនិងពេញលេញចំពោះសម្ព័ន្ធមិត្តជាមួយជប៉ុន ហើយប្រទេសទាំងពីរកាន់តែជិតស្និទ្ធជាមួយគ្នាលើសដើម ។ លើសពីនេះ លោក បៃដេន ក៏បានសរសើរជប៉ុនពីការបន្ថែមថវិកាផ្នែកការពារជាតិជាប្រវត្តិសាស្ត្រ ហើយបញ្ជាក់ថា អាមេរិកជួយគាំទ្រក្រសួងការពារជាតិរបស់ជប៉ុន ។

ចំណែកនាយករដ្ឋមន្ត្រីជប៉ុន លោក គីស៊ីដា ក៏បានថ្លែងអំណរគុណលោក បៃដេន អំពីរឿងដែលអាមេរិកធ្វើពាក់ព័ន្ធនឹងសន្តិសុខក្នុងតំបន់ ខណៈជប៉ុន និងអាមេរិកកំពុងប្រឈមនឹងស្ថានការណ៍ខាងក្រៅ និងស្មុគស្មាញបំផុតក្នុងប្រវត្តិសាស្ត្រ ។ ជប៉ុនបានដាក់ផែនការផ្នែកការពារជាតិជាថ្មីកាលពីខែធ្នូ ឆ្នាំ២០២២ ដើម្បីឱ្យប្រាកដចិត្តថា នឹងមានសន្តិភាព និងស្ថិរភាពក្នុងតំបន់។

ជាមួយគ្នានេះ ក្នុងឋានៈជាប្រធានក្រុមប្រទេសឧស្សាហកម្មឈានមុខគេទាំង៧ (G7) គោលបំណងនៃដំណើរទស្សនកិច្ចទៅកាន់ប្រទេស G7 របស់មេដឹកនាំជប៉ុន គឺដើម្បីពង្រឹងសម្ព័ន្ធភាពជាយូរអង្វែង ខណៈជប៉ុនបារម្ភពីការរំលោភបំពានក្នុងតំបន់ ។

ដោយឡែក ក្នុងថ្ងៃជាមួយគ្នានេះ លោក យ៉ូស៊ីម៉ាសា ហាយ៉ាស៊ី រដ្ឋមន្ត្រីក្រសួងការបរទេសជប៉ុន និងលោក Anthony Blinken រដ្ឋមន្ត្រីក្រសួងការបរទេសអាមេរិក ក៏បានរួមគ្នាចុះហត្ថលេខាលើកិច្ចព្រមព្រៀងសហប្រតិបត្តិការរុករកអវកាសនៅស្នាក់ការទីភ្នាក់ងារអវកាសសហរដ្ឋអាមេរិក (NASA) នៅទីក្រុងវ៉ាស៊ីនតោន ។ NASA មានផែនការឱ្យអវកាសយានិកជប៉ុនចូលរួមក្នុងបេសកកម្មរបស់ Artemis ទៅកាន់ឋានព្រះច័ន្ទផងដែរ ៕

ប្រភព ៖ TNN World

បរទេស៖ ស្ត្រីវ័យ ៥១ឆ្នាំម្នាក់ដែលជាក្រុមជ្រើសរើសមន្ត្រីកងទ័ពជើងទឹកអាមេរិក និងជាមេបញ្ជាការក្នុងក្រុម បានក្លាយជារឿងដ៏គួរឱ្យចាប់អារម្មណ៍ក្រោយពីស្ត្រីរូបនេះក្លាយជាស្ត្រីដំបូងបង្អស់ក្នុងការបញ្ជានាវាផ្ទុះយន្តហោះចម្បាំងរបស់សហរដ្ឋអាមេរិក។

Bauernschmidt គឺជាស្ត្រីតែម្នាក់គត់នៅក្នុងក្រុមកងទ័ពអាមេរិក តែម្នាក់គត់ដែលធ្លាប់បញ្ជានាវាផ្ទុកយន្តហោះអាមេរិក ដែលជានាវាចម្បាំងដ៏ធំបំផុត និងមានឥទ្ធិពលបំផុតមួយ។

ក្នុង Bauernschmidt នាងបានឱ្យដឹងថា ការបញ្ជានាវាគឺពិតជាងាយស្រួលមួយក្នុងចំនោមការងារដែលមិនគួរឱ្យជឿបំផុតនៅក្នុងពិភពលោក។ ហើយមនុស្សភាគច្រើនតែងគឹត និងចាត់ទុកថានេះជាការនិយាយមិន ពិត។

Bauernschmidt ធ្លាប់បានបញ្ជានាវា USS Abraham Lincoln ដែលជានាវាផ្ទុកយន្តហោះ Nimitz-class ទម្ងន់៩៧,០០០ តោន និង ១,០៩២ ហ្វីតចំនួន៦០គ្រឿង រួមទាំងយន្តហោះចម្បាំងបំបាំងកាយ F-35C ដែលជាយន្តហោះចម្បាំងទំនើបបំផុតនៅក្នុងអាកាសចរណ៍កងទ័ពជើងទឹក ជាមួយនឹងចំនួនមនុស្សប្រហែល ៥,០០០ នាក់នៅលើនាវា ដែលវាហាក់ដូចជាបញ្ជាទីក្រុងតូចមួយឱ្យមានចលនានៅលើសមុទ្រ។

គួររំលឹកថា ក្នុងខែវិច្ឆិកា ឆ្នាំ ១៩៩៣ ប្រាំមួយខែមុនពេល Bauernschmidt បញ្ចប់ការសិក្សាពីបណ្ឌិតសភាកងទ័ពជើងទឹក សភាបានអនុម័តច្បាប់អនុញ្ញាតឱ្យស្ត្រី បម្រើនៅលើកប៉ាល់ប្រយុទ្ធរបស់កងទ័ពជើងទឹកសហរដ្ឋអាមេរិក។

លើសពីនេះនាងក៏បានរៀនហោះហើរឧទ្ធម្ភាគចក្រ ក្លាយជាគ្រូបង្រៀនហោះហើរ និងបានបម្រើការលើនាវាពិឃាត និងនាវាផ្ទុកយន្តហោះ ហើយនៅទីបំផុតបានបញ្ជាឱ្យក្រុមឧទ្ធម្ភាគចក្រវាយប្រហារ។

ក្រោយមក Bauernschmidt បានចូលរៀននៅមហាវិទ្យាល័យ Naval War College ដោយទទួលបានសញ្ញាប័ត្រអនុបណ្ឌិតក្នុងការសិក្សាយុទ្ធសាស្ត្រ មុនពេលបម្រើការនៅការិយាល័យកិច្ចការនារីសកលរបស់រដ្ឋលេខាធិការសហរដ្ឋអាមេរិក។

បន្ទាប់ពីនោះ Bauernschmidt បានចូលរៀននៅសាលាថាមពលនុយក្លេអ៊ែររបស់កងទ័ពជើងទឹក ដោយរៀនវិទ្យាសាស្រ្ត និងវិស្វកម្មនៅពីក្រោយរោងចក្រថាមពលនុយក្លេអ៊ែររបស់កងទ័ពជើងទឹក នៅក្នុងអ្វីដែល Naval Sea Systems Command ហៅថា “កម្មវិធីសិក្សាដែលទាមទារបំផុតនៅក្នុងយោធាសហរដ្ឋអាមេរិក។

ចុងក្រោយនាងក៏បានត្រូវគេជ្រើសរើស ឱ្យទៅទទួលការចំណេះដឹង នៅលើនាវា USS Abraham Lincoln ដែលត្រូវបានបំពាក់ដោយម៉ាស៊ីនរ៉េអាក់ទ័រនុយក្លេអ៊ែរចំនួនពីរ ខណៈដែលនាងបានក្លាយជាមន្ត្រីប្រតិបត្តិដែលជាមេបញ្ជាការទីពីរនៅក្នុងឆ្នាំ ២០១៦៕ ប្រភព៖ Edition