ប្រទេសថៃ ៖ លោកនាយករដ្ឋមន្ត្រី ប្រាយុទ្ធ ចាន់អូចា បានស្នើទៅកាន់ពលរដ្ឋទាំងអស់ជួយលើកទឹកចិត្តដល់កីឡាករថៃ ដែលមកចូលរួមប្រកួតកីឡាស៊ីហ្គេមលើកទី៣២ នៅទីក្រុងភ្នំពេញ ប្រទេសកម្ពុជា ។ លោកនាយករដ្ឋមន្ត្រីថៃថ្លែងថា កីឡាករគ្រប់រូបជាមោទនភាពរបស់ពលរដ្ឋថៃ និងប្រទេសជាតិ ។

លោក អនុឆា ប៊ូរ៉ាផាឆៃស្រ៊ី (Anucha Burapachaisri) អគ្គលេខាធិការរងនាយករដ្ឋមន្ត្រី ទទួលបន្ទុកកិច្ចការនយោបាយ និងជាអ្នកនាំពាក្យការិយាល័យនាយករដ្ឋមន្ត្រី បានថ្លែងកាលពីថ្ងៃទី៥ ខែឧសភា ថា លោក ប្រាយុទ្ធ ចាន់អូចា នាយករដ្ឋមន្ត្រី និងជារដ្ឋមន្ត្រីក្រសួងការពារជាតិ បានសំណូមពរឱ្យពលរដ្ឋថៃទាំងអស់រួមគ្នាផ្តល់កម្លាំងចិត្តដល់កីឡាករដែលមកប្រកួតកីឡាស៊ីហ្គេម ។ ពិធីបើកការប្រកួតកីឡាស៊ីហ្គេមនេះបានប្រព្រឹត្តឡើងនៅពហុកីឡដ្ឋានមរតកតេជោ (Morodok Techo National Stadium) នៅទីក្រុងភ្នំពេញ កាលពីល្ងាចថ្ងៃទី៥ ខែឧសភា កន្លងមក ។

ការប្រកួតកីឡាស៊ីហ្គេម លើកទី៣២ នៅទីក្រុងភ្នំពេញ ត្រូវបានគេចាត់ទុកថា ជាប្រវត្តិសាស្ត្រសំខាន់របស់ប្រទេសកម្ពុជា ដែលបានធ្វើជាម្ចាស់ផ្ទះប្រកួតកីឡាស៊ីហ្គេមជាលើកដំបូងក្នុងរយៈពេល៦៤ឆ្នាំ ។ លោក Kongsak Yodmanee អភិបាលនៃអាជ្ញាធរកីឡាប្រទេសថៃ ជាអ្នកតំណាងឱ្យរដ្ឋាភិបាល បានចូលរួមពិធីបើកការប្រកួតកីឡាស៊ីហ្គេមនៅកម្ពុជា ។ ចំណែកក្រុមកីឡាករថៃដឹកនាំដោយលោក Ohm Chanathip Jakwala ជាកីឡាករបាល់បោះ ដោយលោកបានកាន់ទង់ជាតិថៃ និងដឹកនាំក្រុមកីឡាករចូលក្នុងទីលានប្រកួត ។

ប្រទេសថៃបានបញ្ជូនកីឡាករចំនួន៨៤៦នាក់មកចូលរួមប្រកួតកីឡាស៊ីហ្គេមនៅកម្ពុជា ហើយកីឡាមួយចំនួនបានធ្វើការប្រកួតរួចហើយ ។ កីឡាករថៃអាចបង្ហាញលទ្ធផលការប្រកួតរបស់ខ្លួនគួរឱ្យចាប់អារម្មណ៍ ។ អាជ្ញាធរកីឡាករថៃបានកំណត់គោលដៅដណ្តើមមេដាយមាសក្នុងការប្រកួតកីឡាស៊ីហ្គេមនេះឱ្យបានជាង១៦០មេដាយ ។

លោកនាយករដ្ឋមន្ត្រី ប្រាយុទ្ធ ចាន់អូចា បានតាមដានការប្រកួតកីឡាស៊ីហ្គេម និងផ្តល់កម្លាំងចិត្តដល់កីឡាករចូលរួមប្រកួតទាំងអស់ ព្រមទាំងសំណូមពរឱ្យពលរដ្ឋរួមគ្នាផ្តល់កម្លាំងចិត្ត និងគាំទ្រកីឡាករថៃគ្រប់រូបផងដែរ ។ លោកនាយករដ្ឋមន្ត្រីថ្លែងថា មិនថាពួកគេទទួលបានជ័យជម្នះច្រើន ឬតិចក្តី ក៏សូមឱ្យគ្រប់គ្នាជួយលើកទឹកចិត្តក្រុមកីឡាករ និងត្រូវសាមគ្គីគ្នា ពីព្រោះកីឡាករទាំងអស់ជាមោទនភាពរបស់ពលរដ្ឋថៃ ៕ ប្រភព ៖ Thairath

តើមនុស្សអាចផុតពូជពីផែនដីដូចសត្វដាយណូស័រឬទេ ខណៈយើងកំពុងប្រឈមមុខនឹងបញ្ហាបរិស្ថានដែលកំពុងកើតឡើងនាពេលបច្ចុប្បន្ន ។ ចំនួនមនុស្សរស់នៅលើពិភពលោកមិនបានធ្លាក់ចុះទេ ប៉ុន្តែបែរជាកើនឡើងជាលំដាប់ រហូតដល់អង្គការសហប្រជាជាតិប្រកាសថា បច្ចុប្បន្ននេះ នៅលើពិភពលោកមានមនុស្សរស់នៅចំនួន៨ពាន់លាននាក់ ។ ដូច្នេះ ទើបគេគិតថា មនុស្សនឹងគ្មានថ្ងៃផុតពូជទេ ។

ប៉ុន្តែចម្លើយយ៉ាងខ្លី គឺពិតហើយ មនុស្សនឹងផុតពូជ បើទោះជាយើងឆ្លងផុតបញ្ហាពិភពលោកក្តៅក្តី ប៉ុន្តែចុងក្រោយ មនុស្សនឹងផុតពូជដដែល ហើយវាជាជោគវាសនាមិនអាចចៀសផុត ។ ទោះយ៉ាងណា យើងអាចសប្បាយចិត្តបាន ព្រោះយើងនៅមានពេលរាប់លានឆ្នាំទៅមុខទៀត មុននឹងថ្ងៃនោះមកដល់ ។ តើមនុស្សនឹងផុតពូជដូចម្តេច ?

អ្វីដែលកើតឡើងឆាប់រហ័សបំផុត គឺ Homo Sapiens ជាប្រភេទមនុស្សបច្ចុប្បន្ន ឬនិយាយឱ្យស្រួលស្តាប់ គឺពួកយើងនេះហើយនឹងផុតពូជក្នុងរយៈពេលមិនលើសពី១-២លានឆ្នាំ ដោយសារកម្លាំងការវិវត្ត និងដើម្បីរស់នៅបន្តទៀត ដោយអ្វីមានជីវិតវានឹងត្រូវផ្លាស់ប្តូរខ្លួនឯង ខណៈពិភពលោកបានផ្លាស់ប្តូរជានិច្ច ។ នៅថ្ងៃអនាគត កូនចៅរបស់យើងនឹងមិនមែនជាប្រភេទមនុស្ស Homo Sapiens ទៀតទេ ពួកគេនឹងក្លាយជាមនុស្សពូជថ្មី ហើយវាជាការផុតពូជនៃការវិវត្ត ។

ចុះពិភពលោករបស់យើងនឹងរលាយឬទេ ? ហើយជីវិតនៅលើពិភពលោកនេះនឹងមានថ្ងៃបញ្ចប់ឬទេ ? ចម្លើយ គឺពិតជាមាន បើទោះជា Homo Sapiens នឹងផុតពូជ ប៉ុន្តែនឹងមានជីវិតមនុស្សរស់នៅលើពិភពលោកបន្តរាប់ពាន់ឆ្នាំ រាប់លានឆ្នាំទៀត ប៉ុន្តែនៅក្នុងចក្រវាលនេះ មិនមែនមានពិភពលោកមួយទេ យើងនៅមានព្រះអាទិត្យផងដែរ ។ កាលបើពេលវេលាកន្លងផុតទៅ ព្រះអាទិត្យនឹងដុតបំផ្លាញអ៊ីដ្រូសែន ហើយវានឹងរីកកាន់តែធំ ហើយក្តៅខ្លាំង ។

ព្រះអាទិត្យនឹងបញ្ចេញថាមពលខ្លាំងក្លា និងធ្វើឱ្យទឹកក្នុងមហាសមុទ្រពុះ ហើយជីវិតភាគច្រើននឹងគ្មានអ្វីសេសសល់ ខណៈមហាសមុទ្រកាន់តែក្តៅខ្លាំង ហើយរយៈពេលពី១-២លានឆ្នាំទៀត ពិភពលោកនឹងមានសភាពដូចភពសុក្រនាពេលបច្ចុប្បន្ន ។ ព្រះអាទិត្យនឹងកាន់តែក្តៅខ្លាំង និងរីកធំឡើងក្នុងរយៈពេលពី៥-៧លានឆ្នាំទៀត ។ វានឹងក្លាយជាភពក្រហម ហើយវានឹងកំទេចភពពុធ ភពសុក្រ និងពិភពលោក ហើយមានតែភពអង្គារមួយប៉ុណ្ណោះដែលរួចខ្លួន ប៉ុន្តែភពអង្គារ ក៏នៅជិតព្រះអាទិត្យដែរ ។

ពេលនោះ នៅលើពិភពលោកនឹងគ្មានជីវិតរស់នៅទៀតទេ នេះជាចុងបញ្ចប់នៃជីវិតនៅលើផែនដី បើទោះជាមានអ្នកវិទ្យាសាស្ត្រខ្លះប្រាប់ថា ពិភពលោកនឹងមិនរលាយទេ ប៉ុន្តែព្រះអាទិត្យនឹងឈានដល់ថ្ងៃអវសាន្ត ព្រោះព្រះអាទិត្យនឹងឆេះខ្លួនវាទាំងអស់រហូតក្លាយជាភពពណ៌សមួយ ហើយវាមិនអាចផ្តល់កំដៅមកផែនដីបានទៀតទេ ។ ដូច្នេះ គ្រប់ជីវិតនឹងបាត់បង់ពីផែនដីគ្មានសល់ គ្រាន់តែថា ជីវិតនឹងបាត់បង់ដោយសារភាពត្រជាក់ ឬក្តៅ ។

ពិភពលោកនឹងឈានដល់ថ្ងៃបញ្ចប់ ប៉ុន្តែមុននឹងថ្ងៃនោះមកដល់ យើងនឹងត្រូវជួបឧបសគ្គធំៗនាពេលបច្ចុប្បន្នសិន គឺអាកាសធាតុក្តៅដែលធ្វើឱ្យធម្មជាតិប្រែប្រួលខុសប្រក្រតី ព្រមទាំងបាត់បង់នូវពូជសត្វជាច្រើនប្រភេទ និងគំរាមកំហែងដល់ការរស់នៅទៀតផង ។ គេជឿថា បើគ្រប់គ្នាជួយទប់ស្កាត់ យើងពិតជាអាចឆ្លងផុតឧបសគ្គ និងចៀសឆ្ងាយពីពិភពលោករលាយ ឬការបាត់បង់ពូជមនុស្ស ហើយយើងនឹងមានពេលវេលារាប់លានឆ្នាំទៀតដើម្បីរកដំណោះស្រាយបន្ត ៕ ប្រភព ៖ environman

ប្រទេសថៃ ៖ ក្រុមកសិករដាំស្វាយនៅស្រុកវាំងថង ខេត្តពិស្នុលោក កំពុងជួបបញ្ហាធ្ងន់ធ្ងរដោយសារតម្លៃស្វាយណាមដកម៉ាយស្មើត្រឹមតែ១០បាតប៉ុណ្ណោះក្នុង១គីឡូក្រាម ។ តម្លៃធ្លាក់ចុះនេះ ដោយសារគ្មានអាជីវករមកទទួលទិញពីចម្ការ ។ ម្ចាស់ចម្ការនិយាយថា ពួកគេមិនអាចស៊ូទ្រាំនឹងតម្លៃស្វាយថោកបែបនេះទេ ហើយនៅពាក់កណ្តាលខែឧសភា បើនៅតែគ្មានទីផ្សារទៀត ពួកគេនឹងទុកឱ្យវាជ្រុះហើយ ។

អ្នកដាំស្វាយណាមដកម៉ាយនៅឃុំបានក្លាង ស្រុកវាំងថង ខេត្តពិស្នុលោក និយាយថា បច្ចុប្បន្ន ស្វាយរាប់រយដើមនឹងទុំដំណាលគ្នា ប៉ុន្តែរកអ្នកទិញមិនបានសោះ ។ ពួកគេបានស្នើទៅកាន់មន្ត្រីថ្នាក់ខេត្តឱ្យជួយ ដោយសារនៅពាក់កណ្តាលខែឧសភា ស្វាយណាមដកម៉ាយពណ៌មាសរាប់រយដើមដល់ពេលប្រមូលផលហើយ ។ បើគ្មានការជួយជ្រោមជ្រែងទេ វានឹងជ្រុះខូចទាំងអស់ ។

អ្នកស្រី Sornsiri Wongwanarat អាយុ៤៦ឆ្នាំ ជាម្ចាស់ចម្ការស្វាយនៅឃុំបានក្លាង ស្រុកវាំងថង ខេត្តពិស្នុលោក និយាយថា ឆ្នាំ២០២៣ អ្នកដាំស្វាយជាច្រើនហិកតាបានប្រឈមនឹងបញ្ហាស្វាយណាមដកម៉ាយពណ៌មាសមានតម្លៃថោក ហើយលក់មិនដាច់ ។ ម្ចាស់ចម្ការរកអាជីវករមកទិញស្វាយមិនបាន ខណៈស្វាយរាប់រយដើមដល់ពេលប្រមូលផល ។ រីឯស្វាយឈូកអាណាន់ ដែលគេនិយមហូបខ្ចី ឬយកទៅត្រាំ ក៏គ្មានអ្នកទិញដែរ បើទោះជាគាត់បានលក់តាមអនឡាញក្នុងតម្លៃតែ១បាតក្នុង១គីឡូក្រាមក្តី ។ អ្នកស្រីបន្តថា ពេលនេះ គាត់បានបេះវាមកគរទុកចំនួន៤តោន ក៏នៅតែលក់មិនដាច់ទៀត ។ តម្លៃស្វាយបានធ្លាក់ចុះជាខ្លាំង គាត់លក់ស្វាយតម្លៃត្រឹម១០បាតនេះ គឺសុខចិត្តខាតដើមទុន ប៉ុន្តែនៅតែគ្មានអ្នកទិញ ។

បុរសម្ចាស់ចម្ការស្វាយម្នាក់ទៀតនិយាយថា ឈ្មួញកណ្តាលមកទិញស្វាយប្រាប់ថា តម្លៃស្វាយ១០បាតក្នុង១គីឡូក្រាមនេះមិនរួចខ្លួនទេ ហើយពួកគេបានតថ្លៃមកនៅត្រឹមតែ៥បាតក្នុង១គីឡូក្រាមសម្រាប់ផ្លែល្អៗ ឯផ្លែណាមិនសូវល្អមានតម្លៃតែ២-៣បាតប៉ុណ្ណោះ ។ បើគាត់លក់ក្នុងតម្លៃនេះ កាន់តែខាតដើមទុនថែមទៀត ខណៈស្វាយណាមដកម៉ាយពណ៌មាស គាត់បានចំណាយដើមទុនច្រើនសម្រាប់ថែទាំ ។ ជាក់ស្តែង ថង់រុំផ្លែស្វាយ១ផ្លែ គឺត្រូវចំណាយប្រាក់១,៣៥បាតទៅហើយ នេះមិនគិតថ្លៃជី និងថ្នាំទេ ហើយនៅឆ្នាំ២០២៣ ជីមានតម្លៃខ្ពស់ណាស់ ខណៈថ្លៃឈ្នួលកម្មករ១ថ្ងៃចាប់ពី២៥០បាត ទៅ៣០០បាតក្នុងម្នាក់ ។ បើគាត់លក់ស្វាយតម្លៃតែ២បាត, ៣បាត ឬ៥បាត គាត់ពិតជាមិនសល់អ្វីទេ ។

ចំណែកអ្នកស្រី Orawan Fuengkaew អាយុ៦៥ឆ្នាំ និងមានចម្ការនៅក្បែរគ្នាប្រាប់ថា គាត់សម្រេចចិត្តលក់ស្វាយចំនួន៣តោនដើម្បីនាំចេញទៅប្រទេសឡាវ ក្នុងតម្លៃត្រឹមតែ៨បាតក្នុង១គីឡូក្រាមសម្រាប់ផ្លែល្អ រីឯផ្លែមិនល្អ តម្លៃពី២-៣បាត ។ គាត់បន្តថា គាត់ខាតដើមទុន ប៉ុន្តែគាត់មិនដឹងធ្វើដូចម្តេច ព្រោះស្វាយទុំជារៀងរាល់ថ្ងៃ ហើយទុកយូរមិនបានទេ បើគាត់មិនលក់ មានតែបោះចោល ព្រោះបើយកវាទៅកែច្នៃ ក៏មិនទាន់ដែរ ។ កាលពីមុន គាត់ធ្លាប់លក់ក្នុងតម្លៃពី៣០-៤៥បាត ប៉ុន្តែតាំងពីលោក ប្រាយុទ្ធ ចាន់អូចា ធ្វើជានាយករដ្ឋមន្ត្រី តម្លៃស្វាយក៏បានធ្លាក់ចុះជាបន្តបន្ទាប់ ។

អ្នកស្រី Orawan Fuengkaew បន្តថា ពេលនេះ គាត់ចង់បាននាយករដ្ឋមន្ត្រីថ្មី ដែលជួយដល់កសិករដាំស្វាយ មិនមែនជួយតែជ័រកៅស៊ូទេ ។ ក្រុមអ្នកចៀរជ័រកៅស៊ូនាំគ្នាធ្វើបាតុកម្ម ជ័រកៅស៊ូក៏ឡើងថ្លៃ ហើយជ័រកៅស៊ូមិនខូចខាតទេ ព្រោះអាចទុកយូរបាន ប៉ុន្តែស្វាយរបស់គាត់ទុំហើយលក់មិនទាន់ វាក៏ខូចអស់ ហើយអ្នកស្រីមិនចេះទៅធ្វើបាតុកម្មដូចគេទេ ។ អ្នកស្រីបន្តថា ជ័រកៅស៊ូប្រៀបដូចជាកូនរបស់ប្រពន្ធដើម ឯស្វាយជាកូនប្រពន្ធចុង ហេតុនេះ គាត់សំណូមពរឱ្យមន្ត្រីខេត្ត-ស្រុក ឬភ្នាក់ងារពាក់ព័ន្ធជួយរកទីផ្សារឱ្យកសិករដាំស្វាយនៅស្រុកវាំងថង ខេត្តពិស្នុលោកផង ។

អ្នកស្រីបន្ថែមថា ពួកយើងដាំស្វាយនេះ មិនមែនយើងមិនព្យាយាមរកផ្លូវចេញទេ ប៉ុន្តែមានអ្នកដាំស្វាយច្រើននាក់ ទើបធ្វើឱ្យរដូវប្រមូលផលមកដល់មានផ្លែស្វាយច្រើនលើសលប់ ហើយតម្លៃក៏ធ្លាក់ចុះ ។ គាត់បានថែទាំស្វាយណាមដកម៉ាយគ្រប់វិធី មិនថាដាក់ថ្នាំ ឬជី ប៉ុន្តែនៅឆ្នាំ២០២៣ អាកាសធាតុផ្លាស់ប្តូរដូចជា ភ្លៀងធ្លាក់ និងក្តៅខ្លាំងពេក ទើបធ្វើឱ្យស្វាយដែលជិតប្រមូលផលទៅហើយខូចខាតអស់ជាច្រើនហិកតា ៕ ប្រភព ៖ Thairath

អាឡឺម៉ង់៖ អត្តពលិក Medina Eisa អាយុ ១៨ ឆ្នាំ បានឈ្នះមេដាយមាសចម្ងាយ ៥ គីឡូម៉ែត្រក្នុងព្រឹត្តិការណ៍ Adizero Road to Records ដោយប្រើថិរវេលា ១៤ នាទី និង ៤៦ វិនាទី បង្កើតកំណត់ត្រា U២០ ។
Eisa គឺជាអ្នករត់ប្រណាំងដ៏មានសក្តានុពលរបស់ប្រទេសអេត្យូពី នៅថ្ងែទី២៩ ខែមេសា Eisa បានបញ្ចេញកម្លាំងខ្លួនឯង ហើយតាមទាន់អ្នករត់ប្រណាំងជាមួយមិត្តរួមក្រុម។ នាងបានបញ្ចប់ក្នុងរយៈពេល ១៤ នាទី ៤៦ វិនាទី ដោយជ័យជំនះត្រូវបានប្រគល់ជូន Medina Eisa ។

នៅខែមេសា ឆ្នាំ ២០២២ នាងបានបញ្ចប់នៅចំណាត់ថ្នាក់លេខ ៤ ក្នុងចម្ងាយ ៥ គីឡូម៉ែត្រក្នុងព្រឹត្តិការណ៍ Ethiopian Athletics Championships នៅ Hawassa ដោយប្រើថិរវេលា ១៥ នាទី ៥០ វិនាទី។ បួនខែក្រោយមក Eisa បានឈ្នះមេដាយមាសនៅក្នុងព្រឹត្តិការណ៍ U២០ World Championships នៅទីក្រុង Cali ប្រទេសកូឡុំប៊ីជាមួយនឹង ១៥ នាទី ២៩ វិនាទី ។
កាលពីខែតុលា Eisa បានឈ្នះការប្រណាំងអន្តរជាតិអៀរឡង់ខាងជើងចម្ងាយ ៦ គីឡូម៉ែត្រដែលធ្វើឡើងនៅទីក្រុង Dundoland និងទីក្រុង Belfast ក្នុងរយៈពេល ២១ នាទី និង ៧ វិនាទី។ ក្នុងខែកុម្ភៈ ឆ្នាំ ២០២៣ នាងក៏បានឈ្នះមេដាយប្រាក់ក្នុងការប្រណាំងនារីវ័យក្មេងក្នុងព្រឹត្តិការណ៍ World Cross Country Championships ដោយប្រើថិរវេលា ២១ នាទី និង ៧ វិនាទីតាមពីក្រោយមិត្តរួមជាតិ Senayet Getachew ។

ស្រដៀងគ្នានេះដែរ អ្នករត់ប្រណាំងជនជាតិអេត្យូពីអាយុ ១៨ ឆ្នាំកញ្ញា Bertukan Welde Sura បានធ្វើឱ្យមានការភ្ញាក់ផ្អើលនៅពេលដែលគាត់បានឈ្នះមេដាយមាសក្នុងពាក់កណ្តាលម៉ារ៉ាតុងស្ត្រី។ មិត្តរួមជាតិ Nigsti Haftu បានជាប់ក្នុងចំណាត់ថ្នាក់ទី ២ នៅពេលដែលនាងបានបញ្ចប់ការរត់ម៉ារ៉ាតុងក្នុងរយះពេល ២១ នាទី ១១ វិនាទី ៕ ប្រភព៖vnexpress

បរទេស៖ នាយកប្រតិបត្តិ Meta លោក Mark Zuckerberg បានបញ្ចប់ការរត់ចម្ងាយ ៥km នៅ Stanford Medicine MyHeart Counts នៅ Stanford រដ្ឋ California ក្នុងរយះពេល១៩នាទី។
Stanford Medicine MyHeart Counts គឺជាការរៃអង្គាសថវិកាប្រចាំឆ្នាំដើម្បីផ្តល់អត្ថប្រយោជន៍ដល់មជ្ឈមណ្ឌល Stanford សម្រាប់ជំងឺសរសៃឈាមបេះដូង ដែលមានទីតាំងនៅចម្ងាយពីរបីគីឡូម៉ែត្រភាគខាងត្បូងនៃទីស្នាក់ការកណ្តាលរបស់ក្រុមហ៊ុន Meta នៅ Menlo Park ។
លោកនាយក Zuckerberg បានបង្ហោះរូបថតមួយសន្លឹកជាមួយមិត្តភ័ក្តិបីនាក់ចូលរួមក្នុងកម្មវិធីប្រគល់រង្វាន់នៅ Stanford កាលពីថ្ងៃទី ៣០ ខែមេសា នៅលើទំព័រផ្ទាល់ខ្លួនរបស់គាត់ជាមួយនឹងសារថា “រត់ ៥km ជាមួយមិត្តភក្តិ” ។

លទ្ធផលដែលបានបង្ហោះនៅលើ គេហទំព័រ racerster.com បានបញ្ជាក់រយៈពេល ១៩ នាទី និង ៣៤ វិនាទី ខណៈដែលលោក Zuckerberg’s Stanford Medicine MyHeart រាប់ពេលវេលា។ នៅផ្នែកខាងក្រោមនៃសារបង្ហោះ ឆ្លើយតបនឹងការអធិប្បាយអបអរសាទរពីអ្នកតាមដានរបស់គាត់ អ្នកជំនួញវ័យ ៣៨ ឆ្នាំរូបនេះបានឆ្លើយតបថា “អរគុណ! ខ្ញុំមិនគិតថាខ្ញុំបានបញ្ចប់ ៥km ក្នុងរយៈពេលតិចជាង ២០ នាទីនោះទេ។
នៅក្នុងការអត្ថាធិប្បាយផ្សេងទៀត នាយកប្រតិបត្តិ Meta បានបង្ហាញថាគាត់បានសម្រាកពីការរត់ ហើយថ្មីៗនេះលំហាត់ប្រាណនៃការរត់បានជួយឱ្យគាត់ពង្រឹងកាយសម្បទា ដោយហេតុនេះអាចសម្រេចបាននូវគោលដៅរបស់គាត់នៅពេលចូលរួមកម្មវិធី Stanford Medicine MyHeart Counts ។ គាត់បានសរសេរថា “ខ្ញុំបានឈប់រត់មួយរយៈ ហើយកាន់តែរឹងមាំ អរគុណចំពោះ MMA ។ បន្ទាប់មកខ្ញុំនឹងចាប់ផ្តើមរត់ប្រហែលមួយខែមុនការប្រកួត ហើយខ្ញុំដឹងថាការរត់របស់ខ្ញុំលឿនជាងពីមុន”៕
ប្រភព៖vnexpress