អុញនោះ លោកនាយករដ្ឋមន្ត្រីថៃភ័យខ្លាចការពិតនឹងត្រូវបានបង្ហាញហើយ ការពិតនេះនឹងធ្វើឱ្យប្រទេសថៃទាំងមូលខ្មាស់អន្តរជាតិ ខ្មាស់ជាតិថៃខ្លួនឯង ដែលមានមេដឹកនាំចូលចិត្តកុហក ក៏ព្រោះតែការកុហក ល្មោភសង្គ្រា.ម ចង់កាន់អំណាចបន្តទៀត បានប្រើប្រាស់សង្គ្រា.មទាមទារយកល្បី មិនស្តាយជីវិតជនស្លូតត្រង់នៅតាមសមរភូមិ ។

ជាការអះអាងឆ្លើយតបនឹងប្រធានប្តូរវេនអាស៊ាន នាយករដ្ឋមន្ត្រីម៉ាឡេស៊ី លោក Anwar Ibrahim, ប្រធានាធិបតីអាមេរិក លោក Donald Trump និងនាយករដ្ឋមន្ត្រីកម្ពុជា សម្តេចមហាបវរធិបតី ហ៊ុន ម៉ាណែត កាលពីថ្ងៃទី១២ ខែធ្នូ កន្លងទៅថ្មីៗនេះ ដោយភាគីទាំងអស់បានឯកភាពយករូបភាពផ្កាយរណបដែលបានថតអំឡុងពេល និងក្រោយពេលនោះរយៈពេល២៤ម៉ោង ដើម្បីផ្ទៀងផ្ទាត់ថា តើភាគីណាបាញ់មុន ។ វិធីសាស្ត្រនេះអាចជាវិធីសាស្ត្រងាយស្រួល និងមានតម្លាភាពបំផុតក្នុងការផ្ទៀងផ្ទាត់ហេតុការណ៍នេះ ហើយកម្ពុជាត្រៀមខ្លួនសហការក្នុងករណីមានតម្រូវការ គឺលើកលែងតែថៃដែលមិនគាំទ្រ ថែមទាំងបាននិយាយថា អន្តរជាតិគ្មានសិទ្ធិយករូបភាពតាមរយៈផ្កាយរណប មកបង្ហាញផ្ទៀងផ្ទាត់ប្រតិបត្តិការរបស់កងទ័ពថៃឡើយ ។ សំណួរសួរថា តើថៃខ្លាចអ្វី បើមាស មិនគួរខ្លាចភ្លើងឡើយ?

មេដឹកនាំថៃបានចោទប្រកាន់កម្ពុជាបា.ញ់មុនបណ្តាលឱ្យផ្ទុះសង្គ្រាមជាថ្មី រីឯថៃប្រើប្រាស់សិទ្ធិការពារខ្លួន ការពារអធិបតេយ្យ និងពលរដ្ឋ ទាំងដែលការពិត ភាគីថៃបា.ញ់ប្រ.ហារមុនមកលើកម្ពុជា ថែមទាំងប្រើប្រាស់សព្វាវុ.ធគ្រប់ប្រភេទ យន្តហោះទម្លាក់គ្រាប់បែ.ក បំផ្លិចបំផ្លា.ញហេដ្ឋារចនាសម្ព័ន្ធកម្ពុជាយ៉ាងច្រើន ។ ការវាយប្រ.ហារយ៉ាងធ្ងន់ធ្ងរពីសំណាក់កងទ័ពថៃ មិនមែនការពារខ្លួនដូចមេដឹកនាំថៃនិយាយទេ គឺជាសង្គ្រា.មឈ្លានពា.នទឹកដីកម្ពុជាយ៉ាងច្បាស់ក្រឡែត ពីព្រោះពេលប្រធានអាស៊ានកំណត់ថ្ងៃទី១៦ ខែធ្នូ ឆ្នាំ២០២៥ ជាថ្ងៃបើកផ្កាយរណបមើលថាតើភាគីណាបា.ញ់មុន ក្នុងកិច្ចប្រជុំក្រុមអ្នកសង្កេតការណ៍អាស៊ាន (AOT) បែរជាថៃសុំពន្យារពេល ។

គិតត្រឹមថ្ងៃទី១៨ ខែធ្នូ ឆ្នាំ២០២៥ មានរយៈពេល១២ថ្ងៃហើយដែលកងទ័ពថៃបានបើកការវាយប្រ.ហារឈ្លានពា.នមកលើដែនអធិបតេយ្យកម្ពុជា ខណៈវីរកងទ័ពកម្ពុជាប្រើប្រាស់សិទ្ធិការពារខ្លួនតបតវិញដើម្បីការពារបូរណភាពទឹកដី និងអាយុជីវិតពលរដ្ឋ ។ សង្គ្រា.មលើកទី២បង្កឡើងដោយកងទ័ពថៃបានអូសបន្លាយពេលយូរជាងសង្គ្រាមលើកទី១កាលពីខែកក្កដា ហើយសង្គ្រា.មលើកនេះមានការជួយសម្របសម្រួលជាថ្មីពីម៉ាឡេស៊ីជាប្រធានអាស៊ាន មហាអំណាចអាមេរិក និងមហាអំណាចចិន ប៉ុន្តែត្រូវបានមេដឹកនាំថៃទាត់ចោលការសម្របសម្រួល និងរិះគ.ន់ការបង្ហាញរូបភាពភស្តុតាងពីផ្កាយរណប ពីព្រោះខ្លាចពិភពលោកដឹងការពិតថា កងទ័ពថៃបា.ញ់មុន ។

សង្គ្រាមឈ្លានពានពីសំណាក់កងទ័ពថៃដ៏គឃ្លើនដែលកំពុងបន្តកើតឡើងឥតឈប់ឈរ គឺជាការរំលោភបំពានយ៉ាងធ្ងន់ធ្ងរបំផុតមកលើដែនអធិបតេយ្យ និងបូរណភាពទឹកដីរបស់កម្ពុជា ព្រមទាំងបំពានច្បាប់អន្តរជាតិ ធម្មនុញ្ញអង្គការសហប្រជាជាតិ ធម្មនុញ្ញអាស៊ាន និងស្មារតីនៃសហគមន៍អាស៊ាន ដែលជាការគំរាមកំហែងយ៉ាងធ្ងន់ធ្ងរដល់សន្តិសុខ សណ្តាប់ធ្នាប់តំបន់ និងសកល ។ សង្គ្រាមរវាងកម្ពុជា-ថៃពេលនេះ មិនមែនជាសង្គ្រាមព្រំដែនទេ ប៉ុន្តែជាការឈ្លានពានទឹកដីកម្ពុជា ដោយការប្រើប្រាស់យន្តហោះទម្លាក់គ្រាប់បែកចូលក្នុងទឹកដីកម្ពុជាកាន់តែជ្រៅ ។

ប្រធានអាស៊ានបានកំណត់ថ្ងៃទី១៦ ខែធ្នូ ឆ្នាំ២០២៥ គឺជាថ្ងៃបើកផ្កាយរណបមើលថា តើភាគីណាបាញ់មុនក្នុងកិច្ចប្រជុំក្រុមអ្នកសង្កេតការណ៍អាស៊ាន (AOT) ប៉ុន្តែត្រូវភាគីថៃសុំពន្យារពេលកិច្ចប្រជុំ ពីព្រោះខ្លាចពិភពលោកដឹងការពិតថា កងទ័ពថៃបា.ញ់មុន ហើយនាយករដ្ឋមន្ត្រីថៃចាំផ្ទះ លោក Anutin ថា គ្មានអ្នកណាមានសិទ្ធិបើករូបភាពភស្តុតាងពីផ្កាយរណបទម្លាក់កំហុសមកលើកងទ័ពថៃទេ ។ នេះជាភាពរឹងរូសរបស់លោក Anutin ហើយសង្គ្រាមនេះ បើមហាអំណាចនានាមិនលូកដៃ, អង្គការសហប្រជាជាតិ និងអាស៊ានមិនបញ្ចប់ទេ ថៃនៅតែរករឿងបង្កជម្លោះបន្តចោទប្រកាន់កម្ពុជាគ្មានថ្ងៃបញ្ចប់ ។

ពេលផ្តល់សម្ភាសន៍ក្នុងកម្មវិធីមួយកាលពីថ្ងៃទី១៥ ខែធ្នូ កន្លងមក លោក Anutin បដិសេធមិនគាំទ្រការបង្ហាញរូបភាពភស្តុតាងពីផ្កាយរណបរបស់ប្រទេសណាទាំងអស់ និងនិយាយកុហកថា កងទ័ពថៃមិនបានបាញ់មុន មិនបានឈ្លានពាន និងបង្កហេតុឡើយ តើមានសិទ្ធិអ្វីចង់យកផ្កាយរណបអាមេរិកមកបង្ហាញប្រតិបត្តិការរបស់កងទ័ពថៃ ។ លោកថែមទាំងចោទប្រកាន់កម្ពុជាបង្កសង្គ្រាមមុនទៅវិញ ទាំងដែលការពិត សង្គ្រាមនេះបង្កឡើងដោយរដ្ឋាភិបាលថៃរៀបចំផែនការជាមុនជាមួយកងទ័ពដើម្បីទទួលផលប្រយោជន៍នយោបាយ រកសំឡេងគាំទ្រពីពលរដ្ឋសម្រាប់ការបោះឆ្នោតនៅខែកុម្ភៈ ឆ្នាំ២០២៦ ។

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជាបានពិភាក្សាតាមទូរស័ព្ទជាមួយនាយករដ្ឋមន្ត្រីម៉ាឡេស៊ី លោក Anwar Ibrahim កាលពីថ្ងៃទី១១ ខែធ្នូ និងពិភាក្សាជាមួយប្រធានាធិបតីអាមេរិក លោក Donald Trump កាលពីថ្ងៃទី១២ ខែធ្នូ ដើម្បីស្វែងរកវិធីឱ្យមានបទឈប់បាញ់រវាងកម្ពុជា-ថៃ ហើយឱ្យភាគីទាំងពីរវិលត្រឡប់ទៅអនុវត្តសេចក្តីថ្លែងការណ៍រួមទីក្រុងគូឡាឡាំពួរ ។ សម្តេចបញ្ជាក់ថា ចំពោះហេតុការណ៍បាញ់ប្រហារកាលពីរសៀលថ្ងៃទី៧ ខែធ្នូ ដែលបណ្តាលឱ្យមានការផ្ទុះអាវុធជាថ្មីរវាងប្រទេសទាំងពីរ កងទ័ព ឬស្ថាប័នជំនាញរបស់អាមេរិក និងម៉ាឡេស៊ី អាចប្រើសមត្ថភាពប្រមូលព័ត៌មាន ដូចជា ៖ រូបភាពផ្កាយរណបដែលបានថតអំឡុងពេលនោះ និងក្រោយពេលនោះរយៈពេល២៤ម៉ោង ដើម្បីផ្ទៀងផ្ទាត់ថា តើភាគីណាបាញ់មុន ។ វិធីសាស្ត្រនេះអាចជាវិធីសាស្ត្រងាយស្រួល និងមានតម្លាភាពបំផុតក្នុងការផ្ទៀងផ្ទាត់ហេតុការណ៍នេះ កម្ពុជាត្រៀមខ្លួនសហការក្នុងករណីមានតម្រូវការ ។

គួរបញ្ជាក់ថា គិតមកដល់ព្រឹកថ្ងៃទី១៨ ខែធ្នូ កងទ័ពថៃបានបន្តធ្វើសកម្មភាពវាយប្រហារមកលើកម្ពុជានៅយោធភូមិភាគទី៤ ក្នុងភូមិសាស្ត្រប្រាសាទព្រះវិហារ ភ្នំខ្មោច និង៥មករា ខេត្តព្រះវិហារ ដោយការបាញ់ផ្សែងពុល ។ កងកម្លាំងកម្ពុជាបាននិងបន្តឈរជើងយ៉ាងរឹងមាំ ស្វាហាប់ មោះមុត និងនៅតែតស៊ូប្រយុទ្ធយ៉ាងស្វិតស្វាញតតាំងជាមួយសត្រូវឈ្លានពាន និងប្រុងប្រយ័ត្នខ្ពស់ជានិច្ច ក្នុងការបំពេញតួនាទីរបស់ខ្លួនដើម្បីការពារបូរណភាពទឹកដីរបស់កម្ពុជា និងសេចក្តីថ្លៃថ្នូររបស់យើងដោយអង់អាចក្លាហាន ដោយមិនងាករេជាដាច់ខាតទោះក្នុងតម្លៃណាក៏ដោយ ៕

ពិភពលោក និងអង្គការសហប្រជាជាតិចាប់ផ្តើមមើលឃើញពីទង្វើឈ្លានពា.នរបស់កងទ័ពថៃហើយ បន្ទាប់ពីប្រើប្រាស់យន្តហោះចម្បាំង F-16 ទម្លាក់គ្រាប់បែ.កមិនរើសគោលដៅ ជាពិសេស លើតំបន់ជនស៊ីវិលកម្ពុជា ។ នេះជាទង្វើឈ្លានពា.នដែនអធិបតេយ្យស្របច្បាប់របស់កម្ពុជាយ៉ាងគឃ្លើន និងទាត់ចោលការសម្របសម្រួលពីមហាអំណាចនានា ហើយថៃថែមទាំងចោទប្រកាន់ថា តំបន់ទាំងនេះសុទ្ធតែជាទីតាំង Scammer ដែលជាគោលដៅកំទេ.ចដោយយន្តហោះ F-16 ។

កាលពីថ្ងៃទី១៨ ខែធ្នូ ឆ្នាំ២០២៥ ឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្ស (OHCHR) លោក Volker Turk បានបង្ហាញក្តីបារម្ភយ៉ាងខ្លាំងចំពោះសង្គ្រា.មរវាងកម្ពុជានិងថៃដែលអូសបន្លាយយូរថ្ងៃ កាន់តែធ្ងន់ធ្ងរខ្លាំងឡើង ហើយថៃប្រើប្រាស់សព្វាវុ.ធធុនធ្ងន់គ្រប់ប្រភេទ ព្រមទាំងយន្តហោះចម្បាំង F-16 ទម្លាក់គ្រា.ប់បែកមិនរើសគោលដៅ ជាពិសេស លើតំបន់ជនស៊ីវិលកម្ពុជារស់នៅ ។ លោកអំពាវនាវឱ្យថៃបញ្ឈប់ការធ្វើសង្គ្រា.មឈ្លានពានជាបន្ទាន់ ពីព្រោះការទម្លាក់គ្រា.ប់បែករបស់ថៃធ្វើឱ្យជនស៊ីវិលកម្ពុជាមានគ្រោះថ្នា.ក់យ៉ាងខ្លាំង ។

ខ្ញុំភ្ញាក់ផ្អើលណាស់ដែលកងទ័ពថៃបានប្រើប្រាស់យន្តហោះចម្បាំង F-16 ដ្រូន និងកាំភ្លើងធំវាយប្រហារមកលើតំបន់ជនស៊ីវិលកម្ពុជា និងប្រាសាទបុរាណ ។ យោងតាមច្បាប់មនុស្សធម៌អន្តរជាតិបញ្ជាក់យ៉ាងច្បាស់ថា ការការពារជីវិតជនស្លូតត្រង់ និងហេដ្ឋារចនាសម្ព័ន្ធស៊ីវិល គឺមានសារៈសំខាន់ និងចាំបាច់បំផុត ។ នេះបើតាមការលើកឡើងរបស់លោក Volker Turk ឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្ស (OHCHR) ។

លោកបន្តថា រាល់ការវាយប្រហារពីសំណាក់កងទ័ពថៃ ត្រូវតែគោរពតាមគោលការណ៍ជាមូលដ្ឋានដែលចែងក្នុងច្បាប់មនុស្សធម៌អន្តរជាតិ រួមមាន ៖ កំណត់គោលដៅច្បាស់លាស់ ភាពចាំបាច់ និងប្រុងប្រយ័ត្នបំផុត ដើម្បីការពារជីវិតជនស្លូតត្រង់ ប៉ុន្តែកងទ័ពថៃវាយប្រហារមិនរើសគោលដៅឡើយ ។ លោកអំពាវនាវឱ្យបញ្ចប់សង្គ្រាមរវាងកម្ពុជា-ថៃជាបន្ទាន់ និងវិលមកគោរពកិច្ចព្រមព្រៀងសន្តិភាពទីក្រុងគូឡាឡាំពួរ ដោយ OHCHR ត្រៀមខ្លួនរួចរាល់ក្នុងការកសាងទំនុកចិត្ត និងការពារអាយុជីវិតជនស្លូតត្រង់ ។

គួរបញ្ជាក់ថា រហូតមកដល់ព្រឹកថ្ងៃទី១៩ ខែធ្នូ កងទ័ពថៃនៅតែប្រព្រឹត្តទង្វើឈ្លានពានដ៏ឃោរឃៅវាយប្រហារមកលើដែនអធិបតេយ្យកម្ពុជា រួមមាន ៖ តំបន់ជនស៊ីវិល តំបន់បេតិកភណ្ឌ និងហេដ្ឋារចនាសម្ព័ន្ធជាច្រើន ដោយប្រើប្រាស់សព្វាវុធធុនធ្ងន់គ្រប់ប្រភេទ ដូចជា ៖ យន្តហោះចម្បាំង F-16 ទម្លាក់គ្រាប់បែក កាំភ្លើងធំ រថក្រោះ នាវាចម្បាំង គ្រាប់បែកចង្កោម ផ្សែងពុល ដ្រូនទម្លាក់គ្រាប់បែក ដ្រូនពាំក្បាលគ្រាប់ ដ្រូនបាញ់ផ្សែងពុល និងដ្រូនអត្តឃាត ។

បន្ទាប់ពីប្រើប្រាស់យន្តហោះ F-16 ទម្លាក់គ្រាប់បែកលើតំបន់ជនស៊ីវិលកម្ពុជាមិនឈប់ឈរ ភាគីថៃបានចោទប្រកាន់ដើម្បីបិទបាំងកំហុសរបស់ខ្លួនកុំឱ្យរងការស្តីបន្ទោសពីអន្តរជាតិ ថាយន្តហោះ F-16 ទម្លាក់គ្រាប់បែកលើទីតាំងក្រុមឧក្រិដ្ឋកម្មឆ្លងដែនដើម្បីការពារសុវត្ថិភាពពលរដ្ឋខ្លួន ។ លើសពីនេះ សារព័ត៌មានគ្រប់អង្គភាពរបស់ថៃព្យាយាមផ្សាយបំភ្លៃថា កាស៊ីណូនៅតាមព្រំដែនកម្ពុជា សុទ្ធតែជាទីតាំង Scammer ទើបថៃចាំបាច់ត្រូវកំទេច ទាំងដែលការពិត ប្រទេសថៃខ្លួនឯងជាទីតាំងឧក្រិដ្ឋកម្មឆ្លងដែនដ៏ធំបំផុតលើពិភពលោក និងជាកន្លែងជួញដូរមនុស្សឆ្លងដែន ។

កម្ពុជាអំពាវនាវឱ្យភាគីថៃបញ្ឈប់រាល់ការផ្សព្វផ្សាយព័ត៌មានមិនពិតដោយចេតនា ក្នុងគោលដៅបង្វែរការចាប់អារម្មណ៍អំពីការរំលោភបំពានច្បាប់អន្តរជាតិរបស់ខ្លួន ដោយលាបពណ៌កម្ពុជាជាប្រទេសឆបោកអនឡាញ ដើម្បីយកលេសបង្កើនភាពតានតឹងដោយប្រើប្រាស់យន្តហោះ F-16 ទម្លាក់គ្រាប់បែកមិនរើសគោលដៅ ។ ទង្វើរបស់ភាគីថៃគ្រាន់តែបម្រើដល់សកម្មភាពឈ្លានពានលើបូរណភាពទឹកដីស្របច្បាប់របស់កម្ពុជាប៉ុណ្ណោះ ។

កងទ័ពថៃបានធ្វើសកម្មភាពហួសបន្ទាត់ព្រំដែន រំលោភអធិបតេយ្យកម្ពុជាកាន់តែជ្រៅ និងវាយប្រហារតាមទំនើងចិត្ត ដែលធ្វើឱ្យសហគមន៍អន្តរជាតិចាប់ផ្តើមបាត់បង់ការជឿទុកចិត្ត ។ លើសពីនេះ ថៃបានចោទប្រកាន់កម្ពុជាដោយគ្មានភស្តុតាងថា កម្ពុជាជួលពលរដ្ឋរុស្ស៊ីមកជួយក្នុងជម្លោះជាមួយថៃ និងចោទប្រកាន់ចិនផ្តល់អាវុធថ្មីឱ្យកម្ពុជា ប៉ុន្តែត្រូវបានរុស្ស៊ីនិងចិនទាត់ចោលការចោទប្រកាន់ទាំងនេះ ៕

ប្រទេសថៃ ៖ តាមការចុះផ្សាយរបស់សារព័ត៌មាន Matichon Online នៅថ្ងៃទី១៨ ខែធ្នូ ឆ្នាំ២០២៥ ទឹកជំនន់ចាប់ផ្តើមវាយប្រ.ហារស្រុកហាតយៃ ខេត្តសុងក្លា ប្រទេសថៃ ម្តងទៀតហើយ ដែលធ្វើឱ្យពលរដ្ឋបារម្ភយ៉ាងខ្លាំងនាំគ្នាបង្ហោះរូបភាពទឹកលិចពេញបណ្តាញសង្គម ពីព្រោះពួកគេទើបតែរួចផុតពីគ្រោះថ្នា.ក់ដែលបង្កឡើងដោយទឹកជំនន់យ៉ាងធ្ងន់ធ្ងរកាលពីពេលថ្មីៗនេះ ។ អាជ្ញាធរស្រុកហាតយៃបានប្រជុំបន្ទាន់ និងដាក់ទង់ជាតិពណ៌លឿងប្រកាសអាសន្នឱ្យពលរដ្ឋឱ្យប្រុងប្រយ័ត្ន បន្ទាប់ពីទឹកជំនន់លើកមុនបានឆក់យកជីវិតពលរដ្ឋរហូតដល់ជាង១,០០០នាក់ ។

នៅថ្ងៃទី១៨ ខែធ្នូ ពលរដ្ឋស្រុកហាតយៃ និងស្រុកផ្សេងទៀតដែលនៅជាប់គ្នាក្នុងខេត្តសុងក្លា បារម្ភខ្លាំងដោយសារភ្លៀងធ្លាក់មិនឈប់ឈរតាំងពីយប់ថ្ងៃទី១៧ ខែធ្នូ រហូតដល់ថ្ងៃត្រង់ថ្ងៃទី១៨ ខែធ្នូន នៅមិនទាន់រាំង ដែលធ្វើឱ្យពលរដ្ឋ និងអាជ្ញាធរតាមដានស្ថានការណ៍យ៉ាងដិតដល់ ។ អ្នកលេងបណ្តាញសង្គមបានបង្ហោះរូបភាពទឹកជំនន់ជាថ្មីនៅស្រុកហាតយៃ និងស្រុកផ្សេងៗយ៉ាងច្រើន ហើយមនុស្សភាគច្រើនបារម្ភខ្លាចមានទឹកជំនន់ធ្ងន់ធ្ងរកើតឡើងជាថ្មី ខណៈខ្លះទៀតថា ខ្លួនទើបតែលាងសម្អាតផ្ទះសម្បែងរួចរាល់ និងមិនទាន់ទទួលបានប្រាក់សំណងចំនួន៩,០០០បាត (ឬជាង២០០ដុល្លារ) ពីរដ្ឋាភិបាលនៅឡើយទេ ។

តាមការប្រកាសរបស់ឧតុនិយមភាគខាងត្បូង នៅថ្ងៃទី១៨ ខែធ្នូ គឺស្រុកមួយចំនួនរបស់ខេត្តសុងក្លា មានភ្លៀងធ្លាក់ រួមទាំងខេត្តប៉ាត់តានី យ៉ាឡា និងណារ៉ាធិវ៉ាត ព្រមទាំងមានខ្យល់មូសុងគ្របដណ្តប់លើឈូងសមុទ្រថៃភាគខាងត្បូង និងសមុទ្រអាន់តាម៉ាន់ ។ ហេតុនេះ ឧតុនិយមសំណូមពរឱ្យពលរដ្ឋប្រុងប្រយ័ត្នគ្រោះថ្នាក់ដោយសារភ្លៀងធ្លាក់ ខ្យល់ព្យុះ ផ្គររន្ទះ រីឯពលរដ្ឋប្រកបរបរនេសាទ គួរតែនេសាទដោយការប្រយ័ត្ន និងចៀសវាងនេសាទពេលមេឃកំពុងភ្លៀង ខ្យល់កន្ត្រាក់ ឬផ្គររន្ទះ ។

ចំណែកហ្វេសប៊ុករបស់ស្ថានីយវិទ្យុស្រុកហាតយៃ PSU Broadcast បានរាយការណ៍ពីស្ថានការណ៍ទឹកជំនន់ស្រុកហាតយៃ នាថ្ងៃទី១៨ ខែធ្នូ ថា ផ្លូវធ្វើដំណើរមួយចំនួន និងតំបន់ទំនាប ត្រូវបើកបររថយន្តដោយការប្រុងប្រយ័ត្ន ដោយសារប្រឡាយបង្ហូរទឹក ទី៦ មានទឹកហូរខ្លាំង ។

សាលាស្រុកហាតយៃបានរៀបចំកិច្ចប្រជុំបន្ទាន់ជាមួយមន្ត្រីពាក់ព័ន្ធដើម្បីត្រៀមចាត់វិធានការការពារគ្រោះថ្នាក់ដោយសារទឹកជំនន់ និងបង្កើនការជីកយកភក់ចេញពីប្រឡាយនានាកុំឱ្យរាំងស្ទះដល់ការបង្ហូរទឹក ព្រមទាំងប្រមែប្រមូលសំរាមដែលជាមូលហេតុស្ទះលូ ។ អាជ្ញាធរសំណូមពរឱ្យពលរដ្ឋត្រៀមខ្លួនឱ្យបានគ្រប់ជ្រុងជ្រោយ និងតាមដានព័ត៌មានពីសាលាស្រុកហាតយៃយ៉ាងដិតដល់ផងដែរ ។

គួរបញ្ជាក់ថា កាលពីទឹកជំនន់វាយប្រហារស្រុកហាតយៃកន្លងមក ពលរដ្ឋថៃបានបន្ទោសមេដឹកនាំរបស់ខ្លួន លោក Anutin Charnvirakul ដែលអសមត្ថភាពក្នុងការជួយជម្លៀសពលរដ្ឋចេញពីតំបន់គ្រោះថ្នាក់ ការជួយសង្គ្រោះយឺតយ៉ាវគ្រប់បែបយ៉ាវ មិនថាការចែកស្បៀងអាហារ ថ្នាំពេទ្យ និងបណ្តោយឱ្យពលរដ្ឋស្លាប់ដោយសារទឹកជំនន់រហូតដល់ជាង១,០០០នាក់ ថែមទាំងលាក់បាំងព័ត៌មាន ។ រហូតមកដល់ពេលនេះ ពលរដ្ឋរងគ្រោះដោយសារទឹកជំនន់នៅស្រុកហាតយៃ ពុំទាន់ទទួលបានប្រាក់សំណងចំនួន៩,០០០បាតពីរដ្ឋាភិបាលនៅឡើយទេ ៕

ប្រទេសថៃ ៖ រហូតមកដល់ថ្ងៃទី១៨ ខែធ្នូ ឆ្នាំ២០២៥ កងទ័ពឈ្លានពា.នថៃមិនព្រមបញ្ឈប់ការវាយប្រ.ហារមកក្នុងដែនអធិបតេយ្យរបស់កម្ពុជាទេ ដោយនៅតែប្រើប្រាស់សព្វាវុ.ធធុនធ្ងន់គ្រប់ប្រភេទ និងពង្រីកទីតាំងទម្លាក់គ្រាប់បែ.កដោយយន្តហោះចម្បាំង F-16 ដើម្បីបំផ្លិចបំផ្លា.ញហេដ្ឋារចនាសម្ព័ន្ធកម្ពុជា ប្រាសាទបុរាណជាសម្បត្តិបេតិកភណ្ឌពិភពលោក វត្តអារ៉ាម និងផ្ទះសម្បែងពលរដ្ឋ ។ ទោះជាម៉ាឡេស៊ីជាប្រធានអាស៊ាន មហាអំណាចអាមេរិក និងមហាអំណាចចិន ជួយសម្របសម្រួលឱ្យថៃបញ្ឈប់សង្គ្រា.មយ៉ាងកំរាលនេះ ប៉ុន្តែត្រូវបានមេដឹកនាំថៃទាត់ចោលគ្រប់ការសម្របសម្រួល ខណៈរដ្ឋមន្ត្រីក្រសួងការពារជាតិថៃថា កងទ័ពវាយប្រ.ហារបន្តទៀត រហូតមើលឃើញថា កម្ពុជាលែងបង្កគ្រោះថ្នា.ក់ ប៉ុន្តែមិនដល់រាជធានីភ្នំពេញទេ ។

ពេលផ្តល់សម្ភាសន៍ជាមួយសារព័ត៌មាននៅថ្ងៃទី១៨ ខែធ្នូ រដ្ឋមន្ត្រីក្រសួងការពារជាតិថៃ លោក Natthaphon Narkphanit និយាយថា កងទ័ពនឹងមិនបញ្ឈប់ការវាយប្រហារ គឺបន្តវាយប្រហាររហូតដល់មើលឃើញថា កម្ពុជាលែងបង្កគ្រោះថ្នាក់ ឬបញ្ឈប់រាល់អរិភាព ប៉ុន្តែការវាយប្រហារនេះមិនដល់រាជធានីភ្នំពេញទេ ។ នៅភូមិសាស្ត្រកងទ័ពភូមិភាគទី១ ខេត្តស្រះកែវ កងទ័ពថៃចាញ់ប្រៀបកងទ័ពកម្ពុជា ហេតុនេះ ត្រូវតែបង្កើនសព្វាវុធបន្ថែម ដូចជា ៖ រថក្រោះ ហើយលោកបានជជែកជាមួយមេបញ្ជាការកងទ័ពភូមិភាគទី១ បើវាយកាន់កាប់គោលដៅណាមួយបាន គឺត្រូវបា.ញ់ភាគីម្ខាងទៀតមិនឈប់ឈរ ។

រដ្ឋាភិបាលថៃ និងក្រសួងការពារជាតិគាំទ្រ១០០% ក្នុងការឧបត្ថម្ភសម្ភារៈដល់កងទ័ពសម្រាប់បង្កើនប្រតិបត្តិការនៅព្រំដែនកម្ពុជា-ថៃ ។ កងទ័ពនឹងឈប់វាយប្រហារ លុះត្រាតែកម្ពុជាលែងបង្កគ្រោះថ្នាក់ ហើយកម្ពុជាត្រូវឈប់បាញ់ជាមុន មិនមែនប្រកាសឈប់ហើយ ស្រាប់តែបាញ់ឡើងវិញទេ ដោយលោក Natthaphon និយាយបំភ្លៃថា សង្គ្រាមលើកនេះ គឺកងទ័ពថៃគ្រាន់តែការពារខ្លួន មិនបានឈ្លានពាន ។

លោក Natthaphon បន្តថា បើកម្ពុជាចង់ឈប់បាញ់ ត្រូវដកថយកម្លាំងកងទ័ពចេញពីសមរភូមិ កងទ័ពថៃមិនវាយប្រហារដល់រាជធានីភ្នំពេញទេ ។ ហេតុនេះ កម្ពុជាត្រូវបង្ហាញឱ្យថៃឃើញជាមុនសិន ពីព្រោះថៃក៏ចង់ឈប់បាញ់ដែរ ដោយសារកងទ័ពស្លាប់ជាបន្តបន្ទាប់ ខណៈពលរដ្ឋពិបាកស្នាក់នៅក្នុងជំរំភៀសសឹក ។ ការបញ្ចប់អរិភាពរបស់កម្ពុជា គឺត្រូវមានការវាយតម្លៃស្ថានការណ៍ពីមេបញ្ជាការកងទ័ព, ស្តាប់យោបល់កងទ័ព, ពិនិត្យមើលឥរិយាបថកម្ពុជា ថាតើមានការបង្កើនកម្លាំងទ័ពដែរឬទេ ហើយកម្ពុជាត្រូវឈប់បាញ់ជារៀងរហូត ។

លោកទទួលស្គាល់ថា ថៃធ្លាប់ប្រកាសកន្លងមក បើធ្វើសង្គ្រាមម្តងទៀតនឹងវាយកម្ពុជាឱ្យខ្លាំងជាងមុន ប៉ុន្តែពេលនេះ សង្គ្រាមបានអូសបន្លាយយូរថ្ងៃ និងបាត់បង់ច្រើន ទើបយើងព្យាយាមចរចាបញ្ចប់សង្គ្រាម ប៉ុន្តែកម្ពុជាមិនឆ្លើយតប ថៃមានតែប្រយុទ្ធបន្តរហូតដល់កម្ពុជាលែងបង្កគ្រោះថ្នាក់ ឬបញ្ចប់អរិភាព ។ រីឯការធ្វើដំណើរទស្សនកិច្ចផ្លូវការមកកាន់ប្រទេសថៃរបស់បេសកជនពិសេសក្រសួងការបរទេសចិនទទួលបន្ទុកកិច្ចការអាស៊ី នៅថ្ងៃទី១៨ ខែធ្នូ រដ្ឋាភិបាលថៃបានត្រៀមរាយការណ៍ពីស្ថានការណ៍សង្គ្រាមរួចហើយ ។

គួរបញ្ជាក់ថា ការវាយប្រហារឈ្លានពានកម្ពុជាជាថ្មីនេះ កងទ័ពថៃបានប្រើប្រាស់សព្វាវុធធុនធ្ងន់គ្រប់ប្រភេទ ថែមប្រើប្រាស់យន្តហោះចម្បាំង F-16 ទម្លាក់គ្រាប់បែកចូលកាន់តែជ្រៅក្នុងដែនអធិបតេយ្យស្របច្បាប់របស់កម្ពុជា ។ បើអាស៊ាន អង្គការសហប្រជាជាតិ មហាអំណាចអាមេរិក និងមហាអំណាចចិន មិនប្រញាប់ជួយអន្តរាគមន៍ដាក់សម្ពាធថៃទេនោះ កម្ពុជានឹងរងការបំផ្លិចបំផ្លាញកាន់តែច្រើន ដោយសារថៃប្រើប្រាស់យន្តហោះ F-16 ទម្លាក់គ្រាប់បែកមិនរើសកន្លែង ៕

ថៃទំនងជានឹងត្រូវអស់លក្ខឆាប់ៗហើយ! ដោយនៅថ្ងៃទី១៨ ខែធ្នូ ឆ្នាំ២០២៥នេះ លោក Casey Barnett ប្រធានសភាពាណិជ្ជកម្មអាមេរិកប្រចាំកម្ពុជា បានបង្ហោះសារបកអាក្រា.តខ្ទេចខ្ទី នូវលេសចោទប្រកាន់របស់ថៃ និងប្រវត្តិសាស្រ្តនៅតំបន់ឥណ្ឌូចិន ដោយបានលើកឡើងចំៗថា នៅឆ្នាំ២០២៥នេះ ប្រទេសថៃ បានប្រើលេសឈ្លានពានកម្ពុជាម្តងទៀត ដែលស្រដៀងការឈ្លានពានកម្ពុជាកាលពីជាង ៨០ឆ្នាំមុន។

តាមរយៈការបង្ហោះសំណេរនៅលើទំព័រហ្វេសប៊ុក លោក Casey Barnett បានរៀបរាប់យ៉ាងដូច្នេះថា នៅឆ្នាំ ១៩៤១ ប្រទេសថៃបានឈ្លានពានប្រទេសកម្ពុជា ហើយបន្ទាប់មកបានប្រកាសសង្គ្រាមលើសហរដ្ឋអាមេរិក និងចក្រភពអង់គ្លេស។
នៅឆ្នាំ ២០២៥ ការចោទប្រកាន់របស់ថៃថាទាហានកម្ពុជាបាញ់ឆ្លងព្រំដែន គេកំពុងប្រើម្ដងទៀតជាលេសឈ្លានពានប្រទេសកម្ពុជា។ ការអះអាងស្រដៀងគ្នានេះ ក៏ធ្លាប់ជាមូលដ្ឋាននៃការឈ្លានពានកម្ពុជារបស់ថៃនៅឆ្នាំ ១៩៤១ ដែរ។ នៅពេលនោះដូចជាឥឡូវនេះ សកម្មភាពយោធារបស់ថៃមានគោលបំណងបញ្ចូលទឹកដីកម្ពុជាឲ្យទៅជាផ្នែកមួយរបស់ខ្លួន។

ទោះបីជាថៃដឹងច្បាស់អំពីអំពើប្រល័យពូជសាសន៍របស់ជប៉ុននៅប្រទេសចិន រួមទាំងសម្លាប់រង្គាលនៅណានជីងឆ្នាំ ១៩៣៧ ដែលបានសម្លាប់ប្រហែល ២០០,០០០ នាក់ (ពលរដ្ឋស៊ីវិល និងអ្នកទោសសង្គ្រាម) ក៏ដោយ ក៏ថៃនៅតែចូលរួមចុះហត្ថលេខាលើសន្ធិសញ្ញាជាមួយជប៉ុននៅថ្ងៃទី ១២ ខែមិថុនា ឆ្នាំ ១៩៤០។

កិច្ចព្រមព្រៀងនេះបានបង្កើតមូលដ្ឋានឲ្យជប៉ុនបន្តកាន់កាប់ឥណ្ឌូចិនបារាំង និងម៉ាឡាយ៉ាអង់គ្លេស។ បន្ទាប់ពីអនុម័តសន្ធិសញ្ញានេះ ថៃបានឈ្លានពានកម្ពុជា និងឡាវនៅខែមករា ឆ្នាំ ១៩៤១ ដោយអះអាងថា កងកម្លាំងអាណានិគមបារាំងនៅកម្ពុជា បានបាញ់ឆ្លងព្រំដែនចូលក្រុងអារ៉ាញប្រទេស (Aranyaprathet) នៃប្រទេសថៃ។ តាមពិតទៅ ថៃបានត្រៀមរៀបចំសម្រាប់ការឈ្លានពានមកហើយអស់រយៈពេលជាច្រើនខែ។ ក្នុងរយៈពេលតែប៉ុន្មានសប្ដាហ៍ ថៃបានបង្ខំយក (បញ្ចូល) ខេត្តភាគជើងនៃកម្ពុជា និងទឹកដីភាគលិចរបស់ឡាវ។

នៅខែធ្នូ ឆ្នាំ ១៩៤១ ថៃ និងជប៉ុនបានចុះកិច្ចព្រមព្រៀងបន្ថែមមួយទៀត សម្រាប់ការគាំទ្រយោធារួមគ្នា ដោយជប៉ុនបានគាំទ្រយ៉ាងច្បាស់លាស់ ចំពោះការអះអាងទឹកដីរបស់ថៃ—រួមទាំងតំបន់ដែលបានបញ្ចូលពីកម្ពុជា ឡាវ ម៉ាឡាយ៉ា និងភូមា (Burma)។ កិច្ចព្រមព្រៀងនេះបានធានាតួនាទីរបស់ថៃ ជាមជ្ឈមណ្ឌលផ្គត់ផ្គង់ និងជាទីតាំងសម្រាប់ការរៀបចំកម្លាំង (staging ground) សម្រាប់ការឈ្នះគ្រប់គ្រងរបស់ជប៉ុនលើម៉ាឡាយ៉ាអង់គ្លេស និងភូមា ក្នុងឆ្នាំ ១៩៤១ ដល់ ១៩៤២។

នៅខែកក្កដា ឆ្នាំ ១៩៤៣ ជប៉ុនបានផ្តល់រង្វាន់ដល់ថៃសម្រាប់ការសហការដោយផ្ទេរខេត្តចំនួនប្រាំមួយពីម៉ាឡាយ៉ាអង់គ្លេស និងភូមា ឲ្យទៅថៃ។ ក្នុងអំឡុងពេលនេះ ថៃបានសម្របសម្រួល និងទទួលផលប្រយោជន៍យ៉ាងច្បាស់ពីការប្រើប្រាស់ពលកម្មបង្ខំរបស់ជប៉ុន ដើម្បីសាងសង់ផ្លូវដែកភូមា (Burma Railway) ដែលភ្ជាប់ពីបាងកកទៅយ៉ាងហ្គូន (Yangon)។

ក្នុងចំណោមពលកម្មដែលត្រូវបានបង្ខំមានអ្នកទោសសង្គ្រាមអង់គ្លេស ៣០,១៣១ នាក់ និងអាមេរិក ៦៨៦ នាក់។ ក្នុងចំណោមពួកគេ អង់គ្លេស ៦,៩០៤ នាក់ និងអាមេរិក ១៣១ នាក់ បានស្លាប់ដោយសារលក្ខខណ្ឌការងារដ៏សាហាវឃោរឃៅ។

បន្ទាប់ពីជ័យជម្នះរបស់សម្ព័ន្ធមិត្តក្នុងសង្គ្រាមលោកលើកទី២ ថៃត្រូវបានបង្ខំឲ្យលះបង់ទឹកដីទាំងអស់ដែលខ្លួនបានបញ្ចូលនៅកម្ពុជា ឡាវ ម៉ាឡាយ៉ា និងភូមា។ ចក្រភពអង់គ្លេសដំបូងបានស្វែងរកវិធានការផ្តន្ទាទោស រួមទាំងការកាន់កាប់ថៃយូរអង្វែង។

ទោះយ៉ាងណា សហរដ្ឋអាមេរិកបានប្រឆាំងនឹងការដាក់ទណ្ឌកម្មក្រោយសង្គ្រាមយ៉ាងតឹងរ៉ឹង ដោយអះអាងថាការទាមទារដ៏ខ្លាំងក្លានឹងធ្វើឲ្យថៃ និងតំបន់មិនស្ថិរភាព។ ដោយហេតុនេះ ថៃបានប្រឈមនឹងការទទួលខុសត្រូវតិចតួចប៉ុណ្ណោះចំពោះអំពើឈ្លានពានទឹកដីក្នុងសម័យសង្គ្រាម។ ឥឡូវនេះ នៅឆ្នាំ ២០២៥ ថៃកំពុងឈ្លានពានប្រទេសកម្ពុជាម្ដងទៀត៕

ចាប់តាំងពីមុនពិធីបើក រហូតដល់ការចូលជាផ្លូវការអស់រយៈពេល៩ថ្ងៃមកនេះ ព្រឹត្តិការណ៍ស៊ីហ្គេមលើកទី៣៣ ដែលរៀបចំដោយប្រទេសថៃនៅឆ្នាំ២០២៥នេះ នៅតែជាគោលដៅរិះគ.ន់សម្រាប់មហាជនទាំងក្នុងនិងក្រៅប្រទេស ជាពិសេសពាក់ព័ន្ធជាមួយនឹងកំហុសបច្ចេកទេស ការលេងបន្លំខ្សែលើ និងថែមទាំងមានការសង្ស័យថាមានការស៊ីសំណូកនៅក្រោយឆាកទៀតផង។

យោងតាមព័ត៌មានដែលចេញផ្សាយនៅពេលប៉ុន្មានថ្ងៃចុងក្រោយនេះ គេសង្កេតឃើញមានការចែករំលែកជាបន្តបន្ទាប់អំពីហេតុការណ៍ចម្រូងចម្រាស់អំឡុងពេលប្រកួតនៅក្នុងវិញ្ញាសារកីឡាមួយចំនួន។ ជាក់ស្ដែង នៅក្នុងវិញ្ញាសាបញ្ចសីលា រវាងក្រុមអត្តពលិកម៉ាឡេស៊ីនិងជម្រើសជាតិថៃ ដែលពិន្ទុលើអេក្រុងបង្ហាញថាទទួលបានចំនួន ១៦ ស្មើគ្នា ប៉ុន្តែពេលប្រកាសលទ្ធផលបែរជាក្រុមជម្រើសជាតិថៃជាអ្នកឈ្នះទៅវិញ។ ហេតុការណ៍នេះ បានធ្វើឱ្យគ្រូបង្វឹកខាងម៉ាឡេស៊ីខឹងសម្បាយ៉ាងខ្លាំង រហូតចង្អុលមុខអាជ្ញាកណ្ដាលចំៗ និង មានឈានដល់ការប្រើប្រាស់ហិង្សាដាក់គ្នាថែមទៀត។

ក្រៅពីលទ្ធផលដែលមានការមិនពេញចិត្តពីសំណាក់ម៉ាឡេស៊ីដូចខាងលើនេះ នៅមានការប្រកួតនៅក្នុងវិញ្ញាសារកីឡាផ្សេងៗទៀតដែលជម្រើសជាតិថៃបានយកឈ្នះ ក៏ទទួលបានការតវ៉ាច្រើនផងដែរ ដោយសារមានការយល់ឃើញថាការដាក់ពិន្ទុរបស់គណកម្មការគ្មានតម្លាភាព និងលម្អៀងទៅខាងម្ចាស់ផ្ទះ ដោយសរុបមេដាយមាសរបស់ក្រុមថៃគិតត្រឹមថ្ងៃទី១៧ ធ្នូនេះ ទទួលបានរហូតដល់ទៅ ១៨៥ ឈរនៅលំដាប់ទី១លើគេបង្អស់ធៀបនឹងប្រទេសដទៃទៀត។

ដោយឡែកបើងាកមកមើលហេតុការណ៍ដែលកំពុងផ្ទុះការចាប់អារម្មណ៍ខ្លាំងនៅពេលនេះ គឺទាក់ទងនឹងការប្រកួតកីឡាអេឡិចត្រួនិច (E-Sport) រវាងក្រុមកីឡាការនីថៃនិងវៀតណាម ដោយគណកម្មាការបានរកឃើញកំហុសដ៏ធំមួយលើសមាជិកម្នាក់របស់ក្រុមម្ចាស់ផ្ទះថៃ បានប្រើប្រាស់កម្មវិធីជំនួយម្យ៉ាងលើទូរស័ព្ទដៃ ដែលអាចអនុញ្ញាតឲ្យមានអ្នកចូលលេងជំនួសបាន។ ក្រោយរកឃើញថាមានការលេងបន្លំខ្សែលើបែបនេះ សហព័ន្ធកីឡាអេឡិចត្រូនិចថៃក៏បានសម្រេចដកហូតសិទ្ធិប្រកួតរបស់កីឡាការនីរូបនោះ ហើយក្រោយមកក៏បានដកក្រុមរបស់នាងដែលមកពីក្លឹបតែមួយចេញពីការប្រកួតស៊ីហ្គេមតែម្ដង។ តែទោះជាយ៉ាងណា ថៃមិនអាចលុបលាងភាពអាម៉ាសដែលក្រុមជម្រើសជាតិរបស់ខ្លួនបានប្រើប្រាស់ល្បិចដើម្បីផ្ដួលវៀតណាមនេះបានឡើយ។

បន្ថែមលើហេតុការណ៍ដ៏ហួសចិត្តមួយនេះ ក៏មានការរប្រទូសរ៉ាយរវាងកីឡាបាល់ទះស្រ្តីថៃ និង វៀតណាមផងដែរ ដោយវៀតណាមចោ.ទថា គណកម្មការស៊ីហ្គេមថៃមានភាពលំអៀងទៅក្រុមថៃជាង។ ហើយក៏កើតមានការវាយតប់គ្នារវាងអ្នកគាំទ្រម៉ាឡេស៊ី និង ថៃ ការរិះគន់ទៅលើប្រព័ន្ធការពារសុវត្តិភាពអត្តពលិកដែលបង្កឱ្យអត្តពលលិកស្រីជនជាតិវៀតណាមម្នាក់របួសធ្ងន់ផ្នែកកកំឡុងការប្រកួតកីឡា «ប៉ិនចាក់ ស៊ីឡាត» តទល់នឹងឥណ្ឌូនេស៊ី។

កំហុសដ៏អាម៉ាសទាំងនេះ ត្រូវបានប្រព័ន្ធផ្សព្វផ្សាយនានាទាំងថៃខ្លួនឯង និងសារព័ត៌មានអន្តរជាតិធំៗជាច្រើន ចុះផ្សាយព្រោងព្រាត និងនាំឱ្យប្រទេសថៃជាម្ចាស់ផ្ទះបា.ក់មុខយ៉ាងខ្លាំងជាពិសេសក្នុងចំណោមប្រទេសជាច្រើននៅក្នុងតំបន់ ខណៈថៃធ្លាប់ធ្វើជាម្ចាស់ផ្ទះនៃព្រឹត្តិការនេះច្រើនដងមកហើយ ប៉ុន្តែពេលនេះបែរជាបង្ហាញពីការមិនយកចិត្តទុកដាក់ និង ភាពអនាធិបតេយ្យនៃការរៀបចំការប្រកួតបែបនេះទៅវិញ៕