បន្ទាប់ពីការបោះឆ្នោតផ្តល់សេចក្តីទុកចិត្តពេញទំហឹងដល់សមាសភាពរដ្ឋាភិបាលថ្មី បានតែងតាំងឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត ជានាយករដ្ឋមន្ត្រីថ្មីនៃប្រទេសកម្ពុជា នានីតិកាលទី៧។
គណៈរដ្ឋមន្ត្រីថ្មីរបស់នាយករដ្ឋមន្រ្តី ហ៊ុន ម៉ាណែត រួមមានឧបនាយករដ្ឋមន្ត្រី១០រូប ទេសរដ្ឋមន្ត្រី២១រូប និងរដ្ឋមន្ត្រី៣០រូប។យោងតាមសេចក្ដីសម្រេចលេខ ៦១ ស.ស.រ ចុះថ្ងៃទី២២ ខែសីហា ឆ្នាំ២០២៣ ឧបនាយករដ្ឋមន្ដ្រី ២រូប ក្នុងចំណោម ១០រូប នឹងត្រូវទទួលបន្ទុកជានាយករដ្ឋមន្ដ្រីស្ដីទី នៅពេលដែលឯកឧត្ដមកិត្ដិទេសាភិបាលបណ្ឌិតហ៊ុន ម៉ាណែត អវត្ដមាន។

ឧបនាយករដ្ឋមន្ដ្រីទាំង ២រូបនោះ គឺ ឯកឧត្ដម នេត សាវឿន និងឯកឧត្ដម អូន ព័ន្ធមុន្នីរ័ត្ន។

ឯកឧត្តមសន្តិបណ្ឌិត នេត សាវឿន ឧបនាយករដ្ឋមន្ត្រី ទទួលបន្ទុកជានាយករដ្ឋមន្ត្រីស្តីទី ពេលនាយករដ្ឋមន្ត្រីអវត្ដមាន, ជួយនាយករដ្ឋមន្ត្រីលើវិស័យសន្តិសុខជាតិ និងសណ្ដាប់ធ្នាប់ សាធារណៈ ក្នុងក្របខណ្ឌអន្តរក្រសួង ជួយនាយករដ្ឋមន្ត្រីក្នុងការសម្របសម្រួលដឹកនាំ កម្លាំងគ្រប់ប្រភេទ ដើម្បីការងារសន្តិសុខជាតិ និងសណ្តាប់ធ្នាប់សាធារណៈ, ទទួលសិទ្ធិពីនាយករដ្ឋមន្ត្រីក្នុងការបញ្ជាកងរាជអាវុធហត្ថលើផ្ទៃប្រទេស ក្នុងពេលនាយករដ្ឋមន្ត្រីអវត្តមាន, ជួយតម្រង់ទិសដល់អាជ្ញាធរ គណៈកម្មាធិការ ក្រុមប្រឹក្សាដែលចំណុះឱ្យរាជរដ្ឋាភិបាល តាម ការប្រគល់សិទ្ធិរបស់នាយករដ្ឋមន្ត្រី ព្រមទាំងទទួលបន្ទុកអនុវត្តការងារពិសេស ឬបេសកកម្ម ពិសេសផ្សេងទៀតដែលនាយករដ្ឋមន្ត្រីប្រគល់ជូន។

ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី ទទួលបន្ទុកជា នាយករដ្ឋមន្ត្រីស្តីទី ពេលនាយករដ្ឋមន្ត្រី និងឯកឧត្តមសន្តិបណ្ឌិត នេត សាវឿន អវត្តមាន, ជួយនាយករដ្ឋមន្ត្រីលើវិស័យសេដ្ឋកិច្ច និងហិរញ្ញវត្ថុ, ជាប្រធានគណៈកម្មការគោលនយោបាយ សេដ្ឋកិច្ចនិងហិរញ្ញវត្ថុ, ជាប្រធានក្រុមប្រឹក្សាជាតិគាំពារសង្គម និងជាប្រធានឧត្តមក្រុមប្រឹក្សា សេដ្ឋកិច្ចជាតិ ព្រមទាំងទទួលបន្ទុកអនុវត្តការងារពិសេស ឬបេសកកម្មពិសេសផ្សេងទៀត ដល នាយករដ្ឋមន្ត្រីប្រគល់ជូន៕

អ្នកវិទ្យាសាស្រ្តបានធ្វើការពិសោធន៍ទៅលើមនុស្សរៀបស្លាប់ នៅពេលដែលមនុស្សម្នាក់ៗរៀបស្លាប់គេឃើញមានប្រតិកម្មផ្សេងៗគ្នា ដូច្នេះហើយតើមនុស្សរៀបស្លាប់អាចមើលឃើញអ្វីខ្លះ? ខាងក្រោមនេះគឺជាចំណុចទាំង ៧ ដែលមនុស្សរៀបស្លាប់ធ្លាប់មើលឃើញ៖

១.ការឡើងទៅលើកាំជណ្ដើរ៖ មនុស្សជិតស្លាប់ភាគច្រើនពួកគេឃើញខ្លួនឯងកំពុងឡើងជណ្តើរដោយទិដ្ឋភាពច្បាស់មួយ។

២.ទទួលសារពីមនុស្សជិតដិត៖ មនុស្សដែលជិតស្លាប់ពួកគេបានឃើញខ្លួនឯងទៅស្និតស្នាលជាមួយអ្នកដែលបានបាត់បង់ជីវិតយូរណាស់មកហើយ។

៣.ឃើញពន្លឺពណ៌ស៖ ពន្លឺពណ៌សគ្មានអ្វីគួឱ្យខ្លាចនោះទេ មនុស្សភាគច្រើនជឿថាពន្លឺនេះគឺជាឋានសួគ៌ឬជាសុគតិភព។

៤.ការឃើញទេវតាឬទេពអប្សរ៖ តាមការស្រាវបានរកឃើញថា មនុស្សដែលរៀបស្លាប់ពួកគេនឹងឃើញទេវតាឬទេពអប្សរនាំពួកគេហោះឡើងលើរហូតដែលគ្មានថ្ងៃបញ្ចប់។

៥.ឃើញភាពទទេស្អាត៖ នៅក្នុងសៀវភៅជាច្រើនដែលនិយាយពីការស្លាប់បានលើកឡើងថា នៅពេលស្លាប់ភ្លាមមនុស្សនឹងទៅដល់ឋានមួយដែលគ្មានអ្វីសោះ ដែលនៅទីនោះគ្មានការកើត គ្មានការស្លាប់ និយាយទៅគឺគ្មានអ្វីទាំងអស់។

៦.ព្រលឹងចេញពីរាងកាយរបស់ខ្លួន៖ ធ្លាប់តែមើលរឿង តែរឿងពិតក៏មានមែនដែរ មនុស្សដែលជិតស្លាប់ ព្រលឹងពួកគេបាននៅក្រៅខ្លួនហើយបានមើលត្រឹមតែរូបកាយខ្លួនឯងនឹងមនុស្សជុំវិញខ្លួនតែប៉ុណ្ណោះ ដែលពួកគេមិនអាចធ្វើអ្វីបាន។

៧.នឹករឿងកន្លង៖ នៅទីបំផុតមនុស្សដែលជិតស្លាប់បានមើលឃើញនៅរឿងអតីតកាលរបស់ខ្លួនកន្លងមក ដែលមានទាំងរឿងល្អនិងរឿងអាក្រក់ នៅពេលមនុស្សជិតស្លាប់បានឃើញរឿងអាក្រក់ជាច្រើននោះពួកគេមានប្រតិកម្មចម្លែកៗ ប៉ុន្តែបើពួកគេបានឃើញរឿងល្អៗនោះពួកគេនឹងស្ងប់សុខ៕

បន្ទាប់ពីការបោះឆ្នោតផ្តល់សេចក្តីទុកចិត្តពេញទំហឹងដល់សមាសភាពរដ្ឋាភិបាលថ្មី បានតែងតាំងឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត ជានាយករដ្ឋមន្ត្រីថ្មីនៃប្រទេសកម្ពុជា នានីតិកាលទី៧។

គណៈរដ្ឋមន្ត្រីថ្មីរបស់លោកនាយករដ្ឋមន្រ្តី ហ៊ុន ម៉ាណែត រួមមានឧបនាយករដ្ឋមន្ត្រី១០រូប ទេសរដ្ឋមន្ត្រី២១រូប និងរដ្ឋមន្ត្រី៣០រូប។

នៅក្នុងនោះគេឃើញមានការផ្លាស់ប្តូររដ្ឋមន្រ្តីតាមក្រសួងជាច្រើន ក៏ប៉ុន្តែក៏នៅមានក្រសួងមួយចំនួនមិនមានការផ្លាស់ប្តូររដ្ឋមន្រ្តីនោះទេ ក្នុងនោះរួមមាន៖

• ឯកឧត្តម អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ
• ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ
• ឯកឧត្តម ហង់ ជួនណារ៉ុន រដ្ឋមន្ត្រីក្រសួងអប់រំ យុវជន និងកីឡា
• ឯកឧត្តម កើត រិទ្ធ រដ្ឋមន្ត្រីក្រសួងយុត្តិធម៌
• ឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសណីយ៍ និងទូរគមនាគមន៍
• លោកជំទាវ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ
• លោកជំទាវ អុឹង កន្ថាផាវី រដ្ឋមន្ត្រីក្រសួងកិច្ចការនារី
• ឯកឧត្តម ម៉ៅ ហាវណ្ណាល់ រដ្ឋមន្ដ្រីទទួលបន្ទុករដ្ឋលេខាធិការដ្ឋានអាកាសចរស៊ីវិល

គិតត្រឹមខែ៨ ឆ្នាំ២០២៣ នេះ ប្រទេសកម្ពុជា រកចំណូលបាន២០០៤លានដុល្លារ ពីភេសជ្ជៈមានជាអាល់កុល នេះបើយោងតាមស្ថិតិរបស់វេបសាយ statista។

ទីផ្សារនេះ ត្រូវបានគេរំពឹងថានឹងកើនឡើងជារៀងរាល់ឆ្នាំ ៨.៦ភាគរយ នៅក្នុងរង្វង់ ៤ឆ្នាំខាងមុខទៀត ចន្លោះពីឆ្នាំ២០២៣-២០២៧។

មិនតែប៉ុណ្ណោះនៅក្នុងរបាយការណ៍នេះ ក៏បានបញ្ជាក់ថា ជាមធ្យម ប្រជាជនកម្ពុជាម្នាក់ៗ ទទួលទានភេសជ្ជៈមានជាអាល់កុល៣៨.៩៤លីត្រ នៅក្នុងឆ្នាំ២០២៣។

សូមបញ្ជាក់ផងដែរថា កាលពីខែមិថុនា កន្លងទៅនេះ កម្ពុជា ក៏បានឡើងមកចំណាត់ថ្នាក់លេខមួយនៅក្នុងតំបន់អាស៊ានផងដែរ ជាប្រទេសដែលមានអ្នកទទួលទានគ្រឿងស្រវឹងច្រើនជាងគេ បើធៀបទៅលើពិភពលោក កម្ពុជាឈរនៅលេខ២០៕

ប្រភព៖ Wise Voter & statista