ផលិតកម្ម YG Entertainment បានបញ្ជាក់ទៅកាន់សារព័ត៌មាន Mydaily ថាក្រុមចម្រៀង BLACKPINK នឹងវត្តមានសម្តែងពិសេសនៅចំពោះមុខ លោក ចូ បៃដិន (Joe Biden)ប្រធានាធិបតីសហរដ្ឋអាម៉េរិក និងលោក យន់ ស៊ុកយ៉ុល (Yoon Suk Yeol )ប្រធានាធិបតីកូរ៉េ។ នេះបើយោងតាមការចុះផ្សាយរបស់សារព័ត៌មាន Koreaboo នៅថ្ងៃទី២៨ ខែមីនា ឆ្នាំ២០២៣។

ការបង្ហាញវត្តមានរបស់ BLACKPINK នៅក្នុងជំនួបរបស់ប្រធានាធិបតីទាំងពីរ ត្រូវបានគេដឹងថា កូរ៉េខាងត្បូង និងសហរដ្ឋអាម៉េរិក គ្រោងរៀបចំព្រឹត្តិការណ៍វប្បធម៌រួមគ្នាមួយនៅមុនដំណើរទស្សនកិច្ចរបស់លោក យន់ ស៊ុកយ៉ុល ទៅកាន់សហរដ្ឋអាម៉េរិកក្នុងខែមេសា។

ជាមួយគ្នានេះដែរ ក្រុម BLACKPINK នឹងប៉ះកំពូលតារាចម្រៀង Lady Gaga ដែលត្រូវបានអញ្ជើញឱ្យចូលរួមក្នុងព្រឹត្តិការណ៍នេះដូចគ្នា ហើយប្រធានបទនៃព្រឹត្តិការណ៍នេះគឺជាខួបលើកទី ៧០ នៃសម្ព័ន្ធភាពរបស់កូរ៉េ និងសហរដ្ឋអាម៉េរិក។

សូមបញ្ជាក់ថា BLACKPINK ជាក្រុមចម្រៀងស្រីល្បីឈ្មោះប្រចាំប្រទេសកូរ៉េខាងត្បូងដែលទទួលបានកិត្តិយសពិសេស បានសម្តែងនិងជួបថ្នាក់ដឹកនាំសំខាន់ៗជាច្រើនរូបនាពេលកន្លងមក៕

សិល្បករតន្រ្តីបុរាណ លោក ដួង សុខគា បានបញ្ចេញយោបល់ផ្ទាល់ខ្លួននៅលើបណ្តាញសង្គមទាក់ទងនិងយុវវ័យចូលឆ្នាំលេងល្បែងបាតម្សៅ និង គប់ទឹក ក្នុងពិធីចូលឆ្នាំ ថាល្បែងនេះបើលេងមិនត្រូវមានការចាប់បង្ខំអាចនាំរឿងដាក់ខ្លួនមិនខាន។

លោក ដួង សុខគា ត្រូវបានមហាជនស្គាល់យ៉ាងទូលំទូលាយព្រោះលោកជាសិល្បករបុរាណមួយរូបជាពិសេសទៅលើទេពកោសល្យចម្រៀងអាយ៉ៃ។ ទន្ទឹមនឹងពិធីបុណ្យចូលឆ្នាំខ្មែរខិតជិតមកដល់លោកបានបញ្ចេញមតិផ្ទាល់ខ្លួននៅលើបណ្តាញសង្គមប្រៀបដូចជាសារដាស់តឿនទៅដល់យុវវ័យពីការលេងល្បែងបាតម្សៅនិងគប់ទឹកជាដើមបប្រយ័ត្នរឿងនេះនាំទុក្ខទោសមកដល់ខ្លួន។

លោកបានរៀបរាប់នៅថ្ងៃទី២៨ ខែមីនា នេះថា «អាល្បែងចាប់ប៉ាតម្សៅហ្នឹង ដូចបន្លំស្ទាបអង្អែលច្រើនជាង! បើគេព្រមឱ្យស្ទាបក៏មើលទៅអនាធិបតេយ្យទៅហើយ! តែបើចាប់បង្ខំស្ទាប ប្រយត្ន ត្រូវទោស បៀតបៀនកេរ្តិ៍ខ្មាស (sexual harassment)! តាមខ្ញុំយល់ ល្បែងស្ទាក់ចាប់ប៉ាតម្សៅ ល្បែងចាប់ចាក់ទឹក គប់ទឹក ស្ទាក់ទារលុយ បើគេព្រមចាំលេង មិនត្រូវបង្ខំទេ! សង្ឃឹមថាយើងទាំងអស់គ្នាយល់ ប្រយ័ត្នល្បែងនាំរឿង»។

ក្រោយពីបញ្ចេញមតិដូចនេះ មហាជនអ្នកលេងបណ្តាញសង្គមបានចូលទៅខំមិនគាំទ្រនូវការលើកឡើងរបស់លោក ដួង សុខគា ផងដែរ។

គួរបញ្ជាក់ថា ល្បែងប្រជាប្រិយខ្មែរមានច្រើនទម្រង់ណាស់ដែលយុវវ័យអាចលេងកម្សាន្តបាន មិនត្រឹមតែបង្កើនភាពសប្បាយរីករាយប៉ុណ្ណោះទេ តែវាឆ្លុះបញ្ចាំងពីការថែរក្សានិងអភិរក្សអ្វីដែលជាអត្តសញ្ញាណខ្មែរកុំឱ្យបាត់បង់៕

ប្រទេសចិន ៖ មហាសេដ្ឋីជនជាតិចិន និងស្ថាបនិក Alibaba ជាក្រុមហ៊ុនពាណិជ្ជកម្មអេឡិចត្រូនិកដ៏ធំមួយបានធ្វើដំណើរមកកាន់ប្រទេសចិនជាលើកដំបូង ក្រោយពីបាត់មុខមាត់ពីក្នុងប្រព័ន្ធផ្សព្វផ្សាយ និងសាធារណជន ដោយលោកបានធ្វើដំណើរទៅកាន់ប្រទេសនានានៅទូទាំងពិភពលោក ។

សារព័ត៌មានអនឡាយរបស់ចិនបានផ្សព្វផ្សាយវីដេអូឃ្លីបរបស់លោក Jack Ma អាយុ៥៨ឆ្នាំ ខណៈលោកបានទៅទស្សនាសាលារៀនយុនគុ នៅទីក្រុង Hangzhou ខេត្ត Zhejiang ដែលលោកបានបង្កើតឡើង ។ វាជាសាលារៀនឯកជនដែលបង្រៀនចាប់ពីថ្នាក់មត្តេយ្យ រហូតដល់ថ្នាក់អនុវិទ្យាល័យ ។ លោក Jack Ma បានជួបជាមួយសាស្ត្រាចារ្យ និងកូនសិស្សក្នុងសាលារៀននេះ បន្ទាប់មក លោកបានទៅមើលការបង្រៀន និងការរៀនក្នុងថ្នាក់រៀន ព្រមទាំងពិភាក្សាពីបញ្ហាការសិក្សា និងបច្ចេកវិទ្យាផ្សេងៗ។

សារព័ត៌មាន South China Morning Post រាយការណ៍ថា លោក Jack Ma បានធ្វើដំណើរត្រឡប់មកប្រទេសចិនវិញ ក្រោយពីលោកចូលសម្រាកនៅហុងកុងរយៈពេលខ្លី ហើយលោកបានជួបជាមួយមិត្តភក្តិ និងដើរមើលពិធីបុណ្យសិល្បៈ Art Basel ដែលគេគ្រប់គ្នាដឹងច្បាស់ថា លោក Jack Ma ចូលចិត្តការគូរគំនូរ និងសិល្បៈជាខ្លាំង ។

លោក Jack Ma បានឈប់ធ្វើជាប្រធាន Alibaba នៅឆ្នាំ២០១៩ ពេលលោកមានអាយុ៥៥ឆ្នាំ ហើយលោកក៏ចាប់ផ្តើមបាត់មុខពីសាធារណជននៅចុងឆ្នាំ២០២០ ក្រោយពីលោកបានរិះគន់ប្រព័ន្ធគ្រប់គ្រងបច្ចេកវិទ្យារបស់រដ្ឋាភិបាលចិន ។

ក្រោយពេលលោកបានចុះចេញពីតំណែងជាប្រធាន Alibaba លោកថ្លែងថា បន្ទាប់ពីឈប់ធ្វើការងារ លោកចង់ប្រើជីវិតដើម្បីការងារសប្បុរសធម៌ ការសិក្សា និងការអភិវឌ្ឍកសិកម្មជនបទនៅប្រទេសចិន ។ ចាប់ពីពេលនោះមក លោក Jack Ma ក៏បានធ្វើដំណើរទៅកាន់ប្រទេសនានានៅទ្វីបអឺរ៉ុប និងតំបន់អាស៊ី ដើម្បីឈ្វេងយល់អំពីការអប់រំ និងបច្ចេកវិទ្យាកសិកម្ម ។

នាពេលថ្មីៗនេះ លោកបានរស់នៅប្រទេសជប៉ុនរយៈពេល៣ខែដើម្បីសិក្សាពីដំណើរការ និងបច្ចេកវិទ្យារបស់កសិដ្ឋានចិញ្ចឹមត្រី ។ បន្ទាប់មក កាលពីដើមឆ្នាំ២០២៣នេះ លោកបានមកកាន់ប្រទេសថៃដើម្បីសិក្សាពីការធ្វើកសិដ្ឋាន និងការនេសាទផងដែរ ៕ ប្រភព ៖ TNN World

លោក James Cameron ជាអ្នកដឹកនាំផលិតខ្សែភាពយន្តដ៏ល្បីល្បាញមួយរូប ដូចជា រឿង Terminator, Avatar, Aliens និងរឿងជាច្រើនទៀតជឿថា បញ្ញាសិប្បនិម្មិត AI កំពុងតែកសាងថាមពលមនុស្សយន្តដូចក្នុងខ្សែភាពយន្តរឿង Terminator ដែរ ។ ដូច្នេះ បញ្ញាសិប្បនិម្មិត AI មានភារកិច្ចបំផ្លាញពូជមនុស្ស ហើយយើងកំពុងតែឈានទៅកាន់សម័យនោះហើយ ។

ក្នុងឋានៈជាអ្នកដឹកនាំខ្សែភាពយន្តដែលទទួលបានទាំងការសរសើរផង និងរិះគន់ផង ដូចជារឿង Aliens និង Avatar លោក James Cameron បានពិសោធន៍ឱ្យឃើញថា ពិភពលោករបស់យើងនៅមានអ្វីជាច្រើនទៀតដែលត្រូវស្វែងរកនាថ្ងៃអនាគត ដូចជា បច្ចេកវិទ្យា និងអាថ៌កំបាំងនានារបស់ពិភពលោកនេះ ។

លោក James Cameron បានផ្តល់បទសម្ភាសន៍ទៅកាន់កម្មវិធីមួយដោយលោកទទួលស្គាល់ថា លោកមិនខ្លាចថា បញ្ញាសិប្បនិម្មិតនឹងឆ្លាតដល់កម្រិតណាទេ ប៉ុន្តែលោកបារម្ភថា អាចនឹងមានមនុស្សខ្លះយកបច្ចេកវិទ្យារបស់ AI ទៅប្រើប្រាស់ក្នុងផ្លូវខុស ពីព្រោះ AI គឺជាបច្ចេកវិទ្យាដ៏អស្ចារ្យមួយ ប៉ុន្តែវាក៏អាចធ្វើឱ្យពិភពលោកឈានដល់ថ្ងៃអវសានដូចគ្នា ។

លោកបន្ថែមថា ៖ «ខ្ញុំគិតថា វាអាចទៅរួចដែលមានមនុស្សខ្លះនឹងប្រើប្រាស់បច្ចេកវិទ្យា AI ធ្វើជាអាវុធទុកបំផ្លាញអ្នកដទៃ ព្រោះនៅលើពិភពលោកនេះ គ្មានបច្ចេកវិទ្យាណាមួយដែលមិនធ្លាប់បង្កើតអាវុធនោះទេ ។ នៅថ្ងៃអនាគត មនុស្សយើងក៏ត្រូវតស៊ូជាមួយបច្ចេកវិទ្យាដែលឆ្លាតជាងយើងផងដែរ» ។

ការព្រួយបារម្ភអំពីបច្ចេកវិទ្យា AI បានក្លាយជាប្រធានបទមួយដែលមនុស្សជាច្រើនលើកយកមកនិយាយ ក្រោយពីមានការបង្ហាញកម្មវិធី ChatGPT ដែលជា Chatbots ឆ្លាតវៃមួយអាចឆ្លើយតបស្ទើរគ្រប់សំណួរទាំងអស់នៅលើពិភពលោកនេះ ៕ ប្រភព ៖ beartaiBRIEF

ថ្មីៗនេះបន្ទាប់ពីបញ្ចេញបទថ្មីដើម្បីអបអរសាទរពិធីបុណ្យចូលឆ្នាំខ្មែរ តារាចម្រៀង យក់ ថិតរដ្ឋា បានរងពាក្យមិនសមរម្យពីអ្នកលេងបណ្តាញសង្គម រហូតតារាចម្រៀងរូបនេះបានចេញមុខបង្ហោះសារយ៉ាងចាក់ដោតឆ្លើយទៅកាន់អ្នករិះគន់ខ្លួន។

កាលពីថ្ងៃទី២៦ ខែមីនា ផលិតកម្មថោន បានបញ្ចេញវីដេអូខ្លីជាបទចម្រៀងរបស់តារាចម្រៀង យក់ ថិតរដ្ឋា មានចំណងជើងថា «ស្រលាញ់ស្រីចាស់សំបូរលុយចាយ» ដើម្បីអបអរសាទរពិធីបុណ្យចូលឆ្នាំប្រពៃណីខ្មែរ។ ទន្ទឹមនឹងការបញ្ចេញវីដេអូខ្លីនេះ អ្នកលេងបណ្តាញសង្គមមួយចំនួនបានបញ្ចេញពាក្យរិះគន់ពីរូបរាងរបស់អ្នកនាង យក់ ថិតរដ្ឋា ដោយប្រើពាក្យមិនសមរម្យថា «ក្បាលពោះសុទ្ធតែគ្រឿងស្រវឹង» និង «សម្រកសិនទៅ ចាំច្រៀងកាជ្រូក»។

បន្ទាប់ពីមានការអ្នករិះគន់ដូចនេះ កាលពីយប់ថ្ងៃទី២៧ ខែមីនា តារាចម្រៀង យក់ ថិតរដ្ឋា បានបង្ហោះសារតបទៅអ្នករិះគន់ថា ខ្លួនមិនខឹងដែលគេថាមានមាឌម៉ាប់នោះទេ តែអ្នកនាងទទួលយកមិនបានចំពោះពាក្យប្រមាថដោយប្រើពាក្យ «មី»។

ម្ចាស់បទ «មួយណាក៏ដូចមួយណា» បានរៀបរាប់ថា «សម្រាប់ខ្ញុំមិនខឹងនិងគេថាយើងមិនស្អាតកាម៉ាប់ដូចជ្រូកអីទេព្រោះយើងវាម៉ាប់ពិតមែនតែមេត្តាកុំប្រើពាក្យដល់ថ្នាក់ ( មី ) អីព្រោះខ្ញុំមិនបានទៅធ្វើអីដាក់អ្នកអោយអ្នកមកក្តៅក្រហាយរឿងអីដែរ ដៀលខ្ញុំសុទ្ធតែមីកាជ្រូកចុះមីកាជ្រូកខ្ញុំនឹងបានទៅធ្វើអីដាក់អ្នកដែរបានដៀលខ្ញុំអីក៏សាហាវយ៉ាងនេះលោកអើយ»។

តារាចម្រៀង យក់ ថិតរដ្ឋា បន្តទៀតថា «ពេលនិយាយអ្វីទៅកាន់នរណាម្នាក់គួរតែរៀនយកចិត្តរបស់គេមកដាក់ចិត្តខ្លួនឯងខ្លះផង ខ្ញុំមិនខឹងទេអ្នកចង់អោយខ្ញុំល្អបាននិយាយ តែនេះមិនមែនចង់អោយល្អទេគឺឈ្នានីសច្រើនជាង តែគ្រាន់តែខ្ញុំតូចចិត្តថា ! ខ្ញុំបានធ្វើអីដាក់អ្នកឯង»៕