បន្ទាប់ពីមានការសម្របសម្រួលពីថ្នាក់ដឹកនាំទាក់ទងទៅនិងការរៀបចំកម្មវិធី «សង្ក្រាន្តNNP» ដែលរៀបចំដោយលោកស្រី ទ្រីដាណា ពេលនេះកម្មវិធីបានរៀបចំសូត្រមន្តក្រុងពាលីហើយ ព្រមទាំងមានការចូលរួមពីតារាល្បីៗជាច្រើនរូប។ មិនត្រឹមតែប៉ុណ្ណោះ ក្នុងកម្មវិធីក្រុងពាលីនេះសិល្បករ សិល្បការិនី បានស្លៀកសំលៀកបំពាក់បុរាណយ៉ាងស្រស់ស្អាតទាក់ភ្នែកមិនធម្មតា។

កាលពីកកន្លងទៅថ្មីៗ លោកស្រី ទ្រី ដាណា បានប្រកាសលុបចោលកម្មវិធី «សង្ក្រាន្តNNP» ឡើយព្រោះតែការរៀបចំមានលក្ខណៈស្មុគស្មាញច្រើនគ្រាន់តែចង់បង្ហាញពីឈុតបុរាណខ្មែរ។ ទោះយ៉ាងណា ក្រោយពីមានការសម្របសម្របជាថ្មីពីថ្នាក់ដឹកនាំ លោកស្រី ទ្រី ដាណា សម្រេចចិត្តរៀបចំកម្មវិធីឡើងវិញ ដោយនៅព្រឹកថ្ងៃទី២០ ខែមីនា នេះបានរៀបចំកម្មវិធីសូត្រមន្តក្រុងពាលីហើយ។

នៅក្នុងពិធីខាងលើនេះ គេសង្កេតឃើញថាមានតារាល្បីៗ ជាច្រើនចូលរួមដូចជាអ្នកនាង ឱក សុគន្ធកញ្ញា ,លោក សេង មង្គល ,លោក ឆឹម សក្កដា លោក ថមមី ជាដើម ជាពិសេសពិធីក្រុងពាលីនេះ សិល្បករ សិល្បករការី បានគ្រងឈុតសំលៀកបំពាក់បុរាណយ៉ាងស្រស់ស្អាតផងដែរ។ យ៉ាងណាមិញ បើតាមការឱ្យដឹងពីខ្ទង់ចំណាយ លើកម្មវិធីខាងលើនេះវិញលោកស្រី ទ្រី ដាណា ចាយលុយរាប់ម៉ឺនដុល្លារទៅហើយ។

គួរបញ្ជាក់ផងដែរថា កម្មវិធី «សង្ក្រាន្តNNP» នឹងប្រព្រឹត្តទៅនៅថ្ងៃទី២៤ ,២៥ ,២៦ ខែមីនា នៅទីតាំងបរិវេណដីវិមានឈ្នះ ឈ្នះ ជាប់នឹងរបងស្ថានីយ៍ទូរទស្សន៍ ភីអិនអិន ដោយមានតារាល្បីៗជាច្រើនរូបចូលរួម៕

កម្មវិធី Miss Grand Cambodia កាលពីឆ្នាំមុនរងពាក្យរិះគន់មិនសំចៃពីអ្នកលេងបណ្តាញសង្គមទៅលើសំលៀកបំពាក់រាត្រីស្រមោលស បញ្ចេញកេរ្តិ៍ខ្មាស យកល្បែងស៊ីសង បៀរ អាប៉ោង បង្ហាញដោយបវរកញ្ញាដើរនៅលើឆាក។ យ៉ាងណាមិញ ឆ្នាំនេះមហាជនអ្នកគាំទ្រវិស័យបវរកញ្ញាកំពុងអ៊ុតមើលរឿងសំលៀកបំពាក់របស់បេក្ខនារីក្នុងឆ្នាំនេះក្រោមការរៀបចំរបស់លោកស្រី អ៊ឹម សុគន្ធា ដែលទទួលបានសិទ្ធិរៀបចំកម្មវិធី Miss Grand Cambodia ២០២៣ បន្ទាប់ពីអ្នករៀបចំចាស់លោក អ៊ិន សុភិន។ ចំណែកឯតម្លៃមកុដសម្រាប់ម្ចាស់ជ័យលាភី ឆ្នាំនេះចាយលុយច្រើនជាងឆ្នាំមុនទៅទៀត។

មកទល់ពេលនេះផេក Miss Grand Cambodia បានបង្ហាញវត្តមានបេក្ខនារីផ្លូវការជាបន្តបន្ទាប់ហើយដើម្បីត្រៀមប្រកួតប្រជែងគ្នាក្លាយជាជ័យលាភីឯក នឹងតំណាងប្រទេសកម្ពុជា ចូលរួមប្រកួតនៅលើឆាកអន្តរជាតិ។ ទន្ទឹមនឹងបង្ហាញវត្តមានបេក្ខនារីចូលរួម ផេក Miss Grand Cambodia ២០២៣ អ្នកគាំទ្រវិស័យបវរកញ្ញាកំពុងអ៊ុតមើលរឿងសំលៀកបំពាក់និងការរៀបចំកម្មវិធីក្នុងឆ្នាំនេះដូចគ្នា ព្រោះកម្មវិធីឆ្នាំចាស់ផ្ទុះរឿងអាស្រូវជុំជិតទាំងរឿងសំលៀកបំពាក់ស៊ិចស៊ីខ្លាំងមិនសមរម្យ រួមទាំងបង្ហាញល្បែងស៊ីសងទៀត។

ទន្ទឹមនឹងការទន្ទឹមរងចាំមើលស្នាដៃអ្នករៀបចំកម្មវិធី Miss Grand Cambodia 2023 ខាងកម្មវិធីក៏បានបង្ហាញតម្លៃមកុដសម្រាប់ម្ចាស់ជ័យលាភីក្នុងឆ្នាំនេះហើយគឺចាយលុយច្រើនមិនធម្មតា រហូតដល់២៧ម៉ឺនដុល្លារ ដែលតួលេខនេះច្រើនជាងឆ្នាំមុន ខណៈតួលេខឆ្នាំចាស់មកុដម្ចាស់ជ័យលាភីមានតម្លៃ២៥ម៉ឺនដុល្លារ ដែលគ្រងដោយកញ្ញា ពេជ្រ វត្តីសារាវ៉ាឌ្ឍី ដែលកំពុងសាងភាពល្បីល្បាញរកចំណូលបានច្រើនមិនធម្មតានាបច្ចុប្បន្ននេះ។

គួរបញ្ជាក់ថា កន្លងមកក្រោមការរៀបចំរបស់លោក អ៊ិន សុភិន ទាក់ទងនិងកម្មវិធីប្រកួតប្រជែងបវរកញ្ញាខាងលើនេះរងការរិះគន់យ៉ាងខ្លាំងពីសំណាក់មហាជនរឿងសំលៀកបំពាក់ ការរៀបចំនៅក្នុងវិធី ខណៈអតីតអ្នកគ្រប់គ្រង MGC ខាងលើសម្រេចចិត្តមិនរៀបចំកម្មវិធីនេះបន្តក្នុងឆ្នាំ២០២៣ឡើយ ដោយលោកស្រី អ៊ឹម សុគន្ធា ជាអតីតតារាសម្តែងសម្រេចចិត្តរៀបចំបន្តវិញព្រមទាំងបេ្តជ្ញាចិត្តថានឹងរៀបចំកម្មវិធី Miss Grand Cambodia ២០២៣ ឱ្យបានល្អ លើកយកទង់ជាតិកម្ពុជា បង្ហាញពីវប្បធម៌ខ្មែរទៅកាន់ឆាកអន្តរជាតិ៕

យោងតាមទិន្នន័យនៅក្នុងឆ្នាំ២០២២គេបានរកឃើញថានៅលើផែនដីរបស់យើងមានសត្វចំនួន២.១៣លានប្រភេទ យ៉ាងណាមិញក្នុងចំណោមសត្វទាំង២.១៣លានប្រភេទនោះគឺមានសត្វចំនួនតែ៨ប្រភេទនោះទេដែលត្រូវបានគេចាត់ទុកថាជាសត្វដែលឆ្លាតបំផុតលើផែនដី តើសត្វទាំង៨ប្រភេទនោះគឺជាសត្វណាខ្លះ?

១.ត្រីដូហ្វីន៖ ត្រីដូហ្វីនពិតជាមានសម្ថភាពពិសេសខ្លាំងណាស់ក្នុងការប្រើប្រាស់ភាសា ត្រីនេះមានការចងចាំវែងណាស់ វាអាចចំណាំខ្លួនឯងនៅក្នុងកញ្ចក់ អាចកត់សម្គាល់ពីភាពដូចគ្នានិងខុសគ្នានៅលើរាងកាយរបស់វា អាចស្គាល់រូបភាពផ្សេងៗនៅក្នុងកញ្ចក់ទូរទស្សន៍ អាចចាំសំឡេងរបស់មនុស្សម្នាក់ៗបានទៀតផង។២.សត្វស្វា៖ គឺជាសត្វដែលមានខួរក្បាលប្រហាក់ប្រហែលទៅនឹងមនុស្សដែរ ដូច្នេះហើយការរស់នៅរបស់សត្វស្វាក៏មានភាពស្រដៀងនឹងមនុស្សដែរ។៣.សត្វក្អែក៖ តាមការពិសោធន៍ក្អែកគឺជាសត្វមួយប្រភេទដែលមានភាពវ័យឆ្លាតខ្លាំង នឹងចេះស្តាប់ភាសាមនុស្សទៀតផង អ្វីដែលពិសេសនោះវាក៏អាចចេះនិយាយភាសាមនុស្សថែមទាំងមានការចងចាំយូរទៀតផង។៤.សត្វដំរី៖ គឺជាប្រភេទសត្វដែលមានភាពវ័យឆ្លាត សត្វនេះមានការចងចាំខ្ពស់ណាស់ អ្វីដែលពិសេសនោះគឺវាចេះលាគ្នាជាលើកចុងក្រោយនៅពេលដែលសត្វដំរីផ្សេងទៀតត្រូវបានស្លាប់។៥.សត្វមឹក៖ មឹកគឺជាប្រភេទសត្វឥតឆ្អឹងកង មឹកមានសមត្ថភាពពិសេសក្នុងការគេចចេញពីមនុស្សដែលកំពុងចាប់វា នៅពេលយើងចាប់វាចូលទៅក្នុងកែវហើយបិទគម្របអោយជិតនោះ មឹកក៏មានសម្ថភាពក្នុងការបើកគម្របចេញដោយខ្លួនឯងបានយ៉ាងងាយ។៦.សត្វជ្រូក៖ ជ្រូកជាសត្វមួយដែលមានភាពឆ្លាតវៃ សត្វជ្រូកអាចមានសមត្ថភាពប្រើប្រាស់សំឡេងខុសៗគ្នាជាង២០សំលេង ហើយមេជ្រូកក៏អាចច្រៀងបំពេរកូនៗរបស់វាបានទៀតផង។៧.សត្វព្រាប៖ ព្រាបជាសត្វដ៏ឆ្លាតមួយ សត្វនេះគឺមានសមត្ថភាពពិសេសខុសសត្វដ៏ទៃទៀត ព្រាបអាចស្គាល់ខ្លួនឯងនៅពេលដែលវាឆ្លុះកញ្ចក់ ហើយអ្វីដែលពិសេសនោះសត្វព្រាបអាចចងចាំមនុស្ស និងទីកន្លែងផ្សេងក្នុងរយះពេលរាប់ខែរាប់ឆ្នាំផងដែរ ។៨.សត្វកណ្ដុរ៖ ជាទូទៅសត្វកណ្តុរមានសមត្ថភាពក្នុងការចងចាំផ្លូវ និងចេះការពារខ្លួនពីការដាក់អន្ទាក់របស់មនុស្ស អ្វីដែលពិសេសនោះគឺវាចូលចិត្តរស់នៅក្នុងសង្គមដូចមនុស្សដែរ៕

ភាពប្រៃនៃទឹកសមុទ្រចាប់ផ្តើមនៅពេលដែលទឹកភ្លៀងធ្លាក់មកលើដី  ដោយកាបូនឌីអុកស៊ីតមួយចំនួននៅក្នុងខ្យល់ត្រូវបានធ្វើប្រតិកម្មជាមួយទឹកភ្លៀង  ធ្វើឱ្យក្លាយជាភ្លៀងអាស៊ីត ហើយអាស៊ីតកាបូនិក (H2CO3) ដែលស្រដៀងទៅនឹងប្រតិកម្មនៅក្នុងភេសជ្ជៈ វាមានប្រតិកម្មធ្វើឱ្យច្រេះថ្ម និងបម្លែងសារធាតុរ៉ែនៅលើផ្ទៃដីទាំងអស់ បន្ទាប់មកវាហូរនាំសារធាតុរ៉ែដែលមាននៅក្នុងដីចូលទៅក្នុងទន្លេ បឹង ស្ទឹង ហើយ ទន្លេ បឹង ស្ទឹងទាំងនោះ ក៏រុញច្រានតាមចរន្តដីល្បាប់ចូលទៅក្នុងសមុទ្រទើបធ្វើឱ្យសមុទ្រមានជាតិប្រៃ ពេលខ្លះសារធាតុរ៉ែនេះក៏កើតឡើងដោយការផ្ទុះកម្អែភ្នំភ្លើងនៅលើផែនដីផងដែរ។ក្នុងនោះសារធាតុរ៉ែដែលរលាយក្នុងទឹកនេះមានក្នុងទម្រង់ជាអ៊ីយ៉ុង ដូចជា ម៉ាញេស្យូម កាល់ស្យូម ស៊ីលីកា និងប៊ីកាបូណាត  ប៉ុន្តែអ៊ីយ៉ុងជាទូទៅនៅក្នុងទឹកសមុទ្រច្រើនជាងគេគឺក្លរួ (Cl-) និងសូដ្យូម (Na+) ដែលមានរហូតដល់ ៩០ភាគរយ នៃអ៊ីយ៉ុងទាំងអស់ដែលរលាយក្នុងទឹកសមុទ្រ ហើយសូដ្យូម និងក្លរីតនេះនឹងក្លាយជាអំបិលសូដ្យូមក្លរួ (NaCl) ដែលយើងយកមកប្រើប្រាស់ជាទូទៅ។

ភាពប្រៃនៃទឹកសមុទ្រអាចកើនឡើងបន្ទាប់ពីដំណើរការហួត ដោយកំដៅពីព្រះអាទិត្យហួតតែទឹក(H2O) សុទ្ធ និងសារធាតុរ៉ែ រួមទាំងអំបិលមិនត្រូវបានហួតទៅតាមនោះទេ ហើយចំពោះទឹកដែលហួត ឡើងនឹងធ្លាក់មកផែនដីក្នុងទម្រង់ជាទឹកភ្លៀងគ្របពាស់ពេញផែនដី ដែលដំណើរការនេះត្រូវបានគេស្គាល់ថាជាវដ្តទឹក។ ​

ដែលនេះបានធ្វើឱ្យទឹកសមុទ្រមានជាតិប្រៃខុសៗគ្នាដែរ ដោយប្រែប្រួលទៅតាមសីតុណ្ហភាពក្នុងតំបន់និមួយៗប្រសិនបើតំបន់ណាមួយមានសីតុណ្ហភាពក្ដៅខ្ពស់ទឹកសមុទ្រនឹងហួតលឿនជាងមុន  ដូច្នេះកំហាប់អំបិលក្នុងទឹកសមុទ្រក្នុងតំបន់នោះក៏មានច្រើនជាង  តែបើតំបន់ណាមួយមានសីតុណ្ហភាពទាប ជាតិប្រៃមានតិច ដូចជាតំបន់ប៉ូលហាក់ដូចជាមានជាតិប្រៃតិចជាងតំបន់អេក្វាទ័រ  ព្រោះអាកាសធាតុត្រជាក់ជាង លើសពីនេះទៀតតំបន់នេះក៏មានការរលាយនៃផ្ទាំងទឹកកកផងដែរ ដែលបង្កើនបរិមាណទឹកច្រើន  បណ្តាលឱ្យកំហាប់អំបិលនៅក្នុងទឹកសមុទ្រមានកម្រិតទាបជាងតំបន់ផ្សេងទៀត៕

ប្រភព៖ OCEAN SERVICE

ទឹកធ្លាក់ច្រកល្អៀងជារមណីយដ្ឋានទេសចរណ៍បែបធម្មជាតិស្រស់ស្អាតមួយកន្លែង មានទីតាំងស្ថិតនៅក្នុងភូមិបំណក់ ឃុំឈើតុំ ស្រុកក្រគរ មានចម្ងាយប្រមាណ៧៣គីឡូម៉ែត្រ ពីទីរួមខេត្តពោធិ៍សាត់ និងចម្ងាយប្រមាណ ១៩៥គីឡូមែត្រ ពីរាជធានីភ្នំពេញ ដោយធ្វើដំណើរតាមផ្លូវលេខ៥៣B ពីប្រជុំជនស្រុកក្រគរ មានចម្ងាយប្រមាណ ៤១គីឡូម៉ែត្រ ទើបដល់រមណីយដ្ឋាន។

រមណីយដ្ឋានទឹកធ្លាក់ច្រកល្អៀង ដែលអ្នកស្រុកនិយមហៅតៗគ្នាថា ទឹកធ្លាក់តំបន់យ៉ោក។ តំបន់រមណីយដ្ឋាននេះនៅចន្លោះភ្នំ( ភ្នំព័ទ្ធជុំវិញ) មានព្រៃឈើខ្ពស់ៗ ដុះលំអរ និងមានប្រភេទឈើមានតម្លៃច្រើនប្រភេទដូចជា ខ្លុង ត្បែង ធ្នង់ នាងនួន ស្រឡៅ សុក្រម ព្រះភ្នៅ ខ្លឹមច័ន្ទ ផ្ចឹក រាំងភ្នំ កកោះ ផ្តៀក គគីរ ។ល។ រីឯសត្វព្រៃវិញមានខ្លា ឈ្លួស ប្រើស ស្វា ជ្រូកព្រៃ ទោចជាដើម។

នៅក្នុងរមណីយដ្ឋាន មានកន្លែងកន្សាន្តជាច្រើនកន្លែងដោយធ្វើការបែងចែកជាដំណាក់ៗ សម្រាប់ភ្ញៀវទេសចរទស្សនា កម្សាន្តដូចជា៖

1. ដំណាក់ តាង៉ុក គយ
2. ដំណាក់កោះយាយចាំតា
3. ដំណាក់ទឹកឈូរ
4. ដំណាក់មនោរម្យ
5. ដំណាក់ថ្មសណ្តូក
6. ទឹកជ្រោះដំណាក់ព្រះ
7. ដំណាក់ម្លប់ជ្រៃក្រឹម
8. ដំណាក់កោះសុបិន្ត
9. ដំណាក់ទឹកធ្លាក់
10. ដំណាក់កោះដាច់
11. ដំណាក់កោះភ្ញៀវ

តំបន់ទេសចរណ៍ធម្មជាតិមួយនេះ មានលក្ខណៈពិសេស៣ ធ្វើឱ្យអ្នកចូលកម្សាន្ត ចាប់អារម្មណ៍យ៉ាងខ្លាំង គឺទី១-មានទឹកថ្លាត្រជាក់, ទី២-មានទេសភាពស្រស់ស្អាត និងទី៣-មានទឹកជ្រោះធ្លាក់ច្រើនដំណាក់គួជាទីគយគន់៕