គណៈកម្មាធិការជាតិរៀបចំការប្រកួតកីឡាស៊ីហ្គេម លើកទី៣២ ឆ្នាំ២០២៣ (CAMSOC) បានប្រកាសបដិសេធចំពោះព័ត៌មានក្លែងក្លាយ ដែលកំពុងផ្សព្វផ្សាយខុសពីគោលការណ៍ណែនាំរបស់ខ្លួន ពាក់ព័ន្ធនឹងបណ្ណចូលទស្សនាពិធីបិទព្រឹត្តិការណ៍ស៊ីហ្គេម លើកទី៣២ នាថ្ងៃទី១៧ ខែឧសភា ឆ្នាំ២០២៣ ដោយបានលើកឡើងថា «ដោយសារអ្នកក្លែង pass កាលថ្ងៃ បើកជាង 2000នាក់ យើងខ្ញុំសូមជំរាប ជូនថា ថ្ងៃបិទបើចាប់បានបុគ្គលណា យក pass ទៅcopyបន្លំចាប់បាន គឺ ផាកពិន័យ2លានរៀលនឹងយកទៅឃុំ24h សូមshare ព័ត៌មាននេះ ផង សូមអរគុណ»។

យោងតាមមន្ដ្រីជាន់ខ្ពស់ CAMSOC បានបញ្ជាក់ថា «គណៈកម្មាធិការជាតិ CAMSOC សូមបដិសេធទាំងស្រុង រាល់ព័ត៌មានក្លែងក្លាយនានា ក្នុងចលនាបំពុលសង្គមដែលកំពុងផ្សព្វផ្សាយខុសពីគោលការណ៍ណែនាំរបស់គណៈកម្មាធិការជាតិ CAMSOC ។ អ្នកដែលបង្កបញ្ហា និងបំពុលសង្គមនេះ នឹងត្រូវផ្ដន្ទាទោសតាមផ្លូវច្បាប់ ហើយអ្នកពាក់ព័ន្ធទាំងអស់ នឹងត្រូវទទួលខុសត្រូវចំពោះមុខច្បាប់» ។
ជាមួយគ្នានេះ CAMSOC បានអំពាវនាវឱ្យប្រជាពលរដ្ឋប្រុងប្រយ័ត្នទៅលើប្រភពព័ត៌មានណា ដែលមិនផ្លូវការ បង្កាច់បង្ខូច ឬធ្វើឱ្យខូចដល់បរិយាកាសដល់ជោគជ័យ និងអស្ចារ្យរបស់ព្រឹត្តិការណ៍ស៊ីហ្គេមជាប្រវត្តិសាស្ដ្រលើកដំបូងនៅកម្ពុជា។

គួរបញ្ជាក់ថា ពិធីបិទជាផ្លូវការព្រឹត្តិការណ៍កីឡាអាស៊ីអាគ្នេយ៍លើកទី៣២ ឆ្នាំ២០២៣ ប្រព្រឹត្តឡើងក្រោមអធិបតីភាពដ៏ខ្ពង់ខ្ពស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន នៅថ្ងៃទី១៧ ខែឧសភា ឆ្នាំ២០២៣ នៅពហុកីឡដ្ឋានជាតិមរតកតេជោ៕

តាមសាចារណែនាំពីក្រសួងទេសចរណ៍អនុម័តដោយរដ្ឋមន្រ្តីឯកឧត្តម ថោន ខុន បានឱ្យដឹងថា រយៈពេល២ថ្ងៃគឺ ថ្ងៃទី២២ និងថ្ងៃទី២៣ ខែកក្កដា ឆ្នាំ២០២៣ មួយថ្ងៃមុនថ្ងៃបោះឆ្នោត និងថ្ងៃបោះឆ្នោតជ្រើសតាំងតំណាងរាស្ត្រ នីតិកាលទី៧ ឆ្នាំ២០២៣ ផ្អាកការលក់ដូរ និងពិសាគ្រឿងស្រវឹង។

អនុលោមតាមច្បាប់ បទបញ្ជា និងនីតិវិធីសម្រាប់ការបោះឆ្នោតជ្រើសតាំងតំណាងរាស្ត្រ និងដើម្បីឱ្យដំណើរការ បោះឆ្នោតជ្រើសតាំងតំណាងរាស្ត្រ នីតិកាលទី៧ ឆ្នាំ២០២៣ ដែលប្រទេសកម្ពុជា បានកំណត់រៀបចំធ្វើនៅ ថ្ងៃទី២៣ ខែកក្កដា ឆ្នាំ២០២៣ ប្រព្រឹត្តទៅដោយសេរី ត្រឹមត្រូវ និងយុត្តិធម៌ គ្មានអំពើហិង្សា គ្មានការគំរាមកំហែង គ្មានការ បំភិតបំភ័យ និងគ្មានបាតុភាពនានា ដែលអាចកើតមានឡើងដោយសារតែការពិសាគ្រឿងស្រវឹងនោះ ក្រសួងទេសចរណ៍ សូមធ្វើការណែនាំដូចខាងក្រោម៖

១. ម្ចាស់ ឬអ្នកគ្រប់គ្រងអាជីវកម្មខារ៉ាអូខេ (KTV) ក្លឹបកម្សាន្ត រង្គសាល-ឌីស្កូតែក និងបៀរហ្គាឌិន នៅទូទាំង រាជធានីខេត្ត ត្រូវផ្អាកសកម្មភាពអាជីវកម្មរយៈពេល ០២(ពីរ) ថ្ងៃ គឺថ្ងៃទី២២ នឹងថ្ងៃទី២៣ ខែកក្កដា ឆ្នាំ២០២៣។
២. ម្ចាស់ ឬអ្នកគ្រប់គ្រងអាជីវកម្មសេវាកម្មទេសចរណ៍ទាំងអស់ដែលផ្តល់សេវាកម្មម្ហូបអាហារត្រូវផ្អាកសកម្មភាព ការលក់ដូរគ្រឿងស្រវឹងរយៈពេល ០២ (ពីរ) ថ្ងៃ គឺថ្ងៃទី២២ និងថ្ងៃទី២៣ ខែកក្កដាំ ឆ្នាំ២០២៣។
៣. ប្រធានមន្ទីរទេសចរណ៍រាជធានីខេត្ត ត្រូវចុះធ្វើការផ្សព្វផ្សាយ និងអប់រំណែនាំដល់ម្ចាស់ ឬអ្នកគ្រប់គ្រង អាជីវកម្មសេវាកម្មទេសចរណ៍ខាងលើឱ្យអនុវត្តតាមសារាចរណែនាំនេះឱ្យមានប្រសិទ្ឋភាព និងមានការទទួល ខុសត្រូវខ្ពស់ ដើម្បីរួមចំណែកទប់ស្កាត់អំពើហិង្សា ការគំរាមកំហែង ការបំភិតបំភ័យ គ្រោះថ្នាក់ចរាចរណ៍ គ្រោះថ្នាក់សង្គម និងបាតុភាពនានាដែលអាចបណ្ដាលមកពីការពិសាគ្រឿងស្រវឹងគ្រប់ប្រភេទ។

គួរបញ្ជាក់ផងដែរថា គិតមកទល់ពេលនេះគណៈកម្មាធិការជាតិរៀបចំការបោះឆ្នោត (គ.ជ.ប) បានប្រកាសទទួលស្គាល់ជាផ្លូវការ ការចុះបញ្ជីគណបក្សនយោបាយឈរឈ្មោះបោះឆ្នោតមានដូចជា៖
១. គណបក្សប្រជាជនកម្ពុជា ២. គណបក្សសញ្ជាតិកម្ពុជា ៣. គណបក្សកម្លាំងប្រជាធិបតេយ្យ ៤. គណបក្សខ្មែររួបរួមជាតិ ៥. គណបក្សធម្មាធិបតេយ្យ ៦. គណបក្សយុវជនកម្ពុជា ៧. គណបក្សខ្មែរតែមួយ ៨. គណបក្សខ្មែរអភិរក្ស ៩. គណបក្សហ៊្វុនស៊ិនប៉ិច ១០. គណបក្សបំណងពលរដ្ឋ ១១. គណបក្សសំបុកឃ្មុំសង្គមប្រជាធិបតេយ្យ ១២. គណបក្សប្រជាធិបតេយ្យមូលដ្ឋាន ១៣. គណបក្សឯកភាពជាតិខ្មែរ ១៤. គណបក្សជនជាតិដើមប្រជាធិបតេយ្យកម្ពុជា ១៥. គណបក្សខ្មែរអភិវឌ្ឍន៍សេដ្ឋកិច្ច ១៦. គណបក្សស្ត្រីដើម្បីស្ត្រី ១៧ .គណបក្សកសិករ ៕

ម្ចាស់មេដាយមាសសុីហ្គេមឆ្នាំ២០២៣ លើវិញ្ញាសារប៊ីយ៉ាការ៉ុម និងស្នូកឃ័រ កីឡាការនី​ស្រួង ភាវី​ នឹងយកថវិការដែលបានមកពីការឈ្នះព្រឹត្តិការណ៍សុីហ្គេមទៅបរិច្ចាកជួយដល់កុមារកម្ពុជា ដែលកំពុងត្រូវការទីពឹង។

កីឡាការនីរូបនេះ បានបង្ហោះសារតាមបណ្តាញសង្គមហ្វេកប៊ុកថា៖”

និងផ្តល់នូវសេចក្តីស្រឡាញ់គ្រប់ពេលវេលា

ប្រទេសចិន ៖ កសិដ្ឋានចម្រាញ់ទឹកដោះគោមួយកន្លែងនៅតំបន់ស្វយ័ត Ningxia Hui ប្រទេសចិន បានប្រើប្រាស់បច្ចេកវិទ្យាទំនើបក្នុងការរឹតយកទឹកដោះពីសត្វគោដោយស្វ័យប្រវត្តិ ។ អ្នកធ្វើការក្នុងកសិដ្ឋាននេះប្រាប់ថា វាអាចកាត់បន្ថយការប្រើប្រាស់កម្លាំងមនុស្ស និងបង្កើនប្រសិទ្ធភាពក្នុងការប្រមូលទឹកដោះគោបានឆាប់រហ័សជាងមុន ។

លើសពីនេះ គេអាចប្រើប្រាស់ម៉ាស៊ីនស្វ័យប្រវត្តិនេះដើម្បីរឹតទឹកដោះគោនៅពេលយប់បានទៀតផង ហើយសត្វគោទាំងឡាយនឹងត្រូវបានគេរុញបញ្ចូលទៅក្នុងកន្លែងរឹតទឹកដោះ បន្ទាប់មក គ្រឿងម៉ាស៊ីនទំនើបនឹងធ្វើការដោយស្វ័យប្រវត្តិ ។

បើតាមអ្នកធ្វើការក្នុងកសិដ្ឋាននេះនិយាយថា ម៉ាស៊ីនរឹតទឹកដោះទំនើបនេះអាចរឹតទឹកដោះពីសត្វគោចំនួន៣២ក្បាល ដោយប្រើប្រាស់រយៈពេលត្រឹមតែ៦នាទីប៉ុណ្ណោះ ។ ម៉ាស៊ីននេះអាចធ្វើការជំនួសកម្លាំងមនុស្សចំនួន២០០នាក់ ហើយវាក៏ជួយកាត់បន្ថយហានិភ័យដោយសារការចម្លងជំងឺផ្សេងៗផងដែរ ។

ជាមួយគ្នានេះ អ្នកចិញ្ចឹមគោទាំងអស់អាចតាមដានព័ត៌មានរបស់គោនីមួយៗ និងទឹកដោះគោដែលបានឆ្លងកាត់ការប្រើប្រាស់ឧបករណ៍ត្រឹមត្រូវ ដើម្បីឱ្យមានទំនុកចិត្តទៅលើសុខភាពគោ និងគុណភាពទឹកដោះគោ ។

សមាគមឧស្សាហកម្មទឹកដោះគោចិនបញ្ជាក់ថា កាលពីឆ្នាំ២០២២ កន្លងមក ប្រទេសចិនបានផលិតទឹកដោះគោឆៅរហូតដល់៤០លានតោនឯណោះ ហើយនេះជាចំនួនខ្ពស់បំផុតនៅក្នុងប្រវត្តិសាស្ត្រ ៕ ប្រភព ៖ China Face

នៅក្នុងកម្មវិធីបើកព្រឹត្តិការណ៍ស៊ីហ្គេមជាផ្លូវការកាលពីថ្ងៃទី៥ ខែឧសភា គេសង្កេតឃើញថាមានវត្តមានសិល្បករ សិល្បការិនី ជាច្រើននាក់ចូលរួម ប៉ុន្តែប្លែកអីតែមិនឃើញវត្តមានតារាចម្រៀងដ៏ល្បី សុខ ពិសី ចូលរួមដែលធ្វើឱ្យអ្នកគាំទ្ររបស់តារាចម្រៀងរូបនេះបង្ហាញការសោកស្តាយផងដែរ ព្រោះមានបណ្តាផលិតកម្មផ្សេងៗចូលរួម តែអវត្តមានតារាចម្រៀងផលិតកម្មសាន់ដេ។

យ៉ាងណាមិញ នៅយប់ថ្ងៃទី១៥ ខែឧសភា តារាចម្រៀងជួរមុខរបស់ផលិតកម្មសាន់ដេ កញ្ញា សុខ ពិសី បានបង្ហាញពីរូបភាពហាត់សមសម្រាប់ថ្ងៃបិទព្រឹត្តិការណ៍ស៊ីហ្គេម ដោយក្នុងរូបភាពនោះក៏បង្ហាញពីតារាចម្រៀង ឆាយ វីរៈយុទ្ធ ដូចគ្នា ដែរមានន័យថាអ្នកទាំងពីរអាចនឹងសម្តែងពិសេសនៅក្នុងកម្មវិធីខាងលើ។

មិនត្រឹមតែបង្ហាញពីរូបភាពដែលមានឱកាសសម្តែងចូលរួមក្នុងកម្មវិធីបិទជាផ្លូវការព្រឹត្តិការណ៍ស៊ីហ្គេម សុខ ពិសី ក៏បានបង្ហាញចំណាប់របស់ខ្លួនដែរថា «ពិតជាមានមោទនភាពដែលបានកើតជាកូនខ្មែរ មកហាត់សមសម្រាប់ថ្ងៃបិទស៊ីហ្គេមថ្ងៃទី ១៧»។ យ៉ាងណាមិញតារាចម្រៀងរូបនេះមិនបានបញ្ជាក់ទេថា នាងនឹងជ្រើសរើសបទណាមកចូលរួមសម្តែងឡើយនៅក្នុងព្រឹត្តិការណ៍ដ៏ពិសេសនេះ។

គួរបញ្ជាក់ថា មិនត្រឹមជាតារាចម្រៀងជួរមុខរបស់ផលិតកម្មសាន់ដេ តែប៉ុណ្ណោះទេ តែ សុខ ពិសី ក៏ជាម្ចាស់ជំនួញម្នាក់ផងដែរ ខណៈថ្មីៗនេះ សុខ ពិសី បានផ្លាស់ប្តូរស្ទាយចម្រៀងចេញបទមនុស្សស្រីស្រលាញ់មនុស្សស្រីផងដែរជាមួយតារាចម្រៀងចំណូលថ្មីរបស់ផលិតកម្មសាន់ដេ គឺកញ្ញា ពុទ្ធិកា៕