ស្របពេលដែលគម្រោងសាងសង់អាកាសយានដ្ឋានអន្តរជាតិតេជោក្រុងតាខ្មៅ សម្រេចបានប្រមាណ ៥៥ភាគរយហើយនោះ ថ្មីៗនេះរដ្ឋក៏នឹងគ្រោងសាងសង់ផ្លូវល្បឿនមួយខ្សែ ចូលទៅកាន់អាកាសយានដ្ឋាននេះតែម្តង។

គម្រោងសាងសង់ផ្លូវល្បឿនលឿននេះ មានទទឹងប្រវែង៦០ម៉ែត្រ និងបណ្តោយប្រវែង១៣,៥ គីឡូម៉ែត្រ ចាប់ពីចំណុចត្រង់គល់ស្ពានអាកាសក្បាលថ្នល់ ភ្ជាប់ទៅអាកាសយានដ្ឋាន។

ចំពោះពេលវេលា នឹងថ្លៃចំណាយវិញ មិនទាន់អាចបញ្ជាក់ច្បាស់នៅឡើយនោះទេ ដោយដឹងត្រឹមថាខ្ទង់ចំណាយសម្រាប់សាងសង់ផ្លូវល្បឿនលឿនថ្មីនេះ គឺមានស្រាប់នៅក្នុងកញ្ចប់ថវិការួមនៃគម្រោងស្ពានអាកាសក្បាលថ្នល់តម្លៃប្រមាណ៣៥លានដុល្លារ។

សូមបញ្ជាក់ផងដែរថា អាកាសយានដ្ឋានអន្តរជាតិតេជោក្រុងតាខ្មៅ ដែលចំណាយទឹកប្រាក់១,៥ ពាន់លានដុល្លារអាមេរិក ក្នុងការសាងស់នោះ នឹងគ្រោងដាក់ដំណើរការនៅដើមឆ្នាំ២០២៥៕

ពិតជាល្អដូចជាឈ្មោះពិតមែន មិនត្រឹមតែមានរូបឆោមស្រស់ស្អាតប៉ុណ្ណោះទេប៉ុន្តែ យុវតី ល្អហួស ម្ចាស់ជ័យលាភីបវរកញ្ញាវ័យក្មេង Miss Preteen Cambodia 2023 ត្រូវបានមហាជនកោតសរសើរជាថ្មីបន្ទាប់ពីរាំរបាំបួងសួងថ្វាយដល់សត្វនាគនៅក្នុងកម្មវិធីមួយដោយចំណាយពេលហ្វឹកហាត់តែ៣ម៉ោងប៉ុណ្ណោះតែអាចរាំបានយ៉ាងល្អដូចអ្នកជំនាញអាជីព។

កម្មពិធីបុណ្យកតញ្ញូ ដែលប្រព្រឹត្តទៅកាលពីថ្ងៃទី១០ ធ្នូ នេះមានការចូលរួមពីសិល្បករ សិល្បការិនីជាច្រើនរូបគ្រប់កាលជំនាន់ សម្តែងបង្ហាញថ្វាយគ្រប់ទម្រង់ ភ្លេង តន្ត្រី ចាប៉ី បាសាក់ យីកេ ខោល សៀក របាំបុរាណ របាំប្រពៃណី សិល្បៈ វប្បធម៌ ក្បាច់គុន ជាច្រើនទៀតទ្រង់គ្រឿងបែបបុរាណដោយសម្តែងជូនមិនគិតថ្លៃដែលឆ្លុះភាពកតញ្ញូពីដួងចិត្តពិតរបស់អ្នកសិល្បៈ។ មួយក្នុងចំណោមតារាល្បីៗជាច្រើនរូបដែលចូលរួម ល្អហួស ក៏លេចមុខនៅក្នុងកម្មវិធីនេះដូចគ្នា។

តាមការបញ្ជាក់របស់យុវតី ជូរី ល្អហួស បានសម្តែងជាតួអង្គ ក្សត្រីនាគី១អង្គ ក្នុងចំណោមក្សត្រីនាគីទាំងប្រាំបីទិស ព្រមទាំងបានរាំរបាំបួងសួងថ្វាយទៅដល់ស្តេចនាគ អ្វីដែលកាន់តែធ្វើឱ្យអ្នកគាំទ្របើកភ្នែកធំៗនោះ ល្អហួស ប្រើពេលតិចប៉ុណ្ណោះក្នុងការហាត់រៀនរបាំខ្មែរនេះ។

ល្អហួស បានសរសេរថា «ហាត់ត្រឹមតែរយះពេលខ្លី ៣ម៉ោង របាំបួងសួង អរគុណអ្នកគ្រូ Tes Sokhon សំរាប់ការបង្ហាត់បង្រៀនកូន»។ ទន្ទឹមនឹងពាក្យពេចន៍នេះ ល្អហួស ក៏បានបង្ហោះពីរបាំបួងសួងបង្ហាញជូនទៅកាន់អ្នកគាំទ្រលើបណ្តាញសង្គមផងដែរ។

ក្រោយពីបញ្ជាក់ថាខ្លួនហាត់ត្រឹមរយៈពេល៣ម៉ោង អ្នកគាំទ្រជាច្រើនបានពោលសរសើរ ល្អហួស ដោយបង្ហាញការស្រលាញ់ទៅដល់ក្មេងស្រីរូបនេះជាសិល្បការិនីវ័យក្មេងពោរពេញដោយទេពកោសល្យមិនថាសម័យឬបុរាណ ល្អហួស តែងតែធ្វើឱ្យគ្រប់គ្នាកោតសរសើរពីសមត្ថភាពរបស់នាងដូចជាឈ្មោះគឺ ល្អទាំងព្រមតែម្តង៕

«ម្តេចយកប្រពន្ធចោលអូន» របស់តារាចម្រៀងប្រចាំផលិតកម្មសាន់ដេកញ្ញា អ៊ីវ៉ា ទទួលបានការគាំទ្រលើសលុបត្រឹមរយៈពេល២ខែបទចម្រៀងមនោសញ្ចេតនានេះមានការទស្សនារហូតដល់១០លានដង។ មិនត្រឹមតែទទួលបានការគាំទ្រពីមហាជនប៉ុណ្ណោះទេ បទនេះត្រូវបាន សំ លីដា តារាចម្រៀងវ័យក្មេងប្រចាំផលិតកម្មរស្មីហង្សមាសនិងជាម្ចាស់ពាន Cambodian Idol Junior រដូវកាលទី២ លើកយកមកបកស្រាយក្នុងកម្មវិធីប្រគំតន្រ្តីផងដែររហូតម្ចាស់ដើមពោលពាក្យនេះឡើងភ្លាម។

អ៊ីវ៉ា បានសម្តែងជាមួយគូស្នេហ៍របស់ខ្លួនក្នុងបទចម្រៀង ម្តេចយកប្រពន្ធចោលអូន ដែលជាបទមនោសញ្ចេតនាដ៏កំសត់កប់ក្នុងក្រអៅបេះដូងមនុស្សស្រីដែលត្រូវបានគូស្នេហ៍ទាត់ចោលទៅរៀបការជាមួយថ្មី បានក្លាយជាបទចម្រៀងដ៏ល្បីរបស់តារាចម្រៀងរូបនេះក្នុងផលិតកម្មសាន់ដេ ខណៈមួយរយៈក្រោយនេះពុំមានបទចម្រៀងណាក្នុងទ្រនំសាន់ដេ ដែលផ្ទុះកក្រើកខ្លាំងដូចនេះឡើយ។

ជោគជ័យមិននឹកស្មានដល់នេះ ត្រឹមរយៈពេល២ខែប៉ុណ្ណោះបទចម្រៀងខាងលើនេះផ្ទុះការគាំទ្ររហូតដល់១០លានដងនៅលើបណ្តាញសង្គមដែលបានក្លាយជាបទចម្រៀងស្រីដែលប្រើពេលលឿនបំផុតក្នុងផលិតកម្ម។ មិនត្រឹមតែផ្ទុះការគាំទ្រពីមជ្ឈដ្ឋានមហាជនប៉ុណ្ណោះទេ ម្តេចយកប្រពន្ធចោលអូន ក៏ត្រូវបានយុវតី សំ លីដា ម្ចាស់ពាន Cambodian Idol Junior រដូវកាលទី២ និងជាតារាចម្រៀងវ័យក្មេងរបស់ផលិតកម្មរស្មីហង្សមាសលើកយកមកបកស្រាយនៅក្នុងកម្មវិធីប្រគំតន្រ្តីមួយកាលពីពេលថ្មីៗនេះផងដែរ។
បន្ទាប់ពី សំ លីដា បង្ហើរសំឡេងដ៏ក្រអួនក្រអៅស្តាប់ហើយស្លុងអារម្មណ៍ជាមួយបទចម្រៀង ម្ចាស់ពានរូបនេះក៏ត្រូវបាន អ៊ីវ៉ា ម្ចាស់បទស៊ែរ ព្រមទាំងពោលពាក្យដាក់តារាវ័យក្មេងដែរថា «ស្រលាញ់សំឡេងកូននឹងតាំងពីពេលប្រលង ផ្អែមក្រអួនក្រអៅដាក់អាម្មណ៍ល្អណាស់»។

សំ លីដា បានក្លាយជាម្ចាស់ពាន Cambodian Idol Junior រដូវកាលទី២កាលពីរាត្រីថ្ងៃទី៥ ខែសីហា ឆ្នាំ២០២៣ មានស្រុកកំណើតនៅខេត្តព្រៃវែងនិងមានអាយុ១៤ឆ្នាំ។ មុនក្លាយជាម្ចាស់ពានកម្មវិធីប្រលងចម្រៀងកុមារលំដាប់ពិភពលោកនេះ លីដា ជាម្ចាស់ជ័យលាភីលេខ២ ពីកម្មវិធីយុវជនឆ្នើម ។ កុមារីរូបនេះត្រូវបានទស្សនិកពោលសរសើរទឹកដមសំឡេងដ៏មុតស្រួចរបស់នាងយ៉ាងខ្លាំងស្តាប់ហើយកាលណាគឺចាក់ចំបេះដូងអ្នកស្តាប់តែម្តង៕

លោក លាវ វេងហួរ បានតំណាងប្រទេសកម្ពុជាចូលរួមប្រកួតក្នុងកម្មវិធី Mister Friendship International ដែលថៃធ្វើជាម្ចាស់ផ្ទះ ខណៈមុនថ្ងៃផ្តាច់ព្រ័ត្រមកដល់លោកបានសាងសមិទ្ធផលឈ្នះពានរង្វាន់ Best Swimsuit ។ លើសពីនេះនៅក្នុងបទសម្ភាសជាមួយពិធីករ វេងហួរ បានលើកឈ្មោះ វណ្ណដា និងលោកគ្រូ គង់ ណៃ ដោយបង្ហាញពីបទ Time To Rise ទៅកាន់ទស្សនិកជនផងដែរ។

ដ្បិតថាទើបទទួលជ័យលាភីក្នុងស្រុកមិនបានយូរហើយត្រូវមានបេសកម្មតំណាងប្រទេសចូលរួមប្រកួតឆាកអន្តរជាតិក្តីប៉ុន្តែលោក លាវ វេងហួរ មកពីខេត្តកំពង់ធំ និងបានបញ្ចប់ការសិក្សានៅសហរដ្ឋអាម៉េរិកពិតជាមិនធ្វើឱ្យអ្នកគាំទ្រខកចិត្តនោះទេនូវសមត្ថភាពរូបរាងសង្ហារបស់លោកប្រកួតជាមួយបេក្ខភាពដទៃទៀតរហូតសាងលទ្ធផលល្អបាន១ទៅហើយមុនថ្ងៃផ្តាច់ព្រ័ត្រមកដល់។

នៅក្នុងការប្រកួត Mister Friendship International លោក លាវ វេងហួរ បានឈ្មោះពានរង្វាន់ Best Swimsuit ជាមួយប្រាក់រង្វាន់២០,០០០បាត ក្រោមការចូលរួមអបអរសាទរពីអ្នកគាំទ្រកម្ពុជានិងបណ្តាបេក្ខភាពប្រទេសផ្សេងផងដែរ។ ជាអ្នកឈ្នះ Best Swimsuit ប្រចាំឆ្នាំ២០២៣ ក្នុងការប្រកួតនេះ វេងហួរ បានផ្តល់បទសម្ភាសជាមួយពិធីករដោយក្តីរំភើបចិត្តចំពោះជ័យជម្នះនេះ។ ក្នុងបទសម្ភាសនេះដែរ ពិធីករក្នុងកម្មវិធីបានសួរសំណួរនានា ក្នុងនោះក៏បានសួរម្ចាស់ជ័យលាភីឈ្នះ Best Swimsuit ថាប្រសិនជាមានជីវិតរស់នៅ១០០ឆ្នាំហើយគ្រប់ពេលអ្នកត្រូវស្តាប់តែស្តាប់បទចម្រៀងមួយបទទេតើ វេងហួរ នឹងស្តាប់បទអ្វី?។

ឆ្លើយដោយមិនស្ទាក់ស្ទើរបេក្ខភាពរូបនេះបាននិយាយថាគឺជាបទចម្រៀងរបស់ វណ្ណដាដែលជាតារាដ៏ល្បីប្រចាំប្រទេសកម្ពុជាទៅលើបទចម្រៀងមានចំណងជើងថា Time to rise ដែលមានព្រឹទ្ធាចារ្យ គង់ ណៃ ចូលរួមក្នុងបទចម្រៀងមួយនេះ។ គ្រាន់តែបង្ហើបថាជាតារាចម្រៀង វណ្ណដា និងបទ Time to rise ពិធីករក៏បង្ហាញថារូបគេបានស្គាល់តារាចម្រៀងរ៉េប វណ្ណដា និងបទចម្រៀងនេះផងដែរ។

គួរបញ្ជាក់ផងដែរថា ការចូលរួមរបស់លោក លាវ វេងហួរ ក្នុងកម្មវិធី Mister Friendship International 2023 លោកបាននាំយកឈុតតំណាងជាតិមានឈ្មោះថា ស្តេចនាគ ទៅប្រកួត ដែលបញ្ជាក់ពីអាណាចក្រខ្មែរ គឺមានដើមកំណើតពីស្ដេចនាគតំណាងឱ្យព្រះមហាក្សត្រខ្មែរដែលមានភាពអង់អាចក្លាហាន។ នាគ គឺជាស្ដេចដែលមានអំណាច អាចរស់នៅក្នុងទឹក និងលើគោក តំណាងឱ្យធាតុទឹកសំបូររុងរឿង និងភាពត្រជាក់ត្រជុំ។ ការប្រកួតវគ្គផ្តាច់ព្រ័ត្រក្នុងកម្មវិធីនេះនឹងប្រព្រឹត្តទៅនៅថ្ងៃទី១៣ ធ្នូ ខាងមុខនេះ។

លោក លាវ វេងហួរ បានជាប់ជាម្ចាស់ជ័យលាភីក្នុងស្រុកកាលពីថ្ងៃទី២ ធ្នូ និងបានចេញទៅប្រកួតនៅប្រទេសថៃកាលពីថ្ងៃទី៥ ធ្នូ ។ លោកជាម្ចាស់ជ័យលាភីមកពីខេត្តកំពង់ធំ និងបានបញ្ចប់ការសិក្សានៅ សហរដ្ឋអាម៉េរិកហើយសព្វថ្ងៃមានអាជីពជាម៉ូដែល ជាគ្រូបង្រៀនភាសាអង់គ្លេស និងភាសាខ្មែរ ។ អ្វីដែលកាន់តែចាប់អារម្មណ៍បុរសឯករូបនេះក៏ជាអ្នកប្រដាល់និងជាគ្រូបង្ហាត់ប្រដាល់សកល ខណៈអ្នកគាំទ្ររំពឹងថាលោកនឹងទទួលជ័យជម្នះក្នុងការប្រកួតនៅប្រទេសថៃនេះផងដែរ៕