ឱ្យតែស្រីស្អាត អ្នកណាក៏ចាប់អារម្មណ៍ អ្នកណាក៏ចង់ឃើញ ចង់ស្គាល់ ចង់នែបនិត្យ ថែមទាំងចង់បានមកធ្វើជាគូជីវិតទៀងផង។ យោងតាមប្រភពព័ត៌មាន Bscholarly បានបញ្ជាក់ថាមានប្រទេសចំនួន ១០ ដែលជាទីសម្បូរស្រីស្អាតច្រើនជាងគេនៅលើពិភពលោក ដែលគិតក្នុងឆ្នាំ២០២៣។ ដូច្នេះហើយតើប្រទេសណាខ្លះដែលសម្បូរទៅដោយស្រីស្អាត?

១.ប្រទេសទួគី(Turkey)៖ ជាប្រទេសដែលសម្បូរទៅដោយស្រីស្អាតប្រហែល៩៧% ដែលគិតត្រឹមឆ្នាំ២០២៣។២.ប្រទេសប្រេស៊ីល(Brazil)៖ ជាប្រទេសដែលសម្បូរទៅដោយស្រីស្អាតប្រហែល៩៤% ដែលគិតត្រឹមឆ្នាំ២០២៣។៣.ប្រទេសបារាំង(France)៖ ជាប្រទេសដែលសម្បូរទៅដោយស្រីស្អាតប្រហែល៩០% ដែលគិតត្រឹមឆ្នាំ២០២៣។៤.ប្រទេសរុស្សី(Russia)៖ ជាប្រទេសដែលសម្បូរទៅដោយស្រីស្អាតប្រហែល៨៩% ដែលគិតត្រឹមឆ្នាំ២០២៣។៥.ប្រទេសអ៊ីតាលី(Italy)៖ ជាប្រទេសដែលសម្បូរទៅដោយស្រីស្អាតប្រហែល៨៦% ដែលគិតត្រឹមឆ្នាំ២០២៣។៦.ប្រទេសឥណ្ឌា( India)៖ ជាប្រទេសដែលសម្បូរទៅដោយស្រីស្អាតប្រហែល៨៣% ដែលគិតត្រឹមឆ្នាំ២០២៣។៧.ប្រទេសវ៉េណេស៊ុយអេឡា( Venezuela)៖ ជាប្រទេសដែលសម្បូរទៅដោយស្រីស្អាតប្រហែល៨១% ដែលគិតត្រឹមឆ្នាំ២០២៣។៨.ប្រទេសអាមេរិក(USA)៖ ជាប្រទេសដែលសម្បូរទៅដោយស្រីស្អាតប្រហែល៨០% ដែលគិតត្រឹមឆ្នាំ២០២៣។៩.ប្រទេសស៊ុយអែត( Sweden)៖ ជាប្រទេសដែលសម្បូរទៅដោយស្រីស្អាតប្រហែល៧៩% ដែលគិតត្រឹមឆ្នាំ២០២៣។១០.ប្រទេសអ៊ុយក្រែន(Ukraine)៖ ជាប្រទេសដែលសម្បូរទៅដោយស្រីស្អាតប្រហែល៧៧% ដែលគិតត្រឹមឆ្នាំ២០២៣៕

កាលពីថ្ងៃទី២០ ខែមីនា កន្លងមក ក្រុមប្រឹក្សាសន្តិសុខអង្គការសហប្រជាជាតិបានរៀបចំកិច្ចប្រជុំមួយពាក់ព័ន្ធនឹងប្រធានបទស្ថានការណ៍នៅឧបទ្វីបកូរ៉េ ហើយនៅក្នុងកិច្ចប្រជុំនេះ មន្ត្រីចិនប្រចាំអង្គការសហប្រជាជាតិ បានថ្កោលទោសសហរដ្ឋអាមេរិកថា លម្អៀងក្នុងការដោះស្រាយបញ្ហានៅឧបទ្វីបកូរ៉េ ហើយដាក់សម្ពាធទៅលើប្រទេសកូរ៉េខាងជើង ។

លោក Geng Shuang មន្ត្រីចិនប្រចាំអង្គការសហប្រជាជាតិបានថ្លែងថា ប្រទេសសមាជិកក្រុមប្រឹក្សាសន្តិសុខទាំងអស់ គួរតែបង្ហាញសញ្ញាវិជ្ជមានរបស់ខ្លួន ដោយជំរុញឱ្យប្រទេសកូរ៉េខាងជើងយល់ព្រមចរចាគ្នា ដើម្បីធ្វើឱ្យស្ថានការណ៍នេះល្អប្រសើរឡើង ។

លោក Geng Shuang បានលើកឡើងថា បញ្ហាការទប់ស្កាត់ការរីកសាយភាយនៃអាវុធនុយក្លេអ៊ែរ អាមេរិកបានហាមឃាត់ប្រទេសកូរ៉េខាងជើង ប៉ុន្តែអាមេរិកបែរជាបញ្ជូនអាវុធនុយក្លេអ៊ែរទៅឱ្យប្រទេសអូស្ត្រាលីទៅវិញ ។ ដូច្នេះ វាបង្ហាញឱ្យឃើញថា អាមេរិកលម្អៀងខ្លាំងណាស់ ។

លោកក៏បានអំពាវនាវឱ្យប្រទេសនានាស្តាប់សំឡេងរបស់សហគមន៍អន្តរជាតិ និងប្រទេសនៅក្នុងតំបន់ផងដែរ ។ លើសពីនេះ លោកបានស្នើសុំឱ្យប្រទេសទាំងអស់លះបង់ចោលនូវគំនិតសង្គ្រាមត្រជាក់ និងនយោបាយជាក្រុម ។ លោក Geng Shuang និយាយថា ៖ «គួរតែធ្វើតាមការសន្យាពីការបញ្ឈប់ការរីកសាយភាយអាវុធនុយក្លេអ៊ែររបស់ខ្លួន និងលុបចោលកិច្ចព្រមព្រៀងរួមគ្នា ស្តីពីការផលិតនាវាមុជទឹកដើរដោយថាមពលនុយក្លេអ៊ែរ ព្រមទាំងកំណត់ទិសដៅត្រឹមត្រូវមួយដើម្បីដោះស្រាយបញ្ហានៅឧបទ្វីបកូរ៉េ» ៕ ប្រភព ៖ China face

សហរដ្ឋអាមេរិក ៖ លោកឧត្តមសេនីយ៍ Mark Milley ប្រធានអគ្គសេនាធិការចម្រុះអាមេរិកថ្លែងថា ការវាយប្រហារដោយកម្លាំងទ័ពនៅអ៊ុយក្រែន គឺមិនអាចដឹងលទ្ធផលឈ្នះ-ចាញ់ទេ ប៉ុន្តែសង្គ្រាមអាចបញ្ចប់ដោយការចរចាគ្នាដោយសន្តិវិធី ។ លើសពីនេះ លោកក៏បានដាស់តឿនអ៊ុយក្រែនថា ពលរដ្ឋអ៊ុយក្រែននឹងបង្ហូរឈាម ហើយខាតបង់ធនធានយ៉ាងច្រើនមហាសាល បើពួកគេធ្វើការបណ្តេញកងទ័ពរុស្ស៊ីឱ្យអស់ចេញពីទឹកដីអ៊ុយក្រែន ដូច្នេះ វាជារឿងពិបាកធ្វើ ។

កាលពីពេលថ្មីៗនេះ លោក Mark Milley បានផ្តល់សម្ភាសន៍ទៅកាន់ Eurasia Group Foundation ថា លោកជឿថា ទាំងប្រទេសរុស្ស៊ី និងអ៊ុយក្រែន មិនគួរផ្តោតលើកម្លាំងទ័ពរបស់ខ្លួនទេ ហើយប្រទេសនានាគួរតែធ្វើជាអាជ្ញាកណ្តាលដើម្បីឱ្យរុស្ស៊ី និងអ៊ុយក្រែនឈានដល់ការចរចាគ្នា និងធ្វើឱ្យសង្គ្រាមនេះឈានដល់ទីបញ្ចប់ ។

កាលពីថ្ងៃទី២១ ខែមីនា កន្លងមក លោក Mark Milley បានថ្លែងថា ៖ «នៅថ្ងៃណាមួយ អ្នកទាំងអស់គ្នានឹងដឹងថា ការធ្វើសង្គ្រាមដោយប្រើប្រាស់កម្លាំងទ័ពរហូតនោះ វាជារឿងពិបាកណាស់ ហើយខ្ញុំផ្ទាល់ក៏កោតសរសើរការតាំងចិត្ត ភាពក្លាហាន និងភាពបត់បែនរបស់ជនជាតិអ៊ុយក្រែនផងដែរ ។ ប៉ុន្តែកុំភ្លេចថា ការបណ្តេញកងទ័ពរុស្ស៊ីចេញពីអ៊ុយក្រែនដោយប្រើកម្លាំងទ័ពអ៊ុយក្រែននោះ វាពិបាកធ្វើណាស់ ហើយត្រូវមានអ្នកស្លាប់បន្តទៀត និងខូចខាតទ្រព្យសម្បត្តិជាច្រើន ។ ខ្ញុំយល់ឃើញថា ត្រូវមានអ្នកណាម្នាក់បញ្ចុះបញ្ចូលឱ្យប្រទេសរុស្ស៊ី និងអ៊ុយក្រែនព្រមចរចាគ្នា វានឹងជាវិធីមួយជួយបញ្ចប់សង្គ្រាម» ។

មតិយោបល់របស់ប្រធានអគ្គសេនាធិការចម្រុះអាមេរិក ស្របតាមអ្វីដែលខ្លួនលោកផ្ទាល់ធ្លាប់បាននិយាយកាលពីពេលមុននេះពាក់ព័ន្ធនឹងសង្គ្រាមរវាងរុស្ស៊ី និងអ៊ុយក្រែន ដែលបានអូសបន្លាយអស់រយៈពេលជាង១ឆ្នាំ ។ កន្លងមក រដ្ឋាភិបាលប្រទេសជាច្រើនដូចជា តួកគីបានព្យាយាមធ្វើជាអាជ្ញាកណ្តាលបញ្ចប់ជម្លោះ ហើយចុងក្រោយ ប្រទេសមហាអំណាចចិនបានស្នើផែនការសន្តិភាព១២ចំណុចដើម្បីបញ្ចប់សង្គ្រាម ប៉ុន្តែត្រូវបានអាមេរិក និងប្រទេសលោកខាងលិចរិះគន់ថា ចិនគាំទ្ររុស្ស៊ីខ្លាំងពេក ។

ជាមួយគ្នានេះ ការប្រយុទ្ធគ្នានៅសមរភូមិជួរមុខនៅតំបន់ Don Bas បានធ្វើឱ្យកងទ័ពរបស់ប្រទេសទាំងពីរស្លាប់ជាបន្តបន្ទាប់ ហើយបើទោះជាប្រទេសទាំងពីរបង្កើនកម្លាំងទ័ពមកប្រឈមមុខដាក់គ្នាក្តី ក៏ពួកគេមិនអាចទទួលបានជ័យជម្នះដែរ ៕ ប្រភព ៖ mgronline

រដ្ឋធានីកៀវ៖ ស្របពេលប្រធានាធិបតីចិន បានចុះហត្ថលេខាលើភាពជាដៃគូយុទ្ធសាស្ត្រថ្មីជាមួយនឹងមេដឹកនាំវិមានក្រឹមឡាំង ហើយនាយករដ្ឋមន្រ្ដីជប៉ុន បានអញ្ជើញទៅកាន់រដ្ឋធានីកៀវ ដើម្បីបង្ហាញនូវការគាំទ្រ ដល់អ៊ុយក្រែន នោះ ចក្រភពអង់គ្លេស ក៏ប្រកាស ពីការបញ្ជូនរថក្រោះប្រយុទ្ធធុនធ្ងន់របស់ខ្លួន មានផ្ទុកកាកសំណល់អ៊ុយរ៉ានីញ៉ូម ទៅជួយក្រុងកៀវ រហូតធ្វើឲ្យលោក ពូទីន ផ្ទុះកំហឹង។

ទីភ្នាក់ងារសារព័ត៌មាន AFP ក៏ដូចជាបណ្ដាផ្សព្វផ្សាយធំៗ នៅលើពិភពលោក បានរាយការណ៍ កាលពីព្រឹក ថ្ងៃពុធ ទី២២ ខែមីនា ឆ្នាំ២០២៣ ថា លោក វ្ល៉ាឌីមៀ ពូទីន ប្រធានាធិបតីរុស្ស៊ី បានថ្កោលទោសយ៉ាងខ្លាំង ដល់ចក្រភពអង់គ្លេស ជុំវិញផែនការបញ្ជូនគ្រាប់រំសេវ មានផ្ទុកកាកសារធាតុអ៊ុយរ៉ាញ៉ូម ទៅជួយដល់ប្រទេសអ៊ុយក្រែន។ សកម្មភាពបែបនេះ នឹងធ្វើឲ្យក្រុងមូស្គូ ត្រូវតែបង្ខំចិត្ត ចាត់វិធានការឆ្លើយតបឱ្យសមាមាត្រ បកត្រឡប់ទៅវិញ។

ការព្រមានពីមេដឹកនាំវិមានក្រឹមឡាំង រូបនេះ បានកើតឡើង ក្រោយពេលលោកស្រី អានណាបែល ហ្គោលឌី (Annabel Goldie) ជាមន្ត្រីជាន់ខ្ពស់ ក្រសួងការពារជាតិអង់គ្លេស បានបញ្ជាក់ ថា គ្រាប់រំសេវមួយចំនួន សម្រាប់រថក្រោះ Challenger 2 របស់ចក្រភពអង់គ្លេស កំពុងតែត្រៀមរៀបចំ បញ្ជូនទៅកាន់ប្រទេសអ៊ុយក្រែន។ ប៉ុន្ដែនៅក្នុងចំណោមគ្រាប់រំសេវទាំងនោះ ក៏មានគ្រាប់រំសេវមួយចំនួន មានផ្ទុកកាកសារធាតុអ៊ុយរ៉ាញ៉ូម អាចបាញ់ទម្លុះរថក្រោះ ឬ រថពាសដែក យ៉ាងមានប្រសិទ្ធភាពបំផុតថែមទៀតផង។

លោកប្រធានាធិបតី ពូទីន បានថ្លែង ក្រោយជំនួបកំពូលជាមួយសមភាគីចិន លោក ស៊ី ជិនពីង កាលពីអង្គារ ថា «ប្រសិនបើវាជាការពិតមែន រុស្ស៉ី នឹងចាត់វិធានការ ឆ្លើយតបនឹងលោកខាងលិច ដែលចាប់ផ្ដើមបញ្ជូនអាវុធ មានសមាសធាតុនុយក្លេអ៊ែរ»។

ដោយឡែក ក្រសួងការពារជាតិអាមេរិក បានបញ្ជាក់ ថា មន្ទីរបញ្ចកោណ កំពុងតែពន្លឿននូវការបញ្ជូនរថក្រោះ Abrams របស់ខ្លួន ទៅកាន់ប្រទេសអ៊ុយក្រែន ដោយជ្រើសរើសយករថក្រោះស៊េរីចាស់ ប្រភេទ M1A1 ដែលត្រូវបានកែលម្អឡើងវិញ ហើយអាចនឹងត្រៀមខ្លួនឲ្យបានលឿនជាងមុន បញ្ជូនទៅកាន់តំបន់សមរភូមិ នៅក្នុងរយៈពេលពី៨ ទៅ ១០ ខែខាងមុខនេះ។ សហរដ្ឋអាមេរិក បានបង្ហាញនូវផែនការមុនដំបូង បញ្ជូនរថក្រោះ ប្រភេទ M1A2 Abrams ចំនួន៣១គ្រឿង ទៅកាន់អ៊ុយក្រែន។ ប៉ុន្តែសកម្មភាពទាំងនេះ នឹងត្រូវការចំណាយពេលវេលា រហូតដល់ទៅ១ឆ្នាំ ឬ ២ឆ្នាំ ដើម្បីផលិត និង ដឹកជញ្ជូន។

អង់គ្លេស គ្រោងនឹងបញ្ជូនគ្រាប់រថក្រោះប្រយុទ្ធធុនធ្ងន់ ប្រភេទ Challenger 2 របស់ខ្លួន មានផ្ទុកកាកសារធាតុអ៊ុយរ៉ាញ៉ូម ទៅកាន់ប្រទេសអ៊ុយក្រែន ដើម្បីបាញ់ទម្លុះរថក្រោះរបស់រុស្ស៊ី។ ការប្រកាសរបស់ចក្រភពអង់គ្លេស បាននាំឲ្យមានការថ្កោលទោសពី លោកពូទីន និង រដ្ឋមន្ត្រីការពារជាតិរបស់គាត់ គឺលោក ស៊ើរហ្គេ សយហ្គូ (Sergei Shoigu) ដោយចាត់ទុកថា ការសម្រេចចិត្តរបស់ក្រុងឡុងដ៍ កំពុងតែបោះជំហានបន្តិចម្តងៗ ឆ្ពោះទៅរកការប៉ះទង្គិចគ្នាដោយផ្ទាល់ជាមួយនឹងរុស្ស៊ី។

ស្របគ្នានឹងការប្រកាសពីការបញ្ជូនរថចម្បាំង ពីមហាអំណាចលោកខាងលិចនោះ អ៊ុយក្រែន ក៏បានបញ្ជូនរថក្រោះបន្ថែម ទៅជួយការពារទីក្រុងបាកមូត (Bakhmut) ខណៈកំពុងតែប្រយុទ្ធនឹងទាហានរុស្ស៊ី យ៉ាងក្រាញននៀល នៅលើសមរភូមិដ៏ក្ដៅគគុកនោះ។

ដោយសារតែសង្គ្រាមរបស់ក្រុងមូស្គូ កំពុងតែឆាបឆេះយ៉ាងសន្ធោសន្ធៅ នៅលើទឹកដីរបស់អ៊ុយក្រែន នោះ លោក ស៊ី ជិនពីង ប្រធានាធិបតីចិន កាលពីថ្ងៃចន្ទ បានធ្វើដំណើរទៅជួបលោក ពូទីន ទំនងជាចង់គាំទ្រដល់មេដឹកនាំវិមានក្រឹមឡាំង ដែលរងនូវការចោទប្រកាន់ពីបទឧក្រិដ្ឋកម្មសង្គ្រាម ចេញដោយតុលាការឧក្រិដ្ឋកម្មអន្ដរជាតិ (ICC)។ នៅក្នុងជំនួបកំពូលនោះ ប្រមុខរដ្ឋទាំង២ កាលពីថ្ងៃអង្គារ ក៏បានចុះហត្ថលេខាលើភាពជាដៃគូយុទ្ធសាស្ត្រថ្មី រវាងប្រទេសទាំងពីរ។ ទន្ទឹមគ្នានេះ មេដឹកនាំចិន បានអំពាវនាវឱ្យមានដំណោះស្រាយការទូត ជុំវិញសង្គ្រាមរបស់ក្រុងមូស្គូ ប្រឆាំងនឹងអ៊ុយក្រែន។

ស្របគ្នានេះ លោក ហ៊្វូមីអូ គីស៊ីដា (Fumio Kishida) នាយករដ្ឋមន្រ្ដីជប៉ុន កាលពីថ្ងៃអង្គារ ក៏បានធ្វើដំណើរជួបលោក វ៉ូឡូឌីមៀរ ហ្សេឡែនស្គី (Volodymyr Zelenskyy) នៅក្នុងរដ្ឋធានីកៀវ ដើម្បីបង្ហាញនូវការគាំទ្ររបស់ក្រុងតូក្យូ ប្រឆាំងនឹងសង្គ្រាមលុកលុយរបស់រុស្ស៊ី៕

រដ្ឋធានីវ៉ាស៊ីនតោន៖ ជាមួយនឹងការរីកចម្រើនផ្នែកបច្ចេកវិទ្យា កាន់តែខ្លាំងឡើង នាពេលបច្ចុប្បន្ននេះ នៅលើពិភពលោក ពិតជាមានតម្រូវការយ៉ាងខ្លាំង លើបន្ទះឈីប ទាំងការផលិតជាឧបករណ៍ប្រើប្រាស់ប្រចាំថ្ងៃ មានដូចជារថយន្ដជាដើម និង វិស័យយោធា ហើយសហរដ្ឋអាមេរិក មានចេតនាមិនឲ្យក្រុងប៉េកាំង មានការជឿនលឿនខ្លាំងលើវិស័យយោធា ទើបរារាំង ដល់ប្រទេសចិន មិនឲ្យទទួលបានផលប្រយោជន៍ ពីមូលនិធិឈីបរបស់ខ្លួន។

សារព័ត៌មាន BRecorder បានចេញផ្សាយ កាលពីព្រឹក ថ្ងៃពុធ ទី២២ ខែមីនា ឆ្នាំ២០២៣ ថា ក្រសួងពាណិជ្ជកម្ម សហរដ្ឋអាមេរិក កាលពីថ្ងៃអង្គារ បានចេញផ្សាយនូវច្បាប់ជាច្រើន ដែលត្រូវបានស្នើឲ្យការពារដល់មូលនិធិ មានទំហំទឹកប្រាក់ ៥២ពាន់លានដុល្លារ នៅក្នុងការផលិត និង ស្រាវជ្រាវ Semiconductor ដោយមិនឲ្យប្រទេសចិន និង ប្រទេសដទៃទៀត ប្រើប្រាស់បាន ព្រោះតែការព្រួយបារម្ភរបស់ក្រុងវ៉ាស៊ីនតោន។

លោកស្រី ហ្គីណា រ៉េម៉ុនដូ (Gina Raimondo) រដ្ឋមន្រ្ដី ក្រសួងពាណិជ្ជកម្ម សហរដ្ឋអាមេរិក បានបញ្ជាក់ ថា «ផ្លូវការពារទាំងនេះ នឹងជួយធានា ថា យើងនឹងនៅតែនាំមុខសត្រូវ នៅក្នុងរយៈពេលជាច្រើនទសវត្សរ៍ទៅមុខបន្ដទៀត»។

ក្រសួងពាណិជ្ជកម្ម សហរដ្ឋអាមេរិក គ្រោងនឹងចាប់ផ្តើមទទួលយកពាក្យសុំ នៅចុងខែមិថុនា សម្រាប់កម្មវិធីឧបត្ថម្ភធន លើការផលិត Semiconductor មានតម្លៃ ៣៩ពាន់លានដុល្លារ។ ច្បាប់នេះ ក៏បង្កើតឥណទានពន្ធ ទៅលើការវិនិយោគ រហូតដល់២៥ភាគរយ សម្រាប់ការសាងសង់រោងចក្រផលិតបន្ទះឈីប ដោយការប៉ាន់ស្មាន មានតម្លៃ២៤ពាន់លានដុល្លារ។

សំណើនេះ បានកំណត់លើអ្នកទទួលបានពីមូលនិធិរបស់សហរដ្ឋអាមេរិក សម្រាប់ការវិនិយោគ លើការពង្រីកការផលិត Semiconductor នៅក្រៅប្រទេស ជាមួយនឹងការព្រួយបារម្ភ ដូចជា ចិន និង រុស្ស៊ី។ ការកំណត់ លើអ្នកទទួលមូលនិធិនេះ នឹងលើកទឹកចិត្ត ដល់ការចូលរួម នៅក្នុងការស្រាវជ្រាវរួមគ្នា ឬ កិច្ចខិតខំប្រឹងប្រែង ផ្តល់អាជ្ញាប័ណ្ណបច្ចេកវិទ្យា ជាមួយអង្គភាពបរទេស ជុំវិញការព្រួយបារម្ភទាំងនេះ។

កាលពីខែតុលា ឆ្នាំ២០២២ ក្រសួងពាណិជ្ជកម្ម សហរដ្ឋអាមេរិក បានត្រួតពិនិត្យនូវការនាំចេញថ្មី ដើម្បីកាត់ផ្តាច់ប្រទេសចិន ចេញពីបន្ទះឈីប Semiconductor មួយចំនួន ផលិត នៅគ្រប់ទីកន្លែង នៅលើពិភពលោក ជាមួយនឹងឧបករណ៍របស់សហរដ្ឋអាមេរិក ដោយពង្រីកនូវការកាត់បន្ថយនូវភាពជឿនលឿនផ្នែកបច្ចេកវិទ្យា និង វិស័យយោធារបស់ក្រុងប៉េកាំង។

ក្រសួងពាណិជ្ជកម្ម សហរដ្ឋអាមេរិក កាលពីថ្ងៃអង្គារ បានបញ្ជាក់ថា ក្រសួងនឹងពង្រឹងនូវការគ្រប់គ្រងទាំងនោះ ដោយការតម្រឹមកម្រិតបច្ចេកវិទ្យាហាមឃាត់ សម្រាប់បន្ទះឈីប និង អង្គចងចាំ រវាងការគ្រប់គ្រងនូវការនាំចេញ និង ការការពារសន្តិសុខជាតិរបស់បន្ទះឈីប (CHIP) ហើយរួមបញ្ចូលទាំងកម្រិតរឹតត្បិត ដល់ការត្រួតពិនិត្យការនាំចេញបន្ទះឈីប៕