បរទេស៖ អាជ្ញាធរអ៊ីស្លង់បានជម្លៀសមនុស្សរាប់ពាន់នាក់ពេញមួយយប់ ដើម្បីចាកចេញពីទីក្រុងមួយ បន្ទាប់ពីមានការរញ្ជួយដីរាប់រយត្រូវបានកត់ត្រា ដែលបង្កឱ្យមានភាពភ័យខ្លាចនៃការផ្ទុះភ្នំភ្លើង។

យោងតាមគេហទំព័រ Euro News ដែលបានចុះផ្សាយកាលពីថ្ងៃទី១២ ខែវិច្ឆិកាថា ថ្មីៗនេះមន្ត្រីអ៊ីស្លង់បានប្រកាសដាក់ប្រទេសក្នុងភាពអាសន្ននៅលើឧបទ្វីប Reykjanes នៃភាគនិរតី បន្ទាប់ពីបានកត់ត្រាការរញ្ជួយដីភូមិសាស្ត្រសំខាន់ៗប្រហែល ៥០០ ចាប់ពីយប់ថ្ងៃទី ១០ ដល់ព្រឹកថ្ងៃទី ១១ ខែវិច្ឆិកា ដែលនេះអាចជាសញ្ញានៃការផ្ទុះកម្អែលភ្នំភ្លើងនៅតំបន់ Sundhnjukagigar នៃឧបទ្វីប។

ដូច្នេះ ប្រជាជនប្រហែល ៤,០០០ ត្រូវបានបញ្ជាឱ្យជម្លៀសចេញពេញមួយយប់ ពីទីក្រុង Grindavik ចម្ងាយប្រហែល ៤០ គីឡូម៉ែត្រភាគនិរតីនៃរដ្ឋធានី Reykjavik ។ ហេតុនេះហើយ រមណីយដ្ឋាន និងទេសចរណ៍ Blue Lagoon ក្នុងតំបន់នេះត្រូវបានបិទតាំងពីដើមសប្តាហ៍ ដើម្បីជៀសវាងហានិភ័យ។ រោងចក្រថាមពលកំដៅក្នុងផែនដី Svartsengi ដែលជាកន្លែងផ្គត់ផ្គង់អគ្គិសនី និងទឹកសំខាន់សម្រាប់អ្នកស្រុកប្រហែល ៣០,០០០ នាក់នៅលើឧបទ្វីប Reykjanes ក៏ត្រូវបានបិទមួយរយៈផងដែរ។

អ៊ីស្លង់ គឺជាប្រទេសដែលមានភ្នំភ្លើងសកម្មបំផុតនៅអឺរ៉ុប នឹងមានទីតាំងត្រួតពិនិត្យសរុបចំនួន ៣៣។ អ្នកជំនាញបាននិយាយថា បរិមាណកម្អែភ្នំភ្លើងដែលបង្ខំដោយបន្ទះភូគព្ភសាស្ត្របាននឹងកំពុងប្រមូលផ្តុំនៅជម្រៅ ៥ គីឡូម៉ែត្រក្នុងរយៈពេលប៉ុន្មានថ្ងៃកន្លងមកនេះ។ នៅយប់ថ្ងៃទី ១០ ខែវិច្ឆិកា សកម្មភាពភូគព្ភសាស្ត្របានកើតឡើងកាន់តែកៀកទៅនឹងដី ហើយកម្អែលភ្នំភ្លើងបានចាប់ផ្តើមផ្លាស់ទីបញ្ឈរ ដោយបង្រួមលើផ្ទៃផែនដី ក្នុងតំបន់រវាង Sundhnjukagigar និង Grindavik ។

យោងតាមមន្ត្រីអ៊ីស្លង់បានព្យាករណ៍ថា ការផ្ទុះកម្អែភ្នំភ្លើងនៅលើឧបទ្វីប Reykjanes អាចនឹងកើតឡើង “នៅប៉ុន្មានថ្ងៃខាងមុខ”។ ដូច្នេះ អ្នកស្រុក Grindavik ត្រូវបានជម្លៀសចេញពេញមួយយប់ បន្ទាប់ពីមន្ត្រីអ៊ីស្លង់បានវាយតម្លៃថា កម្អែលភ្នំភ្លើងអាចនឹងរំកិលចុះក្រោមទៅលើផ្ទៃដី។
គួរបញ្ជាក់ដែរថា ឧបទ្វីប Reykjanes មានការផ្ទុះភ្នំភ្លើងចំនួនបីនៅ Fagradalsfjall ក្នុងខែមីនា ឆ្នាំ ២០២១ និងខែសីហា ឆ្នាំ ២០២២ រួមទាំងខែកក្កដា ឆ្នាំ ២០២៣ ។ ទោះជាយ៉ាងណា ឧប្បត្តិហេតុទាំងបីនេះបានកើតឡើងនៅក្នុងតំបន់ឆ្ងាយពីហេដ្ឋារចនាសម្ព័ន្ធសេដ្ឋកិច្ច និងតំបន់លំនៅដ្ឋាន៕

ប្រទេសថៃ ៖ កាលពីថ្ងៃទី១២ ខែវិច្ឆិកា ឆ្នាំ២០២៣ នៅអាកាសយានដ្ឋានសុវណ្ណភូមិប្រទេសថៃ មុនពេលធ្វើដំណើរទៅចូលរួមកិច្ចប្រជុំមេដឹកនាំសេដ្ឋកិច្ច APEC លើកទី៣០ (2023 APEC Economic Leaders’ Meeting) នៅទីក្រុងសាន់ហ្វ្រែនស៊ីស្កូ រដ្ឋកាលីហ្វ័រញ៉ា សហរដ្ឋអាមេរិក លោក សេដ្ឋា ថាវីស៊ីន នាយករដ្ឋមន្ត្រី និងរដ្ឋមន្ត្រីក្រសួងហិរញ្ញវត្ថុប្រទេសថៃ បានធ្វើជាប្រធានកិច្ចប្រជុំជាមួយស្ថាប័នពាក់ព័ន្ធអំពីប្រធានបទ ៖ «ការនាំចូលសាច់ជ្រូកខុសច្បាប់ និងវិធានការការពារសុវត្ថិភាពភ្ញៀវទេសចរនៅប្រទេសថៃ» ។

លោក សេដ្ឋា ថាវីស៊ីន នាយករដ្ឋមន្ត្រីថៃបានពិភាក្សាអំពីវិធានការការពារសុវត្ថិភាពភ្ញៀវទេសចរជាមួយនាយកគ្រប់គ្រងអាជ្ញាធរទេសចរណ៍ថៃ, មេបញ្ជាការប៉ូលិសស៊ើបអង្កេតកណ្តាល, មេបញ្ជាការប៉ូលិសទេសចរណ៍ និងការិយាល័យប៉ូលិសអន្តោប្រវេសន៍ ក្នុងនោះលោកនាយករដ្ឋមន្ត្រីថៃបានបញ្ជាឱ្យប៉ូលិសទេសចរណ៍ និងអាជ្ញាធរទេសចរណ៍ថៃ ខិតខំបង្កើនទំនុកចិត្តដល់ភ្ញៀវទេសចរដែលមកកម្សាន្តនៅប្រទេសថៃ ក្នុងអំឡុងពេលចុងឆ្នាំ២០២៣ ។

ចំណែកភ្ញៀវទេសចរចិន ក្រសួងទេសចរណ៍ និងកីឡា ព្រមទាំងអាជ្ញាធរទេសចរណ៍ថៃ នឹងជជែកពិភាក្សាជាមួយស្ថានទូតចិន នៅថ្ងៃទី១៥ ខែវិច្ឆិកា ឆ្នាំ២០២៣ ដើម្បីបង្កើតគម្រោងយាមល្បាត ព្រមទាំងបញ្ជូនប៉ូលិសមកពីប្រទេសចិនមកកាន់ប្រទេសថៃ ដើម្បីមកប្រចាំការនៅតាមទីក្រុងទេសចរណ៍ធំៗ ។ គម្រោងនេះធ្លាប់បានអនុវត្តនៅតំបន់អឺរ៉ុបរួចហើយ ដូចជា ប្រទេសអ៊ីតាលី ។ ហេតុនេះ ប្រទេសថៃនឹងត្រៀមខ្លួនលើកកម្ពស់សុវត្ថិភាព ដើម្បីបង្កើតទំនុកចិត្តដល់ភ្ញៀវទេសចរចិនឱ្យបានច្រើន ។

ក្រៅពីនេះ ប្រទេសថៃនឹងចាត់វិធានការពាក់ព័ន្ធនឹងការដាក់អាវុ.ធតាមខ្លួនផងដែរ ខណៈប្រទេសថៃធ្លាប់ជួបហេតុការណ៍ផ្ទុះអាវុ.ធជាច្រើនលើកនាពេលកន្លងមក ។ ការចាត់វិធានការគ្រប់គ្រងអាវុ.ធនឹងធ្វើឱ្យភ្ញៀវទេសចរបរទេសអស់បារម្ភ ហើយថៃត្រូវការឱ្យប៉ូលិសចិនមើលឃើញពីការបំពេញការងាររបស់ថៃថា ថៃបានការពារសុវត្ថិភាពបែបណាខ្លះសម្រាប់ភ្ញៀវទេសចរបរទេស ។

វិធានការការពារសុវត្ថិភាពនៅប្រទេសថៃ មេបញ្ជាការប៉ូលិសស៊ើបអង្កេតកណ្តាល និងមេបញ្ជាការប៉ូលិសទេសចរណ៍ នឹងសហការការងារជាមួយអាជ្ញាធរទេសចរណ៍ថៃ ព្រមទាំងក្រសួងទេសចរណ៍ និងកីឡា ក្នុងនោះប្រទេសថៃនឹងយកប៉ូលិសពីប្រទេសចិនមកជួយយាមល្បាតនៅតាមទីក្រុងទេសចរណ៍ធំៗ និងតូចៗ គឺដូចគ្នានឹងប្រទេសអ៊ីតាលី ដែលធ្លាប់អនុវត្តបានជោគជ័យនាពេលកន្លងមក ។

ទោះយ៉ាងណា គេមិនទាន់ដឹងព័ត៌មានលម្អិតអំពីគម្រោងនេះទេ ប៉ុន្តែគេសង្ឃឹមថា វានឹងបង្កើនសុវត្ថិភាពដល់ភ្ញៀវទេសចរបរទេសដែលមកកម្សាន្តនៅប្រទេសថៃ ។ ម្យ៉ាងទៀត គម្រោងនេះនឹងជួយបង្កើនតួលេខភ្ញៀវទេសចរចិនក្នុងរយៈពេល២ខែនៃឆ្នាំ២០២៣ ឱ្យស្របតាមគោលដៅដែលថៃកំណត់ថា នឹងទទួលបានភ្ញៀវទេសចរចិនជាង៤លាននាក់ ។

លោក សេដ្ឋា ថាវីស៊ីន នាយករដ្ឋមន្ត្រីថៃបញ្ជាក់ថា ហេតុផលចម្បងដែលថៃចង់ឱ្យប៉ូលិសចិនចូលមកប្រទេសថៃនោះ ព្រោះយើងចង់ឱ្យប៉ូលិសចិនមើលឃើញពីការបំពេញការងាររបស់ប្រទេសថៃថា យើងបង្កើនសុវត្ថិភាពបានកម្រិតណា ។ ហេតុនេះ ប៉ូលិសចិននឹងធ្វើជាអ្នកនាំពាក្យប្រាប់ទៅភ្ញៀវទេសចរចិន ព្រោះជនជាតិចិនខ្លាចប៉ូលិសខ្លាំងណាស់ ។ ប្រសិនបើប៉ូលិសចិនមកប្រទេសថៃ វានឹងជាការបង្កើតទំនុកចិត្តដល់ប្រទេសថៃ និងភ្ញៀវទេសចរចិនមួយកម្រិតទៀត ៕ ប្រភព ៖ nation

បរទេស៖ អ្នកគាំទ្រស្តាំនិយមរាប់ពាន់នាក់បានដើរដង្ហែក្នុងទីក្រុង Warsaw ដោយអំពាវនាវឱ្យប្រទេសប៉ូឡូញត្រៀមខ្លួនចាកចេញពីសហភាពអឺរ៉ុប បន្ទាប់ពីក្រុមប្រឆាំងដែលគាំទ្រសហភាពអឺរ៉ុបបានឈ្នះការបោះឆ្នោតនីតិបញ្ញត្តិ។
យោងតាមគេហទំព័រ France 24 ដែលបានរាយការណ៍នៅថ្ងៃទី ១១ ខែវិច្ឆិកាថា មានមនុស្សប្រហែល ៤០,០០០ នាក់បានកាន់ទង់ជាតិប៉ូឡូញរួចស្រែកឱ្យប្រទេសនេះចាកចេញពីសហភាពអឺរ៉ុប ខណៈដែលប្រព័ន្ធផ្សព្វផ្សាយមួយចំនួនបានប៉ាន់ស្មានថាមនុស្សដែលចូលរួមក្នុងការដង្ហែក្បួននេះមាន ៩០,០០០ នាក់។

លោក Marcin Kowalski មេដឹកនាំក្រុមស្តាំនិយម (All-Polishi Youth) បាននិយាយថា “ប្រសិនបើសន្ធិសញ្ញាអឺរ៉ុបផ្លាស់ប្តូរ ប៉ូឡូញត្រូវតែត្រៀមខ្លួនជាស្រេចដើម្បីចាកចេញពី EU”។ លោកក៏បានព្រមានទៀតថាការផ្លាស់ប្តូរនឹងប្រែក្លាយសហភាពអឺរ៉ុបឱ្យទៅជា “សមូហភាពសហព័ន្ធនិយមអឺរ៉ុប” ដែលដឹកនាំដោយគណៈកម្មការអឺរ៉ុប។
ព្រឹត្តិការណ៍នេះបានកើតឡើងតិចជាងមួយខែបន្ទាប់ពី ប្រទេសប៉ូឡូញ បានរៀបចំការបោះឆ្នោតសភា ដោយគណបក្សស្តាំនិយម និងយុត្តិធម៌ (PiS) ដែលកំពុងកាន់អំណាច ទទួលបានសំឡេងគាំទ្រច្រើនជាងគេ ប៉ុន្តែមិនមានអាសនៈគ្រប់គ្រាន់ដើម្បីបង្កើតរដ្ឋាភិបាលទេ។

ទន្ទឹមនឹងនេះ សម្ព័ន្ធ Civic Coalition (CC) ដែលជាគណបក្សឆ្វេងនិយមរបស់អតីតមេដឹកនាំ Donald Tusk បានបញ្ចប់ក្នុងចំណាត់ថ្នាក់លេខ ២ នឹងបានរួមបញ្ចូលគ្នាជាមួយគណបក្សកណ្តាលនិយមដើម្បីទទួលបានអាសនៈចំនួន ២៤៨ ក្នុងចំណោមអាសនៈសភាសរុបចំនួន ៤៦០ ។ ទោះជាយ៉ាងណាក៏ដោយ បក្សស្តាំនិយមជឿថាលទ្ធផលបោះឆ្នោតនឹងធ្វើឱ្យឯករាជ្យភាពរបស់ប៉ូឡូញចុះខ្សោយ។

គួរបញ្ជាក់ដែរថា បច្ចុប្បន្នសភាអឺរ៉ុបកំពុងពិចារណាលើការផ្លាស់ប្តូរច្រើនជាង ២០០ លើសន្ធិសញ្ញាសហភាពអឺរ៉ុប ដែលមួយចំនួនរួមមានធាតុចម្រូងចម្រាស ដូចជាការដកសិទ្ធិវេតូរបស់រដ្ឋជាសមាជិក និងការផ្ដល់អំណាចធ្វើសេចក្តីសម្រេចគោលនយោបាយបន្ថែមទៀតនៅក្នុងវិស័យមួយចំនួនសម្រាប់ស្ថាប័នសហភាពអឺរ៉ុប៕

ភាគច្រើននៃមនុស្សដែលកំពុងតែជួបរឿងឈឺចាប់ ក្នុងបញ្ហាអ្វីមួយ មិនថាការលំបាកក្នុងជីវិត ស្នេហា ការងារ និងបញ្ហាហិរញ្ញវត្ថុជាដើម។ មានមនុស្សខ្លះ គឺមិនអាចបំបែកខ្លួនរបស់គាត់ចេញពីបញ្ហាទាំងនោះបានឡើយ ឬពេលខ្លះអាចគេចវេសក៏មាន នឹងបែបជាទៅគិតរឿងមិនល្អជាច្រើន ដែលធ្វើឱ្យខ្លួនឯងកាន់តែលង់ទៅក្នុងការឈឺចាប់បន្ថែមទៀត។ ដូច្នេះដើម្បីធ្វើឱ្យជីវិតរបស់អ្នកមានក្តីសុខប្រកបដោយសន្តិភាព និងភាពសុខសាន្តគឺមានវិធីងាយៗដូចជា៖

១.កុំគ្រប់គ្រងអ្នកដទៃ៖ ប្រសិនបើអ្នកមិនចង់គ្រប់គ្រងអ្នកដទៃវាជាជំហានដំបូងដ៏សំខាន់មួយឆ្ពោះទៅរកការរស់នៅដោយសុខសាន្ត។ កាលណាដែលអ្នកព្យាយាមគ្រប់គ្រងអ្នកដ៏ទៃ គឺព្យាយាមផ្អែកលើតម្រូវការ និងការពិតរបស់អ្នកលើអ្នកដទៃ ដូច្នេះការគ្រប់គ្រងទំនាក់ទំនងរបស់អ្នកនឹងធ្វើឱ្យអ្នកមានជម្លោះជាមួយមនុស្សផ្សេងទៀត។

២.ស្វែងរកសន្តិភាពផ្លូវចិត្ត៖ ការស្វែងរកសន្តិភាពផ្លូវចិត្តគឺជារឿងចាំបាច់សម្រាប់ការរស់នៅប្រកបដោយសន្តិភាព។ ដូច្នេះយ៉ាងហោចណាស់ម្តងក្នុងមួយថ្ងៃ អ្នកគួរចំណាយពេល ១០ នាទីនៅក្នុងកន្លែងស្ងប់ស្ងាត់ ដូចជានៅក្រោមដើមឈើដែលមានម្លប់ ឬនៅក្នុងឧទ្យាន និងកន្លែងណាមួយដែលអ្នកអាចអង្គុយស្ងៀមស្ងាត់បាន។ កាលណាដែលអ្នកព្យាយាមបំពេញជីវិតរបស់អ្នកជាមួយនឹងទ្រព្យសម្បត្តិសម្ភារៈ ឬកែលម្អខ្លួនអ្នកដោយការឡើងជណ្តើរសង្គមនឹងធ្វើឱ្យអ្នកមិនសប្បាយចិត្តជារៀងរហូត។

៣. បើកចិត្តទូលាយចំពោះយោបល់របស់អ្នកដទៃ៖ ការប្រកាន់ខ្ជាប់នូវជំនឿ និងគំនិតរបស់អ្នកដោយមិនគិតពីទស្សនៈរបស់អ្នកដទៃ នឹងនាំឱ្យអ្នករស់នៅក្នុងជីវិតដែលគ្មានសន្តិភាព។ វិធីសាស្រ្តនេះក៏អាចនាំអ្នកចូលទៅក្នុងជម្លោះយ៉ាងងាយស្រួល នៅពេលដែលអ្នកដទៃមិនយល់ស្របនឹងគំនិតរបស់អ្នក។ ដូច្នេះចូលអ្នកបើកចំហរចំពោះមតិកែលម្អ និងសុខចិត្តពិនិត្យឡើងវិញនូវការយល់ដឹងរបស់អ្នក ក៏ដូចជារស់នៅដោយសុខដុមរមនាជាមួយមនុស្សជុំវិញខ្លួន។

៤.អត់ទោសជំនួសឱ្យការសងសឹក៖ ការអភ័យទោសជំនួសឱ្យការសងសឹកគឺចាំបាច់សម្រាប់ការរស់នៅប្រកបដោយសន្តិភាព។ ការអភ័យទោសក៏អាចជួយអ្នកឱ្យរស់នៅក្នុងបច្ចុប្បន្នកាល សម្លឹងឆ្ពោះទៅមុខ ហើយក៏ជាជ័យជំនះចុងក្រោយ ព្រោះវាជួយឱ្យអ្នករីករាយនឹងជីវិតម្ដងទៀត ដោយធ្វើឱ្យស្របនឹងអតីតកាល៕