ថ្មីៗនេះនៅលើបណ្តាញសង្គមទាំងហ្វេកប៊ុក និងទិកតុក បានចែករំលែករួមទាំងរិះគន់ផងទៅលើវីដេអូចាស់មួយរបស់លោកជំទាវ តាំង ហ្គិចលៀង ដោយនិយាយពីអ្នកមានគិតពីថ្ងៃអនាគត អ្នកក្រចូលចិត្តគិតពីអតីតកាល រួមទាំងចូលចិត្តបង្ហោះដ្រាមាជាដើម។

លោកជំទាវ តាំង ហ្គិចលៀង ត្រូវបានគេស្គាល់យ៉ាងទូលំទូលាយជាស្រ្តីជោគជ័យមួយរូប ដែលជាអគ្គនាយិកាក្រុមហ៊ុន H&L គ្រុប និងជាប្រធានក្លឹបស្រ្តីកម្ពុជា ហើយញឹកញាប់លោកជំទាវបានចូលរួមជាវាគ្មិនកិត្តិយសនៅក្នុងកម្មវិធីជាច្រើន។

យ៉ាងណាមិញ នាពេលថ្មីៗនេះមហាជនអ្នកលេងបណ្តាញសង្គមមានជាមតិវែកញែកជាច្រើនរួមទាំងការរិះគន់ផងដែរទៅលើវីដេអូខ្លីមួយដែលជាវីដេអូចាស់របស់លោកជំទាវ ចូលរួមជាវាគ្មិន។ បើតាមការបញ្ជាក់របស់លោកជំទាវបន្ទាប់ពីមានការចែករំលែកព្រោងព្រាតនៅលើបណ្តាញសង្គម កម្មវិធីនោះមានឈ្មោះថា «ទិវាភាពជាអ្នកមានឆ្នាំ២០២២» ដែលប្រព្រឹត្តិទៅនៅថ្ងៃទី៧ ខែកក្កដា ឆ្នាំ២០២២។ នៅក្នុងកម្មវិធីខាងនេះមិនត្រឹមតែមានលោកជំទាវ តាំង ហ្គិចលៀង ប៉ុណ្ណោះទេប៉ុន្តែមានវាគ្មិនជាច្រើនទៀតចូលរួមដែលសុទ្ធតែជាស្ថាបនិក អ្នកគ្រប់គ្រងធំៗមកពីក្រុមហ៊ុនផ្សេងៗគ្នា។

អ្នកលេងបណ្តាញសង្គមបានរិះគន់វីដេអូខ្លីរបស់លោកជំទាវ តាំង ហ្គិចលៀង ថា «អ្នកមាន អ្នកជោគជ័យធ្វើអ្វីក៏ត្រូវ អ្នកក្រធ្វើអ្វីក៏ខុសលេបទឹកមាត់ក៏ខុស ហូបបាយហើយដេកក៏ខុស» រួមទាំងមតិរិះគន់ជាច្រើនទៀត។
ទន្ទឹមនឹងមានការរិះគន់យ៉ាងខ្លាំងក្លាគេក៏ឃើញថា អ្នកលេងបណ្តាញសង្គមមួយចំនួនបានលើកឡើងថា «ពិចារណាតាមការគួរ ត្រូវយកគំនិតមកគិត កុំយកអារម្មណ៍មកពិចារណា នោះអ្នកនឹងយល់ពីអ្វីដែលលោកជំទាវចង់សម្តៅទៅ»។ បន្ថែមពីលើនេះ លោកជំទាវ តាំង ហ្គិចលៀង ក៏បានលើកឡើងថា ការធ្វើបទបង្ហាញពេញមានរយៈពេល៤០ នាទី អាចយកមករៀនសូត្របានសម្រាប់អ្នកចង់រីកចម្រើន ស្តាប់លេងៗ ចេះមែនទែនរីកចម្រើនមែនទែន៕

ពិតណាស់នៅក្នុងពិភពលោករបស់យើង វិទ្យាសាស្រ្តមានការរីកចម្រើននឹងជឿនលឿនយ៉ាងខ្លាំងនាពេលបច្ចុប្បន្ន។ អ្នកវិទ្យាសាស្រ្តមួយក្រុមនៅNASAបានធ្វើការព្យាករណ៍ដែលទាក់ទងអំពីមនុស្សក្នុងរយះពេល១០០០ឆ្នាំទៅមុខទៀត។ ដូច្នេះហើយតើ១០០០ឆ្នាំ ទៅមុខទៀតមនុស្សទៅជាយ៉ាងណា?

១.កាយមនុស្សត្រូវបំពាក់ដោយគ្រឿងម៉ាស៊ីន៖ នៅក្នុងរយះពេល១០០០ឆ្នាំទៅមុខទៀតនោះ បច្ចេកវិទ្យាកាន់តែរីកចម្រើនអស្ចារ្យ នៅពេលនោះមនុស្សគ្រប់គ្នាសុទ្ធតែបានបំពាក់ទៅដោយគ្រឿងម៉ាស៊ីនទំនើបៗ ដែលជួយឱ្យពួកគេមានថាមពល ប្រឆាំងជាមួយជំងឺផ្សេងៗ មានការចងចាំខ្ពស់ ហើយជាពិសេសនោះគឺអាចរស់នៅបានដោយមានអាយុវែងខុសពីធម្មតាទៀតផង។

២.មនុស្សមានស្សែនអស្ចារ្យ៖ នៅក្នុងពេលបច្ចុប្បន្ននេះអ្នកវិទ្យាសាស្រ្តកំពុងតែព្យាយាមបង្កើតស្សែនដ៏ពិសេសមួយដែលគេហៅថា CRISPR គឺជាស្សែនដែលធ្វើឱ្យមនុស្សមានសុខភាពរឹងមាំ ហើយរាងកាយកាន់តែខ្លាំងក្លាខុសពីមនុស្សធម្មតា មិនតែប៉ុណ្តោះស្សែនទាំងនោះនឹងអាចឱ្យមនុស្សមើលឃើញនូវអ្វីៗដែលបច្ចុប្បន្នមនុស្សមើលមិនឃើញ និងអាចស្តាប់ឮនូវអ្វីប្លែកៗ ដែលបច្ចុប្បន្នមនុស្សស្តាប់មិនឮ។

៣.មនុស្សមានលក្ខណៈស្រដៀងគ្នា៖ នៅរយះពេល១០០០ឆ្នាំទៅមុខទៀត មនុស្សម្នាក់ៗសុទ្ធតែបំពាក់ទៅដោយគ្រឿងបច្ចេកវិទ្យាទំនើបៗជាច្រើនរៀងៗខ្លួន ដោយឪពុកម្តាយទាំងអស់មិនបានបង្កើតកូនក្នុងផ្ទៃទៀតទេ គឺបង្កើតកូនតាមបែបវិទ្យាសាស្រ្ត ដូច្នេះហើយការបង្កើតកូនតាមបែបវិទ្យាសាស្រ្តឬបច្ចេកវិទ្យាទំនើបៗ អាចនឹងធ្វើឱ្យមនុស្សមានលក្ខណៈស្រដៀងគ្នា។

៤.រស់នៅក្នុងលំនៅឋានដ៏ពិសេស៖ បច្ចុប្បន្នលំនៅឋានឬហៅថាផ្ទះ គឺសាងអំពីថ្មឬឈើជាដើម។ ប៉ុន្តែនៅរយះពេល១០០០ឆ្នាំទៅមុខទៀតអ្នកវិទ្យាសាស្រ្តបានព្យាករណ៍ថាមនុស្សនឹងរស់នៅកន្លែងមួយដោយបង្កើតឡើងដោយបច្ចេកវិទ្យា មានន័យថាប្រសិនបើអ្នកមិននៅផ្ទះទេ ផ្ទះនោះនឹងរលាយ ប៉ុន្តែបើអ្នកត្រលប់មកផ្ទះវិញផ្ទះនោះនឹងមានរូបរាងឡើងវិញ។

៥.មនុស្សនឹងរស់នៅភពផ្សេងទៀត៖ បច្ចុប្បន្នអ្នកវិទ្យាសាស្រ្តបានរកឃើញភពផ្សេងៗជាច្រើនដែលមានលក្ខណៈស្រដៀងនឹងផែនដី ពួកគេបានព្យាករណ៍ថានៅពេលខាងមុខផែនដីនឹងជួបគ្រោះមហន្តរាយផ្សេងៗ ហើយមនុស្សទាំងអស់មិនអាចរស់នៅលើភពផែនដីបានទៀតទេ ដូច្នេះហើយនៅរយះពេល១០០០ឆ្នាំទៅមុខទៀត មនុស្សអាចនឹងរស់នៅភពអង្គារឬភពផ្សេងៗទៀតដែលនៅជុំវិញព្រះច័ន្ទនិងព្រះអាទិត្យ៕

ពីរ៉ាមីត គឺជាអច្ឆរិយវត្ថុទាំង ៧ ដ៏ចំណាស់បំផុតរបស់មនុស្សជាតិ ដែលបានសាងសង់ឡើងប្រហែល ៤,៥០០ ឆ្នាំមកហើយ។

ពីរ៉ាមីត ជាសំណង់ដ៏អាថ៌កំបាំងបំផុតមួយក្នុងលោក ហើយសំណង់នេះមានភាពល្បីល្បាញបំផុតរហូតដល់បានដាក់ចូលរូបរាងពីរ៉ាមីតក្នុងកម្មវិធីសិក្សាធរណីមាត្រ និងមានសំណង់បុរាណ ឬសំណង់ថ្មីៗជាច្រើនជុំវិញពិភពលោក យកគម្រូតាមពីរ៉ាមីតផងដែរ។

ពីរ៉ាមីត បានបង្ហាញអំពីអរិយធម៌ដ៏ចំណាស់របស់អេហ្ស៊ីប ក៏ដូចជាជំនឿ និងអំណាចអធិរាជនៃចក្រភពមួយក្នុងពិភពលោក។

ដោយសារតែ ពីរ៉ាមីតត្រូវបានពិភពលោកទទួលស្គាល់ថាបានរកឃើញនៅប្រទេសអេហ្សុីប ដូច្នេះលោកអ្នកប្រហែលជាគិតថា ប្រទេសនេះជាប្រទេសដែលមានសំណង់ពីរ៉ាមីតច្រើនជាងគេលើលោក ក៏ប៉ុន្តែប្រទេសនេះមានសំណង់ពីរ៉ាមីតត្រឹមតែ១៣៨ប៉ុណ្ណោះ។

ដោយឡែកប្រទេសដែលមានពីរ៉ាមីតច្រើនជាងគេ គឺស៊ូដង់ ដោយប្រទេសនេះមានពីរ៉ាមីតដល់ទៅ ២២០ ឯណោះ។ ៣ពីរ៉ាមីតក្នុងចំណោម២២០នេះ គឺជាផ្នូរនៃស្តេច និងព្រះមហាក្សត្រិយានី ដ៏មានឥទ្ធិពលបំផុតមួយ គឺ Napata និង Meroë៕

ប្រភព៖ Wikipedia 

សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជាបញ្ជាមិនឱ្យមានការលក់សំបុត្រចូលទស្សនាការប្រកួតស៊ីហ្គេមដាច់ខាត ទាំងអំឡុងពេលបើក-បិទ ព្រឹត្តិការណ៍ស៊ីហ្គេម២០២៣ និងការប្រកួតគ្រប់វិញ្ញាសារ ហើយប្រជាពលរដ្ឋអាចចូលរួមទស្សនាដោយសេរី។ នេះបើយោងតាមសារពិសេសរបស់សម្តេចតេជោ នៅល្ងាយថ្ងៃទី៣០ ខែមីនា ឆ្នាំ២០២៣។

សម្តេចតេជោ មានប្រសាសន៍បន្ថែមថា ការដាក់ចេញនូវតម្លៃសំបុត្រទស្សនា នាពេលកន្លងមកគឺមិនបានសុំការអនុញ្ញាតិពីនាយករដ្ឋមន្រ្តី ឬពីសម្តេចពិជ័យសេនា ទៀ បាញ់ ហើយសម្តេចក៏កំពុងស្វែករកតើមន្រ្តីណាមួយទទួលបន្ទុកលើការដាក់ចេញនូវតម្លៃសំបុត្រ។

សម្តេច បានបន្ថែមថា ប្រទេសកម្ពុជា បានចំណាយថវិកាទៅលើមូលដ្ឋានសម្ភារៈ បច្ចេកទេស ក៏ដូចជាជំនួយពីមិត្តចិនសម្រាប់ការកសាងនូវមូលដ្ឋាននៃការប្រកួតនិងចំណាយនូវធនធានជាច្រើន ដើម្បីកសាងហេដ្ឋារចនាសម្ព័ន្ធដទៃទៀត អស់រាប់រយលានដុល្លារ និងចំណាយពេលជាច្រើនឆ្នាំទម្រាំកើតចេញជារូបរាងនៃការប្រកួត។ ហើយការដាក់លក់សំបុត្រឱ្យប្រជាជនកម្ពុជាមកទស្សនា សម្តេចតេជោ បញ្ជាមិនឱ្យមានការលក់សំបុត្រចូលទស្សនាការប្រកួតស៊ីហ្គេមដាច់ខាត បើសិនជាមានការដាក់លក់សំបុត្រចូលរួមទស្សនានឹងត្រូវទទួលខុសត្រូវតាមច្បាប់នៅមុខនាយករដ្ឋមន្រ្តី។

សូមបញ្ជាក់ថា កន្លងមកមានការផ្សព្វផ្សាយតម្លៃសំបុត្រចូលរួមទស្សនាបើកព្រឹត្តិការណ៍ស៊ីហ្គេម មានចំនួនពីរប្រភេទ តម្លៃ១០ម៉ឺនរៀល និង២០ម៉ឺនរៀល៕

នៅថ្ងៃទី៣០ ខែមីនា ឆ្នាំ២០២៣ តាមការឱ្យដឹងពីលោកស្រី ទ្រី ដាណា ថាកម្មវិធី ដណ្ដើមខ្សែក្រវ៉ាត់ មរតកគុនខ្មែរ NNP គ្រោងចំណាយរង្វាន់មាសសុទ្ធ២តម្លឹង និងលុយសុទ្ធ៤០លានរៀល ជាមួយខ្សែក្រវ៉ាត់ដ៏ស្រស់ស្អាតដែលមានរចនាបថបង្ហាញពីអត្តសញ្ញាណមួយផ្នែកនៃវប្បធម៌។

លោកស្រី ទ្រី ដាណា បានបង្ហាញថាចំណុចពិសេសៗរបស់ខ្សែក្រវ៉ាត់រួមមាន៖
ទី១៖ ខាងលើកំពូលខ្សែមានរូបរាហ៊ូចាប់ច័ន្ទ ដកស្រង់ចេញពីចម្លាក់ក្លោងទ្វារប្រាសាទបន្ទាយស្រី ដែលតំណាងឱ្យសេចក្តីស្រលាញ់ដូចបងប្អូនបង្កើត មិនថាខាងណាឈ្នះ ខាងណាចាញ់ ក៏នៅតែមានចិត្តគោរពគ្នាទៅវិញទៅមក គ្មានចិត្តច្រណែន គ្មានចិត្តគុំកួនគ្នា មានតែពាក្យថាស្រលាញ់ជានិច្ចក្នុងទឹកចិត្តជាកីឡាករ។
ទី២៖ រូបចម្លាក់មនុស្ស២នាក់ប្រកួតគ្នាដែលដកស្រង់ចេញពីប្រាសាទតាព្រហ្ម បញ្ជាក់ពីអត្តសញ្ញាណក្បាច់គុនបុរាណខ្មែរដែលមានអាយុកាលរាប់ពាន់ឆ្នាំមកហើយ គួរឲ្យតម្លៃ និងរួមគ្នាអភិរក្សបន្តទៀត ដើម្បីឱ្យកាន់តែល្បីសុះសាយជាសកល។
ទី៣៖ រូបចម្លាក់ក្បាច់ដ៏វិចិត្រ ដកស្រង់ចេញពីប្រាសាទបន្ទាយស្រី ជាចម្លាក់យ៉ាងលម្អិតឆ្មារស់រវើកជាងគេ ដែលមានសភាពល្អឆើតឆាយដូចស្រីគ្រប់លក្ខណ៍ ឈ្មោះដើមប្រាសាទបន្ទាយស្រី ហៅថា (ឥសូរបុរៈ ប្រែថា បុរីនៃឥសូរ) សម័យក្រោយមកគេហៅថា ប្រាសាទបន្ទាយស្រី ដោយសារតែរាងតូចច្រឡឹង និងក្បូរក្បាច់រចនាដ៏ស្រស់ស្អាត (រចនាបទទី២ចងក្រងឡើងក្នុងអត្ថន័យលើកកំពស់ការគោរពស្រលាញ់ស្រ្តីនៅលើពិភពលោក)។
ទី៤៖ ពាក្យ មរតក គុនខ្មែរ ជាភាសាអង់គ្លេស ដើម្បីឱ្យបរទេសបានស្គាល់ពាក្យគុនខ្មែរ ហើយស្រាវជ្រាវបន្ថែម និងចង់បង្ហាញថា គុនខ្មែរ បានបន្សល់ទុកពីដូនតារាប់ពាន់ឆ្នាំមកហើយ ជាមរតក ដែលត្រូវរួមគ្នាការពារ និងលើកតម្កើងជានិច្ច។

គួរបញ្ជាក់ថា កម្មវិធីខាងលើនឹងរៀបចំជាផ្លូវការ នៅថ្ងៃទី៦ ខែមេសា ខាងមុខនេះនៅសង្វៀនថោន ហើយវគ្គផ្ដាច់ព្រ័ត្រគ្រោងធ្វើនៅខែមិថុនា ក្នុងនោះក្រៅពីគូប្រកួតដណ្តើមខ្សែក្រវ៉ាត់ ក៏មានគូលក្ខណៈមិត្តភាពអន្តរជាតិ ដែលសាធារណជនអាចចូលរួមទស្សនាដោយសេរីផងដែរ៕

ថ្មីៗនេះមហាជនអ្នកលេងបណ្តាញសង្គមបានផ្ទុះការរិះគន់ និងមានការងឿងឆ្ងល់យ៉ាងខ្លាំងបន្ទាប់ពីឃើញមន្ទីរវប្បធម៌និងវិចិត្រសិល្បៈរាជធានីភ្នំពេញ បានបង្ហោះរូបភាពពិធីសែនព្រេនសុំម្ចាស់ទឹកម្ចាស់ដី ដើម្បីបើកការដ្ឋានសាងសង់ និងការរៀបចំសង្ក្រាន្តវត្តភ្នំ បែរជាដូចពិធីសែនបុណ្យចូលឆ្នាំចិនទៅវិញ។

យ៉ាងណាមិញ នៅល្ងាចថ្ងៃទី៣០ ខែមីនា នេះ មន្ទីរវប្បធម៌និងវិចិត្រសិល្បៈរាជធានីភ្នំពេញ បានចេញសេចក្តីបំភ្លឺហើយទាក់ទងទៅនឹងរឿងរ៉ាវដែលបានកើតឡើងល្បីលើបណ្តាញសង្គម។

នៅក្នុងលិខិតបំភ្លឺ មន្ទីរវប្បធម៌បានលើកឡើងថា ករណីពិធីសែនព្រេនកាលពីថ្ងៃទី២៩ ខែមីនា ឆ្នាំ២០២៣ កន្លងមកនេះ គឺជាពិធីសែនឧបករណ៍ សម្ភារ របស់ក្រុមជាងសាងសង់ មុននឹងដំណើរការរៀបចំកម្មវិធី «សង្ក្រាន្តវត្តភ្នំ» ឆ្នាំ២០២៣។ ដោយឡែកកិច្ចពិធីបួងសួងសុំម្ចាស់ទឹកម្ចាស់ដីដើម្បីរៀបចំ «សង្ក្រាន្តវត្តភ្នំ» ឆ្នាំ២០២៣ នឹង ប្រារព្ធធ្វើឡើងនៅថ្ងៃចន្ទ ១៣កើត ខែចេត្រ ឆ្នាំខាល ចត្វាស័ក ព.ស២៥៦៦ ត្រូវនឹង ថ្ងៃទី៣ ខែមេសា ឆ្នាំ២០២៣ នៅរមណីយដ្ឋានវប្បធម៌ប្រវត្តិសាស្ត្រវត្តភ្នំ៕

នៅរសៀលថ្ងៃទី៣០ ខែមីនា ឆ្នាំ២០២៣នេះ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានបង្ហោះសារបញ្ជាក់ពីឧបាសក ឌី បូ ដែលត្រូវជាពូរបស់សម្តេចបានទទួលមរណភាពក្នុងជន្មាយុ ១០២ ឆ្នាំ។

សម្តេចតេជោ ហ៊ុន សែន បានបង្ហោះសារដែលមានខ្លឹមសារទាំងស្រុងថា «ថ្ងៃនេះត្រកូលឌី បូកជាមួយត្រកូលហ៊ុន បានបាត់បង់មនុស្សចុងក្រោយនៃជំនាន់ឪពុកម្តាយខ្ញុំ ដែលមានព្រះជន្មយុ ១០២ឆ្នាំ។ ប្អូនប្រុសម្តាយខ្ញុំឈ្មៅ ឌី បូ បានទទួលមរណភាពកាលពីម៉ោង១១៖៤៥នាទី ថ្ងៃ៣០ ខែមីនា ឆ្នាំ២០២៣នេះ ក្នុងជន្មាយុ១០២ឆ្នាំ។
ល្ងាចស្អែកខ្ញុំនឹងទៅដុតធូបដើម្បីគោរពវិញ្ញាណក្ខន្ធ និងជូនដំណើរចុងក្រោយចំពោះលោកពូ»៕