JISOO, LISA, និង ROSÉ នៃក្រុមចម្រៀង BLACKPINK ពេលនេះបានក្លាយជាសិល្បការិនីតែមួយគត់ ដែលមានអាល់ប៊ុមមានការបញ្ជាក់ Triple Platinum នៅលើ Circle Chart។ Circle Chart ត្រូវបានគេដឹងថាជាតារាងដែលបង្ហាញភាពពេញនិយមប្រចាំសប្តាហ៍នៃបទចម្រៀង និងអាល់ប៊ុមនៅក្នុងប្រទេសកូរ៉េខាងត្បូង ដែលផលិតដោយសមាគមមាតិកាតន្ត្រីកូរ៉េ និងឧបត្ថម្ភដោយក្រសួងវប្បធម៌ កីឡា និងទេសចរណ៍របស់ប្រទេសកូរ៉េខាងត្បូង។

BLACKPINK នៅតែបន្តគ្រប់គ្រងលើតារាងតន្ត្រីខណៈពេលដែលមានការប្រគំតន្រ្តីទេសចរណ៍ពិភពលោក ដោយលើកនេះ Jisoo, Lisa និង Rosé គឺជាសិល្បការិនីដែលបង្កើតកំណត់ត្រាថ្មីនៅក្នុងប្រទេសកូរ៉េខាងត្បូង។ កំណត់ត្រាថ្មីរបស់អ្នកទាំង៣នោះគឺអាល់ប៊ុមមានការបញ្ជាក់ Triple Platinum នៅលើ Circle Chartដែលជាតារាងដែលបង្ហាញពីប្រជាប្រិយភាពនៃបទចម្រៀង និងអាល់ប៊ុមនៅក្នុងប្រទេសកូរ៉េខាងត្បូង ដែលត្រូវបានរាយការណ៍ថាអាល់ប៊ុមទោលដំបូងរបស់ JISOO “ME” លក់បាន ១.៥ លានបន្ទះ ដោយពង្រីកកំណត់ត្រារបស់ខ្លួនជាអាល់ប៊ុមដែលលក់ដាច់បំផុតរបស់សិល្បការិនី។

ជាមួយនឹងតួលេខនេះ Jisoo បានទទួលបន្ទុកក្នុងការបង្ហាញពីស្ថេរភាពនៃការលក់របស់ខ្លួន ចាប់តាំងពីវាកំពុងកើនឡើងឥតឈប់ឈរ ហើយក៏ក្លាយជាអាល់ប៊ុមដែលលក់ដាច់បំផុតក្នុងឆ្នាំនេះ លើសពីអាល់ប៊ុមដែលបានចរាចរអស់រយៈពេលជាច្រើនខែ ហើយដែលពីមុនបានរក្សាកំណត់ត្រាបែបនេះ។

ជាមួយគ្នានេះដែរ សមាជិក Lisa វិញទើបតែទទួលបានវិញ្ញាបនបត្រ triple platinum សម្រាប់អាល់ប៊ុមទោលដំបូងរបស់នាងដែលមានចំណងជើងថា “LALISA” ដែលលក់បានជាង ៧៥០,០០០ បន្ទះចាប់តាំងពីការចេញផ្សាយរបស់ខ្លួន ហើយបច្ចុប្បន្នកើនដល់ ៨៣១,២០៥ បន្ទះដោយបានចូលរួមជាមួយ Jisoo ជាអាល់ប៊ុមដែលលក់ដាច់បំផុតសម្រាប់សិល្បការិនី។

ស្ថិតនៅលំដាប់ទី ៣ និងជិតឈានដល់តួលេខរបស់ Lisa គឺជាអាល់ប៊ុមទោលដំបូង -R-របស់ Rosé ដែលថ្មីៗនេះបានលក់លើស ៨៣០,០០០បន្ទះរួចហើយនៅលើតារាង Circle Chart ដែលបច្ចុប្បន្នជាអាល់ប៊ុមលក់ដាច់បំផុតទីបីដោយអ្នកចម្រៀងស្រីក្នុងប្រវត្តិសាស្ត្រ Circle Chart ៕

នៅថ្ងៃទី២៤ ខែសីហា អ្នកនិយមលេងបណ្តាញអ៊ីនធឺណិតមានការចាប់អារម្មណ៍យ៉ាងខ្លាំងដែលទទួលបានដំណឹង អំពីការបរិច្ចាគរបស់ Jimin បានបង្ហាញនៅលើវេទិកាអនឡាញហើយអ្នកបង្ហោះត្រូវបានគេស្គាល់ថាជាគ្រូបង្រៀនម្នាក់នៅក្នុងតំបន់ Chungbuk ដែលបានសម្តែងការស្ញប់ស្ញែង និងមោទនភាពចំពោះការបរិច្ចាគរបស់ Jimin ។

បន្ថែមពីលើការបង្ហោះ រូបភាពនៃលិខិតបរិច្ចាគដែលពួកគេបានទទួលគឺមានឈ្មោះថា ឯកសារសាធារណៈទូទាំងប្រទេស’ត្រូវបានបញ្ជូនដោយការិយាល័យប្រជាពលរដ្ឋ និងសិទ្ធិមនុស្សនៃការិយាល័យអប់រំខេត្ត Chungbuk ទៅកាន់សាលារៀន និងបណ្ណាល័យអប់រំទាំងអស់នៅទូទាំងខេត្ត។ លិខិតបរិច្ចាគបានកំណត់អត្តសញ្ញាណ Jimin សមាជិកក្រុម BTS បាន ជូនដំណឹងដល់ស្ថាប័ននានាថា មួយស្ថាប័នៗនឹងទទួលបានប្រមាណ ១០ លានវ៉ុន (ខ្ទង់៧,៥៣៣ ដុល្លារ) សម្រាប់ការទិញសៀវភៅ (មូលនិធិអភិវឌ្ឍន៍សាលារៀន)។

យោងតាមប្រភពដដែលត្រូវបានបង្ហាញថា Jimin សមាជិកក្រុម BTS បានបរិច្ចាគប្រាក់សរុបចំនួន១០០ លានវ៉ុន ខ្ទង់ ៧៥,៣៣១ ដុល្លារដោយការបរិច្ចាគ ១០ លានវ៉ុនដល់ស្ថាប័នអប់រំចំនួន ១០ នៅក្នុងខេត្ត រួមទាំងសាលារៀន និងបណ្ណាល័យផងដែរ។ ជាមួយគ្នានេះដែរ ការិយាល័យអប់រំខេត្តមានបំណងប្រើប្រាស់អំណោយដ៏សប្បុរសនេះ ដើម្បីជំរុញការទិញសៀវភៅសិស្ស និងដាក់ឱ្យដំណើរការកម្មវិធីទាក់ទងនឹងការអប់រំការអាន។

កាលពីមុន Jimin ក៏បានធ្វើការបរិច្ចាគយ៉ាងសប្បុរសផងដែរ ដូចជាអាហារូបករណ៍ដែលបានបរិច្ចាគទៅសមាគមអាហារូបករណ៍ Gangwon Education របស់ការិយាល័យអប់រំខេត្ត Gangwon ដែលមានតម្លៃប្រហែល ១០០ លានវ៉ុន។ លើសពីនេះ គេបានបរិច្ចាគជាបន្តបន្ទាប់ដល់អង្គការនានា ដែលជាទង្វើដ៏ល្អនិងគំរូបំផុតក្នុងនាមជាមនុស្សរបស់មហាជន៕

BTS ពិតជាក្រុមចម្រៀងបុរសដ៏មានឥទ្ធិពលរបស់កូរ៉េខាងត្បូង ដែលបានជំរុញឱ្យឧស្សាហកម្មតន្ត្រីពិភពលោកជួបព្យុះភ្លៀងជាមួយក្រុមចម្រៀងនេះ មិនថាការសម្តែងដ៏មានថាមពល ទឹកដមសំឡេង និងអត្ថន័យរបស់ពួកគេ ទោះបីជាឆ្នាំនេះសមាជិកខ្លះបានបំពេញកាតព្វកិច្ចហ្វឹកហាត់ទាហានក្តី តែក៏នៅអាចបង្កើតប្រវត្តិសាស្ត្របន្ថែមទៀតសម្រាប់ពួកគេ។

ក្រៅពីទទួលបានជោគជ័យដ៏អស្ចារ្យ សមាជិកក្រុម BTS ក៏បានបោះជំហានមិនគួរឱ្យជឿក្នុងនាមជាសិល្បករទោលផងដែរជាមួយសមិទ្ធិផលដ៏អស្ចារ្យពីសកម្មភាពផ្សេងទៀតគឺសមត្ថភាពរបស់ពួកគេនោះគឺសមាជិកម្នាក់ៗបានឈរឈ្មោះនៅលើតារាង Billboard Hot 100 ដ៏ល្បីល្បាញរបស់សហរដ្ឋអាម៉េរិកពេលបញ្ចេញបទទោលរៀងៗខ្លួន។

បន្ទាប់ពីដំណឹងនៃសកម្មភាពក្រុមរបស់ពួកគេបានផ្អាក សមាជិកម្នាក់ៗបានប្រឡូកក្នុងអាជីពចម្រៀងទោលរបស់ពួកគេ ខណៈដែលពួកគេបានចេញបទចម្រៀងរៀងខ្លួនដោយ ចាប់ផ្តើមពីសមាជិក Jin ដែលបានបញ្ចេញបទទោលមុនគេក្នុងចំណោមសមាជិកទាំងអស់។

មិនត្រឹមតែប៉ុណ្ណោះ ក្រុមចម្រៀងនេះបានឈរជាក្រុមអាស៊ីតែមួយគត់សមាជិកគ្រប់រូបមានឈ្មោះនៅលើតារាង HOT 100 របស់ Billboard ដោយបទចម្រៀងរបស់សមាជិក Jin ឡើងដល់លេខ ៥១ក្នុងតារាង ចំណែកឯប្រធានក្រុម RM បទលោកនៅលេខ៨៣ សមាជិក J-Hope នៅលេខ ៦០ និងបទរបស់ SUGA នៅលេខ៥៨ ។ លើសពីនេះបទ “Like Crazy” របស់ Jimin និង seven របស់ Jungkook បានឈរនៅលេខ១ក្នុងតារាង ខណៈ V បានបង្ហាញខ្លួនជាលើកដំបូងនៅលេខ ៩៦ នៅលើតារាង Billboard ជាមួយនឹងបទ “Love Me Again” ៕