មិនថាសម័យការណាទេមនុស្សស្រីតែងតែជាជនរងគ្រោះនៃការរំលោភបំពានផ្លូវភេទរហូតមកដល់ពេលបច្ចុប្បន្ន។ តាមប្រភពពត៌មាន Wonderslist បានរកឃើញថាមានប្រទេសចំនួន១០ដែលស្រ្តីត្រូវបានគេរំលោភបំពានផ្លូវភេទច្រើនជាងគេ ដែលក្នុងនោះមានដូចជា៖

១.អាហ្រិ្វកខាងត្បូង(South Africa)៖ ប្រទេសអាហ្រ្វិកខាងត្បូងគឺជាប្រទេសដែលមានការរំលោភបំពានផ្លូវភេទច្រើនជាងគេនៅលើលោក តាមការសិក្សាស្រាវជ្រាវ៤០%នៃស្រ្តីត្រូវបានគេចាប់រំលោភផ្លូវភេទ និង៤%នៃបុរសត្រូវបានគេបង្ខំឱ្យរួមភេទជាមួយភេទដូចគ្នា ហើយ៤១%ទៀតគឺជាកុមារ។

២.ស៊ុយអែត(Sweden)៖ ប្រទេសស៊ុយអែតជាប់ឈ្មោះជាប្រទេសដែលគ្រោះថ្នាក់បំផុតសម្រាប់ស្ត្រី ក្នុងការរំលោភបំពានផ្លូវភេទ យោងតាមទិន្នន័យSwedish National Council for Crime Prevention បានឱ្យដឹងថាមានមនុស្សចំនួន៦,៦២០នាក់ត្រូវបានគេចាប់រំលោភ ដែលការរំលោភនេះមានតាំងពីឆ្នាំ១៩៧៥មកម្លេះ។

៣.អាមេរិក(USA)៖ តាមរបាយការណ៍ According to George Mason University បានឱ្យដឹងថាមនុស្សចំនួន២៩៣,០០០នាក់ត្រូវបានគេរំលោភបំពាន១ដងក្នុង១ជីវិត ហើយការចាប់រំលោភនោះគឺចាប់ពីអាយុ១២ឆ្នាំឡើងទៅ។

៤.អង់គ្លេសនិងវេលស៍(England and Wales)៖ យោងតាមរបាយការណ៍Rape statistics United Kingdom បានឱ្យដឹងថាមានមនុស្សចំនួន៨៥,០០០នាក់ត្រូវបានគេរំលោភបំពាន ក្នុងនោះ៧៣,០០០នាក់ជាស្ត្រី ហើយ១២,០០០នាក់ជាបុរស។ នៅប្រទេសនេះមានករណីចាប់រំលោភ២៣០ដង ក្នុង១ថ្ងៃ។

៥.ឥណ្ឌា(India)៖ តាមប្រភព National Crime Record Bureau (NCRB) បានរាយការណ៍ថាមានស្ត្រីចំនួន៣៣,៧០៧នាក់ត្រូវបានគេរំលោភបំពាន ហើយស្រ្តី២៤,៩២៣ ត្រូវបានរាយការណ៍ទៅកាន់ប៉ូលីស អ្វីដែលគួរឱ្យខ្លាចនោះគឺរាល់២០នាទី១ដង ស្រ្តីនៅឥណ្ឌាម្នាក់ត្រូវបានគេចាប់រំលោភ។

៦.នូវែលសេឡង់(New Zealand)៖ យោងតាមរបាយការណ៍យុត្តិធម៌របស់ប្រទេសនូវែលសេឡង់ គេបានរកឃើញថារៀងរាល់២ម៉ោងម្តង ស្រ្តីម្នាក់បានទទួលរងក្នុងការរំលោភបំពានផ្លូវភេទ។ ក្នុងប្រមាណឆ្នាំថ្មីៗនេះអត្រានៃការរំលោភបំពានផ្លូវភេទរបស់ស្រ្តីនូវែលសេឡង់ បានកើនឡើង១៥%ជារៀងរាល់ឆ្នាំ។៧.កាណាដា(Canada)៖ តាមរបាយការណ៍របស់ប្រទេសកាណាដាបានរាយការណ៍ថាមានស្រ្តីចំនួន៤៦០,០០នាក់ត្រូវបានរងគ្រោះក្នុងការរំលោភបំពានផ្លូវភេទ ហើយនៅក្នុងនោះ៨០%គឺជាសមាជិកគ្រួសារនិងមិត្តភក្កិ និងមានស្រ្តីចំនួន៦%តែប៉ុណ្តោះដែលបានរាយការណ៍ទៅកាន់ប៉ូលីស។

៨.អូស្ត្រាលី(Australia)៖ នៅក្នុងឆ្នាំ២០២២ស្រ្តីចំនួន៥១,២០០នាក់ ដែលនៅក្នុងនោះស្រ្តីអាយុ១៨ឆ្នាំឡើង ត្រូវបានគេរកឃើញថាស្រ្តីទាំងនោះបានរងគ្រោះក្នុងការរំលោភបំពានផ្លូវភេទ ហើយមានតែស្រ្តី៣០%តែប៉ុណ្តោះដែលបានរាយការណ៍ទៅកាន់ប៉ូលីស។

៩.ហ្ស៊ីមបាវេ(Zimbabwe)៖ យោងតាមរបាយការណ៍ Zimbabwe National Statistics បានឱ្យដឹងថាមានស្រ្តីចំនួន១៦នាក់ត្រូវបានគេរំលោភបំពានផ្លូវភេទជាងរៀងរាល់ខែ។ នៅឆ្នាំ២០២២ ស្រ្តីចំនួន១៥២៤នាក់រងគ្រោះក្នុងការរំលោភបំពានផ្លូវភេទ ក្នុងចំណោមនោះ៧៨០នាក់ត្រូវបានគេចាប់រំលោភពីចន្លោះអាយុ១១-១៦ឆ្នាំ ហើយស្ត្រីនៅទីនោះបានរាយការណ៍ទៅប៉ូលីសតិចបំផុត។

១០.ដាណឺម៉ាកនិងហ្វាំងឡង់(Denmark and Finland)៖ តាមការស្រាវជ្រាវរបស់អង្គការ European Union Agency for Fundamental Rights បានរកឃើញថាស្រ្តី៤៧%ត្រូវបានគេរំលោភបំពានផ្លូវភេទ។ នៅក្នុងចំណោមស្រ្តីនៅFinland ត្រូវបានគេចាប់រំលោភតាំងពីអាយុក្រោម១៥ឆ្នាំមកម្លេះ មានតែស្រ្តី១៣%តែប៉ុណ្តោះដែលបានរាយការណ៍ទៅកាន់ប៉ូលីស។

ប្រទេសវៀតណាម ៖ ការរីកលូតលាស់នៃសេដ្ឋកិច្ចវៀតណាមនៅត្រីមាសទី១ ឆ្នាំ២០២៣ គឺយឺតជាងការរំពឹងទុក ដោយសារការនាំចេញផលិតផលទៅក្រៅប្រទេសធ្លាក់ចុះ ។ តាមការប៉ាន់ស្មានរបស់ការិយាល័យស្ថិតិជាតិ ដែលបានចុះផ្សាយនៅថ្ងៃទី២៩ ខែមីនា បង្ហាញថា ផលិតផលក្នុងស្រុកសរុប (Gross Domestic Product) របស់វៀតណាមបានកើនឡើង៣,៣២% ក្នុងរយៈពេល៣ខែដំបូងឆ្នាំ២០២៣ បើធៀបនឹងរយៈពេលដូចគ្នានៅឆ្នាំ២០២២ និងធ្លាក់ចុះពី៥,៩២% ក្នុងត្រីមាសចុងក្រោយឆ្នាំ២០២២ ។ ដូច្នេះ បើធៀបនឹងការប៉ាន់ស្មានជាមធ្យមពីការស្ទង់មតិរបស់ Bloomberg គឺកើនឡើង៤,៨% ។

សេដ្ឋកិច្ចវៀតណាមបានពឹងផ្អែកខ្លាំងលើពាណិជ្ជកម្មក្រៅប្រទេស គឺបានរងផលប៉ះពាល់ដោយសារគោលនយោបាយរូបិយវត្ថុកាន់តែតឹងតែងនៅជុំវិញពិភពលោក ដែលធ្វើឱ្យតម្រូវការផលិតផលរបស់វៀតណាមថយចុះ ហើយការនាំចេញរបស់វៀតណាមបានថយចុះក្នុងរយៈពេល៦ខែចុងក្រោយនេះ ។ ចំណែកប្រទេសនាំចេញផលិតផលផ្សេងទៀតដូចជា កូរ៉េខាងត្បូង និងតៃវ៉ាន់ ក៏មានការនាំចេញធ្លាក់ចុះដែរក្នុងរយៈពេលដូចគ្នា ដោយសារចិនទើបបើកប្រទេសឡើងវិញ ហើយធ្វើឱ្យតម្រូវការផលិតផលមានមិនច្រើនប៉ុន្មាន ។

ទោះយ៉ាងណា ដើម្បីទប់ស្កាត់ផលប៉ះពាល់ដែលកើតឡើង ធនាគារកណ្តាលវៀតណាមបានកាត់បន្ថយអត្រាការប្រាក់នៅខែមីនា ឆ្នាំ២០២៣នេះ ដើម្បីជួយកាត់បន្ថយការចំណាយហិរញ្ញវត្ថុសម្រាប់ធនាគារ និងកាត់បន្ថយអត្រាការប្រាក់របស់ប្រាក់កម្ចីផងដែរ ។ វៀតណាមបានដាក់គោលដៅការនាំចេញនៅឆ្នាំ២០២៣ ស្មើប្រមាណ៦% បើធៀបនឹងឆ្នាំ២០២២ ស្មើ១០,៥% ។

ក្រៅពីនេះ ការនាំចេញផលិតផលរបស់វៀតណាមបានធ្លាក់ចុះ១៤,៨% នៅខែមីនា ឆ្នាំ២០២៣ ហើយរដ្ឋាភិបាលវៀតណាមបានកំណត់គោលដៅអតិផរណាខ្ពស់បំផុតនៅឆ្នាំ២០២៣ ស្មើ៤,៥% ៕ ប្រភព ៖ AEC connect

ម៉ាកាវ ៖ កាលពីថ្ងៃទី២៨ ខែមីនា កន្លងមក ប៉ូលិសម៉ាកាវបានចាប់ខ្លួនបុរសថៃ៤នាក់តែងខ្លួនធ្វើជាស្រី ដែលមានអាយុចន្លោះពី២០ឆ្នាំ ទៅ៣០ឆ្នាំ ខណៈពួកគេបានដើរហៅភ្ញៀវនៅតាមដងផ្លូវ Husentou ក្នុងតំបន់ Saritou ស្ថិតនៅភាគខាងលិចរបស់ម៉ាកាវ ។

ជនជាតិថៃទាំង៤នាក់នេះបានដើរហៅភ្ញៀវដែលធ្វើដំណើរទៅមកនៅតាមផ្លូវ និងធ្វើឱ្យរំខានដល់អ្នកដំណើរដែលឆ្លងកាត់ផ្លូវនេះផងដែរ ។ ដូច្នេះ ប៉ូលិសក៏បានចាប់ខ្លួនពួកគេទាំង៤នាក់បញ្ជូនទៅកាន់ការិយាល័យប៉ូលិសដើម្បីសាកសួរ ។ អ្នកទាំង៤នាក់សារភាពថា ពួកគេមកម៉ាកាវដើម្បីប្រកបរបររកស៊ីផ្លូវភេទ ព្រោះឃើញថា នៅម៉ាកាវមានភ្ញៀវទេសចរមកលេងច្រើន បន្ទាប់មក ប៉ូលិសក៏បានបញ្ជូនអ្នកទាំង៤ ទៅកាន់នាយកដ្ឋានអន្តោប្រវេសន៍ ដោយសារពួកគេធ្វើសកម្មភាពមិនសមរម្យជាមួយអ្នកធ្វើដំណើរទៅមកតាមដងផ្លូវ ។

បច្ចុប្បន្ននេះ ប៉ូលិសម៉ាកាវបានចាត់កម្លាំងដើម្បីបង្ក្រាបបទល្មើសនៅតាមតំបន់ទេសចរណ៍ និងទីប្រជុំជននានា ក្រោយពីម៉ាកាវបានបន្ធូរបន្ថយការរឹតបន្តឹងជំងឺកូវីដ-១៩
ហើយមានភ្ញៀវទេសចរបរទេសជាច្រើននាក់មកកម្សាន្តនៅទីនេះ ៕ ប្រភព ៖ Krobkrueng JAPAN