ប្រទេសរុស្ស៊ី ៖ មន្ត្រីរដ្ឋាភិបាលរុស្ស៊ីម្នាក់បានផ្តល់សម្ភាសន៍ទៅកាន់ស្ថានីយទូរទស្សន៍ NHK របស់ជប៉ុនថា ប្រទេសរុស្ស៊ីកំពុងត្រៀមខ្លួនទទួលមេដឹកនាំចិន លោក ស៊ី ជិនពីង ដែលនឹងធ្វើដំណើរមកកាន់រុស្ស៊ីនាពេលឆាប់ៗនេះ បន្ទាប់ពីកងទ័ពរបស់រុស្ស៊ីបានបើកការវាយប្រហារមកលើអ៊ុយក្រែនអស់រយៈពេលជាង១ឆ្នាំ ។

លោកប្រធានាធិបតីចិន ស៊ី ជិនពីង ធ្លាប់បានពិភាក្សាជាមួយប្រធានាធិបតីរុស្ស៊ី លោក វ្ល៉ាឌីមៀ ពូទីន តាមអនឡាញ កាលពីខែធ្នូ ឆ្នាំ២០២២ កន្លងមក ហើយលោកប្រធានាធិបតី ពូទីន បានអញ្ជើញលោក ស៊ី ជិនពីង ឱ្យធ្វើដំណើរមកប្រទេសរុស្ស៊ី ក្នុងនិទាឃរដូវឆ្នាំ២០២៣ នេះ ។

ជាមួយគ្នានេះ កាលពីខែកុម្ភៈ ឆ្នាំ២០២៣ លោក ពូទីន បានថ្លែងទៅកាន់មន្ត្រីទូតជាន់ខ្ពស់របស់ចិន លោក Wang Yi នៅទីក្រុងមូស្គូ ប្រទេសរុស្ស៊ីថា កំពុងទន្ទឹងរង់ចាំមេដឹកនាំចិនមកទស្សនកិច្ចនៅប្រទេសរុស្ស៊ី ។ គេសម្លឹងឃើញថា ស្ថានការណ៍នៅប្រទេសអ៊ុយក្រែន គឺជាប្រធានសំខាន់មួយក្នុងការជជែកពិភាក្សារវាងមេដឹកនាំប្រទេសទាំងពីរ ។

កាសែត Wall Street Journal បានរាយការណ៍ថា លោកប្រធានាធិបតីចិន ស៊ី ជិនពីង ក៏មានគម្រោងពិភាក្សាគ្នាតាមអនឡាយជាមួយប្រធានាធិបតីអ៊ុយក្រែន លោក Volodymyr Zelensky ផងដែរ បន្ទាប់ពីលោកបានបញ្ចប់ដំណើរទស្សនកិច្ចទៅកាន់ប្រទេសរុស្ស៊ី ។ គម្រោងធ្វើដំណើរទៅកាន់ប្រទេសអ៊ុយក្រែនរបស់មេដឹកនាំចិននេះ គឺជាការពិភាក្សាគ្នាលើកដំបូងតាំងពីកងទ័ពរុស្ស៊ីបានវាយប្រហារប្រទេសអ៊ុយក្រែនកាលពីឆ្នាំ២០២២ ហើយមេដឹកនាំអ៊ុយក្រែន លោក Volodymyr Zelensky ក៏ត្រូវការពិភាក្សាជាមួយមេដឹកនាំចិន និងទទួលយកផែនការសន្តិភាពទាំង១២ចំណុចរបស់រដ្ឋាភិបាលចិន ដែលបានដាក់ឡើងដើម្បីអំពាវនាវឱ្យមានការឈប់បាញ់គ្នា និងចរចាដោយសន្តិភាព ។

ចំណែកអ្នកនាំពាក្យរបស់រដ្ឋាភិបាលរុស្ស៊ី លោក Dmitry Peskov មិនបាននិយាយអ្វីពាក់ព័ន្ធនឹងគម្រោងធ្វើដំណើរទៅកាន់ប្រទេសរុស្ស៊ីរបស់មេដឹកនាំចិនទេ ប៉ុន្តែលោកបានសន្យាថា នឹងប្រកាសពីព័ត៌មាននេះ ក្រោយពីបានរៀបចំការងារទាំងអស់រួចរាល់ ៕ ប្រភព ៖ TNN World

មាសគឺជាធនធានធម្មជាតិដ៏មានតម្លៃដែលគេយកទៅច្នៃធ្វើជាគ្រឿងអលង្ការផងដែរ យ៉ាងណាមិញមាសក៏អាចជួយអោយមនុស្សមានភាពថ្លៃថ្នូរនិងស៊ីវិល័យផងដែរ ដូច្នេះហើយតើប្រទេសណាខ្លះដែលសម្បូរមាសច្រើនជាងគេ? តោះចូលរួមយល់ដឹងទាំងអស់គ្នា៖

១.ប្រទេសអាមេរិក៖ ជាប្រទេសដែលមានស្ទុកមាសរហូតទៅដល់៨១៣៣,៥តោន
២.ប្រទេសអាល្លឺម៉ង់៖ ជាប្រទេសដែលមានស្ទុកមាសរហូតទៅដល់៣៣៧១តោន
៣.ប្រទេសអ៊ីតាលី៖ ជាប្រទេសដែលមានស្ទុកមាសរហូតទៅដល់២៤៥១,៨តោន
៤.ប្រទេសបារាំង៖ ជាប្រទេសដែលមានស្ទុកមាសរហូតទៅដល់២៤៣៦តោន
៥.ប្រទេសរុស្សី៖ ជាប្រទេសដែលមានស្ទុកមាសរហូតទៅដល់១៩០៩,៨តោន
៦.ប្រទេសចិន៖ ជាប្រទេសដែលមានស្ទុកមាសរហូតទៅដល់១៨៤២,៦តោន
៧.ប្រទេសជប៉ុន៖ ៖ ជាប្រទេសដែលមានស្ទុកមាសរហូតទៅដល់៧៦៥,២តោន
៨.ប្រទេសហូឡង់៖ ៖ ជាប្រទេសដែលមានស្ទុកមាសរហូតទៅដល់៦១២,៥តោន
៩.ប្រទេសឥណ្ឌា៖ ជាប្រទេសដែលមានស្ទុកមាសរហូតទៅដល់៥៦០,៣តោន
១០.ប្រទេសស្វីស៖ ជាប្រទេសដែលមានស្ទុកមាសរហូតទៅដល់១,០៤០តោន៕

ប្រទេសថៃ៖ ប្រទេសថៃជាប្រទេសអភិវឌ្ឍ ហើយក៏មានអគារជាច្រើនដែលមានទំហំធំហើយខ្ពស់ជាងគេផងដែរ ប៉ុន្តែអាគារទាំង៨នេះជាប់ឈ្មោះជាអាគារដែលមានទំហំធំជាងគេលើពិភពលោក ដូច្នេះហើយតើអាគារធំៗទាំង៨នោះមានអ្វីខ្លះ?

១.វត្តវ៉ាត់ផារ៉ា ៖ វត្តនេះគឺមានទំហំធំខ្លាំង ដែលអាចផ្ទុកមនុស្សបានរហូតដល់ទៅ ១លាននាក់ ហើយវត្តនេះត្រូវបានគេចាត់ទុកថាជាវត្តដែលធំជាងគេលើពិភពលោកនាពេលបច្ចុប្បន្ននេះ ។២.ព្រលានយន្តហោះថៃ៖ អាកាសយានដ្ឋានជាតិរបស់ប្រទេសថៃដែលបានបើកជាលើក ដំបូងនៅឆ្នាំ២០០៦ នេះគឺជាច្រកទ្វារសម្រាប់អ្នកធ្វើដំណើរជាសកលទៅកាន់ប្រទេស ថៃ វាមានប៉មត្រួតពិនិត្យជើងហោះហើរខ្ពស់បំផុតទី ២៥៤៩ របស់ពិភពលោករួម ជាមួយនឹងបច្ចេកវិទ្យាដ៏ល្បីល្បាញបំផុតដែលប្រើនៅព្រលានយន្ត ហោះ ។៣.ផ្លូវថ្នល់ធំបំផុត៖ ផ្លូវថ្នល់ថ្មីបំផុតរបស់ប្រទេសថៃភ្ជាប់តំបន់កណ្តាលទៅភាគឦសាន យ៉ាងលឿននិងកាត់បន្ថយការតានតឹងចរាចរណ៍ក្នុងអំឡុងរដូវបុណ្យនេះ ផ្លូវម៉ូតូមាន ប្រវែង ១៩៦ គីឡូម៉ែត្រ ។៤.ទន្លេចៅផាយ៉ា៖ នៅតាមបណ្តោយទន្លេChao Phraya បានសាងសង់ជាមួយនឹងខុនដូលំនៅដ្ឋានមួយឈ្មោះ Magnolias Waterfront Residences ដែលបច្ចុប្បន្នជាអគារ ខ្ពស់បំផុតនៅប្រទេសថៃប្រហែល ៣១៨ ម៉ែត្រ។៥.រថភ្លើងព្រលានយន្តហោះ៖ រថភ្លើងលើមេឃភ្ជាប់ជាមួយពហុកីឡាដ្ឋាន Suvarnabhumi និង ទីក្រុងបាងកកដើម្បីសម្រួលដល់អ្នកទេសចរឲ្យទៅដល់កណ្តាល ទីក្រុង។៦.រដ្ឋសភាជាតិ៖ ឥឡូវនេះរដ្ឋសភាដែលទើបនឹងបញ្ចប់ថ្មីៗនេះត្រូវបានគេស្គាល់ថាជាសភាធំជាងគេបំផុតរបស់ពិភពលោក រដ្ឋសភាថ្មីនេះមាននៅក្បែទន្លេឆាវ ផេរ៉ាយ៉ា ។ ៧.អាគារ Power Mahanakhon ៖ ជាអគារខ្ពស់ជាងគេទី២លើលោក អាគារនេះត្រូវបានរចនាឡើងយ៉ាងស្អាត ជាមួយនឹងផ្ទៃមេឃ ដែលអនុញ្ញាតឱ្យភ្ញៀវទេសចរបានទស្សនា ទីក្រុងបាងកកក៏ដូចជា របាំ និងភោជនីយដ្ឋានដ៏ប្រណិត។៨.ស្ថានីយ៍កណ្តាលអង្គរApiwat៖ បានចាប់ផ្តើមសាងសង់នៅឆ្នាំ២០១៣ ហើយឥឡូវ នេះជាស្ថានីយរថភ្លើងដែលធំជាងគេបំផុតនៅអាស៊ីអាគ្នេយ៍ផងដែរ៕
ប្រភព៖sanook

ប្រទេសឥណ្ឌូណេស៊ី ៖ លោក Airlangga Hartarto រដ្ឋមន្ត្រីសម្របសម្រួលកិច្ចការសេដ្ឋកិច្ចរបស់ឥណ្ឌូណេស៊ី បានថ្លែងក្នុងកម្មវិធី CNBC Economic Outlook 2023 ថា ប្រទេសឥណ្ឌូណេស៊ីបានប្រកួតប្រជែងជាមួយថៃ ផ្នែករថយន្តអគ្គិសនី ។ បច្ចុប្បន្ននេះ រដ្ឋាភិបាលឥណ្ឌូណេស៊ីកំពុងតែដំណើរការច្បាប់ផ្សេងៗដែលពាក់ព័ន្ធនឹងការផលិតរថយន្តអគ្គិសនី ។

ប្រទេសឥណ្ឌូណេស៊ីបានផ្តល់ប្រាក់ឧបត្ថម្ភសម្រាប់ម៉ូតូអគ្គិសនីស្មើ៧លានរូពី ចំណែករថយន្តអគ្គិសនីវិញកំពុងតែស្ថិតនៅក្រោមការពិចារណា ខណៈប្រទេសថៃបានផ្តល់ប្រាក់ឧបត្ថម្ភសម្រាប់រថយន្តអគ្គិសនីក្នុង១គ្រឿងចំនួន៨០លានរូពី (ស្មើប្រមាណ១៨ម៉ឺនបាត) ។

ប្រាក់ឧបត្ថម្ភសម្រាប់រថយន្តអគ្គិសនី និងម៉ូតូអគ្គិសនី នឹងត្រូវផ្តល់ឱ្យយានយន្តទាំងអស់ដែលផលិតនៅប្រទេសឥណ្ឌូណេស៊ី ។ ការសម្រេចចិត្តលើកនេះ គឺឥណ្ឌូណេស៊ីមានគោលបំណងជំរុញឱ្យពលរដ្ឋរបស់ខ្លួនប្រើប្រាស់រថយន្តអគ្គិសនីកាន់តែច្រើន ដើម្បីគាំទ្រដល់ការកែលម្អក្នុងផ្នែកផលិតកម្ម ខណៈបច្ចុប្បន្ន ផ្នែកផលិតកម្មរបស់ឥណ្ឌូណេស៊ីបានងើបឡើងវិញជាបន្តបន្ទាប់ ។ ជាក់ស្តែង សន្ទស្សន៍គ្រប់គ្រងការទិញរបស់ឥណ្ឌូណេស៊ី គឺស្មើនឹង៥១.៣ នៅខែមករា ឆ្នាំ២០២៣ ។

ក្រៅពីនេះ លោក Airlangga Hartarto បានបញ្ជាក់ថា ផ្នែកផលិតកម្មរបស់ឥណ្ឌូណេស៊ីល្អប្រសើរឡើង ព្រមទាំងការលក់រថយន្តបានបំបែកកំណត់ត្រា និងឈានដល់ចំនួន១.០៤លានគ្រឿងក្នុងឆ្នាំ២០២២ កន្លងមក និងលើសពីតួលេខមុនពេលជំងឺកូវីដឆ្លងរាតត្បាតផងដែរ ។ លើសពីនេះ ការនាំចេញរថយន្តរបស់ឥណ្ឌូណេស៊ីបានកើនឡើង៦០% និងនាំចេញទៅកាន់៧០ប្រទេស ៕ ប្រភព ៖ AEC connect

រដ្ឋធានីវ៉ាស៊ីនតោន៖ ស្របពេលទំនាក់ទំនងការទូត រវាងក្រុងវ៉ាស៊ីនតោន និង ក្រុងប៉េកាំង កំពុងតែធ្លាក់ចុះខ្លាំងនោះ ក៏មានសេចក្ដីរាយការណ៍ ពីក្រុមហ៊ុនបណ្ដាញសង្គមយក្សរបស់ចិន អះអាង ពីការគំរាមកំហែងរបស់សហរដ្ឋអាមេរិក ប្រសិនបើមិនលក់ភាគហ៊ុនរបស់ Tik Tok ឲ្យខ្លួន។

សារព័ត៌មាន Channel News Asia បានចេញផ្សាយ កាលពីព្រឹក ថ្ងៃព្រហស្បតិ៍ ទី១៦ ខែមីនា ឆ្នាំ២០២៣ ថា ក្រុមហ៊ុនចិន ByteDance បានប្រាប់ដល់ទីភ្នាក់ងារសារព័ត៌មាន Reuters កាលពីថ្ងៃពុធ ថា រដ្ឋការរបស់ប្រធានាធិបតីសហរដ្ឋអាមេរិក លោក ចូ បៃដិន (Joe Biden) បានទាមទារឱ្យម្ចាស់ TikTok របស់ចិន ដកភាគហ៊ុនរបស់ពួកគេ នៅក្នុងកម្មវិធីវីដេអូដ៏ពេញនិយម ឬ ប្រឈមនឹងការហាមឃាត់ អាចនឹងកើតមាន នៅសហរដ្ឋអាមេរិក។

សកម្មភាពបែបនេះ ត្រូវបានសារព័ត៌មាន Wall Street Journal រាយការណ៍មុនដំបូង ហើយវាជាជំហានដ៏គួរឱ្យភ្ញាក់ផ្អើលបំផុត នៅក្នុងគោលនយោបាយថ្មីៗរបស់មន្ត្រីអាមេរិក និងសមាជិកសភា បានលើកឡើង អំពីការភ័យខ្លាច ថា ទិន្នន័យរបស់អ្នកប្រើប្រាស់ TikTok របស់អាមេរិក អាចត្រូវបានបញ្ជូន ទៅកាន់រដ្ឋាភិបាលក្រុងប៉េកាំង។

នៅក្នុងរដ្ឋការរបស់អតីតប្រធានាធិបតីសហរដ្ឋអាមេរិក មកពីគណបក្សសាធារណរដ្ឋ លោក ដូណាល់ ត្រាំ (Donald Trump) បានព្យាយាម ហាមឃាត់ Tik Tok នៅក្នុងឆ្នាំ២០២០ ប៉ុន្ដែត្រូវបានរារាំង ដោយតុលាការ។ ចំណែកនៅក្នុងរដ្ឋការរបស់ប្រធានាធិបតី មកពីគណបក្សប្រជាធិបតេយ្យ លោក ចូ បៃដិន ក៏បានបង្ហាញសកម្មភាព ជាលើកដំបូង គំរាមកំហែងដល់ការហាមឃាត់ Tik Tok ។

លោក ប៊្រូក អូប៊ឺរវ៉េតទ័រ (Brooke Oberwetter) អ្នកនាំពាក្យរបស់ Tik Tok បានប្រាប់ដល់ទីភ្នាក់ងារសារព័ត៌មានរបស់ចក្រភពអង់គ្លេស Reuters ថា កាលពីពេលថ្មីនេះ ក្រុមហ៊ុន បានឮពីគណៈកម្មាធិការវិនិយោគបរទេស នៅសហរដ្ឋអាមេរិក ដឹកនាំដោយក្រសួងសេដ្ឋកិច្ចអាមេរិក ហៅកាត់ CFIUS ទាមទារឲ្យម្ចាស់ App របស់ចិន លក់ភាគហ៊ុនរបស់ខ្លួន។ មួយវិញទៀត ប្រសិនបើម្ចាស់ App មិនលក់ ពួកគេនឹងត្រូវប្រឈមមុខនឹងបម្រាមរបស់សហរដ្ឋអាមេរិក ជុំវិញ App វីដេអូទាំងនោះ។

បើតាម The Journal បានរាយការណ៍ ថា ភាគហ៊ុនចំនួន៦០ភាគរយរបស់ក្រុមហ៊ុន ByteDance គ្រប់គ្រងដោយវិនិយោគិនពិភពលោក, ២០ភាគរយ គ្រប់គ្រងដោយបុគ្គលិក និង ២០ភាគរយ គ្រប់គ្រងដោយក្រុមស្ថានិក Tik Tok ។ ដោយឡែក CFIUS ជាស្ថាប័នសន្ដិសុខជាតិដ៏មានអំណាចរបស់សហរដ្ឋអាមេរិក កាលពីឆ្នាំ២០២០ បានផ្ដល់អនុសាសន៍ជាឯកច្ឆ័ន្ទ ទាមទារឲ្យក្រុមហ៊ុន ByteDance ដក TikTok ចេញ។

អ្នកនាំពាក្យរបស់ Tik Tok រូបនេះ បានបញ្ជាក់ នៅក្នុងសេចក្ដីថ្លែងការណ៍មួយ ថា «ប្រសិនបើកិច្ចការពារសន្តិសុខជាតិ ក្លាយជាកម្មវត្ថុនោះ ការដក Tik Tok ចេញ នៅតែមិនអាចដោះស្រាយបញ្ហាបាននោះឡើយ។ ចំណែក ការផ្លាស់ប្តូរកម្មសិទ្ធិ នឹងមិនដាក់កំហិតថ្មីណាមួយ លើលំហូរទិន្នន័យ ឬ ការចូលប្រើនោះដែរ»។

TikTok គ្រប់គ្រងដោយក្រុមហ៊ុន ByteDance មានអ្នកប្រើប្រាស់ជាង១០០លាន នៅសហរដ្ឋអាមេរិក។ ប៉ុន្ដែទោះជាយ៉ាងណា សេតវិមានរបស់ប្រធានាធិបតី លោក ចូ បៃដិន មិនបានធ្វើការអត្ថាធិប្បាយ ជុំវិញសេចក្ដីថ្លែងការណ៍របស់អ្នកនាំពាក្យ Tik Tok នោះឡើយ៕

ប្រទេសតួកគី ៖ រថយន្តជាច្រើនគ្រឿងដែលមានមនុស្សជាប់នៅខាងក្នុងបានអណ្តែតទៅតាមទឹកហូរនៅទីក្រុង Sanliurfa ដែលបានទទួលរងផលប៉ះពាល់ខ្លាំងបំផុតដោយសារទឹកជំនន់លើកនេះ ។ លើសពីនេះ លំនៅឋានរបស់ពលរដ្ឋ និងផ្លូវជាច្រើនខ្សែបានលិចនៅក្រោមទឹក ហើយភ្នាក់ងារសង្គ្រោះកំពុងស្វែងរកអ្នកនៅរស់រានមានជីវិតដែលជាប់ក្នុងអគារ ឬលំនៅឋាន ។

គ្រោះទឹកជំនន់ដែលបណ្តាលមកពីភ្លៀងធ្លាក់ខ្លាំងនេះបានធ្វើឱ្យទីក្រុង Adiyaman និងទីក្រុង Sanliurfa របស់ប្រទេសតួកគីកាន់តែលំបាកខ្លាំងថែមទៀត ខណៈទីក្រុងទាំងពីរនេះទើបតែទទួលរងគ្រោះដោយសាររញ្ជួយដីកាលពី៥សប្តាហ៍មុន ។ គេបានរាយការណ៍ថា គ្រោះទឹកជំនន់ធ្វើឱ្យពលរដ្ឋតួកគីស្លាប់ចំនួន១៤នាក់ និងបាត់ខ្លួន៥នាក់ ។

Sanliurfa គឺជាទីក្រុងដែលមានអ្នកស្លាប់ច្រើនបំផុតដោយសារទឹកជំនន់លើកនេះ គឺស្មើ១២នាក់ ក្នុងនោះមានជនជាតិស៊ីរី៥នាក់ផងដែរ រីឯក្រុង Adiyaman មានអ្នកស្លាប់២នាក់ គឺជាអ្នករស់រានមានជីវិតពីគ្រោះរញ្ជួយដីនាពេលកន្លងមក ។ ពួកគេគ្មានផ្ទះសម្បែងទេ ខណៈផ្ទះបានខូចខាតដោយសាររញ្ជួយដី រហូតត្រូវមករស់នៅក្នុងផ្ទះធ្វើពីទូរកុងតឺន័រ ប៉ុន្តែពួកគេបានស្លាប់ដោយសារទឹកជំនន់លិចផ្ទះទៅវិញ ។

គួរបញ្ជាក់ថា កាលពីថ្ងៃទី៦ ខែកុម្ភៈ កន្លងមក ប្រទេសតួកគីបានជួបគ្រោះរញ្ជួយដីខ្លាំងក្លាបំផុតក្នុងកម្រិត៧វ៉ិកទ័រ ចំនួន២ដងក្នុងថ្ងៃតែមួយ ដែលបណ្តាលឱ្យមានមនុស្សស្លាប់ចំនួន៤៨.០០០នាក់ និងធ្វើឱ្យមនុស្សជាច្រើនលាននាក់ទៀតគ្មានផ្ទះសម្បែង៕

ប្រភព ៖ TNN World

នៅជុំវិញពិភពលោកប្រទេសនីមួយៗសុទ្ធតែមានបំណុលរៀងៗខ្លួន ដើម្បីយកទៅអភិវឌ្ឍប្រទេសជាតិនិងសង្គមជាតិ ដោយឡែកប្រទេសទាំង១០នេះត្រូវបានជាប់ឈ្មោះជាប្រទេសដែលមានបំណុលច្រើនជាងគេលើពិភពលោកក្នុងឆ្នាំ២០២៣។ ដូច្នេះហើយតោះចូលរួមយល់ដឹងទាំងអស់គ្នា៖

១.ប្រទេសអាមេរិក៖ គិតត្រឹមឆ្នាំ២០២៣នេះប្រទេសអាមេរិកមានបំណុល ១៩.២៣ ម៉ឺនលានដុល្លារ
២.ប្រទេសជប៉ុន៖ គិតត្រឹមឆ្នាំ២០២៣នេះប្រទេសជប៉ុនមានបំណុល ៩.០៧ ម៉ឺនលានដុល្លារ
៣.ប្រទេសអ៊ីតាលី៖ គិតត្រឹមឆ្នាំ២០២៣នេះប្រទេសអ៊ីតាលីមានបំណុល ២.៤៨ ម៉ឺនលានដុល្លារ
៤.ប្រទេសបែលស្សិក៖ គិតត្រឹមឆ្នាំ២០២៣នេះប្រទេសបែលស្សិកមានបំណុល ៤៥៦.៨ ពាន់លានដុល្លារ
៥.ប្រទេសក្រិក៖ គិតត្រឹមឆ្នាំ២០២៣នេះប្រទេសក្រិកមានបំណុល ៣៧៩ ពាន់លានដុល្លារ
៦.ប្រទេសព័រទុយហ្កាល់៖ គិតត្រឹមឆ្នាំ២០២៣នេះប្រទេសព័រទុយហ្កាល់មានបំណុល ២៦៤ ពាន់លានដុល្លារ
៧.ប្រទេសសាំហ្កាពួ៖ គិតត្រឹមឆ្នាំ២០២៣នេះប្រទេសសាំហ្កាពួមានបំណុល ២៥៤ ពាន់លានដុល្លារ
៨.ប្រទេសសាយប្រឹស៖ គិតត្រឹមឆ្នាំ២០២៣នេះប្រទេសសាយប្រឹសមានបំណុល ២១.៦៤ ពាន់លានដុល្លារ
៩.ប្រទេសប៊ូតាន៖ គិតត្រឹមឆ្នាំ២០២៣នេះប្រទេសប៊ូតានមានបំណុល ២.៣៣ ពាន់លានដុល្លារ
១០.ប្រទេសអេស្ប៉ាញ៖ គិតត្រឹមឆ្នាំ២០២៣នេះប្រទេសអេស្ប៉ាញមានបំណុល ១.២៤ លានដុល្លារ៕

ប្រទេសថៃ ៖ កីឡាករប្រេស៊ីលម្នាក់ឈ្មោះ Thiago Teziera បានទទួលពានរង្វាន់ជាអ្នកប្រដាល់សេរី និងធ្លាប់ប្រឡូកក្នុងកីឡា Muay Thai នៅប្រទេសថៃជាច្រើនលើក ហើយមានពលរដ្ឋខ្មែរស្រឡាញ់ចូលចិត្ត បន្ទាប់ពីកីឡាកររូបនេះជួយគាំទ្រកីឡា «គុនខ្មែរ» ។ ប៉ុន្តែបែរជាពលរដ្ឋថៃនាំគ្នារិះគន់ទៅវិញ ហើយនិយាយថា បើគាំទ្រកីឡារបស់កម្ពុជា គឺត្រូវលុបរូបសាក់ដែលសរសេរពាក្យថា «Muay Thai» ចេញពីខ្នងសិន ។

លោក Thiago Teziera បានក្លាយជាកីឡាករម្នាក់ដែលពលរដ្ឋកម្ពុជាស្រឡាញ់ចូលចិត្តយ៉ាងឆាប់រហ័ស ក្រោយពីលោកបង្ហោះសរសើរពីកីឡា «គុនខ្មែរ» ព្រមទាំងប្រកាសថា នឹងយកសិល្បៈការតស៊ូរបស់កម្ពុជាទៅផ្សព្វផ្សាយនៅទូទាំងពិភពលោក ហើយនាថ្ងៃអនាគត លោកនឹងនាំក្រុមគ្រួសារមកកម្ពុជាផងដែរ ។

ក្រោយពីកីឡាករ Thiago Teziera ល្បីល្បាញក្នុងបណ្តាញសង្គមបានធ្វើឱ្យអនុប្រធានកិត្តិយសសហព័ន្ធកីឡាប្រដាល់កម្ពុជា លោក ស្រី ចាន់ថន លើកសរសើរ ព្រមទាំងនាំកីឡាករវ័យ៣០ឆ្នាំរូបនេះទៅទស្សនាប្រាសាទបុរាណរបស់កម្ពុជា ដើម្បីបង្ហាញពីចម្លាក់ថ្មដែលបញ្ជាក់ថា វាជាដើមកំណើតនៃក្បាច់គុនខ្មែរ និងជាមោទនភាពរបស់ពលរដ្ឋខ្មែរ ។

ទោះយ៉ាងណា ពលរដ្ឋថៃបានអះអាងក្នុងទំព័រហ្វេសប៊ុកថៃឈ្មោះ sanook sport ថា លោក Thiago Teziera ធ្លាប់បានឡើងប្រដាល់នៅប្រទេសថៃជាច្រើនលើក ហើយក៏ធ្លាប់មកហ្វឹកហាត់នៅខេត្តភូកេត និងបានសាក់ពាក្យថា «Muay Thai» ធំៗនៅលើខ្នងផងដែរ ។ ប៉ុន្តែដោយសារលោក Thiago Teziera គាំទ្រកីឡារបស់ខ្មែរ បានធ្វើឱ្យអ្នកគាំទ្រកីឡា «Muay Thai» ជាច្រើននាក់លើកឡើងថា គួរតែលុបរូបសាក់នេះចេញសិនទៅ ខណៈកីឡាកររូបនេះសាក់ពាក្យថា «Muay Thai» តែបែរជាទៅគាំទ្រ «គុនខ្មែរ» ទៅវិញ ។ ពលរដ្ឋថៃអះអាងថា វាមិនពិតជាមិនសមហេតុផលទេ ។

អ្នកលេងបណ្តាញសង្គមថៃនិយាយថា កម្ពុជាបានព្យាយាមជំរុញឱ្យពិភពលោកស្គាល់កីឡា «គុនខ្មែរ» របស់ខ្លួន និងសម្រេចចិត្តប្រើប្រាស់ការប្រកួតកីឡាស៊ីហ្គេម ឆ្នាំ២០២៣ ដែលកម្ពុជាធ្វើជាម្ចាស់ផ្ទះលើកដំបូងក្នុងរយៈពេល៦៤ឆ្នាំ ដើម្បីជាឱកាសផ្សព្វផ្សាយកីឡានេះឱ្យពិភពលោកបានស្គាល់ និងមិនអនុញ្ញាតឱ្យប្រើពាក្យថា «Muay Thai» ទេ ។

អ្នកលេងបណ្តាញសង្គមថៃបន្តថា កម្ពុជាបាននាំកីឡាករប្រេស៊ីល លោក Thiago Teziera ដែលធ្លាប់បានប្រដាល់នៅប្រទេសថៃ ទៅធ្វើជាអ្នកគាំទ្រ និងផ្សព្វផ្សាយកីឡារបស់កម្ពុជា ។ បន្ទាប់មក កីឡាកររូបនេះបានប្តូរឈ្មោះរបស់ខ្លួនពី thiago.muaythai ទៅជា Thiago Teixeira Kun Khmer វិញ ព្រមទាំងប្រកាសថា ខ្លួនស្រឡាញ់ «គុនខ្មែរ» ខ្លាំងណាស់ ហើយនឹងប្រកួតក្បាច់គុនខ្មែរចាប់ពីពេលនេះតទៅ ៕ ប្រភព ៖ sanook sport