ព្រឹត្តិការណ៍ពិសេសថ្មី សប្បាយកក្រើកកោះពេជ្រម្តងទៀតហើយពីប៊ូស្រ្តង សំណាបយោងដី ស្រីយោងបុរស កាន់កំប៉ុងប៊ូស្រង់ឈ្នះរថយន្តថ្មី១គ្រឿង និងរង្វាន់ជាច្រើនទៀត។
តាំងពីល្ងាចថ្ងៃទី១២ ខែវិច្ឆិកា ឆ្នាំ២០២៣ រហូតមកដល់កណ្តាលអធ្រាធ នៅក្នុងបរិវេនកោះពេជ្រ ក្រុមហ៊ុន ភេសជ្ជៈប៉ូវកំលាំងប៊ូសស្ត្រងបានប្រារព្ធកម្មវិធីពិសេសថ្មីមួយទៀតមិនធ្លាប់មាននៅកម្ពុជា ហើយកម្មវិធីលើកនេះក៏ទទួលបានការគាំទ្រពីមហាជនមិនខុសពីកម្មវិធីកន្លងមកដែរ ក្រោមការឧបត្ថម្ភដោយប៊ូសស្ត្រង ហើយលើកនេះបេក្ខជនប្រកួតប្រជែងមានរាប់ពាន់នាក់ឯណោះ មកប្រកួតកាន់កំប៉ុងប៊ូស្រ្តង យកឡានខ្លាញ់គោ១គ្រឿង។
កម្មវិធីសំណាបយោងដី ស្រីយោងបុរស កាន់កំប៉ុងប៊ូស្រ្តងឈ្នះរថយន្តថ្មី១គ្រឿង និងរង្វាន់ជាច្រើនទៀតលើកនេះកាន់តែល្បីជាងពេលមុនទៀត ដោយបេក្ខជនចូលរួមប្រកួតកាន់តែច្រើនឡើងៗរហូតដល់រាប់ពាន់នាក់ ដែលធ្វើអោយបរិវេននៃការប្រកួត និងកម្មវិធីផ្សាយល្បីខ្ទរពេញផ្ទៃប្រទេស ផ្សាយបន្តនៅលើបណ្តាញសង្គមជាច្រើនដំណាលគ្នារ ហើយអ្វីដែលកាន់ពិសេសគឺក្រុមហ៊ុនបានបង្កើតបរិយាកាសបង្ករភាពសប្បាយរីករាយពេញទីលានប្រកួត ដោយមានការចូលរួមពីតារាល្បីជាច្រើនរូប រួមនិងការប្រគុំតន្ត្រីកំដរផងដែរ។
ចំពោះបេក្ខជនដែលចូលរួមប្រកួតត្រូវបំពេញតាមលក្ខខណ្ឌមានដូចជា ត្រូវឈដោយលើកដៃឡើងលើកាន់កំប៉ុងអោយបានយូរជាងគេ ឈជាមួយស្ត្រី ក្នុងបរិវេនមួយកំណត់ ហើយស្ត្រីឈនៅចាំជួយទប់ដៃបុរស មិនអោយធ្លាក់កំប៉ុង រឺសំយ៉ុងដៃ និងប្រសិនបើ គូប្រកួតណាមួយរហូតធ្លាក់ រឺចេញពីរង្វង់កំណត់ មានន័យថាចាញ់ការប្រកួត។
សូមបញ្ជាក់ថា គិតត្រឹមកណ្តាលរាត្រីយប់ថ្ងៃដដែល ការប្រកួតឈកាន់កំប៉ុង កំពុងបន្តយ៉ាងស្វិតស្វាញនៅឡើយ មានបេក្ខជនតិចរូបដែលបានជំរុះចេញ ខណៈមានគូប្រជែងជិតពាន់នាក់កំពុងបន្តការប្រកួតយ៉ាងស្វាហាប់នៅឡើយ។
ចំពោះជ័យលាភីលេខមួយ ប៊ូសស្ត្រងនឹងផ្ដល់រង្វាន់ឡានស្ព័រថ្មីខ្លាញ់គោ Mazda Sedan ១គ្រឿង ជ័យលាភីលេខ២ទទួលបានម៉ូតូ និងលេខ៣ទទួលបានរង្វាន់ផ្សេងទៀត មិនទាន់សង្ឃឹមបានទៅលើភាគីណាច្បាស់ប្រាកដឡើយ ដោយបេក្ខជន ឈប្រកួតពោពេញដោយថាមពលនិងជឿជាក់ ពិសេសបំផុតមានដៃគូជាភរិយា រឺជាស្ត្រីនៅចាំជួយកំដរ និងជួយទប់ដៃ សមដូចពាក្យស្លោកខ្មែរពោលថា៖ សំណាបយោងដី ស្ត្រីយោងបុរស កាន់កំប៉ុងប៊ូស្រង់ឈ្នះរថយន្តថ្មី១គ្រឿង និងរង្វាន់ជាច្រើនទៀត៕
