ប្រទេសថៃ ៖ មេដឹកនាំថៃចង់ឱ្យកម្ពុជាសុំចរចា និងប្រកាសឈប់បា.ញ់មុន ទាំងដែលកងទ័ពថៃបានបើកការវាយប្រ.ហារបង្កសង្ក្រា.មមុនមកលើកម្ពុជា ខណៈវីរកងទ័ពកម្ពុជាអត់ធ្មត់ខ្លាំងបំផុតរហូតដល់រយៈពេល២៤ម៉ោងក្រោយ ទើបវាយតបតវិញដើម្បីការពារបូរណភាពទឹកដី និងអាយុជីវិតពលរដ្ឋស្លូតត្រង់ ។ ហេតុអ្វីត្រូវស្នើសុំថៃចរចាមុន កម្ពុជាពុំបានបង្កសង្ក្រា.មទេ កម្ពុជាគោរពបទឈប់បា.ញ់ និងកិច្ចព្រមព្រៀងសន្តិភាពរហូតមក ខណៈថៃព្យាយាមបង្កជម្លោះ រករឿងចោទប្រកាន់ និងទម្លាក់កំហុសរឿងគ្រាប់មីនម្តងហើយម្តងទៀតដើម្បីយកលេសឈ្លានពា.នជាថ្មី ។

លោក Anutin Charnvirakul នាយករដ្ឋមន្ត្រីថៃចាំផ្ទះ ធ្លាប់តែប្រកាសដាច់ខាតថា គ្មានបទឈប់បា.ញ់ គ្មានកិច្ចព្រមព្រៀងសន្តិភាពទីក្រុងគូឡាឡាំពួរជាមួយកម្ពុជាទៀតទេ បន្ទាប់ពីបើកដៃឱ្យកងទ័ពវាយប្រ.ហារកម្ពុជាជាថ្មីយ៉ាងធ្ងន់ធ្ងរ ដោយប្រើប្រាស់សព្វាវុ.ធគ្រប់ប្រភេទ រួមទាំងយន្តហោះទម្លាក់គ្រាប់បែក F-16, Gripen ពេលនេះ លោក Anutin ហាក់បន្ទាន់ឥរិយាបថ បែរជាទាមទារឱ្យកម្ពុជាចូលតុចរចាគ្នាបញ្ចប់សង្គ្រា.ម ប៉ុន្តែថៃត្រូវតែគ្រប់គ្រងភ្នំ៣៥០ (ឬទួល៣៥០) នៅក្បែរប្រាសាទតាក្របី ជាមុនសិន ។ លើសពីនេះ ថែមទាំងកំណត់លក្ខខណ្ឌចំនួន៣ និងឱ្យកម្ពុជាប្រកាសឈប់បា.ញ់មុន ទាំងដែលការពិត ថៃបា.ញ់មុន ។

កាលពីថ្ងៃទី១៧ ខែធ្នូ ឆ្នាំ២០២៥ នៅទីស្នាក់ការគណបក្សភូមិចៃថៃ លោក Anutin បាននិយាយនៅចំពោះមុខសារព័ត៌មានថា កម្ពុជាគួរតែស្នើការចរចាជាមួយថៃនៅពេលនេះ ប៉ុន្តែថៃត្រូវតែគ្រប់គ្រងភ្នំ៣៥០ នៅក្បែរប្រាសាទតាក្របី ជាមុនសិន ។ លោកបន្តថា កន្លងមក រដ្ឋមន្ត្រីការពារជាតិ លោក Natthaphon Narkphanit បានបញ្ជាក់រួចហើយ គឺកងទ័ពថៃនឹងបន្តវាយប្រហារកម្ពុជាមួយរយៈទៀត ប៉ុន្តែមិនយូរទេ សង្គ្រាមនឹងបញ្ចប់ ។

កងទ័ពថៃបាននិងកំពុងសម្រុកវាយប្រហារកម្ពុជានៅតាមគោលដៅផ្សេងៗ ប៉ុន្តែលោក Anutin មិនអាចកំណត់ពេលវេលាបញ្ចប់សង្គ្រាមពេលណាច្បាស់លាស់ទេ គ្រាន់តែថា សង្គ្រាមនឹងបញ្ចប់ឆាប់ៗ ប៉ុន្តែថៃត្រូវតែទទួលបានផលប្រយោជន៍ច្រើនបំផុតពីសង្គ្រាមលើកនេះ ដូចជា ៖ គ្រប់គ្រងភ្នំ៣៥០ ស្ថិតនៅបរិវេណប្រាសាទតាក្របី ។ រីឯការវាយដណ្តើមយកតំបន់អានសេះ គឺលោកមិនអាចនិយាយលម្អិតបានទេ ទុកតួនាទីឱ្យកងទ័ពប្រកាសលម្អិត ពីព្រោះពាក់ព័ន្ធនឹងសុវត្ថិភាពកងទ័ព និងពលរដ្ឋ ។

ស្ថានការណ៍ពេលនេះ លោក Anutin ចង់ឱ្យកម្ពុជាសុំចរចាជាមួយថៃដើម្បីបញ្ចប់សង្គ្រាម ហើយសង្គ្រាមអាចនឹងបញ្ចប់មុនដំណាច់ឆ្នាំ២០២៥ឬយ៉ាងណានោះ គឺស្ថិតនៅលើការសម្រេចចិត្តរបស់រដ្ឋមន្ត្រីក្រសួងការពារជាតិ លោក Natthaphon Narkphanit ។

ភ្នំ៣៥០ (ឬទួល៣៥០) ដែលវីរកងទ័ពកម្ពុជាកំពុងគ្រប់គ្រង គឺជាគោលដៅសំខាន់ដែលកងទ័ពថៃចង់បានខ្លាំងបំផុត ។ លោក Anutin បាននិយាយថា ចង់ឱ្យកម្ពុជាសុំចរចាបញ្ចប់ជម្លោះព្រំដែនជាមួយថៃ ប៉ុន្តែថៃត្រូវតែគ្រប់គ្រងភ្នំ៣៥០ បើលោក Anutin ចង់បានសន្តិភាពមែន ហេតុអ្វីទាមទារយកភ្នំ៣៥០? ចម្លើយ គឺដើម្បីយកប្រាសាទតាក្របីបាន ថៃចាំបាច់ត្រូវដណ្តើមកាន់កាប់ភ្នំ៣៥០ ជាមុន ដោយសារភ្នំនេះមានទីតាំងភូមិសាស្ត្រអំណោយផលអាចពិនិត្យមើលទីតាំងឈរជើងកងទ័ពកម្ពុជានៅទីទាបយ៉ាងច្បាស់ ទើបថៃព្យាយាមវាយសម្រុកខ្លាំងទាំងកាំភ្លើងធំ ទាំងយន្តហោះទម្លាក់គ្រាប់បែក F-16 នៅតំបន់នេះ ។

មេដឹកនាំថៃចង់ឱ្យកម្ពុជាសុំចរចាបញ្ចប់សង្គ្រាម បន្ទាប់ពីថ្មីៗនេះ មហាអំណាចចិនបានអំពាវនាវជាថ្មីឱ្យបញ្ចប់សង្គ្រាមរវាងកម្ពុជា-ថៃ ដោយភារកិច្ចបន្ទាន់បំផុត គឺបញ្ចប់ការបាញ់ប្រហារ និងការពារជនស៊ីវិល ។ ចិនសង្ឃឹមថា ភាគីទាំងពីរចាប់ផ្តើមសកម្មភាពដោយឈរលើផលប្រយោជន៍នៃការរក្សាសន្តិភាព ស្ថិរភាពតាមបណ្តោយព្រំដែន ការពារផលប្រយោជន៍របស់ប្រជាជនទាំងពីរ រក្សាភាពអត់ធ្មត់ឱ្យបានខ្ពស់បំផុត និងចាត់វិធានការទាំងអស់ដែលអំណោយផលដល់ការសម្រេចបាននូវបទឈប់បាញ់ សម្រេចឱ្យបាននូវស្ថានការណ៍បន្ធូរបន្ថយឱ្យបានឆាប់ ។ ចិនកំពុងខិតខំបន្តប្រឹងប្រែងដាស់តឿន និងជំរុញចរចាឱ្យមានការឈប់បាញ់ និងស្តារសន្តិភាពឡើងវិញរវាងកម្ពុជា-ថៃតាមរបៀបរបស់ខ្លួន ។

គួរបញ្ជាក់ថា ថៃបានទាមទារឱ្យកម្ពុជាយល់ព្រមតាមលក្ខខណ្ឌរបស់ខ្លួន ចំនួន៣ ទើបថៃបញ្ចប់សង្គ្រាមឈ្លានពាន រួមមាន ៖
១-កម្ពុជាត្រូវប្រកាសឈប់បា.ញ់ជាមុន
២-ការឈប់បាញ់ត្រូវតែកើតឡើងជាក់ស្តែង និងបន្តបន្ទាប់
៣-កម្ពុជាត្រូវផ្តល់កិច្ចសហការបោសសម្អាតមីនដោយភាពហ្មត់ចត់ និងស្មោះត្រង់ ៕

សហភាពអឺរ៉ុប ប្រកាសផ្តល់ជូននូវរូបភាពពីផ្កាយរណប សម្រាប់ការឃ្លាំមើលបទឈប់បាញ់រវាងកម្ពុជា-ថៃ។ នេះបើតាមការបញ្ជាក់របស់លោកស្រី Kaja Kallas តំណាងជាន់ខ្ពស់សហភាពអឺរ៉ុបទទួលបន្ទុកកិច្ចការបរទេស និង គោលនយោបាយសន្តិសុខ និងជាអនុប្រធានគណៈកម្មការអឺរ៉ុប។

តាមរយៈការបង្ហោះនៅលើបណ្តាញសង្គម X នៅថ្ងៃទី១៧ ខែធ្នូ ឆ្នាំ២០២៥ លោកស្រី Kaja Kallas បានសរសេថា « “ជម្លោះរវាងប្រទេសកម្ពុជា និង ប្រទេសថៃ មិនត្រូវបណ្តោយឱ្យរាលដាលកាន់តែធ្ងន់ធ្ងរឡើយ។ ហេតុដូច្នេះហើយ បទឈប់បា.ញ់ចាំបាច់ត្រូវតែស្តារឡើងវិញជាបន្ទាន់។ នាងខ្ញុំនឹងបន្តកិច្ចការនេះ ដើម្បីជួយបញ្ចប់វដ្ដនៃការកើនឡើងជម្លោះ។

ក្នុងនោះលោកស្រីបានបញ្ជាក់ថា សហភាពអឺរ៉ុប អាចផ្តល់ជូននូវ «រូបភាពពីផ្កាយរណប» សម្រាប់ការឃ្លាំមើលបទឈប់បាញ់រវាងកម្ពុជា-ថៃ។ គោលការណ៍នេះ ត្រូវបានលោកស្រី បានប្រាប់ទៅរដ្ឋមន្ត្រីការបរទេសនៃប្រទេសថៃ និងកម្ពុជា នៅក្នុងកិច្ចពិភាក្សា នៅថ្ងៃទី ១៧ ធ្នូ ឆ្នាំ២០២៥នេះផងដែរ។

គួរជម្រាបថា ការប្រកាសខាងលើរបស់តំណាងជាន់ខ្ពស់សហភាពអឺរ៉ុបរូបនេះ គឺជាដំណឹងល្អមួយក្នុងការផ្ដល់តម្លាភាព និងភាពត្រឹមត្រូវក្នុងការត្រួតពិនិត្យបទឈប់បា.ញ់រវាងកម្ពុជា និងថៃ ជាពិសេសវានឹងសបញ្ជាក់ឲ្យឃើញយ៉ាងច្បាស់ថា ភាគីណាមួយជាអ្នកបង្កជម្លោះ និងវា.យប្រហារលើភាគីណាមុន។

ដូចគ្នានេះដែរ បើតាមប្រសាសន៍របស់នាយករដ្ឋមន្រ្តីកម្ពុជា សម្ដេចធិបតី ហ៊ុន ម៉ាណែត ក្នុងពេលកន្លងមកក៏បានគូសបញ្ជាក់ផងដែរថា កម្ពុជាស្វាគម៍ជានិច្ចចំពោះបទឈប់បា.ញ់ដើម្បីវិលត្រឡប់ទៅរកសន្តិភាព ព្រមទាំងស្នើឲ្យកងទ័ព ឬស្ថាប័នជំនាញរបស់សហរដ្ឋអាមេរិកនិងអន្តរជាតិនានា អាចប្រើសមត្ថភាពប្រមូលព័ត៌មានរបស់ពួកគេ ដូចជារូបភាពផ្កាយរណបដែលបានថតអំឡុងពេលនោះ និងក្រោយពេលនោះរយៈពេល ២៤ ម៉ោង ដើម្បីផ្ទៀងផ្ទាត់ថា តើភាគីណាបាញ់មុន ដែលវិធីសាស្រ្តនេះអាចជាវិធីសាស្ត្រងាយស្រួល និងមានតម្លាភាពបំផុត ក្នុងការផ្ទៀងផ្ទាត់ហេតុការណ៍នេះ។ កម្ពុជាត្រៀមខ្លួនសហការ ក្នុងករណីមានតម្រូវការ៕

កម្មពៀ.រមិនចាំយូរនោះទេ! ក្រោយយោធាថៃទម្លាក់គ្រាប់បំផ្លាញស្ពានមេទឹករបស់កម្ពុជា ពេលនេះថៃស្រាប់តែជួបនឹងហេតុការណ៍ដ៏គួរឲ្យភ្ញាក់ផ្អើលស្រដៀងគ្នាដែរ នោះគឺការបា.ក់ស្ពានអាកាសថ្មើជើងធ្លាក់មកសង្កត់ពីលើរថយន្តដែលកំពុងបើកបរនៅលើផ្លូវ បណ្ដាលឲ្យគាបជាប់មនុស្សនៅក្នុងនោះមិនទាន់ដឹងថាមានមនុស្សរងគ្រោះប៉ុន្មាននាក់នៅឡើយ។ នេះបើតាមការចុះផ្សាយរបស់សារព័ត៌មាន Thaiger។

នៅព្រឹកថ្ងៃព្រហស្បត្តិ៍ ទី១៨ ខែធ្នូ ឆ្នាំ២០២៥ ហេតុការណ៍ដែលមិននឹកស្មានដល់មួយបានកើតឡើងនៅទល់មុខផ្សារណាំថៃ ស្រុកបាងបួ ខេត្តសាមុតប្រាកាន ធ្នឹមស្ពានមួយបានធ្លាក់មកលើរថយន្ត បណ្តាលឱ្យខូចខាតយ៉ាងធ្ងន់ធ្ងរ ខណៈអ្នកបើកបរត្រូវបានជាប់គាំងនៅក្នុងរថយន្តនោះ។

ប៉ូលីស ក្រុមអ្នកស្ម័គ្រចិត្តជួយសង្គ្រោះ និងភ្នាក់ងារពាក់ព័ន្ធកំពុងធ្វើដំណើរជាបន្ទាន់ទៅកាន់កន្លែងកើតហេតុ ដើម្បីវាយតម្លៃសុវត្ថិភាពនៃរចនាសម្ព័ន្ធដែលនៅសេសសល់ និងប្រើប្រាស់ឧបករណ៍ដើម្បីជួយសង្គ្រោះអ្នកដែលជាប់នៅក្នុងគំនរបាក់បែកនៃស្ពាន។

ការស៊ើបអង្កេតដំបូងនៅកន្លែងកើតហេតុបានបង្ហាញពីការខូចខាតយ៉ាងធ្ងន់ធ្ងរ ដោយធ្នឹមស្ពានបេតុងធំមួយបានដួលរលំលើយានយន្តជាច្រើនគ្រឿង ដែលបណ្តាលឱ្យមានការបំផ្លិចបំផ្លាញយ៉ាងទូលំទូលាយ។ អ្វីដែលគួរឲ្យព្រួយបារម្ភខ្លាំងជាងគេនោះ គឺរបាយការណ៍អំពីមនុស្សដែលជាប់នៅក្នុងយានយន្តដែលត្រូវបានបំណែកស្ពានធ្លាក់សង្កត់ពីលើ នៅមិនទាន់អាចដឹងពីចំនួនពិតប្រាកដនៃអ្នករងរបួស និងព័ត៌មានលម្អិតរបស់អ្នកដែលរងផលប៉ះពាល់មិនទាន់ដឹងនៅឡើយទេ។

បច្ចុប្បន្ន អាជ្ញាធរក្នុងតំបន់បានណែនាំឱ្យពលរដ្ឋជៀសវាងធ្វើដំណើរតាមផ្លូវបាងណា-ត្រាត នៅកន្លែងកើតហេតុខាងលើជាបណ្ដោះអាសន្នសិន ដោយសារតែការស្ទះចរាចរណ៍ និងប្រតិបត្តិការជួយសង្គ្រោះកំពុងបន្តយ៉ាងមមាញឹក៕

កងទ័ពថៃបានបើកការវាយប្រ.ហារយ៉ាងកំរោលចូលក្នុងដែនអធិបតេយ្យស្របច្បាប់របស់កម្ពុជាមិនឈប់ឈរតាំងពីថ្ងៃទី៧ ខែធ្នូ ឆ្នាំ២០២៥ ទោះមានការអំពាវនាវពីម៉ាឡេស៊ីជាប្រធានអាស៊ាន មហាអំណាចអាមេរិក និងមហាអំណាចចិនក្តី ក៏ថៃនៅតែផ្គើនមិនបញ្ចប់សង្គ្រា.មឈ្លានពា.ន ថែមទាំងទាមទារឱ្យកម្ពុជាយល់ព្រមតាមលក្ខខណ្ឌចំនួន៣របស់ខ្លួន រួមមាន ៖ ១-កម្ពុជាត្រូវប្រកាសឈប់បា.ញ់ជាមុន, ២-ការឈប់បាញ់ត្រូវតែកើតឡើងជាក់ស្តែង និងបន្តបន្ទាប់ និង៣-កម្ពុជាត្រូវផ្តល់កិច្ចសហការបោសសម្អាតមីនដោយភាពហ្មត់ចត់ និងស្មោះត្រង់ ។

រដ្ឋាភិបាលក្រុងប៉េកាំងបានបង្ហាញក្តីបារម្ភយ៉ាងខ្លាំងចំពោះសង្គ្រាមរវាងកម្ពុជា-ថៃពេលនេះ និងអំពាវនាវម្តងហើយម្តងទៀតឱ្យបញ្ចប់សង្គ្រាមជាបន្ទាន់ ដោយសង្ឃឹមថា កម្ពុជា-ថៃនឹងអត់ធ្មត់ជាអតិបរមា ចាត់គ្រប់វិធានការឈានទៅរកបទឈប់បាញ់ឱ្យបានឆាប់បំផុតដើម្បីកសាងសន្តិភាព ស្ថិរភាពនៅតាមព្រំដែន និងផលប្រយោជន៍ពលរដ្ឋ ។ ចិននឹងបន្តធ្វើអ្វីៗគ្រប់យ៉ាងតាមដែលអាចធ្វើបានដើម្បីលើកកម្ពស់ការសន្ទនាឈានទៅកសាងសន្តិភាព និងបន្តដើរតួនាទីស្ថាបនាតាមវិធីរបស់ខ្លួនក្នុងការនាំមកនូវបទឈប់បាញ់រវាងភាគីទាំងពីរ ។

ឯកអគ្គរដ្ឋទូតចិនប្រចាំប្រទេសកម្ពុជា លោក Wang Wenbin បានបង្ហោះសារក្នុងហ្វេសប៊ុកកាលពីថ្ងៃទី១៧ ខែធ្នូ ថា ៖ «បេសកជនពិសេសរបស់ក្រសួងការបរទេសចិនទទួលបន្ទុកកិច្ចការអាស៊ី នឹងធ្វើដំណើរទស្សនកិច្ចផ្លូវការមកកាន់កម្ពុជា និងថៃម្តងទៀត នៅថ្ងៃទី១៨ ខែធ្នូ ឆ្នាំ២០២៥នេះ ក្នុងកិច្ចខិតខំប្រឹងប្រែងដើម្បីសម្របសម្រួលឱ្យភាគីទាំងពីរភ្ជាប់ទំនាក់ទំនងកសាងសន្តិភាពឡើងវិញឱ្យបានឆាប់» ។

បើតាមលោក Guo Jiakun អ្នកនាំពាក្យក្រសួងការបរទេសចិន គឺបេសកជនពិសេសរបស់ក្រសួងការបរទេសចិន លោក Deng Xijun ទទួលបន្ទុកកិច្ចការអាស៊ី នឹងធ្វើដំណើរទស្សនកិច្ចមកកាន់កម្ពុជា-ថៃម្តងទៀតនៅថ្ងៃទី១៨ ខែធ្នូ ដើម្បីសម្របសម្រួលឱ្យភាគីទាំងពីរភ្ជាប់ទំនាក់ទំនងកសាងសន្តិភាពឡើងវិញឆាប់ៗ ស្របតាមកិច្ចខិតខំប្រឹងប្រែងរបស់រដ្ឋាភិបាលក្រុងប៉េកាំងចង់ឃើញភាគីទាំងពីរមានសន្តិភាព ។ ក្នុងនាមជាប្រទេសជិតខាងល្អជាមួយកម្ពុជា-ថៃ ចិនបានតាមដានស្ថានការណ៍ជម្លោះព្រំដែនយ៉ាងដិតដល់ ដោយជំរុញឱ្យភាគីទាំងពីរបញ្ឈប់សង្គ្រាម កាត់បន្ថយស្ថានការណ៍តានតឹងឆាប់ៗតាមវិធីរបស់ចិន ។

បេសកជនពិសេសរបស់ក្រសួងការបរទេសចិន លោក Deng Xijun ធ្លាប់បានធ្វើដំណើរទស្សនកិច្ចមកកាន់កម្ពុជា-ថៃម្តងហើយកាលពីខែកញ្ញា ក្នុងគោលបំណងស្តារសន្តិភាពកម្ពុជា-ថៃ ពេលនោះ លោកថា ការរស់នៅរួមគ្នាយ៉ាងសន្តិភាព និងសហការដើម្បីអភិវឌ្ឍន៍ គឺជាផលប្រយោជន៍រួមរបស់ភាគីទាំងពីរ ព្រមទាំងពលរដ្ឋទាំងសងខាង ។ រីឯដំណើរទស្សនកិច្ចលើកនេះ គឺបន្ទាប់ពីរដ្ឋាភិបាលក្រុងប៉េកាំងអំពាវនាវឱ្យបញ្ចប់សង្គ្រាមកម្ពុជា-ថៃជាបន្ទាន់ និងស្នើឱ្យភាគីទាំងពីរអត់ធ្មត់ដោះស្រាយបញ្ហាតាមវិធីផ្សេងៗដើម្បីបញ្ចប់អំពើហិង្សា ។

ចំណែកស្ថានទូតចិនប្រចាំប្រទេសថៃ ក៏បានបង្ហោះសារដូចគ្នានេះដែរកាលពីថ្ងៃទី១៧ ខែធ្នូ ថា រដ្ឋាភិបាលចិនបារម្ភពីសង្គ្រាមរវាងកម្ពុជា-ថៃពេលនេះ ដោយបញ្ជូនបេសកជនពិសេសរបស់ក្រសួងការបរទេសចិនទទួលបន្ទុកកិច្ចការអាស៊ី ធ្វើដំណើរទស្សនកិច្ចមកកាន់កម្ពុជា-ថៃនៅថ្ងៃទី១៨ ខែធ្នូ ដើម្បីស្តារសន្តិភាពឆាប់ៗ ក្នុងឋានៈចិនជាប្រទេសជិតខាង និងជាមិត្តជិតស្និទ្ធរបស់កម្ពុជា-ថៃ ។

គួរបញ្ជាក់ថា ដំណើរទស្សនកិច្ចរបស់បេសកជនពិសេសក្រសួងការបរទេសចិនជាថ្មី បន្ទាប់ពីកាលពីថ្ងៃទី១៥ ខែធ្នូ ឯកអគ្គរដ្ឋទូតចិនប្រចាំប្រទេសកម្ពុជា លោក Wang Wenbin និងអ្នកនាំពាក្យក្រសួងការបរទេសចិន លោក Guo Jiakun បានអំពាវនាវឱ្យកម្ពុជា-ថៃបញ្ឈប់សង្គ្រាមជាបន្ទាន់ ដោយបង្ហាញគោលជំហររបស់ចិនអាទិភាពចម្បងបំផុត គឺបញ្ឈប់ការប្រយុទ្ធគ្នា និងការពារអាយុជីវិតជនស៊ីវិល ប៉ុន្តែត្រូវបានរដ្ឋាភិបាលថៃទាត់ចោលការអំពាវនាវរបស់មហាអំណាចចិន ដូចដែលធ្លាប់ទាត់ចោលការអំពាវនាវរបស់ម៉ាឡេស៊ី និងមហាអំណាចអាមេរិក ។

រដ្ឋាភិបាលថៃបានរៀបចំផែនការជាមួយកងទ័ពបង្កសង្គ្រាមឈ្លានពានកម្ពុជាជាថ្មីដោយយកលេសគ្រាប់មីន ដែលសង្គ្រាមលើកនេះបានបំផ្លិចបំផ្លាញហេដ្ឋារចនាសម្ព័ន្ធកម្ពុជាតាមបណ្តាខេត្តជាប់ព្រំដែនថៃ មានទាំងស្ពាន វត្តអារ៉ាម និងផ្ទះសម្បែងពលរដ្ឋ ប៉ុន្តែនាយករដ្ឋមន្ត្រីចាំផ្ទះថៃ លោក Anutin Charnvirakul បែរជាប្រាប់ឱ្យកម្ពុជាសុំចរចាមុន និងចោទប្រកាន់កម្ពុជាបាញ់មុនទៅវិញ ខណៈកងទ័ពកម្ពុជាបានអត់ធ្មត់បំផុតរហូតដល់២៤ម៉ោងក្រោយ ទើបសម្រេចចិត្តតបតទៅកងទ័ពឈ្លានពានថៃ ដើម្បីការពារខ្លួននិងបូរណភាពទឹកដី ។ សង្គ្រាមលើកនេះបានអូសបន្លាយយូរ បើគ្មានការជួយអន្តរាគមន៍ពីអាស៊ាន មហាអំណាចអាមេរិក និងមហាអំណាចចិនទេនោះ ថៃនឹងមិនបញ្ចប់ងាយៗទេ ៕