ថ្ងៃ១៤ កុម្ភៈ ត្រូវបានប្រទេសនានានៅទូទាំងពិភពលោក ចាត់ទុកជាថ្ងៃបុណ្យនៃក្តីស្រឡាញ់ (Valentine’s Day) និងក្លាយជាថ្ងៃសំខាន់សម្រាប់គូស្នេហ៍ទាំងអស់បង្ហាញការស្រឡាញ់ បារម្ភពីគ្នា ដោយការប្រគល់ផ្កាកុលាប សូកូឡា និងអំណោយផ្សេងៗ ។ ក្រៅពីគូស្នេហ៍ សមាជិកក្រុមគ្រួសារក៏អាចបង្ហាញក្តីស្រឡាញ់ទៅកាន់ឪពុក-ម្តាយ បងប្អូនសាច់ញាតិ មិត្តភក្តិផងដែរនៅថ្ងៃ១៤ កុម្ភៈ ប៉ុន្តែលោកអ្នកអាចមិនជ្រាបពីប្រវត្តិបុណ្យនៃក្តីស្រឡាញ់ទេ ។

បុណ្យនៃក្តីស្រឡាញ់ (Valentine’s Day) មានប្រវត្តិតាំងពីជាង១,៥០០ឆ្នាំមុនមកម្ល៉េះ គឺបុណ្យនៃក្តីស្រឡាញ់ត្រូវបានរៀបចំលើកដំបូងនៅឆ្នាំ៤៩៦ ដោយអ្នកគោរពសាសនាគ្រឹស្ត ។ ថ្ងៃ១៤ កុម្ភៈ ក៏ពាក់ព័ន្ធនឹងរឿងរ៉ាវស្នេហាមនោសញ្ចេតនាដ៏សែនសោកសៅរបស់គូស្នេហ៍១គូនៅប្រទេសអ៊ីតាលី ទើបប្រទេសនានាកំណត់ជាបុណ្យនៃក្តីស្រឡាញ់ ដើម្បីរំលឹក និងសរសើរពីស្នេហាបរិសុទ្ធរបស់គូស្នេហ៍១គូនេះ ។

ប្រវត្តិបុណ្យនៃក្តីស្រឡាញ់កើតឡើងតាំងពីសម័យព្រះចៅអធិរាជ Claudius II ដែលសោយរាជ្យនៅទីក្រុងរ៉ូម ប្រទេសអ៊ីតាលី ។ សម័យនោះមានសង្គ្រាមជាញឹកញាប់ ដោយសារព្រះចៅអធិរាជសព្វព្រះទ័យនឹងការធ្វើសឹកសង្គ្រាម ទើបប្រមូលប្រុសៗទៅច្បាំង ប៉ុន្តែប្រុសៗជាច្រើននាក់មានតួនាទីថែទាំមនុស្សជាទីស្រឡាញ់ និងក្រុមគ្រួសារ ពួកគេមិនចង់ចាកចេញពីផ្ទះសម្បែងទៅស្លាប់ក្នុងសមរភូមិទេ ។

ហេតុនេះ ព្រះចៅអធិរាជ Claudius II ក៏ចេញព្រះរាជបញ្ជាឱ្យលុបចោលពិធីភ្ជាប់ពាក្យ និងលុបចោលពិធីរៀបការទាំងអស់នៅទីក្រុងរ៉ូម ដើម្បីឱ្យប្រុសៗចេញទៅចម្បាំងនៅសមរភូមិ ប៉ុន្តែលោក Valentinus មិនយល់ស្របនឹងព្រះរាជបញ្ជារបស់ព្រះចៅអធិរាជ ក៏បបួលឱ្យគូសេ្នហ៍ជាច្រើនគូនៅទីក្រុងរ៉ូមរៀបការ ។ ទង្វើនេះធ្វើឱ្យព្រះចៅអធិរាជមិនសព្វព្រះទ័យយ៉ាងខ្លាំង និងបញ្ជាឱ្យខ្លួនចាប់លោក Valentinus ឃុំឃាំង រង់ចាំការប្រហារជីវិត ។

ក្នុងពេលជាប់គុក លោក Valentinus បានលង់ស្នេហ៍កូនស្រីរបស់អ្នកយាមគុក ដែលនាងពិការភ្នែកទាំងសងខាង ហើយមុនថ្ងៃប្រហារជីវិតមកដល់ លោកក៏ផ្ញើលិខិតទៅនាងដើម្បីសារភាពលង់ស្នេហ៍រូបនាង ដែលលិខិតនេះបញ្ចប់ដោយពាក្យថា «From your Valentine» ។ រឿងរ៉ាវស្នេហាដ៏សោកសៅនេះត្រូវបានផ្សព្វផ្សាយពេញទីក្រុងរ៉ូម រីឯលោក Valentinus ក៏បានស្លាប់នៅថ្ងៃទី១៤ ខែកុម្ភៈ ។

តាំងពីថ្ងៃនោះមក ប្រទេសនានានៅអឺរ៉ុបបានចាត់ទុកថ្ងៃ១៤ កុម្ភៈ គឺជាបុណ្យនៃក្តីស្រឡាញ់ ដើម្បីរំលឹក និងសរសើរពីសេចក្តីស្នេហាដ៏បរិសុទ្ធរបស់លោក Valentinus ជាមួយនារីពិការភ្នែក ។ ដូច្នេះ ថ្ងៃ១៤ កុម្ភៈ ក៏ក្លាយជាថ្ងៃសំខាន់សម្រាប់គូស្នេហ៍រហូតមកដល់បច្ចុប្បន្ននេះ ដែលគូស្នេហ៍ទាំងឡាយនិយមឱ្យគ្នា ដូចជា ផ្កាកុលាប សូកូឡា ឬកាដូផ្សេងៗ ដើម្បីបង្ហាញពីការបារម្ភ និងបំណងល្អ ។ នៅថ្ងៃនេះដែរ ហាងនានា ឬតាមដងផ្លូវ តែងតែតុបតែងលម្អដោយពណ៌ស្រស់ឆើតឆាយ គឺពណ៌ក្រហម និងពណ៌ផ្កាឈូក ព្រមទាំងលក់ផ្កា និងវត្ថុអនុស្សាវរីយ៍ ។

សរុបមក បុណ្យនៃក្តីស្រឡាញ់ ១៤ កុម្ភៈ មិនត្រឹមតែជាថ្ងៃរីករាយសម្រាប់គូស្នេហ៍ប៉ុណ្ណោះទេ ប៉ុន្តែជាថ្ងៃបង្ហាញពីចំណងមិត្តភាពដ៏ស្រស់ស្អាតទៅកាន់មនុស្សនៅក្បែរខ្លួន ក្រុមគ្រួសារ ហើយយើងក៏អាចជូនពរដល់មិត្តភក្តិផងដែរ ៕

រាជធានីភ្នំពេញ ៖ ក្រសួងការពារជាតិកម្ពុជា នៅថ្ងៃទី១៤ ខែកុម្ភៈ ឆ្នាំ២០២៦ បានប្រកាសជ្រើសរើសកងទ័ពចំនួន៣,០០០នាក់ បន្ថែមទៀត ដើម្បីបំពេញក្របខណ្ឌឲ្យបណ្តាកងឯកភាព ចំណុះកងទ័ពជើងគោក។

យោងតាមសេក្ដីសម្រេចរបស់អគ្គបញ្ជាការដ្ឋានចេញថ្ងៃទី១១ ខែកុម្ភៈ បានឲ្យដឹងថា គណៈកម្មការដែលបង្កើតឡើងដោយ មេបញ្ជាការកងទ័ពជើងគោក ត្រូវការជ្រើសរើសពលទាហានថ្មី ចំនួន ៣,០០០ (បីពាន់) នាក់ ដើម្បីបំពេញក្របខ័ណ្ឌឱ្យបណ្តាកងឯកភាព ចំណុះកងទ័ពជើងគោក ដោយ សហការឯកភាពជាមួយគណៈកម្មការជ្រើសរើសពលទាហានថ្មី របស់អគ្គបញ្ជាការដ្ឋាន។

ក្នុងពេលជ្រើសរើស គណៈកម្មការជ្រើសរើសពលទាហានថ្មី តម្រូវឲ្យមានការត្រួតពិនិត្យឱ្យបានហ្មត់ចត់ ល្អិតល្អន់ សុក្រឹត្យភាព និងត្រឹមត្រូវតាមលក្ខខណ្ឌលក្ខណសម្បត្តិ ព្រមទាំងសំណុំលិខិតដែលបានកំណត់ដូចជា ៖
ក. សម្រាប់លក្ខខណ្ឌ និងលក្ខណសម្បត្តិ
១.សញ្ជាតិខ្មែរ (ភេទប្រុស), ២.អាយុ១៨ឆ្នាំ ដល់៣០ឆ្នាំ គិតត្រឹមថ្ងៃដាក់ពាក្យ(ចំពោះបេក្ខជនដែលមានកម្រិតវប្បធម៌ចាប់ពី មធ្យមសិក្សាបឋមភូមិ ដល់មធ្យមសិក្សាទុតិយភូមិ), ៣.អាយុ៣១ឆ្នាំ ដល់៣៥ឆ្នាំ គិតត្រឹមថ្ងៃដាក់ពាក្យ(ចំពោះបេក្ខជនដែលមានកម្រិតវប្បធម៌ចាប់ពី ថ្នាក់បរិញ្ញាបត្រឡើងទៅ ឬមានជំនាញឯកទេស), ៤.កម្ពស់១.៦០ម៉ែត្រឡើងទៅ, ៥.មានកាយសម្បទាគ្រប់គ្រាន់ និងសុខភាពល្អតាមតម្រូវការការងារ, ៦.មានភក្ដីភាពចំពោះជាតិ ព្រមទាំងគ្មានជាប់ពិរុទ្ធ ឬបទល្មើសផ្សេងៗ, ៧.បេក្ខជនត្រូវពិនិត្យសាវតាជាតិដោយកងរាជអាវុធហត្ថលើផ្ទៃប្រទេស, ៨.បេក្ខជនមិនស្ថិតក្នុងក្របខ័ណ្ឌរដ្ឋ បើស្ម័គ្រចិត្ត ត្រូវលាលែងពីក្របខ័ណ្ឌដើម, ៩.បេក្ខជនត្រូវពិនិត្យសុខភាពមុនពេលពិនិត្យលក្ខណសម្បត្តិ (គ្មានមេរោគថ្លើម អេដស៍ ជំងឺរ៉ាំរ៉ៃ ឬជំងឺសរសៃប្រសាទ) ១០.បេក្ខជនត្រូវពិនិត្យរកសារធាតុញៀន ពីគណៈកម្មការ, ១១. បេក្ខជនត្រូវឆ្លងកាត់ការពិនិត្យសុខភាពបឋម និងលក្ខណសម្បត្តិពីគណៈកម្មការជ្រើសរើស បើមានសង្ស័យ ឬមិនច្បាស់លាស់ពីអាការៈជំងឺ ត្រូវបន្តពិនិត្យវាយតម្លៃពីមន្ទីរពេទ្យព្រះកេតុមាលា និងទី១២.ត្រូវបានអាទិភាពចំពោះ សាច់ញាតិបង្កើតរបស់យោធិន ឬអតីតយុទ្ធជន យោធិនពលី-ពិការ ដោយផ្អែកទៅតាមលក្ខខណ្ឌ និងលក្ខណសម្បត្តិខាងលើ។
ខ. ចំពោះសំណុំលិខិតមានដូចជា៖
១.ពាក្យសុំចូលបម្រើក្នុងកងយោធពលខេមរភូមិន្ទ ច្បាប់ដើមចំនួន ២ ច្បាប់
២.លិខិតធានាបញ្ជាក់សាច់ញាតិបង្កើតយោធិន ឬអតីតយុទ្ធជន ឬយោធិនពលី-ពិការ ឬអាណាព្យាបាលចំនួន ២ ច្បាប់
៣.លិខិតបញ្ជាក់ការសិក្សាចំនួន ២ ច្បាប់
៤.បណ្ណពិនិត្យសុខភាពចំនួន ២ ច្បាប់
៥.អត្តសញ្ញាណបណ្ណសញ្ជាតិខ្មែរ (ថតចម្លង) និងសេចក្តីចម្លងបញ្ជាក់សំបុត្រកំណើត ចំនួន ២ ច្បាប់
៦. រូបថត ៤x៦ (ថតថ្មីចំពីមុខ) ចំនួន ៦ សន្លឹក។

យ៉ាងណាមិញ ចំពោះទីកន្លែងចែក ទទួលពាក្យ ទីតាំងហ្វឹកហ្វឺន និងកាលបរិច្ឆេទ គណកម្មាការជ្រើសរើសពលទាហានថ្មីនឹងធ្វើការបញ្ជាក់បន្ថែមទៀត៕

ថ្ងៃចូលឆ្នាំចិនត្រូវបានចាត់ទុកជាថ្ងៃដំបូងនៃឆ្នាំថ្មី និងចាប់ផ្តើមជីវិតថ្មី ដែលជនជាតិចិនមានជំនឿថា ប្រសិនបើចាប់ផ្តើមធ្វើអំពើល្អក្នុងថ្ងៃចូលឆ្នាំចិននឹ ងនាំមកនូវសេចក្តីសុខក្នុងក្រុមគ្រួសារ ជាពិសេស ការអនុវត្តតាម៧ចំណុចនេះនឹងទទួលបានទ្រព្យសម្បត្តិ លុយកាក់ហូរចូល និងសំណាងល្អពេញមួយឆ្នាំ ។

១-គោរពវត្ថុស័ក្តិសិទ្ធិ និងសុំពរឱ្យក្តីសុខក្នុងជីវិត ៖ អ្វីគួរអនុវត្តដំបូងគេនៅថ្ងៃចូលឆ្នាំចិន គឺការគោរពវត្ថុស័ក្តិសិទ្ធិ គោរពបុព្វបុរស ដើម្បីបង្ហាញនូវការដឹងគុណ និងសុំសេចក្តីសុខក្នុងជីវិតកុំឱ្យជួបឧបសគ្គ ។ ក្រៅពីនេះ អាចសុំពរឱ្យមានសុខភាពល្អ ជោគជ័យក្នុងការងារ លុយកាក់ហូរចូល ជនជាតិជឿថា ការសុំពរពេលព្រឹកព្រលឹមជួយឱ្យជីវិតទទួលលាភសំណាង និងថាមពលវិជ្ជមានពេញមួយឆ្នាំ ។

២-សម្អាតផ្ទះមុនថ្ងៃចូលឆ្នាំចិន បោះចោលរបស់ចាស់ ស្វាគមន៍របស់ថ្មី ៖ មុនថ្ងៃចូលឆ្នាំចិន គួរសម្អាតផ្ទះឱ្យមានសណ្តាប់ធ្នាប់ដើម្បីកម្ចាត់ហេតុការណ៍មិនល្អ និងបើកផ្លូវឱ្យលាភសំណាងថ្មីៗចូលក្នុងផ្ទះ ។ ប៉ុន្តែក្នុងថ្ងៃចូលឆ្នាំចិន ហាមដាច់ខាតបោសផ្ទះ និងបោះចោលសំរាម ពីព្រោះជាការបោសលាភសំណាង និងទ្រព្យសម្បត្តិចេញពីផ្ទះ ។

៣-ស្លៀកពាក់ឱ្យត្រូវពណ៌ដើម្បីបង្កើនសំណាង ៖ ថ្ងៃចូលឆ្នាំចិន គួរស្លៀកពាក់ឱ្យត្រូវពណ៌ដើម្បីបង្កើនសំណាង និងថាមពលវិជ្ជមាន ដូចជា ៖ សម្លៀកបំពាក់ពណ៌ក្រហម នឹងទាក់ទាញភាពរុងរឿង, ពណ៌មាស មានទ្រព្យសម្បត្តិហូរហៀរ និងពណ៌ផ្កាឈូក បង្កើនមន្តស្នេហ៍ ក្តីស្រឡាញ់ សេចក្តីមេត្តា ។ ហាមដាច់ខាតស្លៀកពាក់ពណ៌ខ្មៅ និងពណ៌ស ពីព្រោះជាពណ៌សោកសៅ និងកាន់ទុក្ខ ។

៤-និយាយតែពាក្យល្អៗ កុំប្រមាថ ៖ ពាក្យសម្តីនិយាយក្នុងថ្ងៃចូលឆ្នាំចិនសំខាន់ណាស់ បើនិយាយពាក្យល្អ ជីវិតនឹងជួបតែរឿងល្អៗពេញមួយឆ្នាំតាមពាក្យសម្តីរបស់យើង ។ ហេតុនេះ ចូរនិយាយតែពាក្យមានប្រយោជន៍ ចៀសវាងឈ្លោះគ្នា ជេរប្រទិច ឬនិយាយពីហេតុការណ៍អាក្រក់ ដើម្បីឱ្យថាមពលវិជ្ជមាននៅក្នុងខ្លួនយើង និងមនុស្សក្បែរខាងពេញមួយឆ្នាំ ។

៥-ផ្តល់អាំងប៉ាវដើម្បីឱ្យលុយហូរចូលទាំងអ្នកផ្តល់ និងអ្នកទទួល ៖ ការផ្តល់អាំងប៉ាវ គឺជាការបញ្ជូនសំណាងល្អ និងទ្រព្យសម្បត្តិ ដែលអ្នកផ្តល់នឹងទទួលបានលាភសំណាង ខណៈអ្នកទទួលនឹងថាមក៏មានសំណាងល្អដែរ ។ រីឯក្រដាសប្រាក់ក្នុងអាំងប៉ាវ ត្រូវតែជាក្រដាសប្រាក់ថ្មី ហើយចំនួនប្រាក់ដែលមានអត្ថន័យល្អ គឺលេខ៨ តំណាងឱ្យទ្រព្យសម្បត្តិ និងលេខ៩ តំណាងឱ្យភាពរីកចម្រើន ។

៦-ទទួលទានអាហារនាំលាភសំណាង និងទ្រព្យសម្បត្តិ ៖ ថ្ងៃចូលឆ្នាំចិន គួរទទួលទានអាហារនាំមកនូវលាភសំណាង និងភាពសម្បូរបែប ដូចជា ៖ ត្រី (សម្បូរអាហារហូបចុក សម្បូរលុយចាយ), ក្រូច (សំណាងល្អ), កៀវ (សម្បូរមាសប្រាក់) និងមី (អាយុវែង សុខភាពរឹងមាំ) ។

៧-ចាប់ផ្តើមប្រព្រឹត្តអំពើល្អឈានទៅជោគជ័យ ៖ ថ្ងៃចូលឆ្នាំចិន ចូរចាប់ផ្តើមប្រព្រឹត្តអំពើល្អ មិនថាការកំណត់គោលដៅជីវិត ធ្វើបុណ្យ និងបរិច្ចាគទ្រព្យសម្បត្តិ ដើម្បីបើកផ្លូវទៅសម្រេចបានភាពជោគជ័យ ។

សរុបមក ថ្ងៃចូលឆ្នាំចិន គឺជាថ្ងៃចាប់ផ្តើមជីវិតថ្មី ប្រសិនបើអនុវត្តតាម៧ចំណុចនេះបាន យើងនឹងទទួលបានថាមពលវិជ្ជមាន សំណាងល្អ ហេងហេង មាសប្រាក់ហូរចូល និងទទួលបានជោគជ័យជាបន្តបន្ទាប់ ៕

មកលើនេះមិនមែនជាការព្រ.មានទៀតទេ! ប្រធានាធិបតីនៃសាធារណរដ្ឋកូរ៉េខាងត្បូង លោក លីចេម្យុង នាយប់ថ្ងៃសុក្រ ទី១៣ ខែកុម្ភៈ បានបង្ហោះសារមួយដែលមានខ្លឹមសារវិជ្ជមាននៅលើប្រព័ន្ធផ្សព្វផ្សាយសង្គម ដោយលើកឡើងការពង្រឹងកិច្ចសហប្រតិបត្តិការរវាងសាធារណរដ្ឋកូរ៉េ និងព្រះរាជាណាចក្រកម្ពុជា ដើម្បីឈានទៅរកការលុបបំបាត់ឧក្រិដ្ឋកម្មឆ្លងដែន ជាពិសេសករណីឆបោកតាមអនឡាញ។

តាមរយៈសំណេរដែលបានសរសេទាំងជាភាសាកូរ៉េ និងភាសាខ្មែរ និងមានចំណង់ជើងថា <សាធារណរដ្ឋកូរ៉េ និងព្រះរាជាណាចក្រកម្ពុជា ចាប់ដៃសហការគ្នាដើម្បីឈានទៅរកការលុបបំបាត់ឧក្រិដ្ឋកម្មឆ្លងដែន> លោក លីចេម្យុង បានលើកឡើងយ៉ាងដូច្នេះថា៖ ក្រុមការងាររួមកម្ពុជា-កូរ៉េ ដែលត្រូវបានបង្កើត និងដាក់ឱ្យដំណើរការ តាមរយៈការឯកភាពគ្នារវាង ខ្ញុំ និងសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានអនុវត្តការងារសម្រេចបាននូវសមិទ្ធផលគួរឱ្យកត់សម្គាល់ ដោយក្រុមការងារចម្រុះយើងបានចុះបង្ក្រាប ព្រមទាំងឃាត់ខ្លួនជនល្មើសករណីឆបោកតាមអនឡាញចំនួនជាង ១៣០នាក់ ក្នុងរយៈពេលត្រឹមតែ ២ខែប៉ុណ្ណោះ បន្ទាប់ពីក្រុមការងារចម្រុះពិសេសនេះត្រូវបានបង្កើតឡើង។

បន្ថែមលើនោះ លោក លី បានលើកសរសើថា សមិទ្ធផលនេះ អាចសម្រេចបាន អាស្រ័យដោយឆន្ទៈដ៏រឹងមាំរបស់រដ្ឋាភិបាលកម្ពុជា និងកិច្ចសហការយ៉ាងមោះមុតរវាងមន្ត្រីនគរបាលនៃសាធារណរដ្ឋកូរ៉េ និងមន្ត្រីនគរបាលនៃព្រះរាជាណាចក្រកម្ពុជា។ ខ្ញុំសូមថ្លែងអំណរគុណដល់គ្រប់ភាគីពាក់ព័ន្ធទាំងអស់ សម្រាប់កិច្ចខិតខំប្រឹងប្រែង និងសហការក្នុងការងារនេះ។

តាមការគូសបញ្ជាក់របស់លោក លី រដ្ឋាភិបាលកូរ៉េ ប្តេជ្ញាបន្តពង្រឹងកិច្ចសហប្រតិបត្តិការឱ្យកាន់តែជិតស្និទ្ធជាមួយកម្ពុជា ដើម្បីរួមគ្នាឈានទៅរកការលុបបំបាត់ឧក្រិដ្ឋកម្មឆ្លងដែននេះ។ ខ្ញុំទន្ទឹងរង់ចាំអនាគតប្រកបដោយសុវត្ថិភាព និងសន្តិភាព ដែលនឹងត្រូវកសាងឡើងចេញពីការរួមកម្លាំងគ្នារវាងរដ្ឋាភិបាល និងប្រជាជននៃប្រទេសយើងទាំងពីរ។

ជាថ្មីម្តងទៀត លោក លីចេម្យុង បានធ្វើការថ្លែងអំណរគុណយ៉ាងជ្រាលជ្រៅ ជូនចំពោះ សម្តេចធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ខណៈដែលសម្ដេចធិបតីក៏បានបង្ហាញការស្វាគមន៍ចំពោះសាររបស់ប្រធានាធិបតីកូរ៉េរូបនេះដូចគ្នា។

ដូចគ្នានេះដែរ សម្ដេចធិបតីបានគូសបញ្ជាក់ថា ឧក្រិដ្ឋកម្មឆ្លងដែន រួមទាំងការឆបោកតាមប្រព័ន្ធបច្ចេកវិទ្យា មិនមែនជាបញ្ហាដែលប្រទេសណាមួយប្រឈមមុខ និងអាចដោះស្រាយតែម្នាក់ឯងនោះទេ ។ ដូច្នេះដើម្បីដោះស្រាយការគម្រាមកំហែងនេះ តម្រូវ ឱ្យមានកិច្ចសហប្រតិបត្តិការល្អក្នុងតំបន់ ជាក់ស្តែងដូចជាកិច្ចសហប្រតិបត្តិការយ៉ាងជិតស្និទ្ធ និងកិច្ចខិតខំប្រឹងប្រែងរួមរវាងកម្ពុជា និងសាធារណរដ្ឋកូរ៉េ គិតមកត្រឹមពេលនេះទទួលបានលទ្ធផលគួរឱ្យកត់សម្គាល់ ជាពិសេសឧក្រិដ្ឋកម្មឆបោកតាមប្រព័ន្ធបច្ចេកវិទ្យា ហើយសម្ដេចសង្ឃឹមថា ក្រុមការងាររួមនេះនឹងបន្តទទួលបានលទ្ធផលត្រចះត្រង់បន្ថែមទៀត ដើម្បីលុបបំបាត់ការឆបោកតាមប្រព័ន្ធបច្ចេកវិទ្យា និងឧក្រិដ្ឋកម្មឆ្លងដែននានា៕