រយៈពេលជាច្រើនថ្ងៃមកនេះ កងទ័ពថៃបានបង្កើនការបា.ញ់ប្រ.ហារមកលើដែនអធិបតេយ្យកម្ពុជាទាំងកំរោលយ៉ាងសា.ហាវព្រៃ.ផ្សៃ ដោយមិនគោរពច្បាប់អន្តរជាតិ និងមិនស្តាប់តាមប្រទេសណាទាំងអស់ដែលអំពាវនាវឱ្យថៃបញ្ឈប់សង្គ្រា.មជាបន្ទាន់ និងងាកមកគោរពកិច្ចព្រមព្រៀងសន្តិភាពជាមួយកម្ពុជា ។ ស្ថានការណ៍នៅតាមបណ្តោយព្រំដែនកម្ពុជា-ថៃឡើងកំដៅជាថ្មីនេះ បានធ្វើឱ្យប្រទេសនានា ដូចជា ៖ ម៉ាឡេស៊ី ជប៉ុន អង្គការសហប្រជាជាតិ អាមេរិក ចិន និងវៀតណាម បារម្ភយ៉ាងខ្លាំងអំពាវនាវឱ្យថៃបញ្ឈប់សង្គ្រា.មឈ្លា.នពាន ងាកមកគោរពបទឈប់បា.ញ់ ។

ទោះជាប្រទេសនានា រួមទាំងមហាអំណាចពិភពលោក អំពាវនាវឱ្យថៃបញ្ឈប់ការបាញ់ប្រហារមកលើកម្ពុជាក្តី ប៉ុន្តែនាយករដ្ឋមន្ត្រីថៃ លោក Anutin Charnvirakul នៅតែប្រកាន់ជំហររឹងរូសមិនឈប់បាញ់ដាច់ខាត មិនព្រមចរចាអ្វីទាំងអស់ គឺមានតែជំរុញឱ្យកងទ័ពបាញ់ប្រហារកម្ពុជាឱ្យខ្លាំងជាងមុនដើម្បីកាន់កាប់ទឹកដីកម្ពុជានៅព្រំដែន ហើយលោកថែមទាំងមិនចាប់អារម្មណ៍អាមេរិកដំឡើងពន្ធទំនិញ ដោយថា នេះជាបញ្ហារវាងកម្ពុជា-ថៃ ប្រទេសនានាមិនពាក់ព័ន្ធ ។ នេះបញ្ជាក់ពីរដ្ឋាភិបាលថៃលែងគោរពច្បាប់អន្តរជាតិ ទាត់ចោលបទឈប់បាញ់ និងកិច្ចព្រមព្រៀងសន្តិភាពទីក្រុងគូឡាឡាំពួរ ។

ស្ថានការណ៍ព្រំដែនកម្ពុជា-ថៃតានតឹងជាថ្មី ស្របពេលភាគខាងត្បូងប្រទេសថៃកំពុងប្រឈមនឹងទឹកជំនន់យ៉ាងធ្ងន់ធ្ងរក្នុងរយៈពេលរាប់រយឆ្នាំ បណ្តាលឱ្យថៃខាតបង់សេដ្ឋកិច្ចស្មើទឹកប្រាក់រាប់ពាន់លានដុល្លារអាមេរិក ។ វិបត្តិនេះធ្វើឱ្យនាយករដ្ឋមន្ត្រីថៃរងការស្តីបន្ទោស និងបាត់បង់ប្រជាប្រិយភាពយ៉ាងខ្លាំង ទើបប្រឹងប្រកាន់ជំហររឹងរូសឈ្លានពានទឹកដីកម្ពុជាដើម្បីឱ្យពលរដ្ឋសរសើរលោកជាវីរៈបុរសវាយដណ្តើមទឹកដីប្រទេសជិតខាង ទោះប្រឈមសម្ពាធពីអន្តរជាតិ ឬអំណាចអាមេរិកក្តី ។

នាយករដ្ឋមន្ត្រីម៉ាឡេស៊ី លោក Anwar Ibrahim បានបង្ហាញក្តីបារម្ភចំពោះកិច្ចព្រមព្រៀងសន្តិភាពកម្ពុជា-ថៃ បន្ទាប់ពីថៃបើកការបាញ់ប្រហារយ៉ាងកំរោលមកលើកម្ពុជាកាលពីថ្ងៃទី៨ ខែធ្នូ ។ លោកថា សង្គ្រាមផ្ទុះឡើងជាថ្មីនេះប្រឈមនឹងហានិភ័យនៃការបំផ្លាញទំនាក់ទំនងរវាងប្រទេសទាំងពីរ ហើយលោកក៏បានចូលរួមរំលែកទុក្ខជាមួយក្រុមគ្រួសាររបស់អ្នកស្លាប់ និងរងរបួសក្នុងការប៉ះទង្គិចគ្នាផងដែរ ។

កាលពីថ្ងៃទី៨ ខែធ្នូ ស្ថានទូតជប៉ុនប្រចាំរាជធានីភ្នំពេញ ក៏បង្ហាញក្តីបារម្ភយ៉ាងខ្លាំងដែរចំពោះកងទ័ពថៃបាញ់ប្រហារមកលើអធិបតេយ្យកម្ពុជាកាន់តែខ្លាំង បន្ទាប់ពីរដ្ឋាភិបាលថៃរៀបចំផែនការប្រយុទ្ធជាមួយកងទ័ពជាសម្ងាត់ដើម្បីបង្កសង្គ្រាមជាថ្មីក្រោយទឹកជំនន់ស្រកភ្លាម។ ស្ថានទូតជប៉ុននឹងសហការជាមួយអាមេរិក ម៉ាឡេស៊ី និងប្រទេសនានា ដើម្បីរកវិធីកាត់បន្ថយភាពតានតឹងរវាងកម្ពុជា-ថៃ ដោយគាំទ្រឱ្យប្រទេសទាំងពីរស្វែងរកដំណោះស្រាយដោយសន្តិវិធី ។

ចំណែកអគ្គលេខាធិការអង្គការសហប្រជាជាតិ (UN) លោក António Guterres បារម្ភខ្លាំងបំផុតចំពោះស្ថានការណ៍តានតឹងជាថ្មីរវាងកម្ពុជា-ថៃនៅតាមបណ្តោយព្រំដែន ដោយអ្នកនំាំពាក្យរបស់លោក Guterres បាននិយាយកាលពីថ្ងៃទី៨ ខែធ្នូ ថា លោកអំពាវនាវឱ្យភាគីថៃបញ្ឈប់សកម្មភាពបា.ញ់ប្រ.ហារមកលើដែនអធិបតេយ្យកម្ពុជា និងងាកមកដោះស្រាយបញ្ហាដោយសន្តិវិធី ។ លោកក៏អំពាវនាវឱ្យថៃគោរពកិច្ចព្រមព្រៀងសន្តិភាពដែលភាគីទាំងពីរបានចុះហត្ថលេខានៅទីក្រុងគូឡាឡាំពួរ ប្រទេសម៉ាឡេស៊ី កាលពីខែតុលា កន្លងមក ។

នៅថ្ងៃទី៩ ខែធ្នូ នេះ លោក Marko Rubio រដ្ឋមន្ត្រីក្រសួងការបរទេសអាមេរិកបានបង្ហាញក្តីបារម្ភចំពោះការប្រយុទ្ធកំពុងបន្ត និងការស្លាប់ រងរបួសនៅតាមបណ្តោយព្រំដែនកម្ពុជា-ថៃ ហើយលោកថា អាមេរិកនឹងជំរុញឱ្យបញ្ឈប់ជាបន្ទាន់នូវអរិភាព និងការពារជនស៊ីវិល ។ ភាគីទាំងពីរត្រូវត្រឡប់ទៅរកវិធានការកាត់បន្ថយភាពតានតឹងដែលចែងក្នុងកិច្ចព្រមព្រៀងសន្តិភាពទីក្រុងគូឡាឡាំពួរកាលពីខែតុលា ។ ការអំពាវនាវរបស់រដ្ឋមន្ត្រីក្រសួងការបរទេសអាមេរិក គឺបន្ទាប់ពីលោកប្រធានាធិបតី Trump អំពាវនាវមុននេះឱ្យថៃឈប់ឈ្លានពានកម្ពុជា និងគោរពកិច្ចព្រមព្រៀងសន្តិភាពដែលលោកជាអ្នកផ្តួចផ្តើម ។

នៅថ្ងៃដដែល អ្នកនាំពាក្យក្រសួងការបរទេសចិន លោក Guo Jiakun បានអំពាវនាវឱ្យថៃបញ្ឈប់ការបាញ់ប្រហារកម្ពុជាជាបន្ទាន់ ប្រទេសទាំងពីរត្រូវអត់ធ្មត់ និងការពារកុំឱ្យស្ថានការណ៍នៅតាមបណ្តោយព្រំដែនកាន់តែឡើងកំដៅ ។ ក្នុងនាមជាមិត្ត និងប្រទេសជិតខាងដែលមានទំនាក់ទំនងជិតស្និទ្ធជាមួយកម្ពុជា-ថៃ ចិនសង្ឃឹមយ៉ាងមុតមាំថា ប្រទេសទាំងពីរនឹងអាចចរចាគ្នាបញ្ចប់សង្គ្រាម ។ ចិននឹងបន្តដើរតួនាទីស្ថាបនាតាមវិធីរបស់ខ្លួនដើម្បីជួយកាត់បន្ថយស្ថានការណ៍តានតឹង និងជម្លោះពេលនេះ ។

ឯកអគ្គរដ្ឋទូតចិនប្រចាំប្រទេសកម្ពុជា បានបង្ហោះសារក្នុងហ្វេសប៊ុកថា «ក្នុងនាមជាមិត្តភក្តិ និងប្រទេសជិតខាងរបស់កម្ពុជានិងថៃ ភាគីចិនសង្ឃឹមដោយស្មោះថា កម្ពុជានិងថៃរក្សាភាពអត់ធ្មត់ ធ្វើការជាមួយគ្នា ដើម្បីចៀសវាងស្ថានការណ៍កាន់តែធ្ងន់ធ្ងរបន្ថែមទៀត ។ ភាគីចិននឹងបន្តដើរតួនាទីស្ថាបនាតាមរបៀបរបស់ខ្លួន ក្នុងការបន្ធូរបន្ថយភាពតានតឹងនៃស្ថានការណ៍នេះ» ។

វៀតណាមក៏បារម្ភចំពោះការស្ថានការណ៍ឡើងកំដៅនៅព្រំដែនកម្ពុជា-ថៃដែរ ដោយអំពាវនាវឱ្យប្រទេសទាំងពីរអត់ធ្មត់ឱ្យខ្លាំងបំផុត បញ្ឈប់ការប្រើប្រាស់កម្លាំងទ័ព និងងាកមកចរចារកសន្តិភាពក្នុងតំបន់ ។ នៅថ្ងៃទី៩ ខែធ្នូ អ្នកនាំពាក្យក្រសួងការបរទេសវៀតណាម អ្នកស្រី Pham Thu Hang ថា វៀតណាមបារម្ភយ៉ាងខ្លាំងចំពោះស្ថានការណ៍ប៉ះទង្គិចជាថ្មីរវាងកម្ពុជា-ថៃដែលបង្កឡើងដោយកងទ័ពថៃ អ្នកស្រីអំពាវនាវឱ្យភាគីទាំងពីរបញ្ឈប់ប្រតិបត្តិការកងទ័ព អនុវត្តបទឈប់បាញ់ឱ្យបានពេញលេញ និងចរចារកដោះស្រាយបញ្ហាដោយសន្តិវិធីតាមច្បាប់អន្តរជាតិ ។

អ្នកស្រីបន្តថា វៀតណាមគាំទ្រយ៉ាងមុតមាំឱ្យប្រទេសទាំងពីរឈានទៅរកការចរចា អនុវត្តបទឈប់បាញ់ដើម្បីស្តារសន្តិភាព សហការព្រំដែនក្នុងលក្ខណៈមិត្តភាព និងរួមគ្នាជាធ្លុងមួយក្នុងស្មារតីសាមគ្គីភាពអាស៊ានដើម្បីផលប្រយោជន៍យូរអង្វែងរបស់ប្រទេសទាំងពីរ និងតំបន់ ។ ការប៉ះទង្គិចគ្នានៅបណ្តោយព្រំដែនប្រទេសទាំងពីរបានបង្កឱ្យមានការភ័យខ្លាចពីអស្ថិរភាពកាន់តែធ្ងន់ធ្ងរ ។

ទោះជាពិភពលោកអំពាវនាវឱ្យថៃបញ្ឈប់សកម្មភាពឈ្លានពាន និងងាកមកចរចាជាមួយកម្ពុជា ប៉ុន្តែមេដឹកនាំថៃ លោក Anutin Charnvirakul នៅតែប្រកាន់ជំហររឹងរូសមិនឈប់បាញ់ដាច់ខាត មិនចរចាអ្វីទាំងអស់ ថែមទាំងជំរុញឱ្យកងទ័ពថៃសម្រុកវាយកម្ពុជាកាន់តែខ្លាំងដើម្បីឈ្លានពានទឺកដីកម្ពុជា និងកំទេចប្រាសាទបុរាណដោយគ្មានស្តាយស្រណោះ ។ ថៃតែងតែប្រាប់ពិភពលោកថា ខ្លួនគ្រាន់តែការពារអធិបតេយ្យប៉ុណ្ណោះ និងចង់បានសន្តិភាព ប៉ុន្តែទង្វើជាក់ស្តែងផ្ទុយពីការលើកឡើង បើថៃចង់បានសន្តិភាពពិតមែន ហេតុអ្វីបដិសេធការចរចាដោយសន្តិវិធី និងពង្រីកតំបន់ជម្លោះ ។

យោងតាមក្រសួងការពារជាតិកម្ពុជា នៅព្រឹកថ្ងៃទី១០ ខែធ្នូ នេះ កងទ័ពថៃបានធ្វើសកម្មភាពបើកការបាញ់ប្រហារមកក្នុងដែនអធិបតេយ្យស្របច្បាប់របស់កម្ពុជានៅខេត្តព្រះវិហារ និងខេត្តឧត្តរមានជ័យ ដោយកងទ័ពថៃវាយសម្រុកខ្លាំងនៅបុស្សស្បូវ ជាំតែ និងប្រើប្រាស់យន្តហោះចម្បាំងទម្លាក់គ្រាប់បែកជាច្រើនគ្រឿងហោះចូលតំបន់មុំបី អានសេះ ភ្នំខ្មោច និងប្រាសាទព្រះវិហារ ។ កងកម្លាំងកម្ពុជាបាននិងកំពុងប្រយុទ្ធតតាំងជាមួយសត្រូវឈ្លានពាន និងឈរជើងយ៉ាងរឹងមាំក្នុងការបំពេញតួនាទីរបស់ខ្លួនដើម្បីការពារបូរណភាពទឹកដីកម្ពុជា ៕

ប្រទេសថៃ ៖ បន្ទាប់ពីថៃបើកការបា.ញ់ប្រ.ហារលើដែនអធិបតេយ្យកម្ពុជាទាំងកំរោលយ៉ាងសាហា.វព្រៃ.ផ្សៃមិនឈប់ឈរ នាយករដ្ឋមន្ត្រីម៉ាឡេស៊ី ប្រធានាធិបតីអាមេរិក និងអង្គការសហប្រជាជាតិ បានអំពាវនាវឱ្យថៃឈប់បង្កសង្គ្រា.មជាបន្ទាន់ និងងាកមកគោរពកិច្ចព្រមព្រៀងសន្តិភាពដែលចុះហត្ថលេខារួមគ្នានៅទីក្រុងគូឡាឡាំពួរ ប៉ុន្តែមេដឹកនាំថៃបដិសេធគ្រប់ប្រទេសដែលអំពាវនាវឱ្យថៃឈប់ឈ្លា.នពាន និងចរចាសន្តិភាព ។ នាយករដ្ឋមន្ត្រីថៃប្រកាសថា មិនបញ្ចប់សង្គ្រា.មទេ កងទ័ពថៃត្រូវតែបន្តប្រយុ.ទ្ធតាមផែនការគ្រោងទុកដោយប្រើប្រាស់សព្វាវុ.ធធុនធ្ងន់គ្រប់ប្រភេទ រួមទាំងយន្តហោះចម្បាំងទម្លាក់គ្រាប់បែក F-16 និង Gripen កម្ទេ.ចមូលដ្ឋានទ័ព និងតំបន់ស៊ីវិលកម្ពុជា ។

ប្រទេសនានាបានបង្ហាញក្តីបារម្ភយ៉ាងខ្លាំងចំពោះអំពើហិង្សាផ្ទុះឡើងជាថ្មីនៅតាមបណ្តោយព្រំដែនកម្ពុជា-ថៃដែលបង្កឡើងដោយកងទ័ពថៃ និងជំរុញឱ្យភាគីថៃបញ្ឈប់ការប្រយុទ្ធជាបន្ទាន់ ងាកមកគោរពកិច្ចព្រមព្រៀងសន្តិភាពដែលចុះហត្ថលេខានៅទីក្រុងគូឡាឡាំពួរ ប្រទេសម៉ាឡេស៊ី ដោយសារកម្ពុជា-ថៃ គឺជាសមាជិកអាស៊ានដូចគ្នាត្រូវអត់ធ្មត់បំផុត ។ ពេលកងទ័ពថៃវាយប្រហារកម្ពុជាកាលពីថ្ងៃទី៧ ខែធ្នូ ឆ្នាំ២០២៥ កងទ័ពកម្ពុជាអត់ធ្មត់មិនតបត ប៉ុន្តែដោយសារថៃសម្រុកវាយខ្លាំងតាមបណ្តោយព្រំដែន ប្រាសាទបុរាណ និងតំបន់ស៊ីវិល កងទ័ពកម្ពុជាក៏បានប្រើប្រាស់សិទ្ធិការពារខ្លួនក្នុងដែនអធិបតេយ្យកម្ពុជា ។

កាលពីថ្ងៃទី៩ ខែធ្នូ នាយករដ្ឋមន្ត្រីថៃ លោក Anutin Charnvirakul បានបង្ហោះសារពីគោលជំហររបស់រដ្ឋាភិបាលថៃក្នុងហ្វេសប៊ុកថា «ថៃមិនឈប់បា.ញ់ប្រ.ហារដាច់ខាត» ក្រោយពីមានព័ត៌មានថា ថៃយល់ព្រមតាមសំណើរបស់នាយករដ្ឋមន្ត្រីម៉ាឡេស៊ីសុំឱ្យថៃចរចារកសន្តិភាពជាមួយកម្ពុជា ។ លោក Anutin បញ្ជាក់ថា ថៃនឹងបញ្ឈប់សង្គ្រាមលើកនេះទេ កងទ័ពថៃត្រូវតែប្រយុទ្ធបន្តដើម្បីការពារអធិបតេយ្យ និងសុវត្ថិភាពពលរដ្ឋនៅព្រំដែន ។

នាយករដ្ឋមន្ត្រីថៃបានបង្ហោះសារក្នុងហ្វេសប៊ុកឈ្មោះ «Anutin Charnvirakul» អំពីស្ថានការណ៍ព្រំដែនកម្ពុជា-ថៃបច្ចុប្បន្ន ដែលសរសេរជាភាសាអង់គ្លេសថា «Thailand’s direction remains status quo. No ceasefire.» មានន័យថា «គោលជំហររបស់រដ្ឋាភិបាលថៃដូចមុន គ្មានការឈប់បា.ញ់ឡើយ» ។

ការបង្ហោះសាររបស់នាយករដ្ឋមន្ត្រីថៃ បន្ទាប់ពីលេខាធិការនាយករដ្ឋមន្ត្រី អ្នកស្រី ត្រៃស៊ុលី ត្រៃស៊ុណាក់គូន បដិសេធការចុះផ្សាយរបស់សារព័ត៌មានបរទេសថា ថៃយល់ព្រមតាមសំណើរបស់នាយករដ្ឋមន្ត្រីម៉ាឡេស៊ី លោក Anwar Ibrahim ឱ្យថៃឈប់បាញ់កម្ពុជា នាវេលាម៉ោង១១យប់ថ្ងៃទី៩ ខែធ្នូ ថា ជាព័ត៌មានមិនពិត គឺមិនស្របនឹងគោលជំហររបស់រដ្ឋាភិបាល និងនាយករដ្ឋមន្ត្រីថៃ ។

លោក Anutin បានទាត់ចោលសំណើរបស់ម៉ាឡេស៊ីដែលស្នើឱ្យថៃឈប់បាញ់កម្ពុជា ដោយនៅតែប្រកាន់គោលជំហរដដែលថា ស្ថានការណ៍ពេលនេះ ថៃមិនអាចឈប់បាញ់កម្ពុជា ពីព្រោះកងទ័ពថៃត្រូវតែធ្វើសង្គ្រាមតាមផែនការគ្រោងទុក ។ បន្ទាប់ពីបញ្ចប់កិច្ចប្រជុំគណៈរដ្ឋមន្ត្រីកាលពីរសៀលថ្ងៃទី៩ ខែធ្នូ លោក Anutin ប្រកាសក្តែងៗថា ថៃនឹងធ្វើសង្គ្រាមបន្តទៀត និងជំរុញឱ្យកងទ័ពបាញ់ប្រហារកម្ពុជាមួយទំហឹង ។

ក្រសួងការបរទេសថៃមានតួនាទីជូនដំណឹងទៅមន្ត្រីទូតនានានៅទូទាំងពិភពលោក និងប្រាប់ទៅអង្គការសហប្រជាជាតិ ដោយថៃព្យាយាមទម្លាក់កំហុសលើកម្ពុជាបង្កសង្គ្រាមមុន ដើម្បីបិទបាំងទង្វើឈ្លានពានរបស់ថៃដែលមិនគោរពច្បាប់អន្តរជាតិ ។ ក្រៅពីនេះ រដ្ឋាភិបាលថៃសំណូមពរឱ្យពលរដ្ឋជឿជាក់តែព័ត៌មានក្លែងក្លាយក្នុងប្រទេសរបស់ខ្លួន និងកុំជឿតាមការចុះផ្សាយរបស់សារព័ត៌មានបរទេស ដើម្បីកុំឱ្យពលរដ្ឋទទួលព័ត៌មានពិត ។

គួរបញ្ជាក់ថា លោក Anutin បានរៀបចំផែនការទុកមុនយូរមកហើយឱ្យកងទ័ពបាញ់ប្រហារកម្ពុជា ដើម្បីរកសំឡេងគាំទ្របន្តតំណែងនៅឆ្នាំ២០២៦ ក្រោយពីប្រជាប្រិយភាពធ្លាក់ចុះខ្លាំងដោយសារខ្វះសមត្ថភាពដោះស្រាយទឹកជំនន់បណ្តាលឱ្យពលរដ្ឋភាគត្បូងស្លាប់រហូតដល់ជាង១,០០០នាក់ និងបិទបាំងព័ត៌មាន ក៏ដូចជាបែកធ្លាយរូបភាពលោកមានទំនាក់ទំនងជិតស្និទ្ធជាមួយមេឧក្រិដ្ឋកម្មឆបោកអនឡាញជនបរទេស ។

លោកក៏រងការរិះគន់ខ្លាំងរឿងការរៀបចំព្រឹត្តិការណ៍ស៊ីហ្គេមអន់បំផុតក្នុងប្រវត្តិសាស្ត្រ និងមានកំហុសបច្ចេកទេសច្រើន មិនថាគ្មានអំពូលភ្លើងគ្រប់គ្រាន់ បន្ទប់ទឹកគ្មានអនាម័យ សំរាមពាសពេញ ការដាក់តាំងស្លាកសញ្ញាតាមផ្លូវមានទំហំតូច ផ្សព្វផ្សាយការលេងល្បែង និងរៀបចំអាងទឹកមិនទាន់រួចរាល់ ។ ហេតុនេះ លោកក៏រៀបចំផែនការជាមួយកងទ័ពបង្កសង្គ្រាមវាយកម្ពុជាដើម្បីស្តារប្រជាប្រិយភាពឡើងវិញឱ្យបានមុនថ្ងៃទី១២ ខែធ្នូ ដោយសុខចិត្តលះបង់ជីវិតពលរដ្ឋឱ្យតែបានកាន់អំណាចបន្ត ៕

វ៉ាសុីនតោន៖ រដ្ឋមន្រ្តីក្រសួងការបរទេសអាមេរិកបានបង្ហាញការព្រួយបារម្ភចំពោះអំពើហិង្សាដែលទើបផ្ទុះឡើងសារជាថ្មីនៅតាមបន្ទាត់ព្រំដែនកម្ពុជា-ថៃ ដោយជំរុញឲ្យភាគីទាំងសងខាងបញ្ឈប់ការប្រយុទ្ធជាបន្ទាន់ និងវិលត្រឡប់ទៅរកវិធានការដែលមានចែងក្នុងកិច្ចព្រមព្រៀងសន្តិភាពទីក្រុងគូឡាឡាំពួរវិញ។

តាមរយៈការបង្ហោះនៅលើបណ្ដាញសង្គម X នៅថ្ងៃទី៩ ខែធ្នូ ឆ្នាំ២០២៥ នេះ លោក Marko Rubio រដ្ឋមន្រ្តីក្រសួងការបរទេសអាមេរិកបានសរសេថា «សហរដ្ឋអាមេរិកមានការព្រួយបារម្ភអំពីការប្រយុទ្ធគ្នាដែលកំពុងបន្ដ និងការស្លាប់ របួស នៅតាមបណ្ដោយព្រំដែនកម្ពុជា-ថៃ។ »

សេចក្តីថ្លែងការណ៍ខាងលើបានបញ្ជាក់ផងដែរថា «សហរដ្ឋអាមេរិក នឹងជំរុញយ៉ាងមុតមាំឱ្យបញ្ឈប់ជាបន្ទាន់នូវអរិភាព ហើយការពារជនស៊ីវិល ដោយភាគីទាំងសងខាងត្រូវត្រឡប់ទៅរកវិធានការបន្ធូរបន្ថយភាពតានតឹង ដែលមានចែងក្នុងកិច្ចព្រមព្រៀងសន្តិភាពទីក្រុងគូឡាឡាំពួរថ្ងៃទី២៦ ខែតុលា ឆ្នាំ២០២៥ ដែលចុះហត្ថលេខាដោយនាយករដ្ឋមន្ត្រីកម្ពុជា និងថៃ និងធ្វើជាសាក្សីដោយឯកឧត្តមប្រធានាធិបតី Trump និងនាយករដ្ឋមន្ត្រីម៉ាឡេស៊ី ឯកឧត្តម Anwar Ibrahim»។

សាររបស់លោករដ្ឋមន្ដ្រីការបរទេសអាមេរិក ធ្វើឡើងបន្ទាប់ពីថៃបានបើកការវាយប្រហារមកលើកម្ពុជាទាំងបំពានមិនរើសគោលដៅ រហូតបណ្ដាលឱ្យពលរដ្ឋស្លូតត្រង់កម្ពុជាស្លា.ប់៧នាក់និងរបួសប្រមាណ២០នាក់។

យ៉ាងណាគួរជម្រាបថា គិតមកត្រឹមព្រឹកថ្ងៃទី១០ ខែធ្នូ ឆ្នាំ២០២៥ ស្ថានភាពសមរភូមិដែលបានប៉ះទង្គិចគ្នាមួយចំនួនតាមបណ្ដោយព្រំដែន ហាក់មានសភាពស្ងប់ស្ងាត់។ ដោយឡែកតំបន់ខ្លះទៀតដូចជា តំបន់ភ្នំខ្មោច ខេត្តព្រះវិហារ យោធាថៃនៅតែបន្ដសកម្មភាពបា.ញ់ផ្លោងកាំភ្លើងធំយ៉ាងសន្ធឹកកាន់តែខ្លាំងជាងម្សិលមិញទៅទៀត។

ស្របពេលជាមួយគ្នានេះ កម្លាំងជួរមុខរបស់កម្ពុជានៅតែម្ចាស់ការប្រុងប្រយ័ត្នខ្ពស់បំផុត ដើម្បីការពារបូរណភាពទឹកដី និងដែនអធិបតេយ្យជាតិពីការំលោភបំពានម្ដងហើយម្ដងទៀតរបស់ថៃ៕

ប្រទេសថៃ ៖ ពលរដ្ឋក្នុងបណ្តាញសង្គមថៃបានផ្ទុះការសង្ស័យជាបន្តបន្ទាប់លើលោកនាយករដ្ឋមន្ត្រី Anutin Charnvirakul បង្កសង្គ្រា.មឈ្លានពា.នកម្ពុជា ដើម្បីគេចវេសពីការរំលាយសភាបោះឆ្នោតជាថ្មីដែលគ្រោងធ្វើនៅថ្ងៃទី៣១ ខែមករា ឆ្នាំ២០២៦ ដោយសារលោកចង់កាន់តំណែងបន្តទៀត ។ លោក Anutin ត្រូវបានគណបក្សប្រជាជនដែលជាគណបក្សប្រឆាំងសម្រេចឱ្យកាន់តំណែងនាយករដ្ឋមន្ត្រីត្រឹមតែ៤ខែប៉ុណ្ណោះ និងតម្រូវឱ្យរំលាយសភានៅឆ្នាំ២០២៦ ដើម្បីផ្តល់សិទ្ធិឱ្យពលរដ្ឋបោះឆ្នោតជ្រើសរើសនាយករដ្ឋមន្ត្រីថ្មី ទើបរៀបចំផែនការសង្គ្រា.មទុកមុន និងផ្តល់សិទ្ធិពេញលេញឱ្យកងទ័ពបា.ញ់ប្រ.ហារកម្ពុជាមុនធ្លាក់ពីតំណែង ។

ការបង្កសង្គ្រាមជាមួយកម្ពុជាម្តងទៀត បន្ទាប់ពីរដ្ឋាភិបាលថៃបានរៀបចំជំរំជនភៀសសឹកសម្រាប់ឱ្យពលរដ្ឋរបស់ខ្លួនស្នាក់នៅរួចជាស្រេច និងបញ្ជូនកងកម្លាំងទ័ព ត្រៀមអាវុ.ធធុនធ្ងន់គ្រប់ប្រភេទមកកាន់តំបន់ព្រំដែន រួមទាំងយន្តហោះចម្បាំង F-16 សម្រាប់ទម្លាក់គ្រាប់បែកមិនរើសកន្លែង ដូចជា ទីប្រជុំជនរបស់ពលរដ្ឋស៊ីវិលកម្ពុជា ។ រដ្ឋាភិបាលថៃបានរៀបចំផែនការសម្ងាត់ជាមួយកងទ័ពរួចរាល់ ហើយពេលទឹកជំនន់នៅភាគខាងត្បូងស្រកភ្លាម ក៏ចាប់ផ្តើមអនុវត្តផែនការសម្ងាត់តែម្តង ។

តាមការលើកឡើងរបស់ពលរដ្ឋថៃក្នុងបណ្តាញសង្គម គឺរដ្ឋាភិបាលថៃបើកដៃឱ្យកងទ័ពបា.ញ់ប្រហារកម្ពុជាតាំងពីថ្ងៃទី៧ ខែធ្នូ ឆ្នាំ២០២៥ បន្ទាប់ពីលោក Anutin ទទួលសំឡេងគាំទ្រពីពលរដ្ឋថៃធ្លាក់ចុះខ្លាំង ដោយសារគ្មានសមត្ថភាពដោះស្រាយបញ្ហាទឹកជំនន់នៅភាគខាងត្បូងបណ្តោយឱ្យពលរដ្ឋស្លា.ប់រហូតដល់ជាង១,០០០នាក់ ។ លើសពីនេះ មានការបែកធ្លាយរូបថតលោក Anutin អង្គុយនៅតុអាហារ មានទំនាក់ទំនងជិតស្និទ្ធជាមួយមេឆបោ.កអនឡាញបរទេស និងរងការរិះគន់ពីការរៀបចំព្រឹត្តិការណ៍ស៊ីហ្គេមអន់បំផុតក្នុងប្រវត្តិសាស្ត្រ ខ្វះខាតមុខក្រោយ ធ្វើឱ្យថៃអាម៉ាស់មុខពេញពិភពលោក ទើបលោក Anutin ប្រឹងស្តារប្រជាប្រិយភាពរបស់ខ្លួន បើមិនផ្ទុះអាវុ.ធជាមួយកម្ពុជាទេ លោកនឹងធ្លាក់ពីតំណែងនៅមុនថ្ងៃទី១២ ខែធ្នូ ។

នាយករដ្ឋមន្ត្រីថៃគ្មានជម្រើសអ្វីផ្សេងទេក្រៅពីបង្ករឿងចោទប្រកាន់ធ្វើសង្គ្រាមឈ្លានពានកម្ពុជា ដើម្បីឱ្យពលរដ្ឋបោះឆ្នោតគាំទ្រកាន់តំណែងបន្តទៀត តាមរយៈការបណ្តុះស្មារតីឱ្យពលរដ្ឋមានគំនិតជាតិនិយមជ្រុល ពីព្រោះលោក Anutin អនុវត្តនយោបាយដើរដល់ផ្លូវទាល់ ទើបយកកម្ពុជាមកពាក់ព័ន្ធនឹងរឿងផ្ទៃក្នុង ។

បណ្តាញសង្គមថៃរិះគន់ថា បញ្ហាធំនៅពីក្រោយខ្នងការបង្កសង្គ្រាម គឺរហូតមកដល់ថ្ងៃទី៨ ខែធ្នូ នៅមិនទាន់ដឹងច្បាស់លាស់ថា តើចំនួនពលរដ្ឋនៅស្រុកហាតយៃ ខេត្តសុងក្លា ស្លាប់ដោយសារទឹកជំនន់កើនឡើងប៉ុន្មានពាន់នាក់ទេ លោក Anutin ពុំបានបញ្ជាក់ចំនួនអ្នកស្លាប់ពិតប្រាកដ ហើយលោកក៏រងការរិះគន់ពីសង្គមថៃរៀបចំព្រឹត្តិការណ៍ស៊ីហ្គេមអន់បំផុត មិនអធិកអធិម ។ លោក Anutin ក៏រៀបចំផែនការយូរមកហើយដើម្បីវាយកម្ពុជា ខណៈរដ្ឋមន្ត្រីក្រសួងការពារជាតិថៃក៏និយាយដូចគ្នានេះដែរថា លោករៀបចំផែនការរួចអស់ហើយ ។ លោក Anutin បានផ្តល់សម្ភាសន៍ជាមួយសារព័ត៌មាននៅថ្ងៃទី៩ ខែធ្នូ ថា ពុំអាចបញ្ឈប់សង្គ្រាមបានទេ ត្រូវតែប្រយុទ្ធបន្តទៀត កងទ័ពថៃត្រូវអនុវត្តតាមបទបញ្ជា និងផែនការដែលបានគ្រោងទុក រដ្ឋាភិបាលគាំទ្រកងទ័ពពេញទី និងគ្រប់ទម្រង់ ។

បើតាមមតិនានាក្នុងសង្គមថៃ គឺរដ្ឋាភិបាលពុំគួរបង្កសង្គ្រាមជាមួយកម្ពុជាជាថ្មីទេ ពីព្រោះអ្នកស្លាប់ និងរងផលប៉ះពាល់សេដ្ឋកិច្ចខ្លាំងបំផុត គឺពលរដ្ឋ ។ ហេតុនេះ សង្គ្រាមជាមួយកម្ពុជា គឺគ្រាន់តែជាការរៀបចំឡើងរបស់រដ្ឋាភិបាលថៃប៉ុណ្ណោះ មិនមែនជាសង្គ្រាមពិតប្រាកដ ពីព្រោះលោក Anutin ចង់បង្កសង្គ្រាមដើម្បីបិទបាំងភាពអាម៉ាស់របស់ខ្លួនធ្វើឱ្យពលរដ្ឋថៃស្លាប់ច្រើនដោយសារទឹកជំនន់នៅភាគខាងត្បូង និងប្រជាប្រិយភាពធ្លាក់ចុះ ។ លោក Anutin ចង់ក្លាយជាវីរបុរសស្តារប្រជាប្រិយភាពឡើងវិញ ដោយសុខចិត្តលះបង់ជីវិតកងទ័ព និងពលរដ្ឋ ។ នេះជាការយកព័ត៌មានសង្គ្រាមឈ្លានពានកម្ពុជា មកបិទបាំងទង្វើអសមត្ថភាពរបស់ខ្លួនក្រោយរងការរិះគន់ខ្លាំងពីសង្គម ៕

ប្រទេសថៃ ៖ តាំងពីថ្ងៃទី៧ ខែធ្នូ ឆ្នាំ២០២៥ កងទ័ពថៃបានបើកការបា.ញ់ប្រ.ហារឥតឈប់ឈរមកលើដែនអធិបតេយ្យភាពកម្ពុជា និងពង្រីកភូមិសាស្ត្រការវា.យប្រ.ហារតាមបណ្តោយព្រំដែនជាបន្តបន្ទាប់ ដោយប្រើប្រាស់អាវុ.ធ និងយុទ្ធោបករ.ណ៍បំផ្លិ.ចបំផ្លា.ញធុនធ្ងន់គ្រប់ប្រភេទ រួមទាំងកាំភ្លើ.ងដៃ, កាំភ្លើ.ងយន្ត, កាំភ្លើ.ងត្បាល់ MT60, រថក្រោះ, កាំភ្លើ.ងធំ 155mm, កាំភ្លើ.ង 12,7 ព្រមទាំងប្រើប្រាស់យន្តហោះចម្បាំង F-16 ទម្លាក់គ្រាប់, យន្តហោះ AT-6 ទម្លាក់គ្រា.ប់បែក, ដ្រូនទម្លាក់គ្រា.ប់បែក និងបាញ់ផ្សែងពុលមកលើកងកម្លាំងកម្ពុជាក្នុងទឹកដីកម្ពុជា ។

បន្ទាប់ពីកងទ័ពថៃសម្រុកបាញ់ប្រហារមកលើដែនអធិបតេយ្យកម្ពុជាយ៉ាងកំរោល សាហាវឃោរឃៅ និងព្រៃផ្សៃបំផុត នៅថ្ងៃទី៩ ខែធ្នូ នេះ ក្រសួងអប់រំថៃបានបញ្ជាឱ្យបិទសាលារៀននៅខេត្តចំនួន៦ជាប់ព្រំដែនកម្ពុជា ស្មើជិត១ពាន់កន្លែង ដើម្បីផ្តល់សុវត្ថិភាពឱ្យកូនសិស្ស គ្រូបង្រៀន និងផ្តល់ភាពងាយស្រួលដល់កងទ័ពថៃធ្វើសកម្មភាពឈ្លានពា.នកម្ពុជា ។

រដ្ឋមន្ត្រីក្រសួងអប់រំ អ្នកស្រី Narumon Pinyosinwat បាននិយាយពីកងទ័ពថៃបា.ញ់ប្រហារលើដែនអធិបតេយ្យកម្ពុជាជាច្រើនកន្លែង ដែលធ្វើឱ្យពលរដ្ឋរស់នៅតាមព្រំដែនត្រូវតាមដានស្ថានការណ៍យ៉ាងដិតដល់ ហើយសាលារៀនថៃជាច្រើនកន្លែងបិទទ្វារជាបន្តបន្ទាប់ ។ ហេតុនេះ ក្រសួងអប់រំថៃសម្រេចបិទសាលារៀនចំនួន៩៩០កន្លែងក្នុងខេត្តចំនួន៦ រួមមាន ៖ សុរិន្ទ ស៊ីសាកេត បុរីរាំ ស្រះកែវ ឧប៊ុនរ៉ាជថានី និងត្រាត ដោយសារស្ថានការណ៍តានតឹងដែលបង្កឡើងដោយកងទ័ពថៃ ។

ចំណែកសាលារៀនផ្សេងទៀតនឹងក្លាយជាជម្រកភៀសសឹកសម្រាប់គ្រូបង្រៀន កូនសិស្ស និងពលរដ្ឋក្នុងតំបន់ស្នាក់នៅ ដោយជម្រកភៀសសឹកបានត្រៀមកន្លែងសម្រាក អាហារ ទឹកផឹក អគ្គិសនី និងបន្ទប់ទឹករួចរាល់ហើយ ។ ក្រៅពីនេះ ក្រសួងអប់រំបានបញ្ជាឱ្យគ្រឹះស្ថានអប់រំតាមបណ្តាខេត្តសហការជាមួយកងទ័ព និងមន្ត្រីពាក់ព័ន្ធគ្រប់លំដាប់ដើម្បីផ្តល់សុវត្ថិភាពឱ្យកូនសិស្ស និងគ្រូបង្រៀន ។

គួរបញ្ជាក់ថា នៅថ្ងៃទី៩ ខែធ្នូ ដោយសារកងទ័ពថៃនៅតែបន្តបាញ់ប្រហារមកលើដែនអធិបតេយ្យរបស់កម្ពុជា ក្រសួងអប់រំយុវជន និងកីឡាកម្ពុជា បានប្រកាសបិទសាលារៀនទាំងអស់នៅទូទាំងខេត្តឧត្តរមានជ័យជាបណ្តោះអាសន្ន រហូតដល់មានការជូនដំណឹងជាថ្មី ដើម្បីធានាសុវត្ថិភាពគ្រូបង្រៀន និងសិស្សានុសិស្សទាំងអស់បញ្ចៀសបាននូវគ្រោះថ្នាក់បណ្តាលមកពីការបាញ់ផ្លោងកាំភ្លើងធំរបស់កងទ័ពថៃចូលទឹកដីកម្ពុជា ។

យោងតាមក្រសួងការពារជាតិកម្ពុជា នៅថ្ងៃទី៩ ខែធ្នូ កងកម្លាំងកម្ពុជាបាននិងបន្តឈរជើងយ៉ាងរឹងមាំក្នុងការបំពេញតួនាទីរបស់ខ្លួន ដើម្បីការពារបូរណភាពទឹកដីកម្ពុជា ។ កម្ពុជាបញ្ជាក់ជាថ្មីនូវការប្តេជ្ញាចិត្តយ៉ាងខ្ជាប់ខ្ជួនក្នុងការគោរព និងអនុវត្តតាមលក្ខខណ្ឌនៃបទឈប់បាញ់ សេចក្តីថ្លែងការណ៍រួមស្តីពីកិច្ចព្រមព្រៀងសន្តិភាពរវាងកម្ពុជា-ថៃ ប្រកបដោយសុច្ឆន្ទៈ និងការទទួលខុសត្រូវខ្ពស់បំផុត ។ កម្ពុជាប្រកាន់ខ្ជាប់នូវការដោះស្រាយជម្លោះដោយសន្តិវិធី ស្របតាមច្បាប់អន្តរជាតិ ក៏ដូចជាសន្ធិសញ្ញា អនុសញ្ញា និងកិច្ចព្រមព្រៀងដែលមានស្រាប់ ហើយប្រឆាំងការគំរាម ឬប្រើប្រាស់កម្លាំង សំដៅស្វែងរកដំណោះស្រាយមួយដែលយុត្តធម៌ ត្រឹមត្រូវ យូរអង្វែង និងស្របតាមច្បាប់អន្តរជាតិ ។

កម្ពុជាសូមប្រកាសថ្កោលទោសយ៉ាងដាច់អហង្ការចំពោះទង្វើអមនុស្សធម៌ដ៏សាហាវឃោរឃៅនេះ ហើយជាការបង្ហាញយ៉ាងច្បាស់ថា ភាគីថៃបានរំលោភបំពានលើបទឈប់បាញ់ និងសេចក្តីថ្លែងការណ៍រួមស្តីពីកិច្ចព្រមព្រៀងសន្តិភាពរវាងកម្ពុជា-ថៃ ដែលភាគីទាំងពីរបានចុះហត្ថលេខាកាលពីថ្ងៃទី២៦ ខែតុលា ឆ្នាំ២០២៥ ដោយនាយករដ្ឋមន្ត្រីកម្ពុជា-ថៃ ក្រោមសាក្សីរបស់ប្រធានាធិបតីអាមេរិក លោក Donald Trump និងនាយករដ្ឋមន្ត្រីម៉ាឡេស៊ី លោក Anwar Ibrahim ៕

ប្រទេសថៃ ៖ ចាប់ពីថ្ងៃទី៧ ខែធ្នូ ឆ្នាំ២០២៥ កងទ័ពថៃបានបើកការបា.ញ់ប្រ.ហារមកលើដែនអធិបតេយ្យកម្ពុជាយ៉ាងសា.ហាវឥតឈប់ឈរ ដោយប្រើប្រាស់អាវុ.ធធុនធ្ងន់គ្រប់ប្រភេទ រួមទាំងយន្តហោះចម្បាំង F-16 ហើយនាវេលាម៉ោង១២និង៣៣នាទីថ្ងៃត្រង់ ថ្ងៃទី៩ ខែធ្នូ កងទ័ពថៃបានបា.ញ់ប្រ.ហារដោយមិនរើសគោលដៅ និងប្រើប្រាស់កាំភ្លើ.ងធំ ១០៥មម និង ១៥៥មម បា.ញ់ចូលទីប្រជុំជនដែលមានពលរដ្ឋស៊ីវិលរស់នៅយ៉ាងកំរោល នៅភូមិសាស្ត្រឃុំថ្មដា ស្រុកវាលវែង ខេត្តពោធិ៍សាត់ ។ នេះជាទង្វើអមនុស្សធម៌ដ៏សា.ហាវឃោរ.ឃៅ ដែលថៃបាន រំលោ.ភបំពានបទឈប់បា.ញ់ និងសេចក្តីថ្លែងការណ៍រួមស្តីពីកិច្ចព្រមព្រៀងសន្តិភាព ដែលបានចុះហត្ថលេខាជាមួយកម្ពុជាកាលពីថ្ងៃទី២៦ ខែតុលា ក្រោមវត្តមានប្រធានាធិបតីអាមេរិក និងនាយករដ្ឋមន្ត្រីម៉ាឡេស៊ី ។

កងទ័ពថៃបង្កសង្គ្រាមឈ្លានពានកម្ពុជាជាថ្មីនេះ បន្ទាប់ពីកងទ័ពថៃបានរៀបចំផែនការសម្ងាត់ជាមួយលោកនាយករដ្ឋមន្ត្រី Anutin Charnvirakul បើកការបាញ់ប្រហារកម្ពុជាក្នុងទ្រង់ទ្រាយធំឱ្យបានមុនថ្ងៃទី១២ ខែធ្នូ មុនពេលនាយករដ្ឋមន្ត្រីថៃធ្លាក់ពីតំណែង ។ ពេលថ្ងៃកំណត់មកដល់ រដ្ឋាភិបាលថៃក៏រៀបចំឆាកល្ខោនឱ្យកងទ័ពសម្តែងជារងរបួសដឹកទៅមន្ទីរពេទ្យនៅព្រំដែន ដោយចោទប្រកាន់កម្ពុជា ហើយក៏យកលេសបង្កសង្គ្រាមតែម្តង ។ សង្គ្រាមដែលរៀបចំដោយរដ្ឋាភិបាលថៃ ក្នុងបំណងបិទបាំងរឿងអាស្រូវជាច្រើនរបស់នាយករដ្ឋមន្ត្រីថៃ ទាំងខ្វះសមត្ថភាពដោះស្រាយទឹកជំនន់ បង្ក្រាបការឆបោកអនឡាញក្នុងប្រទេស និងដើម្បីឱ្យពលរដ្ឋងាកមកចាប់អារម្មណ៍សង្គ្រាម ភ្លេចគិតពីរឿងអាស្រូវទាំងនេះ ។

លោក Anutin ថែមទាំងប្រកាសក្តែងៗកាលពីថ្ងៃទី៨ ខែធ្នូ ថា ឈប់ចរចាជាមួយកម្ពុជា ហើយមិនចាប់អារម្មណ៍ប្រធានាធិបតីអាមេរិក លោក Donald Trump និងនាយករដ្ឋមន្ត្រីម៉ាឡេស៊ី លោក Anwar Ibrahim អំពាវនាវឱ្យថៃគោរពកិច្ចព្រមព្រៀងសន្តិភាពទេ ។ វាជាបញ្ហារវាងកម្ពុជា-ថៃ លោកមិនខ្វល់អាមេរិកដំឡើងពន្ធទំនិញថៃ ពេលនេះ កិច្ចព្រមព្រៀងសន្តិភាពដែលចុះហត្ថលេខានៅទីក្រុងគូឡាឡាំពួរ ប្រទេសម៉ាឡេស៊ី លែងមានប្រសិទ្ធភាពហើយ បើកម្ពុជាចង់ឱ្យថៃឈប់បាញ់ លុះត្រាតែយល់ព្រមធ្វើតាមលក្ខខណ្ឌរបស់ថៃ ។

តាមការចុះផ្សាយរបស់សារព័ត៌មាន Thairath នៅថ្ងៃទី៩ ខែធ្នូ លោក Anutin ប្រកាសមិនបញ្ចប់សង្គ្រាមទេ ដោយសារបានបើកដៃឱ្យកងទ័ពបន្តធ្វើសង្គ្រាមឈ្លានពានកម្ពុជាតាមផែនការគ្រោងទុក រហូតដល់កម្ពុជាយល់ព្រមចុះចាញ់ ។ លោកបាននិយាយមកកាន់សារព័ត៌មានថា នឹងគ្មានការចរចាអ្វីទាំងអស់ កងទ័ពថៃបើកឆាកប្រយុទ្ធយ៉ាងកំរោលនៅតាមបណ្តោយព្រំដែនដើម្បីបង្ហាញពីភាពខ្លាំងឱ្យប្រទេសជិតខាងឃើញ ។

នាយករដ្ឋមន្ត្រីថៃបន្តថា ការបាញ់ប្រហារកម្ពុជាលើកនេះ មិនមែនមកពីលោកចង់បានសំឡេងគាំទ្រច្រើនពីពលរដ្ឋ ឬចង់បានសន្លឹកឆ្នោតដើម្បីបន្តតំណែងនាយករដ្ឋមន្ត្រីនៅឆ្នាំ២០២៦ ទេ ហើយលោកក៏មិនខ្វល់នឹងប្រទេសនានាអំពាវនាវឱ្យថៃឈប់ឈ្លានពានកម្ពុជាដែរ លោកធ្វើតែម្យ៉ាង គឺផ្តល់សិទ្ធិពេញលេញឱ្យកងទ័ពប្រើប្រាស់អាវុធគ្រប់ប្រភេទនៅព្រំដែនមួយទំហឹង ។ ការប្រយុទ្ធនេះ បន្ទាប់ពីរដ្ឋាភិបាលថៃបានរៀបចំផែនការសម្ងាត់ជាមួយកងទ័ពវាយកម្ពុជាក្នុងទ្រង់ទ្រាយធំពេលទឹកជំនន់តាមបណ្តាខេត្តស្រកចុះ ។

គួរបញ្ជាក់ថា តាមការលើកឡើងរបស់ពលរដ្ឋថៃក្នុងបណ្តាញសង្គម គឺរដ្ឋាភិបាលថៃបើកដៃឱ្យកងទ័ពបា.ញ់ប្រហារកម្ពុជាជាផ្លូវការតាំងពីថ្ងៃទី៧ ខែធ្នូ បន្ទាប់ពីលោក Anutin ទទួលសំឡេងគាំទ្រពីពលរដ្ឋធ្លាក់ចុះខ្លាំង ដោយសារគ្មានសមត្ថភាពដោះស្រាយបញ្ហាទឹកជំនន់នៅភាគខាងត្បូងបណ្តោយឱ្យពលរដ្ឋស្លា.ប់រហូតដល់ជាង១,០០០នាក់ ។ លើសពីនេះ ថែមទាំងបែកធ្លាយរូបថតលោកអង្គុយនៅតុអាហារ មានទំនាក់ទំនងជិតស្និទ្ធជាមួយមេឆបោ.កអនឡាញជាជនបរទេសឈ្មោះ បេន ស្មីត ទើបប្រឹងស្តារប្រជាប្រិយភាពមុនការបោះឆ្នោត បើមិនផ្ទុះអាវុ.ធជាមួយកម្ពុជា លោកអាចនឹងធ្លាក់ពីតំណែងមុនថ្ងៃទី១២ ខែធ្នូ ។

លើសពីនេះ លោក Anutin រងការចោទប្រកាន់ប្រព្រឹត្តអំពើពុករលួយក្នុងការរៀបចំព្រឹត្តិការណ៍ស៊ីហ្គេម ដែលត្រូវពលរដ្ឋរិះគន់ការរៀបចំអន់បំផុតក្នុងប្រវត្តិសាស្ត្រកីឡាស៊ីហ្គេម និងជាការរៀបចំហួសសម័យ ។ បញ្ហាទាំង៣នេះធ្វើឱ្យលោក Anutin បាត់បង់ប្រជាប្រិយភាពយ៉ាងខ្លាំង ដូច្នេះ វិធីតែមួយគត់ដើម្បីស្តារប្រជាប្រិយភាពឡើងវិញ គឺបង្កសង្គ្រាមជាមួយកម្ពុជា ដើម្បីឱ្យសារព័ត៌មាននានាផ្សព្វផ្សាយពីសង្គ្រាម និងបិទបាំងរឿងមិនល្អរបស់ខ្លួន ។

ទង្វើរបស់ភាគីថៃពេលនេះ គឺផ្ទុយពីពាក្យសម្តីរបស់មេដឹកនាំថៃដែលថាចង់បានសន្តិភាពជាមួយប្រទេសជិតខាង ថៃគោរពបទឈប់បាញ់ និងកិច្ចព្រមព្រៀងសន្តិភាព ប៉ុន្តែបែរជាគាំទ្រឱ្យកងទ័ពធ្វើសង្គ្រាមជាផ្លូវការបាញ់ប្រហារលើទឹកដីកម្ពុជាដោយអាវុធធុនធ្ងន់គ្រប់ប្រភេទ រួមទាំងយន្តហោះចម្បាំង F-16 ។ នេះបញ្ជាក់ថា មេដឹកនាំថៃមិនចង់បានសន្តិភាពទេ ប៉ុន្តែបង្ហាញពីគំនិតឈ្លានពានវាតទីដណ្តើមទឹកដីប្រទេសជិតខាង ៕