ឯកឧត្តម បណ្ឌិត ហ៊ុន ម៉ាណែត បានអបអរសាទរចំពោះ លោកជំទាវ ពេជ ចន្ទមុន្នី ដែលបានដឹកនាំដោយជោគជ័យក្នុងការនាំកម្ពុជាទៅកាន់ពិភពលោកតាមរយៈការទទួលបាននូវសិទ្ធិក្នុងការធ្វើជាម្ចាស់ផ្ទះនៃកិច្ចប្រជុំសន្និសីទកាយរិទ្ធនារីពិភពលោកលើកទី៣៩។

ឯកឧត្តម បណ្ឌិត ហ៊ុន ម៉ាណែត បានបង្ហោះសារនៅលើបណ្តាញសង្គមហ្វេកប៊ុកថា៖”ទីបំផុតមេរបស់ខ្ញុំ និងក្រុមការងាររបស់គាត់ធ្វើបានហើយ!កម្ពុជាទទួលជ័យជម្នះជាប់ឆ្នោត ជាម្ចាស់ផ្ទះរៀបចំសន្និបាតសមាគមកាយប្ញទ្ធិនារីពិភពលោក លើកទី៣៩ នៅឆ្នាំ២០២៦ (បោះឆ្នោតក្នុងចំណោម ១០៤ប្រទេស)ខ្ញុំសូមកោតសរសើរចំពោះក្រុមការងារសមាគមកាយប្ញទ្ធិនារីកម្ពុជា ដែលបានខិតខំប្រឹងប្រែងរហូតទទួលបានលទ្ធផលដ៏ត្រចះត្រចង់នេះជូនប្រទេសកម្ពុជាយើងនៅលើឆាកអន្តរជាតិ។ខ្ញុំក៏សូមអរគុណដល់បងប្អូនប្រជាពលរដ្ឋខ្មែរទាំងអស់ដែលបានចូលរួមជួយគាំទ្របេក្ខភាពរបស់កម្ពុជាតាមរយៈការជួយគាំទ្រតាម online ដែលចូលរួមចំណែកអោយយើងទទួលបាននូវជោគជ័យនេះ”។

សូមបញ្ជាក់ផងដែរថា លោកជំទាវ ពេជ ចន្ទមុន្នីបានដឹកនាំគណៈប្រតិភូសមាគមកាយឫទ្ធិនារីកម្ពុជាចូលរួមសន្និសីទកាយឫទ្ធិនារីពិភពលោកលើកទី៣៨ នៅប្រទេសសាយព្រឹស ពីថ្ងៃទី២៦-៣១ ខែកក្កដា ឆ្នាំ២០២៣។
ក្នុងការដាក់កម្ពុជាជាប្រទេសម្ចាស់ផ្ទះសម្រាប់សន្និសីទពិភពលោកកាយឫទ្ធិនារីពិភពលោកលើកទី៣៩ ឆ្នាំ២០២៦ នឹងធ្វើឡើងនៅខេត្តសៀមរាប៕

នៅលើបណ្តាញសង្គមមានការស៊ែរចែករំលែកជាច្រើនទៅលើវីដេអូគូដណ្តឹងរបស់លោកគ្រូ សាន សុជា ច្រៀងបទ «ពេលបងចាស់ទៅ» ។ ក្នុងនោះ ឆាឆា អ្នកលេងបណ្តាញសង្គមល្បីឈ្មោះ បានបង្ហោះវីដេអូច្រៀងបទខាងលើនេះក្នុងន័យច្រៀងត្រាប់តាមក៏រងនៅមតិរិះគន់ពីអ្នកលេងបណ្តាញសង្គមថាពុំគួរធ្វើបែបនេះទេទោះក្នុងន័យបង្កភាពសប្បាយរីករាយក៏ដោយតែមានផលប៉ះពាល់អារម្មណ៍គេដូចគ្នា។

ឆាឆា ត្រូវគេកត់សម្គាល់ឃើញថា បានធ្វើវីដេអូកម្សាន្តសប្បាយរីករាយដល់អ្នកទស្សនាតាមរយៈវីដេអូកំប្លែងៗជាច្រើនជាមួយប្រធានបទណាដែលកំពុងក្តៅគគុកលើបណ្តាញសង្គម។ ថ្មីៗនេះទៀតសោត ឆាឆា បានច្រៀងបទ «ពេលបងចាស់ទៅ» ក្នុងន័យត្រាប់តាមសំឡេងរបស់អនាគតភរិយាលោកគ្រូ សាន សុជា ដោយក្នុងពិធីភ្ជាប់ពាក្យកាលពីថ្ងៃទី៣០ ខែកក្កដា កញ្ញា ឡៅ ដានេ បានច្រៀងបទខាងលើនេះជូនជាកាដូដល់អនាគតស្វាមីធ្វើឱ្យមានការជជែកវែកញែកយ៉ាងច្រើនពេញបណ្តាញសង្គម។

ទោះយ៉ាងណា ការបញ្ចេញវីដេអូរបស់ ឆាឆា ទាក់ទងនិងប្រធានបទខាងលើនេះមហាជនក៏បានរិះគន់ទៅលើអ្នកលេងបណ្តាញសង្គមល្បីឈ្មោះរូបនេះទោះក្នុងន័យចង់បង្កការសប្បាយក៏ដោយ ប៉ុន្តែការធ្វើនេះប្រៀបដូចជាការសើចចំអក បណ្តុះបង្អាប់ម្ខាងទៀតដែរ។

«ហេតុអ្វី ? ធ្វើអញ្ចឹងចំណេញអ្វីសម្រាប់អ្នក ? តើវាជារឿងដែរគួរឱ្យអស់សំណើចណាស់មែនទេ ? បែបនេះទើប ខ្ញុំគិតថាសង្គមយើងឥឡូវបើខុសគឺជាន់បើយើងធ្វើត្រូវគឺគេចាំសើចចំអកខ្ញុំចង់ឃើញបងប្អូនប្រជាពលរដ្ឋខ្មែរទាំងអស់ចេះស្រឡាញ់គ្នានិងប្រាប់ពីចំណុចខ្វះខាតប្រសើរ ជាងបង្ហាញលើបណ្តាញសង្គម, បុគ្គលណាគួរលេងនិងបុគ្គលណាពុំគួរលេង, ចូលចិត្តប្អូន ព្រោះប្អូនធ្វើឱ្យសប្បាយ តែម្តងនេះប្អូនរៀងជ្រុលបន្តិចហើយ ឆាៗ បងឧទាហរណ៍ វាមិនខុសអីពីមានអ្នកផ្សេងត្រាប់ ឬ ប្រដូច ឬ លេងសើច នឹង ភេទដូចប្អូនទេ យកចិត្តគេដាក់ចិត្តប្អូនផង (បញ្ជាក់ បងមិនដែលរើសអើងភេទទេ គ្រាន់តែឧទាហរណ៍)»។

«សរសើរបងស្រីទៅគាត់ក្លាហានហ៊ានច្រៀង ហេតុអីក៏ធ្វើតម្រាប់តាមគាត់បែបហ្នឹង? បានប្រយោជន៍អីពេល bully គេចឹង យក view? ខ្ញុំចូលចិត្តវីដេអូសំណើចឆាឆា តែនេះលើសហើយ គេជាមនុស្ស គាត់មិនបានធ្វើអីប៉ះពាល់ដល់អ្នកដទៃទេ។ គិតពីអារម្មណ៍អ្នកដទៃផងមុននឹងធ្វើ។ ខ្ញុំជឿថាឆាឆាក៏ធ្លាប់ត្រូវគេ bully ដែរតាមតែមើលការធ្វើវីដេអូ និងការតែងខ្លួន ទម្រាំមានថ្ងៃនេះចឹងគួរគិតពីពេលនោះផង។ រឿងខ្លះមិនគួរលេងទេ តើគាត់ជាអ្នកចម្រៀងឬ ?មានតែសរសើរគាត់វិញទេដែរគាត់ហ៊ានបង្ហាញ់ក្ដីស្រឡាញ់ចំពោះមនុស្សដែលគាត់ស្រលាញ់។, ឮតែគេថាខ្មែរស្រលាញ់ខ្មែរនេះរឺទង្វើ ដែលថាស្រលាញ់គ្នា?គាត់ច្រៀងអត់ពីរោះ តើគាត់មានកំហុសដែរមែនទេ?»។
ខាងលើនេះជាការលើកឡើងរបស់អ្នកលេងបណ្តាញសង្គមដែលបានរិះគន់ទៅលើ ឆាឆា។

គួរបញ្ជាក់ផងដែរថា បើតាមសម្តីរបស់គូដណ្តឹងលោកគ្រូ សាន សុជា ធ្លាប់និយាយតាមរយៈការ Live នាពេលកន្លងមកថា ខ្លួនមិនដែលយកពេលគិតទៅលើរឿងណាដែលមិនសមគួរនោះទេកញ្ញាយកពេលវេលាទៅធ្វើអ្វីផ្សេងដែលមានប្រយោជន៍ជាង លើកលែងរឿងណាដែលទាក់ទងទៅហ្នឹងផ្លូវច្បាប់ចំពោះកញ្ញា ទើបរឿងនោះកញ្ញាយកពេលទៅគិត៕

ចាប់ពីថ្ងៃទី២-៨ ខែសីហា ឆ្នាំ២០២៣ ប្រទេសកម្ពុជាទទួលឥទ្ធិពលពីប្រព័ន្ធសម្ពាធទាបអូសបន្លាយលើភាគខាងជើងប្រទេសឡាវ និង ប្រទេសវៀតណាម គួបផ្សំនឹងខ្យល់មូសុងនិរតីក្នុងកម្រិតមធ្យម។ ដោយឡែកក្នុងមហាសមុទ្រប៉ាស៊ីហ្វិក ព្យុះឈោ្មះ ខាណុន (KHANUN) កំពុងធ្វើដំណើរឆ្ពោះទៅភាគខាងកើតប្រទេសចិន ។

ស្ថានភាពបែបនេះធ្វើឱ្យតំបន់ទំនាបកណ្តាល មានសីតុណ្ហភាពអប្បបរមាពី ២៣-២៥ °C និង សីតុណ្ហភាពអតិបរមាមានពី ៣២-៣៤ °C អាចមានភ្លៀងធ្លាក់ក្នុងកម្រិតពីតិចទៅមធ្យម លាយឡំដោយផ្គរ រន្ទះ និងខ្យល់កន្ត្រាក់ ។

ចំណែកឯ តំបន់ខ្ពង់រាប សីតុណ្ហភាពអប្បបរមា មានពី ២២-២៤ °C និងសីតុណ្ហភាពអតិបរមា មានពី ៣១-៣៣ °C អាចមានភ្លៀងធ្លាក់ក្នុងកម្រិតពីតិចទៅមធ្យម លាយឡំដោយផ្គរ រន្ទះ និងខ្យល់កន្ត្រាក់ ។

សម្រាប់ តំបន់មាត់សមុទ្រ វិញសីតុណ្ហភាពអប្បបរមា មានពី ២២-២៤ °C សីតុណ្ហភាពអតិបរមា មានពី ២៩-៣១ °C អាចមានភ្លៀងធ្លាក់ក្នុងកម្រិតពីមធ្យមទៅបង្គួរ លាយឡំដោយផ្គរ រន្ទះ និងខ្យល់កន្ត្រាក់។ នៅលើផ្ទៃសមុទ្រនឹងមានខ្យល់បក់បោកខ្លាំងព្រមទាំងរលកសមុទ្រមានកម្ពស់ខ្ពស់៕

មនុស្សភាគច្រើនបានយកនំបញ្ចុកស្រស់ដាក់ចូលប្រអប់ រួចយកវាទៅក្លាហ្សេក្នុងទូរទឹកកកក្រោយពីបរិភោគមិនអស់ ប៉ុន្តែវិធីនេះ គេអាចរក្សាទុកនំបញ្ចុកបានចាប់ពី១សប្តាហ៍ ទៅ២សប្តាហ៍ប៉ុណ្ណោះ ហើយវាក៏ចាប់ផ្តើមខូចគុណភាព ។ តើគេមានវិធីផ្សេងទៀតទេ ដើម្បីរក្សាទុកវាឱ្យបានយូរជាងនេះ ?

ខាងក្រោមនេះ គឺជាវិធីងាយៗដើម្បីរក្សានំបញ្ចុកទុកបរិភោគបានរយៈពេល១ខែ រួមមាន ៖
១-ទាញសរសៃនំបញ្ចុកឱ្យដាច់ពីគ្នា និងមានកម្រាស់ស្តើងៗ រួចយកវាមកតម្រៀបនៅលើថាស
២-យកថាសនំបញ្ចុកនេះទៅហាលថ្ងៃប្រមាណពី១ថ្ងៃ ទៅ២ថ្ងៃ រហូតដល់នំបញ្ចុកស្ងួតខ្លាំង
៣-ពេលហាលថ្ងៃស្ងួតហើយ ត្រូវយកនំបញ្ចុកមកដាក់ក្នុងប្រអប់ ឬថង់ផ្លាស្ទិក និងបិទគម្រប ឬចងមាត់ថង់ឱ្យជិតដើម្បីការពារមិនឱ្យខ្យល់ចូល រួចយកវាដាក់ចូលទូរទឹកកក ។

ការធ្វើបែបនេះជួយឱ្យយើងអាចរក្សាទុកនំបញ្ចុកបានរយៈពេលប្រមាណ១ខែ ។ បើត្រូវការយកនំបញ្ចុកមកបរិភោគ គឺយើងត្រូវយកនំបញ្ចុកនេះទៅត្រាំទឹកត្រជាក់ដើម្បីឱ្យសរសៃរបស់វាទន់ ឬអាចយកវាទៅស្រុះជាមួយទឹកក្តៅជាមុនសិន រួចចាំបរិភោគ ៕ ប្រភព ៖ Maeban

បច្ចុប្បន្នដំណើរកម្សាន្តក្នុងព្រៃ ឬបោះតង់កំពុងក្លាយជាទម្លាប់មួយដ៏ចាបអារម្មណ៍មួយរបស់យុវជនសម័យថ្មី ដែលទំនេរពីការសិក្សា ចង់ចូលព្រៃសម្រាកកម្សាន្ត និងដើម្បីសាកថ្មជីវិតផងដែរ។