យោងតាមការចុះផ្សាយបន្ទាន់នៅព្រឹកព្រលឹមថ្ងៃទី២០ មីនា ២០២៣នេះផ្សារទំនើបអ៊ីអនម៉លមានជ័យ បានចេញសេចក្ដីប្រកាសជូនដំណឹងភ្លាមៗ ដល់សាធារណជន និងអតិថិជនទាំងអស់ភ្លាមៗរបស់ខ្លួន ដោយប្រាប់អំពីមូលហេតុនៃការបិទដំណើរការផ្សារភ្លាមៗដល់ដៃគូ អតិថិជនរបស់ខ្លួនទាំងអស់ព្រោះតែមានការកាត់ផ្តាច់ចរន្តអគ្គិសនី ពី EDC ដោយមិនបានជូនដំណឹងជាមុនមកខាងភាគីផ្សារទំនើបអ៊ីអនម៉លមានជ័យឡើយ។
សូមរំលេចថាការកាត់ផ្តាច់ចរន្តអគ្គីសនីភ្លាមៗនេះ ខាងភាគីផ្គត់ផ្គង់អគ្គីសនី (E D C)ក៍មិនបានជូនដំណឹងមកខាងអជ្ញារធរពាក់ព័ន្ធ រឺក៍មកភាគីផ្សារដោយផ្ទាល់ឡើយ ពោលគឺផ្តាច់ភ្លើងដោយមិនបានប្រាប់ពីមូលហេតុ និងកាលកំណត់នៃការដាច់ចរន្តឡើយ។
ដូច្នេះហើយទើបភាគីផ្សារទំនើបអ៊ីអនម៉លមានជ័យ បានប្រកាសជាបន្ទាន់ពីការបិទផ្សារដោយមិនបានកំណត់កាលបរិច្ឆេទបើកវិញពេលណាដល់ដៃគូ រឺអតិថិជនដែលតែងតែគាំទ្រ និងចង់ទៅកំសាន្តនៅទីនោះសូមផ្អាកសិនដោយមូលហេតុគ្មានចរន្តអគ្គីសនី។
ខាងភាគីផ្សារអ៊ីអនម៉ល មានជ័យបានជំរាបផងដែរថា ភាគីផ្សារនិងជំរាបជូនដំណឹងពីការបើកដំណើរការជាថ្មីម្តងទៀត និងសូមអភ័យទោសចំពោះការរអាក់រអួលនេះ៕

កាលពីពេលថ្មីៗនេះ លោក ឯម រៀម ដែលជាអ្នកច្នៃម៉ូតសម្លៀកបំពាក់ដ៏មានទេពកោសល្យមួយរូប បានចូលរួមក្នុងកម្មវិធី Pleng Music Award ដែលមានវត្តមានសិល្បករសិល្បការនីជាច្រើន ជាមួយនឹងការបង្អួតម៉ូតសម្លៀកបំពាក់យ៉ាងទាក់ទាញធ្វើឲ្យមហាជនស្ងើចទៅលើទស្សនីយភាពដ៏អស្ចារ្យមួយនេះ។

នៅពេលបញ្ចុប់កម្មវិធីរូបភាព ប៉ុន្មានសន្លឹករបស់លោក ឯម រៀម ត្រូវបានគេចែកចាយពេញបណ្តាញសង្គម  ដែលបានធ្វើឱ្យអ្នកច្នៃម៉ូតរូបនេះ ទទួលបានការរិះគន់យ៉ាងចាស់ដៃពីមហាជន តាមរយៈឈុតដែលលោកបានបង្ហាញទៅវិញ។

នៅក្នុងនោះ គេបានខមិននិងស៊ែរ ដោយសរសេរថា ស្លៀកពាក់បែបនេះ មិនសមជាស្ថានិកច្នៃម៉ូតសម្លៀកបំពាក់ទាល់តែសោះ និងនៅមានខមិនតិះដៀលជាច្រើនទៀត។

តែចំពោះលោក ឯម រៀម វិញ បានតបមួយម៉ាត់យ៉ាងខ្លីដោយនិយាយថា៖ ” អរគុណដល់បងប្អូនដែលខមិនលើកទឹកចិត្ត និង ខមិន Bully”៕

កាលពីយប់ថ្ងៃទី១៨ ខែមីនា ឆ្នាំ២០២៣ លោកស្រី ម៉ន ដានី និងស្វាមី បាន​ឡាយតាមហ្វេសប៊ុក ដោយ​យំបណ្ដើរ និយាយបណ្ដើរ ដោយអះអាងថា ខ្លួន​បាន​ចាយលុយ ១២​លាន ៧សែនដុល្លារ ទិញដី ១០០ហិកតា តែអត់បានប្លង់ និងស្នើសុំដល់ថ្នាក់ដឹកនាំ មេត្តាជួយរកយុត្តិធម៌ផង។

ក្រោយមកបានប៉ុន្មានថ្ងៃ គម្រោងទី២៩ នៅគម្រោងទី២៩​ តាមផ្លូវជាតិលេខ៥១ ក្នុង​ខេត្តកំពង់ស្ពឺ ឬបស់លោកស្រីម៉ន ដានី ត្រូវបាន និយ័តករអាជីវកម្មអចលនវត្ថុ (ន.អ.ប) បញ្ឈប់សកម្មភាពអាជីវកម្ម  ក្រោម​ហេតុផល គ្មានអាជ្ញាប័ណ្ណពី ន.អ.ប និងកំពុងមានវិវាទជាមួយម្ចាស់ដី ព្រមទាំងអតិថិជន។

ករណី​នេះ នាំឱ្យប្រជាពលរដ្ឋ ជាអ្នកទិញផ្ទះ បានលើកគ្នាទៅតវ៉ានៅក្រុមហ៊ុន ហើយអភិបាលខេត្ត​កំពង់ស្ពឺ បញ្ជាក់ថា ករណីនេះ ដោយសារតែក្រុមហ៊ុនបុរី ម៉ន ដានី ទិញដីគេ ហើយ​មិនទូទាត់​ប្រាក់ឱ្យគេ ទើបម្ចាស់ដីប្តឹង​។

ទាក់ទងនឹងរឿងនេះ លោក វ៉ី សំណាង អភិបាលខេត្តកំពង់ស្ពឺ បានឆ្លើយក្នុងប្រព័ន្ធ​តេឡេក្រាមថា “ករណីបុរី ម៉ន ដានី នៅស្រុកគងពិសី គឺ៖ ឈ្មោះ ម៉ន ដានី និងប្តី បានទិញដីពីឈ្មោះ សូ សុវណ្ណ និងប្រពន្ធ មានទំហំដី ៥០ហិកតា ស្មើនឹង ៦ប័ណ្ណ និងបានផ្ទេរកម្មសិទ្ធិ មកឈ្មោះ ម៉ន ដានី និងប្តីរួចអស់​ហើយ ព្រមទាំងប្តូរប្រភេទដី និងបង្រួមក្បាលដីរួចអស់ហើយ។ ប៉ុន្តែតាមការ​រាយការណ៍ពីប្រធាន​ការិយាល័យ(សំណង់ភូមិបាល) ថា ភាគីអ្នកទិញ ពុំទាន់ទូទាត់ប្រាក់ឲ្យថ្លៃដីបង្គ្រប់នៅឡើយ ទើបភាគីអ្នកលក់ សូ សុវណ្ណ បានដាក់ពាក្យប្តឹង រក្សាការពារដី ចំនួន១៣ប័ណ្ណផ្សេងទៀត ដែល​ភាគី ម៉ន ដានី មិនទាន់ទូទាត់ប្រាក់ តាមកិច្ចសន្យា។ មន្ទីរនឹងអញ្ជើញគូភាគីមកដោះស្រាយ នៅថ្ងៃទី២៣ ខែមីនា ឆ្នាំ២០២៣ សប្តាហ៍ក្រោយ”៕

កាលពីព្រឹកថ្ងៃទី២០ ខែមីនា ឆ្នាំ ២០២៣ យោងតាមការបង្ហោះតាមរយៈប្រព័ន្ធផ្សព្វផ្សាយសង្គមហ្វេកប៊ុករបស់អុីអន មានជ័យ បានលើកឡើងថា ផ្សារទំនើបអុីអនមានជ័យ នឹងបិទដំណើរការជាបណ្តោះអាសន្នសិន។

តាមរយៈការបង្ហោះជាមួយនឹងខ្លឹមសារថា៖

“យើងខ្ញុំសូមជំរាបជូនដំណឹងដល់អតិថិជនទាំងអស់អោយបានជ្រាបថា ផ្សារទំនើប អុីអន ម៉ល មានជ័យ នឹងធ្វេីការបិទដំណើរការបណ្តោះអាសន្នថ្ងៃនេះ រហូតដល់មានការជំរាបជូនម្តងទៀត ដោយសារតែមានការកាត់ផ្តាច់ប្រព័ន្ធអគ្គីសនីភ្លាមៗ។
យើងខ្ញុំសូមអភ័យទោសចំពោះការរអាក់រអួលនេះ។
សូមអរគុណ”

សូមជម្រាបផងដែរថា ផ្សារទំនើបអុីអន មានជ័យ មានទីតាំងតាមផ្លូវ៦០ម៉ែត្រ ដែលជាផ្សារទំនើបធំជាងគេមួយនៅក្នុងប្រទេសកម្ពុជា៕