រាជធានីបាងកក៖ ក្រោយពេលមានញត្ដិតវ៉ា ជុំវិញសភាបានច្រានចោលនូវការឈរឈ្មោះជាថ្មីរបស់មេដឹកនាំគណបក្សឆ្ពោះទៅមុខ (Move Forward Party) ហៅកាត់ MFP រួចមក ឥឡូវ តុលាការធម្មនុញ្ញរបស់ប្រទេសថៃ បានសម្រេចបដិសេធញត្ដិទាំងនោះ ហើយសកម្មភាពបែបនេះ បានធ្វើឲ្យក្ដីសង្ឃឹមរបស់គណបក្សឈ្នះឆ្នោតមួយនេះ ឆ្ពោះទៅកាន់តំណែងនាយករដ្ឋមន្រ្ដី ត្រូវរលាយអស់។

សារព័ត៌មានរបស់ថៃ Bangkok Post បានចេញផ្សាយ កាលពីល្ងាច ថ្ងៃពុធ ទី១៦ ខែសីហា ថា តុលាការធម្មនុញ្ញ កាលពីថ្ងៃពុធ បានសម្រេចចិត្តជាឯកច្ឆន្ទ ច្រានចោល ចំពោះសំណើការពារសិទ្ធិរបស់មេដឹកនាំគណបក្សឆ្ពោះទៅមុខ (Move Forward) លោក ភីថា លីមចារឿនរ៉ាត (Pita Limjaroenrat) នៅក្នុងការតែងតាំងជាថ្មី ដើម្បីឲ្យសមាជិកសភា បោះឆ្នោត ជានាយករដ្ឋមន្ត្រី។

ការសម្រេចរបស់តុលាការធម្មនុញ្ញ បានបង្ហាញផ្លូវយ៉ាងច្បាស់ សម្រាប់ការបោះឆ្នោតជាថ្មីដើម្បីជ្រើសរើសនាយករដ្ឋមន្ត្រី ខណៈលោក វ៉ាន់ មូហាមេដ ណ័រ ម៉ាថា (Wan Muhamad Noor Matha) ប្រធារដ្ឋសភា បានអះអាង ថា ប្រហែលជានឹងត្រូវបោះឆ្នោត នៅថ្ងៃអង្គារ ទី២២ ខែសីហា។

តុលាការធម្មនុញ្ញរបស់ប្រទេសថៃ បានបញ្ជាក់ ថា សំណើទាំងនេះ បានស្នើមកពីក្រុមមនុស្ស ចំនួន១៨នាក់ ដែលបានបោះឆ្នោត គាំទ្រដល់គណបក្សឆ្ពោះទៅមុខ (MFP) នៅក្នុងការបោះឆ្នោតសកល កាលពីថ្ងៃទី១៤ ខែឧសភា និង អ្នកបោះឆ្នោត ចំនួន១៣នាក់ផ្សេងទៀត នៅក្នុងការបោះឆ្នោតសកល ហើយសមាជិកសភា របស់គណបក្ស MFP គឺលោក ផានយ៉ារ៉ាត ណានថាហ៊្វូស៊ីថាណុន (Panyarat Nanthaphusitanont)។

អ្នកគាំទ្រដល់គណបក្សឆ្ពោះទៅមុខ បានស្នើសុំដល់តុលាការធម្មនុញ្ញ សម្រេចលើសេចក្តីសម្រេចរបស់សភា កាលពីថ្ងៃទី១៩ ខែកក្កដា ដោយបដិសេធ ចំពោះការតែងតាំងជាថ្មីរបស់លោក ភីថា ប្រធានគណបក្សឆ្ពោះទៅមុខ ជានាយករដ្ឋមន្ត្រី ដោយសារតែពួកគេចាត់ទុក ថា ដំណោះស្រាយរបស់សភា រំលោភសិទ្ធិរបស់ពួកគេ ស្របតាមច្បាប់រដ្ឋធម្មនុញ្ញ។

តុលាការធម្មនុញ្ញ កាលពីថ្ងៃពុធ បានសម្រេច ថា ញត្តិដែលតុលាការ នឹងពិចារណា ត្រូវតែស្នើមកពីប្រជាជន ដែលសិទ្ធិ ឬ សេរីភាព ត្រូវបានរំលោភ ដោយផ្ទាល់ តាមការអនុវត្តសិទ្ធិអំណាចរបស់រដ្ឋ។ នៅក្នុងករណីនេះ អ្នកដាក់ញត្តិ មិនត្រូវបានតែងតាំង ជាបេក្ខជននាយករដ្ឋមន្ត្រី នោះឡើយ។ សិទ្ធិ ឬសេរីភាពរបស់ពួកគេ មិនត្រូវបានរំលោភ ដោយផ្ទាល់នោះទេ។ ដូច្នេះ តុលាការ បានសម្រេចជាឯកច្ឆន្ទ ថា មិនទទួលយកញត្តិ សម្រាប់ការពិចារណានោះដែរ ហើយតុលាការ ក៏បានបញ្ជាក់នៅក្នុងសេចក្តីសម្រេចរបស់ខ្លួន។

សភា កាលពីថ្ងៃទី១៩ ខែកក្កដា បានច្រានចោលនូវការតែងតាំងជាថ្មីដល់លោក ភីថា សម្រាប់សភាបោះឆ្នោតជ្រើសរើសនាយករដ្ឋមន្ត្រី ដោយការបោះឆ្នោត ភាគច្រើន ធ្វើតាមនីតិវិធី។ រីឯសមាជិកសភា មកពីគណបក្សជាគូប្រជែងរបស់គាត់ បានប្រកែក ថា បទប្បញ្ញត្តិរបស់សភា ត្រង់មាត្រា៤១ ហាមឃាត់នូវការបញ្ជូនមកវិញ ចំពោះសំណើដែលបានបរាជ័យ នៅក្នុងសម័យប្រជុំដូចគ្នា ហើយករណីនេះ ក៏រួមបញ្ចូល ទាំងការតែងតាំងជាថ្មីរបស់លោក ភីថា ផងដែរ។

លោក ភីថា មេដឹកនាំគណបក្សឆ្ពោះទៅមុខ ត្រូវបានតែងតាំងជាថ្មី ក្រោយការប៉ុនប៉ងជាលើកដំបូងរបស់គាត់ ដើម្បីក្លាយជានាយករដ្ឋមន្ត្រី មិនទទួលបានការគាំទ្រពីសភា កាលពីថ្ងៃទី១៣ ខែកក្កដា។

ដោយសារតែផ្លូវសម្រាប់លោក ភីថា ឆ្ពោះទៅកាន់តំណែងនាយករដ្ឋមន្ត្រី ត្រូវបានរារាំងហើយនោះ គណបក្សភឿថៃ បានដកខ្លួនចេញពីក្រុមសម្ពន្ធភាពចម្រុះចំនួន៨គណបក្ស ដឹកនាំដោយគណបក្សឆ្ពោះទៅមុខ ហើយជំនួសមកវិញ កំពុងតែព្យាយាមបង្កើតរដ្ឋាភិបាលថ្មី ជាមួយនឹងបេក្ខជននាយករដ្ឋមន្ត្រីរបស់ខ្លួន គឺលោក ស្រេតថា ថាវីស៊ីន (Srettha Thavisin)។

គណបក្សឆ្ពោះទៅមុខ (MFP) ជាអ្នកឈ្នះ នៅក្នុងការបោះឆ្នោតសកលរបស់ប្រទេសថៃ កាលពីថ្ងៃទី១៤ ខែសឧសភា ដោយទទួលបានអាសនៈសភា ចំនួន១៥១ ខណៈគណបក្សភឿថៃ ជាប់លំដាប់លេខ២ ដោយទទួលបានអាសនៈចំនួន១៤១។

តុលាការធម្មនុញ្ញ កាលពីថ្ងៃទី១៩ ខែកក្កដា បានព្យួរលោក ភីថា ពីការងារជាសមាជិកសភា ដោយរង់ចាំការសម្រេចលើឋានៈសភារបស់គាត់ ទាក់ទងនឹងការកាន់កាប់ភាគហ៊ុនពីមុនរបស់គាត់ នៅក្នុង iTV Plc ។ រដ្ឋធម្មនុញ្ញ ហាមម្ចាស់ភាគហ៊ុនរបស់អង្គភាពប្រព័ន្ធផ្សព្វផ្សាយ មិនឱ្យឈរឈ្មោះ នៅក្នុងការបោះឆ្នោតសកល។ ទន្ទឹមគ្នានេះ គណៈកម្មការរៀបចំការបោះឆ្នោត ដែលបានស៊ើបអង្កេតលើបណ្តឹងនេះ ត្រូវបានរាយការណ៍ កាលពីថ្ងៃអង្គារ ថា ស្ថាប័នបោះឆ្នោតមួយនេះ បានផ្តល់អនុសាសន៍ឱ្យទម្លាក់ចោលនូវការចោទប្រកាន់នេះ៕

បរទេស៖ Neymar បានបញ្ចប់ការផ្ទេរពី PSG ទៅ Al Hilal ហើយបានចូលរួមជាមួយក្រុមកីឡាករដែលទទួលបានប្រាក់បៀវត្សរ៍ខ្ពស់បំផុតក្នុងពិភពលោក ស្រដៀងទៅនឹង Cristiano Ronaldo និង Karim Benzema ។
នៅល្ងាចថ្ងៃទី ១៥ ខែសីហា ក្លិបបាល់ទាត់ Al Hilal បានណែនាំ Neymar ជាមួយនឹងកិច្ចសន្យារយៈពេល ២ ឆ្នាំរបស់ខ្លួន ដែលកុងត្រានោះនឹងផុតកំណត់នៅខែមិថុនា ឆ្នាំ ២០២៥។ ដូច្នេះ ប្រាក់ចំណូលរយៈពេលពីរឆ្នាំរបស់ខ្សែប្រយុទ្ធប្រេស៊ីល គឺប្រហែល ៤០០ លានដុល្លារ ជាមួយនឹងការទូទាត់បន្ថែម និងកិច្ចព្រមព្រៀងពាណិជ្ជកម្ម។ កម្រិតនេះគឺស្មើនឹងអ្វីដែល Cristiano Ronaldo ទទួលបាននៅក្លិបបាល់ទាត់ Al Nassr និង Karim Benzema ទទួលបាននៅ Al Ittihad។

Al Hilal ក៏ត្រូវបង់ថ្លៃផ្ទេរ ៩៨ លានដុល្លារទៅ PSG ដែលស្មើនឹងមួយភាគបីនៃអ្វីដែលក្រុមបារាំងបានចំណាយដើម្បីទិញ Neymar ពី Barca ក្នុងឆ្នាំ ២០១៧ ។ មកទល់ពេលនេះ វានៅតែជាតម្លៃផ្ទេរខ្ពស់បំផុតក្នុងពិភពលោក។ Neymar ក៏ជាកិច្ចព្រមព្រៀងជាមួយនឹងតម្លៃផ្ទេរខ្ពស់បំផុតនៅក្នុងប្រទេសអារ៉ាប៊ីសាអូឌីតផងដែរ។
នៅក្នុងក្លិបបាល់ទាត់ Al Hilal ខ្សែប្រយុទ្ធប្រេស៊ីលវ័យ ៣១ ឆ្នាំរូបនេះ នឹងក្លាយជាមិត្តរួមក្រុមជាមួយខ្សែបម្រើ Kalidiu Koulibaly ខ្សែបម្រើ Ruben Neves, Sergej Milinkovic-Savic និងខ្សែប្រយុទ្ធមិត្តរួមក្រុម Malcom ។

Al Hilal គឺជាក្លិបជោគជ័យបំផុតនៅអារ៉ាប៊ីសាអូឌីត ពួកគេកំពុងកាន់កំណត់ត្រានៃម្ចាស់ជើងឯក Saudi Pro League ១៨ ដង, AFC Champions League ៤ ដង និងម្ចាស់ជើងឯក Asian Cup ២ ដង។ កាលពីរដូវកាលមុន Al Hilal ជាប់ចំណាត់ថ្នាក់លេខ៣ក្នុងតារាង Saudi Pro League តាមពីក្រោយ Al Ittihad និង Al Nassr។ យ៉ាងណាមិញ ពួកគេបានឈ្នះពាន King Cup និងបានកៅអីមួយក្នុង AFC Champions League នៅរដូវកាលនេះ។

ក្នុងការប្រកួតវគ្គផ្ដាច់ព្រ័ត្រ Arab Champions Cup កាលពីថ្ងៃទី១២ ខែសីហា ក្រុម Al Hilal បានចាញ់ Al Nassr ១-២។ ពីរថ្ងៃក្រោយមក Al Hilal បានចាប់ផ្តើមការប្រកួត Saudi Pro League ឆ្នាំ ២០២៣-២០២៤ ជាមួយនឹងជ័យជម្នះ ៣-១ លើ Abha។ ដូចនេះ Neymar អាចនឹងបង្ហាញខ្លួនជាលើកដំបូងនៅក្នុងក្លិបបាល់ទាត់ Al Hilal ជាមួយនឹងការប្រកួតទល់នឹង Al Fayha នៅថ្ងៃទី ១៩ ខែសីហា ឆ្នាំ២០២៣ ៕ ប្រភព៖vnexpress

ថ្មីៗនេះយោងតាមប្រភព បុរាណណាចារ្យ បានឱ្យដឹងថា ដើម្បីធ្វើការគោរពបូជា គ្រូកាយកែវនេះ គឺគេតម្រូវឱ្យបូជាយញ្ញកូនឆ្មា កូនឆ្កែ ជាមុនសិនដោយធ្វើការបំពុលវាឱ្យស្រែក ប្រកាច់ៗ រួចយកទៅកប់នៅក្នុងដីទាំងរស់។ ការធ្វើបែបនេះគេជឿថា នឹងអាចជួយឱ្យពួកគេមានទ្រព្យសម្បត្តិច្រើន និងសម្រេចបំណងតាមអ្វីដែលពួកគេបានសុំ មិនថារឿងការងារ លាភសំណាង សេចក្តីស្នេហា ការលក់ដូរ និងរឿងផ្សេងៗទៀត។

បន្ទាប់ពីផ្ទុះការចាប់អារម្មណ៍យ៉ាងខ្លាំងពីបណ្តាញសង្គម កាលពីថ្ងៃទី១៣ ខែសីហាកន្លងទៅ ប្រជាជនថៃបាននាំគ្នាទៅគោរពបូជាអសុរកាយខ្មៅ ដែលត្រូវបានគេស្គាល់ថាជាគ្រូកាយកែវនេះឯង ដោយជឿថារអសុរកាយខ្មៅ ឬគ្រូកាយកែវនេះ គឺជាព្រះតំណាងឱ្យលាភសំណាង និងល្បីល្បាញខាងពូកែស័ក្តិសិទ្ធិ ដែលអាចជួយឱ្យពួកគេទទួលបានសំណាងល្អក្នុងជីវិត ជោគជ័យលើការងារ ចម្រើនរុងរឿង និងសម្រេចតាមក្តីប្រាថ្នា ។

ទោះជាយ៉ាងណាក៏ដោយថ្មីៗនេះមានរឿងនិយាយតៗគ្នាយ៉ាងច្រើទៅលើប្រវត្តិរបស់គ្រូកែវកាយនេះ ដោយអ្នកខ្លះនិយាយថា គ្រូកែវកាយគឺជាគ្រូមានមន្តវិជ្ជាការកាលពីរាប់ពាន់ឆ្នាំមុន ហើយអ្នកខ្លះទៀតក៏និយាយថា គ្រូកែវកាយគឺជាគ្រូនៅជំនាន់ប្រាសាទអង្គរវត្ត ដែលនេះគឺជាការបំភ្លីប្រវត្តិសាស្រ្តយ៉ាងដូច្នេះដែល សូមកុំជឿឱ្យសោះ។ យ៉ាងណាមិញទាក់ទងនឹងការគោរពបូជា ដែលថាតម្រូវឱ្យបូជាយញ្ញកូនឆ្មា កូនឆ្កែ ជាមុនសិននោះ គឺមិនទាន់មានប្រភពច្បាស់លាស់នៅឡើយទេ វាគ្រាន់តែជាការនិយាយតៗគ្នានៅក្នុងបណ្តាញសង្គមប៉ុណ្ណោះ៕

នៅ​ចំ​កណ្ដាល​វាល​ខ្សាច់ ដែល​ជា​កន្លែង​ក្ដៅ​បំផុត​មួយ​នៅ​លើ​ពិភពលោក បែរ​ជា​មាន​ទីក្រុង​រមណីយដ្ឋាន​កម្សាន្ត ​​មាន​ដើម​ឈើ​ពោរពេញ​ដោយ​ស្លឹក​ខៀវ​ស្រងាត់ ព្រម​ទាំង​បឹង​មួយ​យ៉ាង​ធំ ស្ទើរ​មិន​គួរឱ្យ​ជឿ។

ទីក្រុង​ដ៏​អស្ចារ្យ​នេះ ឈ្មោះ​ថា Huacachina មាន​ទីតាំង​នៅ​លើ​វាល​ខ្សាច់​មួយ ភាគ​និរតី​ប្រទេស​ប៉េរូ ដែល​មាន​ចម្ងាយ​ត្រឹម ៤​គីឡូម៉ែត្រ​ប៉ុណ្ណោះ​ពី​ទីក្រុង Ica ។ អ្នក​ទេសចរ អាច​ធ្វើ​ដំណើរ​ទៅ​ដល់​ទី​នោះ ដើម្បី​ងូត​ទឹក​លេង មើល​ថ្ងៃ​លិច ព្រម​ទាំង​​ទស្សនា​លំនៅឋាន​ទាំង ៩៦​កន្លែង ដែល​បើក​អាជីវកម្ម​ខ្នាត​តូច ដើម្បី​បម្រើ​ជីវភាព​រស់​នៅ​ប្រចាំ​ថ្ងៃ​របស់​ពួក​គេ។

នៅ​អំឡុង​ទសវត្សរ៍​ឆ្នាំ១៩៤០ ទីក្រុង​និម្មិត​នេះ គឺ​ជា​កន្លែង​ពេញ​និយម​សម្រាប់​អ្នក​មាន ​មក​ងូត​ទឹក​លំហែ​កាយ​លេង ព្រោះ​ពួក​គេ​គិត​ថា​ទឹក​នេះ​អាច​មាន​ប្រសិទ្ធភាព​ព្យាបាល​ជំងឺ ប៉ុន្តែ​ក្រោយ​មក​ត្រូវ​គេ​ទុក​ចោល​អស់​មួយ​រយៈ។ យ៉ាង​ណា​មិញ បន្ទាប់​ពី​មាន​យុទ្ធនាការ​ផ្សព្វផ្សាយ​សាជាថ្មី ទីក្រុង​នេះ​ចាប់​ផ្ដើម​ទទួល​បាន​ប្រជាប្រិយភាព​ម្ដង​ទៀត ហើយ​អ្នក​រស់នៅ​ក្នុង​តំបន់​ក៏​ប្រកប​មុខ​ជំនួញ​ដោយ​ពឹង​ផ្អែក​លើ​វិស័យ​ទេសចរណ៍។

ដោយសារ​តែ​អ្នក​រស់​នៅ​ក្នុង​ទីក្រុង សាងសង់​អណ្ដូង​ដើម្បី​ទាញ​យក​ទឹក​ពី​ក្រោម​ដី បូក​រួម​ទាំង​រំហួត​ទឹក​ដែល​កើត​ឡើង​ពី​សីតុណ្ហភាព​ក្ដៅ​ខ្លាំង​ផង ធ្វើ​ឱ្យ​កម្រិត​ទឹក​បឹង​ស្រក​ចុះ​កាលពី​ប៉ុន្មាន​ឆ្នាំ​មុន។ ដើម្បី​ដោះ​ស្រាយ​ស្ថានការណ៍​នេះ ​បឹង​ត្រូវ​គេ​បំពេញ​បន្ថែម​ឡើង​វិញ ដោយ​ទឹក​ដែល​យក​មក​ពី​ទីក្រុង Ica។ ទីក្រុង​ដ៏​អស្ចារ្យ Huacachina ត្រូវ​អះអាង​ថា​ជា​តំបន់​មរតក​វប្បធម៌​របស់​ប្រទេស ដោយ​វិទ្យាស្ថាន​វប្បធម៌​ជាតិ៕