ប្រទេសថៃ ៖ រហូតមកដល់ថ្ងៃទី១១ ខែធ្នូ ឆ្នាំ២០២៥ កងទ័ពថៃនៅតែសម្រុកវាយប្រ.ហារមកក្នុងដែនអធិបតេយ្យស្របច្បាប់របស់កម្ពុជាទាំងកំរោល និងពង្រីកសមរភូមិប្រ.យុទ្ធនៅតាមបណ្តោយព្រំដែនដោយប្រើប្រាស់សព្វាវុ.ធធុនធ្ងន់គ្រប់ប្រភេទ ផ្សែងពុល យន្តហោះចម្បាំង F-16 និង Gripen ដោយទាត់ចោលការអំពាវនាវរបស់ប្រទេសនានាដែលស្នើឱ្យថៃបញ្ឈប់សង្គ្រា.ម ។ សកម្មភាពឈ្លានពា.នដោយប្រដាប់អាវុ.ធរបស់ថៃបង្កឱ្យមានការខូចខាតយ៉ាងធ្ងន់ធ្ងរ បើគិតត្រឹមថ្ងៃទី១០ ខែធ្នូ ជនស៊ីវិលកម្ពុជាបានបាត់បង់ជីវិ.តកើនឡើងរហូតដល់៩នាក់ និងរងរបួសជនស្លូតត្រង់៤៦នាក់ ។

កាលពីថ្ងៃទី១០ ខែធ្នូ នាយកដ្ឋមន្ត្រីថៃ លោក Anutin Charnvirakul បានប្រកាសពីគោលជំហររបស់ខ្លួនទៅកាន់សារព័ត៌មាន គឺនៅតែធ្វើសង្គ្រាមឈ្លានពានកម្ពុជាបន្តទៀត និងបិទការចរចាទោះជាមានការអំពាវនាវពីប្រធានាធិបតីអាមេរិក លោក Donald Trump ក៏ដោយ ។ លោកថា ប្រសិនបើលោកប្រធានាធិបតី Trump ទូរស័ព្ទមកឱ្យថៃបញ្ឈប់សង្គ្រាមងាកមកចរចា គឺមិនព្រមដាច់ខាត លោកនឹងចោទប្រកាន់ លាបពណ៌ និងទម្លាក់កំហុសលើកម្ពុជាគ្រប់បែបយ៉ាងប្រាប់ទៅប្រធានាធិបតីអាមេរិក ។

ការប្រកាន់ជំហររឹងរូស និងបិទការចរចារបស់មេដឹកនាំថៃ បន្ទាប់ពីសារព័ត៌មានបរទេសផ្សាយថា លោកប្រធានាធិបតី Trump នឹងទូរស័ព្ទមកសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា និងនាយករដ្ឋមន្ត្រីថៃ លោក Anutin ឆាប់ៗនេះ ដើម្បីបញ្ចប់សង្គ្រាមនៅព្រំដែនប្រទេសទាំងពីរដែលបង្កឡើងដោយកងទ័ពថៃ ។ ថៃបានទាត់ចោលកិច្ចព្រមព្រៀងសន្តិភាពទីក្រុងគូឡាឡាំពួរ ដែលប្រធានាធិបតីអាមេរិកជាអ្នកផ្តួចផ្តើមឱ្យកម្ពុជា-ថៃចុះហត្ថលេខាកាលពីថ្ងៃទី២៦ ខែតុលា ។

ពេលផ្តល់សម្ភាសន៍ជាមួយសារព័ត៌មានកាលពីថ្ងៃទី១០ ខែធ្នូ លោក Anutin ថា នឹងបដិសេធការចរចាសន្តិភាពជាមួយកម្ពុជា ប្រសិនបើលោកប្រធានាធិបតី Trump ទូរស័ព្ទមកឱ្យថៃបញ្ឈប់សង្គ្រាម លោកនឹងប្រាប់ប្រធានាធិបតីអាមេរិកពីមូលហេតុដែលថៃបង្កសង្គ្រាមជាថ្មី ។ កងទ័ពថៃនៅតែបន្តការប្រយុទ្ធមិនឈប់ឈរ មិនអាចបញ្ជាក់ពីពេលវេលាបញ្ចប់សង្គ្រាមទេ ពីព្រោះជាការវាយលុកតាមផែនការគ្រោងទុក ។ អាមេរិកមិនអាចដាក់សម្ពាធឱ្យថៃបញ្ឈប់សង្គ្រាមពេលនេះទេ ព្រោះជាបញ្ហារវាងកម្ពុជា-ថៃ ប្រទេសផ្សេងមិនពាក់ព័ន្ធ ។ ថៃនឹងព្យាយាមបំភ័ន្តភ្នែកពិភពលោក ដោយលាបពណ៌កម្ពុជាល្មើសកិច្ចព្រមព្រៀងសន្តិភាព ទើបថៃបើកការវាយប្រហារ និងមិនដោះលែងវីរៈកងទ័ពកម្ពុជាដែលថៃចាប់ខ្លួនដោយខុសច្បាប់ ។

លោក Anutin បានប្រគល់អំណាចឱ្យកងទ័ពជើងគោក ជើងទឹក និងអាកាស បើកការវាយប្រហារកម្ពុជាជាផ្លូវការតាំងពីថ្ងៃទី៧ ខែធ្នូ និងអំពាវនាវឱ្យពលរដ្ឋមានគំនិតជាតិនិយមជ្រុលជួយគាំទ្រសកម្មភាពឈ្លានពានរបស់កងទ័ព ។ កងទ័ពថៃនៅតែបន្តសកម្មភាពវាយប្រហារក្រោមហេតុផលការពារអធិបតេយ្យ និងសុវត្ថិភាពពលរដ្ឋ និងមិនអាចប្រាប់ពីពេលវេលាបញ្ចប់សង្គ្រាម ពីព្រោះជាការសម្ងាត់របស់កងទ័ព ។

គួរបញ្ជាក់ថា មេដឹកនាំថៃតែងតែនិយាយថា កងទ័ពខ្លួនបើកការវាយប្រហារជាថ្មីនេះគ្រាន់តែការពារអធិបតេយ្យ និងសុវត្ថិភាពលរដ្ឋខ្លួន ថៃចង់បានសន្តិភាពជាមួយប្រទេសជិតខាង ។ សំណួរសួរថា បើថៃពិតជាចង់បានសន្តិភាពមែន ហេតុអ្វីបិទការចរចា? បើថៃប្រយុទ្ធដើម្បីការពារពលរដ្ឋខ្លួន ហេតុអ្វីពង្រីកសមរភូមិចូលក្នុងទឹកដីកម្ពុជា? ហេតុអ្វីប្រើប្រាស់យន្តហោះចម្បាំង F-16 របស់អាមេរិក និងយន្តហោះ Gripen របស់ស៊ុយអែត? នេះជាការវាយប្រហារដ៏កំរោលមិនរើសគោលដៅរបស់កងទ័ពថៃ និងបំពានច្បាប់មនុស្សធម៌អន្តរជាតិ ។

កម្ពុជាសូមអំពាវនាវឱ្យសហគមន៍អន្តរជាតិថ្កោលទោសយ៉ាងម៉ឺងម៉ាត់ចំពោះការរំលោភបំពានសេចក្តីថ្លែងការណ៍រួមស្តីពីកិច្ចព្រមព្រៀងសន្តិភាពរវាងកម្ពុជា-ថៃ និងសកម្មភាពឧក្រិដ្ឋកម្មសង្គ្រាម ខុសច្បាប់របស់ថៃម្តងហើយម្តងទៀត ដោយទាមទារឱ្យថៃទទួលខុសត្រូវទាំងស្រុងចំពោះការរំលោភបំពានដ៏កំរោលនេះ ៕

ប្រទេសម៉ាឡេស៊ី ៖ ប្រទេសនានាលើពិភពលោក ដូចជា ៖ ម៉ាឡេស៊ី ជប៉ុន អាមេរិក ចិន វៀតណាម និងអង្គការសហប្រជាជាតិ បានបង្ហាញក្តីបារម្ភយ៉ាងខ្លាំងចំពោះការប៉ះទង្គិចដោយអាវុ.ធនៅតាមបណ្តោយព្រំដែនកម្ពុជា-ថៃ និងអំពាវនាវឱ្យភាគីថៃបញ្ឈប់ការវាយប្រ.ហារឈ្លានពា.នកម្ពុជាជាបន្ទាន់ ដោយងាកមកគោរពកិច្ចព្រមព្រៀងសន្តិភាពទីក្រុងគូឡាឡាំពួរ ។ ម៉ាឡេស៊ីបានអំពាវនាវម្តងហើយម្តងទៀតឱ្យថៃងាកមកចរចាស្វែងរកសន្តិភាពក្នុងតំបន់ បន្ទាប់ពីកងទ័ពថៃសម្រុកវាយចូលដែនអធិបតេយ្យកម្ពុជា ខណៈកម្ពុជាប្រើប្រាស់សិទ្ធិការពារទឹកដី ។

នាយករដ្ឋមន្ត្រីម៉ាឡេស៊ី លោក Anwar Ibrahim បានបង្ហោះសារក្នុងហ្វេសប៊ុកនៅថ្ងៃទី១០ ខែធ្នូ ឆ្នាំ២០២៥ ថា លោកបានទូរស័ព្ទជជែកជាមួយសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា និងនាយករដ្ឋមន្ត្រីថៃ លោក Anutin Charnvirakul ដើម្បីបញ្ចប់សង្គ្រា.មលើកនេះ ។ ភាគីទាំងពីរមានឆន្ទៈបើកចំហរសម្រាប់ការចរចាដើម្បីកាត់បន្ថយស្ថានការណ៍តានតឹង ប៉ុន្តែជំនួបនេះមិនទាន់ទទួលបានលទ្ធផលអ្វីទេ ។

លោក Ibrahim បានបង្ហោះសារក្នុងហ្វេសប៊ុកថា ៖ «ខ្ញុំបានទូរស័ព្ទជជែកជាមួយមេដឹកនាំកម្ពុជា-ថៃកាលពីថ្ងៃទី៩ ខែធ្នូ កន្លងមក ពាក់ព័ន្ធនឹងស្ថានការណ៍ការប៉ះទង្គិចដោយអាវុធជាថ្មីម្តងទៀតរវាងប្រទេសទាំងពីរ ។ ខ្ញុំអរគុណដែលមេដឹកនាំកម្ពុជា-ថៃមានឆន្ទៈបើកចំហរសម្រាប់ការចរចា និងរីករាយក្នុងការគាំទ្រឱ្យភាគីទាំងពីរចរចាគ្នាដើម្បីកាត់បន្ថយស្ថានការណ៍តានតឹង ចៀសវាងការយល់ខុសអាចធ្វើឱ្យស្ថានការណ៍កាន់តែក្តៅជាងនេះ» ។

ទោះជាពេលនេះ ពុំទាន់ទទួលលទ្ធផលច្បាស់លាស់ ប៉ុន្តែការទំនាក់ទំនងការទូតជាបន្តបន្ទាប់នឹងធ្វើឱ្យប្រាកដចិត្តថា នឹងគ្មានអំពើហិង្សាកើតឡើងទៀតក្នុងស្ថានការណ៍ដ៏អាក្រក់បែបនេះ ។ នាយករដ្ឋមន្ត្រីម៉ាឡេស៊ីបានប្រកាសពីគោលជំហររបស់ម៉ាឡេស៊ីនៅតែគាំទ្រការចរចាដោយសន្តិវិធី រកដំណោះស្រាយដោយផ្អែកតាមច្បាប់អន្តរជាតិ និងកិច្ចសហប្រតិបត្តិការដើម្បីរក្សាស្ថិរភាព និងសន្តិសុខក្នុងតំបន់ ។ នេះ​បើ​តាម​ការ​លើក​ឡើងរបស់​លោក Ibrahim ។

គួរបញ្ជាក់ថា នាយករដ្ឋមន្ត្រីម៉ាឡេស៊ីបានជួយអន្តរាគមន៍បញ្ចប់សង្គ្រាមកម្ពុជា-ថៃរហូតមក ហើយលោកក៏បានធ្វើជាសាក្សីក្នុងពិធីចុះហត្ថលេខាលើកិច្ចព្រមព្រៀងសន្តិភាពនៅទីក្រុងគូឡាឡាំពួរ កាលពីថ្ងៃទី២៦ ខែតុលា ឆ្នាំ២០២៥ ជាមួយប្រធានាធិបតីអាមេរិកផងដែរ ។ ម៉ាឡេស៊ីចង់ឃើញថៃគោរពបទឈប់បាញ់ និងអនុវត្តបានពេញលេញនូវកិច្ចព្រមព្រៀងសន្តិភាព ដែលជាគំនិតផ្តួចផ្តើមរបស់លោកប្រធានាធិបតី Trump ។

ប៉ុន្តែមេដឹកនាំថៃនៅតែប្រកាន់គោលជំហររឹងរូសមិនព្រមចរចាសន្តិភាព បើទោះជាប្រទេសនានា រួមទាំងម៉ាឡេស៊ី អំពាវនាវជាច្រើនលើកឱ្យបញ្ឈប់ការវាយប្រហារកម្ពុជាក្តី ។ មេដឹកនាំថៃថែមទាំងប្រកាសថា មិនអាចបញ្ចប់សង្គ្រាមបានទេ និងមិនចាប់អារម្មណ៍អាមេរិកដំឡើងពន្ធទំនិញខ្ពស់ កងទ័ពថៃត្រូវតែប្រយុទ្ធបន្តទៀតតាមផែនការគ្រោងទុក ៕

ប្រទេសថៃ ៖ បន្ទាប់ពីមេដឹកនាំថៃបើកដៃឱ្យកងទ័ពបើកការវាយប្រ.ហារលើដែនអធិបតេយ្យកម្ពុជាទាំងកំរោលយ៉ាងសា.ហាវព្រៃ.ផ្សៃបំផុត ក្រោមហេតុផលការពារអធិបតេយ្យ និងសុវត្ថិភាពពលរដ្ឋ បានធ្វើឱ្យសង្គមថៃ ជាពិសេស អ្នកវិភាគ និងអ្នកនយោបាយនានាចេញមករិះគ.ន់រដ្ឋាភិបាលថៃជាបន្តបន្ទាប់ ដែលបង្កសង្គ្រា.មជាថ្មីធ្វើឱ្យកូនទាហានតូចតាចស្លា.ប់ រងរបួស និងពលរដ្ឋតាមព្រំដែនរស់នៅលំបាកវេទនា ។ សង្គមថៃចាត់ទុកសង្គ្រាមលើកនេះគ្រាន់តែជាកូនអុកនយោបាយ និងបង្វែរស្ថានការណ៍ទាក់ទងនឹងការបិទបាំងភាពអាម៉ាស់ និងបណ្តុះគំនិតជាតិនិយមជ្រុល ។

កាលពីថ្ងៃទី៩ ខែធ្នូ ឆ្នាំ២០២៥ នាយករដ្ឋមន្ត្រីថៃ លោក Anutin Charnvirakul ធ្លោយមាត់និយាយការពិតថា រដ្ឋាភិបាលថៃបានរៀបចំផែនការសម្ងាត់ជាមួយកងទ័ពដើម្បីទម្លាក់កំហុសលើកម្ពុជា និងយកលេសបើកការវាយប្រហារពេលឱកាសល្អមកដល់ ។ ទោះជាប្រទេសនានា រួមទាំងមហាអំណាចអាមេរិកអំពាវនាវឱ្យបញ្ឈប់សង្គ្រាមឈ្លានពានក៏ដោយ ក៏ថៃមិនបញ្ឈប់ដែរ កងទ័ពត្រូវតែប្រតិបត្តិតាមផែនការគ្រោងទុក គឺកំទេចគោលដៅនានារហូតដល់កម្ពុជាចុះចាញ់យល់ព្រមអនុវត្តតាមលក្ខខណ្ឌរបស់ថៃ ប្រសិនបើថៃបញ្ឈប់សង្គ្រាម មានន័យថា ថៃចាញ់ ។

ការបង្កសង្គ្រាមលើកនេះរងការរិះគន់ពីសង្គមថៃជាបន្តបន្ទាប់ថា ដោយសារលោក Anutin ចង់រកសំឡេងឆ្នោតកាន់តំណែងបន្តទៀត បន្ទាប់ពីមានរឿងអាម៉ាស់ជាច្រើន និងអសមត្ថភាពដោះស្រាយទឹកជំនន់បណ្តាលឱ្យពលរដ្ឋភាគខាងត្បូងស្លាប់រហូតដល់ជាង១,០០០នាក់ និងលាក់បាំងព័ត៌មាន ។ ហេតុអ្វីរដ្ឋាភិបាលចាំបាច់បង្កសង្គ្រាម លាក់បាំងព័ត៌មានបែបនេះ បច្ចុប្បន្ន បច្ចេកវិទ្យាទំនើបដល់កម្រិតណាហើយ និងសំណូមពរឱ្យរដ្ឋាភិបាលបញ្ឈប់ការរកសំឡេងឆ្នោតដោយលះបង់ជីវិតកូនទាហានក្នុងសង្គ្រាម ។

កាលពីថ្ងៃទី៩ ខែធ្នូ ឆ្នាំ២០២៥ លោក Natthaphong Ruengpanyawut ប្រធានគណបក្សប្រជាជនដែលជាគណបក្សប្រឆាំង ជ្រើសយកលោក Anutin ជានាយករដ្ឋមន្ត្រី បានចេញមករិះគន់គោលជំហរបស់លោក Anutin បដិសេធការចរចាកំពុងបង្កគ្រោះថ្នា.ក់យ៉ាងខ្លាំងដល់ប្រទេសថៃ ពីព្រោះលោក Anutin និយាយថា នឹងគ្មានការចរចាសន្តិភាពជាមួយកម្ពុជាទៀតទេ ។ ប្រធានគណបក្សប្រជាជនថា មេដឹកនាំថៃមិនគួរបដិសេធការចរចាបែបនេះ សូម្បីមេបញ្ជាការរងកងទ័ពភូមិភាគទី២ ក៏ធ្លាប់និយាយកន្លងមកថា គ្មានសង្គ្រាមណាបញ្ចប់ដោយគ្មានការចរចាឡើយ រីឯការធ្វើសង្គ្រាម គឺដើម្បីដាក់សម្ពាធកម្ពុជាឱ្យព្រមទទួលយកលក្ខខណ្ឌរបស់ថៃ ។

ផ្ទុយទៅវិញ លោក Anutin បែរជាបដិសេធការចរចាសន្តិភាព ដែលធ្វើឱ្យប្រទេសថៃចាញ់ប្រៀប និងរងការស្តីបន្ទោសពីពិភពលោក ដោយសារថៃបើកការវាយប្រហារឈ្លានពានកម្ពុជា ។ ក្រៅពីនេះ ប្រធានគណបក្សប្រជាជនណែនាំថា ក្នុងអំឡុងពេលថៃកំពុងវាយប្រហារកម្ពុជា រដ្ឋាភិបាលត្រូវគិតជានិច្ចថា ការធ្វើសង្គ្រាមនេះដើម្បីការពារខ្លួនឯង និងចោទប្រកាន់កម្ពុជាមិនគោរពកិច្ចព្រមសន្តិភាពទីក្រុងគូឡាឡាំពួរ ព្រមទាំងផ្តោតលើការងាររបស់ក្រុមសង្កេតការណ៍អាស៊ាន (AOT) ឱ្យត្រួតពិនិត្យភាគីណាល្មើសកិច្ចព្រមព្រៀងសន្តិភាពដែលពិភពលោកទទួលស្គាល់ ។

គួរបញ្ជាក់ថា ក្រុមជ្រុលនិយមដែលញុះញង់ឱ្យវាយប្រហារកម្ពុជា គាំទ្រលោក Anutin ដែលបង្កសង្គ្រាម និងមិនគាំទ្រការលើកឡើងរបស់ប្រធានគណបក្សប្រជាជនដែលជំរុញឱ្យរដ្ឋាភិបាលថៃងាកមកចរចារកសន្តិភាព ។ ក្រុមជ្រុលនិយមថា ប្រធានគណបក្សប្រជាជនមិនគួរណែនាំឱ្យរដ្ឋាភិបាលចរចាសន្តិភាពពេលនេះ និងមិនគួរបន្ទោសលោក Anutin បដិសេធការចរចា ។

បច្ចុប្បន្ន ថៃប្រឈមនឹងបញ្ហាសេដ្ឋកិច្ចធ្លាក់ចុះខ្លាំង ជាពិសេស ការបង្កសង្គ្រាមជាមួយកម្ពុជាម្តងទៀតនឹងប៉ះពាល់ដល់ការនាំចេញរបស់ថៃទៅកាន់អាមេរិក ដែលការនាំចេញកន្លងមកស្មើប្រមាណ២០% នៃទំហំការនាំចេញសរុបរបស់ថៃ ។ លើសពីនេះ នឹងប៉ះពាល់ដល់វិស័យទេសចរណ៍ផងដែរ បើមេដឹកនាំថៃនៅតែរឹងរូងមិនព្រមចរចា មិនស្តាប់តាមការណែនាំរបស់ប្រទេសនានា ។

យោងតាមក្រសួងការពារជាតិកម្ពុជា នាវេលាម៉ោង១៤និង២២នាទី កងទ័ពថៃបានបាញ់ផ្សែងពុលក្នុងភូមិសាស្ត្រឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ គឺជាភូមិស្រុករបស់ប្រជាជនស៊ីវិលរស់នៅ ដែលនេះជាការវាយប្រហារដ៏កំរោល មិនរើសគោលដៅរបស់កងទ័ពថៃ ជាការរំលោភបំពានច្បាប់មនុស្សធម៌អន្តរជាតិ ។ ក្រសួងការពារជាតិអំពាវនាវឱ្យចូលរួមរក្សាសុវត្ថិភាពកងកម្លាំងរបស់យើង ក៏ដូចជារក្សាការសម្ងាត់យោធា សូមបញ្ឈប់ការផ្សព្វផ្សាយជាបន្ទាន់នូវរាល់ព័ត៌មាន, វីដេអូ ឬរូបភាព ដែលបង្ហាញពីសកម្មភាពប្រតិបត្តិការយោធា, ផែនទី, បង្ហាញពីការចល័ត ឬដាក់ពង្រាយកងទ័ព, ទីតាំងឈរជើង, លេណដ្ឋាន (ត្រង់សេ), ជំរំជម្រក, ការចល័តសព្វាវុធ, ផ្លូវផ្គត់ផ្គង់សម្ភារបរិក្ខារ ឬស្បៀងអាហាររបស់កងទ័ព តាមគ្រប់បណ្តាញទំនាក់ទំនងសង្គម ដូចជា Facebook, TikTok, Youtube ឬប្រព័ន្ធផ្សព្វផ្សាយផ្សេងៗជាដាច់ខាត ៕

ព្រឹត្តិការណ៍សុីហ្គេមលើកទី៣៣ ដែលរៀបចំឡើងនៅប្រទេសថៃ និងបានប្រកាសបើកជាផ្លូវការកាលពីយប់ថ្ងៃទី៩ ម្សិលមិញនេះ ត្រូវបានបញ្ចប់ទៅដោយភាពមិនសូវរលូន ក៏ព្រោះតែការរៀបចំហាក់មិនសុីចង្វាក់គ្នាទាល់តែសោះរវាងអ្នកឡើងសម្ដែង អ្នកចាត់ចែង និងបរិយាកាស ដែលបង្កើតបានជាកំហុសឆ្គងជាច្រើនធ្វើឲ្យអាប់ឱនដល់មុខមាត់ប្រទេស និងត្រូវបានគេចាត់ទុកថា គឺជាការរៀបចំអន់ជាងគេក្នុងប្រវត្តិសាស្ត្រអាស៊ាន។

យោងតាមវីដែអូ និងរូបភាពជាច្រើនដែលត្រូវចែករំលែកយ៉ាងព្រោងព្រាតនៅលើបណ្ដាញសង្គម នៅថ្ងៃទី១០ ខែធ្នូនេះ បានបង្ហាញឲ្យឃើញនូវកំហុសបច្ចេកទេសជាច្រើន ដែលបានកើតចេញពីការធ្វេសប្រហែសក្នុងការរៀបចំនៅក្នុងមហាព្រឹត្តិការណ៍សុីហ្គេមដ៏ធំរបស់ថៃ។ ភាពខុសឆ្គងដែលគួរឲ្យចាប់អារម្មណ៍ជាងគេបំផុតនោះគឺ ភ្លើងគប់សុីហ្គេមដែលត្រូវបានដុតបំភ្លឺដើម្បីស្វាគមន៍ការបើកជាផ្លូវការនៃព្រឹត្តិការណ៍មួយនេះ មិនត្រូវបានឆេះចេញជាអណ្ដាតភ្លើងនោះទេ ដោយចេញត្រឹមតែផ្សែងហុយៗប៉ុណ្ណោះ។

ក្រៅពីនោះ អ្នកប្រើប្រាស់អុីនធើណេតជាច្រើនបានចាប់អារម្មណ៍លើកំហុសបច្ចេកទេសមួយចំនួនទៀតដូចជា ការសម្ដែងជិះម៉ូតូទឹកដូចកូនក្មេង ដែលអ្នកសម្ដែងមានការភ្លាត់ស្នៀតធ្លាក់ចូលទឹក និងព្យាយាមតោងឡើងលើម៉ូតូវិញយ៉ាងអាម៉ាស, ការបង្ហាញទង់ជាតិខុសសម្រាប់ប្រទេសឥណ្ឌូនេសុដែលច្រលំដាក់ទង់ជាតិរបស់សឹង្ហបុរី, ការបញ្ជារដ្រូនឲ្យរៀបចេញជាលេខខុស, ការជិះស្គីទឹកហោះឡើងយ៉ាងខ្ពស់ប៉ុន្តែជួបបញ្ហាបច្ចេកទេសក៏ធ្លាក់ចុះមកវិញ និងបរិយាកាសដ៏សែនសោះកក្រោះនៃពហុកីឡាដ្ឋាន ដែលមានពន្លឺព្រឹមសឹងតែងងឹតស្លុប បានទាក់ទាញនូវការរិះគន់យ៉ាងខ្លាំង ជាពិសេសពីសំណាក់ប្រជាជនថៃផ្ទាល់។

ដោយឡែកអ្វីដែលគួរឲ្យគិតពិចារណា ថាជាអចេតនា ឬការរៀបចំទុកមុននោះគឺ ពាក់ព័ន្ធនឹងកំហុសបច្ចេកទេសនូវពេលលើកបង្ហាញពីប្រទេសកម្ពុជា ដោយមុនដំបូងគេគឺកំហុសអក្ខរាវិរុទ្ធចំពោះឃ្លា «ជំរាបសួរ» ដោយថៃបានបង្ហាញនៅលើស្រ្គីន LED ថា «ជាំរាបសួរ» ទៅវិញ។

លើសពីនេះ ទាក់ទងនឹងដុំគូបដែលតំណាងប្រទេសទាំង១១នៅក្នុងអាស៊ាន បែរជាមានមួយគ្រាប់មិនភ្លឺហើយមិនមានការកែតម្រូវ ឬពិនិត្យមើលទាល់តែសោះ ដែលនេះបានជំរុញឲ្យមនុស្សជាច្រើនជឿជាក់ថា ដុំគូបមួយនោះទំនងជាតំណាងឲ្យប្រទេសកម្ពុជា ដ្បិតពេលនេះថៃកំពុងមានជម្លោះជាមួយកម្ពុជា ក៏មានចេតនាបង្កើតកំហុសនេះឡើង ដែលបង្ហាញពីការមា.ក់ងាយតែម្ដង។

ទាំងអស់នេះ គ្រាន់តែជាមួយផ្នែកនៃកំហុសធំៗដែលអ្នកប្រើប្រាស់បណ្ដាញសង្គមជាច្រើនបានចែករំលែក។ ដោយឡែកចំពោះទិដ្ឋភាពទាំងមូលនៃពិធិបើកព្រឹត្តិការណ៍មួយនេះ នៅមានបញ្ហាជាច្រើនផ្សេងទៀត ដែលអ្នកបានចូលរួមមានអារម្មណ៍ថាឃ្នើសចិត្ត និងមិនសូវពេញចិត្តជាខ្លាំង។ តួយ៉ាងដូចជាការសម្ដែងរបស់សិល្បៈករជួបបញ្ហារអាក់រអួលផ្នែកសម្លេងជាដើម ដែលជារឿងមិននឹកស្មានទាល់តែសោះថា ប្រទេសអ្នកមានដែលកំពុងលេចធ្លោមួយនៅក្នុងតំបន់ បែរជារៀបចំកម្មវិធីដ៏ធំមួយយ៉ាងរដិរដុបដូចក្មេងបៀមដៃបែបនេះទៅវិញ៕

ទំព័រហ្វេសប៊ុក «ហុងស៊ុយ» របស់លោកគ្រូចិនស៊ែរម៉ុង ដែលមហាជនភាគច្រើនបានស្គាល់នៅលើបណ្ដាញសង្គម បានចែករំលែកអំពីហេតុភេទអាក្រ.ក់មួយចំនួនថាអាចនឹងកើតមានចំពោះប្រទេសថៃនៅពេលខាងមុខ បន្ទាប់ពីប្រទេសនេះបានបើកការឈ្លានពានទ្រង់ទ្រាយធំជាលើកទីពីរលើកម្ពុជា។

តាមរយៈការបង្ហោះកាលពីថ្ងៃទី៨ ខែធ្នូ ពោលគឺនៅមុនពេលដែលកម្ពុជាបានឆ្លើយតបនឹងការបា.ញ់ប្រហាររបស់ថៃ ទំព័រហុងស៊ុយរបស់លោកគ្រូចិនស៊ែរម៉ុងបានសរសេថា «ថៃ ម្ដងនេះ បើប៉ះជាមួយយើងទៀត គឺថៃនឹងស្គាល់រសជាតិរលាកភ្លើងហើយ»

បន្ថែមលើនោះលោកបានបង្ហាញអំពីការគុណគូរជើងលេខតាមក្បួនចិនស៊ែរថា «ខែនេះប្រទេសសៀ.ម ស្ថិតនៅចំតំបន់ខ្មៅមិនមានពន្លឺទេ គឺងងឹត ភាពបាត់បង់ម្ចាស់ការ ភាពមិនប្រាកដវិជ្ជា ភាពមិនច្បាស់លាស់ ភាពរង្គើរ គឺកើតមានក្នុងតំបន់ប្រទេសសៀ.ម»

«សៀ.មកំពុងយកដែក មកឲ្យភ្លើងដុតហើយ។ បើប៉ះគ្នាលើកនេះ ដែកប្រាកដជារលាយ ខូចរូបរាង បាត់មុខមាត់ ជាពិសេសអាចក្លាយជាប្រទេសដែលឯកាដោយសារសង្គ្រាមទៀតផង។ សង្គ្រាមនេះ គឺខ្មែរមានប្រៀបខ្លាំងណាស់ បើសិក្សាតាមក្បួនបុរាណចិន ៣ ក្បួន ខ្ញុំកំពុងគណនាបន្តទៅក្បួនទី ៤ និង ៥ ទៀត តែខ្ញុំអាចសន្និដ្នានថា នៅតែមានប្រៀបដដែលទេ។ ខ្ញុំនិយាយតាមលទ្ធផល មិនមែននិយាយក្នុងរូបភាពដើម្បីតែលើកទឹកចិត្តនោះទេ។»

យ៉ាងណាលោកបានឲ្យដឹងផងដែរថា បច្ចុប្បន្នលោកគ្រូកំពុងព្យាយាម ស្វែងរកពិធីកិច្ចបែបប្រពៃណីខ្មែរបន្ថែមទៀត ដើម្បីឲ្យ-បងប្អូនយើងជួយធ្វើរួមគ្នា ដូចមុនៗ។

ដ្បិតថាជាជំនឿអរូបិយ និងមិនមានភ័ស្តុតាងបញ្ជាក់ ប៉ុន្តែមនុស្សជាច្រើនបានបង្ហាញការគិតរបស់ពួកគេស្រដៀងៗគ្នាថា កម្មពៀ.រពិតជាមាន ដូច្នេះទង្វើរបស់ថៃដែលកំពុងឈ្លានពាន និងធ្វើទុក្ខបុកម្នេញប្រជាជនខ្មែរនាពេលនេះ និងហុចផលកម្មតបស្នងទៅថៃវិញនៅពេលខាងមុខឆាប់ៗនេះមិនខាន។

ជាក់ស្ដែងកាលពីពេលថ្មីៗកន្លងទៅ ប្រទេសថៃបានជួបប្រទះនឹងបញ្ហារាប់មិនអស់ ដែលមានទាំងគ្រោះធម្មជាតិ ជំងឺឆ្លងលើមនុស្សនិងសត្វ និងគ្រោះថ្នាក់ផ្សេងៗ ដែលបានឆក់យកជីវិតពលរដ្ឋថៃអស់ជាច្រើននាក់ ខូចខាតទ្រព្យសម្បត្តិ និងប៉ះពាល់ដល់សេដ្ឋកិច្ចជាតិយ៉ាងច្រើនមហាសាល ហើយបញ្ហាទាំងនោះសុទ្ធតែបានកើតឡើងក្រោយការប៉ះទង្គិចគ្នាលើកទីមួយ កាលពីខែកក្កដា ដែលថៃបានបំផ្លាញប្រាង្គប្រាសាទព្រះវិហារ និងទម្លាក់គ្រាប់បំផ្លាញវត្តអារាម។

ជុំវិញរឿងរ៉ាវទាំងអស់នេះ យើងមានតែចាំមើលជាមួយគ្នាជាបន្តទៀតថា តើកម្មពៀ.រនឹងធ្វើការយ៉ាងម៉េចខ្លះទៀតទៅលើប្រទេសថៃ។ ចំណែកយើងក្នុងនាមជាប្រជាជនកម្ពុជា ដែលមានដូនតាជាអ្នកមានបុណ្យបារមីខ្ពស់ គួររួមគ្នាកសាងតែអំពើល្អ និងបួងសួងឲ្យរឿងល្អៗកើតមានចំពោះជាតិមាតុភូមិរបស់យើង៕

សហរដ្ឋអាមេរិក ៖ បន្ទាប់ពីរដ្ឋាភិបាលថៃបើកដៃជាផ្លូវការនិងគាំទ្រ១០០% កងទ័ពថៃក៏ចាប់ផ្តើមបង្កសង្គ្រា.មបា.ញ់ប្រ.ហារមកលើដែនអធិបតេយ្យកម្ពុជាតាំងពីថ្ងៃទី៧ ខែធ្នូ ឆ្នាំ២០២៥ ដោយប្រើប្រាស់សព្វាវុ.ធធុនធ្ងន់គ្រប់ប្រភេទ រួមទាំងផ្សែងពុល យន្តហោះចម្បាំង F-16 និង Gripen មកកាន់គោលដៅកងទ័ពកម្ពុជានិងជនស៊ីវិល ខណៈកងទ័ពកម្ពុជាប្រយុ.ទ្ធតតាំងជាមួយសត្រូវឈ្លា.នពានក្រោយពីអត់ធ្មត់ខ្លាំង ។ រហូតមកដល់ថ្ងៃទី១០ ខែធ្នូ កងទ័ពថៃនៅតែបា.ញ់ចូលទឹកដីកម្ពុជាឥតដាច់ ជាហេតុធ្វើឱ្យពិភពលោក រួមទាំងអាមេរិកបង្ហាញក្តីបារម្ភយ៉ាងខ្លាំងពីការបាត់បង់ជីវិតមនុស្ស និងរងរបួសនៅតាមបណ្តោយព្រំដែន ។

នាយករដ្ឋមន្ត្រីថៃ លោក Anutin ប្រកាសថា មិនបញ្ឈប់ការបាញ់ប្រហារចូលទឹកដីកម្ពុជាដាច់ខាត កងទ័ពថៃត្រូវតែប្រយុទ្ធបន្តទៀតកំទេចគោលដៅឱ្យខ្ទេច ពីព្រោះរដ្ឋាភិបាលថៃបានរៀបចំផែនការសម្ងាត់ជាមួយកងទ័ពរួចហើយ ដោយកំណត់ការបាញ់ប្រហារតាមគោលដៅនានា លោកមិនអាចនិយាយជាសាធារណៈទេ សង្គ្រាមនឹងមិនបញ្ចប់ឡើយ រហូតដល់កម្ពុជាយល់ព្រមចុះចាញ់ទទួលយកលក្ខខណ្ឌរបស់ថៃ ។ ប្រទេសជាច្រើនបានអំពាវនាវឱ្យថៃឈប់វាយកម្ពុជា និងងាកមកគោរពបទឈប់បាញ់ គោរពកិច្ចព្រមព្រៀងសន្តិភាពទីក្រុងគូឡាឡាំពួរ ប៉ុន្តែលោកបដិសេធមិនចរចា ឬការជួយអន្តរាគមន៍ពីប្រទេសណាទេ ពីព្រោះជាបញ្ហារវាងកម្ពុជា-ថៃ ។

លោកក៏មិនចាប់អារម្មណ៍នឹងអាមេរិកដំឡើងពន្ធទំនិញដែរ ពីព្រោះពេលនេះ កិច្ចព្រមព្រៀងសន្តិភាពដែលចុះហត្ថលេខាជាមួយកម្ពុជានៅទីក្រុងគូឡាឡាំពួរ ក្រោមវត្តមានប្រធានាធិបតីអាមេរិក លោក Donald Trump និងនាយករដ្ឋមន្ត្រីម៉ាឡេស៊ី លោក Anwar Ibrahim កាលពីថ្ងៃទី២៦ ខែតុលា ឆ្នាំ២០២៥ លែងមានប្រសិទ្ធភាពហើយ ។ បទឈប់បាញ់ក៏ដូចគ្នា ថៃមិនអនុវត្តទេ គឺរដ្ឋាភិបាលថៃគាំទ្រឱ្យកងទ័ពធ្វើសង្គ្រាមដើម្បីស្តារប្រជាប្រិយភាពឡើងវិញក្រោយរងការរិះគន់ខ្លាំងពីសង្គម មិនថាពលរដ្ឋស្លាប់ច្រើនដោយសារទឹកជំនន់ ការបង្ក្រាបបទល្មើសឆបោកអនឡាញក្នុងប្រទេស និងរៀបចំព្រឹត្តិការណ៍ស៊ីហ្គេមអន់បំផុត ។

តាមការចុះផ្សាយរបស់សារព័ត៌មាន Reuters ប្រធានាធិបតីអាមេរិក លោក Trump នឹងទូរស័ព្ទមកសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា និងនាយករដ្ឋមន្ត្រីថៃ លោក Anutin នៅថ្ងៃទី១០ ខែធ្នូ (តាមពេលវេលារបស់អាមេរិក) ដើម្បីបញ្ចប់សង្គ្រាមនៅព្រំដែនប្រទេសទាំងពីរដែលផ្ទុះឡើងជាថ្មី ។ ថៃបង្កសង្គ្រាមម្តងទៀតក្រោយពីលោកប្រធានាធិបតី Trump ជាអ្នកផ្តួចផ្តើមឱ្យកម្ពុជា-ថៃចុះហត្ថលេខាលើកិច្ចព្រមព្រៀងសន្តិភាពទីក្រុងគូឡាឡាំពួរ ក្រោមវត្តមានរបស់លោក និងនាយករដ្ឋមន្ត្រីម៉ាឡេស៊ី លោក Ibrahim កាលពីខែតុលា ។

ក្នុងអំឡុងពេលរកសំឡេងឆ្នោតនៅរដ្ឋ Pennsylvania កាលពីថ្ងៃទី៩ ខែធ្នូ លោកប្រធានាធិបតី Trump បាននិយាយពីស្ថានការណ៍ព្រំដែនកម្ពុជា-ថៃ ថា ៖ «សង្គ្រាមរវាងកម្ពុជា-ថៃបានផ្ទុះឡើងម្តងទៀតហើយ នៅថ្ងៃទី១០ ខែធ្នូ នេះ ខ្ញុំនឹងទូរស័ព្ទទៅជជែកជាមួយមេដឹកនាំប្រទេសទាំងពីរដើម្បីបញ្ចប់សង្គ្រាម» ។

គួរបញ្ជាក់ថា ពេលកងទ័ពថៃបង្កសង្គ្រាមជាមួយកម្ពុជាកាលពីខែកក្កដា ឆ្នាំ២០២៥ លោកប្រធានាធិបតី Trump ធ្លាប់បានជួយអន្តរាគមន៍ឱ្យថៃបញ្ចប់សង្គ្រាម ដោយលោកថា នឹងដំឡើងពន្ធទំនិញក្នុងអត្រាខ្ពស់ បើនៅតែមានការបាញ់គ្នាបែបនេះ ។ បន្ទាប់មក កម្ពុជា-ថៃក៏ឈានដល់ការធ្វើកិច្ចព្រមព្រៀងបទឈប់បាញ់ និងមានការចូលរួមឃ្លាំមើលពីក្រុមអ្នកសង្កេតការណ៍អាស៊ានដើម្បីអនុវត្តបទឈប់បាញ់ពេញលេញ ។ នៅថ្ងៃទី២៦ ខែតុលា លោក Trump ក៏បានធ្វើជa សាក្សីក្នុងពិធីចុះហត្ថលេខាលើកិច្ចព្រមព្រៀងសន្តិភាពកម្ពុជា-ថៃនៅទីក្រុងគូឡាឡាំពួរ ក្រៅកិច្ចប្រជុំកំពូលមេដឹកនាំអាស៊ាន ប៉ុន្តែពេលនោះ មេដឹកនាំថៃប្រុងគេចខ្លួនមិនមកចុះហត្ថលេខា ក្រោមហេតុផលព្រះមាតារបស់ព្រះមហាក្សត្រថៃសោយទិវង្គត ។

នៅទីបំផុត មេដឹកនាំថៃព្រមចុះហត្ថលេខាលើកិច្ចព្រមព្រៀងសន្តិភាព បែរជារងការរិះគន់ និងស្តីបន្ទោសពីពលរដ្ឋយ៉ាងខ្លាំងទៅវិញ ។ ក្រោយមក រដ្ឋាភិបាលថៃសហការជាមួយកងទ័ពរៀបចំឆាកល្ខោនប្រឌិតរឿងបំភ័ន្តភ្នែកពិភពលោក ដោយឱ្យកងទ័ពសម្តែងជាន់មីនរងរបួសនៅព្រំដែន រួចហើយចោទប្រកាន់កម្ពុជាបង្កប់មីនថ្មី និងប្រកាសផ្អាកអនុវត្តកិច្ចព្រមព្រៀងសន្តិភាពភ្លាមៗ ទោះជាកម្ពុជាបញ្ជាក់ជាច្រើនលើកថា មិនបានបង្កប់មីនថ្មី ។ ចាប់ពីពេលនោះមក ថៃក៏បញ្ជូនកម្លាំងកម្លាំងទ័ព រថក្រោះ និងសព្វាវុធធុនធ្ងន់គ្រប់ប្រភេទមកកាន់ព្រំដែន ។

កាលពីថ្ងៃទី៧ ខែធ្នូ កងទ័ពថៃក៏បើកការបាញ់ប្រហារកម្ពុជាជាថ្មី បន្ទាប់ពីរៀបចំផែនការសម្ងាត់ជាមួយរដ្ឋាភិបាល ដើម្បីឱ្យលោក Anutin ទទួលបានសំឡេងគាំទ្រពីពលរដ្ឋថា ជាវីរបុរសហ៊ានវាយដណ្តើមទឺកដីប្រទេសជិតខាង និងដើម្បីឱ្យពលរដ្ឋចាប់អារម្មណ៍តែព័ត៌មានសង្គ្រាម ភ្លេចព័ត៌មានមនុស្សស្លាប់ដោយសារទឹកជំនន់នៅភាគខាងត្បូង និងរឿងលោក Anutin មានទំនាក់ទំនងជិតស្និទ្ធជាមួយមេឧក្រិដ្ឋកម្មឆបោកអនឡាញបរទេស ។

ពេលនេះ មេដឹកនាំថៃប្រកាន់ជំហររឹងរូសមិនឈប់បាញ់ មិនចរចាជាមួយកម្ពុជា ហើយសូម្បីតែលោកប្រធានាធិបតី Trump យកការដំឡើងពន្ធទំនិញមកដាក់សម្ពាធ ក៏ថៃមិនចរចាដាច់ខាត លោក Anutin គាំទ្រឱ្យកងទ័ពវាយកំទេចកម្ពុជាតាមផែនការគ្រោងទុក ។ នេះជាសង្គ្រាមដែលរៀបចំឡើងដោយរដ្ឋាភិបាលនិងកងទ័ពថៃ ដោយយកកម្ពុជាមកពាក់ព័ន្ធ ដើម្បីឱ្យលោក Anutin ទទួលប្រយោជន៍បន្តតំណែងនាយករដ្ឋមន្ត្រីនៅឆ្នាំ២០២៦ ៕