តំបន់អាស៊ីអាគ្នេយ៍ គឺជាដំបន់ដែលស្ថិតនៅចំទីប្រសព្វដែលត្រូវឆ្លងកាត់រវាងមហាសមុទ្រពីរ គឺមហាសមុទ្រឥណ្ឌា និងមហាសមុទ្រប៉ាស៊ីហ្វិក។ តាំងពីដើមទីមក តំបន់នេះក៏ជាចំណុចឆ្លងកាត់នៃវប្បធម៌ធំ២ផងដែរ គឺចិន និងឥណ្ឌា ហើយដំណាក់កាលក្រោយៗមកទៀតវប្បធម៌ឥស្លាម និងបស្ចិមលោក ក៏បានជ្រាបចូលជាហូរហែរ ដែលធ្វើឱ្យទីនេះក្លាយជាចំណុចទាក់ទាញផ្នែកវប្បធម៌ នឹងកាន់តែពិសេសជាងនេះទៅទៀត គឺភាពចម្រុះ។
ភាពចម្រុះទាំងជាតិពន្ធុ វប្បធម៌ ប្រពៃណីទំនៀមទំទំលាប់ សាសនា ភាសា … សូម្បីតែទីតាំងភូមិសាស្រ្តក៏ចែកជាពីរ គឺដីគោក (កម្ពុជា វៀតណាម ឡាវ ថៃ មីយ៉ាន់ម៉ា) និងដីកោះ (សិង្ហបុរី ម៉ាឡេស៊ី ឥណ្ឌូនេស៊ី ហ្វីលីពីន ប្រ៊ុយណេ ទីម័រខាងកើត)។
ភាពចម្រុះនេះហើយ ដែលធ្វើឱ្យដំបន់នេះក្លាយជាចំណុចទាក់ទាញអ្នកទស្សនាជុំវិញពិភលោក ចង់មកឃើញនិងស្វែងយល់ពីទីតាំងមួយចំនួនដែលកំពុងតែមានភាពល្បីរន្ទឺ និងទាក់ទាញបំផុត។ ដូច្នេះហើយខាងក្រោមនេះគឺជាប្រទេសទាំង១០នៃអាស៊ានដែលមានប្រាសាទបុរាណដ៏ទាក់ទាញជាងគេ៖

១.ប្រាសាទអង្គរវត្ត (Angkor Wat) ប្រទេសកម្ពុជា២.ប្រាសាទបុរោពុទ្ធោ (Borobudur) ប្រទេសឥណ្ឌូណេស៊ី៣.ក្រុមប្រាសាទបាកាន (Bagan) ប្រទេសមីយ៉ាន់ម៉ា៤.រាជវាំងក្រុងវ៉េ (Huế) ប្រទេសវៀតណាម៥. ទ្វារជ័យ (Patuxai) ប្រទេសឡាវ៦.វិហារឥស្លាម (Sultan Salahuddin Abdul Aziz mosque) ប្រទេសម៉ាឡេស៊ី៧.វត្តអរុណ (Wat Arun) ប្រទេសថៃ៨.វិហារឥស្លាម (Masjid kampong Pandan mosque) ប្រទេសព្រុយណេ៩.បដិមាសីហមច្ឆា (Merlion) ប្រទេសសិង្ហបុរី១០.វិហារកាតូលិកវីកាន់ (Vigan cathedral) ប្រទេសហ្វីលីពីន៕

ប្រទេសប្រេស៊ីល ៖ ប្រធានា ធិបតី ប្រេស៊ីល លោក លូឡា ដាស៊ីលវ៉ា បានប្រកាស ក្នុងថ្ងៃទិវាពលកម្មពិភព លោកត្រូវនឹង ថ្ងៃទី១ ខែឧសភាថា លោកនឹងដំឡើងថ្លៃប្រាក់ឈ្នួលកម្រិតទាបព្រមទាំងមិនយកពន្ធពីអ្នក មានប្រាក់ចំណូលទាបផងដែរ។

មេដឹកនាំប្រទេសប្រេស៊ីលរូបនេះថ្លែងថាចាប់តាំងពីថ្ងៃ ទី ១ ខែ ឧសភា ឆ្នាំ ២០២៣អត្រាប្រាក់ឈ្នួលកម្រិតទាបនឹង ត្រូវ បានដំឡើងពី ១.៣០២ រៀល ទៅ ១.៣២០រៀល ។ ចំនួនប្រាក់ ចំណូលពលរដ្ឋដែលកាលពីមុនស្មើ១.៩០៣ រៀល ក្នុង ១ ខែ ដែល ចំនួននេះមិនបាច់បង់ពន្ធហើយគេបានអនុវត្តតាំងពីឆ្នាំ២០១៥ មកនោះ បច្ចុប្បន្ន គេនឹងកំណត់ចំនួនប្រាក់ថ្មីស្មើ២.៦៤០ រៀល ក្នុង១ខែមិនបាច់បង់ពន្ធ ។

លោកលូឡាដាស៊ីលវ៉ាបានបញ្ជាក់ថាលោកនឹងជំរុញ ឱ្យអ្នកមានប្រាក់ចំណូល ស្មើ៥.០០០ រៀល ក្នុង ១ ខែមិនចាំបាច់បង់ ពន្ធ។ លោកនឹងជំរុញវិធានការណ៍បង់ពន្ធនេះបន្តិចម្តងៗក្នុង អំឡុងពេលលោកកាន់តំណែងជាមេដឹកនាំប្រេស៊ីលដែលលោកនឹងត្រូវបញ្ចប់អាណត្តិ នៅរយៈពេល៣ឆ្នាំខាងមុខ ។

លោកបញ្ជាក់ទៀតថារដ្ឋាភិបាល នឹងជំរុញច្បាប់នេះទៅកាន់សភាតំណាងរាស្ត្រដើម្បីពិចារណាឱ្យមានការ ផ្លាស់ប្តូរ ប្រាក់ឈ្នួលកម្រិតទាបខ្ពស់ជាងអតិផរណា ។ លើសពីនេះវាជាលើកដំបូងផងដែរដែលរដ្ឋាភិបាលនឹងជំរុញឱ្យស្ត្រីនិងបុរសទទួលបានប្រាក់ឈ្នួលស្មើគ្នា ខណៈពួកគេធ្វើការងារដូចគ្នា ៕ ប្រភព ៖ TNN World

ថ្វីបើការបើកព្រឹត្តិការណ៍សុីហ្គេមនឹងសល់២ថ្ងៃទៀតក្តី តែចាប់ពីថ្ងៃទី២៩មេសា មក មានកីឡាមួយចំនួនបានចាប់ផ្តើមយុទ្ធនាការដណ្តើមមេដាយ ជាបណ្តើរៗហើយ ដោយម្សិលមិញនេះ ម្ចាស់មេដាយមាសដំបូងគេនៅក្នុងព្រឹត្តិការណ៍សុីហ្គេម២០២៣ក៏បានរកឃើញហើយផងដែរ។

​កីឡា​ការិនី​របស់​វៀតណាម Pham Thanh Phuong Thao និង Ton Nu Hong An បាន​ក្លាយ​ជា​អត្តពលិក​ឈ្នះ​មេដាយ​មាស​ដំបូង​ក្នុង​ព្រឹត្តិការណ៍​ស៊ីហ្គេម​លើក​ទី​៣២​នៅ​កម្ពុជា។ ពួក​គេ​ទទួល​បាន​ជ័យជម្នះ​លើ​ប្រភេទ​កីឡា​​អុកចត្រង្គ​វិញ្ញាសា​ Women’s Double រយៈពេល​៦០​នាទី​កាល​ពី​ម្សិលមិញ។

ចំពោះវិញ្ញាសារ​អុកចត្រង្គ​នេះបែកចែកជា៧ប្រភេទ៖

• Men’s Singles រយៈពេល​៥​នាទី
• Men’s Singles រយៈពេល​៦០​នាទី
• Men’s Doubles រយៈពេល​៦០​នាទី
• Men’s Triples រយៈពេល​៦០​នាទី
• Men’s Quadruples រយៈពេល​៦០​នាទី
• Women’s Singles រយៈពេល​៦០​នាទី
• Women’s Double រយៈពេល​៦០​នាទី

សូមរំលឹកផងដែរថា ព្រឹត្តិការណ៍ផ្លូវការរបស់សុីហ្គេមនឹងចាប់ផ្តើមពិធីបើករបស់ខ្លួនចាប់ពីថ្ងៃទី៥ ខែឧសភា ដល់ថ្ងៃទី១៧ ខែឧសភា ឆ្នាំ២០២៣៕

ឧទ្យានជាតិគីរីរម្យ គឺជាតំបន់ធម្មជាតិដ៏មានភាពទាក់ទាញពីប្រជាជនខ្មែរ ព្រោះនៅទីនោះសម្បូរដោយកន្លែងធម្មជាតិស្អាតៗ សម្រាប់មនុស្សដែលចូលចិត្តផ្សងព្រេង និងបោះតង់ជាដើម។

ឧទ្យានជាតិណេះយស្ថិតនៅក្នុង ភូមិដំរីផុង ឃុំគិរីរម្យ ស្រុកភ្នំស្រួច ខេត្តកំពង់ស្ពឺ ដែលមានចម្ងាយ១១២គីឡូម៉ែត្រ ពីរាជធានីភ្នំពេញ ដោយភ្ញៀវទេសចរណ៍ត្រូវធ្វើដំណើរតាមបណ្តោយផ្លូវជាតិលេខ៤ ទៅកាន់ក្រុងព្រះសីហនុ។

ឧទ្យានជាតិគីរីរម្យ ត្រូវបានគេទទួលស្គាល់ថាជាកន្លែងសម្រាប់លេងកម្សាន្ត និងជាទីកន្លែងបោះតង់ដ៏ពេញនិយមបំផុតមួយនៅក្នុងប្រទេសយើងផងដែរ។

បឹងចំការតែគីរីរម្យ គឺជាកន្លែងដ៏ស្រស់ស្អាតបំផុតមួយនៃឧទ្យានជាតិគីរីរម្យ ដែលសម្បូរភ្ញៀវទេសចរណ៍ទៅបោះតង់ និងផ្សងព្រេងនៅទីនោះ។ បឹងចំការតែ ស្ថិតនៅឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ មានចម្ងាយប្រហែល ៦៤គីឡូម៉ែត្រពីវិមានឯករាជ្យកំពង់ស្ពឺ។ បើនិយាយពីទេសភាពវិញ គឺមានទាំងភ្នំ បឹង នៅជុំវិញដែលមានខ្យល់អាកាសបរិសុទ្ធអាចឱ្យលោកអ្នករំសាយទុក្ខសោក និងភាពហត់នឿយពីការងារបានមួយចំនួនធំដែរ។ នៅបឹងចំការតែ លោកអ្នកអាចស្ទួចត្រី ឡើងភ្នំ លេងទឹក ជិះទូកយ៉ាងសប្បាយរីករាយ។ ម្យ៉ាងទៀត វា មានភាពងាយស្រួលសម្រាប់អ្នកបោះតង់ ព្រោះនៅជិតប្រភពទឹកស្រាប់។

ក្រៅពីបឹងចំការតែ នៅលើភ្នំគីរីរម្យនេះ ក៏មានកន្លែងសម្រាប់សម្រាកកម្សាន្ត បោះតង់ និងលេងទឹកជ្រោះជាច្រើនកន្លែងថែមទៀតផងដែរ ដូចជា៖ ថ្មលយ ជ្រោះផ្តាច់ព្រលឹង និងឧទ្យានបោះតង់គីរីរម្យជាដើម៕

ប្រទេសចិន៖ សាជីវកម្ម Sinopec បានចាប់ផ្តើមខួងអណ្តូងប្រេង Yuejin ៣-៣ ជម្រៅ ៩,៤៧២ ម៉ែត្រនៅក្នុងអាង Tarim តំបន់ស្វយ័ត Xinjiang កាលពីថ្ងៃទី ១ ខែឧសភា។
អណ្តូង Yuejin ៣-៣ នឹងក្លាយជារបកគំហើញដ៏សំខាន់មួយក្នុងការរុករកប្រេង និងឧស្ម័នដ៏ជ្រៅបំផុត ដែលជួយឱ្យចិនជំរុញការផលិតប្រេងឆៅ។ ក្រុមហ៊ុនថាមពលចិន Sinopec រំពឹងថានឹងបញ្ចប់ដំណើរការខួងយករ៉ែក្នុងរយៈពេល ១៧០ ថ្ងៃ។

Yuejin ៣-៣ គឺជាអាងស្តុកប្រេងដ៏ធំបំផុតរបស់ប្រទេសចិន ដែលស្មើនឹងជាង ៦០% នៃធនធានប្រេង និងឧស្ម័នដ៏ជ្រៅបំផុតរបស់ប្រទេសនេះ។ ទោះជាយ៉ាងណាក៏ដោយ នេះក៏ជាកន្លែងពិបាកបំផុតមួយក្នុងការរុករកនៅក្នុងប្រទេសចិនផងដែរ ដោយសារតែទុនបម្រុងប្រេង និងឧស្ម័នស្ថិតនៅជម្រៅពី ៦,០០០ ទៅ ១០,០០០ ម៉ែត្រក្រោមដី។

ដើម្បីជម្នះលក្ខខណ្ឌសីតុណ្ហភាពខ្ពស់ និងសម្ពាធក្នុងជម្រៅជាង ៩,០០០ ម៉ែត្រ ក្រុមហ៊ុន Sinopec បានអភិវឌ្ឍបច្ចេកវិទ្យាខួងរបស់ខ្លួន ដែលធ្វើឱ្យប្រទេសចិនក្លាយជាប្រទេសទីពីរនៅលើពិភពលោកដែលមានសមត្ថភាពខួងអណ្តូងជម្រៅ ១០,០០០ ម៉ែត្រ។ គួរបញ្ជាក់ដែរថា អណ្តូងប្រេងដ៏ជ្រៅបំផុតមួយក្នុងពិភពលោក Z-៤៤ របស់រុស្ស៊ី មានជម្រៅជាង ១២,០០០ ម៉ែត្រក្រោមដី។

លោក Wang Long អ្នកជំនាញនៅវិទ្យាស្ថានស្រាវជ្រាវវិស្វកម្មប្រេង Sinopec បាននិយាយថា តាមរយៈការច្នៃប្រឌិត និងការបំផុសគំនិត យើងបានបង្កើតបច្ចេកវិទ្យាទំនើបដើម្បីរចនាប្រព័ន្ធខួងយករ៉ែ ប្រតិបត្តិការ និងគាំទ្រពួកវានៅក្នុងបរិយាកាសដ៏ស៊ីជម្រៅ និងស្មុគ្រស្មាញ ដោយកត់សម្គាល់ពីរបកគំហើញនៃបច្ចេកវិទ្យាគន្លឹះ ។
លោក Wang បានបន្ថែមថា ពេលវេលាខួងកាលពី ៣ ឆ្នាំមុនគឺ ២៨០ ថ្ងៃ ឥឡូវនេះវាត្រូវបានកាត់បន្ថយមកត្រឹម ៩៧ ថ្ងៃ ទន្ទឹមនឹងនោះ ភាពត្រឹមត្រូវនៃការខួងក៏បានកើនឡើងពី ៦០% ទៅ ៩០%> ប្រភព៖vnexpress